▪️زبانحال حضرت رباب (س) ✍بقلم استاد کربلایی رحیم شایان #سبک_نهر_فرات_اوسته_حسین_جان #سبک_گل_باجی_آل_اصغری_مندن ای سود امر تشنه مارالیم قانلی دوداقلاریوه قربان حرمله ده اولمادی انصاف ایتدی سنی قانیوه غلطان سه شعبه اوخ ووردی. گلوی عطشاندان اوغول سیراب اولدون. سبوی پیکاندان بالام لای لای گولوم لای لای بالام لای لای گولوم لای لای ئولموشودون سوز عطشدن اوخ آرادا اولدی بهانه توش ائله دی روح ربابی حشره کیمی آه و فغانه گئجه گوندوز آغلار سنون هجرانینده قالار فکر و ذکری. لب عطشانینده بالام لای لای گولوم لای لای بالام لای لای گولوم لای لای نیسگیلین ئولدوردی ربابی باغلامیشام اللرون اصغر نه بیر ایاق دوتدون عزیزیم گورمدیم هیچ دیللرون اصغر شرار ظلمتدن. علی اودلاندون سن جفای اعدادن. سوسوز اوخلاندون سن بالام لای لای گولوم لای لای بالام لای لای گولوم لای لای ئولسم اگر وار یری اصغر آرزولاریم قالدی اورکده وئرمدیلر سو سنه اما آخدی باشین قانلی بلکده سنین احوالیوه. بالا دشمن آغلار آنان دا حشره جک سنه سینه داغلار بالام لای لای. گولوم لای لای بالام لای لای گولوم لای لای سینه مه گر سود گله اصغر فاطمه آلامینی بیللم ناله م ائدر گویلره تاثیر صبحه کیمی ئولوپ دیریللم یارالی دلبندیم. صفالی فرزندیم فلک بیرده گورمز دوداقدا لبخندیم بالام لای لای. گولوم لای لای بالام لای لای. گولوم لای لای #شایان_ارومیه

#علی اصغر 🌹( آمال منزوی )🌹 اود یاپیشدی سینَمه، لب‌لروندن اصغریم بوشلا دوشلَریم، ئوپوم اللروندن اصغریم قوی سارالمیش عارضون سینَمه یاپیشدیریم اودلو یوز گوزونله بیر سینَمی آلیشدیریم کوسمه منّتون چکیم، قوی سنی دانیشدیریم لذّت ائلییم شیرین دیللروندن اصغریم من نه قدری قلبیمی غصَّدَ‌ن اووشدوروم لب‌لرون نئجه قورو دوشلریمه یووشدوروم صبحه‌جک گَرَک بئله وقتیمی سووشدورورم بلکه صبح اولا فرج داوروندن اصغریم ایلدَ‌ن آرتیق اولدو بو آخرین گئجون منه اولمادی دیلون اوغول یاننام آغلارام سنه آخ نئجه دییَنمَدون چاره، یاندیم آی ننه حشره‌جک یانام گَرَک نیسگیلوندن اصغریم چوخ اوزاندی از قضا، صبح اولوب همان گئجه گلدی تیرِ حرمله چاتدی قالمادی گئجه قان ایچینده اصغرین گوردو بینوا نئجه وای دئدی نه قان سوزور تئللروندن اصغریم هر گول اکدیم ای گول! گولوستانه سَرمَدیم یاز گوروب آیاز گوروب بیرجه شاخه دَرمَدیم پرپر اولدو گول بالام، مَخمل اوسته سَرمَدیم توشه اخذ ائدَ‌نمَدیم گول پروندن اصغریم هانسی سود امَر یئتیب بیله نکته‌سنجیه قاتلیله روبرو قویدو پنجه پنجَیه یاخشی طاقت ائیله‌دون اوخ وئرَ‌ن شکنجیه وئر اجازه من ئوپوم حنجروندن اصغریم تئشنه‌لیک آغارتدی گول صورتون ایپَک کیمی باغرینا باسیب آنون هئی سنی اورَ‌ک کیمی ایندی قانلی صورتون رنگ آچیب چیچَک کیمی گول یوزون صفالیدی، پیکروندن اصغریم باخسا حرمله دئدیم قصّۀ درازیوه نرم اولار یاواش-یاواش قلبی سوز و سازیوه باغلی گورسه قوللارون آتماز اوخ بوغازیوه شرم ائدَ‌ر او باغلانان شهپروندن اصغریم 🏴مرحوم استاد منزوی اردبیلی🏴 ✅اوخشاما

