بنام خدا گفتگوی شاعرانه در خلوت شب با محرم اسرار حضرت مهدی عج ____ نقش اولوب عکسون آقا صفحهٔ پنداریموزه نه اولار بیر باخاسان دیدهٔ خون باریموزه چیرپینور سینهٔ عشاقیده شوقیله اورک بیر نظر ایله بیزیم سینهٔ غم باریموزه گئجه گوندوز چکیروک آه مکرر آقا جان گولوری مدعی هر آن بیزیم افکاریموزه باخوروخ هر طرفه آثارون اوردا گورونور بیلیروک سن گلوسن دالدادا دیداریموزه مدعی لر بیزی عقرب کیمی هردم چالوری ایلیولر اولار ایما بیزیم آماریموزه اوش یوز او اوچ نفره چاتمایوب انصارون آقا دلخوشوخ بیز آقا جان عاقبت کاریموزه بیلیروخ غرق ائده جاق عالمی انوارون آقا آیری گوزده باخاجاق سان آقا رخساریموزه سیزآقا مهر ومحبت باغینون باغوانی سوز مهریله سیز باخاجاق سوز آقا گلزاریموزه فاخرم فخریله منده قاپوون شاعریم سیدی وئر سن اوزون نمره بو اشعاریموزه «اللهم عجل لولیک الفرج» http://eitaa.cm/mo1346 *کانال اشعار فاخر در ایتا*

بسم الله الرحمن الرحیم روضه سوزناک خانم زهرا س 😭😭 ای قبره گئدن ، سینه ده هم قولدا یاراسی . قارداشسیز ننم دردوین اولمادی یاراسین . نه باعث اولوب زینبی گوزدن آتیبسان اولما چوخ یورقونودون ننه دای آسوده یاتیبسان نقدر سسلدی زینبوم سس وئر منه ننه خانم دنیانی وداع المیشدی دای سس وئرمدی اوین بالاجا اوشاقی ام گلثومیدی دورد یاشی واریدی اوزون قویدی ننه نین اوزونه ننه اولوب وقت نماز دور بیر آل دستماز آچیبلار جانماز خانم زینبه خانم ام گلثومه سس ویرمدی هامی بیلی امام حسنین یانیندا ننه سین دودولر. امام حسن آغلادی ننه حسنم آی ننه سس وئر منه .خانم زهرا سس وئرمدی آی حسینین ننه سینین یاسینا آماده اولانلار . آی حسینین یارالارینا آغلیانلار امام حسین نین روایتدی یئدی یاشی وار سورونه سورونه گلی .. اوزون قویدی ننه نین ایاقلارینا ددی ننه ایاقوی اوپیم کربلایه تز گلسن ننه دئمورم خیمه لریم اوتدا یاناندا گلسن دئمورم قیزلاریم آواره قالاندا گلسن ننسیز ابوالفضل جان وئرنده گوز باغلاماغا تئز گلسن آی ننه ... اوچ بالیا خانم سس وئرمدی امام حسین آغلیاندا گوردولر عالم معنادن سس گلی یا فاطمه آچ قولاروی .آچ قولاروی حسینی آل قوجاقوه ملکلر آغلادیلار خانم نیلدی او یارالی قولارین آچدی حسین ددی گول لای لایا گوز یاش گوزدن سیخارام بورجوم اولسون بالا بو لای لایین عوضین کرب و بلاده چیخارام ... آغلامالی بندی بورادی،،، زینب گوردی الله ننه سی حسینه سس وئردی،، خانم دا سورونه سورونه گلدی بش یاشی وار ائوین بویوک قیزی اوزون قویدی ننه نین اللرینه ددی ننه ایاقوی اوپیدی حسین کرب و بلایه گلسن یوم عاشوری ده او قانلی منانی گورسن اوپورم منده الون بذر محبت اکسن اولسا امکانی ننه شامه ده بیر باش چکسن آی ننه .. گورک شامین هانسی مصیبتینه ننه سین چاغیری ،،،،ددی ننه دئمورم باشیمیزه کول توکولنده گلسن، دئمورم قامت لیلا بوکولنده گلسن.،،، بالامین رختنی غساله سویانده گلسن ،، اوچ یاشیندا بالامی قبره قویاندا گلسن .. یا حسین بیلمورم ندن امت زهرایه حرمت قویمادی ، ثانی سیلی ویریب قنفذ تازیانه دویمادی ، غسل ائدنده مرتضی غم لباسین دویمادی😭😭 🌴🌴🌴🌴🌴

روضه_میکس_شده_استدیویی #بهنام_تخت_مینا_تبریزی

مقام مادر و شهادت حضرت زهرا(س) بیزه خاطر ئورگی دائما القان آنادی ئوزونی درده سالان گوزلری گریان آنادی بیزه خاطر گجه گوندوز ئورگین غملر آلور آدینا قربان اولوم حالی پریشان آنادی دئمه شاعر سوزی بیهوده‌دی دقّتله اوخی تا ئولونجه بالانین جانینه قربان آنادی آنووا حرمت ایله قدرینی بیل ای گوزلیم گئده‌جک بیرگون الوندن، سنه مهمان آنادی دوقّوز آی بطنیده جان تک سنی حفظ ائتدی دئدی آچگوزون ایلمه غم دردووه درمان آنادی گونده آغوشه آلوب زحمتووی چوخ چکدی عشقیله وئردی صودون، چهره‌سی خندان آنادی نه یازیم وصفینه من الده قلم عاجزدی ایاقی آلتدا نهان جنّت و رضوان آنادی بوینوموزدا ننه‌نین حقی بیزیم، چوخ چوخدی چون حیات بشره باغ و گلستان آنادی هم آنا،  همده آتا حرمتی واجبدی بیزه ولی عالمده بیزه سرور و سلطان آنادی عشقیله ئوپ ایاقین قویما که سینسین ئورگی شانین اثبات ائلیین آیهٔ قرآن آنادی تا خدا خلق ائلیوب فاطمه‌نی امر ائتدی کل عالمده اولان نوری نمایان آنادی فاطمه زینت اولان باغ و گلستانیمه باخ داغ داشی بوشلا بشر، گوهر ایمان آنادی افتخاریله خدا باخدی اوگون فاطمیه ولی دوران دولانوب سینه‌سی شان شان آنادی قاپیسین اودلادیلار شعله هوایه اوجالوب محسنی ئولدی، اولان سینه‌سی القان آنادی بیلمورم اولدی نه‌لر، غش ائلیوب دوشدی یره قان ایچینده یخیلان گوزلری گریان آنادی یرگوی آغلور ملکوت اهلی دیور یازهرا دینه خاطر ائلین جانینی قربان آنادی سیندی پهلوسی دوشوب تپراقا فریاد ایلدی فضه گل داده اولان خانه‌سی ویران   انادی

