ای ضامن آهو اولان ای کان مروت بیر آهو حساب ائت منه ده ائیله عنایت . وئر اذن گلیم محضریوه بیرده سلامه گوگلوم داریخیب قالمییب هجرانیوه طاقت . روحیم تلسیر تا اوچا صحن و حرمینده قربانین اولوم قیل کرمیندن منی دعوت . کامه چاتارام گر اولا بیلسم سنه مهمان گر ائیلیه بیلسم سنی شرطیله زیارت . دامانیوه گر چاتسا الیم ای گل زهرا اظهار ائده رم عشقمی ای کان ملاحت . سن باب الحوائج بالاسی کان سخاسن سندن اولی سائل لره احسان و کرامت . عالیم سن اوزون بوشدی الیم مستحقم من سینم دولودی دردیله گل ائیله طبابت . هر چند گنهکارم اوزوم قاره ، غمیم یوخ حتما دوتاجاق دی الیمی قول شفاعت . بو درگهین عاشقلریوه خلد بریندی هر کیم ییخیلب دی قاپووا تاپدی شرافت . منده سنه گوز تیکمیشم ای ضامن آهو زهرا آناوون حقی منی ائیله ضمانت . #مدهوش ائیلیوب جلوه حسنون منی مولا الکن دیلیله ائیلییورم عرض ارادت #هوشمند #مدهوش دیکلمه احسن دهقان

⚡️بسم الله الرحمن الرحیم ⚡️ 🏴شهادت حضرت امام موسی کاظم (ع) آهنگ: ایران اگر دل تورا شکستند.. یارب محبسده مونسیم غم اولدی بوکولدی قامتیم خم اولدی عمروم گونی یتوب زواله عالمده خوش گونوم کم اولدی یارالیم یارالیم من قبیلدن ارالیم من یارب ای غمگونی پشت و پناهیم بو دهریده امیدگاهیم قلبیم یانور چکیر شراره لرزه سالور افلاکه آهیم یارب گوردن سالوب دوره زمانه تیر غمه ایلوب نشانه بو گوشه زنداندا گلدیم سندین جفاسیندن فغانه یارب بو یرده دوزدوم هر بلایه یتموبدی رنجیم ابتلایه غربتده جان ویرماخ چتیندی یوخ بیرکسیم گلسین نوایه یاب آرام جانه حیدرم من ذریه پیغمبر م من ویرم قسم زهرا آنامه قورتارمنی بی یاورم من یارب احوالیمی بیرجه بولن یوخ دیداریمه کیمسه گلن یوخ حسرت گوزوم یولداقالوبدی بوصون نفسده باغلین یوخ یارب تسلیم تقدیره قضایم هرنه بلا گلسه رضایم سنده یتوراوغلوم رضانی هجروینده درده مبتلایم یارب گلسه غمیمده سینه داغلار ایوای بابام وای سسلرآغلار بیرده الارباشیم دیز اوسته یولدا قالان گوزومی باغلار یارب خوشدورکنارینده ویرم جان قویسون مزاره دل پریشان اولسون مزاریم مامن عشق زواریم اولسون شیعه گریان یارب کیـم یوز قویا بو آستانه تیـر غمه اولماز نشانه باب الحوائج منسبیم وار قویمام سیخا جور زمانه یارب بوشعره بانی عاجزاولدی یازوب مهجوریله قوتولدی یازاندا محنتیمده یارب سرشگیله عذاری دولدی به قلم مشترک دوتن از شعرای بزرگوار👇 ✍ علی جعفری (عاجز ) ✍ احمد تقوی( مهجور)تبریزی ✨اَللّهُمَّ عَجِّل لِوَلیِّکَ الفَرَج✨ التماس دعا...

