#حسین(ع) نوحه ورود کاروان امام حسین به کربلا به سبک شبانگاهان حسین گلدی کربلایه قوناق----گوزلریندن ایراق یا رسول الله2 ئولوب عطشان فاطمه بالاسی -----دوشدی ائلدن اوزاق یارسول الله محرمده قان گلر جوشه----دوشر یاده قبر شش گوشه یارسول الله2 ✳️✳️✳️ حسینون قربان اولوم ادینا بیزلره بو آدی مادر ئورگتدی ولادتده جبرئیل امین گاهواره سینی گلدی ترپتدی ولی بیلمم کربلاده نیه سینه سین بوغازین---شمره گورستدی معاذالله اللهین قانینی توکدی اهل عراق یارسول الله 2 ✳️✳️✳️ سلام اولسون قانلی لبلره کی ایستیدن قورودی سو کنارینده دیه لر سو مهر فاطمه دی قالدی اجنبیلر اختیاریند حسینون بیر صود امر بالاسین تشنه اوخلادیلار---قان دیارینده یارالی قوش تک بلکده بالا چالدی هی ال ایاق یارسول الله2 ✳️✳️✳️ محرمده قاره پرچم اسر سینه ده قیزیشار---شیعه لر قانی دولان گوزلر کربلایه باخار قطره قطره آخار هی جگر قانی همین آیدا قاره یل اسیلوب گویلره سپیلوب---صود امر قانی حسین آغلوردی او حاله ولی گولدی دیلسیز اوشاق یا رسول الله2 محرمده سینه لر آچیلار غملی سینه زنان دلکباب آغلار سپهر عشقین ستاره سینه آی گیر قاره آفتاب آغلار او گوندن مین دورت یوز ایلدی گئچوب ایندیده بئله بیلم رباب آغلار دیردی اوغلوم گئدنده سووا ترپنوردی دوداق ---یا رسول الله 2 ✳️✳️✳️ غرض عاشورا گونی قوتاروب غارت اولدی حرم---خیمه لر یاندی قرا گییدی دشت کرب وبلا اولدی شام عزا---نوحه باشلاندی یانان دیللر بیر یانان چادرا جمع اولوبدی هامی ---سینه سوزاندی بالا قیزلار قورخا قورخا یاتوب قالدی زینب اویاق---یارسول الله2 ✳️✳️✳️ نگهبانیدی همان چادرا مرتضی قیزی تا---گلمیه دشمن گلدی سسلدی ای---آغلیان کیمسن اودلخسته یانه یانه دئدی چوخدی دردیم اوغولسوز ربابم من قرانلوخدا آختاریر دی گولون دلده داغ فراق یا رسول الله2 ✳️✳️✳️ دیه بیلم اصغرین آناسی صبحه تک او گئجه---ماتمه باتدی دیه بیلم هی دئدی بالاوای قان ایچینده اباالفضلی آغلاتدی سو ایچمیشدی صود فراهمیدی سسلنوردی بالام قان ایچوب یاتدی چتیندی املیک قوزی وئره جان لیک آنا قالا ساق---یا رسول الله2 لینگ کانال در روبیکا

هفتم شهدای کربلا کربلایی محمدرضامحمدی یدّی گوندور گزورم چوللری آواره حسین قولی باغلی گئدورم کوچه و بازاره حسین یدّی گوندور که باشون نِی ده تجلا ائلیور گاه قرآن اوخیوب، دشمنی رسوا ائلیور یدّی گوندور سنه من نوحه دیوب آغلیورام یدّی گوندور بو یانان سینه می من داغلیورام یدّی گوندور آتاسیز قیزلاریوون رهبریم غملرین جانه آلوب، درد و غمه مشتریم یدّی گوندور بویووا حسرتم ای روح و روان آغلیا بیلمه میشم قیزلارا خاطر اوجادان یدّی گوندور که گونوز زینبه قارداش گجه دی سویله زینب سنه قربان یارالارون نجه دی یدّی گوندور که شماتت اوخی بو قلبی دلیب غم الیندن نجه گور غملی باجون جانه گلیب یدّی گوندور که منیم یار و هواداریم ئولوب قاسم و اکبر و غیرتلی علمداریم ئولوب یدّی گوندورسنه چوللرده عزا ساخلامیشام اوخیوب نوحه رقیه، من اؤرک داغلامیشام دئمورم تیر مصیبتله دلی بولمه میشم قیزلاروندان نگران اولما حسین ئولمه میشم یدّی گونده نقدر قمچی دگوب قیزلارووا یانه قدری ویریلوب داش آدامسیزلارووا هامیسین اوّل ئوزوم نوش ائلیوب جان دئمیشم یورولان جانیمی قیزلارووه قربان دئمیشم

