‍ در عزای پدر سبک   ایران اگر دل تورا شکستند ترکی اتا سنیدون عزو و افتخاریم یانان چراغ شام تاریم یانوب دلیم سونوب چراغیم اولوبدی تیره روزگاریم 2 اورکده قالدی سوزلریم گل یولوندا قالدی گوزلریم گل 2 اتا ای عزت و وقارو جاهیم سنیدون هرزمان پناهیم دلیمدا داغ کیمین دوراردون یامان گونومده تکیه گاهیم اورکده قالدی سوزلریم گل یولوندا قالدی گوزلریم گل2 اتا قراریمی الیمدن الدون ئوزوی چوخ بلایه سالدون منی بویا یتیردون اما ئوزون جهانیده قوجالدون یورکده قالدی سوزلریم گل یولوندا قالدی گوزلریم گل 2 شعر  استاد فکری اردبیلی

رفتگانمان را یاد کنیم. با فاتحه و صلوات 🌷🌷🌷🌼🌼🌼

به مناسبت نزدیک شدن ماه محرم گریز به علی اصغر ع 🖤🖤🖤🖤 یاخونلاشوبدی محرم عزا هواسی گلور باخاندا هر طرفه وا حسین صداسی گلور سزادی شوره گله بلبلان بزم حسین مشام جانه گنه عطر کربلاسی گلور منانی ترک ائلیوب مکه و منا اوغلی منای عشقه یانندا نچه فداسی گلور صفا و زمزمی آغلار قویوب دالیجا حسین دیار یاره طرف قلبیده صفاسی گلور ئورک گوزیله باخاندا معایناً گورورم نئجه جلالیله پیغمبرین بالاسی گلور قاباقدا ماه بنی هاشم الده پرچم نصر وفالی قارداشی،عباس باوفاسی گلور علیّ اکبر او ماه مدینه صاق طرفینده شبیه احمد مرسل،او مه لقاسی گلور حسن نشانه سی،اول ماه بی قرینه صولوندا یوزینده نور حسندن وار انجلاسی گلور او ماهلر دالیسیجان دوشوب ستاره مثال او صود امر بالاسی،ماه دلرباسی گلور اودا گلور آلا کامین کمان حرمله دن خیاله حرمله نون ائتدیقی جفاسی گلور گوزومده جلوه لنور اوخلانوب علی اصغر اودور قولاقه ربابینده آه و واسی گلور ائله سیزیللوری سویلور علی آنان ئولسون نه قاندی بو بوغازوندان آخور بقاسی گلور شل اولسون اللری بو یاره نی سنه ورانون نه یاره دور اثریندن اجل بناسی گلور نجه بو حالوه تاب ایلیوم من آغلامیوم ندیم؟ یانور اورگیم،گوگلومون نواسی گلور علی بو حالتله هانسی آنا دوزر دایانور گوره که قانه باتوب صود امر بالاسی گلور دئدیم بالام سو ایچوب دینجلوب گنه گله جاق یرین سالوم بالامون یوخلاماق هواسی گلور ولیک فکر ائلموردوم نه ظلم ائدردشمن الینده حرمله نون تیر پر خطاسی گلور بونی خیال ائلموردوم بالام باتار قانه الینده قرمزی گل تک دوتار آتاسی گلور شدید ایله الهی اوزون عذابلرین مگر نه وقته کیمی صبرون انتهاسی گلور قالوبدی یرده او حق قان که توکدولر ناحق او وقت عوض اولاجاق عصر پیشواسی گلور قالوبدی گوزلری یولدا فغان ائدورشب وروز نه وقت اولار که گوره « زاهد » اوز آقاسی رجبعلی محمدی(زاهد زنجانی)

"  مقدمه طشت گذاری " یول آچون گلدی گنه کرب و بلا قافله سی شهدانین آزالیب جنتیلن فاصله سی صدف فاطمه نین گوهر نایابی گلیر یول آچون شیعه لرین تشنه لب اربابی  گلیر گلیر امضا الیه  الده کی مدرک لروزی چخادون بقجا لاروزدن قره کوینک لروزی عالمه قاره چکون موسم ماتم گلدی گتیرون طشتی گنه ماه محرم گلدی باخون آغلار گوزیلن گویلرین  اولدوزلارینا سو ویرون  تشنه امامین بالاجا قیزلارینا تولانیر خرداجا گهواره گنه ئوز ئوزینه قویمیون گورسنه بو طشت ربابین گوزینه گورسه طشتی او خانم سینه سینی داغلیاجاخ دوشه جاق یادینه دلسیز بالاسی آغلیاجاخ                //////////// ای گیین اگنینه عشقیله قراسین آقامین ای مهیا الیین طشت عزاسین آقامین طشت نیلیر سویی ششماهیه بیر کاسه ویرون دولدورون مشکه او طشتین سویون  عباسه ویرون