): سینونده مسمار یارووه آغلارام زهرا                  آغلارام زهرا سیلی دَیَن رُخسارووه آغلارام زهرا                  آغلارام زهرا یازهــــــــــــــرا - یازهــــــــــــــرا(٢) ⬛️ باشه پیمبر قاره سین باغلادون زهرا ، باغلادون زهرا هجرینده قلب زارووی داغلادون زهرا ، داغلادون زهرا ائوده اوتوردون هر گجه آغلادون زهرا ، آغلادون زهرا من قلب پاره پارووَه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سیلی دگنده صورتون دَیْدی دیواره ، دَیدی دیواره درد و غمه دوشدی حَسَن قالدی آواره ، قالدی آواره سیندی قولاقوندن یره دوشدی گوشْواره ، دوشدی گوشواره یانّام سینان گوشْوارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سندن صورا حیدر غمه مبتلا اولدی ، مبتلا اولدی شیر خدانون قلبینه غصّه لر دولدی ، غصّه لر دولدی قلبی شکسته قیزلارون گُل کیمین سولدی ، گل کیمین سولدی غمنن سولان گلزارووَه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ غسلون ویرنده بس نَدَن آغلادی حیدر ، آغلادی حیدر بیر حاله قالمیشدی بَدَن آغلادی حیدر ، آغلادی حیدر قانه بویاندی آغ کفن آغلادی حیدر ، آغلادی حیدر اوُل سینهٔ تبدارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سندن صورا زینب قیزون خانه دار اولدی ، خانه دار اولدی فِقـــدانُوَه هجـــرانوه بیقرار اولدی ، بیقرار اولدی یاندی گووَرمیش صورته اشکبار اولدی ، اشکبار اولدی زینب کیمین دلدارووه آغلارام زهرا ، آغلارام زهرا یازهرا.......یازهرا......۲ ﷽🍁

گوگل غمین یوزه اشگ روانه دن خبر آل نه غمدی زلف بیانیمده شانه دن خبر آل بو غمده آغلامیان گوز جهاندا کور اولسون حدیثینی خبر صادقانه دن خبر آل جهانی یاندیران عالمده بیر یانان قاپی دی بو سری کلک ده غملی ترانه دن خبر آل او _یانماسیدی جهان ظلم اودیندا یانمازدی اینانماسان ملل هفت گانه دن خبر آل نه آد قویوب وروب اود باب رحمته ثانی؟ 😭 النده بیعت آدینلو بهانه دن خبر آل قاپی آلیشدی توکولدی جماعت اولدی نه لر؟ قاپی دالندا قالان نازدانه دن خبر آل 😭 نیه شهیده گیدوب قبره جده ی سادات؟ بالاسی صاحب عصر و زمانه دن خبر آل مگر قتالیدی؟ مقتول اولا شهیده گیده بو قتلی قنفذیله تازیانه دن خبر آل 😭 بلی قتالیدی اولدوردولر اوگون حقی شهید اول و سقط یگانه دن خبر آل بلنمورم خبر ماجرای مسماری او سینه دن_بو رموزه خزانه دن خبر آل او آستانه ده کی قانه ایسته سن عدلین او سوخته در و دیوار خانه دن خبر آل 😭 اولونجه قالدی اثر یوزده _قولدا، پهلوده بو سرگذشتی فلانی فلانه دن خبر آل هایاندا دفن ایلیوب محسنی آتاسی علی 😭😭 آناسی غش ایلین آستانه دن خبر آل 😭 😭 کمان غضب خلافتدن آتدیلار بیر اوخ نشانگهین هدف محرمانه دن خبر آل اوخون نه سوزشی وار؟ نه بولر آتان نه کمان شکسته قلبی خدنگه نشانه دن خبر آل دل حسینه دگن اوخدا بو کماندان ائیدی اگوب قدین دالیدان چکدی دلدن _آتدی اوخی نه قالدی دلده؟ او ویرانه خانه دن خبر آل 😭 لهیب باب علیدن یانوب خیام حسین او خیمه لردن اوجالمیش زبانه دن خبر آل 😭 😭 نجه چوله داغیلبدور کبوتران حرم 😭😭 بو نکته نی او یانان آشیانه دن خبر آل اورک داش اولسا (حسینی) بو سوزلر آب ایلر دلیلینی اشگ روانه دن خبر آل سبب ندور که قوجالدیقجا لطف حق چوخالور دعای صبح و نوای شبانه دن خبر آل وجود اقدس سلطان عصره ایله دعا قبولینی اثر جاودانه دن خبر آل منسوب بر شما و (حسینی) است شهرتم آن بلبلم که نام تو باشد ترانه ام مداح آستانه ی قدس _شماستم افسوس غرق بحر غم بیکرانه ام بر (سعدی زمانی) خود نیست فخر من این فخر بس که خادم آستانه ام