با سلام آقاما قربان ا‌ولوم *************ه آقاما قربان اولوم . روح تولادی آقام جان طاهادی آقام. عالمه مولادی آقام شور شعف وئر شعریمه ای سوزلر یمین قندی حسین ایله کرم عا شقلر یو ه فاطمه دلبندی حسین جان وئروبسن آب و گله اود ووروبسان جان ودله اولموشام دیوانه حسین(۲) آقاما قربان اولوم . مست.می.باده سییم بی قرار عاشقیم . عاشق دلداده سییم دام عشقینده گرفتارییم ایئلردی مدام کنج میخانه ده دردی کش افتاده سییم جام الستین مستی حسین عا شق مستا نوه باخ هستی عشقین هستی.حسین گوشه ی میخانوه باخ جان وئروبسن آب و گله اود ووروبسان جان و دله اولموشام دیوانه حسین (۲) آقاماقربان اولوم . عالمی حیران ائلیوب عرشه.قونداقی.گئدوب عرشی.چراغان.ائلیوب عشقینین لمعه.سی.سیناده.تجلایه.چیخوب مات.ائدوب.عالمی.تاریخده.طوفان.ائلیوب لمعه ی نورین طوری حسین یازدی شرف منشوری حسین وئردی شرف سینا داغینا نور شرافت شوری حسین جان وئروبسن آب و گله اود ووروبسان جان و دله اولموشام دیوانه حسین(۲) آقاما قربان اولوم .عشق مصوردی آقام عشقه یاوردی آقام.عاشق داوردی آقام رهبر عشقدی سر نیزده قرآن اوخیور هیکل عشقدی گودالده بی سردی آقام ای شرفین جانانی حسین جلوه ی عشقین جانی حسین ذبح عظیم دشت بلا زنده ائدن قرآنی حسین جان وئروبسن آب و گله اود ووروبسان جا ن و دله اولموشام دیوانه حسین (۲) ***************ه التماس دعا

‍ صحرا حسینه قربان دریا حســینه قربان مخلوق عرش و خلق دنیا حسینه قربان آدم حسینه قربان خاتم حســینه قــربان آغلار گوزوم یانقلـی سینم حسینه قربان سالسون نظر ســـراپا والعصـــــرو مــــرســـــلاته منظـــــــــور هـــــل اَتایه مفهــــــــوم واقعــــــاته هم یونس و مــزّمــل هــــم شـــــان و ذاریــــــاته معـــــروف اولان حســــــیندور تفسیــــر نازعاته توراة حقّ النــده موســـــی حســـــینه قـــــربان جبـــــــریل با صـــــداقت میــــکال با لـــــــیاقت زُهّـــاد با حقیقـــت عبــــــاد با کفـــــــــــــــایت شـــرقیله غــــرب آراسی مظلوم ئولن جماعت بدر و احدده ایچــدی کیـــم شــــربت شهـــادت طشــــت طلا ده راس یحیــــا حســـینـه قربان بیــر گون یاتئب پیمبر ایتمشدی استـــــــراحت گلـــدی عـــزیز زهــــرا جـــــدّین ایـــــده زیــارت پیغمبرون عیالی مـــانع اولــــوب او ســــــاعت آلجاق سسین حسینون دوردی او کان رحمت فــــرمایــش ایتــدی جدی طاها حسینه قربان تاپشــــــوردی آفتــــاب ارشـــاددور حســــینیم هـــم علــــت و بفــــای ایجـــــاددور حســینیم اینجتـــــــمه افتخــــار اجـــــداددور حســــینیم هـــر وقـــت دیـــــده گلـــسه آزاددور حسینیم مــــلک و عـــیال و جـــانیم یکجا حسینه قرب التماس دعای خیر

