( مرحوم استاد سلیم_موذن زاده)

حضرت رقیه س زبانحال حضرت زینب س نَدن نظاره ایدنده او یاره لی باشه دیدون اللهی یتور عمرومی منیم باشه یارالی باشدا نه گوردون اوجالدی افغانون یومولدی دار فنایه دو چشم گریانون یارمچیلخ یومولان گوزلره فدا جانیم خرابه یرده هرآن ایسلاداردی دامانون باخاندا گوزلریوه اود دوشور دل و جانه ویرور بو داغلی دیله یاره تیر مژگانون غریبه منظره خلق ایلیوبسن عالمده سالوب تلاطمه دریای صبری طوفانون اورکده غملریوی سایسالار سایا گلمز مدام غملر الینده قالوب گریبانون نه غملی گونلریمیز گلدی گیتدی دنیاده خطور خاطر اولار دائما او دورانون ‌ مدام حلقه لنردی گوزونده گوز یاشی قارشمشیدی او گوز یاشینه اورک قانون احاطه ایتمیشیدی داغلی سینه وی غملر دیدون نگاریوه آیا غم فراوانون؟ یارالی باشه نَلَر سویلدون دل شبده سنه جواب نه ویردی یارالی مهمانون همیشه درد و غمون ایتمیسن منه اظهار نَدن او دم دئمدون دیلده درد پنهانون قصوریم اولمیا اولموشدی خدمتیمده منیم سنون که دائما اجرا اولاردی فرمانون هاچان که سسله میسن عمه وی بو ماواده دئمیشم عمه وین اولسون بو جانی قربانون علاوه اهل حرم نازیوی چَکردی سنون خرابه شامیده ده چوخ واریدی خواهانون گلردی خیرداجا قیزلار مدام عیادتیوه یتردی تک تکینه بوردا لطف و احسانون دیردیلر دانیش ای غمکشیده دوران گلنده نطقه اولاردی تمامی حیرانون خرابه یرده نه عالی حکومتین واریدی اوزومده اولموشودوم روز و شب نگهبانون سنون نئیون یوخدی روزگاریده آخر اولاردی جان جهان درگهونده دربانون بو شأن و شوکتیله گولمدی یوزون امّا چیخا خیالیدن حاشا رُخ پریشانون مدام حَقدن اولوم ایسته دین بو ماواده دعاوی ایلدی قبول حی منانون ‌ ایله آغیردی غمون ایلیوب خیالی منی بیله خیال ایدورم چیخمیوب هله جانون بویور گوروم نجه من تاپشیروم مزاره سنی چَکوم زمانه ده بیر عمر درد هجرانون اوزومده بولمورم هیچ نئینیم بالا جانی دوشنده فکریمه بو زلف عنبر افشانون او غملی گوزلریویله عتیقه ده بیر باخ زیارت ایلیه تا کربلا سلیمانون التماس دعا