🌹 جان حسیــــــــــــــــن (ع) 🌹 کـوی  عشقینده  حسین  زار و پریشان گزرم عـاشقم   مـرقد  شش  گوشوه   نالان   گزرم غـم  هجرانين  حسین  طاقتیمی‌ أَلدن  آلب هی حسین وای دیه‌رم دیده سی گریان گزرم کعبهٔ   عشقیدی  عشاقه   سنین   بارگهون منده  اُول  بارگهه  عـاشقم   حیران   گزرم قبروین  توپراقی  هر  درده  دوادی  آقاجان منده  بیمـار ؛سنین  عشقوم   درمان   گزرم مولا جان لطف ائله‌سن گلسم  أگر درگهوه منده  پروانه  صفت  شمعوه  سوزان گزرم شوق  دیدارون  آقا  بیزلری  مجنون ائلیوب غرق  دریـای  غمم  سـر  به  گریبان  گزرم! التماس دعا

زبانحال حضرت موسی بن جعفر به فرزندش امام رضا علیه السّلام گل ئوزون قورتار ٱوغول بوغملی زنداندان منی حق ئوزی قورتارسون ایکاش هر بلایادن سنی گل گوروم گل صورتون هجرانه تا پایان ویروم باشیمی آغوشه آل تا باش دیزینده جان ویروم اون بیر ایلدور یاندیروب قلبیم باشین نار فراق جبریله دشمن سالوب ئوز اهلبیتیمدن اوزاق گورماقا رخساروزی قلبیمده چوخدور اشتیاق اون بیر ایلدور سیزلره ،بطحایه حسرت قالموشام من گونم ٱولدوزلارا هم آیه حسرت قالموشام گزمیشم بو ٱون بیرایلده مختلف زندانی من اگمدیم باش لیک هیچ زنداندا زهرا جانی من وار دلیلی میل قیلدیم زهریلی خرمانی من الده قمچی سند اصرار ایتدی یوخ میلیم دیدیم من یموردیم اول قدر قمچی ویروبدی تا یدیم یوخ سوزوم هارون منی ایللردی محبوس ایلیوب ناقه صبری ولی سندبن شاهک پیلیوب بو غریبه ای اوغول سند ایلیوب هر نیلیوب حق گو‌روم چخسون یوخاایکاش اوشوم کافری سالدی طاقتدن منی والله ٱونون سیلی لری كیمدی من تک کشتزار دیلده تخم صبر اکه بیر قوجا سیدده نه طاقت بیله محنت چکه اول قدر سیلی ویروبدی صاق صولومدا وار لکه بیر نفر یوخدور دیسون صبر ایله ظلمون حدی وار وار نه جرمی گل یوزونده اللریوون ردی وار من قوجا بیر سیدم یوخ سیلیه منده دوزوم بیر نفر یوخدور یانان احوالیمه یاننام ئوزوم نیلیوم زهرا آنام تک سیلیدن قورخوب گوزوم قلبمه وحشت دوشور گوردوقجا سندین سایه سین چرپنور قلبیم دیزیم تیترور آلان ساعت سسین ایلیوب کنده ایاقی بوینومی زنجیر یارا گوندوزوم ٱولموش گوزومده لیل یلدا تک قرا بولمورم سندین الیندن من قاچوم آیا هارا هر زمان سند بن شاهک ایستور انسون پله نی قان اولان گویلوم دیور حتما گلور ویرسون سنی هر گلنده سجنه یر گویدن غم ومحنت یاغیر من قوجا بیر سیدم اما اوظالم ال آغیر قورخورام ،اما ٱورک سسلور که یا زهرا چاغیر هر زمان ثانی کیمی ایستور ویرا سیلی منه کوچه نی یاد ایلیوب منده چاغورام آی ننه کوچه نین دردی سالار اود دوغرانان اکبادیمه گویلوم ایستر بیر نفر چاتسون منیم فریادیمه ناگهان گوررم گلوب بیر اللی زهرا دادیمه سسلرم چوخ راضییم غم قدیمی اگسون آنا لیک گوزله قورخورام سیلی سنه دگسون آنا احتیاط ایت ثانی تک بو سند ناکس دور آنا بی مروت ثانی خار ٱولسا بودا خس دور آنا کوچه ده بیر یول سنه سیلی دگوب بس دور آنا ثانیه هرگز قیاس ایتمه بوشوم کافری آنداولا ئوز جانیوه چوخ چوخ آغیردوراللری سیلینون زجرین بولورسن ای آنا یوخدور سوزوم غفلتا دگسه خداناکرده منده یوخ دوزوم ایله سیلی دوردگنده هیچ یری گورمور گوزوم بیر قوجا سیدله بولمم نه نزاع وجنگیدی شل اولا ایکاش الی گویا زغال سنگیدی التماس دعا

