#شهادت_حضرت_امیرالمومنین_علیه_السلام بانوای: حاج یوسف حسن زاده بو گئجه کوفه غم فضادی غرق درد وغمو بلادی قبره حیدر گدور یارالی بو گئجه کوفه کربلادی مست جام وصال جاناندی علی بوگئجه فاطمیه مهماندی علی بو گئجه آل حیدر آغلار گویلر آغلار ملکلر آغلار آج یاتانلار خرابه لرده بیوه زنلر یتیملر آغلار بیر گئجه یاتمیان علی یاتدی بوگئجه چوخلاری ویرانه ده آج یاتدی بو گئجه بو اورک داغلیان علیدی اشک یوزه باغلیان علیدی صبح اولونجا بقیعده دائم یارینه آغلیان علیدی بیرده دل تیر غمیلن دلمیه جاق فاطمه قبری اوستونه گلمیه جاق فاطمه گل بو غمده آغلا سینوی نار غمله داغلا وار بوگون یاره لی قوناقون لطف ایله یاره سینی باغلا زینب هر قدری باغلادی باغلیانمادی دیمه بیر کیمسه یاره سین باغلیانمادی

مناجات مخصوص شب قدرو توسل به پنج تن علیهم السلام 🔹بحق هذاالقرآن الهی بو گئجه احسانیوه باغیشلا منی صفای روضه‌ی رضوانیوه باغیشلا منی اولوب‌دی بو گئجه نازل کتابِ قرآنون بو باشیم اوسته‌کی قرآنیوه باغیشلا منی 🔹بکَ یا اللّه! او قدر ائیلمیشم عمریده    خطا یارب اورک سوزون دیماقا ایلیره م حیا یارب هوای نفس منی هر یانا چکیب اپاریب همیشه  ایلمیشم    نفسیمه  جفا  یارب نه چاره وار منه گر شامل اولماسا حالیما بو  ایدا سندن اولان  رحمت و عطا  یارب 🔹بمُحمَّد ٍ الهی بو گئجه اُول سروره باغیشلا منی کی دوشموش آدی بوتون دیللره، باغیشلا منی پیمبرین اتگین دوتموشام امیدیله کمال حضرت پیغمبره باغیشلا منی 🔹بفاطِمَه َ (زهرانی دفن الیر اله یانایانا دیر فاطمه) من گرک هر دردیمی سنن بیلیدیم بیلمدیم من گرک غسلون وِرَن ساعت اولیدون اولمدیم اولمدیم قالدیم جنازن اوسته سینه داغلادیم اولمدیم اوز الریمنن گوزلریوی باغلادیم 🔹بعلِیّ ٍ (آقانین آخرین لحظه لریدی بالالار یغشب آتانین بسترینین کنارینه) کنار بستر علی کیملر ایلشیب؟ زینب و ام کلثوم هردن زینب باباسنین ایاقلارین آلور اورگینین باشنا آی دینجلمین بابام آی علینین کنار بسترینده کیم ایلشیب ایلشنلره سیر اله حسن وحسین قمر منیر بنی هاشم آقانین وصیتلرینن بیری هردن ضعف الیر آیلیر گوز آلتی بیر باخیر بالالارینا اوغول حسین آغلاما بالا زینب ئوزوی بئله پوزما قیزیم آرام اول آی مریضی اولانلار آی دردینه درمان تاپانمیانلار آند ویرم علینین بوگئجه مریض حالنا بویوردی اوغول حسن دکتره خبر اله گلسون منی بیر معاینه السین گورموسوز دکتر وارد منزل اولاندا اونون قالانلاری حساس اولاربوردا زینب چوخ حساسیدی گوروم دکتر باباما نه دیجاخ اشیدمیسیز اوجگری سالدی اویارانین ایچینه بیر باخدی اویان بویانا ئوز ئوزونه دییر من کیمه دییم جواب معاینه نی امام حسن بویوردی اله هامیمیزدان قولی بابام علیدی اله ئوزی ده اشیدسین بیزده اشیداخ اما ایکاش زینب اشیدمییدی تا ایستدی نظرین دیه زینب قولاخ آسور گوردی دییر علی وصیتلریوی اله یعنی علی گتملی سن 🔹بالحَسَن ِ (اوملعونه نه کیفیتیلن آقیا زهر ویردی جگر لر دوغرانوب گئجه نین عالمی چاغردی باجی زینب دا ئولورم) جگرلریم دوغرانوب باجی یاندی بو دل زاریم عیان اولار آز زمان گئچر دلده کی بو اسراریم رسول حق تا یوموب گوزون پرپر اولدی اجلالیم بابام ئولنده عیانیدور سیزلره منیم حالیم آنام ئولندن اورک یانوب غملیدور بو احوالیم خبر ائله قارداشیم گله یوخ داخی وفاداریم نظر ایله ایندی حالیمه گلدی موقع هجران میسر اولسا گتور منه زینبیم اوخی قرآن یوباتما جنتده گوزلوری چون منی آنام الان آنام دوشوب یادیمه منیم چوخ پوزولدی افکاریم 🔹باالحسَینِ سلام او پیکره کی دوغرانوبدی چولرده سلام او نعشه کی یارب قالوبدی الرده سلام او سینیه کی سیندی آت ایاقینده سلام او چهریه کی واردی قان دوداقینده سلام او رأسه کی بسلندی گلر اوستونده سلام اوقانلی باشا قالدی کولر اوستونده (تمام محملر آماده حرکت اسرا عریان دوه لر اوستونده عمر سعد برای اینکه اوغلی ئولن ننه لرین قارداشی ئولن باجلارین اورکلرین جریحه دار ایلیه دستور ویردی اسرانی قتلگاهیدن حرکت ویرسونلر راوی دیر گوردوم هره ئوزون سالدی بیر جنازه نین اوستونه زینبده گلدی دایاندی گودال قتلگاهین کنارینده اوخ پاره لرین نیزه پاره لرین کنار اله دی بیر یاره گوردی کی هیچ ایندیه جا گورمه میشدی دیدی سجادیم بالا) باجیسی ئولسون سوزوم یوخ نعشی پاره پاره دی اوهلالی یاره شرح ایله هانسی یاره دی دلده غم زلفوم بوقدری حورمه میشدیم آی بالا ایندیجا بیله یاره گورممیشدیم آی بالا (دیدی عمه قیزلاری چک کناره دییم بو یارا نه یاراسیدی زینب بالالاری چکدی کناره) اول یاره بی بی دلده کی تاب وتبه بنذر آت دیرناقنون یاره سی ماه شبه بنذر

