‍ ‍ ولادت  حضرت زینب کبری سلام ا... علیها شهر مدینه/بوگون دوباره/رشک جناندی مولودپاک/دختر شاهِ/جهانیاندی خجالتیندن/گلشنده هر گُل/بوگون سولوبدی شأنینده بسدی/حیدره بو قیز/زینت اولوبدی غملریزه خاتمه گلدی دخت علی عالمه گلدی من نجه تعریف ایلیم چون نایبه ی فاطمه گلدی «لطف ایلیوب خالق یکتا گوزلرون آیدین اولا زهرا» ایدوبدی روشن/بیت ولانی/بو ماه اَنور گلوب جهانه/بوقیز اولا تا/حسینه یاور پای ویروب ا.../خیرالنسایه/بیرگل زیبا آقام حسینه/گلوبدی غمخوار/زینب کبری منبع احسان و سخادی گل آدی هر درده دوادی تذکره وی ایلیر امضا شیر زن کرب و بلادی «لطف ایلیوب خالق یکتا گوزلرون آیدین اولا زهرا» عشقین یولوندا/دوشر بلایه/بودخت حیدر غم وبلانین/شجاعتیله/قدین خم ایلر دخت بتولون/صبرینه ایّوب/حیران قالوبدی صبراوزی درسین/زهراقیزیندان/اوّل آلوبدی جودو سخاده بی بدل دی دختر فاطمه گوزل دی بیله باجی جهانه گلمز عشقی اورکلرده مثل دی «لطف ایلیوب خالق یکتا گوزلرون آیدین اولا زهرا» قلبیمده واردی/شور تولّا/به عشق زینب قسمت اولیدی/دوباره باهم/دمشق زینب گوزل مزاری/ داعش الیندن/اولوبدی آزاد (بیکَس) اودور کی/یازور ترانه/اولوبدی دلشاد یا رب اَله دوشوب بهانه لطف ایله بو اهل جهانه ظهور صاحب الزمانی شیعه لره ویر عیدیانه «لطف ایلیوب خالق یکتا گوزلرون آیدین اولا زهرا» #حضرت_زینب_س ✍ مهدی عبادی ✨اَللّهُمَّ عَجِّل لِوَلیِّکَ الفَرَج✨

نوحه علی اصغر(ع) سیزی تاری چکیلون گلدی بالام ویرون آغوشیمه دینجلدی بالام نیه بس آغلامیری سینمی داغلامیری کوکب بختیمدی آخدی بالام منی هجران اوتونایاخدی بالام آیریلاندا منه بیر باخدی بالام نه گوزل یوخلیوب اسوده یاتوب سو خیالاتینی فکریندن آتوب یوزده قونداقدا قانه باتوب بوگجه یاتمامشام وای دئمشم یوزونه باخمشام ایوای دئمشم صبح اونجا اونا لای لای دئمشم باغبانیله او نورسته گلوب دیه سن بیر بالا گل دسته گلوب اوجادان آغلامیون خسته گلوب ساخلارام بوانتقامی محشره ایلرم شکوه خدای داوره سینمی ویرم نشان پیغمبره من دیدیم درمه درمان اولاجاق بیرایچیم لیق سووامهمان اولاجاق بولمدیم قاننه غلطان اولاجاق نیه بس آِغلامیری سینمی داغلامیری کانال نواحیدرکرّارباقیات وصالحات

#روضه_حضرت_زهرا ╔ ✾ ✾ ✾ 👇👇👇👇👇👇 ‍ بو دگول شیعیه نسگل کی جوان ئولدی خانم بودی نسگل کی حسیندن نگران ئولدی خانم بودگول شیعیه نسگل کی خانم سیلی یدی یا یمدی بودی نسگل کی خانم هیچ کیمه دردین دیمه دی بودگول شیعیه نسگل غم اونی منگنه جبره قویوب بودی نسگل علی زهرانی نجه قبره قویوب بومنی درده سالان فاطمه دی منه خاطر ایاق آلتندا قالان فاطمه دی اوت ایچیندن منی الردن آلان فاطمه دی بوجوانلیقدان الهی قوجالان فاطمه دی (یوزون قویاردی زهرانین قبرینه اله یانایانا دیردی زهرا) جهاندا دردیمی سنسیز قویولارا دیرم آی دردی اولانلار آی مریضی اولانلار آی بوگجه خانمین اتگینن یاپشانلار خانم آخر لحظه لرده بسترده یاتمشیدی  بالالار گلردیلر