حالات امام سجاد عليه السّلام (تركى) در آهنگ امام على (ع) ▪️▫️▪️▫️▪️▫️▪️▫️▪️▫️ سلام اولا صاحب جلالت امام سجّاده سلام اولا مؤمنينه زينت عزيز عبّاده سلام اولا شاه كربلا اوغلى فخر امجاده امام زين العابدين بيمار دشت بلا آتاسينون قانلى نهضتينه شريك اولان آقا سلام اولا اود دوتان چادردا امام بيماره سلام اولا كربلاده اوندان اولان پرستاره سلام اولا واى بابام ديوب ديلده ديده خونباره امام زين العابدين بيمار دشت بلا آتاسينون قانلى نهضتينه شريك اولان آقا الٰهى قبرين عنايت ايله گورك بو دنياده شفاعتيندن نصيبيم اولسون سراى عقباده دوشنده تيره ترابه جسميم گله ئوزى داده امام زين العابدين بيمار دشت بلا آتاسينون قانلى نهضتينه شريك اولان آقا گلنده يوم وفاتى شيعه هامى گيير قاره يانار اوركدن سرشكين ايلر روانه رخساره شفاعت ايلر يقين جزاده آقام عزاداره امام زين العابدين بيمار دشت بلا آتاسينون قانلى نهضتينه شريك اولان آقا طناب ظلمه اياقى باغلى چكيلدى بازاره آدين مسلمان قويان ساليبدى امامين آزاره دوشوبدى بنده او كيمسه كى دردلره ائدر چاره امام زين العابدين بيمار دشت بلا آتاسينون قانلى نهضتينه شريك اولان آقا بير عدّه شامى اسير امامى كمال ايذاده وجودى خسته طنابه بسته حزين و افتاده چكيبله بزم يزيده تا خوار اولا او آزاده امام زين العابدين بيمار دشت بلا آتاسينون قانلى نهضتينه شريك اولان آقا ساتيب افاده او پست زاده امام ناشاده دئدى زمانه يتيردى كامه بيزى بو مأواده ئولوب حسينون قالوبدى نعشى بلالى صحراده امام زين العابدين بيمار دشت بلا آتاسينون قانلى نهضتينه شريك اولان آقا بويوردى مولا بو قدر ويرما اورگيمه ياره بابام قوناقدى جناندا جدّ كباره افطاره تمام ياران چاتوبدى الآن دوباره ديداره امام زين العابدين بيمار دشت بلا آتاسينون قانلى نهضتينه شريك اولان آقا ✍🏻 حاج ناصر تبسّمى اردبيلى "صفا" 📘 سلام عاشورا _ ص ٤٠٥ لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

💢شهادت حضرت سجّاد علیه السلام ✍مرحوم تائب تبریزی . #سبک_سو_یوخومدی_قزلاروندان ای صبا دئ کربلاده شهریار کربلایه فخر ساجدین ویروب جان گل مدینه ده عزایه . . آل هاشمه بو ساعت وار مدینه ده قیامت گل اُزونده ایله شرکت ویر تسلّی مصطفایه . . گور نجه امام باقر حسرتیله سینه داغلار گوزلری دولوب بولود تک گوزیاشین عذاره باغلار چیگنینه قویوبدی بوینون آغلادار جهانی آغلار اللری اورک باشندا نی کیمی گلوب نوایه . باقر اوغلوین اُزون گل دردینه شراکت ایله ویر اونا تسلّی دل رفع درد و حسرت ایله یاسلیدور سنقدی قلبی گوگلون آل محبّت ایله خوش دوشر ویره تسلّی مهربان آتا بالایه . دوزدی حالینه یانان وار لیک سن تک اوزگه یانماز دوزدی قیدینه قالان وار سن تک اوزگه سی قالانماز