‍ شهادت امام جوادعلیه السلام یاران قورولوب بزم عزا عرش خداده آثار محن ظاهر اولوب ارض و  سماده مهدی آقامیز آغلیور ئوز جدی جواده بوغمده گرک سینه سینی داغلیا شیعه قاره گیینه،باشه ویروب،آغلیاشیعه ذی القعدآیینون آخری بیز قاره گیینوک گوزیاشی توکوب گرد غم و  یاسه بورونوک قسمت اولا گر قبری,یوزی اوسته سورونوک بو غمده یانان سینه ی پر سوز رضادی بو غمکدیه بانی غریب الغربادی ای شیعه ی اثنا عشر ای ملت ایران همت الیون حفظ اولونا عترت و قرآن نعمتدی بیزیم مملکته شاه خراسان بوگونده ولی قلبینی غم تیری بولوبدی گوزیاشی توکون شاهیمیزون اوغلی ئولوبدی هرکس که اولوبدور غمی دنیاده زیاده اولسون متوسل بو گجه باب مراده ویرسون قسم اول پادشهی اوغلی جواده صدق دلیله کیم اولا بو بزمیده حاضر البته وئرر حاجتینی اوغلونا خاطر من بنده ی شرمنده ی خلاق جلیلم بوشدور بو الیم سائلم و ابن سبیلم بودرگهه بیرعمریدی منتله دخیلم نه شاعرم و نوحه گر ونوحه سرایم من عاشق شوریده سر ابن رضایم گر حضرت جانان منه لطف ایلیه رخصت مدحین یازارام دفتره در حد بضاعت وار معتبر اخباریده مشهور روایت من نظمه چکوم حظ ائده عشاق حسینی ایلوبدی روایت بو سوزی شیخ کلینی اولاد نبی عالم عالمدی مسلم هر تک تکی اولموش بلی سر اللهه محرم یحیادی دیوربوخبری زاده ی اکثم بیرگون من ئوزوم,زائریدیم قبر رسوله مشغول طوافیدیم ئوزوم قبر رسوله ناگاه گوزوم گوردی او دم ابن رضانی مشغول طوافیدی او مصداق معانی حیران ائلمیشدی حرکاتی عرفانی من ماتیدیم اوشهده اولان عزت وجاهه گیتدیم قاباقا عرض سلام ائتدیم او شاهه چوخ رٲفتیله رد سلام ائتدی اومولا عرض ایلدیم ای نابغه ی حکمت وتقوا سندن نچه مطلب سوروشوم اینجیمه اصلا باخدی منه حکمتله او والای خدابین من یاخشی بیلوردوم اوسوالات جوابین القصه نچه مساله من ایلدیم عنوان فی الفور جوابین بویوروب قویمادی نقصان گوردوم ئوزومی مور او مولانی سلیمان عرض ائتدیم آقا سنده اولان حکمته احسن سن تک آقا, عالم بجرن نهضته احسن ای معدن لطف وکرم و علم وفضیلت فخر ایلیه جک سن کیمی مولایه شریعت وارآیری سوالیم منه مانعدی خجالت بو مساله ده ماتم و حیرانم ئوزومده واللهی غرض یوخدی منیم صونکی سوزومده لبخند ویروب ائتدی بیان اول شه حق بین ای عالم گم کرده ره مذهب و آیین ویرم دیمه میش مساله نین فوری جوابین قویما اوره گونده قا لاچوخ درد و ملالون یحیی بیلورم شرح امامتدی سوالون حیرتده قالیب عرض ائلدیم ای شه خوبان اللهه قسم حق و حقیقت بویورورسان کیمدور دئ گوروم...   

🏴شام غریبان امام جواد علیه السلام 🎤#بانوای_حاج_علی_سیفی_افشار ✍️ بقلم استاد کربلایی رحیم شایان . آغلور بو گون ارض و سما بی کس جواد ئولدی جنات اولوب ماتم سرا بی کس جواد ئولدی . . سنی جوان دی دیده دن بو عالمی آتدی پاک و مطهر روحی ئوز اجدادینه چاتدی قاتل اولوب ئوز محرمی دنیانی آغلاتدی رضواندا نالاندور رضا بی کس جواد ئولدی . . ایتدی عیال نانجیب اول حضرتی تحقیر دویموشدی جانه سسله دی ایتمه اجل تاخیر محنتلری بو حضرتین عرشه ائدیب تاثیر سسلردی گل هادی بالا بی کس جواد ئولدی . . دریای جود و معرفت گیتدی بو دنیادن ایچدی شهادت شربتین دوشدی شکیبادن سو وئرمدی ئوز همسری اوج تبرادن سسلندی وای زهرا آنا بی کس جواد ئولدی . . تا زهر کین ایتدی اثر اودلاندی اکبادی سسلردی تیز گل دادیمه مظلوم اوغول هادی ایلور عیالیم شوقیله بو حالیمه شادی آرتوبدی رنج و ابتلا بی کس جواد ئولدی ____

🖌بقلم عباسعلی دهقان(صاحب): نوحه استمدادازمولاعلی شام غریبان امام جوادعلیه السلام بوگئجه شام غریباندورعلی شیعه نین حالی پریشاندورعلی جان وئروب اوغلون تقی آغلوری اوغلی نقی(۲) _ عدنیدن زهراییله بغداده گل مطصفائیلن دایانما داده گل شیعه دن گورقوزانوب فریاده گل معتصم حقین سنین داندورعلی جان وئروب اوغلون تقی آغلوری اوغلی نقی ___ معتصملن جعفرائتموبلر حیا قئلدیلار زهری تدارک برملا آلادوبلارعورتین ائتدی جفا وئردی انگوری ئورک یاندورعلی جان وئروب اوغلون تقی آغلوری اوغلی نقی(۲) _ زهر کینه قلبینه ائتدی اثر جان وئروبدورعترتی اولدی ملر اوغلی گلدی توکدی گوزدن اشک تر هادی اوغلی دیده گریاندور علی جان وئریب اوغلون تقی آغلوری اوغلی نقی(۲) ___ یاندی صاحب دوشدی یاده کربلا زینب ایلوب بیریانان خیمه به پا قورخولی چولده توتوب شام عزا وای حسینم وای دیوب یاندورعلی جان وئریب اوغلون تقی آغلوری اوغلی نقی التماس دعا __________