‍نوحه_سینه_زنی_و_زنجیر_زنی امام_حسین_علیه_السلام ترکی امام الثقلینه سراج الحرمینه هامی شیعه لریندن سلام اولسون حسینه حسین شمش هدی دی ذبیحا به قفادی رییس شهدادی حسین پنج تن ایچره گل اهل کسادی هامی شاهلار حسینون قاپیسیندا گدادور حسین صبحه صفادور حسین ظهره ضیادور حسین باب رجادور حسین درده دوادور حسین آب بقادور حسین تشنه ما دی او یر کی وطن اتمیش آدی کرب و بلادیر عجب حالی بلادور اونون سقفی طلادور همان قبه نین آتدا براورده دعادور در قبله ده موسی سر صحنیده عیسی اونون کف شکنینده دورار حضرت یحیی سیلر قبر شریفین توزون مریم و سارا محرملر اولاندا کلر حضرت زهرا حسینون بوغازیندان اوپوپ سسلیه ر ای وای حسین مست ایلر انسانی حسین سجده زمانی چیخان جانیوه قربان یاشیل شیشه ده عرشه گدن قانیوه قربان خیابانیوه قربان بیابانیوه قربان سینه نده گولو یاتمیش گلستانیوه قربان 🎧#سبک بانوای حاج علیرضا اسفندیاری 🍂🍂🍂🍂🍂🍂🍂

ای شه باکرامت طوسی ائدن اقامت فاطمه نون بالاسی مظهر استقامت ای رضاجان ، باغ جنان دور حرمون جان زهرا آچ بیزه باب کرمون ۲ ای رضاجان ای رضاجان پرچم سبزه قوربان صحن و رواقه قوربان سنله اولوپ خراسان چشم و چراغ ایران بوو دیارین ، سنله گوزل صفاسی وار اهل عشقین طوسیده کربلاسی وار ای رضاجان ای رضاجان با صدای هادی زارع پور سبک 👇👇👇👇👇

بهار عمروم دونوب اوغلوم آلتی آیدا فصل خزانه سنه آغ کوینک گیندیردیم شاهیمه ویردیم عاشقانه سوسوز جیران مثلی سینمده آیرلوب گیدون وعدگاهه فرات آخدی چولره ساری سن سوا باخدون یانه یانه بالام لای لای گلوم لای لای علی لای لای علی لای لای ننه قربان گل قوجاقیمه بوش قالوب سینه ام آغلورام من گئجه دن خیمه کنارینده عالمون قلبین داغلورام من گزیرم بیر خالی گهواره ترپدم تا بوش گاهواری اولوب آخشام قانلی قنداقی هی آچورام هی باغلورام من بالام لای لای گلوم لای لای علی لای لای علی لای لای چرخ بی عار الیوب گوندوزومی لیلیه تار ائلر ایچره نجه گور مادریوی خار ایله دی گون کی باتدی گتیروب خیمه ده سو پایلادلار ایچمیردیم بالا جانی بی بین اسرار ایله دی صود گلیبدی ولی یوخدی امنی تئز گل اوغول گور نجه صود ننون جسمینی آزار ایله دی وقای این حنجر کوچیک با سه شعبه شد نامرتب یه تیر اینقدر کشته داد بابا من رباب و تو عمه زینب یه تیرانداز آرزوهایی که دل من باشش رو برده از اون بدتر خنده ایه که حرمله رو لبهاش آورده زدن داره آخه شش ماهه حجم تیر بیشتر از گلوشه یه قطره آب یه کاری کرده حنجر تشنه ات زیرو رو شد