دوزدی دردینی آلان وار سن تک اوزگه لر آلانماز مبتلا ایده مداوا خوشدی درده مبتلایه . جدّوین مدینه سینده حشر اهلبیت دیندور حضرت امام باقر یاسلیدور عزانشیندور جان ویرن امام ساجد یعنی فخر ساجدیندور بیر امام ساجدی که چوخ دوشوب باشی بلایه . بو همین امامدور کیم گوردی خیمه لر تالاندی خیمه لر اولاندا غارت قالدی اودلار ایچره یاندی صبر قیلدی هر جفایه هر مصیبته دایاندی هر بلا یتشدی دلدن شکر قیلدی لایرایه . استقامتیله دُزدی یوز چُویرمدی بلادن گردنینده غُلّ جامع شامه گیتدی کربلادن دوزدی هر جفا یتیشدی قوم شوم اشقیادن دین یولوندا همّتیله صبر قیلدی هر جفایه . گاه کوفه ده او سرور زار و خسته دلشکسته صدقیله امید تارین ایلیوب خدایه بسته ایله خطبه ایتدی ایراد دست بسته ناقه اوسته بُهت آپاردی کوفه اهلین باخدی حجّت خدایه . گه آپاردیلار ستمله بزم زادۀ زیاده منطقی جواب ویردی اول خبیث بدنهاده غیظیله زیادین اوغلی ایتدی قتلینه اراده سنمادی ره شهامت ایتدی طیّ پایه پایه . عمّه سی دُزنمدی بو ظلم فرقۀ نفاقه دوردی دفعتاً یول آچدی اتّحاد و اتّفاقه زینبه باخوب حرم لر دوردولار هامی ایاقه بیر خطر ساویشدی امّا دوشدی اوزگه بیر بلایه . گیتدی مجلس یزیده ایتدی بیر خطابه ایراد قتلینه ایدوب اراده اول یزید کینه بنیاد توکماقا امام قانین ایستدی او بزمه جلّاد نقشه اولدی نقش بر آب یتمدی بو مدّعایه . افتخار و عزّتیله گیدی جامۀ اسارت گوستروب اسارتینده شهرلرده چوخ شهامت لیک شام مسجدینده بیرگون ایلدی قیامت حقّ اهلی حقّی یکسر ثابت ایتدی ماسوایه . حقّ و باطلی آیردی تک قیام و نهضتینده نهضته گتوردی خلقی حالت اسارتینده ایلدی یزیدی رسوا منبر اوسته صحبتینده آبروی آل سفیان گیتدی سربسر فنایه . شامدن خلاص اگر چه اول شه ولایت اولدی دائماً دل وطنده پای بند حسرت اولدی همدمی سزیلتی اولدی مونسی مصیبت اولدی یاده سالدی اُز آتاسین گلدی نی کیمی نوایه . هاردا سو گوریدی اول شه آغلیوب گلردی داده اُز آتاسینی سالاردی اول مریض امام یاده جان ویروب بابام دیردی تشنه کام کربلاده ویرمیوبله سو یانندا سو امام مُقتدایه . قرخ ایل آغلادی حسینه روز و شب او زار و مهموم غمله باشه ویردی عمرین چشمی اشگبار مغموم عاقبت هشام الیله اولدی اول امام مسموم ترک ایدوب فنا جهانی گیتدی عالم بقایه . غسلینی ویروب اُز اوغلی دفن ایدوب او مقتدانی یغدی باشه قبری اوسته قوم و خویش و اقربانی لیک او شاه دفن ایدنده پادشاه کربلانی قبری اوسته قالدی حسرت قوم و خویش و اقرباسی . «تائبا» حسین غمینده صدق اوزیله آغلایان سن مجلس عزالر ... 