ای بتوله نایبه دخت شاه مشرقین قهرمان کربلا ای شریکة الحسین زینب زینب آبروی خاندان حیدر سن زینب زینب شأنیده خیرالنسایه دیگرسن یازینب یازینب ای بتوله نایبه دخت شاه مشرقین قهرمان کربلا ای شریکة الحسین بهر تقواوحیا ای گل باغ ادب کوه ایثارو شرف ای عقیلة العرب زینب زینب آبروی خاندان حیدر سن زینب زینب شأنیده خیرالنسایه دیگرسن یازینب یازینب جمله خوبان جهان درگهونده بنده دی نهضت کرب وبلا عشقیویله زنده دی مات اولوب همتیوه جمله افلاک و زمین سن اوجاتدون عشقیله کربلانون علمین زینب زینب آبروی خاندان حیدر سن زینب زینب شأنیده خیرالنسایه دیگرسن یازینب یازینب

قتلگاهیده قارداشون حسین        اولسـا شمـرله روبـرو باجی تار زلفـووی توکمه عارضه یولما ساچلارون موبمو باجی هر باشون که عشقی ابتلاسی      وار باشه یتمین بیر بلاسی‌وار هر کسـون منـه اقتداسی‌وار        قانیلن ایـدر شستشو بـاجی منکـه گلمشم نشـر حکمته وار تحمّولـوم هـر مـصیبته چوخ لزومی‌وار اهل دعوته           طبع بردبار حُسْن خو باجی وار سنون بیوک بیر مَتانتون      صبـر و طاقتـون استقامتون حالیمی گوروب پوزما حالتون     شیـوۀ رضـا بودی بو باجی عاشقون گرک فکری باز اولا      شرح هجـردن بی‌نیـاز اولا عیش خوش اودور بزم راز اولا   بی‌تکلـم و گفتگــو باجـی عشق سرکشون چوخ مرامی‌وار     آیری نشئه‌سی آیری جامی‌وار هـارداکیم تَجَرُّد مقامی‌وار  بی‌بهـادی جام و سَبو باجی قتلگه دیمه گلستاندی بو طُور جَلوه‌ئی دِلستاندی بـو صدر مکتب امتحاندی بو طرح حلّ اولور حیّ هو باجی من بـو گلشنه ایلـرم روان نهر نَحْردن چشمه‌چشمه قان هاردا گورموسن بیله باغبان  بیلـه آبیـار بیـله جـو باجی هاردا من دوشوب جان ایدم فدا     جُوی خوندن اولمارام جدا مقصدیـم بودور ایتمیم اَدا صون نمازیمی بی‌وضو باجی من بیـوک فرامینـه حاملم. رُشـد فکــرده فـرد کاملـم شُکروار که بـو لطفه شاملم    ویرموری منه کیمسه سو باجی اود دوشه اگر خیمگاهیمه          همعِنــان اولا سـوز آهیمـه یوخ دخالتـی طـیّ راهیمه نعــرۀ «اَلا حَــرِّقوا» باجـی اوندا که چخار خُلْددن آنام         آغلیوب دیر وای عزیز بالام اوندا بول که ختم اولدی قتل‌عام     اولدی شوکتون زیر و رو باجی اوندا صبر قیل طعن دشمنه       گلمسون گران هر جفاسنه باشیم اوسته گل‌گور نجه منه    ایستی قوم اولوب پَرّقو باجی گورنه یاتمشام خواب نازیلن      دلخوشام فقط بیـر نمازیلن ایلـرم بیـوک بیـر نیازیلن خیــر امّتــی آرزو باجــی باش یارا بوتون عضو تن یارا جمله طول و عرض بدن یارا اوخ یاروب گیچوب حدّدن یارا       قـان آخار چوله سوبسو باجی گورسن اکبریم غرق یاره‌دور          تــاروپود تـن پـاره پاره‌دور منحصر بفرد بیر بو چاره‌دور           تــار زلفلـه قیـل رُفو باجی پـاره پیـرهن بـار جان اولور          بارماقیمدا گوزدن نهان اولور سهـم غـارت سـاربان اولور        چوخدی بوردا سرّ مگو باجی پاک‌ای هـدف عشـق بی‌نظر         شـام و کوفـه‌‌دن ایلمـز حَذَر یارون آختاران چوللری گزر             سوبه‌سو باجی کوبه‌کو باجی نیزه‌نی باشیم نَخل طور ایدر         صحن مَطبخی غرق نور ایدر هاردا من اولام حق ظهورایدر      گوسترر اوزون رنگ رو باجی رهبرم هامـی اهل خِیره من          فرق قویمارام یار و غیره من باش چکم گرک پیر دِیره من       بی‌ثمـر دگل جستجـو باجی حشـرده منــم قـاسم نَعیم       منده‌دور اوگـون امر مستقیم پیــر درگهیم هنـدی قدیم          قویمـارام اولا زردرو بـاجی   شاعر: هندی

