شهادت امام حسن (ع) ترکی... #شاعر:عباسی معروفان اهری #سبک ومداح🎤🎤🎤:کربلایی مهدی رنجبران . ############### . گل باجی زینب جگریم یاندی گل گل حسنین حالی پریشاندی گل آغلا منیم حالیمه غصه لی احوالیمه . . کون و مکان گؤزلریمه تار اولوب طشت ائله حاضر منه غم یار اولوب گؤیده ملکلرده عزادار اولوب عرش خدا بر هم و لرزاندی گل . . سالدی بلایه منی ئوز همدمیم عاطفه سیز همسر نامحرمیم زهر جفا وئردی چوخالدی غمیم شعله غمدن دل الولاندی گل . . سسله حسینیم منه دل داغلاسین وای حسن وای دیوب آغلاسین لطف ائلیوب گؤزلریمی باغلاسون لحظه غم موسم هجراندی گل . . گلدی حسین آلدی باشین سینیه سالدی نظر  آینه  آئینیه سسلدی ای توش اولونان کینیه نطقه حسن ٬ جان سنه قرباندی گل . . قارداشی قارداش گتوروروبدور دیله قارداشینون وئردی جوابین بئله قال باشیم اوستونده حسین لطف ائله خوش باخشون آیت رحماندی گل . . غسل و کفن ایله منه سال یولا قویما حسین قاسمی محزون اولا باغ حسن آفت غمدن سولا اوغلومون الآن گؤزی گریاندی گل . . غصه لی تابوته وورون دایره بو عملوز قلبیمه تسکین وئره حمل ائلیون محضر پیغمبره گر چه مخالف هامی عدواندی گل . . قوم نفاق هلهله گر سالسالار سمت بقیعه آپارون قویسالار آغلاما تابوتیمه اوخ وورسالار قسمتیمیز تیریله پیکاندی گل ┅┅┅┅┄❅💠❅┄┅┅┅┅┄ https://eitaa.com/joinchat/2791768652Cb8d2e997c1

#اوخشاما دیردی قانه باتان مشکیوه ننون قربان خجالتینن آخان اشکیوه ننون قربان نجه دوزوبسن اوغول اوخ دینده ساق گوزوه دییلر باش یارلاندا آخوردی قان گوزوه

شهادت حضرت زهرا (س) درگه       فاطمه نی      طعمه ی       نار    ایلدیلر ئوز     ائوینده     ئورگین     درده    دچار    ایلدیلر آتاسیندان   صورا   رحمت    قاپسین    باغلادیلار فدکی    غصب    ائلینلر     ئورگین       داغلادیلار حالینه   فاطمه نین   ارض  و     سما    آغلادیلار شافع      روز      جزانی     نجه    خوار    ایلدیلر آند      اولا      فاطمه نین    قلبده کی    محنتینه ظلم     الیلن    یوزینه   سیلی   دگن     صورتینه فقرایه        خانمون         ایلدیگی        خدمتینه یخماقا    دینون    ائوین    اوردا     نقار    ایلدیلر باب  طاهایه اوگون اوچ  یوز عرب  ائتدی هجوم بیربیر ندن  هاموسی  پستدیدی چوخ  نیّتی شوم پشت   درده   او    تهاجمده   قالوب   بیر معصوم کی     منافقلر     همان    لحظه       هوار    ایلدیلر آلیشوب   یاندی  قاپی صدمه گوروب  بنت رسول سیندی  پهلوسی یئره  دوشدی او دم  زار و  ملول فضّه نی   سسلدی   ئوز   دادینه    زهرای     بتول گل  باشیم   اوسته   منیم   گور  نه  شرار   ایلدیلر یخیلوب  پشت    دره    دخت    پیمبر    او   زمان پیکرین   قان   آپاروب   دورماقا یوخ  تاب وتوان اوجالوب      بیت   علیدن    گوگه   فریاد و  فغان ای     خدا     عترت      پیغمبری      زار     ایلدیلر بیر    پلیدی کی      اهانت     ائده         پیغمبرینه یا        عداوتله       جسارت       ائلیه      رهبرینه کوچه ده    سیلی    وئرا    رهبرینون     همسرینه کرسی     حقّه      بو    ملعونی     سوار      ایلدیلر آند    اولا     فاطمه نون    او   دل    بی کینه سینه در   و    دیوار    آراسیندا    یاریلان     سینه سینه قلبینون     یاره سینه        اللرینون       پینه سینه مظهر        خلقته       ظلمی         بسیار     ایلدیلر یانماسیدی   او  قاپی    بیر   بئله   ظلم  اولمازدی زینبون    گوزلری      اشک    غمله       دولمازدی کربلاده     بالا    قیزلار     سارالوب    سولمازدی چونکه    طفلان     حسینه     سویی   نار   ایلدیلر نجه کی    یاندی   قاپی   باشلانوب  عالمده   جفا آتاسی     جنّت    العلاده      اونا     دوتدی     عزا آناسی    ایلدی    ناله     باشینا      سالدی     قرا آناسین     حشره    کیمین    تعزیه دار       ایلدیلر آغلا   (( تیموری ))     توسّل     ائله     بو    عالِمیه التماس    ایله   گوزی    یاشلی    خانم    فاطمیه قویما    دوشسون   ئورگون  اونداسنون    واهمیه او       زمانی  که    سنی     دفن     مزار     ایلدیلر ** کربلایی علی تیموری گرده