#زبانحال_امیرالمومنین_علی_ع #دفن باخدی مزار فاطمیه مرتضی علی گوردی مزاریده گورونور آشنا اَلی توکدی عذاره گوز یاشینی شاه ماسوا بی اختیار سَسلدی یا ختم الانبیا آغلار گوزیله روحیوه ریحان گتورمشم صد حیف اولا که قانینه غلطان گتورمشم آهسته آل که سینه‌ده کاری یاراسی وار آشفته‌حال و زلفی پریشان گتورمشم مسماریله نه نسبتی وار داغلی سینه‌نین گویا مزاره کُشتهء میدان گتورمشم الله بولور بو یاره نه قَدر آغلیوبدی قان درمانینه اَلیمده یوخ امکان گتورمشم غسلون ویرنده یاره‌سینی اوپدوم آغلادیم گوردوم کسیلموری بو آخان قان گتورمشم نچّه کفن عوضله‌میشم ویرمیوب ثمر قانیله اولدی تک‌تکی الوان گتورمشم ئولسم دیردی دفن ایله گیزلین عم‌اوغلی جان بو خاطره مزارینه پنهان گتورمشم گوندوز گرک گئدیدی مزاره جلالیله ظلمت گیجیله قبرینه جانان گتورمشم الله بولور نه نوعی آیردیم بالالارون تنها بالاسی زینبی گریان گتورمشم بیجا یره عذاریمه آخمور گوزوم یاشی گوز یاشیمه الیمده من عنوان گتورمشم ثانی آچوبدی کوچه‌ده ال کان عصمته باغری اولوب بو ظلمدن آلقان گتورمشم چوخ یاندروبدی قلبیمی بو ظلم جانشکار دلده هله ملال فراوان گتورمشم سندن صورا جهاندا یوزی گولمدی بیر آن دنیا اولوب بو غمکشه زندان گتورمشم هر نئیندی فراقیوه امکان تاپانمادی سَندن بو دَرده آلماقا درمان گتورمشم بیر عالمین چَکوبدی غمین روزگاریده رنجور و غمکشیدهء دوران گتورمشم یاز غملی نوحه آغلا بو ماتمده ای #عتیق سویله بو بزمه دفتر و دیوان گتورمشم التماس دعا🙏

سینه زنی حضرت زهرا(س) در سبک یافاطمه من عقدهٔ دل وانکردم ____ آچگوزلرون سس ویر منه امِّ ابیها یاتما آماندور حیدره رحم ایله زهرا پشت و پناهیم - بال و پریمسن پهلو شکسته - نیلوفریمسن سقط اولدی محسن فاطمه٬ قانه باتوبسان قبر ایچره حیدرسیز نجه٬ راحت یاتوبسان زهرا علینی سن نَه تز٬ گوزدن آتوبسان گون چیخمامیش باتدون نَدن٬ ای ماه زیبا پشت و پناهیم - بال و پریمسن پهلو شکسته - نیلوفریمسن اون سکّیز ایلده قامتون٬ اولدی خمیده یاندی قاپون ظلمیله سن٬ اولدون شهیده صد مرحبا ایثارووَه٬ ای نورِ دیده صدّیقه سن٬ مرضیّه سن٬ انسیّهْ حورا پشت و پناهیم - بال و پریمسن پهلو شکسته - نیلوفریمسن سنسیز بودنیا حیدره٬ زندان اولوبدی صبریم داخی الدن گیدوب٬ تالان اولوبدی باخ دودِمانیم بی سر و٬ سامان اولوبدی هرگون سنه برپا اولور٬ بزمِ غم افزا پشت و پناهیم - بال و پریمسن پهلو شکسته - نیلوفریمسن زینب نواخواندور سنه٬سسلر الهی بو زینبون سندن صورا٬ یوخدور پناهی بش سنّیدن دوشدوم غمه٬ ایله گواهی صبر ائت عطا بوزینبه٬ باری تعالیٰ پشت و پناهیم - بال و پریمسن پهلو شکسته - نیلوفریمسن ای قیزلارین آغلار قویان٬ مظلوم ننم وای ای زینبیندن تِز دویان٬ مظلوم ننم وای سن بیل حسین جانی اویان٬ مظلوم ننم وای دور زینبین گوزیاشینه٬ ایله مداوا پشت و پناهیم - بال و پریمسن پهلو شکسته - نیلوفریمسن کربلایي رحیم فیضي اردبیلي ﷽ #لعن_الله_قاتلیک_یا_فاطمة_الزهرا

‍ سینه زنی زهرا زهرا 🏴🏴🏴 زهرا زهرا زهرا , گل تک سارالان زهرا غمدن قوجالان زهرا زهرا زهرا زهرا, غم جانین آلان زهرا آواره قالان زهرا زهرا زهرا زهرا ,آغلار گوزیوه قربان شیریم سوزیوه قربان سیلی اثرین ایتدون زلفونله نهان زهرا ای قدی کمان زهرا دوققوزایلی بو ایوده ایتدون غمیله سازش هیچ ایلمدون خواهش سنسیز منه زنداندی بو غملی جهان زهرا ای مونس جان زهرا زهرا زهرا زهرا , آچ گوزلریوی یاتما بسدور منی آغلاتما هجرونده علی ایلر بیر عمر فغان زهرا گوز یاشی روان زهرا ایستکلی عم اوغلوندان آیا نیه تئز دويدون آخر مني تك قويدون دور زينب و كلثومی قویما نگران زهرا ایلولله فغان زهرا زهرا زهرا زهرا , ریحانه پیغمبر آرام دل حیدر اولدی یارالی قلبون مسماره نشان زهرا سقط اولدی بالان زهرا دور پرسش حال ایله بیر دم حسنینوندن بو نازلی حسینوندن شربت یرینه دائم ويردي سنه قان زهرا بو دور زمان زهرا قالدي قاپیمیز باغلار چکدون سینمه داغلار قویدون گوزیمی آغلار ای فتنه امتدن درگاهی یانان زهرا پهلوسی سینان زهرا دیدار قالور بیرده صحرای غم افزایه گل سنده تماشایه جان اوسته حسین باشین آل سینیه یان زهرا ویرمزله امان زهرا من سو گتوروم سنده آچ معجریوی آغلا جان اوسته گوزین باغلا وور باشه اوغولوای دی ای فخر زنان زهرا فردوس مکان زهرا یانمیش چادری آختار باخ جمع اسیرانه گل شام غریبانه مقتلده اوغول قانین زلفینه یاخان زهرا گوز یاشی آخان زهرا زهرا زهرا زهرا , گل کوفه ویرانه قور اوردا عزاخانه گور معجر موسانی مطبخده عیان زهرا صبر ایله دایان زهرا ناگه دولانوب دوران آی گیچدی ایل اوستوندن سسلندی اوغول گلدی دیداره آنان زهرا هجرونده یانان زهرا اوغلوم اوغلوم اوغلوم من گوز یاشوا قربان قانلی باشوا قربان بیر قانلی دوداقلاردان سسله آناجان زهرا تا سسلیه جان زهرا زهرا زهرا زهرا من شاعر دربارم بیر عبد گنهکارم لطف ایت منه دوزخدن بیر برک امان زهرا بانوی جنان زهرا استاد کریمی✍ بانوای:سلطان سلیم موذن زاده🎤 👇👇👇👇 ﷽🍁 ✨اَللّهُمَّ عَجِّل لِوَلیِّکَ الفَرَج✨💫

