سلام حالات پیراهن حضرت امام حسین (ع) مرتضی گوردی خانم فاطمه کوینک توخیور ولی هر ایلمه ده بیر آیه ی قرآن اوخیور آغلیور چوخ ته دلدن نگراندور دیه سن آغلادان فاطمه نی سر نهاندور دیه سن چون بیلور فاطمه بو کوینگین آینده سینی نه یازوب یا که خداوند ئوزی برنامه سینی خبر آلدی کیمه بو کوینگی آیا توخوسان نیه آغلار گوزیلن فاطمه قرآن اوخوسان دیمرم ممکنی یوخدورسنه قرآن اوخوما دیورم زحمته دوشسون ولی کوینک توخوما چونکه راضی دگولم ذره خانم اینجیه سن ندی بو آغلاماقون سنده دلیلین دیه سن سوونر رسمیدی کوینک توخیان فاطمه جان اولماز هرگز بیلورم صورتینه اشکی روان ولی بو منظره دن منظره ی غم گورونور گوزووه اولماسنون آیری بیر عالم گورونور واقفم منده همان سن بیلن اسراره خانم گله سن ایستیورم شرحینه گفتاره خانم بیر نفس آغلاما اصل جریانی دانیشاخ ایکیمیز واقعه ی کرب و بلانی دانیشاخ فاطمه گوردی علینون اورگین غم بوریوب ائله فکر ایلدی دنیالری ماتم بوریوب دله گلدی دیدی آهسته عم اوغلی قولا آس ایدوم اولده خداوندمیزه حمد و سپاس آغلادان واردی منی آغلامورام ئوز باشما مشتریدور گورورم ایلمه لریم گوز یاشما خبر آلدون توخورام کوینگی آیا کیمه من ناشناس اولمیا عرض ایلیوم ای شاه زمن زحمتی یوخ نگران اولما ایا میر حنین توخورام گیسون اونی اگنینه آینده حسین توخودوقجا ولی من عالم دیگر گورورم باشلانوبدی دیه سن دیده مه محشر گورورم میله لر بیربیرینه هاردا که والله دگوری بئله احساس ایدورم اورداحسین وای دیوری بو حسین وای سسی آرامشیمی الدن آلور نیلیوم آغلامیوم قلبیمه چوخ رعشه سالور بیرده بو صحنه نی بیلمم نیه من چوخ گورورم دگوب هرایلمه نون اوسته دیه سن اوخ گورورم هرگره ووردیغیجاخ سهمیلی طوفان گورورم دالسیجاخ توکولور من گرهین قان گورورم بو کیمون قانیدی آلله دیورم ئوز ئوزیمه گورونور اوندا منیم قورخولی میدان گوزیمه دوزولوب بیر طرفه لشکر اعدا به ردیف یخیلوب قتلگهه یاره لی انسان شریف یار و انصاری ئولوبدی کمکی یوخ دیه سن سینه سین یاره لیوب نیزه کیمون اوخ دیه سن سوزولور قان یارالاردان یوخیدی باغلیانی اونا خاطر بو غریبون اولورام آغلیانی کسیلوب باشی بدندن بویانوبدور قانینا کیمدی قان پرده سی قویمور بو جنازه تانینا یوزی اوسته یخیلوب یوخدور هرایه گلنی اولوب اوخلاره نشان بسکه او باشسیز بدنی نیزه لرچیخدیقی یردن اوقدر قان توکولوب ائله بس دشمن الینده خود قرآن سوکولوب گورورم قانه بلشموش بو همان کوینگی من چکورم ئوز اورگیمده او چکن گوینگی من ننون ئولسون دیورم سن آخی کیمسن یارالی بئله احساس ایدورم بند دلیمسن یارالی آشنادی منه واللهی بو یورقون نفسون دانش آهسته سنون عین حسینمدی سسون کسیلوب باشون اولوب نحر بوغازون گورورم بنذور ئوز لحنیمه چوخ لحن حجازون گورورم سن منیم نور دو عینیم سن عزیزیم تانیدوم ئولن اللرده حسینیم سن عزیزیم تانیدوم وای منه ایندی بالام جانی دولانام باشووا نه گلوبدی دی گوروم اوغلووا یا قارداشووا ملتمس دعا (گوهری) لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

