در ضربت خوردن حضرت علی علیه السلام ✍️حاج مهدی ملکی زنجانی سبک :: لای لای گوزلریمون نوری ... آتدان یره چون دوشدی شمشیر عدو یخدی مولانی نماز اوسته محرابه آخیر قانی اظهار نیاز اوسته قلبیلر غصدن القاندی مولا دیده لر غمینده گریاندی مولا ۲ بیر محشر عیان اولدی حق شیری یارالاندی آرام دل زینب بیر پارچا قیزل قاندی منشق اولونوب باشی محرابیده القاندی ای شیعه باشون قوزا گور بیر نجه طوفاندی محرابه آخیر قانی اظهار نیاز اوسته شیعه باش آچوب سویلر وای قانه باتان مولا آرام دل زینب ای بند دل طاها دین اوسته یارالاندین ای یار خانم زهرا جان ویردی نماز اوسته دینی ایلسون احیاء محرابه آخیر قانی اظهار نیاز اوسته جبریل امین سسلور قتل العلی گویلرده سس دوشدی سماواته گلدی سینه لر درده قان آغلوری غملرده هم مسجد و منبرده قانه بویانوب حیدر مسجده نماز اوسته منشق اولونوب باشی محرابه دوشوب مولا آغلاتدی سماواتی بو محنت جان فرسا ای وای علی سسلندی جنتده خانم زهرا مولا نه حالا دوشدی باش آچدی بوگون طاها محرابه آخیر قانی اظهار نیاز اوسته شهره چکلوب قاره جان ویردی شه خوبان گل جسمی نماز اوسته قانیله اولوب الوان عرشه اوجالوب ناله عاشقلر اولوب نالان باش دین و نماز اوسته ویردی او مه تابان محرابه آخیر قانی اظهار نیاز اوسته محراب عبادتده قانه بویانوب حیدر قتل العلی سسلندی جبریل امین پیدر اشگیله دولوب آغلار غملرده بوگون گوزلر مسجده نماز اوسته جان ویردی مه انور محرابه آخیر قانی اظهار نیاز اوسته بی طاقت اولوب دوشدی محرابه شه محشر گویا که سالوب کشتی گرادب ایچینه لنگر جان ویردی علی یاران اشگیله دولوب گوزلر یومدی گوزون عالمده آزاده لره رهبر محرابه آخیر قانی اظهار نیاز اوسته دنیا گوره بیلمز دای بیرده علی تک رهبر تا باقیدی بو دنیا آغلار بوغمه گوزلر باقی اولا گر عمروم شأنینده یازام سوزلر هر شیعه سنین مولا جان اوسته یولون گوزلر محرابه آخیر قانی اظهار نیاز اوسته عرض ایلرم ای مولا سن شمع هدایتسن هم صهر رسول حق هم نور ولایتسن بو شعری که من یازدوم لطف ایله قبول ایت سن «مهدی» دیئر ای مولا سن شافع امت سن محرابه آخیر قانی اظهار نیاز اوسته

ضربت خوردن حضرت علی علیه السلام با اجرای زیبای سرور عزیز بزرگوار حاج مهدی #ژاله_خواه که از رادیو زنجان پخش شد شعر از حاج مهدی ملکی زنجانی ملتمس دعا مهدی ملکی

شهادت حضرت علی (ع) . ✍️ #زبدةالاشعار ✍️ . . #سبک_سریال_امام_علی . حاج مهدی ملکی زنجانی . شیعه ی مولا گیوبدی قاره علی باتوب قانه باشینه دالدان وروبلا یاره علی باتوب قانه علی علی جان علی علی جان علی علی جانم . . مسجد ومحراب بویاندی قانه علی یارالاندی باشینی دشمن ایدوب نشانه علی یارالاندی زینب نالان گلوب فغانه علی یارالاندی اولمادی الله بودرده چاره علی باتوب قانه علی علی جان علی علی جان علی علی جانم . . ملجمین اوغلی وروبدی یاره باشندان ای شیعه آخوبدی قانی عذارینه گوز قاشیندان ای شیعه مضایقه ایتمه سنده اول گوز یاشیندان ای شیعه گیوبدی عالم غمینده قاره علی باتوب قانه علی علی جان علی علی جان علی علی جانم . . دگوبدی یاره نماز قیلاندا ولی سبحانه یخلدی حیدر مسجدو منبر باتوبدی القانه گویده ملک لر گیوبدی قاره گلدیلر افغانه ... ⬇️⬇️⬇️ 👈 متن کامل در سایت ... #ترکی #حیدریه #حیدریه_شهادت #زبدةالاشعار #سبک_سریال_امام_علی #شیعه_مولا_گیوبدی_قاره_علی_باتوب_قانه #ملکی_زنجانی ⬇️⬇️⬇️

