استمداد از امام زمان سبک چو گیسوی تو من به قلم کربلایی صابرثمودی 🖤🖤🖤🖤🖤🖤🖤🖤🖤 گل ای یابن الحسن ماه محرم باشلانور گل بوغمده شیعه لر قانی اورکدن جوشلانور گل گل ای سرویم گوزل رهبریم گوزوم یولدادی منیم دلبریم ...... محرم گلوب .....مه غم گلوب ......گئیب شیعه قرا .......مه ماتم گلوب گل ای عالملرین مولاسی تئز گل آقا یابن الحسن 3 🖤🖤🖤🖤🖤🖤🖤🖤🖤🖤🖤🖤 سنه عاشقلرون عرض ارادت ایلیولر سنه زهرا عزیزی تسلیت لر سویلیولر آقا جان آ قا سنه من فدا اولوب جدون شهید باشون ساغ اولا ......اولور زمرمه ........آقا دوز غمه .....آقا صبر ائله .........غم اعظمه گل ای عالملرین مولاسی تئز گل آقا یابن الحسن3 🖤🖤🖤🖤🖤🖤🖤🖤🖤🖤🖤🖤 اجازه وئر آقا بیز باشلیاخ شور و نوانی گلیبلر شیعه لر تک قویماسین صاحب عزانی کمان قاشیوه دونوم باشیوه ثمودی فدا او گوز یاشیوه .......قرا باغلوسان ......کی قان آغلوسان .......حسینین ماتمینده .......ئورک داغلوسان گل ای عالملرین مولاسی تئز گل آقا یابن الحسن 3 🖤🖤🖤🖤🖤🖤🖤🖤🖤🖤🖤🖤

ورود ماه محرم ➖➖➖➖➖➖➖➖➖➖ یاخونلاشوبدی محرم عزا هواسی گلور باخاندا هرطرفه وا حسین صداسی گلور سزادی شوره گله بلبلان بزم حسین مشام جانه گینه عطر کربلاسی گلور منانی ترک ائلیوب مکه و منا اوغلی منای عشقه یانیندا نچه فداسی گلور صفا و زمزمی آغلار قویوب دالیجا حسین دیار یاره طرف قلبیده صفاسی گلور اورک گوزیله باخاندا معایناً گورورم نئجه جلالیله پیغمبرین بالاسی گلور قاباقدا ماه بنی هاشم الده پرچم نصر وفالی قارداشی، عباس با وفاسی گلور علیّ اکبر او ماه مدینه صاق طرفینده شبیه احمد مرسل، او مه لقاسی گلور حسن نشانه‌سی،اول ماه بی قرینه صولوندا یوزینده نور حسندن وار انجلاسی گلور او ماهلر دالیسیجان دوشوب ستاره مثالی او صود امر بالاسی، ماه دلرباسی گلور اودا گلور آلا کامین کمان حرمله دن خیاله حرمله نون ائتدیگی جفاسی گلور گوزومده جلوه لنور اوخلانوب علی اصغر اودور قولاقه ربابینده آه و واسی گلور ائله سیزیلدوری سویلور علی آنان ئولسون نه قاندی بو بوغازوندان آخور بقاسی گلور شل اولسون اللری بو یاره نی سنه ویرانون نه یاره دور اثریندن اجل بناسی گلور نجه بو حالوه تاب ایلیوم من آغلامیوم ندیم؟ یانور اورگیم،گوگلومون نواسی گلور علی بو حالتله هانسی آنا دوزر دایانار گوره که قانه باتوب صود امر بالاسی گلور دئدیم بالام سو ایچوب دینجلوب گنه گله جاق یرین سالوم بالامون یوخلاماق هواسی گلور ولیک فکر ائلموردوم نه ظلم ائدر دشمن الینده حرمله نون تیر پر خطاسی گلور بونی خیال ائلموردوم بالام باتار قانه الینده قرمزی گل تک دوتار آتاسی گلور شدید ایله الهی اوزون عذابلرین مگر نه وقته کیمی صبرون انتهاسی گلور قالوبدی یرده او حق قان که توکدولر ناحق او وقت عوض اولاجاق عصر پیشواسی گلور قالوبدی گوزلری یولدا فغان ائدور شب وروز نه وقت اولار که گوره « زاهد » اوز آقاسی 📝 رجبعلی محمدی (زاهد زنجانی) #ورود_محرم