#ابوالفضل علیه السلام کلامی سبک : شبانگاهان ابوالفضلیم ای امیر حرم ، گوزلرون ئوپرم مهربان قارداش دوشوب تندن قولارون آرالی ، آچ گوزون یارالی قهرمان قارداش هوادار مکتب قرآن حسینون جانی سنه قربان ای سوسوز سقا – ای سوسوز سقا سینوب باشون دردیوی بیلرم گوزلرون سیلرم جان علمداریم بوجان اوسته توکمه گوزیاشوی پوزما قارداشوی ای مددکاریم ره حقدن امتحان ویردون رضای جاناندا جان ویردون ای سوسوز سقا – ای سوسوز سقا بو ایثارون ای مدافع دین بلسه ام بنین افتخار ایلر آخان قانون ای وفا گهری خصم فتنه گری شرمسار ایلر دیار عشقه صفا ویردون جهانه درس وفا ویردون ای سوسوز سقا – ای سوسوز سقا اباصالح مرحبا یولووا قطع اولان قولووا آفرین قارداش آدون دلده هر زمان قالاجاق جاودان قالاجاق یار دین قارداش عزیز زهرا و حیدر سن معین دین پیغمبر سن ای سوسوز سقا – ای سوسوز سقا

#ابوالفظل (ع) یخلوب عباسیم نهر فرات اوسته بلیم سیندی زینب علمدار ئولدی بویانوبدور قانه وفالی سرداریم لوای قرآنه وفادار ئولدی ئوزون آگه‌ایله حیالی قیزلاری دینن دگدی پیکان سو مشگین دلدی سیزه خاطر گچدی ایکی قول بیر گوزدن منی قویدی یالقوز فلک دینجلدی عَلَمین آغوشه آلوب گوردوم آغلور ئوپور الله و اکبرین نقشیندن دوداقیندان ئوپدوم دوداقینون عطری بهشتین عطریلن برابر گلدی دیدوم آیا قارداش گیدورسن اخیامه دیدی سن گیت قارداش رقیون آغلار دیدیم اوندا گیتسم سنی تنها قویسام چیخاندا جان لبدن گوزدن کیم باغلار باشیم اوستن بیر سس دیدی سن گیت اوغلوم گوزین زهرا باغلار عزاسین ساخلار یری وار بو غمدن سودان چیخسا ناله کول اولسا پروانه سو اولسا داغلار دیون اصغر یاتسون یاتوب پرچم‌داریم یارالی اعضاسی قالوب صحراده عطشیندن یانسا دوداقلارین اَمسین دیوللر دشمن‌لر سو یوخ دریاده سوسوز ئولسه اوغلوم اگرچه نیسگیلدی منه باش اگمکدن ولی آساندی سویا خاطر هرگز علینون اولادی ویر جان یالوارماز دنی صیاده سینه سی اوستونده نیستان وار گویا یارالی اعضاسی تماماً اوخدی ولی اوخلاردان چوخ کنارینده زینب ندور علت بیلمم آغیر داش چوخدی توخانوبدور داشلار سینوبدی آئینم یانور غمدن سینم آخور گوز یاشیم اوجا بوی قارداشیم ئولوبدی اللرده یاتوبدی چوللرده قراریم یوخدی کسولوبدور چاره‌م ئولوبدی قارداشیم کمکسیز بیر شاهیم امیدیم ای وای یاخامی اللرده قویان عباسیم وای شرفلی سردار رشیدیم ای وای توخانوب بیر پیکان هوروبدی گوز یاشین گلن گورمور کیمدی قالوب آواره دیزیم اوسته باشین آلوب توکدوم گوز یاش دیم لای لای قارداش شهیدیم ای وای شاعر: استاد غفاری اردبیلی