‍ السلام علیک یا فاطمه الزهرا ای دوشن مشکله گل حضرت زهرانی چاغیر اوائمه آناسی ام ابیهانی چاغیر مشکلون اولسا آچار اون بیر امامین آناسی دردوی صدقیله دی دختر طاها نی چاغیر ایام شهادت بی بی دو عالم خانم فاطمه زهرادی التماس دعا خانمین آخرین لحظه لرین ده مولا علی مسجده مشغول نماز یدی گوردی قاپیدا بالالار سسلندی گل هارداسان ای شاه ولایت ننه ام اولدی۲ قرآنی اوزون ایله تلاوت ننم اولدی هیچ بیزه باخ میرگوزلرین آچمیر ننه ام جواندی ای بابا اولوم یاراشمیر علی بو سسی ایشید نده مولانین دیزلی اسدی ایلشدی یره اوقهرمان علی گلیر ایوه اوآز مسافتده نیچه دفعه ایلشدی یره دوردی ایاقا یاپشیب بالا لارین الیندن وارد اولدی دودمان ولایته اولین مرحله کی منزیلینه گلدی علی گوردی خاموش اولوب پرتو نور ازلی علی وارد اولدی ایلشدی یره َ الْعِمَامَةَ عَنْ رَأْسِهِ، عمامه علی عمامنی گوتردی، وَ إِذَا بِهَا مُلْقَاةٌ عَلَى فِرَاشِهَا . زهرا داخل بستر،گوزدری باقلی علی اوچ دفعه سس لدی وَ نَادَاهَا یَا زَهْرَاءُ فَلَمْ تُكَلِّمْهُ، یا زهرا سس گلمدی ، فَنَادَاهَا یَا بِنْتَ مُحَمَّدٍ الْمُصْطَفَى فَلَمْ تُكَلِّمْهُ بار سوم،بیرجمله دئدی : یَا فَاطِمَةُ كَلِّمِینِی فَأَنَا ابْنُ عَمِّكَ عَلِیُّ، من علیم مظلوم علی زهرانین باشین آلدی دیز اوسته زهراجان اوقهرمان علی اوچ دفعه سسلندی یابنت رسول الله یا فاطمه الزهرازهراعم اوغلوام گوزون آچ زهرا آدامسیزم زهرا کمکیم یوخدی اوقهرمان علی گور نجه مظلوم اولوب بالا لار بیر طرفده آغلا شیرزهراروبه قبله نقدر سسلدی سس گلمدی دلدارینن قالدی آواره غم آلتیندا اوطاقت کانی گوردی سرمایه عمرون ویروب الدن حیدر یوخدی بو فاجعنین حشره کیمین جبرانی علی هر نقدر سسلدی گوردی زهرا گوزینن آچما دی هردن بیر باخبر گوروب زینب آغلیر حسنین آغلیر هردن گورور حسن حسین اوبالاجابالالار اللرین قویوب اورینون باشینا ناردانه بالالار آغلاشیلار بولحظه ده علی یوزون دولاندیردی گوی عالمینه دیدی یا الله گل طاهانی دوباره منه ور المامندن اونی زهرانی دوباره منه ور الله بیلوسن دای کمیم یوخدی الله بیلوسن دای زهرادن سورا بیرکسم یوخدی التماس دعا انشااله بوگجه ناله وو گووش علینن ناله سینع بیرقطره گوزون یاشین نثارایله زهرانن روحینه علی زهرانین باشین الیب دیزی اوسته بیرتوکین زهرا بیلوسن مین عالمه ورمرم یاروه قربان اولوم دیندیر دانشدیر حیدرم زهرا عموغلوام کمک سیزم زهرا ادام سیزم زهرا اوجادنن یا زهرا علی گوردی گنه زهرا گوزدرین اچمادی بعله مظلومان باخدی (یَا فَاطِمَةُ كَلِّمِینِی فَأَنَا ابْنُ عَمِّكَ عَلِیُّ، من علیم مظلوم علی ) زهرامنی دانشدیر عم اوغلون علیم زهراراضی اولما بالارون یتیم قالا راضی اولما حسنینم گل کیمن سولا ناگهان کونه تکان وردی علی زمزمه سی اتی عجاز اومسیحانی دیریلدن نفسی داغلی دلدن اوجالیب عرش مواسا ت سسی یاالله کاینات ایلدی تکرارعلین سوزونی مستجاب اولدی دعا فاطمه اجدی گوزونی یا الله زهرا بیر گوزلرین اچدی علی گورن منظرنی گوردی خانم گوردی علی اغلیر بالا لارآغلیر اولین سوزی بو اولدی عم اوغلی( اخرجه من کانه فعل بعد ) عم اوغلی حامینی اودن خارج اله اولیرم یارالی یا زهرا اخرین روضه م اولا اگر بوراجان رویون یامیب علینن مظلومیتنه بوردا بیرروین دولانسن التماس دعا بیادمدینه بیاد قبرستان بقیع خانم بیر باخدی عم اوغلی بالالری خارج اله علی باخدی اخ حسن حسین بالا بیر گیدون پیغبرن قبرنه ننه اوز دعا ایلیون بالالار گلدی پیغبرن قبرنه اخیه اول بیر دستماز الدلار ۲رکعت نماز قلدیلاراو بالاجا الرن گوزادلر گو عالمینه یاشیل عماملرین الدیلار اللرینه ایله دعا ایلدیلر الله بابام کمیه یوخدی الله اتام علینین کمیه یوخدی ننه ام زهرای شفاءوریارالی یازهرا ا ا ا الله الله گل طاهانی دوباره منه ورالما منن اونی زهرانی دوباره منه ور التماس دعا #اَللّهُمَّ صَلِّ عَلی فاطِمَة وَ اَبیها وَ بَعْلِها وَ بَنیها وَ سِرِّ الْمُسْتَوْدَعِ فیها بِعَدَدِ ما اَحَاطَ بِهِ عِلْمُکَ بامداحی استادطالبی #لعن_الله_قاتلیک_یا_فاطمة_الزهرا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