🌾🌾🌾🌾🌾 لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🏴نوحه دفن شهدازبانحال امام سجاد(ع)به مناسبت سومین روز شهادت امام حسین (ع)ویاران باوفایش 🎼سبک: ای باشی سر نیزده معراج ائدن... گونلرائوینده قالان ای گول بدن گلدیم آتا دفن ائلیم کوفه  دن وای بابامظلوم ئولن  الده یوخومدورکفن(۲) کوفه لیلر   دوغرادیلار      پیکرین اوخشویورام ذبح اولونان حنجرین یرده قالوب    اکبریلن     اصغرین پاره بدندن     سویولوب   پیرهن وای بابامظلوم ئولن  الده یوخومدورکفن محنت ودردین ئورگه اودسالوب عترتیوی کوفه ده نالان قالوب یوخدی کفن صبریمی الدن آلوب اوچ گون اولی اولمادی بیردفن ائدن وای بابامظلوم ئولن الده یوخومدورکفن آچ گوزیوی    خامس آل عبا قوی دولانوم بلکه تاپوم بوریا بوداغیلان جسمی قویوم توپراقا کرببلانی سن اولسون وطن وای بابامظلوم ئولن   الده یوخومدی کفن باشلاری ذبح ایلدی اهل جفا غارت ائدوبلر بیزی،قوم دغا مسکنوزاولدی آتاجان کربلا اسدی خزان سولدی گولیلن چمن وای بابامظلوم ئولن   الده یوخومدورکفن زائریوه قبرین عجب توشه دی عرش خدابنزری،ششگوشه دی اصغریوی زینت آغوشه   دی نیزه قلج ووردولا دعوت ائدن وای بابا مظلوم ئولن  الده یوخومدورکفن قوای ایاق التیندا قویوم اکبرین روبروقبرینده  تمام    یاورین من تانورام یاوریوین  پیکرین سینوین اوسته یاتا افغان ائدن وای بابامظلوم ئولن   الده یوخومدورکفن قلبیمه بیرمحنت اولوب اودسالان نهرفرات اوسته عموم دورقالان اهل قبیله اودی   صبری آلان باشی سینوب قانی آخوب نیزه دن وای آتامظلوم ئولن   الده یوخومدکفن صاحبی یاندی دئدی جان جان حسین ذبح اولونان ،لبلری، عطشان حسین یتمیش ایکی کسدی اوقربان حسین دعوت ائله زائر   اولا  نوکرین وای آتامظلوم ئولن  الده یوخومدور کفن(۲) ✍ دومین روزشهادت امام حسین ویاران باوفایش تسلیت باد ✍ حاج عباسعلی دهقان(صاحب) ارومیه۱۴۰۲/۵/۷ لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

گر مریضون وار اوتانما توت حسینین اتگین او یانان خیمده بیمارینه گوندر صلوات اللهم‌ صل علی محمد و آل محمد و عجل الفرجهم 🖤🖤 شب شهادت بیمار کربلا خدایا🙏 به حرمت امام سجاد دعای دوستانم را برآورده کن شفای مریضان بچه دارشدن آرزومندان رفع مشکل گرفتاران را از درگاهت تمنا دارم 🙏🌹 لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

ذکر و تقویم روز و سلام صبحگاهی ارباب ـــــــــــــــــــــــــــــــــــــــــــــــــــــــــــــــــــــ #ذکر_روز یکشنبه یا ذوالجلال و الاکرام (100مرتبه) ـــــــــــــــــــــــــــــــــــــــــــــــــــــــــــــــــــــ #یکشنبه »»»»»»»»» ۱۴۰۲/۵/۸ 🙏 سلام صبحگاهی ارباب... 💓💓💓💓💓 به رسم هر روز صبح با سلام بر ارباب بی کفن روز مون رو شروع کنیم... 🌺🍃🌸🍃🌺 اَلسَّلامُ عَلَيْكَ يا اَبا عَبْدِاللهِ ، وَعَلَى الاَْرْواحِ الَّتي حَلَّتْ بِفِنائِكَ ، عَلَيْكَ مِنّي سَلامُ اللهِ اَبَداً ما بَقيتُ وَبَقِيَ اللَّيْلُ وَالنَّهارُ ، وَلا جَعَلَهُ اللهُ آخِرَ الْعَهْدِ مِنّي لِزِيارَتِكُم ، ❤️ اَلسَّلامُ عَلَى الْحُسَيْنِ 💚وَعَلى عَلِيِّ بْنِ الْحُسَيْنِ 💛وَعَـلـى اَوْلادِ الْحُسَيْنِ 💙وَعَلى اَصْحابِ الْحُسَيْنِ 💞💞💞💞💞