زبانحال امیرالمومنین حضرت علی (علیه السلام) به حضرت زینب کبری (سلام الله) هنگام شهادت سبک : صحرا صحرا دویده ام عمروم باشه چاتوب قیزیم گل زینب جان ئولورم درده گتیــردی حیــدری دردِ هجران ئولورم جان سنون جان حُسینیمون ؛ جان کُلثوم و حَسنین منن صورا چوخ اولدی چون درد و غم و مُحنین آرامیووی غمللر آلار غم باشیوی درده سالار چوخ سعی اله آغلاما سن عالمللری داغلاما سن سسله قارداشلارون گله حیدر چون گِتملیدی زهرا مِثلی بالالارین بو دم ترک اِتملیدی دردیمده اهل آسمان آغلاسا ؛ آغلاما سن منن صورا غمیمده چوخ قلبیوی داغلاما سن غم قلبیوی چون یارالار گوزلُور سنی چوخ یارالار اورگنمه بو آغلاماقا اُولدون یارا باغلاماقا باغلا باشیم یاراسینی زینب غم باشدان آشور چون یاره باغلاماق سنه هرکسدن چوخ یاراشور باغلارسان ئوز اَلونله سن عمرونده چوخ یاراسی مسمار و خنجر و عَمود ، نیزه و اوخ یاراسی غم درده سالار باشیوی ساخلا هله گوز یاشیوی آز کاسۀ صبری جالا آغلارسان حسینه بالا ✍شاعر : کربلایی رامین محمدزاده (پریشان) #شهادت_حضرت_علی (ع) سبک با نوای: فرزاد عالی

زبانحال امام حسین با حضرت زینب در شهادت حضرت علی علیهم السلام #شهادت_حضرت_امیرالمومنین_علیه_السلام حاج ولی الله کلامی باجی قویدی بیزی دشمن آتاسیز نوحه دئ سن آتاسیزمن آتاسیز غملی ماجراسی وار/باشینون یاراسی وار باش قویوب بالش نازاوسته بابام یخلوب رازونیازاوسته بابام بویانوب قانه نمازاوسته بابام کسیلوب اذان سسی/قانلیدی عمامه سی سن دئنن بسدی حسین ائتمه نوا من دیوم زینب عظیم اولدی بلا باجی قارداش دؤشیاق بزم عزا سن دئنن بلالیام/من دئیوم عزالیام کیمدی ماتم زده نی رام ائلیه آنامیزیوخ بیزی آرام ائلیه بیرملک کاش اونااعلام ائلیه ساخلایافاطمه یاس/زینب آغلورقولاق آس شیعه بوندان صوراگوزیاش توکه جاق قلبیده تخم مصیبت اکه جاق کیم یتیملرائوینه باش چکه جاق ئولدی امت آقاسی /آتاسیزلارآتاسی قبری گیزلین آناما یولّاپیام دئنن ای بانوی آزاده مرام سنه جنّتده قوناق گلدی بابام حالیناآغلاآنا/یاراسین باغلاآنا