راه شام زبانحال حضرت رقیه سلام الله علیها سبک: مسلمون شهادتی  سینه زنی زنجیرزنی 🏴🏴🏴🏴🏴🏴 من یتیمی چوللره سالدی ساربان بابا قانلی باشووه فدا هارداسان دایان بابا آچ او قانلی گوزلرون بیر نظاره قیل منه گلمیشم بو قورخولی چولده گور نه شیونه ظلمیله ئولر بالون دوشسه دام دشمنه گلسه ئولدورر یقین زجر و ساربان بابا بو قرنقلوق گئجه ایله وحشت آلموشام اود دوتوب جگرلریم یاده زجری سالموشام خالقیم گواهیدور من نه حاله قالموشام قویما ایلسون بالون چوللری مکان بابا من سیزیلدارام یانار اهل عالم آهیمه هی نظاره ایلرم باشدا غم سیاهیمه خردا قیز گور ایلمز بو مکاندا واهمه ئوز ایاقینون سسین درک ائدن زمان بابا بخت و طالعیم منی گور بابا هارا چکوب گون باتوبدی عالمه پردۀ قرا چکوب بو اَسَفلی منظره قلبیمه یارا چکوب یوخدی دادیمه گلن قلبیم اولدی قان بابا یوخدی بیر نفر منی غمدن ایلسون کنار قاره معجریم کیمی ظلمت اولدی روزگار قورخودان دوداقلاریم پارچالاندی آشکار گوز یاشیم اولوب منه ایندی همزبان بابا اوچ یاشیندا بیر قیزام صبریدن تالانموشام دیده تر بو چوللری هی قاچوب دولانموشام گاهی قوش کیمی گئدوب خاره دالدالانموشام گاهی سویلرم گل ای یار مهربان بابا راضی اولما خردا قیز قلبی قانیلن دولا آز قالور بو دشتیده قورخی جانیمی آلا گور دوشر نه حالته چولده خردا قیز قالا گلسون ایلرم سنه دردیمی بیان بابا گل هایانداسان منی بیرده آل قوجاقیوه راضی اولما من یانام آتش فراقیوه گل دوداقیمی قویوم یاره لی دوداقیوه منده قالمیوب داخی طاقت و توان بابا سسده دور قولاقلاریم یولدا گوزلریم قالوب بیلمورم هایاندا بس نازلی اکبریم قالوب چولده هئچ دئمور منیم خردا خواهریم قالوب گلسه باغرینا باسار اکبر جوان بابا مرحوم علی اکبر حامدی 🏴🏴🏴🏴🏴🏴

▪️وداع حضرت علی اکبر علیه السلام 🎼#سبک_یارالی_جان_یارالی … 🎼سبک: اکبریم گل گوزلرون قربانی ئولم گلمسون... ✍بقلم زنده استاد یحیوی اردبیلی گل اوتور خیمه ده اکبر باشووا من دولانیم فرش ایدوم تپراقا معجر باشووا من دولانیم . . آنا قربان گوزوه باخ آناوون عَرضه سینه بش دقیقه بو غریبون گل اوغول خیمه سینه پر ووروم یانماقچون شمع رخون سایه سینه مثل پروانه مکرّر باشووا من دولانیم . . مه جمالونده که خالی بوریوب موی سرون خوش دگل ابر سیه اوستونه دوشسه قمرون ساغ یوزوندن آیروم صول یوزوه طرّه لرون هاشمی خالووی گوستر باشووا من دولانیم . . من سنی یولّایورام دشت مناده ئوله سن سالاسان لیلی بیچاره نی چولدن چوله سن نه سن اسماعیل اولارسان گئده سن ساغ گله سن نه ده لیلی اولور هاجر باشووا من دولانیم .