احوالات قتلگاه قوی دیوم نلر چکمیشم حسین بو گیچن گیجه روزگاردن بیر یانان چادر منزلیم اولوب گور نه دوشموشم اعتباردن دویموشام داخی روزگاردن آختاریب نقدری تاپامادیم بیرنفرمسلمان گچن گجه پاسبان اولا اهل بیتوه اولمیاخ هراسان گچن گجه صبح اولنجا اطراف خیمه نی گزمیشم هراسان گچن گجه اینجیدیم داخی بوردا قالمارام گورمدیم وفا روزگاریدن پر شکسته قوشلار یغیشدیلار ظلمله یانان اشیانیمه بیر نفر پرستاریم اولمادی قورخودان دوشوب لرزه جانیمه نصف شب اوغلسوز انام گلوب خیمگاهیده بیرجه یانیمه پاسبان اولوبدور اوشاقلارا قورتولوب باجون گیر وداریدن ایتدی بیر قیزون درد و غصّه دن بُل بو قدر خرسندیدم اُلم باش قویوب دالینجا من ایستدیم آختارام تاپام حالینی بُلم بیر شقی منه رحم ایلدی قتلگاهی گوستردی تا گلم ویردی اوز بالاندان منه خبر گوردی گیتمیشم اختیاریدن سن اوزون بُلورسن نه حالیله گلدیم ایله بیر دمده یانیوه کاش کلمییدیم گلن کیمی اللریم باتوب تازه فانوه گوردوم اللرون ساربان کسوب لعن حق گله ساربانوه بیله بیوفالوق زمانه ده گورمیوبدی بیر یار یاردن باشوی بدنده گورنمدیم تار اولوب گوزومده منیم جهان آنلادیم که حرمت ایدوب سنه کوللر اوسته خولی ویروب مکان هر کسه دیدیم باشون ایستدیم کوفه نی منه ویردیلر نشان نه جواب واردور پیمبره حشرده دوراندا مزاردن گورموشم بو عریان جنازه وی یوز ویروب منه غضّه و محن چون سویولموشام یوخدی بیر زادیم ایلیم سنون نعشیوه کفن بیر گلور گمانیم بو ساچلارا اذن ویر آچوم نعشون اوسته من چاره یوخدی نیلوم خجالتم چخمشام بو گون هر نه واردن ساخلا ال (ثریا) داخی دایان یازما بوندان آرتوق بو محنتی بسدی بو قبول ایلسه اگر پادشاه خوبان بو خدمتی دل سنون دگول اوزگه نوندی دل باشلیوب بیله طرز صحبتی قیل یقین که تأیید خاصّدور لطف اوزیله پروردگاردن شاعر : ثریاموضوع: احوالات قتلگاه ,  زبان شعر و شاعر: نوحه ترکی , ثریا تبریزی 

روضه قتلگاه قتلگاهی نچه لحظه الیوم منظره باخ شمره باخ زینبه باخ سینه یارا رهبره باخ بوکشاکشده سنی تاری بیرآز دقت ایله اوچوخور یرده ایاق آتدا قالان پیکره باخ (گوردی امام حسین آقا قان دولان گوزلرین آچدی اله یانایانا دیدی باجی نیه  گلدین قتلگاهه ؟زینب مگر من دیممیشدیم خیمه لرده قالاسان ) عشقینون یارلی شه باخدی غم آیینه سینه قاتلین ناظریدی پنجه پر کینه سینه آخدی زینب الینون قانی حسین سینه سینه الری قانه باتان یرده پریشان زینب گوردی زهرا ننه سی سسلیوری جان زینب (گوردی الله اله یانایانا ننه سینین سسی گلیر اله یانایانا دیدی) قیزیم الیوه فکرالمه باغلا حسینون گوزونی قویما گوزیاشی توکه دیده خونبارینن (گوردی آقا دییر باجی قالما بوردا باجی . باجی بو نامرد ایستیر سنین یانندا باشیمی کسه .نیلدی خانم زینب؟بیر الین صاقا ویردی بیر الین صولا ویردی ، دیدی حسین دیمیرم قارداشمسان ، یوخ امامیم سن ، حسین امام نمنه امر السه گرک قولاق آساسان چشم قالمارام بوردا اما حسین بو آخرین لحظه ایستیرم بیر ایش گورم ننم ده آغلیا حسین اجازه ویر قوی یانان دوداقونان اوپوم آی قارداش ) کاش خبر دوز اولمیا باتدی قانا یانان باجی آتدی دالی دالی قدم قلبی الولانان باجی گلدی نه حالدا خیمیه الری دوغرانان باجی (خانمین الری کسیلیب ، الینین قانی آخیر ، اله الرین وروب قولتوغونا گلیر خیمه لره ، گلدی خیمه لر قاباقینه همیشه زینب قولارین آچاردی رقیه نی قوجاخلاردی اما بو دفعه خانمین الری کسیلیب اله یانایانا دیدی قیزیم گل قاباقا رقیه گل قولوی دولا عمه وون بوینونا عربده بیر رسم وار اگر بیر ایوین بویوگی ئولسه گللر اگر ایوده بالاجا قیز اوشاقی اولسا اونون حوروهلرین آچالار توکلر یوزونه زینب یانایانا دیدی رباب گل قاباقا رباب گل رقیه نین تلرین آچ بالان یتیم قالدی )