زهرانین اطرافین آلاردلار هره بیر نوع ایستردیلر ننیله دانشالار اما زهرادن جواب اولمازدی زینب بیر باخدی حسینه،حسین سنه باجین قربان آی قارداش حسین نقدر ننمله دانشروق بیزه جواب ویرمیر قارداش ننم سنی چوخ ایستر حسین سن ننمی چاغیر شاید سنه جواب ویره آقا گلدی یوزون قویدی ننه نین الرینه من حسینم یومولان گوزلره قربانم آنا بوکولن قده قره معجره قربانم آنا سن کیمی عاطفه لی مادره قربانم آنا ننه منه بیر جواب ویر آخی سن ایستین حسینم آی ننه منه کوینک توخویان الره قربانم آنا ننه دن جواب اولمادی زهرا جواب ویرمدی آی ننه سی ئولنلر بیر دنیا معذرت ایستیرم یوزون قویدی ننه نین ایاقلارینا دیدی ننه ایاقیوی اوپورم کربلایه تئز گله سن سنی او قورخولی چولده یوباتمارام ننه جان باشیمی خولی آپارسا دالیجا کوفیه گل دیمورم قاسیمیله اکبر ئولنده گله سن یا الیم اوسته علی اصغر ئولنده گله سن دیمورم عونیمیله فضلیم ئولنده گله سن منه منتدی ابوالفضلیم ئولنده گله سن علی دییر من ئوزوم زهرانین کفنین باغلامشدیم ،بیردفعه گوردوم حسین آغلیاندا جنازه بیر طلاتمه گلدی زهرا اوسنان قولون قالخزدی گل سینمه بالا گل بیر قول بویون اولاخ بالا ابی عبداللهیلن بئله قول بویون اولدولار اونان علی بلافاصله دیدی حسین جان دیمیرم ننوینن قول بویون اولما اما بیردنه خواهشیم وار آغارمش زلفنه ال چک دیمم گیسوسینه دیمه الین اوپسن سوزوم یوخدی ولی بازوسینه دیمه سیخوب دیوارو در جسمین سنان پهلوسینه دیمه آی بالا ╔ ✾ ✾ ✾ ᐸᐸ══════

‍ زبانحال حضرت زینب (س) در شهادت حضرت زهرا (س) مرحوم #انور_اردبیلی . . دل شب ایلیوب سفر هارا گیدورسن آی ننه قالوبدی دورد بالون ملر هارا گیدورسن آی ننه . توخاندی شانۀ اجل او طرّۀ مُعَنبره گییندون آغ لباسیوی شکنجه دیده پیکره شبیه ائدوبدی آغ کفن سنی بیر آغ کبوتره شکسته دل شکسته پَر هارا گیدورسن آی ننه . . بهار وقتی سن کیمی شکفته لاله سولمادی تانیشلارون آچوب باشین جنازون اوسته یولمادی ایوین چوخ ایستیر هامی ایوین سنه ایو اولمادی ایویندن اینجیین گیدر هارا گیدورسن آی ننه . . مَصون اولار تَعدّی دن او قوش که آشیاندادی امان سیز اولدی منزلون بلا بو دودماندادی بو ایو سَنه خوش اولمادی تَزَه ایوین هایاندادی گیجه زمانی بیخبر هارا گیدورسن آی ننه . . حبیب لَم یَزَل قیزی خدایه سن حبیبه سن نژاداً هاشمیه سن اصالتاً نجیبه سن یوخوندی بیر کسون مَگَر بو شهریده غریبه سن غریبه دَنده چوخ بَتَر هارا گیدورسن آی ننه . . غمون گَلوسینی دوتوب حسن دینمیور سوزون گهی باخور جنازووه گهی یومور گوزل گوزون کیچیک باجیمدا مَطلبی بولوبدی ئولدورور اوزون قویوب حسینی خونجگر هارا گیدورسن آی ننه . . گوزینده حیدرین جوشوب آخور سرشک جوهری وفالی همسر آغلادار مگر وفالی همسری علی ایوی خزینه دور سنیدون عالی گوهری قالور خزینه بی گُهر هارا گیدورسن آی ننه . . چخوبدی گویده سیر ایدور آیین طَرب زمانی دور نسیم نَرم و سَرد اَسور نه تاب و تَب زمانی دور