آهنگ اول یارالی جان یارالی من سنه قوربان یارالی

ایکیمجی آهنگ کربلا منتطر ماست بیا تا برویم👇👇

اهنگ دوم کربلا منتطر ماست از حاج صادق اهنگران

‍ زبانحال حضرت زینب درشهادت فاطمه زهرا(س) گئجه یاری دفن اولان آی گلین ئولن ننه جمالی گل تک سولان آی گلین ئولن ننه آی ننه وای ننه      وای جوان ئولن ننه سینه سی یاره لی    باغری قان ئولن ننه آنا شیرین سوزلره خسته زینبین  فدا کبود اولان اویوزه خسته زیتبین فدا اوباغلانان گوزلره خسته زینبین فدا بابامی یالقوز قویان آی گلین ئولن ننه حسن دیور کوچه ده ویردی دشمنین سنی سینبدی قلبیم آنا آل قوجاقیوه منی حسینیدن دویمادین آی گلین ئولن ننه گئجه یاری پیکرین حمل اولاندا آغلادیم مریضیدون آی ننه جان ویرنده آغلادیم بابام سنه غسل ایدوب آغلیاندا آغلادیم بابام قالوب آغلادی آی گلین ئولن ننه بابام سنه غسل ایدوب بیز ایدنده آه و وا دردیمیزه آغلادیز سنسیز آغلیوب بابا بابام ئوزی ناگهان شیون ایتدی آغلادی بانوای زنده یاد مرحوم نورانی 👇👇👇

السلام علیک یاموسی بن جعفر(ع) 🍂🍁🍂🍁🍁🍂🍁🍂 ابتلا مَحبسینون شام وسحرخونجگری شیعه لرقلبینی تاراج ایدن آه سَحَری ماه یثرب، چمن فاطمه ده لالۀ ناز موسیِ طور وفا، پیکر دینون سِپَری معرفت منبرینه لایق و وارسته خطیب تیغ نطقینده اولان، خنجرِ حیدرکَسَری ذکر وتَسبیحینه حیرتده قالان روحِ رُسُل مَسند معدلتون خسرو فرزانه فَری حجّت صانع یکتا، پدرشمس شموس طلعت بارگه مَنزلتی رَشک پَری اونبر ایل گوشۀ زنداندا مناجات ایلین دیننه جان یارادان، وارلیقنون بی خبری صولتی بَرهم ایدن سیطرۀ طاغوتی سجده سی راضی ایدن ذاتَ حقَ دادگری آدی حَلّال مَشاکل قاپوسی قبلۀ راز کوی ایثاریده زنجیر جفا همسفَری کاش آخرنَفسینده آقامون نازلی قیزی باشینون اوسته اوخیدی اونا نورآیه لری بونه تقدیریدی یازدی آدینا منشی عشق رهگذارینده قوروب کفراَلی دام خطری چُوریوب قورخلی سردابه ده چگننده عبا ایتدی هارون اونی محنت یولینون دَربَدری سیلی سِندخطاکار دگنده یوزوَنه ساکنان مَلکوتون اَلَنوب اشک تَری عترتی  وادی هجراندا پریشانیدیلَر ایوینون حضرت معصومه ایدی نوحَه گری کیمدی ویرسون بوسئوالیمده منه یاخچی جواب زینبون تَلّی اَنَنده نجه یاندی جگری؟ نجه گوداله گلوب آتدی الین شمشیره قیدوب گوردی نه حالتده یانان خیمه لری بوریوب ناربلا گوردی حسین خیمه لرین اود ایچینده چالشور باغ حیا جوجه لری بیری یا فاطمه سسلوربیریسی یاحیدر یاندرور دیلری، دامنلری، ظلمون شرری قورخسیندان بالالاربیربیرین آغوشه آلور قیزلاری سویماقا وار اهل عنادون نظری زینبه عشق دیدی ور ئوزوی فوری اودا قصداخیام ایلدی گوردی دُوزَلمور کَمَری بیر تَوسّل ایلدی ئوز ننه سی زهرایه خیرَه نسوان قیزی آغاز ایلدی دفع شَری باشلادی مَروَه صفا هَرولَه سین زینب زار ساخلادی کوفیه حیدرقیزی رَمی جَمَری هامیدان آرتوق اوگون دل نگرانیدی رباب تزتز ایلردی دعا قبری نهان صود اَمری گه باخاردی کسیلن باشلارا گه نیزه لره درده سالمشدی اوغول داغی او والاسِیَری ناگهان حرمله نون نیزه سینه دوشدی گوزی آچمارام سرّی، کفایت بیلورم مختصری ماحَصَل قوملارون اوستونده قالوبدورشهدا زینت نیزه لر اولدی سر شوریده لری 🍂🍁🍂🍁🍂🍁🍂🍁🍂