روضه حضرت علی اکبر(ع) صبر امامتیله هله من دوزنمیرم وای لیلیه نجه دوزه جاخدور آنان اوغول باشینداکی یارا بابامی سالیر یادیما پیغمبر اوغلی آغلادی، آغلاتدی دشمنی ووردی عمامه سین او زمان مصطفی یره قلبین بوشاتدی، دوردی اَیاقه فسرده حال سالدی عبانی خامس آل عبا یره (گوردولر امام چینینن عبانی آچدی سالدی یره اله یانایانا دییر علی) هیچ بیر شهیده سالمامشام من عبا یره گل تک داغلمسان نیلسون باغبان اوغول (گوردولر ایلشدی کربلانین تپراقلاریندا) یغدی عبایه قطعه به قطعه جنازه سین ووردی فضای صبریده عالی لِوا یره آغلار گوزیله سسلدی فِتیانِ هاشمی جمع اولدولار او مجمع داد و بُکا یره بیر نحویله گوتوردوله صد پاره جسمینی مَخیَمده تا سالندی او فرش عزا یره علی باخورام بو گل کیمی پیکره باشا باش یارادی اوغول علی نیه بس ورق ورق اولموسان؟ بو نه ماجرادی اوغول علی؟ گوزیمون ضیاسی بو حالته سنی سالدی هانسی شل اولموش ال؟ او الی که سرو قدون بیله یره یخدی کاش اولیدی شل یوزیمی قویام اوپم ایگلیَم تاپولموری بیر محل الیمی بو جسمده هر یره وورورام یارادی اوغول علی

طشت گذاری روضه حضرت ابوالفضل(ع) دردون اولسا دیمرم حاذق اطبانی چاغیر   گوزون یاشینی توک حضرت زهرانی چاغیر ویر خبر دردی اولانلاره دینن غم گلدی   باشوا باغلا قرا موسم ماتم گلدی   سینه وور سسله حسینی قره پرچم گلدی   ای دوادن یورولان ماه محرم گلدی   چاغیرون یوزلری اشکه بوروننلر گلسین   قره پرچم دالیسیجاق سوروننلر گلسین بزم تجلیل شئونات امامتدی بورا   مرکز کنگره شان و شرافتدی بورا   آیری فکر ایلمه درگاه عبادتدی بورا   گیتمه آیری قاپیا باب سعادتدی بورا   غم یمه اولسا نه اندازه اگر دردون آغیر   قلبووی پاک ایله بیر دفعه ابوالفضلی چاغیر   احتیاجون وار اگر معجزه گر درمانه   متوجه ایله افکاروی نخلستانه   ساقی تشنه دوشوبدی یارالی میدانه   ساق گوزی بوسه ویروب زهریلی بیر پیکانه   سروه اوخشور اوجا قدی ولی خوللاری دوشوب   بیر یانا مشکی دوشوب بیر یانا قوللاری دوشوب   کشتی عشقیدی گویا کی قالوب طوفاندا   عمرینون اولدوزی ایستور باتا نخلستاندا   ئوزینه فکر ایلمور هیچ ایله بیر بحراندا   تلین اوستونده قالوب قلبی گرو جاناندا   گوردی یوخدی یارالی قوللارینون درمانی   دوتدی تصمیمینی دعوت ایلیه مولانی یوز دوتوب تله طرف سسلدی ای شاه بصیر   منتظر دور سنه میدانیده بو عبد حقیر   دیمورم گل منی قویما ایلیه لشکر اسیر   ننووی ایستسه گویلون ئوزووی فوری یتیر   باشیم اوسته اوتوروب گوز یاشی رخساره الور   ساچلاریندان باجیمون ساچلارینون عطری گلور  