باخور ستاره لر یِره نماز شب زمانی دور توقف ایله مختصر هارا گیدورسن آی ننه . . شهید محسنون غمی سنی چوخ ایتدی دل کباب دیدون بالام صود اَمَّمدی گوزوندن آخدی اشک ناب سنون بو گیتمگون ایدور علینی خانمان خراب تفاقنه دوشوب شرر هارا گیدورسن آی ننه . . قوناق سن پیمبره گلوبدی سرّی دعوتی ولی بو زینبون سنه ئورکده چوخدی صحبتی گیجه مسافر اولماقین نه حُسنی وار نه لذتی قالوب ایوینده گیت سحر هارا گیدورسن آی ننه . . هر اوخشاما دیور قیزون داش اولسا قلبی یاره لر نمونه بیر سخنورم سوزومده وار اشاره لر بو قاره که باشیمدا وار دالیجا چوخدی قاره لر اولام چتیندی بختور هارا گیدورسن آی ننه . . کچیکدی سنّی زینبون بؤیوک ملالیوی قانار سرشکینی روان ایدر یوزه نقابی ایسلانار یانان قاپوندی منظره گوزوم باخار اورک یانار آز اولدی نسگلون مگر هارا گیدورسن آی ننه ╔ ✾

بنام خدا #عظمت_جمکران #گریز_به_قیام_حضرت_مهدی_ع اولار  روز  سه شنبه   سینه    پرغم یاغار  گوز یاشی  گوزلردن چو زمزم دولار  مهدی   آدی   آفاقه  هر دم     عزیزان   کوی   جانان   جمکراندی وقار   ملک      ایران    جمکراندی  کیم ایستیر  کی رخ مهتابی گورسون جمال  مهر  عالم    تابی   گورسون و  یا  دنیاده ده   در نابی  گورسون اوزون   وورسون  بو   بحر   بیکرانه دئسین  لبیک  امیر انس   و  جانه عزیزان  عشق   دریاسی  درین دی بو  بحر  پر خطر    شور   آفرین دی بوتون.   زائرلری     اهل   یقین دی ولیکن.   مهدی   اول    ماه  دل آرا گزیر   بو   بحر  پر  طوفان   دا  تنها کویری    ائیلیوب   دی کوی    جنت بلی   وار   جمکراندا     آیری   لذت چیخور یاددان او یئرده رنج ومحنت بو  شهرین  عز  و جاهی  ماسوادی اونون  توپراقی  چوخ   درده دوادی دل   صحراده   دریا   بسله  نوبدی اورا   گویدن   ملائک   هئی انوبدی انوب    زائرلرین   آنلین ئوپوب دی بو  درگاهین . دری  دار    الشفادی علاج   سیز  ددلره    الحق   دوادی  بورا    صحرا   دگول   بحر   خزردی بو   مأوایه      گلن لر      منتظردی دعالر      مستجاب و      پر ثمردی وئرور   جولان  بو  مأواده    ملک لر تاپور  بیر   آیری  آرامش    ئورک لر بو یئرده روز و شب گوزلر اویاق دی تامام   گوزلر   پی   بیر   اتفاق دی چون  اوردا  مهدی  زهرا   قوناقدی بو شهرین شهریاری هی قان آغلور خانم معصومه  ئونلا  سینه داغلور دولار  بیر  گون   نوای   حق   جهانه چاتار   بانگ  انا      الحق.   آسمانه دیر   لبیک    هامو    صاحب. زمانه قیام  ایلر  بو     یئردن     پور  حیدر اونا     احسن.   دیر    زهرای   اطهر یازوب   فاخرده یاران   خسته جانم توانیم   یوخدی  بی تاب  و   توانم گوزوم  یولاردادی  من  باغری قانم  سه شنبه  چوخ  ملول  و دل غمینم گوزوم یول  گوزلویور  زار  و حزینم  ایا  صاحب  زمان  گویلر دومان دی  بهار  عمروموز      مولا  ر خزان دی بوتون   عاشق لرین  قدی  کماندی دعا  ائت یئر اوزی عدلیله دولسون آقا  اذن  ظهورون   صادر   اولسون 🖊️مسلم فرتوت فاخر