زبانحال حضرت سید الشهدا (ع) هنگام وداع خطاب به خواهرش . . . #سبک_سو_یوخومدی_قزلاروندان ... مرحوم ذوقی تبریزی . دم هجردور وصالیم ، یتوب انتهایه زینب گیدورم سیزی سپرده ، ایدورم خدایه زینب . . منه زینبیم یقیندور سنه فرقتیم چتیندی فلک ایمدی سنگ فرقت سالوری آرایه زینب . . گوروم عالمین سولِیدی گُل و گلشنی سراسر نه بهار اولیدی بیرده نه خزان نه باد صرصر نه چکیدی خار الیندن ستم عندلیب مضطر نه مصیبتیم یتیدی ، بیله انتهایه زینب . . هله یتمیوب تمامه باجی باشیمون بلاسی بو بلالی چولده چوخدور هله اشقیا جفاسی بو جهان فنادی اولماز اولا بیر کسین بقاسی اودی منده بو فنادن ، گیدورم بقایه زینب . . نه وفا گوروب جهاندا بابامیز امیر بطحا نه ایدوبدى استراحت آتامیز ولیّ یکتا هانی قارداشون حسن گور هانی بس بتول عذرا هانی اوصیا نه گلدی گیدن انبیایه زینب . . هانی ماسَلف سلاطین هانی حشمت سلیمان ... لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

روضه حضرت علی اصغر(ع) دست قضا حسینه آچوب درد و غم یولی دوردی ایاقه باشلادی حضرت خیم یولی گاهی گیدور گهی دایانور ایستمور گیده هرسالکه چتیندی گیده پیچ وخم یولی چونکه گلنده خرداجا سربازیلن گلوب سربازسیز گیدور شه محترم یولی آز فاصله گوزونده اوزاق منزله دونوب دیلدن چکور بیر آه گیدور بیر قدم یولی غملر شریکینی چاغروب غم سوزون دیه گل زینبیم گیدک ایکیمیز بیزتیکن یولی گیدیم الی دولی الی بوش گلمیشم باجی وار خجلتیم اودور کی گله بولمورم یولی اصغر غمی یوروب منی پیشوازه گلمسون امیدین اولماسین من ئوزوم تک گلم یولی قلبیم دولوبدی آغلاماقا گلمیشم فقط وای صودامر بالا دیمیشم دمبدم یولی دردین دیدیم سوسوزلوقونا لشکر آغلادی باخدیم فراته آچمادی قوم ظلم یولی مرد افکن اوخ حریف قوی صود امر اوشاق امکانیم اولمادی اوخا صد ایلیم یولی نیلک سنینده اوغلون ئولوب گل قوشول منه اهل کرمده کی ایده رد کرم یولی چوخ یاخشیدور قوشولسا اوغلسوز اوغولسوزا عاشق گرکدی طی السون هر رقم یولی (وقتی ابی عبدالله بالانی گتدی خیمه لر دالنا بعضی اوشاقلار گوردولر بو صحنه نی) فلسفیدندی بوسوز سمع محبانه چاتور خیمه لر دن گوردولر گوش کاسه دور قیزلار آتور سو دینلر گیزلنیب خون دلین اشکه قاتور آلدی بیر قیزدان خبر آیا نیه نبضون آتور اول بالا بیر سوز دیدی اولدی نواخوان اهل بیت عرض ایدوب سوجامینه قان دولدورولار عمه جان سویی سد ایلیوب یولدا دوریلار عمه جان میزبانلار خسته مهمانی یوریلار عمه جان ایچمیوک سو ایچمیوک فتنه قوریلار عمه جان هرکیم ایستور سو گوریسن اوخ ویروللار عمه جان لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

عرض ادب به محضر حضرت اباعبدالله الحسین علیه السلام حاتم به کرم خاک کف پای حسین است خاتم دل وجانش قد رعنای حسین است هر کس که حسینیست ندارد غم محشر پرونده او بسته به امضای حسین است حیدر که نبی گفت به او لحمک لحمی نازش همه این بود که بابای حسین است آن کرب و بلایی که کند فخر به کعبه آرامگه یوسف لیلای حسین است عباس که خود شهره ی آفاق به مردیست پرورده ی دامان مصفای حسین است اصغر که بود واسطه ی فیض الهی گهواره ی او سینه ی سینای حسین است خورشید که در تابش نورش خللی نیست یک ذره ز نور رخ زیبا ی حسین است زیبایی یوسف همه جا ورد زبان است با این همه او محو تماشا ی حسین است جنت همه ارزانی زاهد که بهشتم همسایگی قامت طوبای حسین است لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