روضه حضرت صدیقه طاهره سلام الله علیها آچون عم اوغلومون قولون دوزنمورم وفالییم آپارمیون دالینجا من گلنمورم یارالییم توکولموسوز گل اوستونه گلی چمندن آلماقا قصاص بدر و خیبری شه زمندن آلماقا ویرا ویرا بو خسته نی علینی مندن آلماقا محالدور که ال چگه م اگرچه من یارالییم خزان یتنده گلشنه یتشدی جان دوداقیمه پوزولدی غنچه صدمه لر یتوشدی قول بوداقیمه عم اوغلوم آز قالوبدی کیم دچار اولا فراقیمه آچوبدی قنفذ ال منه یخلموشام یارالییم آتام وفاتینه گوره قورولدی ایوده انجمن عزایه گلمه دوز اودور گلوب نوایه بوالحسن قاپی دویولدی من دیدیم بو یاسه اولما وار گلن وروبدی ثانی تسلیت عجب منه عزالییم علیدن اوتری باشیمی بوگون بلایه سالموشام قاپی دالیندا دردینی بو خسته جانه آلموشام گلینجه فیضه دادیمه بیر اوزگه حاله قالموشام نلر گلموبدی باشیمه دیمم نچون حیالییم سوزوم نه بو یان قاپی نه بو سنان گهرده دی نه محسنوم نه قوللاریم نه اوز حالیم نظرده دی عم اوغلوم احترامی چون بو شهرده خطرده دی یاخندی غصه مرگ اولام که قلبیدن یارالییم یاخندی جان ویروب اوله م فشار روزگاردن فلک ولیّ ذالمنی سالوبدی اعتباردن گلوبله بیعت آلماقا بو غملی شهریاردن بو بیعت اوسته اود دوتوب قاپوم یانار بلالییم ابو ترابین اللرین ابو قحافه باغلیوب جفا ایدوب عیالینه دل علینی داغلیوب او ساعت اولمیه علی او کان صبر آغلیوب اوزوم فدای گوزیاشی او چشمه زلالییم علی ئوزونده من نجه گوروم سنخلوق ایخدا یاخندی روح فاطمه بو جسمدن اولا جدا شهنشه ولا هارا بو شال و بو رسن هارا بو بهت و حیرت ایچره من تعجبم خیالییم بو مسجده ایچره اهل کین کسوبله چاره مین یولون قلنج لار الده حیدرین کسوبله صاقیلن صولون باخور بالالارین گلون آچون عم اوغلومون قولون باشیندا یوخ عمامه سی بو غصه دن نوالییم دایان بو یرده سوز داخی ( فغانی ) یازما ختم ایله دوشوبدی تنگه قافیه اگرچه اود ورار دیله ایدوبله اوزلری نظر بو نوحه آدلی نسگیله آچون عم اوغلومون قولون دوزنمورم وفالییم مداحی استاد طالبی #لعن_الله_قاتلیک_یا_فاطمة_الزهرا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

غفاری اردبیلی بابامی تک قویان ننم لایلای زندگیدن دویان ننم لایلای زینبین باشینه اوشاقلیقدا قره معجر سالان ننم لایلای نجه دگمیشدی بیلمورم سیلی گوزووه دوشدی قان ننم لایلای وار امیدیم بو قانی ،ثانیدن آلا صاحب زمان ننم لایلای پیکروندن اوچوب گیدوب روحون جنته پرزنان ننم لایلای او قدر غم یدون جوانلیقدا اولدی قدون کمان ننم لایلای بابامون حالینه گمان ایدورم آغلیور آسمان ننم لایلای گوزل آدون قسم شرافتیوه قالاجاق جاودان ننم لایلای گلشن عمرووه عداوتدن اسدی باد خزان ننم لایلای ساچیما هر ووراندا شانه ئوزوم دیرم مهربان ننم لایلای یارالی قوش گورنده هر یرده دیرم خسته جان ننم لایلای گویلومی آلسا قارداشیم دیرم قارداشی اولمیان ننم لایلای قونشولاردا گورنده تای توشونی دیرم وای جوان ننم لایلای بو گئجه ایوده آیری منظره وار سسلنور آغلیان ننم لایلای هره بیر سوز دیوب توکور اشکین بیری دِی باغریقان ننم لایلای کوچه ده بیلمورم حسن نه گوروب هی دیور قهرمان ننم لایلای قوللاری یاسمن ننم لایلای صورتی ارغوان ننم لایلای سینه سی کهکشان ننم لایلای ساچلاری پرنیان ننم لایلای یوخ حسوده دوای بیماری ئوزووی درده سالما #غفاری ﷽🍁 ✨اَللّهُمَّ عَجِّل لِوَلیِّکَ الفَرَج✨💫

#اجرای دوست بزرگوارم کربلای محمدی عزیز 🏴نوحه زبانحال حضرت زینب(س)🏴 ✍شاعر :علی عبدی ای سینه سی قان دیده سی گریان هارا گئتدین قویدون آنا جان زینبی نالان هارا گتدین ای صاحب کوثر سس وئرمنه مادر آیینه کیمی تز آنا سندین پارالاندین آماج غم آکنده اولوب سن یارالاندین گلدی نه سنه کوچه ده دیواره دایاندین ائتدین فدکین مدرکین عنوان هارا گئتدین آهیم اوجالوب گوگلره سندن صورا مادر سندن منه بیر قالدی سنوخ گوشوارا مادر قویدون بیزی آغلار گئجه گئتدین هارا مادر یددی نفریلن گئجه پنهان هارا گئتدین سن گئتدین آنا قلبیمی سوز و شرر آلدی قارداشیم حسین قبریوی مندن خبر آلدی باخدیم سارالان چهره سینه دیده تر آلدی ائتدین آنا جان باغریمی اَلقان هارا گئتدین سن ساحل آرامشی مندن آنا آلدین زینب قزیوین حالین عجب گونلره سالدین بیر تازه گلودون ولی السّاعه سارالدین گویا یوخوموش بیله گلستان هارا گئتدین بیر گون آنا گلسن یوخوما دلده سوزوم وار قورخما آنا یوخدی بو یوخومدا در و دیوار باخسان آنا بیر ئویموزه مسمار سنه آغلار سسلر او یانان سینوه قربان هارا گئتدین لایلای دیمیشم هر گجه سینم یورولوب دای گل بیر گجه زینب یرینه چال آنا لایلای گورسن سارالان گللریوی آغلاما هایهای قویما دورا اوللار قوپا طوفان هارا گئتدین