▪️حضرت ابوالفضل علیه السلام 🎼سبک نوحه:شکر اولا پروردگاره تاج عشقیم باشدا قاره ای فرات اوستونده قولسوز قانینه غلطان ابوالفضل تشنه لب قیزلاریم اولسون جانیوه قربان ابوالفضل سن دوشنده مرکبوندن عرش اعلا اسدی قارداش ناله سن گهواره سینده شیرخواریم کسدی قارداش دور گئدک امکانون اولسا قارداشون بیکسدی قارداش بوردا پشتیبان عشقه یوخدی پشتیبان ابوالفضل مایۀ آرامشیدون سن حسینه غم یینده قلبیمه تسکین وئرردون جامۀ ماتم گینده داش وورانلار ال چالوللار من سنه لایلای دینده سسلرم امکانیم اولسا جان ابوالفضل جان ابوالفضل قوی ئوپوم بازولروندن یادگار حیدریمسن باشیوی الله اوجالتسین سن وفالی افسریمسن یاتما قولسوز قوملار اوسته سن منیم سرلشکریمسن آچ گوزون بیکس حسینی قویما سرگردان ابوالفضل دوزدی قوللارون دوشوبدی قولون اما بی خِللدی روبروسینده یازاللار آدوین مرد عملدی کربلاده مین مصیبت باشیمه بیرگونده گلدی دردیمه چوخ گزدیم اما تاپمادیم درمان ابوالفضل اوخ اوخ اوسته سینون اوسته قانلی نخلستانه بنذر آیه آیه سوره سوره پیکرون قرآنه بنذر ساغ گوزوندن سانجیلان اوخ بی ادب مهمانه بنذر چشم صاحبخانه اولماز منزل مهمان ابوالفضل ____________________

✨💫✨💫✨💫 💫✨💫✨💫 ✨💫✨💫 💫✨💫 ✨💫 💫 به قلم: #عباس_زاده (منتظر) مشهد متن: #یادگار_مرتضی_ظهور_نکردی برای: #امام_زمان_ارواحنا_فداه سبک: #زمینه 💫✨💫✨💫✨💫 بند : ۱ یادگار مرتضی ظهور نکردی فرش راهت شدم و عبور نکردی نامه از درد فراق زیاد نوشتم مگه این نامه هامو مرور نکردی؟ لبیک گفتم آقاجون تا روم حساب وا بکنی شبیه کل نوکرات که با منم تا بکنی همین که روم حساب کنی تمومه تمومه تمومه نوکرتون خطاب کنی تمومه تمومه تمومه (بقیة اللة ... العجل)~ 💫✨💫✨💫✨💫 بند : ۲ شبهای جمعه دلم چه شوقی داره توچشام حلقه ی این اشک وصاله ولی پشت همدیگه جمعه ها میره هنوز انگار دوریتون شامل حاله از بس گفتم العجل زبون من مو درآورد مگه میشه از غم تو پیر نشد و غصه نخورد؟ زندگی بدون تو محاله محاله محاله بندگی بدون تو محاله محاله محاله (بقیة اللة ... العجل)~ 💫✨💫✨💫✨💫 #نذر_فرج

‍ #روضه_حضرت_زهراس ╔ ✾ ✾ ✾ ᐸᐸ════════ 👇👇👇👇👇👇 ایاقه دوردی زحمتیلن عباسین باشینه چکدی دیدی زهرا الهی خوش گونه امیدوار اولماز (یاپشب بالانن الینن بالا دور ایاقه ) من گوهر نابم محکی نیلیرم اوغلوم جنتده باغم وار فدکی نیلیرم اوغلوم (ایوده زینب و کلثوم نگرانیدی ننه نین یولون گوزلوردولر) گلوب آهسته آهسته اولوبدور منزله داخل اله غملی ایو اولماز نه اله غملی نگار اولماز قاپی آغزندا ایلشدی یوزون گیزلتدی زینبدن آنا پوزگون گور ایوه گلسه قیزی گور اشکبار اولماز (زینب باخدی گوردی ننه اله توزا تپراقا بلنیب ننه اله باشوا دولانم نیه یوزوی منن گیزلدیرسن یولدا نه بلا گلوب باشوا ننه ) حسین قارداشیمه خاطر نقابین رد اله یوزدن جمالین پردده قالسا ملالین آشکار اولماز (اله کی حسینین آدن گتیرنده خانم چادرن