‍ #ابوالفظل(ع) حضرت ابوالفضل العباس علیه السلام سبک :: آی گویده کی اولدوزلار... ➖➖➖➖➖➖➖➖➖ ای بهر کرم قارداش وی صاحب علم قارداش یالقوزدی حسین یاتما قوللاری قلم قارداش اخیامه سسون گلدی آرام و توان آلدی رخسار حسین سولدی آواره باجون قالدی تلّ اوسته چیخوب زینب نیزاره نظر سالدی آماده ایدوب مرکب میدانه گلم قارداش نسگلی سوزه قارداش نسگلی سوزوم قربان قوللاره باجون زینب بو جسمه ئوزوم قربان ظلمیله آخان گوزدن القانه باجون قربان گورموردی گوزون گلدیم پیکانی چکم قارداش اطرافی آلوب لشگر ای آرخام ائلیم یاتما لب تشنه دئمور آخر دور یاندی دلیم یاتما آهسته دیور هر دم دور سئندی بئلیم یاتما خم ائتدون حسین قدین زهرایه قسم قارداش دور قویما اباالفضلیم سعد اوغلی چاتا کامه آماده ائدوب لشگر اوت ویرسون او اخیامه ایستور کی باجون زینب قولباغلی گئده شامه قولباغلی نئجه گزسون بو اهل حرم قارداش اتمامه سوزون گویا مظلوم زمان وئردی بو سوزلر ابوالفضله نهر اوسته تکان وئردی قوللاردان آخان قانی سلطانه نشان وئردی قوللاریم اولوب تندن ظلمیله قلم قارداش معناده او دم قارداش پهلوسی سینان گوردوم امداده گلوب قدّی اولموشدی کمان گوردوم قوللارین آچوب زهرا عباسه اینان گوردوم آغوشه منی آلسون گلمیشدی ننم زهرا اخیامه گلن وقته قانیله گوزوم دولدی سسلندیم علی اصغر نسگلی رباب اولدی اوخلاندی بو دم مشکیم گلزار چمن سولدی سو اوسته ائدوب لشگر عباسه ستم قارداش

⬛️حضرت زینب سلام الله علیها #زینب(س) ✍حاج ولی الله کلامی سبک:آخشام اولدی ننه... یازینب یازینب/جان زهرا زینب ای یار قرآن_قیل بیزه احسان ای کان کرامت قیل بیزه عنایت برات زیارت وار دلده نوا/داغ نینوا هرشهید آناسی اورکده یاراسی وار باشدا قراسی سندن درس آلوب/اوغولسوز قالوب ای دخت بوتراب پرچمدار حجاب یاور انقلاب نهضت سفیری/غملر اسیری عهده وفا ائتدون خصمی رسوا ائتدون حقی احیا ائتدون دین زنده قالدی/پاینده قالدی حسین بن زهرا شهید عاشورا تاج سر حورا سن یاوریمسن/همسنگریمسن شام ایچره دلغمین اولدون ویران نشین گجه لر صبحه دین یاتدون دلخسته/تپراقلار اوسته اوچ یاشندا بالا ائتدی آه و نوا هی دئدی گل بابا تاپدی باباسین/ئوپدی یاراسین ئولدی اول دردانه سن گلدون افغانه دئدون یانه یانه ایوای رقیه/لایلای رقیه شاعرون(کلامی) قاپیوین غلامی وار سنه سلامی عنایت ایله/حمایت ایله