‍ روضه حضرت موسی بن جعفر(ع) ای ایویندن اون بیر ایل دست ستمله دربدر ای قالان اون یدی قیز دائم خمینده دیده تر ای ایدن معصومه سین ئوز غصه سیندن خون جگر ای انیس دیده های تر سلام اولسون سنه قلب عالم موسی جعفر سلام اولسون سنه من ئوزوم اولدوم رضا مشق ریاضت ایلیم بیر قرانلوق یر اولا اوردا عبادت ایلیم سجدمیله کنج خلوتده قیامت ایلیم کاش ایده حی توانا بیرده حقیمده کرم بوقرانلوق منزله بیر یول گله زهرا ننم گر ننم گلسه بوخسته جسمیمه روح وجان گلر باشلاسا نوحه ننم افغانه بو زندان گلر هیئت زهرایه ال باشدا شه عطشان گلر باشیمی زهرا دیزی اوسته آلار لای لای دیر هم منه لای لای دیر همده حسینیم وای دیر ای خاک سیه دن یارادان روح بهاری همراه الین گلشن آرا لالیه خاری آسایش اوچون خلق الین لیل ونهاری زنجیر آلوب طاقتیمی یول گیده بولمم ئولدور منی دای قمچیلره تاب ایده بولمم هارون کیمی هیچ کیم اورگه اوخ ساچا بولمز درک ایلمور آهو تورا دوشسه قاچابولمز بیر قوش کی سنا بال وپر پر آچا بولمز گلبوته انصافی جفائله گرلار زندانیده هرگون منه مظلومی ورولار (دای یورولموشام الله) چوخ الیم واردی ولی آغلیانیم اولمیاجاق گوروب احوالیمی دل داغلیانیم اولمیاجاق جان چخاندا گوزومی باغلیانیم اولمیاجاق ئوز حالیمه سینمده کی یورقون نفس آغلور غمنامه یازانداقولوما قمچی سس آغلور من آغلاماسامدا منه ظلمت قفس آغلور دیوار و در حبسی دوتوب قلبیمین آهی بوغملی قفسدن منی دای قورتار الهی

🥀 احوالات حضرت رباب  🥀 گورمز بو جهاندا    بیری بو محنته بیر تای وار حقی   اگر    آغلیا   بو نسگله مین آی چالمادی دویونجا سودامر اوغلونا لای لای چکموب بو غمی  لیلی   نه ده قاسم آناسی چون هربیرینین اولدی جوان نازلی بالاسی                     🌹🌹🌹 اوغلانلارینون    قامتینی   گوردیله  باری قاسم   اون اوچ ایل مادرینه   ایلدی یاری اون سگیز ایل اکبر آنانون   اولدی نگاری اکبر یخیه طوی گولی گر ساچمامیش ئولدی امّا بونون  ایستکلیسی دل آچمامیش ئولدی                      🌹🌹🌹 قربان سنه من قاسمیلن    اکبری ویردیم قارداشیم   ابوالفضل    وفاپروری ویردیم یتمیش ایکی شهباز قوی پیکری ویردیم امّا آنالار ایچره رباب    خونجگر   اولدی قربانی اونون عفو ایله گر سودامر اولدی