رد اله دی ، دیدی بالا) غم ایامی بو اندازه ده بولمزدی ننون دایین اولسیدی بوحالدا ایوه گلمزدی ننون ( دیدی عمواوغلی علی جان آغلامنه آغلا منیم یتیم قالان بالالارما) قویما زینب باشه دائم قاره معجر باغلاسون شعله آهیله قلب مجتبانی داغلاسون آغلاسا عالم اگر قویما حسینیم آغلاسون (گوردی علی بئله یانایانا آغلور زهرا علینین گوزونون یاشین سیلیر چکیر یارالی سینه سینه  علی بویوردی زهرا نیه بئله الیرسن؟ دیدی عمو اوغلی بابامنان اشیدمیشم مظلومین گوزونون یاشی هر درده درماندی ، عمواوغلی سندن بیر خواهشیم وار ) بیرده عورت اختیار ایتسون اونا ویر بو پیامی هر گجه قویسون حسینون باشینون اوسته سو جامی آخی چو سوسوزلوق چوخ چتیندی اوغلومون اولماز دوامی ╔ ✾ ✾ ✾

نوحه شهادت حضرت زهرا سلام الله علیها زبانحال حضرت علی علیه السلام به سبک قان یاغدی کربلاده ای غمگسار حیدر زهرا عزیز طاها آچ بیرده گوز دوباره قویما علینی تنها ایوای یارالی زهرا ائلدن آرالی زهرا. 2بار یالقوز قالوبدی سنسیز فتاح خیبر آغلار آغلار غم فراقه بو غمده سینه. داغلار زینب غمینده زهرا باشینه قاره باغلار ای قلبیمون قراری سس ویر سسیمه زهرا ای وای یارالی زهرا ائلدن آرالی زهرا 2بار سولدی گولیم باغمدا قلبیم چکور شراره یوخدی ویرن تسلی حیدر دوشوب فشاره غسلن ویرنده گوردوم جسمینده واردی یاره آغلار حسین حسنده ائوده دوشوبدی غوغا ایوای یارالی زهرا ائلدن آرالی زهرا 2بار غمخواریم ئولدی اولدوم غملرده زار و گریان آغلار قالوب بالالار امت ائدوبدی افغان ظلم ائتدی دست کینه اولدی علی ئورک قان جنتده باش آچوبدی آغلار بو غمده طاها ایوای یارالی زهرا ائلدن آرالی زهرا 2بار دنیاده گر چه یوخدی چاره غم فراقه آهیم بجادور ایندی اوج ائتسه نه رواقه پیغمبر آغلور ایندی یورقون گئدن قوناقه الله گوروم ائدیدی بو اشقیانی رسوا ایوای یارالی زهرا ائلدن آرالی زهرا 2بار سن فاطمه ئولونجه شاد اولمادون جهاندا ظلم آتشیله یاندون آخر قاپو یاناندا چوخ سوز لرین قالوبدی دنیاده گر نهاندا ظلم ائتدی بی نهایت ای با وفا بو اعدا ایوای یارالی زهرا ائلدن آرالی زهرا 2بار بو غملی روزگارین الحق که یوخ وفاسی بیر. درده دوشدی حیدر یوخ فاطمه دواسی کلثوم و زینب آغلور گئتدی ائوین صفاسی باشیم دوشوب بلایه حیدر قالوبدی تنها ایوای یارالی زهرا ائلدن آرالی زهرا 2بار سن دوقوز ایل جهاندا اولدون منیله همدم بو دوقوز ایلده زهرا قلبین دولوب دمادم گل تک صولوب سارالدون ای مرتضایه محرم یوخ بیر کس ایندی ویرسین زهرا منه تسلا ایوای یارالی زهرا ائلدن آرالی زهرا 2بار گئتدی اوگونکه جدون ختم رسل بقایه باشون دوشوبدی زهرا عالمده مین بلایه گویده گلوبدی یکسر حور و ملک نوایه لرزه دوشوب سمایه محشر اولوبدی بر پا ایوای یارالی زهرا ائلدن آرالی زهرا 2بار ویردی سنی پیمبر بوامته امانت حقونده ظلم ائدوبدی زهرا سنین بو امت زلفون آغاردی غمدن اولدون خمیده قامت دنیاده تئز قوجالدون ای یادگار. طاها ایوای یارالی