🧿بستن آب به روی سپاه امام حسین(ع) در روز هفتم محرم عبید اللّه‏ بن زیاد ضمن نامه‏ای به عمر بن سعد از وی خواست تا با سپاهیان خود بین امام حسین و یاران، و آب فرات فاصله ایجاد كرده و اجازه نوشیدن آب به آنها ندهد، از امروز بود که آب به روی سپاه امام حسین(ع) بسته شد و آرام آرام زمان به هرچه بیشتر نمایانگر شدن جلوه‌های ایثارگری در صحرای کربلا نزدیک می‌شد. ملاقات امام حسین(ع) با ابن سعد در شب هفتم امام حسین(ع) با عمر سعد ملعون ملاقات و گفت‌وگو کردند. "خولی بن یزید" اصبحی چون عداوت شدیدی با امام (ع) داشت ماجرا را به ابن زیاد گزارش داد و نامه‌ای برای عمر سعد نوشت و او را از این ملاقات‌ها بر حذر داشت و دستور منع آب را صادر کرد. عمر بن سعد نیز بدون فاصله "عمرو بن حجاج" را با 500 سوار در كنار شریعه فرات مستقر كرد و مانع دسترسی امام حسین (ع) و یارانش به آب شدند. بنابراین در این روز آب را بر اهل سپاه سید الشهدا (ع) بستند، چه این‌که نامه ابن زیاد بدین مضمون رسید که: "نگذارید حتی یک قطره آب هم به آن‌ها برسد" بدین ترتیب "عمرو بن حجاج زبیدی" با تعداد بسیاری تیرانداز مامور منع آب فرات شدند، که به هیچ وجه آبی به خیمه‌گاه پسر پیامبر(ص) برده نشود. در این روز مردی به نام "عبداللّه‏ بن حصین ازدی" ، كه از قبیله "بجیله" بود، فریاد برآورد: ای حسین! این آب را دیگر بسان رنگ آسمانی نخواهی دید! به خدا سوگند كه قطره‏ای از آن را نخواهی آشامید، تا از عطش جان دهی! امام(ع) فرمودند: خدایا! او را از تشنگی بكش و هرگز او را مشمول رحمت خود قرار نده. حمید بن مسلم مي‏گوید: به خدا سوگند كه پس از این گفتگو به دیدار او رفتم در حالی كه بیمار بود، قسم به آن خدایی كه جز او پروردگاری نیست، دیدم كه عبداللّه‏ بن حصین آنقدر آب مي‏آشامید تا شكمش بالا مي‏آمد و آن را بالا مي‏آورد و باز فریاد مي‏زد: العطش! باز آب مي‏خورد، ولی سیراب نمي‏شد. چنین بود تا به هلاكت رسید. منبع: تقویم شیعه، عبدالحسین نیشابوری پایگاه اطلاع رسانی شهید آوینی

زبانحال حضرت رباب فراتى داشا دونسون نه تز دوندى تفاقون نه تز جان و جهاندان على دويدى مذاقون علفلر سودان ايچدى سنون ياندى دوداقون دئسيدون داشاداشدان جوشاردى عسل اصغر گل تردى بوغازون گل تر نظر اولدى خطر پيکينه گولدون خطردن بتر اولدون سه پر تيره گلوى مبارک سپر اولدى اوخ ائتدى بوغازوندا قليج تک عمل اصغر مروت باشا يتدى صداقت باشا چاتدى امامت قوجاقيندا امانت قانا باتدى ياتان بلبله پيکان تکان وئردى اوياتدى اوياندون گنه ياتدون اوتاندى اجل اصغر 📝 استاد شاهی اردبیلی #اصغریه