گلور بوی محرم یا ابوالفضل یتشدی ماه ماتم یا ابوالفضل گنه عاشقلرون جولان وئروللر سنه خاطر آقا احسان وئروللر آچیب سفره سنه احسان وئروللر قالیب حیرتده حاتم یا ابوالفضل گئیب قاره هامی ایرانین اهلی سنه عاشقدی بو دنیانین اهلی دوشرپیچ وخمه شیطانین اهلی اسنده قاره پرچم یا ابوالفضل اولوب بازار عشقون گورنه رایج آلور دردی اولان سندن نتایج تانور دنیا سنی باب الحوائج سنی سسلر بو عالم یا ابوالفضل آدون عاشقلره عزتدی والله مدال عزت و شوکتدی والله بو سرمایه بیزه نعمتدی والله اولوب عشقون مکرم یا ابوالفضل سنی بزم عزاده هامی سسلر سنه خاطر قره کوینک گئیه لر بو آدی بیز لره اورگتدی مادر دئدی سسله دمادم یا ابوالفضل سنون وار حرمتون زهرا یانندا عزیز ائتدون اوزون مولا یانندا سودان میل ائتمدون دریا یانندا اولوب شرمنده علقم یا ابوالفضل #ورود_محرم

▪️اول محرم 🎼سبک: آنووی جذبه عشقون هارا گور چکدی حسین.. شیعه لرآماده اولسون فصل ماتم باشلانور گرم اولور عشق آل ویری یعنی محَرَم باشلانور جان حسین جانم حسین جانِ جانانم حسین _________________________ مشتری هرکیمدی گلسون عشق دانشگاهینه نقد جان الده گتورسون زینبون درگاهینه کربلا جنّتدی آند اولسون ربابون آهنینه فصل تَکریم شهیدان مُعَظّم باشلانور _____________________ شعر حُریّت اوخور هر بنده که آزاده دی جوش ایدن قانلار محبّت ساغرینده باده دی عشق اودیندا یانماقا پروانه لَر آماده دی جسم بی جانلار، مَسیحادن آلا دَم باشلانور ______________________ جاودان نعمتدی ذکر یاحسین انسانلارا عشق ممتازی اونون فرمانروادور جانلارا بیز حسینون مستیوک، آمادیوک طوفانلارا لطف حقدن احتزاز قاره پرچم باشلانور ____________________ گوز یُومار صرّاف لر، یاقوتیدن اَلماسیدن سینه لر آئینه تک تصویرآچار احساسیدن آز قالور دوتسون حَرَملَر دامن عباسیدن قصۀ لب تشنگانِ نَهر عَلقَم باشلانور _____________________ نینوا بیر یردی اوردا نقدجان سُوداسی وار نیمۀ شَبدَه، حسین وساربان سُوداسی وار غارت اخیام وار، تیر و کمان سُوداسی وار اصغرون اوخلانماقی، قول باغلی کَم کَم باشلانور _______________________ آزقالور دست حسین دامان دلبر دوتماقا آزقالور یتمش ایکی باشسزبَدَن پَردوتماقا آز قالور زهرا قیزی مقتلده خَنجَر دوتماقا ای حسینچی، باغلا اِحرام عَزا، غَم باشلانور ________________________ ✍بقلم سیف الشعراء استاد سیفی اردبیلی

«بسم رب المهدے» #زمزمه_ترکی #جمعه_های_انتظار 🎶سبک:یارالی جان یارالی.... ─━⊰••❃❀❃••⊱━─ آی یؤزون گؤرمگه حسرتده قالیب گؤزلریمیز گؤز اِئوینده دولانور دائمـاً اشک تریمیز دولانور گؤنلریمیز ، هفته لر، آیلار سووشور نیه گلمور آقامیز هاردا قالیب دلبریمیز؟ نگران یولارینا هر سحر آخشام باخیروق اوخوروق دیلده دعا تا گله تئز رهبریمیز آی کیمی چیخسا قرانلوق گئجه میز تئز سووشار سحر اِیلَر گِئجه نی ماهِ مَلَک منظریمیز یارادیب الله اُونی تاج ، ولایت باشیـــنا یوخ امامت صدفینده اونا تای گوهریمیز هر نبی دن آقانین واردی وجودینده نشان منبــــع معجـــزه دور وارث پیغمبــریمیز خاتم مُلکِ وِلا ، مُلک امامت قاشی دور بس دل آرا دی او پیغمبره چوخ بنزیمیز گِئچدی بوجمعه ولی گلمَه دی زهرا گؤزلی هجریدن قانه دؤنؤرجمعه لر اشک تریمیز ─━⊰••❃❀❃••⊱━─ ✍رقیه سعیدی(کیمیا) ۱۴۰۲/۱۰/۱۵ #امام_زمان_عج_الله #جمعه_های_دلتنگی

