‍ روضه حضرت فاطمه زهرا سلام الله علیه ای قلم حالیوی دوندر گیدیرم روضه دیم بوروسون دفتری احساس غم آلود گرک گون او گون اولدی سقیفه گورولوب پنهانی یازدیلار حل اولا وضعیت موجود گرک اولین شرط خلافت بیزه عالمده بودور ایلیک حکم غدیریه نی نابود گرک توکولوب کوی بنی هاشمه بیر عده شرور ناگهان ثانی ملعون دیدی هیزوم گتیرون اوجالا بو قاپیدان آتشیلن دود گرک ایستیرم بیت خلیلی شرر ناره چکم دوزخ ایچره منه احسنت دیه نمرود گرک بویارام قانینه اسماعیلی من هاجریلن یانا بو حادثه دن شاهد و مشهود گرک (ملعونین سوزونه باخ قاپی دالندا گور نه دیدی) سوز منیمدی سند و مدرکه رحم ایلمرم آنا بطنینده اولان کودکه رحم ایلمرم (آی فاطمیه آماده اولانلار ،آی دیملی دردی اولانلار، آی مریضی اولانلار ) نا امید اولدی نبی امت و انصاریندن قبریده جسمی اسور غملرین آثاریندن ال شمشیریده اوچ یوز نفر آماده قوشون کینه لر تک تکینون جاریدی رخساریندن اولین مشعلی ثانی ئوزی آتدی قاپیا شعله گوزاندی بهشتین درو دیواریندن (قاپنی اله یاندردلار ) کوچه نی یکسره توسی بورودی بیر آندا ناتوانم بو چتین صحنه نین اظهاریندن بامین اوسته اوتوران قوشلاری قورخودی الو پر آچوب اوچدولا تئز فاطمه گلزاریندن قونشولارداندا بیری گلمدی امداد الیه (قاپنی یاندردلار خانم قالدی قاپینان دیوار آراسندا ) قونشولارداندا بیری گلمدی امداد الیه گوردولر حقی ولی قاچدیلار اقراریندن گوئیا اوت ئوزی یاندیخجا وروردی باشنا ناله ایلوردی بو کافرلرین آزاریندن هر قاپی یانسا بلی سلب اولی استحکامی چارچوبی داغلوب آیرلار ابزاریندن گوردولر وقتیدی که مانعی رفع ایلیلر یخالار حقین ایوین پایه و پرگاریندن بیر قدم گیتدی دالا ثانی صورا وردی لگد وای او سینمش قاپنین ناوک مسماریندن پشت درده یارالاندی حسنینین ننه سی اوجالوب زینبین افغانی دل زاریندن گل تیکانان ئوزون آزاد ایدوب ایلشدی یره آخدی قان دامنینه سینه خون باریندن وارد صحن اولوب اشرار زمان نعره کشان هیچ بیری زره حیا ایتمدی رفتاریندن اوتلی بیر هیزمی قنفذ خانما ویردی نشان دیدی آل هدیمی گچمه سوزون اجباریندن دسته گل باغلامشام محسنوون آد گونونه ذاتیمیز اورگنیب ابلیس دوزونان یمگه گلمیشوک حیدره بیز گوزلرین آیدین دیمگه