💠 #رباب‌اوخشاماسي 👇 😭😭😭😭😭😭😭 🌹گوردوم کی سو یوخدی 🌹بالامون فیکرینه قالدیم 🌹چارَم کسیلیبدی 🌹دیلیمی‌آغزینا سالدیم 🌹درد و غم اوتوندا 🌹گینه‌قلبیم آلیشیبدی 🌹احساس ائلدیم کی 🌹دیلیمه‌اوت یاپیشیبدی 🌹قلبیم سیخیلیب سینه‌ده 🌹غم منظره‌سیندن 🌹ئوزدوم الیمی من 🌹گوزونون آغ قره‌سیندن 🌹بو محنتیمی اوغلی 🌹ئولنلر یادا سالسون 🌹ایکاش همیشه ننه‌ئولسون‌ 🌹🌹🌹🌹بالا قالسون #مرحوم‌استادمعنوی‌اردبیلي

چوللرده آهولر ملر ای صود امر آهو سنه دریا قوتارمازدی بیر آز وئرسیدی دشمن سو سنه بیر سو که وحشی لر ایچه اطفاله یوخ لازم دگل هر جرعه سی بیر طفل اوچون کافیدی چوخ لازم دگل سو وئرمورم بیر کلمه دی اوچ شعبه اوخ لازم دگل سو ایستدون اوخ یوخ دئدی ای صود امر آهو سنه بلبل جهاندا رسمیدور گلبرگینی خوار ایستمز عالم اگر گلزار اولا گلشنده بیر خار ایستمز بیر صود امر ئولدورمگه بیر مرد خونخوار ایستمز غیظ تمامیله آتوب اوخ قوّه لی بازو سنه ای سو سراقینده گزن سو آختارشمورسان نیه آغزوندا چوخ سوز وار سنون بولمم دانشمورسان نیه دنیا سویوندان کوسموسن منله دانشمورسان نیه منده یولوب بذل ایلرم تل تل آغارمیش مو سنه افسوس اوغول دیل آچمادون تا رحمه گلسون حرمله یومدون دوداقون دینمدون سالدون ربابی مشکله قان ورطه سینده ال ایاق چالدون امید ساحله جسمون اولوب فُلک نجات اوز اللرون پارو سنه عمّون اجازه وئرسه گر قالّام بو چولده گیتمرم روز و شب آختارّام سنی تاپسام اگرترک ائتمرم زلفومله یارَن باغلارام چوخ سیخمارام اینجیتمرم گوز کاسه سینده بسلرم خون دلی دارو سنه مرحوم استاد منزوی اردبیلی