✨خدایا 💙 تو را به رحمتت قسم زندگی مان را به گوشه ی چادری پیوند بزن، که فردای قیامت شفیع ما باشد. و به برکت نامش زندگیمان متبرک گردد... یا زهرا(س) ✨خدایا🙏 سپاس برای تمام شبهای زیبا و غروب‌هایی که دیدم برای شکیبایی و صبری که اجازه داد‌ لحظه‌های بزرگ اندوه را تحمل کنم زیرا زندگی با وجود همه غمها باز هم زیباست.   هیچ‌وقت نگران آینده‌ی ✨ ناشناخته‌ات نباش وقتی خدای شناخته شده‌ای داری شبتون مهدوی سرشار از انوار الهی 🌸🌙 اللهم عجل لولیک الفرج 🤲

ذکر و تقویم روز و سلام صبحگاهی ارباب ــــــــــــــــــــــــــــــــــــ #ذکر_روز شنبه يا رب العالمین. (100مرتبه) ــــــــــــــــــــــــــــــــــــ #شنبه »»»»» ‌۱۴۰۳/۴/۹ 🙏سلام صبحگاهی ارباب بی کفن... 💓💓💓💓💓 به رسم هر روز صبح با سلام بر ارباب بی کفن روز مون رو شروع کنیم... 🌺🍃🌸🍃🌺 اَلسَّلامُ عَلَيْكَ يا اَبا عَبْدِاللهِ ، وَعَلَى الاَْرْواحِ الَّتي حَلَّتْ بِفِنائِكَ ، عَلَيْكَ مِنّي سَلامُ اللهِ اَبَداً ما بَقيتُ وَبَقِيَ اللَّيْلُ وَالنَّهارُ ، وَلا جَعَلَهُ اللهُ آخِرَ الْعَهْدِ مِنّي لِزِيارَتِكُم ، ❤️ اَلسَّلامُ عَلَى الْحُسَيْنِ 💚وَعَلى عَلِيِّ بْنِ الْحُسَيْنِ 💛وَعَـلـى اَوْلادِ الْحُسَيْنِ 💙وَعَلى اَصْحابِ الْحُسَيْنِ ﷽🍁 ✨اَللّهُمَّ عَجِّل لِوَلیِّکَ الفَرَج✨

محرمون گلدی آقا یاحسین شیعه لرون گیدی قرا یاحسین حسین حسین جان حسین جان سنه قربان حسین   ای آدی گوشوارهٔ عرش برین چکدی سنون نازیوی روح الامین سینهٔ زهرا گُلوسن بی قَرین سنله جهان تاپدی صفا یاحسین   سایه وی کسمه باشیمیزدان آقا امتون اولدی ئورگی قان آقا کرب و بلایه ائله مهمان آقا سنده دی بو درده دوا یاحسین   یاسه گلوب حسینی لرسربه سر باشین آچوب دلدن حسین وای دیر مسجد و محرابه قرا چکدیلر عالَم اولوب بزم عزا یاحسین   ناله ائدور گویده ملکلر سنه اهل ولا یرده گلوب شیونه آز قالور آفت یتشه گلشنه غنچه لرون پرپر اولا یاحسین   فاطمه جنتده اورک داغلوری اوغلی حسینون حالنا آغلوری باشینه بوغمده قرا باغلوری دلدن ائدور آه ونوا یاحسین   ائیل دولانوب ماه محرم گلوب نالیه عرش اهلی دمادم گلوب دسته لر الده قره پرچم گلوب موج ائدوری بحر بلا یاحسین   ای سو کنارینده سوسوز جان وئرن جاننی جانانینه عطشان وئرن دینینه یتمیش ایکی قربان وئرن ای ایلین عهده وفا یاحسین   وار یری شیعه سنه دلدن یانا چون بدنون یاره سی گلمز سانا قتلگه ایچره بویانوبسان قانا اورک یاراسینه یارا یاحسین   یاره دگنده دل ناشادیوه اولمادی بیر کس یتشه دادیوه گلدی حسین جان باجون امدادیوه سسلدی دور یاندیم اخا یاحسین   «شاجری» یاز نوحه حسینه مدام یازدیقیوی دفتره ائت انضمام دردیوی یالوار دئ آقایه تمام عرض ایله ای کان سخا یاحسین