گوز تیکیبدیر سنه قارداش، دم خنجر ده باشیم تیز ییتیش دادیمه قویما، قالا اللرده باشیم منه مین یاره دَگه، ایتمر‌م البته گیله قولسوز اولسامدا چتین دشمنه باشیم اگیله قلبیمین نذریدی بو باش قاباقوندا کسیله گل ایده حاجت قلبیمی، برآورده باشیم گر گولون شاخه‌سی صدمه گوره، خوش رنگی سولا نه قده‌ر دوز دوتاسان، گول آخینار ساغا سولا منه ده صدمه ییتیب، سیّدی! باشون ساغ اولا قالموری شاخی سینان گول کیمی پیکرده باشیم دیمیرم قارداشوام، عرصه ده سرلشگروم یا الیمده عَلمیم واردی عَلم پروروم منده گر سلطنت عالم اولا نوکروم خاکبوس اولماییب اولماز در دیگر ده باشیم سن بیلیر سن، سنه قارداش دیمه‌دیم اوز باشیما امر زهرادی کی زحمت ویریر‌م قارداشیما گل ایاقوندان اوپوم قوی الون السیز باشیما اولا تا آخر عمرینده نظرکرده باشیم تاپدیم اول گون که ولادت من ایا شاه زمن اوز قوجاغوندا گوز آچدیم، گل رخساریوه من نولا ایندی یومولان وقته گوزوم سن گله‌سن عرشه ناز اییلر اول دامن اطهرده باشیم گَل خجل اییله‌دی دونیا سویو، سرلشگریوی سربلند ایله سرافکنده اولان نوکریوی جان دوداقیمدادی، پیشواز ایلیر لبلریوی ایستیر عمرین ویره باشه، لب کوثرده باشیم من هُمای شرفم، حیف سینیب بال و پریم نه الیم وار نه عمودیم، نه بیر آیری کَسریم کاسۀ سر، کُلَه جنگیدی، سینم سپریم ایستیر‌م دهریده سرمشق اولا هر فرده باشیم گر چه ذبح اولماقا باشیم قاباقوندا تلَسَر خنجر قاتل اسنده اودا شوقیند‌ن اَسر وار نه جلّادیده جرأت، نه ده خنجر ده کسَر باخما السیزدی چتین ال ویره نامرده باشیم راضییم قاتل بیرحم ایله سنگین دل اولا پرده‌لی بیر طبق ایچره باشیما حامل اولا قالا بیر حاله باشیم، قان گوزومه حایل اولا گورمییه زینبی اغیار آرا بی‌پرده باشیم قورولان وقته حسین محکمه‌ی عدل و جزا هر شهید اوز باشی الده گله‌جک حشره اخا بیر شهید السیز اگر اولسا، ندیر چاره شها من نه نوعی اله آللام صف محشرده باشیم ای ابوالفضل لباسین دییشیب آل یزید جمع ایدیب سفرۀ احسانیله باشینه مُرید "منزوی" حقّ دانیشاندا ایلییر حمله شدید گوی چوگان تعدّی، اولوب اللرده باشیم ✍اثر طبع:مرحوم استاد حاج رحیم منزوی‌ اردبیلی