#بسته_شدن_راه_فرات مرحوم #صحاف کوفه دن فرمان یِتیشدی ابن سعد بی حیایه باغلاسون راه فراتی اهل بیت مصطفایه ایلدی ابن زیادین حکمینی سعد اوغلی اجرا قوّه ی مجریّه دورت مین اوخ آتان قیلدی مهیّا باغلانوب راهِ شریعه، قالدی عطشان آل طاها العطش فریادی یردن اوج ایدوب عرش خدایه ایلدی اهل حرمده تشنه لیق بیر نوعی شدّت گُل کیمی سولدی سارالدی عترت ختم رسالت اولدی برپا خیمه لرده شورش روز قیامت دوندی دشت کربلا بیر عرصه ی روز جزایه اَللرینده بوش سو جامی یغدیلار خوردا اوشاقالار شدّت سوز عطشدن خشک اولان غنچه دوداقلار آلدیلار یکسر سکینه دوره سین تشنه قوناقلار داغلی دللردن اوجالدی ناله لر طاق سمایه خیمه ی عبّاسه بیردن قویدولار یوز دیده گریان دور سقّای حسینی آلدی بیر دسته لب عطشان عرض ایدوب اوّل سکینه العطش، یاندیم عمو جان سو تدارک قیل سوسوزدان قویما چوخ گَلسون نوایه ایلیوب سقّا سنی چون اهل بیته شاه عطشان خیمه لرده سو تاپولمور، اولدی باغریم قان سوسوزدان چاره قیل، یاندیم، اماندور ایله سَن بو درده درمان قالمیوب دلده قرار و طاقتیم بو ماجرایه اود دوتوب یاندی سوسوزدان عترت ساقیّ کوثر غشّ ایدوب بی کس آناسی اَللری اوستونده اصغر شور محشردور خیَمده بیر بیره دَگمیش حرملر قولّارون قربانی اولّام رحم قیل آل عبایه نه روا آب فراتی چوللره دریا تک آخسون یاندیروب سوز عطشدن عترت طاهانی یاخسون اَللرینده بوش سو جامی تشنه لر حسرتله باخسون سَن نجه راضی اولورسان بو جفای ناروایه تیتروری قلبِ سپاهِ شام و کوفه صولتوندن نه روادور استفاده ایتمیاخ بیز قدرتوندن تشنه لب قالسون اوشاقلار چوخ اوزاقدی همّتوندن قدرت ا... اوغلوسان سَن، آفتابِ حقّه سایه ایلدی ظلمتده بس که اشقیا طغیان بو چولده اکبریم اُلدی لب عطشان قانیله غلطان بو چولده اولما راضی اصغریمده جان ویره عطشان بو چولده اود سالا بی کس آناسی سوز دلدن ماسوایه قوی فرات اوسته قدم، سال لشکری خوف و هراسه ایله بیر اتمام حجّت فرقه ی حق ناشناسه تشنه لب قیزلار یانینجا گَلمیشم من التماسه سعی قیل تحصیل آبه رحم ایله بو بی نوایه بی سبب آخماز «صحافون» عارضه اشک زلالی وار عمو قلبینده گیزلین محنت و درد و ملالی دردینه قیل چاره سنده اولسون آسوده خیالی ایتمسون غمدن شکایت بارگاه کبریایه.

بسته شدن راه فرات حاج ولی الله کلامی زنجانی کربلاده سو یولی باغلانور الله بو گئجه آل پیغمبر عطشدن یانور الله بو گئجه گینه سالدی سو سوزی دللره عباسین آدین اورگدور اهل حرم اصغره عباسین ادین سسلنوللر چاغیرون بیر بیره عباسین ادین آل پیغمبر عطشدن یانور الله بو گئجه نهر علقم او طرفده اخوری ئوز باشینا آل هاشم بو طرفده بویانوب گوز یاشینا تاپا بیلمور سو رقیه صود امر قارداشینا آل پیغمبر عطشدن یانور الله بو گئجه کیم گوروب نامه یازانلار سویی کسسون قوناقا بارماقین خورداجا قزلار قویوب عطشان دوداقا ساقی تشنه لبان باشینی سالمیش اشاقا ال پیغمبر عطشدن یانور الله بو گئجه گلستان قالسا سوسوز غنچه صولار گل سارالار چاره یوخ عترت طاها گرک عطشان قالالار بیر بیرین خیمه سقاده قوجاقلور بالالار ال پیغمبر عطشدن یانور الله بو گئجه قلبلر قانه دونوبدی نیه دونمور قانا سو خیمه ده گوز یاشی آخدیقجا آخور هر یانا سو عمه سو باجی سو سسلور بالالار سو آنا سو آل پیغمبر عطشدن یانور الله بو گئجه کبریا اهلی لب عطشان سو ایچور اهل ریا ایلمور فاطمه دن کوفه و شام اهلی حیا هشتم ماه محرمدی قیامتدی و یا آل پیغمبر عطشدن یانور الله بو گئجه هاردادی ساقی کوثر ائده بو مشکلی حل الینوب تحت نظر دایره خیمه و تل زور و زر بنده لری قویمادیلار دینه محل آل پیغمبر عطشدن یانور الله بو گئجه ـــــــــــــــــــــــ این شعر به صورت رجز در مراسم شاه حسین گویان خوانده میشود.