#شهادت_امیرالمومنین_علیه_السلام #ترکی آچ گوزلرون علی جان مظلوم یارالی بابا زینب قیزون قالیبدی آغلار وفالی بابا ای وای یارالی بابا لایلای یارالی بابا(2) آغلار قالیب یتیملر هر دم دیور الهی دور ایله چاره سن سن مظلوملارین پناهی بابا روادی زینب چکسین ئورکدن آهی زینب گیوبدی قاره اولدی عزالی بابا ای وای یارالی بابا لایلای یارالی بابا(2) من آغلارام علی جان عمرون سنون زای اولدی چرخ زَمانَه دَن چوخ دردون منه پای اولدی سندن سورا یارالی ذکریم منیم وای اولدی هجرونده یاننام هر گون زهرا مثالی بابا ای وای یارالی بابا لایلای یارالی بابا(2) بش سنّیدن آنامین گیدیم قراسینی من زهرا غمونده یاندیم ائتدیم من اوندا شیون آیریلدین ایندی بابا سنده بو نوعی مندن یالقیز بالالاریندان دوشدون آرالی بابا ای وای یارالی بابا لایلای یارالی بابا(2) #فارسی دیده گشا علی جان تنها شده یتیمان دستم به دامن تو با قلب پرفروزان کن چاره ای به دردم پناه بی پناهان صبح امید من تو امیر و مقتدایم ای وای یارالی بابا لایلای یارالی بابا(2) روزی به لطف ربَّم گوهر کنار من بود آن لحظه یادم آید مادر کنار من بود تا این دم جدایی حیدر کنار من بود بابا دگر ندارم میسوزه لاله هایم ای وای یارالی بابا لایلای یارالی بابا(2) ـــــــــــــــــــــــــــــــــ چهره ای مصداق والشمس و ضحی دارد علی در دل ظلمت رخ بدرالدجی دارد علی مثل و مانندش نبینی در سخا و در عطا بخشش و جودی بسان هل اتی دارد علی لافتی الا علی لا سیف الا ذوالفقار هدیه ای بر تارک از سوی خدا دارد علی مداح رستمی اهری

. #زمزمه #ترکی #مناجات_با_خدا #سبک_دامن_کشان_رفتی یارب/ گینه گلدیم/ بو درگاهه مهمان۳ باشدان / باشا دَردم/ اوزون اِیْله درمان۳ اگر بنده ن /سندن / قوخمییوب یارب قوناقینی / هیچ کیم / قوغمییب یارب گورنجه دَربَدَرم / رئوف آللهیم ۳ بنده وَم اِیْله کَرَم/ رئوف آللهیم۳ ...... از بَس / غمیم چوخدی/ دیله گَلمیشم من۳ یوز یول / سینوب توبه م‌ / گینه گَلمیشم من۳ خطاکارم / یانماخ / فکرین اِیلیردیم درِ رَحمت/ آچدین /یوخسا نِیلیردیم وار مَگر منیم هارام/ رئوف آللهیم۳ من همان قاچان قولام / رئوف آللهیم۳ ...... سِیلِ / خطا یارب/ آشیبدی باشیمدان۳ اولدوم / سَراَفکنده / امامِ زماندان۳ سینیب قلبی/ مندن/شرمسارم من کوسوب مندن /یوخسا /بیقرارم من من آقامدان اوزاقام / رئوف آللهیم۳ بیر خجالت قوناقام/ رئوف آللهیم۳ #مناجات الاحقر #مهدی_عبادی .👇

#روضه_شب_شهادت_حضرت_امیرالمومنین (ع) بوگئجه شب شهادت امیرالمومنیندی بیر گون علی وارد اولدی منزله گوردی فاطمه چوخ ناراحتدی فاطمه،بویون هانی بالالاریم ایوده یوخدی فاطمه بالالارم هانی؟ دیدی عمواوغلی بالالارم اوچ‌گوندی آج یاتلار فاطمه دیر عمواوغلوم گوردوم باشن سالدی اشاقا الله هیچ کیشینی شرمنده اهل وعیال المسین گلدی بازارا دورت درهم بورج آلدی دیدی گدیم قوی بالالارما آذوقه آلم گلیر گوردی عمار کوچه ده دایانوب الرین قویوب اورگینین باشنا عمار چوخ ناراحت سن دیدی بکارام ایوه گیده بولمورم دیدی گل بو دورت درهمی عماری یولاسالوب ئوزی الرین قویدی اورگینون باشنا هاراگدین؟ دیدی گدیم مسجده آخشام اوستودی گلدی مسجده گوردی محرابیده رسول الله نمازن گلدی قوتارانان صورا گوردی پیغمبر دیدی علی شاما ایستیرم سیزه قوناق گلم دیدی یارسول الله ایو ئوز ایوین منده سنون غلامیوم پیغمبر قاباخدا علی اونون دالسیجا گلدی زهرانین قاپوسن دویدی فاطمه قاپنی آچدی بولمورم علینی نجه گوردی فاطمه بابا ایو ئوز ایوین ایلش پیغمبر ایلشدی علی ایلشدی گوردولر فاطمه دوردی ایکی رکعت نماز گلر اله یانایانا آغلور آغلادی آغلادی نماز قوتولانان صورا سفره نی سالدی گوردولر غذا گلدی پیغمبر دوردی فاطمه نی باسدی باغرناقیزیم بو بهشتین غذاسیدی قیزم فداها ابوها قیزیم بو بهشت غذاسیدی قیزیم نمازدا نیه یانایانا آغلوردون؟ دیدی بابا هسزادمز ایوده یوخودی دیدی قیزیم جبرائیل منه خبر ویردی اودی من گلمیشم اما قیزیم نمازدا نیه آغلردون؟ دیدی بابا اللهه یالوارردم دیردیم الله علینی شرمنده المه بو فاطمه بو علی بو‌گئجه علینون حقی وار او محرابیده بونی دیه گر فاطمه قالسیدی العان سینه داغلاردی باشدان توکولن قانی خشک ایلیوب آغلاردی بازوسی ساغ اولسیدی تئز یاره می باغلاردی من یرمی بش ایل هجرطاهاده غمین اولدوم ئولدوردوله زهرانی محنتله قرین اولدوم دفن اولدی او تپراقدا من خانه نشین اولدوم