زهرا ائلدن آرالی زهرا 2بار یاده دوشنده حالون قلبیم گلور فغانه آخر بو آز زماندا یوردی سنی زمانه غسلن ویرنده گوردوم وار ظلمودن نشانه تنگ اولدی نیلیم من زهرا سنه بو دنیا ایوای یارالی زهرا ائلدن آرالی زهرا 2بار «مهدی» یازاندا نوحه آغلار اولار ئورک قان وار دردی دیلده زهرا قیل سنده درده درمان ایسته بو جمعلن اول گزلین مزاره مهمان ال سینه ده دایانسین عرض ارادته تا ایوای یارالی زهرا ائلدن آرالی زهرا 2بار ملتمس دعا مهدی ملکی

گل برگینه خزاندا کچر خار زهرناک اولماز نشان سه شعبه لی خاره سنون کیمی ماهی سودان کناره دوشنده چالیخلیار دوشمز ولیک زجر و فشاره سنون کیمی صیادیلر بو رسمیدی آهونی صید ائدر ویرمازلا حلقنه ولی یاره سنون کیمی هانسی بیر اوچی قاشمیان آهونی اوخلیوب ظلم ایلوبله هانسی شکاره سنون کیمی شیرین طعامیله صود امر صوددن آیریلار صودن دوشه چتیندی کناره سنون کیمی دردین دیر اوغول دیلی اولسا آتاسینه ائتمز آتا یوزینه نظاره سنون کیمی دیلسیز لری دیله گتورر دیلسیز ئولمگون رمز غمی ائدله اشاره سنون کیمی چوخدور غمیم وصاله یاخونلاشمیشام نه غم تحفه واریمدی محضر یاره سنون کیمی زینب بی بون باخور سنه من هاردا قبر آچوم قویماز آتا بالانی مزاره سنون کیمی مرحوم استاد انور اردبیل

🌹بسم الله الرحمن الرحیم 🌹 شعر در فراق مولای غریبمان حضرت حجت بن الحسن العسکری امام زمان (عج) در آهنگ (( تو مشگتو به آب زدی ) ای عالمینه افتخار اهل زمینه اعتبار عجل فرج سسلور هامی عاشقلرون لیل و نهار سنه عاشق ناره یانماز روز جزاده بو سوز عینا ثبت اولوبدور لوح قضاده سنه دیل ویدوخ بو دنیاده شاه خوبان بیزی مهمان ایله شاها خوان ولاده یامهدی یامهدی یا مهدی یامهدی _ بیزدن سنه شاها سلام ای صورتی بدر التمام سنله منظم کائنات ای آخرین برحق امام فتاده لردن ظهور ایله قیل حمایت جهاندا میزان و عدلی ایله کتابت هامی وهابی الوندن افغانه گلدی نه ظلم ایلور دهریده بو قوم ظلالت یا مهدی یامهدی یا مهدی یا مهدی _ آیت به حی لایزال زیبا سیر ای خوش مقال تیز گل که بو عاشقلری اولدوردی بو شوق وصال فراقوندا قلب عالم شاها داریخدی شرار بو آیرلیق نه افلاکه چخدی او حیدر گونه گوزون مولا من فداسی کمند هجرانون آقا جان قلبی سخدی یا مهدی یامهدی یا مهدی یا مهدی _ گل دولتون آغاز ایله آز عاشقانه ناز ایله گیت بیر بقیعه سیدی لطف ایله کشف راز ایله خزان بو شیعیانی شاها بهار ایت او گیزلین قبری نولار بیرجه آشکار ایت عدودن آل سیدی کوچه انتقامین بو عالمده عدل و حریت برقرار ایت یا مهدی یامهدی یا مهدی یا