‍ بسم الله الرحمن الرحیم شعر (روضه) به مناسبت شهادت امام موسی کاظم ع به سبک حسین جان گل علمدارون ▪️▫️◾️◽️◼️◻️◼️◻️◾️◽️▪️▫️ هایانداسان ، آنا زهرا یولوندا گوزلریم قالیب گل داریخمیشام ، یئتیش داده اورکده سوزلریم قالیب گل غریب بالان گلوب نوایه حسینیلن گلون عزایه بو غمده وار ، یئری سینم مثال نی نوایه گلسین نه وار باجی ، نه وار قارداش بو سون نفس هرایه گلسین اوزون آگه ، سن ای مادر حسینه عاشقم ازلدن دعا ایله بو روحیمون هماسی کربلایه گلسین باشیما سایه سین سالان یوخ سینان بو گویلومی آلان یوخ بو زنداندا ، آدامسیزلیق ائدوبدی حالیمی پریشان اگرئولسم ، کیمیم واردی گوزومی باغلیا آنا جان داریخدیم دای، منه وئرهای بو آخرین نفس لریم دی یئتیش داده ، بو اثناده جمالیوی گوروم وئریم جان نه گوزلریمی باغلیان وار نده من ئولسم آغلیان وار ▪️▫️◾️◽️◼️◻️◼️◻️◾️◽️▪️▫️ التماس دعا

خادمه شعبانپور: یافاطمه الزهرا(س): درددلی با یار غائب ✍شعراز: محمدرضامحمدی(ناعم) آهنگ:"خدامادرم راکجامیبرند سنی سسلورامداده یابن الحسن هامی خلق اُفتاده یابن الحسن اولورچوخ جنایت،،ئولوبدورعدالت آقاهارداسان یورولدوق ستمدن،،بودردواِلمدن آقاهارداســــان 🌴🌴🌴🌴 اوره کلرفراقونده مغموم اولوب علی شیعه سی گورنه مظلوم اولوب ئوز حقیندن عالمده محروم اولوب گل ای شهریاریم،،،شه تاجداریم آقاهارداسان منیم گلعذاریم،،وفالی نگاریم آقاهارداسان 🍃🍃🍃🍃🍃🍃 گل ای دللری قان ائدن غیبتی ووران هر دله اوخ،غم غربتی اوره کلرده قالدی بقیع حسرتی نه واردی چراغی،نه صحن ورواقی آقاهارداسان نه بیرآغلیان وار،سینه داغلیان وار آقاهارداسان 🍃🍃🍃🍃🍃🍃🍃 نئجه شیعه دوزسون بودردوغمه بقیعون غمی اود سالورعالمه یاتوب اورداغملی،خانیم فاطمه سولوبدی عذاری،بیلنمورمزاری آقاهارداسان گل آل انتقامین،،قیل احیامرامین آقاهارداسان