بنام خدا احوالات مولا علی ع بعد از شهادت حضرت زهرا س و... سبک پیشنهادی :یا فاطمه من عقدهٔ دل وا نکردم "" "" "" قورتاردی جان غم غصه دن غم دیده یاریم گئت دی الیمدن ای خدا صبر و قراریم اول با وفا هم سنگریم نازلی نگاریم سیندی بئلیم بو محنت عظماده یا رب گوندوز منه اولدی سیه چون نیمهٔ شب یا فاطمه چاتدی منیم فصل خزانیم اولدی منیم محنت سرا دای دودمانیم "" "" "" " سندن سورا آهیم منیم آفاقی داغلار خوشلوق درین اعداء من نالانه باغلار اوغلانلاریملا قیزلاریم هئی منله آغلار گئت دون یارالی دنیادان من دل غمینم من ختم مرسل مصطفادن شرمگینم یا فاطمه چاتدی منیم فصل خزانیم اولدی منیم محنت سرا دای دودمانیم " "" "" "" "" اول حلال ائیله منی ای دلستانیم تا کی چکیم راحت نفس آرام جانیم یاندیرماسین چوختر منی آه نهانیم مندن یئتیر چوخلی سلام سن مصطفایه فخر سماوات و زمین میر هدایه یا فاطمه چاتدی منیم فصل خزانیم اولدی منیم محنت سرا دای دودمانیم "" "" "" پیغمبره عرض ائیله عفو ائت مرتضانی سالدیم یارالی من یولا خیرالنسانی ائتدیم پریشان من عزیز مصطفانی ساخلامادیم یاخشی امانت دل فکارم جدونلا سندن عم قیزی من شرمسارم یا فاطمه چاتدی منیم فصل خزانیم اولدی منیم محنت سرا دای دودمانیم "" "" "" "" "" فاخر دعا ائیله در رحمت آچیلسین ظلم و جفانین ریشه سی دیبدن قازیلسین عدل علی تئزلیکجه هر یانه داغلسین ائتسین قیام دردانه ی آل پیمبر دولسون جهان عدل و عدالتله سراسر "" "" "" "" "" "" گنجینه اشعار مذهبی ترکی و فارسی و اشعار انتقادی اجتماعی شاعر : مسلم فرتوت(فاخر) http://eitaa.com/mo1346 📍لینک کانال اشعار در ایتا و "تلگرام" •┈┈••✾🍃🌼🍃✾••┈┈• https://t.me/moslm_fakher

بنام خدا سرودهٔ ترکی تقدیم به عاشقان زهرای سه ساله حضرت رقیه س ___ ای فاطمه دردانه سینون نازلی نگاری ای عمه سینون قلبینون آرام و قراری هیئت قورولوب آدوا پرچم یازیلوب دی آدوون ٱولوب عاشیقلروون دیلده شعاری سنسن دلی پروانه لرین شمعی روقیه دعوت ائله دیداریوه بو جمعی روقیه عزتلی آدوون باشیموزه سایه سالوبدی عالم سنون اجلالیوه حیرت ده قالوبدی درباریوه حقدن یازیلوب باب الحوائج صدقیله گلوب کیم قاپووا حاجت آلوبدی سنسن دلی پروانه لرین شمعی روقیه دعوت ائله دیداریوه بو جمعی روقیه "" "" "" "" "" "" گنجینه اشعار مذهبی ترکی و فارسی و اشعار انتقادی اجتماعی شاعر : مسلم فرتوت(فاخر) http://eitaa.cm/mo1346 📍لینک کانال اشعار در ایتا و "تلگرام" •┈┈••✾🍃🌼🍃✾••┈┈• https://t.me/mslm_fakher