🍁بسم الله الرحمن الرحیم 🍁 ‍ 🏴ورود به ماه محرم 🎼 سائلم قاپوندا حسین .. باشلانور محرم آقا گیدی شیعه قاره گوزلریم فدادی آقا سن یاتان مزاره گیمیشم قاروی گلمیشم عزایه ایسته گلسون عزاداری کربلایه آدون ازبریمدی آقا سسلرم قاپوندا عبدخانه زادم سنه چاکرم قاپوندا قیل نظر بو زاره آقا نوکرم قاپوندا بیر نظر قیل من زار و بی نوایه ایسته گلسون عزاداری کربلایه باشیمه دوشوبدور گنه کربلا هواسی چوخدی کربلانون غم و محنت وبلاسی زینبون او چولده گئدوب غارته اساسی زینبی سالدیلار گور نه ابتلایه ایسته گلسون عزاداری کربلایه حق یولوندا گئتدی آقا قانه باتدی اکبر اوخلانوب ال اوسته‌گوزل شیرخواره اصغر وئردی جان سو اوسته حسین ساقی دلاور نقش اولوب پیکری دشت نینوایه ایسته گلسون عزاداری کربلایه سن شهید اولاندا حسین گیدی قاره زهرا قان اولوب غمونده حسین اشک چشم حورا نعشون اوسته گلدی اودم حیدریله طاها سسلیوبلر بالا گلمیشوک عزایه ایسته گلسون عزاداری کربلایه ✍شادروان فرهاد فکری اردبیلی التماس دعا...

#حرمت_عزای_حسین_ع او کس کی مست حسیندور قورار سُرور عزا یوزون گوزون بوروير لَمعه لَمعه نور عزا او کس کی مست حسیندور شرابه ناز ائلیر ئورک پیاله سينه دولدورار شعور عزا او کس کی مست حسیندور همیشه مست یاشار گوزونده گوز یاشینی ایلیر بلور عزا حسیندی سبزترین کلمۀ کتاب بهشت همان بهشتی کی ساکندی اوردا حور عزا حسینون آدی گلنده اليم ایاقیم اسر دوتار وجودیمی باشدان اياقه شور عزا حسینون آدی گلنده فرشته لر باش آچار تنور خولی کیمین گرم اولار تنور عزا حسیندی حضرت موسای دشت عاشورا حسیندی روضۀ سینا، حسیندی طور عزا حسین او داغدى داغیلدی کویر مرثيه ده کی تا قیامته جک سینميا غرور عزا بو سوز کی من یازورام سر شاه تعزیه دی حسین یخیلدیقی یِر زادگاه تعزیه دی حسینی کیم تانيسا ابتلادن آیریلماز دوشر بلالره اما بلادن آیریلماز حسینی کیم تانيسا میثم مدینه کیمین دیلینده کسسه لر، آل عبادن آیریلماز حسینی کیم تانيسا حُرّ اولوب گئیر احرام منای عشقیده سعی و صفادن آیریلماز حسینی کیم تانيسا بی حسین نفس چکمز بهشته گئتسه ده کرب و بلادن آیریلماز حسیندی باقی اعظم حسیندی ساقی غم او کس کی مست حسیندور بقادن آیریلماز حسینه عاشق اولان نینوا اسیری اولار سیزیلدیار گجه گوندوز نوادن آیریلماز حسینه عاشق اولان تا ابد حسینی یاشار شریف اولوب شرف انبيادن آیریلماز وهب کیمین چکیلر داره یار عشقینده مسیحی اولسادا خطِّ ولادن آیریلماز وئرنده جان چکر عمق وجودیدن بیر آه دئیر کی اَشهد اَنَّ حسین ذبیح الله حسین او جاندی کی اولدی نثار عاشورا حسیندی سرور نیزه سوار عاشورا جلاله باخ، یازیلوب تاج عشقه نوريلن حسیندی تا به ابد تاجدار عاشورا دئدیم گُله، نیه گولمز یوزون محرّمده بویوردی گُللر اولار سوگوار عاشورا دئدیم اوتا، نیه آرتار بو آیدا شعله لرون دئدی دوشر یادیما شعله زار عاشورا نه گل، نه اوت، وار عقیده م منیم هر ایل اون گون تمام خلقت اولار داغدار عاشورا بو داغ، داغِ حسیندور، دواسی گوز یاشیدی او دور کی عالم اولار اشکبار عاشورا او دم کی قويدى قدم وعده گاه عشقه حسین بو داغی درک ائله دی شوره زار عاشورا یازولّا دوم ماه عزا، گونورتا چاقی يتیشدی کرب و بلایه قطار عاشورا بنای ناب محبت تیکیلدی خشت به خشت قوتاردی رنج سفردن مسافران بهشت ویریلدی زنگ توقف، کسیلدی آوالر کویر درد و غمه وارد اولدی دریالر صلیب عشقین آلوب عطرين اَندی مرکبدن جهاندا عشق صليبين گزن مسیحالر دایاندی اكبر اذان وئردی تلين اوستونده اونون اذان سسینه عاشق اولدی صحرالر کجاوه دن یِره اَندی کبوتران حرم منوّر ائتدی او صحرانی ماه سيمالر غروب لحظه لریدی، داریخدی شاه غریب قفس کیمین ئورگین سیخدی غملی مأوالر گئدوب فراته طرف بیر اووج سو آلدى اَله سارالدی رنگی، گوزی دولدی، گئتدی یارالر باخوب سوا، دئدی ای سو ایشیم دوشوبدی سنه خدا بیلور کی بو ایشده باتوب معمّالر سنی قسم وئرورم محسنی ئولن خانیما همان خانم کی اَلیندن ئوپردی حورالر سن ای سو سعی ائله شمع بلانی یاندیرما منیم یانیمدا اباالفضلیمی اوتانديرما بو غملی دشتیده غوغا یارات ، قیامت ائله سو مشکی الده گلن قهرمانه، خدمت ائله امید قافله می ناامید سالما يولا سوسوز قوناقوه ای سو آماندی حرمت ائله او انمه میش یره سن قالخ اياقه اوجونا دول اونون علم یاپیشان اللرین زیارت ائله یارالی اولسا اگر يو یاراسینون قانینی وجودوی او قیزیل قانیلن طهارت ائله سوسوزلارا او سو قولی وئرر گلنده بورا گلن قدملرینه بوسه وير، محبت ائله رقیه نون قاباقیندا اونی اوتانديرما سو اوسته ساقی عطشانیمی حمایت ائله بو قانلی دشتیده قویما اونی خجالت ئوله یوبانما مشکینه تئز دول، دوباره همت ائله او سو يولوندا گوزوندن کئچر ربابه گوره آماندی سنده ربابين حالين رعایت ائله دئمورم هئچ سنه آل ترابه رحم ایله دئیورم اصغره خاطر ربابه رحم ایله 📝 بهزاد قاسمی

