زبانحال حضرت زینب (سلام الله) به حضرت امام حسین (علیه السلام) صبریم آزالدی حسینیم آنام اولن زمان صبریم آزالدی حسینیم آتام اولن زمان خوشحالدیم کی هله اوچ نفر دایاغیم وار غصه ام یوخیدی هر غم و اندوه اولان زمان صبر و قراریمی آلدی الیمدن آی قارداش تل اوسته من دوروب گوزمیله گورن زمان توز قوپدی گویلره یئردن اوجالدی توز تورپاخ شمرون الینده بیر باشی گوردوم گئچن زمان سن ال ایاخ چالیردون حسین منده ال ایاخ خوش حالینه کی گورمدی زهرا گئچن زمان سن ال ایاخ چالیردون حسین قول قاناد گله من ال ایاخ چالیردیم حسین سن گئدن زمان سن ال ایاخ چالیردون حسین راحت اولماقا من ال ایاخ چالیردیم اسارت گلن زمان ولی دانشفر

شجاعت حضرت امام حسین (علیه السلام) بولون ای لشگر اعدا، که حسنیم بیله انوردور جمال انوریمده سوره والشمس مضمردور یوزیمدن کسب نور ایلر منیم مهر جهان آرا ویرن بو عالمه ظلمت، بو تار زلف عنبردور یازیلمش آیه نور، آیه آیه بو رخ پاکه قلم قاشیمده، نون والقلم، عیناً مسطردور تاپار شهلا گوزیمدن جلوه، باخدوقجا هامی گوزلر گوگل ملکین ایدن چون محو، بو سرو صنوبردور الیمده سوره انا فتحنا، ثبت دور یکسر که دعواده بو ال، چون حیدر کراره مظهردور صباح اولماز اگر چاک گریبان ایتمسم هرگز ایدن صبحی شب یلدا، بو گیسوی معنبردور قیامت قامتیمدن بیر علامتدور، قیام ایلر بو گون سرو قدیم، قانه باتسا روز محشردور منه کیمدور برابر عزت و شان و شجاعتده آتام شیر خدا، جدیم رسول حی داوردور آتامدور حیدر کرار ، جدیم احمد مختار اوزوم پیغمبره بنذر، آدیم شهزاده اکبردور نه باکیم وار بو دریا تک قوشوندان ایتمرم پروا یانمدا یادگار مرتضی، تیغ دو پیکردور گوتورموش ال دعایه خیمده بی کس آنام ایمدی دعا ایلر الهی اکبریم بی یار و یاوردور چکم گر نعره الله اکبر، قان اولار باغروز الیمده تیغ برانیم، بولورسوز مرگ احمردور بو گون هر کیمسه نون وار جرئتی، میدانیمه گلسون بروزه ویرسون اول کیمسه که عالمنده هنروردور اوزوم بیر تک جوانم، بیر بیله لشگر، چکوبسوز صف جسارت یوخ بیروزده، بو نه کثرت نه لشگردور؟ کیمون وار شوق دعوا، ایمدی دعوا وقتیدور گلسون دایانماز روز هیجا، هر او کس، مرد دلاوردور ئولومدن یوخدی باکیم سیز بولون ئولماقه مشتاقم یولومی گوزلین جنت آرا، جدیم پیمبردور بو گون قیلام فدا بو تشنه جانی، شاه بطحایه بو باش بو جان، فدای اول شه بی یار و یاوردور بابام یالقیز قالوب ایمدی گلوب افغانه قان آغلار اولوب (غمناک) مندن اوتری بالله دیده سی تردور مرحوم غمناک

السلام علیک یا حضرت علی اصغر(ع) ✍استاد کلامی زیبا نوشته : حسین دردین دئدی اصغر داریخدی ، امامین قلبینی بو غصه سیخدی ، آقام مهدی باغیشلار سوز آچیخدی ، بیر اوخ گلدی نفس پیشوازه چیخدی ، گوله نیلر تیکان گوندن ایشیقدی ، همان اوخدور بو اوخ عباسی یخدی ، او دریالر نهنگی بو بالیقدی ، یان ای دل گوینرم الحمدالله ------------------------------------- ✍استاد منزوی غوغا کرده : گور اوچ پر اوخ سودان آیری دوشن بیر ماهیه نیلر، و یا دیوار مسجده قنادسیز یاهیه نیلر ، ابوالفضلی یخان بیر اوخ گورون ششماهیه نیلر باش آیریلدی بدندن قلب زهرادن توان آلدی برای سلامتی استاد کلامی و شادی روح پاک استاد منزوی صلوات اللهم صل علی محمد و آل محمد و عجل الفرجهم 🙏