بِسْـمِ ٱللهِ ٱلْرَّحْمٰنِ الْرَّحیـمْ السّلام علیکِ یا فاطِمَةُ الزَّهراءِ یابِنتَ مُحَمَّد ٍ یا قُرَّ ةَ عَینِ الرَّسوُلِ یا یا سَیِدَتَناوَ مَولاتَنا اِنا تَوَجَّهنا وَستَشفَعنا وَ تَوَسَّلنا بِکِ اِلیَ اللّهِ وَ قَدَّمناکِ بَینَ یَدَی حاجاتِنا عـــزادارم ، عــزادارم ، برای حضرت زهرا به جان و دل به پا دارم ، عزای حضرت زهرا چو یــاد آرم مصیبت ها که از اعدا بر او آمد ز دیده اشک می بارم ، بــرای حضرت زهرا پیمبر رفت و در دنیا نمــــانـده بهر او باقی که باشد یــــادگار او ، سوای حضرت زهرا 😭 خوش بحال اولاری کی عمرلرین مجالس و محافل روضه ده قوتاردیلر ، خوشا اولارین حالینا کی مصائب اهلبیت (ع) گوز یاشی توکوبلر ، آخی هر نه واریمزدی بو گوز یاشیلاندی 😭 کیم دییردی بعد از رحلت پیامبر عظیم الشأن (ص) تنها یادگاری ، حضرت زهرا (س) ووراللار ، کیم فکر ایلییردی بعد پیامبر (ص) بالاسین در و دیوار آراسیندا قویاللار روضه اوخویوم ،اورک لری روانه ائلیاخ مدینیه کنار قبر مخفی بی بی دو عالم 😭 دوشوب خیالیمه یارب بلاسی فاطمه نون اوجالدی عرشه ایویندن نواسی فاطمه نون آتاسی ئولدی اولوب شهریده غریبه کیمی دونوب یاد اولدی هامی آشناسی فاطمه 😭 خانم عزالیدی ، هنوز باباسی پیغمبر رحمتین (ص) داغی اورگینده ، نچه گوندی گوز یاشی توکور آتا فراقینده 😭 قاپوسین اودلادیلار محسنین ایدوبله شهید باشیندا باخمادیلار ، وار قراسی فاطمه نون او قدری اولدی ستم ، دوشدی بستر مرگه بدنده قالمـــادی آخر ، قواسی فاطمه نون 😭 نیلدی آی عاشقان اوجالتدی بیر الینی ، درگه خــــــداونده بو اولدی زمزمهٔ ، غم فزاسی فاطمه نون 😭 دعاسی بودی اللهی فاطمه نون عمرینی اوزون قورتار اجابته یتوشوبدی دعــــاسی فاطمه نون غروب ایدوب او خانم گون باتان چاقی گون تک یتیم اولوبــدی داخی دورد بالاسی فاطمه نون 😭نیسگیل بودی گجه گر ئولسه بیری دفن ایدلّه گوندوز اونی گورون هارا یتشوب مـــاجراسی فاطمه نون گجیله کوینگین اوستن وروردی غسلون علی اوجادان آغــــلادی بیردن آقاسی فاطمه نون سوروشدی فضه 😭 سئوال ایلدی آقا جان ، سن ئوزون گونوزدن بیوروردون اوجادان آغلامیون ، اما نه اولدی ئوزون بیله اوجادان آغلیورسان 😭 سوروشدی فضه نــــدور علتی بو آغلاماقون بویوردی سینه ده واردی یاراسی فاطمه نون 😭 فضه بونا آغلیورام که زهرا چوخ سوزون چوخ دردین منه دئمیوب ئولونجه آغلارام هیچ دردینی منه دیمیوب مگر قالوبدی سلامت هاراسی فاطمه نون سنوب قابورقالاری بیر قولی ورم اِلیوب پوزور منی رُخ نیلی نماسی فاطمه نون شهیده گیتدی شهید محسنون جوان ننه سی چوخ آغـلادار منی آرتوق حیاسی فاطمه نون غرض گحیله عـــــــلی یارینی قویوب قبره توکوبدی اشگین یوزه مقتداسی فاطمه نون 😭 آقا امیرالنؤمنین زهرانی دفن ایدندن صورا یوزون قویدی مزارون اوسته او قدری آغلادی آغلادی ، صورا نجور منزله گلدی ایشیم یوخ اما بو قدر دییم صبحه جن آقا آه و ناله ایلدی صبح اولجاق آقا بیوردی قاپونی آچوخ قویون شاید زهرانین (س) یاسینه گلن اولدی ، اما گلن اولمادی ، بو صحنه مولایه چوخ چتین گلدی بیوردی قاپونی باغلیون ، اوندان صورا قیزی خانم زینبی سسلدی قیزیم زینب 😭 ایوین بیوک قزیسان اوخشـا آغلیاق آنووا ایاقه دوردی او غم آشناسی فاطمه نون گیدوب گتـــــوردی آچوبدی وسطده بیر بوقچا او بوقچادان چیخوب ای وای لباسی فاطمه نون آلوبــــدی اللرینین اوسته قانلـــی بیر کوینک نه حاله قالدی گور اولْ مه لقاسی فاطمه نون 😭 نیلدی آی یاسا گلنلر باخوب باخوب دیدی بیردن جوان ئولن ننه وای خـــدنگ غـــــم اورگین دائمی بولن ننه وای بهار عــــمری دیدی اولدی تز خزان ننه مون مجلل اولمـادی یاسی بو گون جوان ننه مون جوانلیقیندا قـــوجــــــالدی ننم گلین ئولدی اولوبدی خوش گونی هیچ بیلمورم هاچان ننه مون نه بیر گلین ایوه گتدی نه قیز کوچورتدی ننم یتوشدی باشه جـــوان عمری ناگهان ننه مون مزاره گیتـدی ولی بیر گوزونده قانلی لکه واریدی سیلی دگنده گوزونده قان ننه مون 😭عاشقان آی اهل مجلس بو غمـــلی سوزده گوروبلر حَسنده گلدی دِله دیدی بلاسی چوخ اولدی او جانفشان ننه مون دگنـــــده کوچه ده سیلی ، اوزوم یانندیدیم نه گلدی باشینه گوردوم او قهرمان ننه مون منه بویوردی الیمدن یاپوش یواش یرییک باجی بو نار غمینده همیشه یان ننه مون عزایه یوخدی گلن باش باشا ورک اوزوموز دییک بــــــلالرینی قلبی اودلانان ننه مون 🍂التماس_دعا🍂 #روضه_حضرت_زهرا_سلام_الله #فاطمیه گلچین از کتاب : منادیان راه حق استاد : عزیز صبوری اردبیــلی ✨اَللّهُمَّ عَجِّل لِوَلیِّکَ الفَرَج✨💫

