▪️نوحه حضرت رقیه(س) ✍ شعر از: محمدی (ناعم) 🎼دستگاه : شور عرب 🎼بلایه آغوش آچانیم لایلای... ▪️▪️▪️▪️▪️ صفای باغ و چمنیم لایلای قناری خوش سخنیم لایلای باشوون اوسته دیرم نوحه یانیقلی نوحه دینیم لایلای ▪️▪️▪️▪️ منی بلایه سالانیم لایلای اوره ک قرارین آلانیم لایلای آچان زمان غارته ال دشمن ایاقلار آلتدا قالانیم لایلای ▪️▪️▪️▪️▪️ چمنده گل تک سولانیم لایلای غریب دوران اولانیم لایلای گورنده اکبر باشینی نی ده غمیله زلفین یولانیم لایلای ▪️▪️▪️▪️ منیم جلای وطنیم لایلای چراغ هر انجمنیم لایلای خرابه منزلده چیخان جانی حسین کیمی بی کفنیم لایلای ▪️▪️▪️▪️ بنای ظلمی ییخانیم لایلای گلوی کفری سیخانیم لایلای یزیدی آهی الیَن رسوا جدلده فاتح چیخانیم لایلای ▪️▪️▪️▪️▪️ غزال نیلی بدنیم لایلای منی غمه توش ائدنیم لایلای ننم مثالی یاسی نیسگیللی گئجه مزاره گئده نیم لایلای ▪️▪️▪️▪️ التماس دعا ✍بقلم کربلایی محمدی ناعم

#با_اجرای_حبیبی_احسن ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

مکالمه امام حسین(ع)و حضرت رقیه(س) #امام_ رقیم آی غملرین آشناسی #رقیه_ جانیمه گلسین گوزون قاداسی #امام_ گیت عمون قوجاقینه آی بالا #رقیه_ آیریلیقا دوزنمورم آی بابا #امام_ پس نیه گلدون گوزلیم قیل بیان #رقیه_ آیرلیقون ایتدی منی باغری قان #امام_ اللها تاپشوردوم عزیزیم سنی #رقیه_ گل بابا جان امیزه گیتر منی #امام_ سینما باباندان ننه میم اوخشاری #رقیه_ سنده بابا باشیمه ال چک باری #امام_ قوی باشیوی سینمه لای لای چالوم #رقیه_ گوزلرون هر قاداسین من آلیم #امام_ یات سینمون اوسته سن ای گل باغ چمن #رقیه_ قیل منه روشن سنی بیرده گوروم هاردا من #امام_ شامیده ویرانیه گلم بالا #رقیه_ اوردا سنه منتظرم آی بابا #امام_ یولدا بو اندازه منی ساخلاما #رقیه_ گل اوپوشک قلبیمی چوخ داغلاما #امام_ سال قولوی بوینوما قوی دوداقونان اوپوم #رقیه_ سنده منه اذن ویر قوی ایاقونان اوپوم #امام_ کوسمه عزیزیم سنه قالمور طلا #رقیه_ سن گیدوسن زر نیه لازم بابا #امام_ ایتمه گلایه سنه زر قالمادی #رقیه_ سنسیز آخی زندگیمین یوخ دادی #امام_ چاتدی عزیزیم سنون شمره اسیر اولماقون #رقیه_ بو سوزه خاطر دی پس افعی کیمین دولماقون #امام_ گچدی عزیز گونلرون آی سویگولوم #رقیه_ بیرده بابا من نجه سنسیز گلوم #امام_ سولدی چمن پرپر اولوب گلریم #رقیه_ آتدی بو صحراده منی اکبریم #امام_ طایفامیزین نوگلی اولما بئله باغری قان #رقیه_ کول توکولور باشیمه گیتمه بابا بیر دایان

استادحاج محمدباقرتمدنی و کربلایی علی تمدنی سال۶۶ مسجدحاج مجید «بسیارعالی ودلنشین» 🖤🖤😭😭😭