🌱زبانحال حضرت زینب (س) 🌱           ✍شعر از : نوای نینوا -نادر بابایی حیدر ائوینون شمعی نَه تِز سوندی الهی خوش گونلریمیز قاره گونه دوندی الهی مَجروح آنامون حالینه بَند کفن آغلار باش باشه وئروبلر بوحُسین وحَسن آغلار اَلدن گئدنیم وای اونا بِیتُ الحَزَن آغلار افغانه گلوب حیدر آتام غُسل  وِئرنده مِسمار اثرین سینهء  زهراده  گورَنده عالَمده قالان خوش گونَه حَسرت نَنَه میز وای عمری آز اولان مونس مِحنت نَنَه میز وای شَانیندَه گَلن سورهء  رحمت نَنَه میز وای بیرخوش گونی بو دَهریده هِچ گورمَدی زهرا مِسمار اونی ئولدوردی ئوزی ئولمَدی زهرا عُمریم نَه قَدَر اولسا قَرا باغلیارام من بِیتُ الحَزنَه گِئتسم ئورک داغلیارام من باخدوقجا بو دَرگاهیمیزه آغلیارام من نِسگیللرینی هَرگجه یاده سالارام من مِسماره باخوب مُحسنه لایلای چالارام من پَرپَر بوگجه صَحنیده یاسِ چمن اولدی گئتدی نَنَه میز زینب اَسیر مِحن اولدی آچدیم قاپونی یاسینه شاید گَلن اولدی گوردوم که گَلن یوخ قاپونی باغلادیم الله قارداشلاریمیلا  اوتوروب  آغلادیم الله ✨اَللّهُمَّ عَجِّل لِوَلیِّکَ الفَرَج✨

میلادیه حضرت زینب سلام الله علیها . . حاج علی پور علی ( جاهد ) . نازلی غزالیم زینب سینه مدالیم یات ۲ آز آناوا ناز ایله کورپه مارالیم یات ۲ . سن گل نازیمسن محرم رازیمسن . روحیمه ریحان زینب رحمت رحمانسان ۲ قارداشیوا یاورسن عشقیمه برهانسان ۲ . هدیه ی داورسن عشقیمه یاورسن من گل ایمانم سن گل باورسن . . ریحانه قیزیم گوش ایله ‌مندن بو نویده عشقون ویرَجَک نور شرف فجر سپیده . ای یاور قران آچ گوزلری بیر آن زهرا سنه قربان . غنچه زیباسن نازو دلاراسن محرم اسرار عالم بالاسن . عشقه صلا زینب جان ولا زینب وارث غمهای کرب و بلا زینب روحیمه ریحان زینب کورپه بالام لایلای۲ عشقیمه برهان زینب کورپه بالام لایلای۲ . بند دل طاهاسن سن گل زهراسن۲ دردیمه درمان زینب کورپه بالام لایلای۲ . سن گل نازیمسن محرم رازیمسن . روحیمه ریحانسان صبریده دریاسن . ای گل طوبی زینب عشقه نگهبانسان . سن گل حیدر سن جان پیمبر سن من گل ایمانم عشقیمه باورسن . . ریحانه قیزیم گوش ایله مندن بو نویده عشقون ویرجک نور شرف فجر سپیده . ای یاور قران آچ گوزلری بیرآن زهرا سنه قربان . غنچه زیباسن ناز و دلاراسن محرم اسرار عالم بالاسن . عشقه صلا زینب جان ولا زینب وارث غمهای کرب وبلا زینب . قویدی قدم دنیایه راحت جان زینب ۲ بیت ولانی ائتدی رشگ جنان زینب۲ . قارداشینون دلداری غم گونی غمخواری۲ زینت نام حیدر عشقه نشان زینب۲ . سن گل رازیمسن محرم رازیمسن . نور هداسن زینب لطف خدا زینب۲ سنسن عزیز مادر درده دوا زینب۲ . سن گل نوبرسن عشقیمه شهپرسن . من گل ایمانم سن گل باورسن . . ریحانه قیزیم گوش ایله مندن بو نویده عشقون ویرجک نور شرف فجر سپیده ای یاور قران آچ گوزلری بیر آن زهرا سنه قربان . غنچه زیباسن ناز دلاراسن محرم اسرار عالم بالاسن . عشقه صلا زینب جان ولا زینب وارث غمهای کرب و بلا زینب اثر استاد حاج علی پور علی جاهد ✨اَللّهُمَّ عَجِّل لِوَلیِّکَ الفَرَج✨

سبک ترکی برای عزای خواهر   سن گئدن گوندن اخا بختی گونی قاره باجون اوزولوب  الدن  علاجی  قالوب  آواره  باجون **** دوزدی سودای محبت بلی هر باشدا اولار عاشقون سری نهان بلیدی گوزیاشدا اولار باجینوندا گوزی بو رسمیدی قارداشدا اولار گوز تیکوبدور گیجه گوندوز سنه بیچاره باجون **** آز قالور بایرام اولا غصه لی قلبیم چوبالور بله گونلرده هامی ئوز کسیگین یاده سالور هیچ دئمورسن که باجیم ئولدی ویا اینکه قالور گوز تیکوب حسرت و اندوهیله یولاره باجون