شعر جدید 🏴شهادت حضرت علی علیه السلام 🎼 به سبک ای گوزلرمین نوری عرشه چکیلوب قاره فرش اهلی پریشاندی فرش اهلی پریشاندی محراب عبادتده حق شیری یارالاندی حق شیری یارالاندی قلبیلر غصه دن قان اولدی مولا آغلوری حیدره جنتده زهرا 2بار آرام و دل طاها قانیله اولوب الوان قانیله اولوب الوان ظلم ایلدی دشمنلر قیزلاری قالوب گریان قیزلاری قالوب گریان باش دین و نماز اوسته ویردی او مه تابان ویردی او مه تابان قان گوزلرینه دولموش محرابی قیزل قاندی محرابی قیزل قاندی قلبیلر غصه دن قان اولدی مولا آغلوری حیدره جنتده زهرا 2بار قوزاندی گویه ضربت حیدر باشینا اندی حیدر باشینا اندی محراب عبادتده اول منظره گورسندی اول منظره گورسندی آچدی باشینی جبرئیل قتل العلی سسلندی قتل العلی سسلندی حیدر بویانوب قانه زینب دلی داغلاندی زینب دلی داغلاندی قلبیلر غصه دن قان اولدی مولا آغلوری حیدره جنتده زهرا 2بار شمشیر عدو یخدی اول حجت یکتانی اول حجت یکتانی عرش اهلی دیور نوحه آغلادیلا زهرانی آغلادیلا زهرانی آغلادیلا زهرانی آغلادیلا طاهانی آغلادیلا طاهانی آغلور بو گیجه زینب شهره قارا باغلاندی شهره قارا باغلاندی قلبیلر غصه دن قان اولدی مولا آغلوری حیدره جنتده زهرا 2بار ضربتله دگیب یاره فرق شه ابراره فرق شه ابراره عباس و حسین توکدی اشگین گل رخساره اشگین گل رخساره باشینه گنه زینب باشدان سالاجاق قاره باشدان سالاجاق قاره کلثوم و حسن آغلور زینب اورگی قاندی زینب اورگی قاندی قلبیلر غصه دن قان اولدی مولا آغلوری حیدره جنتده زهرا 2بار عرشه چکیلوب قاره فرش اهلی بوگون آغلور فرش اهلی بوگون آغلور معناده خانم زهرا حیدر یاراسین باغلور حیدر یاراسین باغلور پیغمبر خاتمده جنتده عزا ساخلور جنتده عزا ساخلور منزلده یقین زینب غمده یاتوب اودلاندی غمده یانوب اودلاندی قلبیلر غصه دن قان اولدی مولا آغلوری حیدره جنتده زهرا 2بار محراب عبادتده قانه بویانوب حیدر قانه بویانوب حیدر قتل العلی سسلندی جبرئیل امین پیدر جبرئیل امین پیدر دوشدی علی محرابه آخدی او قرا گوزلر آخدی او قرا گوزلر حیدر قانا غرق اولدی مسجده نه طوفاندی مسجده نه طوفاندی قلبیلر غصه دن قان اولدی مولا آغلوری حیدره جنتده زهرا 2بار «مهدی» گلوب ای مولا صدقیله بو درباره صدقیله بو درباره نومید ایلیوب قوما یوخ درده آقا چاره یوخ درده آقا چاره بو غمده یانوب قلبی قالدی قلم آواره قالدی قلم آواره محشرده یتش داده گوز کاسه سی گریاندی گوز کاسه سی گریاندی قلبیلر غصه دن قان اولدی مولا آغلوری حیدره جنتده زهرا 2بار 🙏🏼ملتمس دعا ✍بقلم حاج مهدی ملکی زنجانی ___________

🏴خطاب به حضرت امام زمان (عج ) در شهادت امیر المومنین علیه السلام 🎼آهنگ : نه ساله بودم آمدم بر خانه تو یابن الحسن گل کوفه ده محشر بپادی جدون علی المرتضا دینه فدادی سال بوینووا شال عزا ئولدی علی المرتضی یا حجةالله آغلور حسن آغلور حسین بو ماجرایه زینب گلوب کلثومیلن آه و نوایه هر دم بیری سسلور بابا جانیم سنه اولسون فدا یا حجةالله قویدی آتاسیز زاده ملجم حجازی ووردی علینی قویمادی قیلسون نمازی سس گلدی گویدن برملا قتل العلی المرتضی یا حجةالله قلب بتوله ووردی بو غم آیری یاره گوزیاشلی سالدی جنت ایچره باشه قاره گل تسلیت وئر آغلوری بو غمده سینه داغلوری یاحجةالله یابن الحسن ای شمع سوزان امامت گل کوفه ده سیندی بوگون رکن هدایت سن لطف ایله تشییعینه جدّون گلوب تدفینینه یاحجةالله ای روز و شب رخسارینه اشکین توکن گل «شیدا»لرون ای هجریدن قدین بوکن گل ای روضه خوان فاطمه گل ظلمه سن وئر خاتمه یا حجةالله

