روضه حضرت زینب کبری سلام الله علیا غساله گلوب گوز یاشیمی سیلدی گوزومدن گوز یاشیمی پاک ایتدی ولی دوشدی دوزومدن سسلندی خانملار داخی من گیتدیم ئوزومدن معلوم اولونور بو خانمین نیسگیلی چوخدی یول یول گوریبدی بدنی صاف یری یوخدی اولسا جان اوسته باجی قارداشی قیدینده قالار باجی تابوتینی ئوز چینینه قارداشی آلار هر قدم آتدوقجا قبره طرف وای دیجک باجینی قبره قویانان صورا لای لای دیجک (الله هیچ باجینی قارداشسیز المه هیچ باجینی غریبه ئولدورمه خانم یانایانا دیدی حسین ئولورم ابوالفضل گل یامان گونومدی آی قارداش) بیریرده حسین جان ویریرم سایه ده یوخدی زینب سنه قربان اولا همسایه ده یوخدی

روضه حضرت زینب کبری سلام الله علیا حاج نادر جوادی اردبیلی

‍ حضرت ابوالفضل علیه السلام سبک نوحه:شکر اولا پروردگار تاج عشقیم باشدا قاره ای فرات اوستونده قولسوز قانینه غلطان ابوالفضل تشنه لب قیزلاریم اولسون جانیوه قربان ابوالفضل سن دوشنده مرکبوندن عرش اعلا اسدی قارداش ناله سن گهواره سینده شیرخواریم کسدی قارداش دور گئدک امکانون اولسا قارداشون بیکسدی قارداش بوردا پشتیبان عشقه یوخدی پشتیبان ابوالفضل مایۀ آرامشیدون سن حسینه غم یینده قلبیمه تسکین وئرردون جامۀ ماتم گینده داش وورانلار ال چالوللار من سنه لایلای دینده سسلرم امکانیم اولسا جان ابوالفضل جان ابوالفضل قوی ئوپوم بازولروندن یادگار حیدریمسن باشیوی الله اوجالتسین سن وفالی افسریمسن یاتما قولسوز قوملار اوسته سن منیم سرلشکریمسن آچ گوزون بیکس حسینی قویما سرگردان ابوالفضل دوزدی قوللارون دوشوبدی قولون اما بی خِللدی روبروسینده یازاللار آدوین مرد عملدی کربلاده مین مصیبت باشیمه بیرگونده گلدی دردیمه چوخ گزدیم اما تاپمادیم درمان ابوالفضل اوخ اوخ اوسته سینون اوسته قانلی نخلستانه بنذر آیه آیه سوره سوره پیکرون قرآنه بنذر ساغ گوزوندن سانجیلان اوخ بی ادب مهمانه بنذر چشم صاحبخانه اولماز منزل مهمان ابوالفضل قالمارام دنیاده سنسیز آی منیم غیرتلی شیریم یاتمارام قبریمده راحت ئولدی سرهنگ دلیریم آچ گوزون قلبیم داریخدی یاتما آی قولسوز وزیریم یاره لی

در فراق مادر درسبک (خبر دارای عاشقان ابولفضل) باقلم بهنام تخت مینا تبریزی منه خاطر یاتمیان آنا لایلای منی گوزدن آتمیان آنا لایلای صفای قلبيم آنام لایلای دوای دردیم آنام لایلای غمونده گوزیاشیم هی آخار آغلار بوقلبمی یاندروب یاخار آغلار دوشنده یاده اورک سنی ایستر بالالارون عکسیوه باخار آغلار صفای قلبيم آنام لایلای دوای دردیم آنام لایلای آنا قدرون چوخلی کاشکی بولیدیم سنون هرگون خوش اوزیوی گوریدیم گئدندن سن ورد ذکریم اولوبدی اولونجه سن کاش آنا من اولیدیم صفای قلبيم آنام لایلای دوای دردیم آنام لایلای اورگ سنسیز هیچ غمه داها دوزمز سنون تک هیچ کس بودردیمی بولمز منه سلطانلار گله اولا یولداش سنون بیر لحظه یرون منه ویرمز صفای قلبيم آنام لایلای دوای دردیم آنام لایلای