عرض سلام و ارادت به اباعبدالله الحسین علیه السلام 📝 کربلایی صابر ثمودی 🎵 سبک : جان آقا سنه قربان آقا ➖➖➖➖➖➖➖➖➖➖ گُلِ زهرایه سلام دلبر طاهایه سلام زینت عالمیان سرو دل آرایه سلام نور خدا سن سن دلبر و دلداده درگهیوه گلدیم ای شه آزاده جان آقا سنه قربان آقا سید العطشان آقا جان آقا سنه قربان آقا سید العطشان آقا السلام ای نور ِ جلی پورِ علی جانم حسین قیل کرم بیزلره زهرا گوزلی جانم حسین حضرت ِ زهرایه سویگولی جانان سان گلشنِ طاهاده. عطریلی ریحان سان جان آقا سنه قربان آقا سید العطشان آقا جان آقا سنه قربان آقا سید العطشان آقا درِ جودینده منیم واردی گوزوم شاهِ کرم گینه زهرا بالاسی باش دوشور شوق ِ حرم شوق حرم وار باشدا. ایله نظر جانانیم قبریوه دعوت ائت سن منی سلطانیم جان آقا سنه قربان آقا سید العطشان آقا جان آقا سنه قربان آقا سید العطشان آقا کربلاده باشووا ییغ آقا پروانه لری قات او پروانه لره من کیمی دیوانه لری کرب و بلا عشقینده .نازلی نگاریم آقا نه گجه نه گوندوزی یوخدی قراریم آقا جان آقا سنه قربان آقا سید العطشان آقا جان آقا سنه قربان آقا سید العطشان گر چه ایللردی( ثمودی )دولانور روضه لری گلرم هیئتیوه بوشلامیشام سیم و زری دلده سرشتیم سن سن دیر و کنشتیم سن سن جنّته یوخ رغبتیم تنها بهشتیم سن سن جان آقا سنه قربان آقا سید العطشان آقا جان آقا سنه قربان آقا سید العطشان آقا

عکس پروفایل محرم