#مناجات ✍بقلم حاج علیرضا امانی مجد اردبیلی آهنگ درفراز اول سبک الهی ننمدن اوزولدی الیم... «الهی الیم بوش یوزوم قاره دی بو بیچاره نین فکری آواره دی» دریغا بو عمری تباه ائتمیشم حضورونده یارب گناه ائتمیشم باغیشلا ئوزون روحِ شرمنده می توکوب آبرو، آچما پرونده می الهی، خجالتدی آغلار گوزوم ئوزون باخ یورولدوم ئوزومنن ئوزوم آشوب داشدی یارب گناهیم منیم قاباقدا واریم دادگاهیم منیم نه فکر جهنّم ، نه جنّت دیَم صف حشریده بیلمیرم نئینیَم؟ الهی قسم جاه و اجلالیوه کمک سیزلره رحم ائدن حالیوه کَرَمله ایکی عالم اول دستگیر منی حشریده ایلمه سر به زیر ترحّم ائدن، حیّ قهار سن عیوبه چکن پرده، ستّارسن اگر عبد ناپاک و نالایقم ئوزون ایستییَن بیر آدا، عاشقم شفاعت امیدیله زار و عنین حسینین گلیب دوتموشام دامنین حسینه باغیشلا بو آواره نی کرم ایله، بیچاریه، چاره نی کمک سیزلری قؤما درگاهیدن یانار سینه لر شعله ی آهیدن کی قؤماق غمی سینه لر داغلیار بو جریانه، زهرا ئوزی آغلیار او گونکه سالوب حرّ ئوزون محنته سویی باغلادی تشنه لب عترته ائله، غیرتیندن پریشان اولوب یانور بیلدی اصغر، پشیمان اولوب قاتوب گؤزیاشین توبه ده آهینه حسینین غرض، گلدی درگاهینه ائدور عرشی آغلار حسینین آدی علی اوغلی ئوز دشمنین قؤمادی «امانی»اگر عبد شرمنده دی بو درگاهه اما پناهنده دی ✨اَللّهُمَّ عَجِّل لِوَلیِّکَ الفَرَج✨

🙏🏼مناجات با خدای عالمیان 🎼سبک: من آمدم‌ ای خدا درد خود دوا کنم 🎼سبک: یخیلدی سقا یره عَبد ذلیلم خدا، اِلتجایه گلمیشم عالَمده من دوشموشم، مین بَلایه گلمیشم هِی توبه سیندیرمیشام، سندن آیری دوشموشم شرمندییَم نیلیوم، آه و وایه گلمیشم رَحم ایله، حالیمه، نَفسیمین اَسیرییَم گلمیشم، بوگجه، دردیمی سنه دییَم ای خدا، ای خدا، ای خدای مهربان ________________________ ای عِیبیمی گیزلَدَن، خَلق ایچینده لطفوله ای قوغمییَن بنده سین، جُرمونی بوله بوله مهمان ایدوبسن منی، سفره وین کَنارینه بو قاره پَرونده می، گَل دوباره عَفو ایله رو سیَه، بَندییَم، دوزدی یوخ لَیاقتیم باخ منه، قیل کَرَم، واردی چوخلی حاجَتیم ای خدا، ای خدا، ای خدایِ مهربان ____________________ شَرمنده لیقدان خدا، دوزدی دیده سی تَرَم اُمّیدیله گلمیشم، دَستخالی گِیتمَرَم بوشدور اَلیم خِیریدَن، توشه یوخدی حَشریمه تنها اُمیدیم بودی، اَهلبیته نوکَرَم (بیکَسم)، عفو ایله، خانِدانِ حیدره آندویررّم سنی، خونِ حَلقِ اصغره ای خدا، ای خدا، ای خدایِ مهربان _________________________ #مناجات التماس دعای فرج الاحقر مهدی عبادی