گل گوزلریوین قربانی ای فاطمه نون ریحانی گل سفره عدلیوی سال گل صود امرین قانینی آل تز گل گلن یولاره قربان مولا بوجمعاً ایله احسان بین الحرمده ایله مهمان آقام آقام آقام آقام گل سنه فدا آتام آنام گل هجرون زری خشت ایلر زیبالری زیشت ایلر گلسن قدمون مولا دنیانی بهشت ایلر تز گل گلن یولاره قربان مولا بو جمهاً ایله احسان بین الحرمده ایله مهمان آقام آقام آقام آقام گل سنه فدا آتام آنام گل غیبتده قالان تزگل اوت جانه سالان تزگل زهرا آنوین قانین ثانیدن آلان تز گل تزگل گلن یولاره قربان مولا بوجمعاً ایله احسان بین الحرمده ایله مهمان آقام آقام آقام آقام گل سنه فدا آتام آنام گل 🥀🌸🥀🌼🥀🌸 🥀🌼🥀🌸🥀🌼

دولاندی آیلار محرم اولدی گئیندی عالم قرا حسینه دوباره اسدی قرا علملر قورولدی تشته عزا حسینه دولاندی آیلار محرم اولدی گئنه گیندوک قرا حسینه دوباره اسدی قرا علملر قورلدی تشته عزا حسینه اسنده پرچم توشر خیاله لوای صاحب لوا ابوالفضل جبینی یارا سو مشکی پاره قولی بدننن جدا ابوالفضل آی مریضی اولان گتور مریضون مطب عشقه وئرر مریضه شفا ابوالفضل دولاندی آیلار محرم اولدی گئیندی عالم قرا حسینه دولاندی آیلار محرم اولدی گئیندی عالم قرا حسینه دوباره اسدی قرا علملر قورلدی تشته عزا حسینه هارداسان فاطمه بالاسی باشلانیر جدیوین عزاسی چکدیلر قاره عرشه توتدی عالمین یا حسین صداسی داده گل میر مقتدا سن سن اقا یاسه گل صاحب عزاسن سن اقا 2 بار اقا جانم مولا جانم دیللره زمزمه سالان گل شیعه نین فکرینه قالان گل پرده ی غیبدن کنار اول ای حسین قانینی الان گل لطف ائله . آل اله سئنیق قلبیمیزی گلمه سون . کیم بیلر بیزیم دردیمیزی 🔵 شعر از : آقای عباسی معروفان اهری

سبک: آلله گون باتدی شام اهلی یاتدی حاج #نادر_جوادی ای پاره پاره پیـــکر حسیـــــنیــم قاننان سالوبســــان بســـتر حسیــنیــــم هئچ لاله سیـــــــــــنون تک پرپر اولماز داشــلاردان سلطانـه بســـــتر اولمـــــاز ال باشدا قاشدیــــــم گلدیم هرایــــــه گـــوردم سالوبلـــار جسمـــــون آرایــه گویا گلوبــــدی حاجــــــی منایــه من باخـــــــدیم قربانلـــــوخ تـکی دوغـــراندون گــــــوردون مــنی غیـــرتدن اودلانـــــــــدون ای شمعه عشقـــــــه پروانه قارداش تل اوســـتن باخــــــــدیم میـــــــدانه قارداش گوردوم دوشوبســـــن طوفانه قارداش گــوردوم اوپور خنجرلر سیــــــنوندن اَل چکمـولَّــــر کافرلر سیـــــــنوندن نیـــــــه شمر سنـــــون کســدی بوغازیـــــــن آنام اوباشـــون چوخ چکـــوب نازیــــــن قویمادی سلطان قیلســــــون نمازین باخمــادی من اَسدیـــــم خنــــــــجر اَسدی قرآنیــــــن باشینی لب تشنه کســـدی بیر یاره واردی درمانی یوخدی درمانه قارداش امکانی یوخدی هرکس ویروبدی وجدانی یوخدی ســــن جان وئــــــرنده گویلر داغیــــلدی ارکان هستــــــی یکســــر داغیلــــــدی اخیامــــه بیــــرده لشگـــــر داغیلـــــدی قمچیــــلر قیـزلاری دیــــلدن سالدی بیـــــلمیرم هئچ کیم اولدی کیم قالدی باخــــــدیم نقـــدری دشت و فلاتـــه گــــوردوم بیرکس یوخ گلسیـــــن نجاته یوز دوندردیــم من نهر فـــــراته سـسلنــــــدیم هارداسان گل آی ابالفضل حسیــــنه سن گل دی لای لای ابالفضـــــــــل