نوحه ضربت خوردن حضرت علی علیه السلام با اجرای زیبای سرور عزیز بزرگوارم استاد حاج اکبر نوربهمنی که از رادیو زنجان پخش شد شعر از حاج مهدی ملکی زنجانی ملتمس دعا مهدی ملکی

آغلیور گویده ملکلر #حیدریه_محمدی_ولایی ➖➖➖➖➖ در شهادت حضرت امیرالمومنین علیه السلام .. .. #سبک_کوفه_را_ماتم_گرفته .. .. حاج رضا محمدی(ولایی) .. .. آغلیور گویده ملکلر غم دوتوب یکسر ئورکلر یاغدی محنت ابر ماتم یاندی غمدن قلب عالم .. پخش اولوب عطر وبوی شهادت سیندی ارکان دین و هدایت .. یاعلی یاعلی یاعلی جان(٢) .. .. .. عرشین اهلی فرشه اندی کهنه یاره تازه لندی کوفه ده شاه ولایت دگدی ضربت یاره لندی .. آخدی آخدی قیزیل قان ترابه یاندی اهل سما بوترابه .. یاعلی یاعلی یاعلی جان(٢) .. .. .. غم یاغور ارض و سمایه یر گوی آغلور مرتضایه شهر صوم اولدی محرم کوفه دوندی کربلایه .. فاتح خیبر و فارس بدر قانه غلطان اولوب لیله القدر .. یاعلی یاعلی یاعلی جان(٢) .. .. .. جانشین شاه حجازه دوشدی محراب نمازه واعلی ذکری دیلینده گلدی زهرا پیشوازه .. دور زهرانی حورا آلوبلار باشینه قاره معجر سالوبلار .. یاعلی یاعلی یاعلی جان(٢) .. .. .. #حیدریه_شهادت #حیدریه #آغلیور_گویده_ملکلر #محمدی_ولایی #ترکی #زبدةالاشعار . برچسبها: #آغلیور_گویده_ملکلر #ترکی #حیدریه #حیدریه_شهادت #حیدریه_محمدی_ولایی #زبدةالاشعار #سبک_کوفه_را_ماتم_گرفته #محمدی_ولایی . ✍️ #زبدةالاشعار ✍️ . .

شب بیست وسوم ختم عزای حضرت  امیرالمؤمنین علیه السلام مرحوم سید حسین کهنمویی ( ریاضی) ختم اولور بوگون عزای مرتضی یابن الحسن هارداسان ای جدینه صاحب عزا یابن الحسن ای ظهورینده ایدن احکام دینی تقویت بو غمه صاحب عزاسن دوتسا هر کیم تعزیت اولمادی ممکن حضوراً عرض ایدیدوخ تسلیت اولدی مانع بیزدکی جرم و خطا یابن الحسن بسته دور امر فرج بیر خالقین تقدیرینه بیرده هر شخصه جزا وار ایتدیگی تقصیرینه باعث اولدوخ بیز ظهورین بیر بیله تاخیرینه ایلدوخ از بس عمل لرده ریا یابن الحسن دوتموسان ماتم امیر المومنینه آغلوسان اولمیَن  اجراسی قرآنه مبینه آغلوسان گه باخوب تعطیل اولان احکام دینه آغلوسان بزم ماتمدور سنه ارض و سما یابن الحسن گه باخورسان کوفه ده جدون علی محرابینه گه یانورسان مذهبین سولموش گل شادابینه گه ایدیرسن غصه دینین ترک اولان آدابینه آغلوسان بو باره ده صبح و مساء یابن الحسن گه باخورسان آغلوسان شمشیر خون آشانیوه منتظرسن سکه دولت وورولسین نامیوه امر اولونسون انتقام آل تا یتیش اوز کامیوه ایلمه بیر بیله فرساد و نوا یابن الحسن آیری بیر علتده وار بو ناله روز و شبه آغلاروخ بیز شیعه لرده دائماً بو مطلبه آغلوسان یا سیدی عموّن یارالی زینبه دلده دائم ناله یا عَمَّتا یابن الحسن بیر باجی قارداش حسینه زینبه اولماز مَثَل باجی قارداش قاتلیله ایلیوب ایله جَدَل دوغرانوب بارماخلاری قان آخدی مجروح اولری ال واردی کیمده بو محبت بو وفا یابن الحسن آغلوسان گاهی دیورسن جان ویروب سقا سوسوز کربلاده قالدیلار ذریه ی طاها سوسوز اولدوروب جدیم حسینی شمر بی پروا سوسوز تشنه لب ایتدی ذبیحاً مِن قفا یابن الحسن «کهنموئینون» بو خدمت لرده وار بیر نیتی نار دوزخدن خلاص اولسون اودور جدیتی چون اوطی سیددی وار سیز خاندانه نسبتی ایستیون تا که قبول ایتسون خدا یابن الحسن