نوحه دفن شهدا قبیله ی بنی اسد منه حمایت ایلیون امامین اوغلونا کمک بو غملی ساعت ایلیون اگر چه کوفیه گئدن زماندا من اسیریدیم امامین ئولدورنلرین الینده دستگیریدیم بو گونده لیک حامل وظیفه خطیریدیم خدای حیین امرینه گلون اطاعت ایلیون مقرر اولدی من گلوب آتامی دفن ائدوب گئدم شبیه جدی اکبری مزارینه قویوب گئدم بوغازی یاره اصغره دویونجا آغلیوب گئدم گلون عزالیام منیم غمیمده شرکت ایلیون بنی امیه نین یالان جلالینه اینانمیون غریب آشنا منم منی غریبه سانمیون بو امر کفن و دفنده قصور ائدوب دایانمیون بو غمکش زمانه نین سؤزون اجابت ایلیون اگر چه ناشناسدور سیزه چوخی ئولنلرین نشان وئروم آدین دیوم بو بی نشان بدنلرین اماندی حاضر ایلیون ئولنلرین کفنلرین اصول شرعی من دیوم سیز استجابت ایلیون بو یئرده کی بدنلرین بیر عالی امتیازی وار باخون بو جسم بی سره هویت حجازی وار آتام حسیندی دفن ائدم یقین کفن نیازی وار حصیر پاره اولسادا گئنه قناعت ایلیون تدارک اولدی بیر لحد قویوبلا جسم بی سری ایاق طرفده دفن ائدیب جوان علی اکبری قویوب آتا قوجاقینه او شیرخواره اصغری بویوردی قارداشیم آتام سیز استراحت ایلیون گؤرن زمان عموسینون او پاره پاره پیکرین سلام ائدوب بویوردی بس عمو هایاندا اللرین غرض او سرو قامته قازیلدی قبر بی قرین بو دردی هر کتابده یازیب حکایت ایلیون آقام حسین صفالیدی صفالی کربلاسی وار مزاری آلتی گوشه دی نمای دلرباسی وار گئجه گونوز او صحن ده حسین حسین صداسی وار او مرقد مطهری گئدون زیارت ایلیون معروفان اهری (معروف) شاعر اهلبیت ع لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

دفن شهدا رحیم شایان سبک : یخلدی سقا یره باش یارالی قان گلور... قبیله اهلی گلون دفن ایداخ ئولن لری کمک لشون تا تاپاخ بی کفن بدن لری وار نه قدر عمروموز بو محن ده آغلاروخ کربلاده ئولن شاهه سینه داغلاروخ گلین تاپاخ سینه سی اودلانان حسینی بیز کسیک باشی ظلمولن ذبح اولان حسینی بیز بو داشلار آلتیندا کی اوخلانان حسینی بیز شهادتین آختاراق شربتین ایچن لری وار نه قدر عمروموز بو محن ده آغلاروخ کربلاده ئولن شاهه سینه داغلاروخ گورون هایاندا دوشوب اکبرین جنازه سی هایاندا دی قاسم دلبرین جنازه سی اورک لری داغلیار اصغرین جنازه سی فلک گورنمز داخی بیله جان ویرن لری وار نه قدر عمروموز بو محن ده آغلاروخ کربلاده ئولن شاهه سینه داغلاروخ گلون گیداخ منله بیر علقمین کنارینه بیر آغلیاق ساقی و مشگ اشگبارینه بیچیلمیش اعضاسینی دفن