زبانحال حضرت رقیّه (س) به رأس پدر #سبک_یارالی_جان_یارالی … بو   دل   شبده   منی  یاد   ایلدون   سن یارالی بو   نه  عالمدی   بابا   سن  یارالی  من  یارالی گلموسن بو گیجه  وقتی قیزیوی شاد ایده سن غملی دور غصّه لی دور غصّه دن آزاد ایده سن غصّه   ویران    ائلین   قلبینی  آباد    ایده   سن ائوین   آباد   اولا   گل یاخچی گلوبسن  یارالی من  بولردیم  که سینیق  قلب لری سن آلاسان رأفتیله     یارالی     دیللره     مرهم    سالاسان گلموسن  بو گیجه  ویرانه ده   مهمان  قالاسان قالسان  اولّام  ستم    شمریدن   ایمن   یارالی دولانوم  باشیوه  من  کیم سنی  بو حاله سالوب سنی  بو  حاله  سالان تاب  و  توان مندن آلوب بو  باشوندور  بابا جان بس  بدنون هاردا قالوب کسدی باشون دئ گوروم هانسی دل آهن یارالی کیم  ویروب  دست  ستمله  بو گوزل باشه یارا باشیوه    یاره    ویرانلار   گونومی  ایتدی   قرا سن  هارا    یاره   هارا  من  هارا   ویرانه   هارا عزّتیم  سنله  گیدوب   ای  سر بی تن   یارالی قان اولان گویلومی ویران ایلدی باش  یاراسی هامی بیر یاره دن اولموش لبوون باش یاراسی یاندیرر  قلبیمی    آنّونداکی   بو   داش  یاراسی دوتا   اوت   من کیمی دلدن  یانا دشمن یارالی گُل   دوداقینده کی  بو  قانی  آخان   یاره   ندی قانی خشک اولموری ایوای منه بس چاره ندی؟ منده    یوخ   چاره  ایدم   چاره   بیچاره  ندی؟ وئر  نشان چاره   یولون گل  دیله  دیللن یارالی آغلادار     باخسا      مدام    آل   خلیلی  یوزومه قان دولان گوزلرون آچ  بیرده منیم باخ یوزومه گور  نیجه شمر  ووروب ظلموله  سیلی  یوزومه ایلیوب طعن   اوخونا    سینمی   مخزن   یارالی سن  نیجه گون کیمی باتدون ایله  منده باتارام سنون  عشقونده  بوتون  عالمی گوزدن  آتارام کنج    ویرانه ده    قبریمده     کفنسیز    یاتارم دییر  عشّاق   جهان  عشقیمه   احسن   یارالی من دیدوم کوسموشم آتدی غمون ای طاقتی طاق عفو  ایله  گل  ئولورم  بیرجه دویونجا  دانیشاق قوی ئوپوم   بیرده  یارالی دوداقیندان دانیشاق سنه   نیسگیل  اولی ئولسم   منه شیون  یارالی بابا  ایستر   بو  (( شعاع ))  عاشق  دیوانه کیمی گله    مهمان     بیزه    بو   وقفه   قربانه  کیمی دولانا     باشیوه     بو    جمعیله    پروانه کیمی ایسته  قسمت  ایلسون  خالق  ذوالمن  یارالی برچسب‌ها: شعاع تبریزی

شهادت حضرت رقیه سلام الله علیها . #سبک_ویرانه_ده_نازلو_بالام . مرحوم یحیوی اردبیلی . ویرانه ده نازلی بالام جان وردی دینجلدی بو دختر شیرین کلام جان وئردی دینجلدی . بختی بو طفلون اوجیدن دوشدی سرازیره یکسر آتا قارداشلارین چکدیله شمشیره کرب و بلادن شامه دین باغلاندی زنجیره یاتماق اونا اولدی حرام جان وئردی دینجلدی قالدی اراده بی کفن الله بالام ئولدی بیر کیمسه نم یوخ دفن ایدن الله بالام ئولدی آسوده اولدی ظلمیدن الله بالام ئولدی هر زحمته ایتدی دوام جان وئردی دینجلدی . بعضی گئجه اکبر بوئین اوخشاردی یاتمازدی شمری گورن گون اوُل گئجه قورخاردی یاتمازدی چوخ یالواراردیم یات قیزیم آغلاردی یاتمازدی ایندی نجه گور اولدو رام جان وئردی دینجلدی . غسلون وئرن یوخدور نِئدیم ئولدی بالام قالدی ئوز معجرینله دفن ائدیم ئولدی بالام قالدی سونمز اودون یاندیم دئدیم ئولدی بالام قالدی هی آغلارام آرتار یارام جان وئردی دینجلدی یاتدی حسینین بلبلی یانام اَلولانّام یاده دوشر شیرین دیلی یانام اَلولانّام واردور بونون بیر نیسگیلی یانام اَلولانّام گیزلین دئدی عمه آجام جان وئردی دینجلدی . زنجیر کسن قولارینون نقشینه باخدوقجا کهنه حصیردن آلنینون فرشینه باخدوقجا یاننام بالامون خوار اولان نعشینه باخدوقجا بو دللریله اوخشارام جان وئردی دینجلدی . ای هاشمون اوغلانلاری عباس و یا جعفر هاردا قالوبسیز پس بوگون ای قاسم و اکبر آخر سکینم (رقیّم) یئرده دور زینب سیزی گوزلر چوخ اینجیدوبدور اهل شام جان وئردی دینجلدی غساله گورسه آغلیور شمرون جفاسیندن مالش ویرنده قویمارام قمچی یاراسیندن زهرا آنامه بو قیزی باشیم بلاسیندن من بیر نمونه یوللارام جان وئردی دینجلدی . یاز آغلا نوحه #یحیوی تا وار نفس جاندا مظلوم حسینون بیر قیزی دفن اولدی ویراندا چوخ اینجیوب اشکنجه دن آخر او زنداندا شهزادۀ والا مقام جان ویردی دینجلدی