در قالب شاخسی ، واحد ، زمینه(وصال تبریزی) دل وقف اولونوب جانانه گوره جان   نذریدی   بو پیمانه گوره دیوانه   سویونر    دیوانه گوره یاحسین جان ، یاحسین جان ، وصلیوه دل    تلسیر یاحسین جان ، یاحسین جان ، باخ نجه گویلوم اسیر انت و نعم الامیر بو  سوز  اوسته   من آند ایچرم عشقونده حسین جاننان گئچرم مولانا حسین خوشدور گوره گوز مولا حرمون عرش اهلین ائدن شیدا  حرمون لیلا    و    مولا    و   آقا حرمون یاحسین جان ، یاحسین جان، بیله بولوط دولار هیچ یاحسین جان ، یاحسین جان، گور بئله گل سولار هیچ گور بئله هجر اولار هیچ قاره   نون  آقا    خلعت بیچرم عشقونده حسین جاننان گئچرم مولانا حسین عشقوندی چکن رسوایه بیزی تاپشور  اوز آنان زهرایه بیزی زهرایه ، مولایه ، سقایه بیزی یاحسین جان ، یاحسین جان،   قلبیده درد    فراق یاحسین جان ، یاحسین جان، فاصیلمیز چوخ اوزاق من ایران سن عراق هجرین   آجی   زهرینون ایچرم عشقونده حسین جاننان گئچرم مولانا حسین عشقین ائلیوب دل اهلینی  مات مصباح    الهدا  ،   کشتی  نجات برکات ،   حسنات ، عالی درجات یاحسین جان ، یاحسین جان،   اماندی آتما      منی یاحسین جان ، یاحسین جان، یادان چخاتما منی اوزگیه قاتما منی وصفونده اورکدن سوز سئچرم عشقونده حسین جاننان گئچرم مولانا حسین سبک👇👇👇👇👇👇👇👇👇

وار قلبیلرده بیر شور وغوغا گلدی گینه ماه غم و اندوه مولا فرزند زهرا ♪♪♪ عرش خدایه قاره چکوبلر رخت عزا گییدی گینه جنّتده زهرا دلبند طاها ♪♪♪ گلدی ماه ناله و غم یاسه باتدی اهل عالم یتشوب ماه محرم ♪♪♪ تسلیت ویر شیعیانه واردی دیللرده ترانه سسلیولر یانه یانه ♪♪♪ اَنت فی قلبی حسین جان اَنت فی قلبی حسین جان اَنت فی قلبی حسین جان ♪♪♪ درگاه پاکون باب ولادی بو آستاندا یا حسین شهلر گدادی باب رجادی ♪♪♪ ای شاه خوبان گَل ایله احسان ششگوشه عشقی باشیمه دوشدی حسین جان ای جان جانان ♪♪♪ پور سلطان نجف سن گوهر عشقه صدف سن مایه ی عزّوشرف سن ♪♪♪ ای حجازین پادشاهی عالمین سن سن پناهی قسمت ایله خیمه گاهی ♪♪♪ اَنتَ فی قلبی حسین جان اَنتَ فی قلبی حسین جان اَنتَ فی قلبی حسین جان ♪♪♪ غملر الینده دلخستیم من بیر عمردور مولا سنه وابستیم من دلبستیم من رسانه آهنگ ♪♪♪ قانین ایدوبدی اسلامی زنده دیلدن اودور عشق ایلرم آدون گلنده لطف ایله سنده ♪♪♪ سن شه گلگون قباسن نورعین مرتضی سن خامس آل عباسن ♪♪♪ قلبیمه مولا صفا ویر درد عشقه گل دوا ویر بیر برات کربلا ویر ♪♪♪ اَنتَ فی قلبی حسین جان اَنتَ فی قلبی حسین جان اَنتَ فی قلبی حسین جان ♪♪♪ بزمون ده واردی عطر گل یاس سربار عشقوخ یاحسین سرلشگر عباس وار شور و احساس ♪♪♪ ویردی ابوالفضل صاق و صولوندا باش ویرماقا آمادیوخ دینین یولوندا جانان یولوندا رسانه آهنگ ♪♪♪ آگه اولدی قوم خونریز سیز بیزه درس اورگدیبسیز باش ویریب باش اگمروخ بیز ♪♪♪ شور عشقه مبتلایم پیرو خط ولایم عاشق کرب و بلایم ♪♪♪ اَنتَ فی قلبی حسین جان اَنتَ فی قلبی حسین جان اَنتَ فی قلبی حسین جان ♪♪♪ ای شاه تشنه بیر عبد زارم من (بیکَسم) درماندیم درده دچارم هیچ یوخدی چارم ♪♪♪ سن سن جهاندا امّید گاهیم قیل دردیمه درمان اوزون ای دادخواهیم یوخدور پناهیم رسانه آهنگ ♪♪♪ غم و غصه قلبی آلدی شیعه لر سولدی سارالدی گوزلری یوللاردا قالدی ♪♪♪ ظلمودن دیللر اوساندی ناله میز عرشه دایاندی حیف اولا مهدی عج یوباندی ♪♪♪ اَنتَ فی قلبی حسین جان اَنتَ فی قلبی حسین جان اَنتَ فی قلبی حسین جان

