نزله هلالية /١٤٤٨هـ ذبلن جفوني.     لا تلوموني من محرم.       من محرم ٠٠٠٠٠٠٠٠٠٠ آنه زينب من محرم گلبي مجروح والله من كثر البواچي ذابت الروح حسين ابن امي حبيبي شفته مذبوح ما عفتهن رافگني الدمعه والنوح دمعتي بعيني.      حزني وونيني من محرم.       من محرم ٠٠٠٠٠٠٠٠٠٠ مثلي من شافت اخوها داسته الخيل من وصلته شلون حاله بآخر الليل مگطع موذر اخوي ومنحره يسيل شيبت من ذاك يومي هدّم الحيل جروحه وجروحي.    عذّبن روحي من محرم.       من محرم ٠٠٠٠٠٠٠٠٠٠ شنسه منك يا محرم دمعي سچاب لسه جرحي يسيل دمه لسه ماطاب بسهم الامثلث اخوي حسين ينصاب ينذبح ضامي يويلي فوگ الاتراب ابقه مهضومه.      حيل مالومه من محرم.       من محرم ٠٠٠٠٠٠٠٠٠٠ وبعد بية مصاب ثاني يجرح هواي مصاب ابوفاضل اخوي العاش وياي كطعوا چفوفه يويلي وماشرب ماي عاش وفاي الكفيل ومات وفاي كافل ظعوني.     تنزف عيوني من محرم.       من محرم ٠٠٠٠٠٠٠٠٠٠ اكثر جروحي احسها وكثر آلام من خذوني عالهزل مسبية للشام ناس تتشمّت شفتهه عيونها سهام وناس ترمي حجارها وتوگع بالايتام عذّبوا حالي.       ونشده بالي من محرم.       من محرم سيد زيد الفحام ٠٠٠٠٠٠٠٠٠٠ قناة دمع زینب حقيبتك بالمجلس کل ما تحتاجه تجده هنا قصائد نعي ابوذيات حديث فقط ابحث عن طلبك - liႶk : @EEEiiiii| 🖤✨ ꒷٠꒷⏝꒷۰꒷⏝꒷۰꒷⏝꒷۰꒷⏝꒷۰꒷

🎤قصيده ثكيله للعليله ع الناشر رحيل القوافي وين الحباب يعمه وين الحباب جرحي ماطاب يعمه جرحي ماطاب 😭😭😭😭😭😭😭😭😭 فاركوني احباب كلبي فاركوني بليله وحده مشو عني ودعوني ابقه كل يوم انتضر يمته يجوني اعزار كلبي غربو جنهم نسوني يلهوا لهاب اسألك يلهوا لهاب اهلي غياب نسوني اهلي غياب 😭😭😭😭😭😭😭😭😭 عمه ضليت انتضر طول الليالي انه بت حسين فاركني دلالي صار حال الضيم اه اليوم حالي من مشه عني لبو عذب احوالي عندي عتاب اكوله عندي عتاب عل لمشه وغاب يعمه عل لمشه وغاب 😭😭😭😭😭😭😭😭😭 عندي عتاب بعتابي تجري العيون راحو اهلي ودعوني ومايرجعون انه كل لليله لتمر كلبي محزون اه ياجمرت اهلي ماتنطفي اشلون شنهو الأسباب نسوني شنهو الأسباب كلبي عطاب عليهم كلبي عطاب 😭😭😭😭😭😭😭😭😭 كلبي يبويه عليك اليوم مفجوع صار مصباحي لحزن والهم والدموع ابقه انوحن وبمجانك اعلك اشموع ليش بويه حته من لماي ممنوع عيوني عل لباب يبويه عيوني عل لباب منك اجواب اريدن منك اجواب 😭😭😭😭😭😭😭😭😭 يلرحت مااضن تجيني ياضوه لعين بعدك ابجي بكل مسيه بويه يحسين ضلت توسيني عكبك ام لبنين تكلي يمه يعليله لاتونين نسل الطياب جفوني نسل الطياب وين الحباب يعمه وين الحباب 😭😭😭😭😭😭😭😭😭 بقلم خادمة الحسين الشاعرة والملاية ام حسام 🏴أنت المعزى سيدي يا صاحب الزمان ... عظم - liႶk : @EEEiiiii| 🖤✨ ꒷٠꒷⏝꒷۰꒷⏝꒷۰꒷⏝꒷۰꒷⏝꒷۰꒷

فزاعيه جنوبيه للعباس ع ((زينب الخاتونه)) حال مولاتنه زينب ع عندما تأخر العباس عليها بلرجوع بلماء 👇. ركضت للنهر    زينب  الخاتونه وشدت بيرغ العباس بـمتـونـه ........... ركضت بت علي وتصيح يمجنه يشنهي اخبار  والينه   وكافلنـه راح  ايجيب  ماي ومارجع النـه (( ام عون اتون  // يا واليها )) ........... الكافل وين  ياهلماي  حاجيني لايبطي تره  العدوان   توليني وانه امخدره العباس  يدريني ((الخوه اتلوك // اعله الهيبه )) ............. ياهيبه وكفيلي  وينها  الرايه اجيتك ياسبع صوب المسنايه مو علماي خويه ارجع  اويايه ((ماي اعيوني // عباس اشرب)) ............. عاف الماي  ماراده  ولاضااكه ونيران العطش ابروحه حراكه من غيضه يطش الماي  ابراكه ((ياموت احمر // ارحم بينه )) ........... ويامووت التدنه اعليك هليله راحت نايحه زينب  وتشكيله ياعباس شنهي النوم  والعيله ((العيله اتطش // يا حاميها )) تمت بعون الله ✍️الشاعرة زينب المالكي غير مبري الذمه لكل من يحذف الاسم من القصيده ويتلاعب بها قناة دمع زینب حقيبتك بالمجلس کل ما تحتاجه تجده هنا قصائد نعي ابوذيات حديث فقط ابحث عن طلب - liႶk : @EEEiiiii| 🖤✨ ꒷٠꒷⏝꒷۰꒷⏝꒷۰꒷⏝꒷۰꒷⏝꒷۰꒷