ویرانه_ده_نازلو_بالام☝️☝️ همخوانی مرحومین #سلیم_موذن زاده  و داود_موذن زاده🖤🖤

حضرت علی ع امکان نشد شام را بگیرد اما حضرت رقیه س با دستهای  بسته پرچم اسلام را در شام به اهتزاز در آورد ==================== ((چوخ ووردی قلج دنیاده خیبرییخان اللر    )) ((بلکه آ لا شامی اوجالا دین پیامبر)) ------ ((بوبارده مولانین اگرحسرتی قالدی     )) ((تاریخه یاز اللار که رقیه گئدیب آ لدی )) ----------- ((با شینه حسین قاره سینی سالدی رقیه   ))   ((شامی الی قوینو نداگئدیب آلدی رقیه  )) زنده یاد استاد یدالله منعم اردبیلی

ای نازلی جیران صودامر لایلای علی لایلای علی اولدوم غمینده خونجگر لای لای علی لای لای علی گون باتدی باتدین گلمه دین دردی چوخاتدین گلمه دین سو فیکرینی صود فیکرینی باشیندن اتدین گلمه دین ای صود امر عطشان بالام بس هاردا یاتدین گلمه دین قلبیم ده وار سوز و شرر لایلای علی لایلای علی مندن کوسوبسن اولمیا سو اولمادی دل داغلادیم چاره م کسیلدی ای بالا اخر الیوی باغلادیم سوز عطشدن صبحه جک سن اغلادون من اغلادیم سن دیده تر من دیده تر لایلای علی لایلای علی هجرونده حقیم وار اوغول گوزیاشلاریم دونسون سیله مجنون اولوب بو دردیدن دوشسم اگر چولدن چوله بیر دفع لیک آتما منی من بینوایه رحم ائله بو خیمیه بیر سال گذر لایلای علی لایلای علی دوندی گوزوم یاشی قانا باتدین اوخیلا القانا هیچ فکریمه گلمزدی که نازک بوغازین اوخلانا فخر ائیلرم اما اوغول قربان اولوبسان قرانا وار هاردا سن تک صودامر لایلای علی لایلای علی سینم دولوب اود تک یانیر گل هارداسان یاندیم بالا سالدی نئجه گور بو گئجه درددون منی حالدان حالا هاردا یاتوبسان آی گلوم خردا بوغازوندا یارا گل بیر یاراندان وئر خبر لایلای علی لایلای علی اولسون گوروم شل اللری ییخدی ائویمی حرمله اوچ پر اوخی ووردی نئجه بیلمم سارالمیش بیر گوله یازدی قضا تقدیریوی مندن اوغول ائتمه گله عمروم گولی اولدی هدر لایلای علی لایلای علی سن اغلییردون من سنه هردم دئیوردم اغلاما سینم ده آرام اول اوغول گل سینه می درناقلاما دردیم منیم چوخدور بالا گل بوندان آرتیق چوخلاما اوخلاندین اولدوم دربدر لایلای علی لایلای علی گر چه دئیوردوم آغلاما گل آغلا بیر لایلای چالیم قربان یارالی حنجره گل سینمه دردین الیم رحم ائت آنالیق حقینه قویما گوزی یولدا قالیم قلبیم سینیب وئر بال و پر لایلای علی لایلای علی #محرم #مدهوش #محمد_هوشمند

👆👆🌺 #با_اجرای_حبیبی_احسن ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نازلی رقیه ای گوزومین نوری گلمه افغانه ویرانه رنجوری دیللری آهون دللر لایلای بالام لایلای غم یمه اکبر گلر لایلای بالام لایلای بوقدر ایتمه افعان بی بون قربان آغلار گوزللره نالان بی بون قربان اریدوب جیسمون زندان بی بون قربان دیللری آهون دللر لایلای بالام لایلای غم یمه اکبر گلر لایلای بالام لایلای بیلکلرونده بند طناب آغلار حالوه منن گیزلین رباب آغلار قلبینی ایلر دائم کباب آغلار دیللری آهون دللر لایلای بالام لایلای غم یمه اکبر گلر لایلای بالام لایلای دانیش منیلن ای شیرین زبانیم ویران سراده شمع شبستانیم دردیوه ای کاش اولیدی درمانیم دیللری آهون دللر لایلای بالام لایلای غم یمه اکبر گلر لایلای بالام لایلای لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