✅قالمیش بالاجا قزلاریمون گوزلری سنده ✅گوردوم قوریان لبلری میدانه گلنده ✅الده علمون خیملری تلّی اننده ✅مندن سنی عطشان بالالار ایستر اباالفضل ✅جانان یولونون گردینی کپریگله سیلوبسن ✅شاهین گوزونه سرمه‌دی قان یاخشی بیلوبسن ✅ایوای بوئی بویلاردان اوجا چوخ کیچیلوبسن ✅دوشدی اوجا یردن نجه بو پیکر اباالفضل ✅دلسیز بالامون ناله‌سی اخیامه سالوب های ✅جان اوسته اشاریله صود ایستور آنادان پای ✅بیچاره ربابون دیورم بختنه ایوای ✅صود گورمز او صودسوز آنادان اصغر اباالفضل ✅ای چرخ شهادتده سنوب پارچالانان ماه ✅صبر ائتسون عطا ام‌بنینه اوزی الله ✅ای کاش نیستان غمینه اولمیا آگاه ✅گر بیلسه ئولنجه اورگی گوینر اباالفضل ✅بیر سوز ائلیوبسن بیلورم فضیه ابراز ✅ناراحت اولوب زینبیم ای شاهد جانباز ✅فکر ائتمه آنون یوخدی سنه آغلیان اولماز ✅زینب سنه هم باجیدی هم مادر اباالفضل مرحوم استاد حاج انور #حضرت_ابوالفضل لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

✔️ آرزوی زیارت کربلا سبک سینه زنی واحد بند 1️⃣ ای گل مصطفا ماسوایه رجا آقا گوزلریم سنده دی قیل کرم کربلا دیلده کی نور حسین باشداکی شور حسین آقا کاش اولام حشریده سنله محشور حسین گوزوموز واردی فقط قانلی علمده ایسته تا گلاخ یاناق بین الحرمده یانارام ، اوتلانارام ، قان دیده یاشدا کرمون ، آقا حرمون ، وار شوقی باشدا حسین وای...... بند 2️⃣ گویده مهتاب حسین دّرِ نایاب حسین بلی هر ایکی دهریده بیزه ارباب حسین محو رخساریوم بولکی بیماریوم بو ایل اربعین ایستسن مند ه زواریوم من ازل گونون فدائیه حسینم عاشقم عاشقه بین الحرمینم بولرم ، دای اولرم ، آه و نوادن نه دئمک دویماز اورک ، کرب و بلادن حسین وای....... بند 3️⃣ ای گل مه جبین عشقیوه آفرین آقازاده مرتضی پسره ام البنین ای علمدار عشق سر سپهدار عشق آقا کربلاده اوزون اولموسان سردار عشق دردی اولانلار آلوب سنن نتایج چونکی سنسن دهریده باب الحوائج اولرم ، دل بولرم ، ناره غمینده یانارام ، آغلیارام ، نهر علقمینده حسین وای..... ✍️ کربلایی محمّد قربانی (وصال تبریزی) لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