‍ نوحه زبانحال امیرالمومنین(ع) (سبک:قان یاغدی کربلایه) ای نور چشم طاها لای لای یارالی زهرا حیدر قالوبدی تنها لای لای یارالی زهرا ای وای یارالی زهرا،لای لای یارالی زهرا(٢) گئتمه ایا حبیبه ، خلاق کبریایه ای مرتضایه یاور دردانه مصطفایه سن سیز سلام ائدن یوخ یثربده مرتضایه اولدوم غریب بطحا لای لای یارالی زهرا ای وای یارالی زهرا،لای لای یارالی زهرا(٢) سن سیز سینیدی زهرا بو چرخ روزگاری ائتدی منی بو نوعی درد و بلا دچاری نه وار دیزیمده طاقت نه قلبیمین قراری ویران اولیدی دنیا لای لای یارالی زهرا ای وای یارالی زهرا،لای لای یارالی زهرا(٢) پیغمبرین بالاسی تک قویما بو ترابی باخ گور نجه رواندی رخساره اشک نابی یاندیرما بوندان آرتیق بو زار دلکبابی بیر یول ائله تماشا لای لای یارالی زهرا ای وای یارالی زهرا،لای لای یارالی زهرا(٢) آی دوقوز ئیل علی نین پشت و پناهی زهرا سندن صورا علی نین یوخ تکیه گاهی زهرا دیلدن اودور اوجالمیش هجروندا آهی زهرا ای کنز صبر و تقوا لای لای یارالی زهرا ای وای یارالی زهرا،لای لای یارالی زهرا(٢) بو تزلیگه علیدن زهرا نیه دویوبسان بوکینه لی جماعت بینینده تک قویوبسان آغ خلعتی گیوبسن غم جامه سین سویوبسان یات عیبی یوخ داریخمالای لای یارالی زهرا ای وای یارالی زهرا،لای لای یارالی زهرا(٢) بیر گون منه پیمبر وئردی سنی امانت نه یوزده سیلی ردی نه سینه ده جراحت اما بو نچه گونده بس کی اولوب جسارت سالم یرون یوخ اصلا لای لای یارالی زهرا ای وای یارالی زهرا،لای لای یارالی زهرا(٢) من غسلیوی وئرنده زهرا گرک ئولیدیم نیلی یوزون گورنده زهرا گرک ئولیدیم کوچه سوزون بیلنده زهرا گرک ئولیدیم قالدیم سن ئولدون امالای لای یارالی زهرا ای وای یارالی زهرا،لای لای یارالی زهرا(٢) اول کوچه دن کی وئردی اوغلون حسن نشانی دوشسه اگر مسیریم عمریمده هر زمانی جلوه لنر گوزومده ظلم و جفای ثانی ای مظهر تولا لای لای یارالی زهرا ای وای یارالی زهرا لای لای یارالی زهرا(٢) سندن صورا جهانین یوخدورداخی صفاسی تئز حیدری قوجالدار اول کوچه ماجراسی زهرا منی ئولونجه اوتلار سینون یاراسی قلبیمده یوخدی یارا لای لای یارالی زهرا ای وای یارالی زهرا لای لای یارالی زهرا(٢) ای ختم مرسلینین مظلومه نور عینی گور غملی مجتبانین قلبینده شور و شینی گوز یاشلی زینبینی آغلار قالان حسینی گور نه ائدوله غوغا لای لای یارالی زهرا ای وای یارالی زهرا لای لای یارالی زهرا(٢) تا عمری وارعم اوغلون آغلار سنون غمونده قاره گیه روادی عرش اهلی ماتمونده یوخدور دوام و طاقت دیل داغلی محرمونده بو دردی قیل مداوا لای لای یارالی زهرا ای وای یارالی زهرا لای لای یارالی زهرا(٢) باخ گور نجه بو غمده اشکیم آخیر عذاره نیلی اولوب جمالون بیر تکدی گوشواره پهلولرون سینوبدی جسمونده چوخدی یاره حل اولدی بو معما لای لای یارالی زهرا ای وای یارالی زهرا لای لای یارالی زهرا(٢) هرعاشق (( ولایی )) بو غمده سینه داغلار ای وای دیوبدی قاره محنتده باشه باغلار همناله اهل بیت پیغمبریله آغلار اوخشار یارالی زهرا لای لای یارالی زهرا ای وای یارالی زهرا لای لای یارالی زهرا(٢) ** سید ناصر ولایی زنجانی بانوای گرم مداح اهل‌بیت حاج احمدمحمدزاده

‍ ‍ ولادت  حضرت زینب کبری سلام ا... علیها شهر مدینه/بوگون دوباره/رشک جناندی مولودپاک/دختر شاهِ/جهانیاندی خجالتیندن/گلشنده هر گُل/بوگون سولوبدی شأنینده بسدی/حیدره بو قیز/زینت اولوبدی غملریزه خاتمه گلدی دخت علی عالمه گلدی من نجه تعریف ایلیم چون نایبه ی فاطمه گلدی «لطف ایلیوب خالق یکتا گوزلرون آیدین اولا زهرا» ایدوبدی روشن/بیت ولانی/بو ماه اَنور گلوب جهانه/بوقیز اولا تا/حسینه یاور پای ویروب ا.../خیرالنسایه/بیرگل زیبا آقام حسینه/گلوبدی غمخوار/زینب کبری منبع احسان و سخادی گل آدی هر درده دوادی تذکره وی ایلیر امضا شیر زن کرب و بلادی «لطف ایلیوب خالق یکتا گوزلرون آیدین اولا زهرا» عشقین یولوندا/دوشر بلایه/بودخت حیدر غم وبلانین/شجاعتیله/قدین خم ایلر دخت بتولون/صبرینه ایّوب/حیران قالوبدی صبراوزی درسین/زهراقیزیندان/اوّل آلوبدی جودو سخاده بی بدل دی دختر فاطمه گوزل دی بیله باجی جهانه گلمز عشقی اورکلرده مثل دی «لطف ایلیوب خالق یکتا گوزلرون آیدین اولا زهرا» قلبیمده واردی/شور تولّا/به عشق زینب قسمت اولیدی/دوباره باهم/دمشق زینب گوزل مزاری/ داعش الیندن/اولوبدی آزاد (بیکَس) اودور کی/یازور ترانه/اولوبدی دلشاد یا رب اَله دوشوب بهانه لطف ایله بو اهل جهانه ظهور صاحب الزمانی شیعه لره ویر عیدیانه «لطف ایلیوب خالق یکتا گوزلرون آیدین اولا زهرا» #حضرت_زینب_س ✍ مهدی عبادی ✨اَللّهُمَّ عَجِّل لِوَلیِّکَ الفَرَج✨