سبک نوحه بانوای بهنام تخت مینا تبریز

چالما لای لای باشیم اوسته یاتمارام گلم فغانه بو گجه گویلوم چوخ ایستور آغلیام من یانه یانه دور ئوزون بیر بیر خبر ویر بو آدامسیز کاروانه سرور نیزه سوار کاروانیم گلدی عمه کاش اولیدی بیرده باهم جان تاپوب کامه چاتیدوخ عشق مقیاسینده دلدن آیرلوخ دردین آتیدوخ (عمه بیله آرزوم بودی) بوگجه مظلوم باباملان قول بویون باهم یاتیدوخ نیلمک یوخدی چاره اشک خون فشانیم گلدی عمه

💠حاج نادر جوادی 😭😭 ✅شهادت حضرت رقیه(س) نوحه در شور عربی مقام صبا

روضه توسل به حضرت رقیه(س) باغبانا سارالان گلری گوردوم یوخودا جدیمیز حضرت پیغمبری گوردوم یوخودا من دیردیم عموم عباس منی گوزدن آتوب نهر علقمده کسوک الری گوردوم یوخودا امر ایله باد صبا ایلیه صغرایه خبر ائلرین سوسگولوسی اکبری گوردوم یوخودا یاخجی تعبیر ایلدی یاره لی باشی یوخومی اول شب بو سر اطهری گوردوم یوخودا دیسگینیردیم بابا عمم منی بیدار ایلدی خولی یا زجر ستم پروری گوردوم یوخودا نه بولیدیم یوخودا قتلگهه گتملیم شمر الینده او یالین خنجری گوردوم یوخودا اول شب که هراسان گوزومی یومدوم من آچلوب دیده دل محشری گوردوم یوخودا انبیا و صلها و عرفا و شهدا بتن خلقتدن الی آخری گوردوم یوخودا آختاروردی او کشاکشده هره بیر شاهد منده پهلوسی سنان مادری گوردوم یوخودا ایستدیم سایه زهرایه پناهنده اولام سینه سینده نفر دیگری گوردوم یوخودا آنام آلمشدی قوجاقه صودامر قارداشیمی گورولان محکمده اصغری گوردوم یوخودا گتدیلر حرمله نی دادگه عدله طرف فوق ذلتله او طغیانگری گوردون یوخودا حرمله قولاری باغلی ولی اصغر ال آچوخ آچلوب قارداشیمون الری گوردوم یوخودا آغلیا آغلیا باخدی ننمین گوزلرینه گورسدور قاتل شوم اختری گوردوم یوخودا قورخا قورخا دیدی بیردن بومنی وردی ننه کسیلن حنجریلن خنجری گوردوم یوخودا او دانشدیقجا قان آغزندان آخوردی بلگه سیلیر اول قانی بابام حیدری گوردوم یوخودا (یارالی باشی باسوب اورگینین باشنا باخدی باخدی یارالی باشاگوردی یوز گوزی قانلدی کوله بلشیب یارالی باش دیدی) وار بوسه نین آثاری لبونده کیمیله بوسلشیب سن هاردا قوناقیدون کوله قانه بلشیب سن

#حاج_طاهر_رحیمی توسل :حضرت رقیه(س) (۱)

🏴در فراق پدر و مادر🏴 سبک یخیلدی سقا یئره نوحه در دشتی ✍شاعر : علی عبدی منیم آنام جان آنام گیتمه مهربان آنام دالونجا اولادیوی ایتمه باغریقان آنام آی ننه آی ننه عکسیوی قوجاقلارام حسرتیله باخوب گُل یوزوه آغلارام ائوین چراغی آنا باغ و بولاغی آنا نئجه تحمل اِئدیم من بو فراقی آنا ای بئیودن نازیلن گونده اوشاقی آنا کیم آتار اولادینی خوشلار اوزاقی آنا جان ننه ، جان ننه قبریوه قربان ننه گل منیم ، یوخوما بیر گئجه مهمان ننه 🏴🏴🏴🏴🏴 بیر دویونجاق ئوپبَدیم اَل اَیاقیوی سنون آغلارام گورن زمان بوش اوطاقیوی سنون آی ننه آی ننه داده گل هایانداسان بیرمنیم باشیمه چک سن اَل هایانداسان منیم آنا چوخلی سن زحمتیمی چکمیشن محبتین اورکده ریشه سینی اَکمیشن خونِ دِلیلن آنا سن منی یکتمیشن بو اهلبیتین آدین سن منه اورگتمیشن جان ننه ، جان ننه قبریوه قربان ننه گل منیم ، یوخوما بیر گئجه مهمان ننه