🏴نوحه ضربت خوردن حضرت امیرالمومنین(ع) 🎼در آهنگ «حسین دوشوبدی مقتله»یا تومشکتو به آب زدی ندندی بو سحر باشون ، بویاندی قانه آی بابا ووروبلا باشیوه یارا ، نه ظالمانه آی بابا یوزه گوزدن دائم اشک غم باغلارام من حزین حزین فرقتونده چوخ آغلارام من سیه پوش اوللام بو محنتده من آتا جان سنون مظلوم ئولماقیوا دل داغلارام من یارالی یارالی یارالی یارالی(2) بیر عدل و دادیدن صورا ، یوخ آیری فکر و نیّتین یاخوندی زینبین گوره ، آتاسینین شهادتین نه علته گوره دگوب ، باشا بو کاری ضربتون یانار بو سینه ماتمه ، چکر زبانه آی بابا گلر عرش و فرشیدن صدا وای علی وای ائدوب جبریل عالمه ندا وای علی وای علی ئولدی ، ئولدی عدلین ارکانی والله دئیر آغلار خیرة النسا وای علی وای یارالی یارالی یارالی یارالی(2) کیم آی بابا داغیرداجاق ، یتیم لرین غذاسینی دوتار سحردن هر بیری ، آتاسینون عزاسینی گل ائوده پانسمان ائدیم ، بو باشیوون یاراسینی ساغالماسا گوزوم یاشین ، ائدوم روانه آی بابا آنام قالسایدی یاراوی تئز باغلیاردی یانا یانا آدیوی دئیوب آغلیاردی آنام یوخدی یانّام آغلارام حُزنیلن من سنه زهرا ائللریله یاس ساخلیاردی یارالی یارالی یارالی یارالی(2) سن عین عدلیسن ئوزون ، عدالتین شهیدی سن پیمبرین یورولمیان ، وزیری سن مریدی سن اوروجلوخ آیینین بابا ، شهید رو سفیدی سن شهادتین سنین اولار ، نه عاشقانه آی بابا شهید اولدون سجده حالینده بیت حقده بئله توفیق اولمیوبدی هیچ ما خلقده غریبانه ئولدون آی بابا کوفه ده سن تایین یوخدی ما خلقده ما سبقده یارالی یارالی یارالی یارالی(2) بو کوفه نین وفاسی یوخ ، بیز اهل بیت عصمته دعا ائله بو کوفیان ، یتیشمه سونلر عزته آنام دیوب بو شهریده ، باشون دوشر مشقته نه ظلمیلرکی یوز وئرر، بو باغریقانه آی بابا بیزی کوفه اهلی ایله للر مکدّر باشیمیزا بامیلردن هی کول سپه للر حسینیمین باشینی ووراللار جدایه چکه للر آل اللهی طنابه سراسر یارالی یارالی یارالی یارالی(2) ✍بقلم استاد کربلایی رحیم شایان – ارومیّه

تسلیت امام حسن (ع) به خواهرش در عزای پدر بزرگوارش .. .. #سبک_بالام_آغلاما_گلوم_آغلاما … سن آت اوسته پای پیاده من … دولانور علی قزی مقتلی … .. .. مرحوم تائب تبریزی .. .. بیله توکمه عارضه گوز یاشون آنام آغلاما باجیم آغلاما بابامیز ئولوب ساق اولا باشون آنام آغلاما باجیم آغلاما .. .. بولورم یانور اورگون باشی یانوسان بو سینه وی داغلوسان دولوسان بولود کیمی دمبدم یوزه اشگ حسرتی باغلوسان دولی گوزلریوی دولاندیروب باخوسان منه بیله آغلوسان گل او گوز یاشون سیله قارداشون آنام آغلاما باجیم آغلاما .. .. آنام اوز یرینده قویوب سنی اوزی گیتدی قبره یارائیله آناسیزلارا آنا اولموسان آناتک کمال وفائیله اگر ایمدیده آناسیزلارا ویره سن تسلی صفائیله نه که عارضه آخا گوزیاشون آنام آغلاما باجیم آغلاما .. .. باجی آغلیانده بو رسم دور گوزی یاشلی قارداشی آغلادار پوزولان حسینی می گور پوزار بو آخان گوزون یاشی آغلادار بوحسینیم آغلاسا یر گویی داغی آغلادار داشی آغلادار ایده ناله قویما بو قارداشون آنام آغلاما باجیم آغلاما .. .. باجی طاقتیم توکنور منیم سئچورم بو حال تباهیوی اورگیم یانور دولوری گوزوم گورورم بو طرز نگاهیوی بیله یانما ایلمه اودلانان اورگونده شعله ور آهیوى توکور اود بو آه شرر پاشون آنام آغلاما باجیم آغلاما .. .. هله بو باشوندا دولانمیوب قره تللرون باجی جان آغا هله ورومیوبدى عدو سنون اورگون باشندا داغی داغا قوی اوزین بولود کیمی غم دوتا باشوا یاغیش کیمی غم یاغا گنه دؤز خم ایلمه اوز قاشون آنام آغلاما باجیم آغلاما .. .. آنامین عزیزه قزی باجیم غمی اود سالان هامی دللره هامی ایل لر- ائللر آرا دوشن سوزی صحبتی هامی دیللره سنی سالمیوبله مدینه دن هله داغ داشا هله چوللره فلک آتمیوب اوزاقا داشون آنام آغلاما باجیم آغلاما .. .. سنی هربلا دولانار تاپار دوشه سن بلالی بلایه سن بو حسینی میله شریک سن دیدوقون او لفظ بلایه سن هله دوز بو گوز یاشیوی آپار اوزویله کرب و بلایه سن اولار اوردا گوز یاشی یولداشون آنام آغلاما باجیم آغلاما .. .. او بلا چولونده بلا یاغار غم و غصه باشدان او گون آشار هامی دل شرار غمه یانار هامی گوز دولار هامی گوز داشار آنا اوغلونا باجی قارداشا همی اوخشیوب همی آغلاشار داخی مین غمون اولی بیر باشون آنام آغلاما باجیم آغلاما .. .. سنه تائبا اولوب آشنا کوچه مشگی آدلی او نوحه خوان بو یانقلی سوزلری یازدیروب بو سلاستیله او لوب روان یولوزی مزارینه بیر سالون ایلیون بو سر سخنی بیان بیله توکمه عارضه گوزیاشون آنام آغلاما باجیم آغلاما