خاکپای افلاکیان: بسم الله الرحمن الرحیم بو غم نه غمدی الهی دوتوبدی دنیانی سالوبلا   بستر    مرگه   علیِّ  اعلانی قوروبدی بزم عزانی بتول جنت ده عم اوغلی وای دیور آغلور توکور اورک قانی فراق باشه یتوبدی وصاله دل تلسور ووروبدی بیربیره زهرا نواسی رضوانی گهی آچور گوزونی شیر بیشه ی هیجا دولاندیرور گوره بیر بیر عیال زهرانی باشینون اوسته حسین و حسن نوائیله هره سی بیر دیلیلن ایلیور نوا خوانی گهی گلور اوتورور زینبی کنارینده بابا بابا دیور آغلور او عاطفه کانی دیور بابا سارالان رنگیوه اولوم قربان یانور غمونده دیلیم فاطمه آنام جانی آنام دا یوخدی اوزی باغلیا باشون یاراسین عذاره   ایلیه    جاری   سرشک   مرجانی دییردی گوزیاشی درماندی هریارا اولسا یارالی یار ایلیه زخمِ یاره درمانی باخاندا حسرتیله قارداشیم حسن یوزونه او غملی گوزلرون ایلور اشاره هجرانی بئله خیال ائدورم  دعوت ایلیوب یارون قبول    ایلموسن   سنده    بو   تقاضانی ولی سنی بولورم هانسی غم سالوب دلدن جفای  قنفذ  بی   شرم  و  ضربه  ی  ثانی قاپی دالیندا قالان گون وفالی دلدارون چکیلدی  دفتر   عمرونده  خطِّ  بطلانی شهیده گیتدی آنام سن اوگون شهیداولدون سیزون غم و  محنوز  غرق  ائدوب احُبّانی #بداهه