✔️زبانحال حضرت فاطمه زهرا عليها السلام در بستر شهادت اگلش باشیم اوستونده عم اوغلی ویرورم جان قرآن اوخی ای ناطق قرآن سنه قربان الله سوزونی سندن ایشتماق نه گوزلدی جان اوسته نظر حسنوه ایتماق نه گوزلدی مدتدی سنه همسرم ای خسرو خوبان بو مدتی قیلدون منه الطاف فراوان گل بیر ده منه لطف و کرم قیل سنه قربان گوگلوم غمین آل رفع ملال ایله عم اوغلی زهرانی کنیزوندی حلال ایله عم اوغلی چوخ عمر دیردیم منه لطف ایلسون الله بو عمری سنه خدمته صرف ایلیم ای شاه افسوس که تیز ایله دیلر عمریمی کوتاه ناحق یره ظلم ائتدی منه اوّل و ثانی ئولدوردی منی محسنیمون سقط زمانی درک ایلیه لی محضریوه فیض تشرف اولموب که اولا حضرتوه عرض تکلف بو آیریلیقا غم یمه چوخ ایتمه تاسف فرض ایله که زهرا یوخوموش دار فناده یا بیر گلیدی سولدی گلستان وفاده هر چند که گلشنده کی گللر گلیم من بو فخر منه بسدی سنه سویگلی یم من خار ستمون حیف اولا خونین دلیم من گللر بوله جاق نسگلیمی خار آراسندا بلبلده غم حسرت دیدار آراسندا مندن صورا گلشنده آچار سوسنی گللر ایستر بوله لر صورتی سوسن منی گللر گتسن چمنه گورسله من سیز سنی گللر انصاف ایلموب باخماسا نرگس گوزی حسرت نه یوزله بنفشه یره تیکمز رخ خجلت غصب ایتدی سنون حقویله ملکیمی دشمن غملندیم اوتوردوم ایلدیم ناله و شیون تا رخصت آلوب حقوی اثبات ایلیم من مسجدده گیدوب ایلدیم حق سوزلری اعلان طغیانیله بوبکر اوزیده اولدی پشیمان گوردوم کمکون یوخ سنون ای شاه ولایت هر کیم یتیشور ایلوری بیر نحو اهانت ایفای وظیفه ایلیوب ایتدیم اعانت ناچار قالوب خلق آرا مسجدده دانشدیم اثبات ایلدیم حقوی جانلار سنه قربان ثانی منیم حق سوزلریمه تاپمادی برهان کسدی یولومی آچدی ال اول دشمن قرآن ای تک یوزومی سالدی خسوفه او ستمکار اولدوم او زماندان من عم اوغلی بیله بیمار الطافوه چوخ شایقیم ای شمس هدایت وی سایه سی عالم لر آرا سایه رحمت دوشسه باشیما لطفویله ظل عنایت عرشه اوجادار باشیمی ای روح روانیم ای عالم آرا روح و روان و دل و جانیم ساین نه گوزل سایه دی ای سرور دوران ساینده سنون دالدالانور عالم امکان سالسان باشیما سایه وی ای سایه رحمان بو سایه چوخ عزت اولی زهرایه حبیبیم گر چه سالارام چوخ باشا من سایه حبیبیم آندا ایچمرم اول جانه اولا نقص ارادت سوگند اولا اول خاکه که کویونده دی تربت قلبیمده سنه موج ویرور مهر و محبت بیر جوهره مهر که اوندا عرض اولماز دنیا هاموسی مهر اولا اونلا عوض اولماز «ذهنی» نه گوزل تاپموسان عالمده سعادت بو تاپماقوا باعث اولوب خالق عزت یاز بو سوزی زهرا دیدی ای شاه ولایت الله سوزونی سنده ایشتماق نه گوزلدی جان اوسته نظر حسنوه سالماق نه گوزلدی ✍️ مرحوم حاج عبدالعظیم ذهنی زاده #اگلش_باشیم_اوستونده_عم_اوغلی #ذهنی_زاده #فاطمیه فایل صوتی👇👇👇