شعر جدید نوحه 🏴شهادت حضرت علی علیه السلام 🎼به سبک کاروان رفته منزل به منزل فرق حیدر بوگون یاره لندی داغ زینب گنه تازه لندی کوفه شهری اولوب غرق ماتم مرتضانین باشی پاره لندی آل طاها گنه گیدی قاره مرتضانین باشی اولدی یاره 2بار دست کینه ائدوبدی خیانت قانه غرق اولدی عدل و عدالت لرزه دوشدی بوگون نه سمایه عالم اولدی بو تون غرق محنت آل طاها گنه گیدی قاره مرتضانین باشی اولدی یاره 2بار قانیله دولدی محراب حیدر گویده شیون ائدوبدی ملکلر قدسیان گلدی یکسر فغانه غصدن صولدی الله اورکلر آل طاها گنه گیدی قاره مرتضانین باشی اولدی یاره 2بار ابن ملجم وروب یاره باشدان آخدی قانی یئره قاره قاشدان داغدار ائتدی اهل ولانی سختیدی ملجمین قلبی داشدان آل طاها گنه گیدی قاره مرتضانین باشی اولدی یاره 2بار یخدی شمشیر کینه علینی آغلادوب داغ حیدر نبی نی گیتدی دنیادن عدل و عدالت قاره پوش ائتدی عرش برینی آل طاها گنه گیدی قاره مرتصانین باشی اولدی یاره 2بار باشینی دشمن ائتدی نشانه آغلادوب زینبی یانه یانه لخته قان اولدی غملی اورکلر جبرئیل گلدی الله فغانه آل طاها گنه گیدی قاره مرتضانین باشی اولدی یاره 2بار 🙏🏼ملتمس دعا ✍بقلم حاج مهدی ملکی زنجانی _______________

نوحه شهادت حضرت علی علیه السلام با اجرای زیبای سرور عزیز بزرگوار حاج مرتضی پناهی شب بیست و دوم رمضان در بیت الرقیه زنجان شعر از مهدی ملکی زنجانی ملتمس دعا مهدی ملکی

ضربت خوردن حضرت علی ابن ابیطالب ع به آهنگ یخلدی سقا یره باش یارالی قان ویرور ▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪ کوفه ده شق القمر اولدی یا رسول الله محراب علی قاندان دولدی یا رسول الله دوشدی راز و نیازه امیرالمومنین اولدی قربان نمازه امیرالمومنین یاعلی یاعلی شیعه لر فداسنه 2 دین اوسته اوز قانینه باتدی شاه لافتی' گوزیاشین خون دله قاتدی فخراوصیا قاپیسی یانان گوندن اولدی درده مبتلا زهرا ئولن گون علی ئولدی یا رسول الله کیم دوزر-محرمین-ایوینده دشمن وورا اهل کین- درگهین- ظلم اودیلا یاندیرا یاعلی یاعلی شیعه لر فدا سنه2 حشر اولونجا آغلارام بو یانقلی نسگله حمل ایدوب حسین و حسن مرتضانی منزله بو حالی زینب گوروب آغلادی گلوب دله سسلندی ایوای بابام ئولدی یا رسول الله زینبین---حالینه---آشنالر آغلادی وئردیلر سس سسه همنوالر آغلادی یاعلی یاعلی شیعه لر فدا سنه2 دئدی عجب باشوون ماجراسی وار بابا بو قصه دن زینبون ابتلاسی وار بابا قاباخدا حسینوین کربلاسی وار بابا قلبینی خدنگِ غم بولدی یا رسول الله یوخ آنام تا تا تاپا یاره وین دواسینی گل اوزوم باغلییم باشوون یاراسینی یاعلی یاعلی شیعه لر فدا سنه فدا #دلجو# کانال اشعار اصغر گلمحمدی متخلص به (دلجو )

🏴نوحه ضربت خوردن حضرت امیرالمومنین(ع) 🎼در آهنگ «حسین دوشوبدی مقتله»یا تومشکتو به آب زدی ندندی بو سحر باشون ، بویاندی قانه آی بابا ووروبلا باشیوه یارا ، نه ظالمانه آی بابا یوزه گوزدن دائم اشک غم باغلارام من حزین حزین فرقتونده چوخ آغلارام من سیه پوش اوللام بو محنتده من آتا جان سنون مظلوم ئولماقیوا دل داغلارام من یارالی یارالی یارالی یارالی(2) بیر عدل و دادیدن صورا ، یوخ آیری فکر و نیّتین یاخوندی زینبین گوره ، آتاسینین شهادتین نه علته گوره دگوب ، باشا بو کاری ضربتون یانار بو سینه ماتمه ، چکر زبانه آی بابا گلر عرش و فرشیدن صدا وای علی وای ائدوب جبریل عالمه ندا وای علی وای علی ئولدی ، ئولدی عدلین ارکانی والله دئیر آغلار خیرة النسا وای علی وای یارالی یارالی یارالی یارالی(2) کیم آی بابا داغیرداجاق ، یتیم لرین غذاسینی دوتار سحردن هر بیری ، آتاسینون عزاسینی گل ائوده پانسمان ائدیم ، بو باشیوون یاراسینی ساغالماسا گوزوم یاشین ، ائدوم روانه آی بابا آنام قالسایدی یاراوی تئز باغلیاردی یانا یانا آدیوی دئیوب آغلیاردی آنام یوخدی یانّام آغلارام حُزنیلن من سنه زهرا ائللریله یاس ساخلیاردی یارالی یارالی یارالی یارالی(2) سن عین عدلیسن ئوزون ، عدالتین شهیدی سن پیمبرین یورولمیان ، وزیری سن مریدی سن اوروجلوخ آیینین بابا ، شهید رو سفیدی سن شهادتین سنین اولار ، نه عاشقانه آی بابا شهید اولدون سجده حالینده بیت حقده بئله توفیق اولمیوبدی هیچ ما خلقده غریبانه ئولدون آی بابا کوفه ده سن تایین یوخدی ما خلقده ما سبقده یارالی یارالی یارالی یارالی(2) بو کوفه نین وفاسی یوخ ، بیز اهل بیت عصمته دعا ائله بو کوفیان ، یتیشمه سونلر عزته آنام دیوب بو شهریده ، باشون دوشر مشقته نه ظلمیلرکی یوز وئرر، بو باغریقانه آی بابا بیزی کوفه اهلی ایله للر مکدّر باشیمیزا بامیلردن هی کول سپه للر حسینیمین باشینی ووراللار جدایه چکه للر آل اللهی طنابه سراسر یارالی یارالی یارالی یارالی(2) ✍بقلم استاد کربلایی رحیم شایان – ارومیّه