روضه قتلگاه غمیم غم اوسته گلیر غملیم غم عاشقیم قاپی قاپی گزیرم بزم ماتم عاشقیم اوچ آی بهاری ورین بلبله گلستان دا من اون بیر آی گوزی یاشلی محرم عاشقیم او سلسبیلی ویرون بوذریله سلمانه نه کوثر ایستمیرم نهر علقم عاشقیم عصر وقتیدی حسین کعبه آماله دوشوب باش یارا سینه یارا عشقیله گوداله دوشوب ارمغان بزم نگاره یورولان جان آپارور جلوه یاری گوروب هوشه گیدوب قان آپارور نه یارا فکرینی ایلور نه طبیب و نه دوا خضری مبهوت الیوبدور نه سو ایستور نه غذا ماسواللهی آتوب فکری خدا ذکری خدا نه شهیدانی نه قیزلاری نه خرگاهی گورور تلیده زینبه باخمور فقط اللهی گورور

حاج شهزاد عیسی پور

بسم الله الرحمن الرحیم نوحه امام باقر ع در سبک : کوچه ها را غم گرفته کوفه را ماتم گرفته اولدی یثرب غرق ماتم آغلادی جنتده خاتم اولدی مسموم حسینون بالاسی شیعه نین قوزانوبدی نواسی وامحمد ، محمد ، محمد 2 ترک ایدوب باقر جهانی آغلادوبدی مرتضانی گیتدی الدن جهانین صفاسی شیعه نین قوزانوبدی نواسی وامحمد ، محمد ، محمد 2 داغیدار اولدی ملک لر یاندی بو غمده ملک لر آغلادی شاه دینین آناسی شیعه نین قوزانوبدی نواسی وامحمد ، محمد ، محمد 2 ظلم ایدوب دست عداوت ئولدی باقر اولدی راحت گورسنوب دشمن دین جفاسی شیعه نین قوزانوبدی نواسی وامحمد ، محمد ، محمد 2 باغبان گر ئولسه یاران تز صولار باغیله بستان یوخدی دنیانون الحق وفاسی شیعه نون قوزانوبدی نواسی وامحمد ، محمد ، محمد 2 اولدی مسموم شاه شاهان حجت حق جان جانان وای بو دردین تاپولماز دواسی شیعه نین قوزانوبدی نواسی وامحمد ، محمد ، محمد 2 باقر آل محمد اول گل گلزار احمد جان وئرور شیعه لر مقتداسی شیعه نین قوزانوبدی نواسی وامحمد ، محمد ، محمد2 التماس دعا

(درختم یادبود مجلس جوان ناکام) (اُخشــاما درمراسم یادبــود جوان) ننه لرایچره اوغول رسمیدی واربیرجریان هرننه ایکی یول اوزجوانین اوخشاراوجادان بیری داماداولان وقتیده بیرتازه جوان باجیسی عمه لری ترتیبه سالالارطویونی اله کی یاخدی حناسین ننه اوخشاربویونی بیرده ننه نین جوانی اولسه اگرخویش واقرباسی گلیب شمعیلری قاره بزر ایله کی کفن ایلدیلر باغلیانداکفنی حاضراله لرننه سین هامی اوخشار اما ننه آخرده دییراوخشاماسین دییراوغول آرزی گولون درمدیم طوی کارتیوی اللره گوندرمدیم بونیسگیل منی یاندیرار الیوی گلین الینه ورمدیم لایلای بالام لایلای جوان اولننرسنه قربان یاعلی اکبر 🥀🥀🥀🥀