‍ ✍متن و سبک نوحه✍ درد دل حضرت زهرا(س)با امیرالمومنین(ع) شاعر:مطلبی گل عم اوغلی  فاطمه محنتون  -  اورگه سالوب بیله آغلاما گوزوون یاشون سیله بیلمورم - یوزومه باخوب بیله آغلاما سنه من فدا بیله آغلاما علی آغلاما علی آغلاما قاخموری قولوم گوزیاشون سیلم – منی عف ایله شه لا فتی رسمدورعم اوغلی جهانیده  - غملی غملینون دادینه چاتا گورمیسن؟ ایوه سن گلن زمان – بسترونده فاطمیه هیچ یاتا بسترونده فاطمه یا علی  - یارلی یاتوب بیله آغلاما سنه من فدا بیله آغلاما نه قدر کی جان دوداقومدا وار  –  دیرم فقط علی یا علی غمه سینمی سپر ایتمیشم - بیله گورمیم سنی یا علی دیزیوی قوجاخلاما قون سنون - ایله یاندورور منی یا علی سن زینبون جانی یا علی - یوزومه باخوب بیله آغلاما سنه من فدا بیله آغلاما جانووا فدا یارالی جانوم  - نیه اشکیووی یوزه باغلوسان گورورم بوگونلرعم اوغلی جان- اورگون شراریله داغلوسان باخورام گوزون یاشی هی آخور  - مگراولموشم بله آغلوسان ولی نیلیاخ قلم قضا  -  بیزه غم یازوب بیله آغلاما سنه من فدا بیله آغلاما گل عم اوغلی درد دل ایلیاخ – پوزولور صفاسی بو خانه نون بیزی چولقادی غمه روزگار -  یوزی گولمسون بوزمانه نون بولورم  حالیم نان  گلیلیسن -  یری ایندی  یوخدی  گلایه نون فلک آیرولوخ  اوخونی علی – اورگه  ساچوب بیله آغلاما سنه من فدا بیله آغلاما منی عف ایله بوحالوملا گر -  ایلسم اذیت عم اوغلی جان آخی من مریض مرا مو وم – ایله بیر عیادت عم اوغلی جان الوم حقدی ای شه لا فتی -  ادورم وصیت عم اوغلی جان داخی عمر فاطمه ای علی - آخره چاتوب  بیله آغلاما سنه من فدا بیله آغلاما اولین وصیت بودور منیم –  دفن کفنیمه  اوزگه گلمسون غسلومی گیجه یاری ورگینن- یاره می گوزون بلکه گورمسون یاره می گوزون گورسه سعی ایله - زینبیم منیم بیرده بولمه سون بولسه زینبیم رام اده مسن – گوز یاشی توکوب بیله آغلاما سنه من فدا بیله آغلاما بیرده واردی بیرجه سفارشیم – قویما قیزلاروم   غملره یانا گلسن هرزمان قبروم اوستونه – زینبی گتور قویما  تک قالا اوخشویار  گوزل قیز آناسینی –  منی اوخشویان زینبوم اولا ورتسلی چوخ اوخشاسامنه – سیل گوزون یاشون بیله آغلاما سنه من فدا بیله آغلاما عمرومون یتور سونا گونلری - دوت بالامی قوی تاپشوروم سنه دوردی ده منه محترمدولر -  لیک قوی دیوم بیر سوزی سنه بولوسن حسینی چوخ ایسترم – آغلاسا گلر  مین محن منه دشت کربلایه دین حسین - آغلاماخ قالوب بیله آغلاما سنه من فدا بیله آغلاما اورگینده مین غمیله خانوم – بوسوزی(مطلبی)باشلادی سینه وون یاراسینی یاد ادوب – یوزه اشکینی توکوب آغلادی بیله آغلاما دیدی یا علی  –  گیجه صبحه تک یازوب آغلادی   اونادا برات بقیع نی ور- دینه بسدی بیر بیله آغلاما