شاه حسن گویی (شاخسی) حلول ماه محرم ✍محمد قربانی وصال تبریزی گلدی مه محرم ماه عزا گلدی دردی اولانلار بولسون درده دوا گلدی شیعه بو گونلر سسلر وای آقاما ایوای سس وئرجاق ربابه وای بالاما لای لای واللهی دامارلارداکی قان قانه حسیندی بو شاخسین اهلی هامی مهمانه حسیندی جان جانه حسیندی عطشانه حسیندی شیعه جانی یکسر قربانه حسیندی مولا یاحسین جان..... عرش چکوبلر قاره ملک و ملک آغلار فاطمه چون بو غمده سینه سینی داغلار قاره علملر گویده تا کی اسیر مولا گورماقا قبرین دیللر چوخ تلسیر مولا محشرده اولان شور همان شوره حسیندی تنها نه من عالم هامی مخموره حسیندی دل طوره حسیندی مقهوره حسیندی حریته اعلان منشوره حسیندی مولا یاحسین جان..... نار فراقونان دل داغلیارام مولا صبح و مسا هجرونده آغلیارام مولا رخت عزاویوی تندن سویمارام ئولسمده من سنه آغلاماقدان دیمارام ئولسمده تاپشورموشام ئولسم یازالار قبریمون اوسته بیر عمری یانوب آغلادی بو قلبی شکسته ای شاه خجسته ای عالمه هسته آخر نفسیمده گل باشیمون اوسته مولا یاحسین جان......

علی ای ربابین مارالی ربابین شیرین دیل غزالی عطشدن سولان رنگ عالی بالام یات گولوم یات یات ای آناسین سالان دردی درده بالام یات یانام باخاندا بو رخساره زرده بالام یات گزدیم خیامی سو یوخ بیر نفرده بالام یات علی یات بالام یات گولوم یات لایلای علی جان علی جان علی جان ددیم ای منیم شیر خوارم مدد ایله بیر بخت قارم الیمدن بالام یوخدی چاره بالام یات گولوم یات آز قلبیوی نار درد و ملالیله دولدور آخر سسین باتدی گل سن آز آغلا اورک دردیوی آز بیان ایت بیر آز قلبیمه دوز توان وئر سو یوخدی دیلین آز نشان وئر بالام یات گولوم یات گل باشیوه دور آناوی تصدق دولاندور دردیم علی چوخدی آز قلبیمی غمله یاندیر چوخ سینمه باخما اصغر منی آز اوتاندور علی یات بالام یات گولوم یات

#شاخسی دور ای منیم آرخام الیم دور یارالی سیندی بلیم دور ای وفالی جان یارالی بونه اوخدی سجده گهده بونه قاندی یوز گوزونده دوتولان آیا شباهت گورورم گوزل یوزونده گلیرم دالنجا منده بولوسن بونی ئوزونده(۲) دور ای منیم آرخام الیم دور یارالی سیندی بلیم دور ای وفالی جان یارالی ماه برج آل هاشم باتان اولدوزلاری دیندیر سنی گوزلوری رقیه بالاجا قیزلاری دیندیر دور ای منیم آرخام الیم دور یارالی سیندی بلیم دور ای وفالی جان یارالی تاسسون خیامه گلدی یاندیم آه وزاره گلدیم دوزمدیم وفالی دیلده گل آدین هرایه گلدیم قارداش عطرینی من آلدیم تلیدن اننده قارداش(۲) دور ای منیم آرخام الیم دور یارالی سیندی بلیم دور ای وفالی جان یارالی عطریوی آلاآلامن کربلا چولون دولاندیم صاق صولا غمیله حیران گه گدیب گهی دایاندیم گوردوم الرین کسیبلر یرده دورعلاوه یاندیم گوردوم الره دوشوبسن الرین گورنده قارداش دور ای منیم آرخام الیم دور یارالی سیندی بلیم دور ای وفالی جان یارالی

امدادخواستن حضرت ابوالفضل از امام یتیش امداده حسین جان قالوب اللرده ابوالفضل منی سال یاده حسین جان قالوب اللرده ابوالفضل امداد ایت منه میدان آراسیندا قالموشام قان آراسیندا آت قاووب سن تک امامه دینی دنیایه ساتانلار منی السیز گوروب آخر خواب غفلتده یاتانلار دورمی یکسر آلوبدی الی سالم اوخ آتانلار امداد ایت منه میدان آراسیندا قالموشام قان آراسیندا کاش بیر لحظه باشیمدان اوتلی طوفان کسیلیدی باشیمین قانی اوزره آخمیوب قان کسیلیدی سن گلن دمده ابوالفضل سنه قربان کسیلیدی امداد ایت منه میدان آراسیندا قالموشام قان آراسیندا دمیرم جان ایستیرم گل ، منه بیر ایله حمایت دمیرم ال یوخ بدنده پیکریم یکسر جراحت دییرم گل باشیم اوسته ایله زهرانی زیارت امداد ایت منه میدان آراسیندا قالموشام قان آراسیندا یتیش امداده حسین جان قالوب اللرده ابوالفضل منی سال یاده حسین جان قالوب اللرده ابوالفضل امداد ایت منه میدان آراسیندا قالموشام قان آراسیندا نوحه:👇👇👇