﷽ #مجلس_ختم_پدر #روضه #ترکی بو دنیانون وفاسی هیچ یوخومیش یامان گونی خوش گونلردن چوخومیش آباد ائله قبر ائوینی ای دل غافل هرقدر که آباد اولا ویراندی بودنیا آی یالان دنیا....امان امان آی بی وفا دنیا وفاسی یوخ بودنیانون یالاندی کهنه دنیا هله...هله قالاندی عاقبت باشلاری داشه چالان دنیادی به یاد مهربان آتا....قبر ائوینه سفره ائلین آتا اما بو رسمیدی آتا سفره گئدنده بالالارون چاغیرار سسلر آی بالاروم سیزی آللهه تاپشوردوم اما....امان او ساعتدن کی بالالار گله لربابانین تابوتین یاپوشا لار وای اولحظه دن کی بالالار گوره او سفری کی....بابا گئدیر....دای بو سفردن گلمیه جک به یاد بابای سفرکرده آتا ائوین چراغیدی ‌‌آتا ائوین دایاقیدی آتالارا حرمت ائدون بش اون گونون قوناقیدی آی آتاسی اولانلار گئدون دولانون آتایزون باشینا به یاد او ساعتی که بو مهربان بابا ائوده بالالارون چراغیدی چهل روزه به سر افسر ندارم...آمان آیروقدان ...‌فغان آیروقدان چهل روزه که تاج سرندارم....قرخ گون اولدی ائویمیزون چراغی سونوب....‌قرخ گوندی بابانین سسی گلمیر چهل روزه پدر رفته زدستم قرخ گوندی بابانین یئری ائوده بوش قالوب اما آتاسیز لیق چتین درد اولار الا کی قیزی اولسا قیزه گران درد اولار باباسی ئولسه بخصوص اگر قیز ائولر ائوینده اولسا آتا ائوینه گئدنده بیر آیری عالمیلن گئدر آتا ائوینه آخه مشکله دوشنده ائله دییر کاش بابام گلیدی....کاش قارداشیم گلیدی اورگیزی ائله بوردان دولاندوراجاقام کربلا چولونه اوزمانیکی عاشورا گونی قتل وغارت توکندی او غملی زینب آتا سی ئولن بالالاری اوغلی ئولن ننه لری ییقدی بیر یاری یانموش خیمیه بیر باخدی صولا بیر ساغا ائله بیردن سسلدی یا علی المرتضی آتا جان هاردا سان مشکلده قاموشام دئدی بیر قوشا بنزیرم بابا اوچانمورام سینیب پریم کیمه دئیوم بودردیمی که تا ائده دوا بابا لایلای بابا۲ قیز بابانی گوزل اوخشار #اوخشاما از زبان دختر👇👇 قیزیل گول دن اولدی...‌آچیلدی خرمن اولدی...آیرولوخ مندن اولمادی آی بابا آیرولوق سندن اولدی لایلای بابا۲ ای قبره نیسگیلی گئدن لایلای بابا۲ غم غصه لردن دینجلن لایلای بابا۲ سندن اوزولدی ال بابا بیرده یوخوما گل بابا #شعر پایان مجلس👇 عاقبت زین دارفانی پرکشیدم یاحسین عشق تو مهرعلی درسینه دارم یاحسین من دراین وادی غریبم جان زهرا مادرت هرشب جمعه گذرکن برمزارم یاحسین ⚫️⚫️⚫️⚫️⚫️⚫️⚫️⚫️⚫️⚫️

‍ نوحه روز عاشورا صحرای کربلاده زینب دیور حسین وای قانیاش گوزینده زهرا سویلور حسینه لای لای گل داده یا محمد(ص) فریاده یا محمد(ص) عطشان قوناقه بیر باخ صد پاره جسمی قاندی هر قطره قانی مین ایل اسلامه پاسباندی صوم و صلاته حامی بو پیکر و بو جاندی افسوس اولا جَریحِ تیر و سنانه یوخ سای گل داده یا محمد ص فریاده یا محمد ص گل یا رسول خاتم تئز فدیه گاه عشقه حیراندی نسل آدم اول وعده گاه عشقه دلدن حسینه سس وئر باخ سجده گاه عشقه عالم تزلزل ایلور زهرا دینده ای وای گل داده یا محمد ص فریاده یا محمد ص سجاده قان وضو قان گل تک جمالی قاندی آخر نفس نمازه اول یاره لی دایاندی ایما ائدوب که قربان امر خدایه جاندی گویدن دیوب ملکلر احسن بو عشقه یوخ تای گل داده یا محمد ص فریاده یا محمد ص یتمش ایکی مجاهد غسلین قانیلا آلدی هر تک تکی وجودین درد و بلایه سالدی پاینده دین و قرآن بو نهضت ایله قالدی باری نبیِّ اکرم آخر شهیده وئر های گل داده یا محمد ص فریاده یا محمد ص