🏴فراق مادر 🏴 🏴شعرازحقیر ؛ علی عبدی الهی وئر منه گوزیاش اِئدیم فغان ننه مه وجودی شمعی تک اولادینه یانان ننه مه اورک داریخسا فراقینده دسته گل آلارام هدیه اِیلییرم قبریده یاتان ننه مه ائوویمده دیزلریمی من قوجاقیمه آلارام یواش یواش اولونار گوزیاشیم روان ننه مه چکوبدی چوخ گئجه اولادی اوسته بی خوابی بجادی وئرسله گر لوح قهرمان ننه مه منیم ایاقیمه قویدی جوانلقین نئچه ائیل جفادی آغلاماسام بیله مهربان ننه مه آنا اَیاقینین آلتیندا ثبت اولوبدی بهشت حدیثی خاتم مرسل اِئدیب بیان ننه مه کاش ایندی زنده اولیدی ئوپیدیم اَل اَیاقین اورک تاپاردی صفا من دیَّنده جان ننه مه اگر اولیدی توانیمده بیر گون اِیلردیم تمام مادح دنیانی روضه خوان ننه مه دولاندی باشیمه دنیا گئدنده قبر ائوونه گوزوم یاغیش اورگیم اولدی باغریقان ننه مه چکولدی قاره ائووه خویش و اَقربا گلدی قورولدی مجلس ماتم همان زمان ننه مه یازولدی سوز آنادان ای قلم گریزین آپار مدینه ده گئجه هنگامه دفن اولان ننه مه نه دردین اولسا سنون ساخلاما اورکده دینن فشار دربیله پهلولری سینان ننه مه قاپی دالیندا خانم ناگران دایانمیشیدی آچیلدی ضرب لگدلن او ناگهان ننه مه قاپی دالیندا قیزارمیشدی بیرنئچه مسمار باتوبدی سرعتیله سینه سی یانان ننه مه اوجالدی سس اوهیاهوده وای بالام ئولدی کنیزه فضه یتیردی ئوزون جوان ننه مه گوروبدی فاطمه نین یئرده پیکرین بی هوش دیدی الهی ئوزون وئر دوباره جان ننه مه یواش یواش اوگلوب هوشه آچدی قانلی گوزون توکوبدی گوزیاشینی اَهل دودمان ننه مه ائلیکی آغلادی کلثوم و زینب و حَسَنین اوجاتدی ناله سینی گوگده قدسیان ننه مه او قدری چکمدی ئولدی پیمبرین بالاسی ائدیبله غسل و کفن گل کیمی سولان ننه مه یارالی جسمی همان شب قویوبلا تابوته بقیع مزاری همیشه اولوب مکان ننه مه

#نوای_ماندگار 🏴در فراق مادر 🎼سبک: گلدیم هرایه آی قهرمان اباالفضل سوندی چراغ خانه تار اولدی آشیانه گلوق آنا غمونده قارداش باجی فغانه لایلای آناما لایلای ... ای قلبیمون توانی لطف حقین نشانی یاندیردی نارهجرون بوگونده جسم وجانی لایلای آناما لایلای ... غملی دیلین قواسی گوزلریمون ضیاسی یات قبرائوینده راحت ای دیلرین صفاسی لایلای آناما لایلای ... صحرای دل مارالی دوشدون ندن آرالی تیرفراقون ائتدی بوقلبیمی یارالی لایلای آناما لایلای ... عشقیله گل بجردن حائل اولان خطردن غمدیده گللروی سالدون ندن نظردن لایلای آناما لایلای ... ای معدن عطوفت گنجینه سخاوت دورآل بیزی قوجاقه لطفیله ایت عنایت لایلای آناما لایلای ... آشفته دور خیالیم گلمزسانا ملالیم گتدی سنیله قبره بودهریده جلالیم لایلای آناما لایلای ... ایکاش آنا ئولیدیم غملردن قورتولیدیم بوغم قالوب اورکده دردون ندور بولیدیم لایلای آناما لایلای ... غمدن یانار (جوانی) عرشه چخارفغانی رویاده گوگلی ایستر گورسون هر گون آنانی لایلای آناما لایلای ... #زمزمه فراق مادر