دعای روز بیستم ماه مبارک رمضان بانوای کربلایی ایوب روزبه بخشایش

نوحه شهادت حضرت علی علیه السلام شاعر:#حاج_مهدی_ملکی_زنجانی نوا :#کربلایی_منوچهر_حسن زاده افلاکدن گلور سس یئر گوی گلوب نوایه ظلمیله یاره دگدی مسجده مرتضایه آغلاتدیلار رسولی جنتده قوم  کافر زینب باشی دوباره بیرده دوشوب بلایه آغلور بنات حیدر ظلمت دوتوب جهانی ظلمیله دست کینه ئولدوردی مرتضانی محرابه یخدی ملجم اول حجت خدانی       اولدی چتین فراقی دنیاده مجتبایه یاره دگوب باشیندان عدل و عدالت ئولدی سس دوشدی عرش فرشه شاه ولایت ئولدی حق و حقیقت اوسته روح سعادت ئولدی     گویدن گلوبدی یکسر حور و ملک عزایه کلثوم و زینب آغلور عرشه چکلدی قاره فرق علیدن اعدا ظلمیله ورودی یاره قانیله دولدی محراب حیدر دوشوب فشاره      عرش اهلی آغلور الله بو غملی ماجرایه دین اوسته قانه باتدی شیر خدا الهی آغلاتدی کائناتی مظلوم علینین آهی ئولدی نمازین اوسته بو شیعه لر پناهی    عرشه چکیلدی قاره سس دوشدی نه سمایه شهره دوشوبدی بو سس حیدر بویاندی قانه رنگی سارالدی صولدی لبلر بویاندی قانه نور هدایت ئولدی منبر بویاندی قانه کلثوم و زینب آهی قوزاندی ماسوایه کشتی غم سالوبدی گرداب ایچینده لنگر جان ویردی شیر یزدان اشگیله دولدی گوزلر یومدی گوزون جهاندان آزادگانه رهبر آغلور حسین حسنده دشمن ائدن جفایه عرش خدایه جبریل نصب ائتدی قاره پرچم آغلاتدی عرش فرشی شاهنشه دو عالم گوز یاشینی غمینده زینب توکر دمادم    دشمن جسارت ائتدی دلبند مصطفایه آغلور بو غمده زینب رنگی سارالدی صولدی یئر گوی گلوب فغانه کوفه غمیله دولدی الله نمازین اوسته شیر خدایه نولدی     یورموشدی غم علینی مهمان گئدوب خدایه

در ضربت خوردن حضرت امیرالمومنین علیه السلام باتوب قانه سجدگاهینده           ساقی کوثر عالم آغلادی دوتوب زهراباغ رضواندا           مجلس ماتم خاتم آغلادی یارالاندی ساقی کوثر وفالی داماد پیغمبر آه و واویلا ... نشان ایتدی زهریلی بیر شمشیریله ظالم فرق مولانی اگر زهرا سالم اولسیدی قان آپارمازدی شاه مردانی طبابت ایلردی مولایه مفخر نسوان خاتمون جانی حسین و عباس و کلثوم و زینب مضطر باهم آغلادی معاذالله نه گناه ا‌وسته قاننه باتدی شاه مظلومان بولوندی ماه ملک سیما کامینه چاتدی فرقه ی عدوان شهید اولدی عدل و داد اوسته فاتح خیبر سرور خوبان گویون قوشلاری بوماتمده توکدی اشک غم نم نم آغلادی ایتوردی مهر و وفا رسمین ملحدان پس فطرت کوفی امامین تک قویدی میداندا مرشدان بی غیرت صوفی گرک ثبت اولسون طلائیله عرش اعلایه کوفی لا یوفی قوروب عرشین اهلی گویلرده مرتضایه بزم غم آغلادی نماز اوسته زاده ملجم عرش سبحانی لرزیه سالدی شل اولموش ال ووردی بیر ضربت ساقی کوثردن توان آلدی آپاردی قان شاه مردانی دورت بالاسی بی دادرس قالدی بو ماتمده ساکنان عرش خداوند اعظم آغلادی #سبک_شبانگاهان التماس دعا

▪️زبانحال دختر امیرالمومنین علی علیه السلام (باشدان هله سو فکرین آت) ای زینبینون دلداری ای قانه باتان رخساری واربویارالی باشوندا شق القمرین آثاری ایکاش آنام بوردا اولیدی بو یاره وه مرهم قوییدی غم جامه سین تندن سوییدی ایوای بابام ایوای یارالی ای فاتح خیبر یاتما بو قیزلاریوی آغلاتما زهرایه قوناق گیدورسن گل زینبی گوزدن آتما چوخ اولدی غملرون جهاندا نه چکموسن قاپون یاناندا آنامی کوچه ده ووراندا غم لشگری ایتدی طوفان یوخ دردیمه بیرجه درمان طوبیٰ سنون احوالیوه زهرایه اولارسان مهمان دینن قیزون همیشه آغلار یانان دیلین غمیله داغلار همیشه باش قراسی باغلار ای معنی صدق وایمان ( بیکَسلره )آرام جان اولسون یارالی باشیوه غملی قیزون آخر قربان یاران ساغالمیین یارادی زینبیوین بختی قرادی منه قالان غم و نوادی التماس دعای فرج الاحقر مهدی عبادی