اکبریم قوی دولانیم باشوه پروانه کیمین دوشرم چوللره سندن صورا دیوانه کیمین عزم رزم ایلوسن ای شبه رسول مدنی شمع رخسارووه گیتمه ایله پروانه منی دالی باخ لیلی دوینجا گوره وجه الحسنی یانا هجر آتشینه عاشق مستانه کیمین شکّرستان لبون لیلینی مجنون ایلیوب هجر الاسود خالون منی مفتون ایلیوب آنووی صحبت هجران ایله دلخون ایلیوب قان دولوبدور دل محزونیمه پیمانه کیمین عمر سرمایه سی سن لیلیه ای سرو روان اولموسان سن بوی اتاندان منه آرامش جان تیر هجرانه ایدورسن بو یانان قلبی نشان آیریلورسان نیه مندن بیله بیگانه کیمین گوزل آهو ایدوسن ساحت جانانه خرام بزم عرفاندا ویره ساقی باقی سنه جام باخورام هر دالی باخدوقجا اورگدن یانورام توکولور اشک ترون گل یوزه دردانه کیمین باغلانوب طرّه طرارووه بو قان اورگیم شانه مثلینده اولوب هیجریله شان شان اورگیم ایسته سون دنجله بیر لحظه پریشان اورگیم چک دالونجا بو یانان قلبیمی میدانه کیمین دایان ای سوزلری شیرین یوزی گل لعلی چیچک گیتمه میش رزمگهه سال باشما قاره لچک نقش برآب ایلدی نقشه لری چرخ فلک قلبیده آرزیلاریم قالدیلار افسانه کیمین پر آچوب طایر روحون سنون ای روح بلند عالم قدسده حق محفیلینی ایتدی پسند بد نظر چوخدی یانان قلبیمی گل ایله سپند قفس سینه ده قویما اسه ریحانه کیمین من دئیدوم قسمت اولار سفره عقدون بزه رم نو عروسیله گلنده یولووا گل دوزه رم وای منه سن گیدوسن چوللری ویلان گزه رم اولار عالم گوزومه گوشه غمخانه کیمین دئیه جک دشمن اوغولسوز آنووا گتسه هارا وویراجاق اهل شماتت بو یانان قلبه یارا کاش مژگانون اوخی سینمی بیر لحظه یارا گوره سن قلبیمی شان شاندی اوغول شانه کیمین ای زمان بوسفی کی فخر تبار نبوی دئیمورم گتمه دایان ای گل باغ علوی دوتموسان ایندی که آیریلماقا تصمیم قوی گل اوتور قوی دولانم باشووه پروانه کیمین ای اولان خالص عزا اهلینه روحانی طبیب وی (تقایی) کیمی شاعرلره یارا و شکیب بیر زیارت منه (شهروزیله) سن ایله نصیب سورونک هر ایکی میز مرقد جانانه کیمین ✍ استاد تقائی اردبیلی

باقر العلوم غمینده .شیعه لر گلون عزایه تسلیت دئیه ک بو غمده مصطفایه، مرتضایه عومر ونو بوتون گوروب غم اول امام غم کشیده ابر تک تو کوب جماله گوز یاشین اوزه دو دیده غم لری قدین ائدیبدی الیب بلین خمیده لیک ظولمه اگمیییب باش باش اگیب فقط خدایه کربلا مصیبتنده خیردا طفل ایدی او معصوم ظلم و جوره خیر دالیقدان عادت ائیله دی او مغموم ظلم ایلن زمانه ایتمیش آی کیمی جمالی مصدوم عیللتی اودورکی آغلار کربلای غم فزایه باقر العلوم غمینده.شیعه لر گلون عزایه تسلیت دئیه ک بو غمده مصطفایه و مرتضایه خیمه لر یاناندا قاچدی خیمه ده ن اودا کناره اود وورولدو خیمه گاهی چو خالدی بوتون شراره گور دو اول توتوب باباسی ائیله سین نه نوعی چاره سسلیییبدی عمه زینب گل اوزون یئتیش هارایه بولبول اوز گولون قویانماز خاره تا اولا گرفتار قور خماز عشقین آتشینده ن عاشق اولسا یئر اوزو نار قور تاریب امامی اوددان زینب اول حمیده رفتار نارده ن چکیب کناره قویمادی ائده گلایه باقر العلوم غمینده شیعه لر گلونعزایه تسلیت دئیه ک بو غمده مصطفایه، مرتضایه