السلام علیک یا فاطمه الزهرا (س) زبانحال زینب کبری(س) در تشییع مادر گونی قاره زینبم من آنام ایوای آنام ایوای زینبون دویمادی سندن آنام ایوای آنام ایوای اِئووندن نصف شب هارا گدیرسن سینه ده یارا گدیرسن نچه آیدی اویمیزدن اوجالور ناله صداسی سنی آغلاداردی دائم باشیوون دردوبلاسی وای منه ساغالمیوبدی قانلی سینوین یاراسی اِئووندن نصف شب هارا گدیرسن سینه ده یارا گدیرسن کیم گوروبدی بیر جوانین قدّی سن کیمی بوکولسون نیلمیشدون قاپیمیزا نچه بی حیا توکولسون سینوی میخ در اُؤیسون زینبین قلبی سوکولسون اِئووندن نصف شب هارا گدیرسن سینه ده یارا گدیرسن آناجان جوانلیقیندا رخت وصلی نیه سویدون منی بو اوشاخلیقیمدا سن اوزون یرونده قویدون سنی درد و غصه یوردی نیه مندن بئله دویدون اِئووندن نصف شب هارا گدیرسن سینه ده یارا گدیرسن بو گئجه قال آنا ایوده سینه سین داغلیه زینب صبحه تک سنه دویونجا سس چکه آغلیه زینب او دوزلمیین یاراوی تازه دن باغلییه زینب اِئووندن نصف شب هارا گدیرسن سینه ده یارا گدیرسن ای پرستوی مدینه دوشموسن دام بلایه قوزانار ناله ی زینب آناجان عرش علایه ایاقونان اوپورم من گله سن کربوبلایه اِئووندن نصف شب هارا گدیرسن سینه ده یارا گدیرسن رسم عالمدی آنایه سویلییر دردینی هر قیز محنت و غم لر الینده قالدی زینب ولی یالقیز (بیکَس) اولسا غم و دردین کیمه سویله سین یتیم قیز اِئووندن نصف شب هارا گدیرسن سینه ده یارا گدیرسن ✍کربلایی مهدی عبادی (بیکس) #گونی_قاره_زینبم_من #فاطمیه #بیکس فایل صوتی👇👇

‍ سسیمه یوخدی سس ویرن دانیش منیله فاطمه هارا گیدیم گئجیله من دانیش منیله فاطمه وطن غریبی اولموشام یتیبدی غم نهایته زمانه دن داریخمیشام اورک یانور بو محنته بیری قاپومی آچمیور گله منلیه صحبته ایویمه یوخ گلیب گیدن دانیش منیله فاطمه اوزاقلادیب بیله منه وطنده آشنا اوزون گوزوم گزور بیرین گورم دیئم اونا اورک سوزون منی گورنده دوندرور بو شهریده هامی یوزون بو غم چتیندی هر ندن دانیش منیله فاطمه نه وعده لر حریص ایدوب بوامتی زمانیه اوشاق بویوک بو شهریده کمک دوروبدی ثانیه گوزوم دوشنده هر زمان او قانلی آستانیه اورک یانور اسور بدن دانیش منیله فاطمه کیم اولسا یاسلی رسمیدور گلوله دیده قونشولار ویروله تسلیت اونا بیرآزجا قلبی رام اولار دوشنده یاده نسگیلون اورک ملالیلن دولار یاسیوا اولمادی گلن دانیش منیله فاطمه بو چرخ کج روش دوروب مسیر جور و کینه ده سالوبدی نقشه دست غم ستمله لوح سینه ده قباقه ایش چیخوب بیله تانینمورام مدینه ده وطن غریبی اولموشام دانیش منیله فاطمه گونوزلر اوخشیور ایویم خزان کشیده گلشنه اودور گونون باتان چاقی گلور بیر اوزگه غم منه قرانلیق ایوده صبحه جک گئجه لر آغلارام سنه گلیلیئم خزانیدن دانیش منیله فاطمه شاعر(مرحوم معنوی اردبیلی) مداح حاج سلیم موذن زاده #لعن_الله_قاتلیک_یا_فاطمة_الزهرا #دانیش_منیله_فاطمه #معنوی #فاطمیه فایل صوتی👇👇👇

#زمزمه شهادت با سبک مناسب #حضرت_معصومه_سلام_الله_علیها بند ۱ منم خواهر ، رضا جانم ، نفس نفس را می شمارم خداحافظ ۲ رسیده وقت احتضارم بار سفر را بسته ام من از رنج و غم ها خسته ام من جانم رضا جانم رضا جان ۲ بند ۲ چه می شد وقت جان دادن رضا می آمد در کنارم گذارم سر به زانویش او را ببینم جان سپارم برادرم رضا کجایی بیا که شد وقت جدایی جانم رضا جانم رضا جان ۲ در دستگاه همایون 👆