ایداخ مزارینه فلک گورنمز داخی بیله جان ویرن لری وار نه قدر عمروموز بو محن ده آغلاروخ کربلاده ئولن شاهه سینه داغلاروخ بوچولده دی آختارون عون و فضل و جعفری بویرده عبداللهین دوشدی خیردا پیکری هایاندا دی عمه مون نوگلان پرپری فلک گورنمز داخی بیله جان ویرن لری وار نه قدر عمروموز بو محن ده آغلاروخ کربلاده ئولن شاهه سینه داغلیاخ لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

دفن شهدا سبک :: زینبم جان اوستیم جانانی گوزلر گوزلریم ... کربلا ئوز ائتدیگیم پیمانه خاطر گلمیشم ... مرحوم سید حسین کهنمویی (ریاضی) کوفه زندانینده عمم قالدی من گلدیم بابا ایلیم بو نعش عریانه کفن گلدیم بابا بو سوزی زنداندا الهام ایلدی خالق منه بوینوین زنجیرینی آچ باخما ظلم دشمنه دورما تئز گئت کربلایه وئرمیشم قدرت سنه بیکفن اجسادی مدفون ایله سن گلدیم بابا کوچ ائدنده قتلگهده قویمادی شمر شریر پیکرون دفن ایلیم من ایله میشدی دستگیر صادر اولدی کوفه ده امر خداوند قدیر عارضه توکدوم سرشگی دیده دن گلدیم بابا گلمیشم بو پاره پاره پیکرون دفن ایلیم بزم خلوتده سنه بیر بیر ئورک دردین دییم وار یری قبرون کنارینده ئولونجه گئتمیم عرض ائدم ای آج سوسوز مظلوم ئولن گلدیم بابا هامی بیلدی عمَّمیله باجی قارداشسوز نجه راضی اولمازدوز ملاقاتوز دوشه بیر آن گجه اوندای کی خولی باشون اوندا آیردی بیر گجه ائتدی شکوا جدینه گَل جانه من گلدیم بابا آیریلاندا خیمه دن عمَّمدن آلدون پیرهن ائتدون اول پیراهنی تیغیله پاره پاره سن ائتمیه بیر کس طمع عور اولمیا باشسیز بدن یوخ نیه اگنونده پاره پیرهن گلدیم بابا من گلنده گوردولر اهل قبیله مرد و زن ائتدیلر وحشت که آیا کیمدی بو آتلو گَلَن سولرین گیزلتدیلر سر اولماسون فاش و علن سن دوشن یردن کنار اولدی گورن گلدیم بابا سسلدیم اهل قبیله من هم اسرارم سیزه قورخمیون باک ائتمیون یار وفادارم سیزه گلمیشم دفن ایلیم اجسادی همکارم سیزه تا ائشیتدی بو سوزی گلدی گئدن گلدیم بابا تا دئدیم بو یرده سیز حیرتده قالمیشدوز تمام بو ئولنلردن رعیت هانسیدور کیمدور امام من تانوتدورّام بو باشسیز دور منیم بیکس آتام گلدیلر فریاده یکسر مرد و زن گلدیم بابا کوفیه وارد ائدنده اهل کوفه بیزلری پیشوازه گَتدیله نیزه باشیندا سیزلری ائتدی عمم خطبه سینده مفتضح دینسیزلری یوزده اشک دیده گوردوم ناقه دن گلدیم بابا آختاروردی نیزه ده کلثوم ابوالفضلین باشین خیمه لردن آیریلاندا گورممیشدی قارداشین تاپمادی نوک جداده توکدی گوزدن گوز یاشین گور نجه ظلم ائتدی اشرار زمن گلدیم بابا سویلدی کلثوم اولوب قان گوزده گوز یاشیم منیم تازه دن تازه بلایه توش اولور باشیم منیم بس هانی سرلشگر شه ، نولدی قارداشیم منیم تا ائشیتدیم بو سوزی فریاده من گلدیم بابا دیده گریان