◾نوحۂ امام محمد باقر(ع)◾ #شهادت_امام_باقر_ع🏴 #شاعره_خانم_علیمحمدی📝 مولای غریبم،غم گشته نصیبم(2) ای دسته گُلِ مُطهّرِ حضرت سجاد دلها همه کرده زِ غم و غربت تو یاد مهرِ تو زِ روز ازلی بردلم افتاد جانم بفدایت،سوزم زِ عزایت مولای غریبم،غم گشته نصیبم(2) مسموم شده ی کینۂ آن زهرِهشامی از دور کنم جانب تربتت سلامی پنجم گُلِ باغ نبوی به ما امامی جانم بفدایت،سوزم زِ عزایت مولای غریبم،غم گشته نصیبم(2) دیدی همه ی واقعه ی کربُبلا را دیدی تو سرِحسین توی طشت طلا را دیدی تو مصیبتِ رَهِ شام بلا را جانم بفدایت،سوزم زِ عزایت مولای غریبم،غم گشته نصیبم(2) بر روی زمین دیدی تو لاله های پرپر غلطیده بخون دیدی توهم اصغرواکبر بر نیزه تو دیدی سرِ گلهای پیمبر جانم بفدایت،سوزم زِ عزایت مولای غریبم،غم گشته نصیبم(2) دیدی تو فِتاده به زمین شاخه گُلِ یاس دست از بدنش جداشده حضرت عباس برسربزنید زین غمِ عُظماایهالناس جانم بفدایت،سوزم زِ عزایت مولای غریبم،غم گشته نصیبم(2) آن باد صبا که می وزد سوی مزارت آورده دلِ عاشق من را به کنارت ایکاش که راهی بشوم من به دیارت جانم بفدایت، سوزم زِ عزایت مولای غریبم،غم گشته نصیبم(2)

۞﷽۞ ۞﷽۞ در مدح حضرت امام باقرع گریزبه قتلگاه ای یـادگــار مـصـطـفــا یـاحضرت باقرمدد وی رونــق دیــن خــدا یـاحضرت باقرمدد سنـسـن شـه دنیاودیـن-دلبندفخرالساجدین هـمـنـام خـتـم الانـبـیـا یـاحضرت باقرمدد یـا حضرت باقرمدد ............................ علم پیغمبرسنده دوراوصاف حیدرسنده دور دردانـه ی خـیـرالـنـسـا یاحضرت باقرمدد ........................ دینده سنه مرهـونیدور- اهل ولا مدیونیدور مـمـنـون الطـافـوخ آقـا یـا حضرت باقرمدد ........................ مولا ازلـدن عاشقم-بوعشقیده چوخ صادقم سـن شاه عشق ومـن گـدا یاحضرت باقرمدد ........................... مهرون سرشتیمدورمنیم-قبرون بهشتیمدرمنیم ای تـربـتـی خـاک شـفـا یا حضرت باقرمدد ...................... جـابـرسـنـه گتدی پیام-جدون پیغمبردن سلام اولـدون جـهـانـه مقتدا یا حضرت باقرمدد .......................... دیـلـده ولایـون بَسلَرم-صدقیله آدیـن سسلرم ای پنجه سـی مشگـل گشا یاحضرت باقرمدد ........................ ای زاده ی حبل المتین - اولدون شهیدزهرکین دوغـراندی اکبادیـن آقا یا حضرت باقرمدد ........................... اوچ گون اولوب ائوبسترین-قالمادی ئیرده پیکرین دفن اولدی جسمون تپراقا یا حضرت باقرمدد ........................ گوردون بـلاصحـراسـینی-قانه باتان اعضاسینی اولموش باشی تندن جدا یا حضرت باقرمدد ......................... ازبس ووروبلارنیزه اوخ-بیرصاف یری جسمینده یوخ نقشین پـوزوبـدی اشقیا یا حضرت باقرمدد ...................... دشـمـن جـفـادن دویمادی-فکرائتمه جسمین سویمادی بیرظـلـم ائدیب قـوم دغا یا حضرت باقرمدد ....................... ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