نوحه علی اصغر(ع) سیزی تاری چکیلون گلدی بالام ویرون آغوشیمه دینجلدی بالام نیه بس آغلامیری سینمی داغلامیری کوکب بختیمدی آخدی بالام منی هجران اوتونایاخدی بالام آیریلاندا منه بیر باخدی بالام نه گوزل یوخلیوب اسوده یاتوب سو خیالاتینی فکریندن آتوب یوزده قونداقدا قانه باتوب بوگجه یاتمامشام وای دئمشم یوزونه باخمشام ایوای دئمشم صبح اونجا اونا لای لای دئمشم باغبانیله او نورسته گلوب دیه سن بیر بالا گل دسته گلوب اوجادان آغلامیون خسته گلوب ساخلارام بوانتقامی محشره ایلرم شکوه خدای داوره سینمی ویرم نشان پیغمبره من دیدیم درمه درمان اولاجاق بیرایچیم لیق سووامهمان اولاجاق بولمدیم قاننه غلطان اولاجاق نیه بس آِغلامیری سینمی داغلامیری کانال نواحیدرکرّارباقیات وصالحات

#روضه_حضرت_زهرا ╔ ✾ ✾ ✾ 👇👇👇👇👇👇 ‍ بو دگول شیعیه نسگل کی جوان ئولدی خانم بودی نسگل کی حسیندن نگران ئولدی خانم بودگول شیعیه نسگل کی خانم سیلی یدی یا یمدی بودی نسگل کی خانم هیچ کیمه دردین دیمه دی بودگول شیعیه نسگل غم اونی منگنه جبره قویوب بودی نسگل علی زهرانی نجه قبره قویوب بومنی درده سالان فاطمه دی منه خاطر ایاق آلتندا قالان فاطمه دی اوت ایچیندن منی الردن آلان فاطمه دی بوجوانلیقدان الهی قوجالان فاطمه دی (یوزون قویاردی زهرانین قبرینه اله یانایانا دیردی زهرا) جهاندا دردیمی سنسیز قویولارا دیرم آی دردی اولانلار آی مریضی اولانلار آی بوگجه خانمین اتگینن یاپشانلار خانم آخر لحظه لرده بسترده یاتمشیدی  بالالار گلردیلر زهرانین اطرافین آلاردلار هره بیر نوع ایستردیلر ننیله دانشالار اما زهرادن جواب اولمازدی زینب بیر باخدی حسینه،حسین سنه باجین قربان آی قارداش حسین نقدر ننمله دانشروق بیزه جواب ویرمیر قارداش ننم سنی چوخ ایستر حسین سن ننمی چاغیر شاید سنه جواب ویره آقا گلدی یوزون قویدی ننه نین الرینه من حسینم یومولان گوزلره قربانم آنا بوکولن قده قره معجره قربانم آنا سن کیمی عاطفه لی مادره قربانم آنا ننه منه بیر جواب ویر آخی سن ایستین حسینم آی ننه منه کوینک توخویان الره قربانم آنا ننه دن جواب اولمادی زهرا جواب ویرمدی آی ننه سی ئولنلر بیر دنیا معذرت ایستیرم یوزون قویدی ننه نین ایاقلارینا دیدی ننه ایاقیوی اوپورم کربلایه تئز گله سن سنی او قورخولی چولده یوباتمارام ننه جان باشیمی خولی آپارسا دالیجا کوفیه گل دیمورم قاسیمیله اکبر ئولنده گله سن یا الیم اوسته علی اصغر ئولنده گله سن دیمورم عونیمیله فضلیم ئولنده گله سن منه منتدی ابوالفضلیم ئولنده گله سن علی دییر من ئوزوم زهرانین کفنین باغلامشدیم ،بیردفعه گوردوم حسین آغلیاندا جنازه بیر طلاتمه گلدی زهرا اوسنان قولون قالخزدی گل سینمه بالا گل بیر قول بویون اولاخ بالا ابی عبداللهیلن بئله قول بویون اولدولار اونان علی بلافاصله دیدی حسین جان دیمیرم ننوینن قول بویون اولما اما بیردنه خواهشیم وار آغارمش زلفنه ال چک دیمم گیسوسینه دیمه الین اوپسن سوزوم یوخدی ولی بازوسینه دیمه سیخوب دیوارو در جسمین سنان پهلوسینه دیمه آی بالا ╔ ✾ ✾ ✾ ᐸᐸ══════