اللرین قویموشدی حیران قوینونا آختاروردی قارداشین اظهار ائده دردین اونا گوردی بیر بیدین آسوب سقا باشین آت بوینونا بو غمی گوردوم گوزومله کوفه دن گلدیم بابا متقی اشخاصلر ایلر گنهدن اجتناب سعی ائدر کسب ایلسون آز عمرده خیر و ثواب ایلدی سجاد آتاسی نعشینه بیله خطاب کوفه زندانینده عمَّم قالدی من گلدیم بابا ـــــــــــــــــــــــــــــــــــــــــــــــ لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

سبک سینه زنی ، زمینه،راه شام ((حسین یارالاریوا قربان)) بند اول گئدنده شامه دیده گریان علی قیزی اورکده افغان ورد المیشدی دیلده هر آن حسین یارالاریوا قربان اسیر بالالاریوا قربان بند دوم بلالی زینبه فکاره کسیلدی هر نه راه چاره دییردی اللرینده یاره حسین یارالاریوا قربان اسیر بالالاریوا قربان بند سوم اورکده واردی غم هواسی پوزولدی قاسمین حناسی عروس مضطرین صداسی حسین یارالاریوا قربان اسیر بالالاریوا قربان بند چهارم سولوبدی گلستان دا گوللر اوخا نشان اولوبدی اصغر رباب بختی قاره سسلر حسین یارالاریوا قربان اسیر بالالاریوا قربان بند پنجم اوشاخلارین اوزونده حاله ائدر دیلر فغان و ناله نوای دختر سه ساله حسین یارالاریوا قربان اسیر بالالاریوا قربان بند ششم رقیه قورخودان اَسردی قولون طناب کین کسردی ویراندا ساربان دییَردی حسین یارالاریوا قربان اسیر بالالاریوا قربان بند هفتم جدا باشیندا شبه طاها ناقه لر اوسته غملی لیلا بوییدی ذکری دیلده گویا حسین یارالاریوا قربان اسیر بالالاریوا قربان لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

گفتگوی راهب با حضرت اباعبدالله الحسین علیه السلام سوال و جواب . ✔️ زبانحال راهب . کیمسن ای باش بو گئجه دِیری چراغان ایلدون منه سن معجز عیسانی نمایان ایلدون . بو نه اعجازدی گر سنده مسیحا دگوسن منی آگاه ائله کیمسن،اگر عیسی دگوسن کسیلن طشت زر ایچره باشی، یحیی دگوسن گر ملک سن، ملک اهریمنه تسلیم اولماز گر بشرسن بشره بیر بئله تعظیم اولماز . کیم گوروب نیزه ده قرآن اوخیا یاره لی باش باخا اطفالینه هردم توکه گؤزدن یوزه یاش قلبیمی راحت ائله، ائت منه بو مطلبی فاش دی گؤروم هانسی بویوک طایفه نین رهبری سن؟ هانسی قومین یارالی هادی و پیغمبری سن؟ . گاه آچورسان گؤزون اطرافه باخورسان نگران منتظرسن کیمه؟ حسرتله کیمی آختاروسان؟ اُسرا ایچره کیمون وار؟ اولارا چؤخ باخوسان اوردا بیر خیرداجا قیز وار گوزینون یاشی آخور یؤخلیوب قافله اهلی، او بالا دِیره باخور . کشف ائله سن نه مرام اوسته قیام ایلموسن؟ شرعده هانسی حلال امری حرام ایلموسن؟ بو قدر ظلم ائدوب اشراره دوام ایلموسن مرحبا صبریوه بو صبریده ایوب اولماز حقی ناحق ائلین باش بئله محبوب اولماز باخورام حالیوه هر لحظه دوتور گویلومی قان گورورم باشیوی لب تشنه کسوبلر دالیدان نطقه گل مطلبی فاش ائت، منی قویما نگران حیرتیم آرتوری باخدوقجا سنون گل یوزیوه قانیله پرده چکوب، تُوپراقیلان کول یؤزیوه هانسی شه سن، گئدوب عزّت داغیلوب انجمنون؟ بو باشوندور یارالی هاردا قالوب گل بدنون؟ او خانملار کیمیدی دیدیوه گلمیشدی سنون؟ لطف قیلمشدی منیم دیریمه عیسی بو گئجه غبطه ایلردی منیم حالیمه موسی بو گئجه بو یارالی باشیوین بیرجه سلامت یئری یؤخ یوزون آغزون یارالی، پارچالیوب آنّیوی اؤخ وار باشوندان بیلورم پیکریوین یاره سی چؤخ بیر آچیلمش گُله بنزر باشیوین هر یاراسی قاریشوب بیر بیرینه نیزه و خنجر یاراسی . بو گئجه تاپدی شرافت بو کلیسا سنیله گلدیلر مریم و سارا یانیوا شیونیله سنی وئرّم قسم اللهه دانیش بیر منیله بوندان آرتوق منی اؤز حالیوه حیران ائلمه منده سرّ اهلیَم اسراریوی پنهان ائلمه . ✔️ زبانحال امام حسین علیه السلام . آچوبدی گؤزلرینی پادشاه یوم حساب وئروب او راهبه گویا بو دیللریله جواب .. سوروشما حالیمی باشی بلالیام راهب یورولموشام سوسوزام هم یارالیام راهب . منم او شخص که دوتموشدی شأنیم آفاقی منم او کس که عروج ائتدی عرشه قنداقی گر ایسته سن سنی حیرتده قویمیام باقی کنار ائله دوداقیمدان بو قانلی توپراقی بیان ائدوم سنه چؤخ ماجرالیام راهب حجاز ملکنه بیر شاه باوقارم من سنه بو دِیریده تا صبح اولونجا یارم من مسافرم گئدیرم شامه رهسپارم من بو باشسیز عترته یولّاردا غمگسارم من فراز نیزه ده نی تک نوالیام راهب . گلوب طریق محبتده چؤخ بلا باشیما بلا اولوبدی ازل گوندن آشنا باشیما وروبلا نیزه، قلج، داش بو اشقیا باشیما حیا ائدیر ویرا اؤز نوکینی جدا باشیما دوداقلاریمدان آخور قان یارالیام راهب . جفائیله بو قوشون دوغریوبلا اکبریمی الیمده اؤخلادیلار شیرخواره اصغریمی ستمله باغلادیلار قول قولا حرملریمی داشین یئریندن آخان قان دوتوبدی گؤزلریمی باخانمورام یوزیوه ابتلالیام راهب . منم او نور که حیرتده قویدی موسانی منم او شخص که ائتدیم دلالت عیسانی منم خلیله ائدن نور، نار سوز .. #سوروشما_حالیمی_باشی_بلالیام_راهب #کریمی_مراغه لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

در شهادت امام سجاد علیه السلام . #سبک_دولدوروب_جهانی_واحسین_صداسی گلموسوز بو گون سیز مجلس عزایه تسلیت وئرون اول حضرت رضایه جدّینه یانار آغلار غصه قلبینی داغلار یا امام سجّاد (2) . زین العابدینین قلبی قانه دولدی اللی یدیایل عمر ایلیوب یورولدی آغلادی اوتوز بئش ایل ائله پوزولدی گوز یاشین توکردی شاه کربلایه سو گورنده آغلاردی بو جهانی داغلاردی یا امام سجّاد (2) . ابن بابویه دور راویِ روایت زهر وئردی هشام چکمه دی خجالت چون واریدی دلده کعبه دن عداوت فَرزَدَق ائدنده مدح او مقتدایه