🍃بِسْـمِ ٱللهِ ٱلرَّحْمٰـنِ الرَّحیـمْ🍃     🌸 الهـی بـه امیـد تــو 🌸 سلام 🌹 صبح همگی بخیر دوستان عزیز🌹 🌺 گونیز آیدین اولسون ، سحرئیز خیر اولسون عزیز دوستلار🌺 💐اللهم عجل لولیک الفرج💐

‍ ‍ ‍ ‍ ئوزوم گوردوم... سبک :: منیم ای تشنه قربانیم ... .. ☑️ زبانحال حضرت امیرالمومنین علیه السلام ئوزوم گوردوم قاپیم یاندی تماشایه گلن دوردی ئوزوم گوردوم که زهرانی او نامرد زَمَن ووردی ئوزوم گوردوم اشاریله دیوردی قنفذا ثانی دایانما ویر ایاقدان سال ئورگی داغلی زهرانی ئوزوم گوردوم نه نوعیله یره زهرا یخلمیشدی ئوزوم گوردوم که دیواره نه قدری قان یاخلمیشدی ئوزوم گوردوم بالام محسن دوشوب یرده چخور جانی نه زهرا گوردی ئوز اوغلون نه محسن گوردی زهرانی ئوزوم گوردوم عُمَر آلدی الینه بیر یانق هیزم منیم باغلیدی قوللاریم او ووردی من باخوب دوردوم ئوزوم گوردوم حسینون گوزلری گریان دایانمیشدی ئوزوم گوردوم که مسمارین اوجوندا قان دایانمیشدی ئوزوم گوردوم قاچور زینب دیور وای بی کمک قالدیم گلون آی قونشولار ئولدی ننم اللرده تک قالدیم ئوزوم گوردوم حسن آغلور دیور الله ننم ئولدی کیچیکدور سنّیم حیف اولسون بو غصّه قلبیمی بُولدی ئوزوم گوردوم قیزیم کلثوم ائله رنگی سارالمیشدی ایتیرمیشدی ئوزون گویا بالام آواره قالمیشدی ☑️ زبانحال حضرت امام حسن علیه السلام رضا ماه پری زنجانی ئوزوم گوردوم آنام زهرا سولوب گل تک سارالمیشدی ایشقلی صورتین گوردوم که بیر سمتی قارالمیشدی ئوزوم گوردوم آنام زهرا قالوب تک سینه داغلیردی حیاسیندن یانایانه یواشجا سسیز آغلیردی ئوزوم گوردوم آنام زهرا  ائدوردی تکیه دیواره ئوزوم گوردوم قولاقیندن یره دوشموشدی گوشواره ئوزوم گوردوم آنام زهرا نه حالیله یخلمیشدی قنادسیز قوش کیمی گوردوم که دیواره سخلمیشدی دین اولمادی ای ظالم قباله ملکنی جیرما پیمبردن امانتدور الین سینسین اونی ویرم