در دستگاه همایون 👆

ولادت امام حسن عسکری (ع) اهنگ: شیرین شیریندن شاعر :(علیرضاعلوی زنجانی) (1) 🌺🌺🌺🌺🌺🌺🌺 گل آچدی باغ ازلی گلدی باغ نبینین گوزلی گلدی سوره طاهادن اثر گلدی به به گوزلر گوزلی گلدی ادنیا قربان ادی گویچدی گوزلر ایچره بو گوزل تکدی عزیز زهرا جان سنه قربان امید دلها جان سنه قربان (2)🌺🌺🌺🌺🌺🌺🌺 حجت هادی عَشَر گلدی او فخر ابناء بَشَر گلدی رضانین قلبینه ثَمَر گلدی انا اعطينا كل كوثر گلدی ادنیا قربان ادی گویچدی گوزلر ایچره بو گوزل تکدی عزیز زهرا جان سنه قربان امید دلها جان سنه قربان حسن حسن جان یا حسن جانم (3)🌺🌺🌺🌺🌺🌺🌺 سن سن امام عسکری مولا امام رضا نون دلبری مولا شیعه لرین ای سروری مولا امام جوادین ثمری مولا ادنیا قربان ادی گویچدی گوزلر ایچره بو گوزل تکدی عزیز زهرا جان سنه قربان امید دلها جان سنه قربان حسن حسن جان یا حسن جانم (4)🌺🌺🌺🌺🌺🌺🌺 روی تو و شَُْمس الضَُحی مولا موی تو و الَیلِ الدُجا مولا بیچاره لره سن سن رهنما ای درگهی باب الرَجا مولا آدنیا قربان آدی گویچدی گوزلر ایچره بو گوزل تکدی عزیز زهرا جان سنه قربان امید دلها جان سنه قربان حسن حسن جان یا حسن جانم (5)🌺🌺🌺🌺🌺🌺🌺 بشارت ای دل عسکری گلدی محبوب دلها عسکری گلدی خرم جهان شد عسکری گلدی نورش عیان گشت عسکری گلدی ادنیا قربان ادی گویچدی گوزلر ایچره بو گوزل تکدی عزیز زهرا جان سنه قربان امید دلها جان سنه قربان حسن حسن جان یا حسن جانم (6)🌺🌺🌺🌺🌺🌺🌺 ای اهل ایمان سروریم گلدی آن ماه تابان دلبریم گلدی ای اهل قران داوریم گلدی واللهی منیم باوریم گلدی ادنیا قربان ادی گویچدی گوزلر ایچره بو گوزل تکدی عزیز زهرا جان سنه قربان امید دلها جان سنه قربان حسن حسن جان یا حسن جانم (7)🌺🌺🌺🌺🌺🌺🌺 آچوبدی بیر گل هادی ایوینده اولوب معطر هادی ایوینده شاد اولوب شیعه شادی ایدلر وار بو گون خبر هادی ایوینده ادنیا قربان ادی گویچدی گوزلر ایچره بو گوزل تکدی عزیز زهرا جان سنه قربان

شده دنیا عجبا غرق مسرت ودود آذرین خلخال سبک :: دوست دارم كه دست هاتو داشته باشم #فارسی شده دنیا عجبا غرق مسرت آمده کان شرف عین کرامت فصل ابراز دل و دلبری آمد چون امام حسن عسکری آمد آمد کان عشق و ایمان آمد بر زمانه سلطان تبریک صاحب الزمان را آمد عسکری به دنیا باشد مقدمش مبارک ... مرقد محترمت قبله دلهاست گنبد و بارگهت مرکز دنیاست گرچه ناامن شده صحن وسرایت دل عشاق زند پر به هوایت آمد کان عشق و ایمان آمد بر زمانه سلطان تبریک صاحب الزمان را آمد عسکری به دنیا باشد مقدمش مبارک ... #ترکی هامی دنیا بو گیجه گلشنه دوندی قلبیلردن غم اودی شکراولا سوندی یره گویدن انوری حوری و غلمان قاریشوب بیربیرینه جنیله انسان گلدی گللرین صفاسی صاحب زمانین آتاسی تبریک صاحب الزمانه گلدی عسکری جهانه اولسون مقدمی مبارک ... بلبلی دعوت ایدوب باغه بنفشه بو گونون بساطینه چکولَّه نقشه سنده آماده ایله بزم صفانی دعوت ایله بو یره صاحب زمانی گلدی گللرین صفاسی صاحب زمانین آتاسی تبریک صاحب الزمانه گلدی عسکری جهانه اولسون مقدمی مبارک ... عسکری دور لقبی هیبتی واردی بو گلن باده عشقیله خماردی شیعه نین قلبی صفاتاپدی اونیلان گلدی درمانده لرین دردینه درمان گلدی گللرین صفاسی صاحب زمانین آتاسی تبریک صاحب الزمانه گلدی عسکری جهانه اولسون مقدمی مبارک .