مدح حضرت علی (ع) و برائت از قاتلین مادر سادات (ع) و گریز به جریانات غدیر خم و روضه ی حضرت زهرا (س) باهار فصلینده گلزاره قدم قویدوم دیدیم گوللر منیم بیر گل بهاریمدور منه سیزدن بهار اولماز او گل بیر گلدی اوندان عاشقین جانی شکوفادور اونا شیدا اولان بلبل داها عشقه دچار اولماز دوشر پابوسینه سرویله سمبل سویلیر بلبل سنون تک بیر گله باغدا نجه بلبل خمار اولماز سنه مخمور اولان دیده کور اولسا هر ایکی گوزدن باخار معنا گوزیلن دیده ی معناسی تار اولماز او گل احمد دیَن گلدور غدیر خمدا حجاجه بویوردی سیزلره حقدن علی تک یادگار اولماز سیزه تاپشربمشام شاهد اولون عترتله قرآنی ولی الله اعظمدن کلام الله کنار اولماز علینی کیم ولی بیلسه رسوله اقتدا ایلر ولایت سیز عبادتدن رضا پرور دگار اولماز غدیر خمدا حجاجه رسولین امری حجتدور غدیری آنیان اولسا اونا حجت کرار اولماز سقیفه فتنه سین تأئید ائدن بیلسون بو معنانی علی مولا اولان یرده خلافت واگذار اولماز غدیر خم گونی بیعت الوندی مرتضائیلن دانیب بو بیعتی هر کیم سوزونده اعتبار الماز گرک عصمت اولا دین مسندینده اگلشن شاهدا گناه آلوده سیندن دینه لایق شهریار اولماز الان هر مسنده لایقدا خوشدور اقتدار اولسون عمر تک جنگیدن کیم قاچسا اوندا اقتدار اولماز ائو کی حیدر اوین یاندردی زهرانی شهید اتدی اگر دنیانی فتح اتسه دلیل افتخار الماز یاناندا ائول قاپی سقط جنین السا جنایتدور جنایت اوستونه کیم پرده چکسه رستگار الماز آچلسا سوز ائورک درده گلر صاحب زمان آغلار گدیب تحقیق ادن اشخاصه مطلب استتار الماز علینین حقیدور السون هامی مؤمینلره سلطان بو حقی غصب ایدنلرله حقیقت سازگار اولماز علینین زندگیسینده خطا کیم گوردی دنیاده ؟ علی مثلی پیمبر دینینه بیر جانثار الماز علی مظلومِ دوراندور علی زرقام میداندور علی مثلی جهادین عرصه سینده تکسوار الماز علیدن خاطره ایجاد الوبدی عالم امکان بو خلقت کارگاهینده بله بیر شاهکار الماز علی معصوم مطلقدور ظلالتدن مبرادور اونا کیم دوز غلام اولسا دچار ننگ و عار اولماز دچار ننگ اولان انسان ایر باش کافره گبره هر اوباشه دیر قارداش ولی مولایه یار اولماز الان صاحب وقار انسان ولی الله بئل باغلار شرافتلی ارازل سفره سینده ریزه خوار اولماز نیه بیلمم پیمبر ترک ایدن گوندن بو دنیانی علی اولادینه دنیا بویی خوش روزگار اولماز اول مظلومه زهرایه ویروبلار کوچه ده سیلی اوسیلی دن نجه شیعه همیشه داغدار اولماز قویون یاد ایلیوم رحمتلیگ انوردن کی یازمیشدی هر انساندا مروت الماسا وجدان و عار الماز علینون دلبری دیلدن دوشوب دوشدی یوزی اوسته دئدی الله یوزوم یاندی بله سوز و شرار الماز مریضه بنده ام پهلو شکسته قولاریم نیلی غریب الدوم مدینه مدن بله غملی دیار الماز سورا اود ویردولار یاندی قاپی چرپلدی زهرایه بو غملی ماجرادن یانماسا کیم دینمدار اولماز قویاندا قبره زهرانی بویوردی حیدر کرار خانم زهرا قویوبسان تک منی منده قرار اولماز #حسنعلی_بالایی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

مرحوم بیضا سوسوز جان وئردی فخر الناس ئولنده عدولر شاد اولوب عباس ئولنده هامودان شانی عباسون اوجالدی اوپوب زهرا اله قوللارین آلدی دوشوب بازولری میداندا قالدی فغانه گلدی ذی انفاس ئولنده اسوب صرصر گله گلشن پوزولدی زمین کربلا قانیله دولدی جفاسی شیعه شمرون مانع اولدی قورولمادی حسینه یاس ئولنده مباح اولدی سو هر خاص و هر عامه یتوردی شمر دون ظلمین تمامه سو وئرموبله حسین تشنه کامه نقدری ائتدی التماس ئولنده گلوب زهرا باش آچوق کربلایه اوغول وای ناله سی چیخدی سمایه آلوب گوردی حسین نعشین ارایه عمر سعد ایلیوب اجلاس ئولنده دولوب دریا کیمی قانیله مقتل باشینی شمر بارماقینی بجدل کسنده ساربان شوم ایکی ال بدنده ایلیوب احساس ئولنده گئدوب یغمایه هر اشیا یاندی اثاثی زینبون یکسر تالاندی تاپمولمادی کفن قیلسون دولاندی حسینه بیر تیکه کرباس ئولنده نئی قالدی عزیز من حسینون کسوب بارماقین اهریمن حسینون دیین اولمادی زینب سن حسینون ئولور ، گل گوزلرینی باس ئولنده اولا هر شهرده هر نچه بیضا ورار تا بیدقین اول گئجه بیضا خیال ائتمه قالوبدور گئجه بیضا الینده واریدی قرطاس ئولنده لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