‍ زبانحال حضرت زینب (س) در شهادت حضرت زهرا (س) مرحوم #انور_اردبیلی . . دل شب ایلیوب سفر هارا گیدورسن آی ننه قالوبدی دورد بالون ملر هارا گیدورسن آی ننه . توخاندی شانۀ اجل او طرّۀ مُعَنبره گییندون آغ لباسیوی شکنجه دیده پیکره شبیه ائدوبدی آغ کفن سنی بیر آغ کبوتره شکسته دل شکسته پَر هارا گیدورسن آی ننه . . بهار وقتی سن کیمی شکفته لاله سولمادی تانیشلارون آچوب باشین جنازون اوسته یولمادی ایوین چوخ ایستیر هامی ایوین سنه ایو اولمادی ایویندن اینجیین گیدر هارا گیدورسن آی ننه . . مَصون اولار تَعدّی دن او قوش که آشیاندادی امان سیز اولدی منزلون بلا بو دودماندادی بو ایو سَنه خوش اولمادی تَزَه ایوین هایاندادی گیجه زمانی بیخبر هارا گیدورسن آی ننه . . حبیب لَم یَزَل قیزی خدایه سن حبیبه سن نژاداً هاشمیه سن اصالتاً نجیبه سن یوخوندی بیر کسون مَگَر بو شهریده غریبه سن غریبه دَنده چوخ بَتَر هارا گیدورسن آی ننه . . غمون گَلوسینی دوتوب حسن دینمیور سوزون گهی باخور جنازووه گهی یومور گوزل گوزون کیچیک باجیمدا مَطلبی بولوبدی ئولدورور اوزون قویوب حسینی خونجگر هارا گیدورسن آی ننه . . گوزینده حیدرین جوشوب آخور سرشک جوهری وفالی همسر آغلادار مگر وفالی همسری علی ایوی خزینه دور سنیدون عالی گوهری قالور خزینه بی گُهر هارا گیدورسن آی ننه . . چخوبدی گویده سیر ایدور آیین طَرب زمانی دور نسیم نَرم و سَرد اَسور نه تاب و تَب زمانی دور باخور ستاره لر یِره نماز شب زمانی دور توقف ایله مختصر هارا گیدورسن آی ننه . . شهید محسنون غمی سنی چوخ ایتدی دل کباب دیدون بالام صود اَمَّمدی گوزوندن آخدی اشک ناب سنون بو گیتمگون ایدور علینی خانمان خراب تفاقنه دوشوب شرر هارا گیدورسن آی ننه . . قوناق سن پیمبره گلوبدی سرّی دعوتی ولی بو زینبون سنه ئورکده چوخدی صحبتی گیجه مسافر اولماقین نه حُسنی وار نه لذتی قالوب ایوینده گیت سحر هارا گیدورسن آی ننه . . هر اوخشاما دیور قیزون داش اولسا قلبی یاره لر نمونه بیر سخنورم سوزومده وار اشاره لر بو قاره که باشیمدا وار دالیجا چوخدی قاره لر اولام چتیندی بختور هارا گیدورسن آی ننه . . کچیکدی سنّی زینبون بؤیوک ملالیوی قانار سرشکینی روان ایدر یوزه نقابی ایسلانار یانان قاپوندی منظره گوزوم باخار اورک یانار آز اولدی نسگلون مگر هارا گیدورسن آی ننه ╔ ✾