بانوای گرم زنده یاد حاج محمدباقر منصوری اردبیلی

﷽ #مجلس_ختم_پدر #روضه #ترکی بو دنیانون وفاسی هیچ یوخومیش یامان گونی خوش گونلردن چوخومیش آباد ائله قبر ائوینی ای دل غافل هرقدر که آباد اولا ویراندی بودنیا آی یالان دنیا....امان امان آی بی وفا دنیا وفاسی یوخ بودنیانون یالاندی کهنه دنیا هله...هله قالاندی عاقبت باشلاری داشه چالان دنیادی به یاد مهربان آتا....قبر ائوینه سفره ائلین آتا اما بو رسمیدی آتا سفره گئدنده بالالارون چاغیرار سسلر آی بالاروم سیزی آللهه تاپشوردوم اما....امان او ساعتدن کی بالالار گله لربابانین تابوتین یاپوشا لار وای اولحظه دن کی بالالار گوره او سفری کی....بابا گئدیر....دای بو سفردن گلمیه جک به یاد بابای سفرکرده آتا ائوین چراغیدی ‌‌آتا ائوین دایاقیدی آتالارا حرمت ائدون بش اون گونون قوناقیدی آی آتاسی اولانلار گئدون دولانون آتایزون باشینا به یاد او ساعتی که بو مهربان بابا ائوده بالالارون چراغیدی چهل روزه به سر افسر ندارم...آمان آیروقدان ...‌فغان آیروقدان چهل روزه که تاج سرندارم....قرخ گون اولدی ائویمیزون چراغی سونوب....‌قرخ گوندی بابانین سسی گلمیر چهل روزه پدر رفته زدستم قرخ گوندی بابانین یئری ائوده بوش قالوب اما آتاسیز لیق چتین درد اولار الا کی قیزی اولسا قیزه گران درد اولار باباسی ئولسه بخصوص اگر قیز ائولر ائوینده اولسا آتا ائوینه گئدنده بیر آیری عالمیلن گئدر آتا ائوینه آخه مشکله دوشنده ائله دییر کاش بابام گلیدی....کاش قارداشیم گلیدی اورگیزی ائله بوردان دولاندوراجاقام کربلا چولونه اوزمانیکی عاشورا گونی قتل وغارت توکندی او غملی زینب آتا سی ئولن بالالاری اوغلی ئولن ننه لری ییقدی بیر یاری یانموش خیمیه بیر باخدی صولا بیر ساغا ائله بیردن سسلدی یا علی المرتضی آتا جان هاردا سان مشکلده قاموشام دئدی بیر قوشا بنزیرم بابا اوچانمورام سینیب پریم کیمه دئیوم بودردیمی که تا ائده دوا بابا لایلای بابا۲ قیز بابانی گوزل اوخشار #اوخشاما از زبان دختر👇👇 قیزیل گول دن اولدی...‌آچیلدی خرمن اولدی...آیرولوخ مندن اولمادی آی بابا آیرولوق سندن اولدی لایلای بابا۲ ای قبره نیسگیلی گئدن لایلای بابا۲ غم غصه لردن دینجلن لایلای بابا۲ سندن اوزولدی ال بابا بیرده یوخوما گل بابا #شعر پایان مجلس👇 عاقبت زین دارفانی پرکشیدم یاحسین عشق تو مهرعلی درسینه دارم یاحسین من دراین وادی غریبم جان زهرا مادرت هرشب جمعه گذرکن برمزارم یاحسین