در بالین علمدار (ع) معروفان اهری ای علمدار حسین بن علی آچ گؤزون ام بنینون گؤزلی دولانیم من باشوا باخ حسین قارداشوا تشنه سرداریم اویان یار و غمخواریم اویان سن علینون یل با غیرتیسن لشگرین مرد قوی صولتیسن ائل دایاقی بئلیمون قوتیسن حرمین شوکتیسن حیدرین قدرتیسن تشنه سرداریم اویان یار و غمخواریم اویان مظهر صدق و صفا یاتما اویان ساقی آل عبا یاتما اویان صاحب مشک و لوا یاتما اویان منی آواره قویان محنتون ایله بیان تشنه سرداریم اویان یار و غمخواریم اویان وای منه قان گؤزووه پرده سالیب سینه می یاره لرین درده سالیب جسموین نقشینی قان یئرده سالیب دشمن اطرافین آلیب علمون یئرده قالیب تشنه سرداریم اویان یار و غمخواریم اویان سینه مه آللام او قانلی باشوی سیلرم گؤزدن آخان گؤزیاشوی قویما تک قارداش حسین قارداشوی قوی سیلیم قانیاشوی سئندیریبلار باشوی تشنه سرداریم اویان یار و غمخواریم اویان قول وئرمیشدون اخا خیمه لره سو مهیا ائده سن تشنه لره وای منه وای بالاجا صود امره آخدی سو مشکی یئره دوشدی قیزلار خطره تشنه سرداریم اویان یار و غمخواریم اویان بو قدر غملی دایانما گؤزون آچ آتش حسرته یانما گؤزون آچ ای علمداریم اوتانما گؤزون آچ أؤزگه سانما گؤزون آچ دور یوبانما گؤزون آچ تشنه سرداریم اویان یار و غمخواریم اویان #سبک با صدای استاد بزرگوارم ، حاج علی سیفی افشار #عباسیه_شهادت #ای_علمدار_حسین_بن_علی #معروف_اهری

🎼سبک نوحه فوق👆👆 🎤#بانوای_حاج_علی_سیفی_افشار

🔹️توجه سبک شعر مورد نظر از مقدمه اجرا شده است👇👇 ▪️ در سوگ جوان 🎼سبک: بو غربتده الله گوزوم یولدادی... #بانوای_حاج_علی_سیفی_افشار ۱۴۰۲/۲/۱۴ دور ای نازنینیم دانشدیر منی وجودیم یانور آز آلشدیر منی منیم مهربانیم، آلاگوز جوانیم، قوجالدیم بالا ئورکده غمیم چوخ، الیمدن دوتان یوخ، قوجالدیم بالا __________________ گیجه گوندوز آه و فغان ایلرم یوزه اشک حسرت روان ایلرم ملالین ئورکده نهان ایلرم سنیدون امیدیم، جوان رشیدیم، قوجالدیم بالا یوخوم یارویولداش، ئولیدیم من ای کاش، قوجالدیم بالا __________________ بو دنیانون آسایشی یوخ بالا صفاسی آز اولدی غمی چوخ بالا گوزومدن کأنَّه دگوب اوخ بالا گوزون آچ آماندی، حالیم چوخ یاماندی، قوجالدیم بالا بودنیایالاندی، جفاسی قالاندی ، قوجالدیم بالا