یا ابا المهدی سرزده ماه مدینه تا نماید دلبری از برای شیعیان آمد امام دیگری یا حبیبی یا حبیبی یا حبیبی یا حسن نور عینی، نور عینی، نور عینی یاحسن ______________________ حضرت هادی گرفته میهمانی بهر او مجمعی برپا شده از عاشقان حیدری یا حبیبی.... ______________________ بار دیگر یک علی ویک حسن،ابن علی در لقب می گردداو همسان بابا عسکری زادروزش هشتمین روز ربیع الثانی است در بهار دوم آمد نوگلی پیغمبری یاحبیبی یاحبیبی..... ________________________ درامامت یازده باشد به عصمت سیزده در سپهر علم ودین باشد یگانه شهپری آمده تا همسری گیرد کنیز روم را آمده گردد پدر او،برامام آخری یاحبیبی یا حبیبی..... _________________________ درشب میلاد او دل تنگ صحن سامراست جان ما بادا فدای جان یابن العسکری کاش دیدار رخ ماهش به ما عیدی دهد سروری برما نماید ما برایش نوکری یاحبیبی....... شعر :اسماعیل تقوایی

‏برای پیوستن به گروه واتساپ من، این پیوند را دنبال کنید: https://chat.whatsapp.com/CysqXna80jUE49wrBXwqOd

گروه ختم خوانی فقط ترکی☝️☝️☝️

‍ ‍ زبانحال حضرت امام رضا علیه السلام مرحوم حسینی سعدی زمان جان ویرورم گل باجی معصومه گل زهر ویروبدور من مظلومه گل اود دوتوب اودلاندی دل مضطریم زهر اثریندن یانوری لبلریم یرده یوزوم یولدا قالوب گوزلریم جان ویرورم گل باجی معصومه گل گلشن عمریم گُلی خندان اولوب حالیم آنام باجی پریشان اولوب غربت الیندن جگریم قان اولوب جان ویرورم گل باجی معصومه گل گورماقیم اطفالیمی اولدی محال محشره قالدی باجی بیرده وصال عترتیمون باشلارینه قاره سال جان ویرورم گل باجی معصومه گل من کیمی یوخدور کسیلن چاره سی زهریله خونین دل صد پاره سی غربت اسیری وطن آواره سی جان ویرورم گل باجی معصومه گل وار نه منیم حالیمه بیر آغلیان باشیمون اوستونده جگر داغلیان اُلسم اگر یوخ گوزیمی باغلیان جان ویرورم گل باجی معصومه گل زهر ویروبدور منه دشمن باجی رحلت ایدم آز قالوری من باجی گل گوزیمی باغلاماقا سن باجی جان ویرورم گل باجی معصومه گل ظلمیله مأمون پلید و شقی ایلدی خاموش بو نور حقی قالدی یتیم ای باجی اوغلوم تقی جان ویرورم گل باجی معصومه گل رحم ایدن ایکاش اولا گوز یاشیمه ایلیه اخطار بنی هاشمه قوم و قبیله م یغیشا باشیمه جان ویرورم گل باجی معصومه گل گوردی منِ بی کسی دشمن غریب ایلدی اوز بُلدوقون ایمن غریب دشمنیمون قدرتی چوخ، من غریب جان ویرورم گل باجی معصومه گل گوشۀ غربتده ئولن گونده من کاش اولِیدون باشیم اوستونده سن جسمیمه زلفوندن ائدِیدون کفن جان ویرورم گل باجی معصومه گل مردمک گوزده مجسّم اجل یرده یوزوم، یولدا گوزوم، دلده اَل سسلنوری جدّیم اوغول دورما گل جان ویرورم گل باجی معصومه گل گوردی قضا ظلمه منی چون رضا جبراً عیالیمدن آیردی قضا دل دوداقیم یاندی مضی ما مضی جان ویرورم گل باجی معصومه گل ایلدی بیر پایه ده مامون جفا واولدا سویلدی خیرُ النّسا ائتدی خراسانی منه کربلا جان ویرورم گل باجی معصومه گل سِلم و رضا مُلکینه من والیم جدّیمه غربتده بو گون تالیم بو غمیله اُلّم، اوزوم حالیم جان ویرورم گل باجی معصومه گل باغلی دگل شهر سناباده یول فرض حسین ائت، منه سن زینب اول بوینوما سال باجی دیَن وقته قول جان ویرورم گل باجی معصومه گل دشت بلاده او شه انس و جان ویردی لب عطشان قوری یرلرده جان آغلارام احوالینه جان اوسته قان جان ویرورم گل باجی معصومه گل قانیله غلطانیدی مظلوم امام دوره سین آلموشدی گروه ظلام آز یولیدی قتلگهیله خیام جان ویرورم گل باجی معصومه گل گرچه دگلدی او قَدَر فاصله مانعیدی لیک سِنان - حرمله گلسون عیالی باشی اوسته دله جان ویرورم گل باجی معصومه گل باخمادی میدانی دوتوب قیل و قال گلدی گئنه باجیسی پژمرده حال گوردی ویرور جان شه گردون جلال جان ویرورم گل باجی معصومه گل بسدی «حسینی» سوزون ایله تمام مختصر ائت، اولدی مطوّل کلام مطلعی یاز مقطعه، قیل اختتام جان ویرورم گل باجی معصومه گل