انتقامونی آلدی شیعه نی غمه سالدی یا امام سجّاد (2) جان وئرن زماندا یغدی آشناسین آلتی نوجوانین تک به تک بالاسین ایلدی معرف حجت خداسین باقر اوغلی یتدی منصب ولایه دین ائوی اولا تأمین جانشین ائدوب تعیین یا امام سجّاد (2) . پس امام باقر ایلوری روایت اؤز آتام بیوردی وار هله فراغت ایستدی سو آلسین دستماز او ساعت من سوئی گتوردوم حجت خدایه سویلدی وضو اولماز میته وار بو سو اولماز یا امام سجّاد (2) . تازه دن آپاردیم ایلیم عوض من موش مُرده گوردوم سو ایچنده بیردن سو گتوردوم آلدی دستمازین ایمن امر ائدوب گل اگلش گلمه چوخ نوایه گور دویونجا بو زاری من علیل بیماری یا امام سجّاد (2) . بو گئجه یتوبدور وعدۀ وفاتیم بی وفا جهاندان قورتولوب حیاتیم بو شهادتیله کشف اولور نجاتیم هر نه غم یتیشسه ائتمرم گلایه بیر اسفلی ناقم وار چوخ اونا علاقم وار یا امام سجّاد (2) . آبیله علف ائت ناقه مه مهیا چوخ نوازش ایله بیرده تشنه قویما بولسه ئولموشم من غصّه مرگ اولار یا قبریم اوسته گلسه یوز دوتار سمایه قلبی چوخ گلر درده جان وئرر همان یرده یا امام سجّاد (2) . دفن دن صورا اول ناقۀ وفادار صاحبیندن اؤتری ائتدی ناله و زار گلدی قبری اوسته ائتدی بیله گفتار دور گئداق دوباره خانۀ خدایه مرکبون فغان ایلر گورمه سه سنی نیلر یا امام سجّاد (2) . دردلرین دیوردی حسرتیله ناقه یعنی سیّدی دور قبردن ایاقه یوخ منیم بولورسن طاقتیم فراقه آهی اوج ائدوردی عرش کبریایه قالمادی داخی طاقت جان وئروب اولوب راحت یا امام سجّاد (2) . زین العابدینه آغلیاندا ناقه یر گوی اهلی آغلار بو غم فراقه واردی شیعه لرده بیر بویوک علاقه «غمگین» آغلا سنده شاه کربلایه اوغلی جان وئروب نالان پیکر حسین عریان یا امام سجّاد (2) . لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

در شهادت امام سجاد علیه السلام . . سبک ای منی آواره قویان . اولدی گرفتار بلا الهی الهی سرور دین زین العبا الهی الهی . . ظلم و عناد اوسته عدو دوردولار دوردولار خیمه و خرگاهینی یاندیردیلار ، اهل نار بوینونا زنجیر جفا ویردیلار ویردیلار قوم کج اندیش جفا الهی الهی . . ویرمیشیدی الدن آقا آتاسین دشت بلاده هامی اقرباسین آتاسین سویمامیش هیچ تندن عزا لباسین لباسین ویردیلا هی قمچی اونا الهی الهی . . تیر ستمله ئورگین سوکدولر طعنه لی سوزلرله بلین بوکدولر باشینه شاماتیده اود توکدولر مردم بی شرم و حیا الهی الهی . . یاندی باشیندا آقانین عمامه ظلم یزید تاپدی گنه ادامه ویردیله ویرانه ده یر امامه یاندی دل خیر نسا الهی الهی . . کرب و بلادن صورا چوخ آغلادی گل یوزونه اشک عزا باغلادی شعله غمده ئورگین داغلادی نی کیمی ایلردی نوا الهی الهی #رمضانی_خاکی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