🍂یا باب الحوائج🍂 ⁩امین اسماعیل زاده ماکویی سبک:چو گیسوی تو من در پیچ و تابم یابن‌زهرا یارب بیری بو کنجِ غریبانیه گلمز دیداره مگر بیرکسی زندانیه گلمز گل اوغلوم رضا - سنه جان فدا      ئولور موسی بن جعفر تاریکیدی هر یانی یانان مشعلی یوخدور امداد إلیَن بیرجه معینون ألی یوخدور ایللردی بو ظلمت ائوینون گئت گلی یوخدور دلداریه حتی بیری  غم خانیه گلمز وار چوخلی جراحاتیم آلوب ألدن علاجیم گل روشن ائله بزمیمی ای نور سراجیم سن سن آتاوین فخری رضا،باشداکی تاجیم سن گلمسون امّید ألی بیگانیه گلمز چکمیش غم غربت یارالی سینمه داغی گل بیر بو عزاخانه‌مین اول سنده قوناغی آزاد ائله جان طایریمی سِیر ائده باغی یوخسا که بهار عطری بو‌ ویرانیه گلمز سؤنمز آلیشان حسرتیوه قلبیده اود لار آغلور منیم احوالیمه گویلرده بولود لار بیر بیر آزالیر بو دمِ آخرده اومود لار بیر عمر ده بو لحظه ی طولانیه گلمز ای روحه صفا گل که أجل منتظریمدی جانیم ده اولان راحتی سندن صورا کیمدی بیر دفعه گؤزوم ماهِ رُخین گؤرسه بسیمدی چیخماقدادی جان،راحتی بیر ثانیه گلمز

‍ روضه حضرت موسی بن جعفر(ع) ای ایویندن اون بیر ایل دست ستمله دربدر ای قالان اون یدی قیز دائم خمینده دیده تر ای ایدن معصومه سین ئوز غصه سیندن خون جگر ای انیس دیده های تر سلام اولسون سنه قلب عالم موسی جعفر سلام اولسون سنه من ئوزوم اولدوم رضا مشق ریاضت ایلیم بیر قرانلوق یر اولا اوردا عبادت ایلیم سجدمیله کنج خلوتده قیامت ایلیم کاش ایده حی توانا بیرده حقیمده کرم بوقرانلوق منزله بیر یول گله زهرا ننم گر ننم گلسه بوخسته جسمیمه روح وجان گلر باشلاسا نوحه ننم افغانه بو زندان گلر هیئت زهرایه ال باشدا شه عطشان گلر باشیمی زهرا دیزی اوسته آلار لای لای دیر هم منه لای لای دیر همده حسینیم وای دیر ای خاک سیه دن یارادان روح بهاری همراه الین گلشن آرا لالیه خاری آسایش اوچون خلق الین لیل ونهاری زنجیر آلوب طاقتیمی یول گیده بولمم ئولدور منی دای قمچیلره تاب ایده بولمم هارون کیمی هیچ کیم اورگه اوخ ساچا بولمز درک ایلمور آهو تورا دوشسه قاچابولمز بیر قوش کی سنا بال وپر پر آچا بولمز گلبوته انصافی جفائله گرلار زندانیده هرگون منه مظلومی ورولار (دای یورولموشام الله) چوخ الیم واردی ولی آغلیانیم اولمیاجاق گوروب احوالیمی دل داغلیانیم اولمیاجاق جان چخاندا گوزومی باغلیانیم اولمیاجاق ئوز حالیمه سینمده کی یورقون نفس آغلور غمنامه یازانداقولوما قمچی سس آغلور من آغلاماسامدا منه ظلمت قفس آغلور دیوار و در حبسی دوتوب قلبیمین آهی بوغملی قفسدن منی دای قورتار الهی

#مداح احسن حبیبی #فراق_مادر جهاندا چهره درد آشناسی وار ننه نون صفای باطن و بی انتهاسی وارننه نون وفا وعشقینه حیران قالوبدی عقل بشر نه ذره قلبیده  ریب  و  ریاسی  وار  ننه نون گوره  مثالینی  بیرده چتیندی کنز  زمان بهالی دور کیمین چوخ بهاسی وار ننه نون اولده  شیره  جاننان  غذا  ویرر   بالیا دوشنده لطف خدادن غذاسی وارننه نون ویرنده صود سالار اوغلون همیشه صول دوشنه بو امره قلبیده  چوخ  اعتناسی  وار ننه نون گیجه نی صبحه کیمین هی دیر بالام لایلای دیلینده  زمزمه  جان  بالاسی  وار  ننه نون ﷽🍁 ﷽🍁 ✨اَللّهُمَّ عَجِّل لِوَلیِّکَ الفَرَج✨