یتیم . . مرحوم انور اردبیلی . گون مغربه گئدنده پریشان اولار یتیم باد سحر دگنده هراسان اولار یتیم بوینون اگوب بنفشه کیمی چیگنینه قویار ابر بهار تک ولی گریان اولار یتیم . بنذر او غنچیه گل آچان وقتیده صولا آفت یلی قروب سالا یا شاخه دن یولا سیره چخار اورک آچیلا بلکه شاد اولا تای توشلارین گورنده پشیمان اولار یتیم . بی مهر و بی علاقه گورر یار و یولداشین کیپریکلری توکر یوزه حسرتله گوز یاشین غم گوشه سینده غم دیزی اوسته قویار باشین شمع شبانه تک ولی سوزان اولار یتیم . جرأتله قلبینون ائده بُلمز سوزون ادا تاب ایلمز آجقلی سوزه تئز قیلار نوا هئچ کیمسیه قوشولماز اولار غمله آشنا فکر عالمینده دائمی حیران اولار یتیم . لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

زبانحال حضرت رقیه سلام الله علیها در خرابه شام . . مرحوم واقف . بیر بلبلم خزانه گئدوب گلشن آغلارام هیچ بلبل آغلاماز بوقدر که من آغلارام . خیمم یانوب ائلیم داغیلوب قارداشیم اُلوب زنجیره باغلیوب قولومی دشمن آغلارام . گون ایسّی بوینوما غل آهن ووروبدی شمر من آغلارام بو حاله یانوب آهن ،آغلارام . بیر یوسف مدینم اُلوب یوخ نشانه سی اگنینده قویمیوبدوله پیراهن آغلارام . قارداش قسم او جانیوه شیون ائدنده من هر ناقه ایلدی منیلن شیون آغلارام . باشون گتوردی شامده باشی آچوخ قویوب بیر گلمدون خرابیه قارداش سن آغلارام . دردون علی خرابه ده دلدن سالوب منی بو شام اهلی سالمادیلار دلدن آغلارام . توپراقلار اوسته اُلمگیمون مشقین ایلرم یوخدور چراغ تا ایلیم روشن آغلارام . قول باغلو آج سوسوز ویرورم جان خرابه ده عمم قوجاقلیوب آنام آغلار من آغلارام . بُلَّم هامی گئدر وطنه من گئدنمرم کنج خرابه نی ائدرم مسکن آغلارام . هروقت سو گورنده دوشرسن خیالیمه چون جان وئرنده ایچمه موسن سو سن آغلارام . «واقف» حسینه آغلیان عقباده آغلاماز ذکر مصیبتون اولی مستحسن آغلارام . لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

یا مهدی هدایتی تبریزی . گوندوز گجه گوز یولدادی ، یاریم گله ، گلمز هی یالواریرام کی گله امّا هله گلمز . یعقوب ده ، بو قدری فراقه دؤزه هیهات هجران گئچه حددن ، گوزلیم حوصله گلمز . یوخ ایله چخاریم گله یاریم منه ساری عالم بولور افضل ، گوروشه ارذله گلمز . طوبیٰ سوینر، قامتی طوبادی دیسم گر طوبیٰ ده ، برابر او رسا هیکله گلمز . حیرتده قالار گون ، یوزونون پرده سین آچسا گورسون اونی هر کیمسنه فرصت اله گلمز . حاشا گوره گل چهره سنی ، پرده لی گوزلر گورسنسه ده ، چشمان کج و احوله گلمز . هجران غمی مندن چوخ اونی درده سالوبدی گریان گوزوم اوسته اوتوروب دنجله ، گلمز . ایکاش او گلیدی اونا قربان کسیلیدیم افسوس اولا اونلان منه بو مرحله گلمز . جانانه تصدّق ایلیم جاندی متاعیم من باشنا دونسم قاباقا مسئله گلمز . قسمت اولا دیداری گوره سن کی گون ، مثل و مقابل او رخ اجمله گلمز لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

‍ در جلالت امام جواد (ع) استاد حاج ابوالفضل عباسی معروفان باصدای مرحوم حاجی منصوری اردبیلی یا امام جواد ای گلِ باغ رضا پسر فاطمه بند دل مرتضی حیدرین نایبی ای کرم صاحبی دوت الیمدن - بینوایم درد عشقه - مبتلایم آفتاب ادب بحر شرف گوهری زلفی حبل المتین دست سخا اللری آدیوه عاشقم شیعه لرین رهبری سنه دلبسته یم عشقووین مستی یم دوت الیمدن - بینوایم درد عشقه - مبتلایم علوی سن آقا شیر خدا اوغلوسان زینت و سرور کل نسا اوغلوسان هشتمین اختر برج ولا اوغلوسان مقتداسن منه من غلامم سنه دوت الیمدن - بینوایم درد عشقه - مبتلایم #سبک_یا_امام_زمان_شیعه_ده_احساسه_باخ لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