بسم‌الله الرحمن الرحیم 🌺 سبک نوحه👇/گلمیشم ایوای دیرم من سنه لایلای دیرم گلدیم اورک داغلاماقا آی باجی/ باجی دیوب آغلاماقا آی باجی/ گوزلروی باغلاماقا آی باجی/ گلمیشم ایوای دییم من سنه لایلای دیرم ۲ هجرون ائدیب قدیمی خم آی باجی/ سنسیز گولوم/ سولدی منیم آی باجی سن منه بیریولداشیدون آی باجی هم باجی هم قارداشیدون آی باجی گلمیشم ایوای دییم من سنه لایلای دییم ۲ به یاد مرحومه مغفوره شاد روان بانو..... تسلیت عرض ایلورم باجیلارینا قادراشلارینا باجینین امیدی قارداشی اولار باجینین امیدی باجیلاری اولار اگر بیر باجینین ننه سی اولماسا دده سی اولماسا پناه آپارار باجیلارینا قارداشینا بیلمییم مرحومین آخرین لحظه اولابیلدوز یا یوخ حتما آخرین لحظه ده دییردی آی باجیم قارداشیم گلون اولورم ییی گلون اولورم ننم یوخ منه آغلیاااا بیلمییم آخرین لحظه باجوزون کنارینده اولابیلدوز یا نه اگر اولامییبسوز بو مرحومین آخرین لحظه یری وار باجیلاری ایله دیه اوخشاما👇👇👇 گونش گلوب دان یرینی داغلادی چای چشمه لر احوالیمه آغلادی باجی سن جان وئرنده بیز یوخودوخ دی گوروم گوزلروی کیم باغلادی آی باجی هر وعده گئدون بو مرحومین قبرینین کنارینه باجیلاری قارداشی دیسون آی باجی 👇👇👇 تپراغلارا// قویمائوزون آی باجی گل منه رحم ایله ئوزون آی باجی آچ بیرجه قانلی گوزوی آی باجی قالیب الیم/ اوسته الیم آی باجی باشه گلیب چوخ اجلیم آی باجی گلمیشم ایوای دییم من سنه لایلای دییم 😭 حتما بو مرحومه جان وئرنده اوزون دولاندیردی قارداشینا گل آی قارداش اولورم اوخشاما👇 گل آی قارداش گور کیمی سولموشااام بلوط کیمی غصه لرده دولموشاااام هاردا قالیب وفالی قارداشلاریم جان وئرنده نجه یالقوز اولموشااام آی قارداش به یاد مرحومه مغفوره شاد روان بانو ...... اوزونون و تمام اولنلرینین روحینه جمعین اولنلری غفارل فاتحه م صلوات اللهم صل علی محمد و آل محمد و عجل الفرجهم 🌹🌹

#عبرت‌نامه1 🍁ایهاالناس گلون گردش دورانه باخون 🍁قدر‌ت مطلقه خالق سبحانه باخون 🍁اویمیون فانی اولان کبکبیه ، دَبدبیه 🍁چشم عبر‌تله گلون عالم امکانه باخون 🍁زرق وبرقیکه گورورسوزبوفنادهریده سیز 🍁یئلاسن وقته گئدین شمع شبستانه باخون 🎤سلطان الذاکرین استادحاج سلیم موذن زاده ✍#شعراز:شاعرعاشورایی استادمنزوی اردبیلی #آهنگ:اورتاسه گاه #پخش‌برای‌اولین‌بار

#عبرت‌نامه2 🍁هامی ادیان آراسی بو دینی الله بَیَنوب 🍁بیر گلین سیزده پسندیدۀ یزدانه باخون 🍁دئمیون ملت اسلام عقب افتاده دیلر 🍁ضعف اسلام دَگول،ضعف مسلمانه باخون 🍁اجنبی تفرقه‌سی یئتمیش ایکی فرقه ائدیب 🍁اولدیلار بیر بیرینه گورنئجه بیگانه باخون 🎤سلطان الذاکرین استادحاج سلیم موذن زاده ✍#شعراز:شاعرعاشورایی استادمنزوی اردبیلی #آهنگ:اورتاسه گاه #پخش‌برای‌اولین‌بار

#عبرت‌نامه3 🍁هر شب جمعه گئدین ساحت قبریستانه 🍁توپراق آلتیندایاتان سائل و سلطانه باخون 🍁عرض وطولینده بیر آزفکر ائیلیین قبرلرین 🍁جُرم حبس ابده ، تنگی زندانه باخون 🍁ناز بالیشده یاتان گونلرینی فکر ائلیین 🍁داشاپَرقو یئرینه باش قویان انسانه باخون 🍁بو همان شخصیدی قویمازدی قونا توز باشینا 🍁توپراق آلتیندا یاتیب گورنه ذلیلانه باخون 🎤سلطان الذاکرین استادحاج سلیم موذن زاده ✍#شعراز:شاعرعاشورایی استادمنزوی اردبیلی #آهنگ:اورتا سه گاه،اشاره به ماهور،چوبان بایاتی،وشکسته ماهور