«زبانحال حضرت معصومه(س) باامام هشتم درحال احتضار» #گریز به #زینبیه_شهادت . . حاج افشین بابک اردبیلی . #سبک_تا_مشکتو_تو_آب_زدی #سبک_حسین_دوشوبدی_مقتله . . بو غربت ئولکه ده دوشوب باشیم بلایه یا رضا چخور جانیم آدامسیزام یتیش هرایه یا رضا . بو غربت یرده انیسیم آه و فغاندی هایاندا قالدون رضا جان صبریم تالاندی گوزوم یوللاردا قالوب قارداش باغریقانم باجون معصومه وئرور جان تئز گل اماندی . غریبم هارام وار اؤرکده یارام وار رضا جان ... . . . . باشی بلالی باجیام کمند عشقه بسته ام ئولوب آتام عزالیام غمین و دلشکسته ام . الون قربانی گوزومی گل باغلا قارداش اؤرگیوی غم اوتوندا سن داغلا قارداش اجل گلدی ، باشیم اوسته بیر آغلیان یوخ منه گل ایندی عزا ساخلا آغلا قارداش . غریبم هارام وار اؤرکده یار .. . برچسبها: #اشعار_زبده #بابک_اردبیلی #بو_غربت_ئولکه_ده_دوشوب #ترکی #حضرت_معصومه #حضرت_معصومه_شهادت #زبدة #زبدةالاشعار #زبده #زبده_اشعار #زینبیه_شهادت #سبک_تا_مشکتو_تو_آب_زدی #سبک_حسین_دوشوبدی_مقتله #گریز