زبانحال حضرت زينب در رفتن تابوت حضرت زهرا س ✍رامین محمدزاده پریشان تبریزی آهنگ (قدم قدم با یه عالم) قدم قدم اوركده غـم الهي آيريلوب گئدور جوان ننم اورك يارا بيلك يارا گئـدور مـزاره قامتي كمان ننم جــوان ننــم جــوان ننـم جوانليقدا عُمرودن دويان ننم زينب قربانين اولسون ياتما مـرتضـاني گـوزونن آتما ديزين قوجاخليوب مرتضا دُور حسينـي بئله آغلاتما سينمـده غصـه و آه آغلير گويلـرده حاليـوه ماه آغلير كلثومه واي ننم واي سسلور مجتبــا و يــدالله آغلير جــوان ننــم جــوان ننـم جوانليقدا عُمرودن دويان ننم جديمنـن صونـرا اولـدي بيمار سينـه سين پارچاليوب مسمار پهلوسين ثاني سينديرميشدي قـاتلـي اولـدي در و ديـوار يوزونـن ثـاني سيلي وئـردي درگاهيـن ظلميلـه يانـديردي دامــان مرتضــادن توتـدي قنفد وئردي قولون سينديردي جــوان ننــم جــوان ننـم جوانليقدا عُمرودن دويان ننم بـاشيمـه قـاروي باغـلارام دائمي ياسيـوي ساخـلارام سيلي سوزون دييَنده حسن واي آنام واي ديوب آغلارام مسماره دائمـي باخالارام تير غـم قلبيمـه ياخارام سن ييخيلان يئري اوپرم يانديريب عالمي ياخارام جــوان ننــم جــوان ننـم جوانليقدا عُمرودن دويان نن #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍ بو گئجه مسجد و ممبر آغلار شیعه قاره گیوب یکسر آغلار جان ویرور مرتضی باشدا یاره گل حسین زینب مضطر آغلار یرلر آغلار بوتون گویلر آغلار الده عمامه پیغمبر آغلار حق یولون ابن ملجم ایتیردی شیر یزدانی قتله یتیردی صف چکوب آهولار دوشلرینده کعبه مولودینه صود گتیردی یرلر آغلار بوتون گویلر آغلار الده عمامه پیغمبر آغلار بیر طرفده حسین دیلدن آغلار بیر طرفده حسن سینه داغلار بوینی چینینده کلثوم وزینب بولمورم گوزلرین هانسی باغلار یرلر آغلار بوتون گویلر آغلار الده عمامه پیغمبر آغلار کوفه شهرین بوتون غم دوتوبدی کوچه بازاری ماتم دوتوبدی ایندیدن گور وفالی ابوالفضل الده بیر قاره پرچم دوتوبدی یرلر آغلار بوتون گویلر آغلار الده عمامه پیغمبر آغلار ماه دین قان ایچینده باتوبدی دلبرین کوفه گوزدن آتوبدی نصف شبلر غذا پایلیان یوخ چوخ یتیم بوگئجه آج یاتوبدی یرلر آغلار بوتون گویلر آغلار الده عمامه پیغمبر آغلار گاه اوشاقلار گهی مادر آغلار الده عمامه پیغمبر آغلار یرلر آغلار بوتون گویلر آغلار الده عمامه پیغمبر آغلار دولدی هر یر علینون سوزیلن گیتدی قبره عدالت ئوزیلن هاردا وار بیر بئله شانلی رهبر قاتله باخدی رحمت گوزیلن یرلر آغلار بوتون گویلر آغلار الده عمامه پیغمبر آغلار (روضه) فل فور علینون یرینی ایتدیله راحت (مولا علی یاتدی بسترده گوردولر اله صاقا باخور صولاباخور خانم زینب عرض اله دی بابا باشوا ننه سیز جانم قربان. بابا نه امرون واردی؟گوردولر آقانین اله یواش یواش گوزونن یاش جاری اولدی بیردن یانایانا دیدی زینب اله اورگیم ننون زهرانی ایستیر.نیه؟ آخی جنگیلرده علی یارالاناندا یاراسین زهرا باغلاردی بو دفعه علینین یاراسین باغلیان اولمادی) #توسل_به_حضرت_ابوالفضل آی دکترلر دکتری یاابوالفضل بولمورم بو آدا نوار امام حسین آقا اویارالی باشی گوتوردی قویذی دیزینین اوستونه باخدی باخدی دیدی هیچ مسلمان بو باشی نیزیه ورماز قارداش آخی باش عمودیله سنب نیزه ده دورماز قاردا ش دیدی عباس دورابولسن قولون نصفینی دور بوینوما سال آخی دشمنلریم ال چالور آخی منیم اوغلوم ئولوب آخی قاسمیم ئولوب گوردی سس گلمدی بیر سوز دیدی دور گیداخ بیرده رقیه بالامی باغروا باس #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍ حضرت زهرا سلام الله علیها زبانحال حضرت زهرا در بستر بیماری به حضرت علی علیهم السلام مرحوم منزوی اردبیلی گَل اتاقی بیر خلوت ایلیاق تنگه گَلدی سینم عم اوغلی جان آغلیاق حسینیله زینبه بیر دویونجا باهم عم اوغلی جان دوقّوز ایلدی بو ایوده لطفیوین سایه سینده من دالدالانموشام جان دیوب سنه جان ایشیتمیشم سن یانان مصیبتده یانموشام هر گئجه حسینیم سو ایستیوب فضّه دن قاباق من اویانموشام یوز گوزین اوپوب استراحتین ایتمیشم فراهم عم اوغلی جان خاطر شریفون بو سوزلرین خاطرینه ناراحت اولماسون زینبین اوزوم زلفینی یودوم فضّیه دیدوم زحمت اولماسون اوز وظیفمه ایتموشم عمل خدمتیم سنه منّت اولماسون بو دله گَلن سوزلریمده وار آیری سرّ مبهم عم اوغلی جان نه بو ایوده کی خدمته گوره جان ویرن زمان اجرت ایستورم نه حسین نه کلثوم و زینبیه ویردیقیم سوده قیمت ایستورم بو سینمده کی قان اولان سودین خاطرینه حلّیّت ایستورم سن منی حلال ایله تا ایدوم جان نثارِ مقدم عم اوغلی جان دردمند اوشاقلاریمی چاغور شرح درد هجران ایدوم گیدوم صبری تاپشوروم غم چکنلره درد اَلیله درمان ایدوم گیدوم ویر حسینیمی بیرده سینمه، جان حسینه قربان ایدوم گیدوم واضح اولسون آخِر وداعیده ابتدای ماتم عم اوغلی جان گون باتاندا سعی ایله بو ایوه ظلمت دجی سایه سالماسون آخشام اولجاقین بو یتیملر خاطرین غبار غم آلماسون سن اوزون چراغ یاندور هر گئجه زینبیم قرانلوقدا قالماسون زینب اوخشاسا منده آغلارام قبر ایچینده هردم عم اوغلی جان قلبی تیز سنار لحظه الفتین بیر نفر کسنده حسینیلن قویما سنده بیر لحظه آیریلا قارداشی حسنده حسینیلن بیر زمان هله آیری گَزمیون مجتباده، سنده