بنام خدا #عظمت_جمکران #گریز_به_قیام_حضرت_مهدی_ع اولار  روز  سه شنبه   سینه    پرغم یاغار  گوز یاشی  گوزلردن چو زمزم دولار  مهدی   آدی   آفاقه  هر دم     عزیزان   کوی   جانان   جمکراندی وقار   ملک      ایران    جمکراندی  کیم ایستیر  کی رخ مهتابی گورسون جمال  مهر  عالم    تابی   گورسون و  یا  دنیاده ده   در نابی  گورسون اوزون   وورسون  بو   بحر   بیکرانه دئسین  لبیک  امیر انس   و  جانه عزیزان  عشق   دریاسی  درین دی بو  بحر  پر خطر    شور   آفرین دی بوتون.   زائرلری     اهل   یقین دی ولیکن.   مهدی   اول    ماه  دل آرا گزیر   بو   بحر  پر  طوفان   دا  تنها کویری    ائیلیوب   دی کوی    جنت بلی   وار   جمکراندا     آیری   لذت چیخور یاددان او یئرده رنج ومحنت بو  شهرین  عز  و جاهی  ماسوادی اونون  توپراقی  چوخ   درده دوادی دل   صحراده   دریا   بسله  نوبدی اورا   گویدن   ملائک   هئی انوبدی انوب    زائرلرین   آنلین ئوپوب دی بو  درگاهین . دری  دار    الشفادی علاج   سیز  ددلره    الحق   دوادی  بورا    صحرا   دگول   بحر   خزردی بو   مأوایه      گلن لر      منتظردی دعالر      مستجاب و      پر ثمردی وئرور   جولان  بو  مأواده    ملک لر تاپور  بیر   آیری  آرامش    ئورک لر بو یئرده روز و شب گوزلر اویاق دی تامام   گوزلر   پی   بیر   اتفاق دی چون  اوردا  مهدی  زهرا   قوناقدی بو شهرین شهریاری هی قان آغلور خانم معصومه  ئونلا  سینه داغلور دولار  بیر  گون   نوای   حق   جهانه چاتار   بانگ  انا      الحق.   آسمانه دیر   لبیک    هامو    صاحب. زمانه قیام  ایلر  بو     یئردن     پور  حیدر اونا     احسن.   دیر    زهرای   اطهر یازوب   فاخرده یاران   خسته جانم توانیم   یوخدی  بی تاب  و   توانم گوزوم  یولاردادی  من  باغری قانم  سه شنبه  چوخ  ملول  و دل غمینم گوزوم یول  گوزلویور  زار  و حزینم  ایا  صاحب  زمان  گویلر دومان دی  بهار  عمروموز      مولا  ر خزان دی بوتون   عاشق لرین  قدی  کماندی دعا  ائت یئر اوزی عدلیله دولسون آقا  اذن  ظهورون   صادر   اولسون 🖊️مسلم فرتوت فاخر

▪️حضرت ابوالفضل علیه السلام 🎼سبک نوحه:شکر اولا پروردگاره تاج عشقیم باشدا قاره ای فرات اوستونده قولسوز قانینه غلطان ابوالفضل تشنه لب قیزلاریم اولسون جانیوه قربان ابوالفضل سن دوشنده مرکبوندن عرش اعلا اسدی قارداش ناله سن گهواره سینده شیرخواریم کسدی قارداش دور گئدک امکانون اولسا قارداشون بیکسدی قارداش بوردا پشتیبان عشقه یوخدی پشتیبان ابوالفضل مایۀ آرامشیدون سن حسینه غم یینده قلبیمه تسکین وئرردون جامۀ ماتم گینده داش وورانلار ال چالوللار من سنه لایلای دینده سسلرم امکانیم اولسا جان ابوالفضل جان ابوالفضل قوی ئوپوم بازولروندن یادگار حیدریمسن باشیوی الله اوجالتسین سن وفالی افسریمسن یاتما قولسوز قوملار اوسته سن منیم سرلشکریمسن آچ گوزون بیکس حسینی قویما سرگردان ابوالفضل دوزدی قوللارون دوشوبدی قولون اما بی خِللدی روبروسینده یازاللار آدوین مرد عملدی کربلاده مین مصیبت باشیمه بیرگونده گلدی دردیمه چوخ گزدیم اما تاپمادیم درمان ابوالفضل اوخ اوخ اوسته سینون اوسته قانلی نخلستانه بنذر آیه آیه سوره سوره پیکرون قرآنه بنذر ساغ گوزوندن سانجیلان اوخ بی ادب مهمانه بنذر چشم صاحبخانه اولماز منزل مهمان ابوالفضل ____________________