‍ الله الله گل خلقتدی خانم معصومه  عالم خلقته زینتدی خانم معصومه  قارداش عشقنده جلای وطن اولدی آری  دئمه دی قم منه غربتدی خانم معصومه  .  قاپوسی باب کرمدی ، ئوزی دریای کرم  معدن جود و کرامتدی خانم معصومه  .  آناسی حضرت صدیقۀ کبری مثلی  آفتاب ابدیّتدی خانم معصومه  .  بوخانم کیمدی سوروشسون عرفادن دیجک  زینبِ فاطمه خصلتدی خانم معصومه  .  بین شهر قم و مشهد اولا بین الحرمین  اوردا سرمایه عزّتدی خانم معصومه  .  نیلیوروک آل سعودیله اولا رابطه میز  بیزه واللهی کفایتدی خانم معصومه  .  آگه اول درسینی وهابی ملعوندان آلان  بیله فکر ایتمه حکایتدی خانم معصومه  .  حضرت مهدی موعود که غیبتده یاشور  او ابر قدرته قدرتدی خانم معصومه  .  علوی کشورینون فکر ایلمه صاحبی یوخ  صاحب کشور رحمتدی خانم معصومه  .  اوندا که گلدی گجیله طبسه دشمن دین  بیلمدی خصم خیانتدی خانم معصومه  .  او کویر ایچره دوشن لحظه هواپیمالر  اوردا بیر معجزه گورستدی خانم معصومه  .  قارداشی شاه خراسانیله شِن یاغدیردی  طبسی قهریله تیترتدی خانم معصومه  .  اود دوتوب یاندی همان لحظه هواپیمالر  بیلدیلر صاحب صولتدی خانم معصومه  .  هم امامین قیزیدور بو هم امامین باجیسی  صاحب علم و فضیلتدی خانم معصومه  .  او زماندان که قدم قویدی بو ایرانمیزه  کشوره حجب و حیا گتدی خانم معصومه  .  باشدا چادر شب دین ، دیلده پیام زهرا  بیزه درس شرف اورگتدی خانم معصومه  .  نه فقط شهر قم ، ایرانیلارا «فرهنگی»  منبع فیض و عنایتدی خانم معصومه  اثر حاج ابوالفضل فرهنگی

زبان حال حضرت معصومه علیها سلام به قلم کربلایی صابر ثمودی سبک گل پونه 🏴🏴🏴🏴🏴 هارداسان آرام جانیم ای منیم روح و روانیم گل اماندی گل چیخور بو خسته جانیم یوخدی قارداش دای توانیم گل اماندی گل ائدور معصومه رحلت دلشکسته یا رضا جان گل ائله قرآن تلاوت باشیم اوسته یا رضا جان یا رضا جان یا رضا جان گل سنه قربان رضا جان 🏴🏴🏴🏴🏴🏴 کاش گلوب سن ظلِ عشقون باشیم اوسته بیر سالیدون هارداسان گل باشیمی قارداش ئولن وقت سن دیزون اوسته آلیدون هارداسان گل گل سنی معصومه گوزلور بی قرارم یا رضا جان گوزلریم یولدا قالوبدی انتظارم یا رضا جان یا رضا جان یا رضا جان گل سنه قربان رضا جان 🏴🏴🏴🏴🏴🏴 ممکن اولسا طوسیدن گل باشیم اوسته کان رحمت من غریبم چوخ چتین وقتیمدی قارداش گل منه ایله عنایت من غریبم غربت ائلده بو غریبی یاده سال قارداش رضا جان باجوون قلبی سینیخدی گویلون آل قارداش رضا جان یا رضا جان یا رضا جان گل سنه قربان رضا جان 🏴🏴🏴🏴🏴🏴 جان وئرور معصومه تئز گل غربت ائلده زار وخسته گل برادر آلمیشام بو سون نفسده نامه وی من سینم اوسته گل برادر هیجر اودوندا داغدارم یوخ قراریم یا رضا جان سندن اوتری چیخدی عرشه آه و زاریم یا رضا جان یا رضا جان یا رضا جان گل سنه قربان رضا جان 🏴🏴🏴🏴🏴🏴 تنگه گلدی مرغ روحیم ایستمور قالسون قفسده باغریقانم باغریقانم گل گوروم زیبا جمالون قارداشیم بو سون نفسده ناگرانم ناگرانم بیر غریب غربتده ئولسه کیمسه آغلار یا رضا جان گوزلرینی جان وئرنده کیمسه باغلار یا رضا جان یا رضا جان یا رضا جان گل سنه قربان رضا جان 🏴🏴🏴🏴🏴🏴🏴 من غریبه عالم آغلار حیدر آغلار خاتم آغلار سینه داغلار حضرت زهرا ننه ملَن هاجر آغلار مریم آغلار سینه داغلار هجریمه اولدی( ثمودی ) غرق محنت یا رضا جان جان وئرنده دادینه یئت کان رحمت یا رضا جان یا رضا جان یا رضا جان گل سنه قربان رضا جان 🏴🏴🏴🏴🏴