🏴حسینین آستانینده ✍بقلم استاد کربلایی رحیم شایان خداوندا نه عزت وار حسینین آستانینده عجب عالی جلالت وار حسینین آستانینده گلیب کیم دوز بو درگاهه مقام اولیا تاپدی کیم اولسا نوکر دربار او گنج پربها تاپدی قوجالسا کیم بو درگهده بهشتی جابه جا تاپدی بلی رضوان و جنت وار حسینین آستانینده بویورموش آیت بر حق جناب حضرت بهجت حسین مافوق انسان دور اونا وار آیری شخصیت اونون آدی عبادتدور عزاسی روضه و جنت نیجه گور افضلیت وار حسینین آستانینده تشیع مکتبی عالی دی هر مکتبدن افضلدی عبادت دی حسین ذکری بو هر مطلب دن افضلدی حسینه گوز یاشی توکماق نماز شبدن افضلدی بیر آیری قدر و قیمت وار حسینین آستانینده بو درگهده حبیب ابن مظاهر لر اولوب نوکر هزاران عشقیله عباس نام آور اولوب نوکر بلی فخریله جبریل وفا پرور اولوب نوکر صفا وارمعنویت وار حسینین آستانینده گله هر کیم بو درباره گرکدور بی ریا گلسین بو والا آستانه کیم گلور بی ادعا گلسین ایده للر دردینه درمان چه شاه و چه گدا گلسین کرامت وار طبابت وار حسینین آستانینده اولوب دور چون شب عاشور گیدن گیتدی قالان قالدی تصرف ایلیوب مولا اولاردان اختیار آلدی هره اؤز جایگاهینه بهشته بیر نظر سالدی وصال و بزم وصلت وار حسینین آستانینده ولیکن گوردولر عباس آییرمیر دیده مولادن ایکی شهلا گوزون تیکمیش اولور سرمست مینادن بهشته بی توجه سان؟ سوالی ایتدی سقا دن بیله عشاق وحدت وار حسینین آستانینده گوزوندن اشک اولوب جاری بویوردی سن روانیم سن من آیری بیر یره باخمام تماما روح و جانیم سن بهشتی نیلیرم مولا بهشت جاودانیم سن اگر عز و شرافت وار حسینین آستانینده گیدیبدیر روز عاشورا که ایتسین اکتساب آب آلوب نهری ووروب پرچم ایدیبدی مشگینی سیراب دیدی سو ایچمرم اما نه قدری تشنه دور ارباب منه اسباب خجلت وار حسینین آستانینده دییردی دایما مولام منیم شان و وقاریم دی سوزوندن چیخمارام اصلا که صاحب اختیار یمدی حسین سیز قالمارام بیر دم که قلبیمده قراریم دی اءولونجه فیض خدمت وار حسینین آستانینده دوشن ساعت ده قوللاری دییردی داده گل قارداش کسیلدی اللریم دگمیش گوزومدن اوخ اولوب خونپاش یاخونلاردان قلج خنجر اوزاقلاردان دگور اوخ داش گر ئولسم چوخ سعادت وار حسینین آستانینده

▪️عزاداری خیابانی_محوطه مسجد 🏴هیئت زنجیر زنان مسجد امام حسین(ع) 🎼سبک نوحه فوق👆👆 ✍بقلم استاد شایان 🎤#بانوای_حاج_علی_سیفی_افشار (۱)

▪️عزاداری خیابانی 🏴هیئت زنجیر زنان مسجد امام حسین(ع) 🎼سبک نوحه فوق👆👆 ✍بقلم استاد شایان 🎤#بانوای_حاج_علی_سیفی_افشار (۲)

🎼سبک نوحه فوق👆👆 ✍بقلم استاد شایان 🎤#بانوای_حاج_علی_سیفی_افشار (۳)

🏴ورود به کربلا . . ✍ بقلم حاج نادر بابایی . قدمون مبارک اولسون بورا کربلادی زینب بو چولون هواسی غمدور ، غمه مبتلادی زینب . . اولاجاق مقامی شایان گلر اهل راز و طاعت ایدر آلتی گوشه قبری هامی عشقیله زیارت اولا کیم او قبره زائر تاپاجاق ره شفاعت نجه تربتی معطر سبب شفادی زینب . . باجی بو دیاره غمده نچه گون قوناق قالار سان دلِ شبده اوخشویاندا آنامون سسین آلارسان بیلورم بو چولده آخر باشووا قرا سالارسان گجه لر بو چولده زهرا سنه همنوادی زینب . . بیزه باغلیار بو دشمن سو یانیندا راه چاره سووا عازم اولام اوندا قوجاقیمدا ما ه پاره گله بیلمیرم خیامه اوخ امنده شیر خواره او گون اصغرین بوغازی اوخا آشنادی زینب

🎼سبک نوحه فوق👆👆 🎤#بانوای_حاج_علی_سیفی_افشار