صفا وار شور وار یاران حسین آدی گلن یرده ملک وار حوری وار یاران حسین آدی گلن یرده حسین آدی گلن یر شوره زار اولسا گلستاندی اتورسا مهری هردلده او دل دریای ایماندی اونا یرگوی توکر گوزیاش فدای دین وقرآندی اولارگوزیا شلاری باران حسین آدی گلن یرده حسینه گوزلروم قربان ملک صورتده انساندی مقام و شانینه جمله ملایک اهلی حیراندی حسینی اتسه لر تفسیر حسین معنای قرآندی اولار روحه روان قرآن حسین آدی گلن یرده چکر حسرت ملایکلر حسینون خادمی اولسون گلون بیزده ایداخ همت عزا مجلسلری دولسون گلوب باخدوقجا دشمنلر سولان یاپراق کیمی سولسون گرک دور خار اولا دونان حسین آدی گلن یرده حسینون خیمه سی آلتی بیزه مین باشدی جنتدن اولارکی عترتی سویمزچخاتماز باش بو حکمتدن اورکدن سسلسوخ آدون قوتولوخ رنج ومحنتدن تاپولماز درد بی درمان حسین آدی گلن یرده (مطلبی) (مداح مطلبی)

آقام حسین آدین قرار وتاب آلور باخاندا پرچمه گوزوم یاشی آخور گلوب محرمین حسین حسین حسین شعاری دللرین حسین حسین حسین زمین آسمان قراگیوب دیلر تمام عاشقان قراگیوب دیلر اولوبدی غم عیان قراگیوب دیلر شعاری دیلرین حسین حسین حسین یانخلی دللرین حسین حسین حسین دینده یاحسین آخار گوزوم یاشی مجسم ایلرم یارالی بیر باشی دوشر خیالیمه وفالی قارداشی دیردی گل اخا حسین حسین حسین سنه گوزوم فدا حسین حسین حسین ملال دردی وار اورکده هر کسین اسر قرا علم باخالا دل غمین اولوب دولار آقا دخیل درگهین شعاری دیلرین حسین حسین حسین یانخلی دللرین حسین حسین حسین یانان دلیم یانار دیر حرم حرم گوزوم یاشی آخار دیر حرم حرم قرار و تاب آلار دیر حرم حرم عنایت ایت آقام حسین حسین حسین مزاره یول سالام حسین حسین حسین باخار آنان بو آی قرا گینلری گینده قاره سین نوا ایدنلره عزالی زینبه صدا ورنلره یازارآدین دییر حسین حسین حسین ورر صیله دیر حسین حسین حسین (مطلّبم) گوزوم کسیلمش الده دی بیرعمردورآدین یارالی دلده دی عزیز فاطمه اورک حرمده دی یانان دلیم دیرحسین حسین حسین یاز قلم دیر حسین حسین حسین (مطلبی)

🌹اَلسَّلامُ عَلَى الْحُسَيْنِ 🌹وَ عَلى عَلِىِّ بْنِ الْحُسَيْنِ 🌹وَ عَلى اَوْلادِ الْحُسَيْنِ 🌹وَ عَلى اَصْحابِ الْحُسَيْنِ

سبک شاخسی ، ورود محرم بند اول ماه ماتمین دور آقا غرق غمدی عالم باشینا قرا باغلادی چون حضرت خاتم قاره چکدیلر هر یره باشلانیب محرم سسلیر اورکلر.  یرلرحسینه قربان دییر ملک لر.  گویلر حسینه قربان بند دوم عشقیوه سنین هر ایکی عالم قالیب حیران قبریوه آقا ایسته بو عشاقیوی مهمان اوردا سسلیاخ جانیمیز عباسیوه قربان سسلیر اورکلر.  یرلرحسینه قربان دییر ملک لر.  گویلر حسینه قربان بند سوم تربتین سنین یاحسین هر درده دوادی مرقدون آقا عرشیدن چوخلی باصفادی زنده ساخلین بیزلری عشق کربلا دی سسلیر اورکلر.  یرلرحسینه قربان دییر ملک لر.  گویلر حسینه قربان بند چهارم ای گوزل آدین یا حسین دردیمین دواسی باشیما دوشوب ای شها کربلا هواسی هجریدن اولوب"کربلا"قلبیمین نواسی سسلیر اورکلر.  یرلرحسینه قربان دییر ملک لر.  گویلر حسینه قربان بند پنجم درگهین آقا بیزلره چون باب کرمدی جان پناهیمیز یاحسین بو قاره علم دی ای شه کرم عشقیمیز تک بین الحرمدی سسلیر اورکلر.  یرلرحسینه قربان دییر ملک لر.  گویلر