🏴نوحه شهادت حضرت علی(ع) ▪️زبانحال حضرت زینب(س) ✍شاعر : کربلایی علی عبدی زنجانی یانیرام شرار مصیبته آنا غسلوی وئرن ئولدی گل قاپونین دالیندا کی میخیلن سینه یاره سین گورن ئولدی گل تک قالمیشام سس وئر آنا مظلوم بابام باتدی قانا 🏴🏴🏴🏴🏴 آنا زینبون قره معجرین گرک ایندی باشینه باغلیا اَلی باشدا گوشه ی خانه ده اوتوروب باباسینه آغلیا توکه حسرتیله گوزون یاشین بابا وای دیوب سینه داغلیا گوزی یاشیلن اورگین سوزون قویولاره تک دییَن ئولدی گل تک قالمیشام سس وئر آنا مظلوم بابام باتدی قانا 🏴🏴🏴🏴🏴 دل و جانیلن آنا دوقوز ائیل سنه یار و همدمدور بابام او زمان کی ناخوشودون آنا دولاناردی باشیوه صبح و شام گوزونون یاشیلا یواش یواش سنه آغلیاردی بابام مدام او کی خاطرین سنون هامیدان اورگینده چوخ سووَن ئولدی گل تک قالمیشام سس وئر آنا مظلوم بابام باتدی قانا 🏴🏴🏴🏴🏴 نقدر بو دینه گروه بابام ییدی خون دل گئجه ، گوندوزی دیدی حقی خشمیله اشقیا اوتا چکدیلر بیزیم ئویموزی بوغازیندا زهریلی استخوان مثل تیکان اولونوب گوزی اوتوروبدی گوشه ی خانه ده قوجالان او غُضه دن ئولدی گل تک قالمیشام سس وئر آنا مظلوم بابام باتدی قانا 🏴🏴🏴🏴🏴 بابامین باشی آنا سجده ده ایتی شمشیریله دونیم اولوب پوزولوبدی حال عبادتی یخیلوبدی حالی وخیم اولوب گنه ده او کوفه یتیملری دییه سن دوباره یتیم اولوب گئجه لر طعام و غذاسینی او یتیملره وئرن ئولدی گل تک قالمیشام سس وئر آنا مظلوم بابام باتدی قانا 🏴🏴🏴🏴🏴 نئچه ائیل گئچوب بو زمانه دن یخیلوب حسین او چوخور یئره بیری نیزه و بیری داش بیری اوخ آتوبدی یاره لی پیکره سینه سینه شمر دغا چیخوب اَل آپاردین بیردن او خنجره دیدی اوندا زینب آنا ، بالان سوسوز اَلده بی کفن ئولدی گل تک قالمیشام سس وئر آنا مظلوم بابام باتدی قانا والسلام

. #زمزمه #ترکی #مناجات_با_خدا #سبک_دامن_کشان_رفتی یارب/ گینه گلدیم/ بو درگاهه مهمان۳ باشدان / باشا دَردم/ اوزون اِیْله درمان۳ اگر بنده ن /سندن / قوخمییوب یارب قوناقینی / هیچ کیم / قوغمییب یارب گورنجه دَربَدَرم / رئوف آللهیم ۳ بنده وَم اِیْله کَرَم/ رئوف آللهیم۳ ...... از بَس / غمیم چوخدی/ دیله گَلمیشم من۳ یوز یول / سینوب توبه م‌ / گینه گَلمیشم من۳ خطاکارم / یانماخ / فکرین اِیلیردیم درِ رَحمت/ آچدین /یوخسا نِیلیردیم وار مَگر منیم هارام/ رئوف آللهیم۳ من همان قاچان قولام / رئوف آللهیم۳ ...... سِیلِ / خطا یارب/ آشیبدی باشیمدان۳ اولدوم / سَراَفکنده / امامِ زماندان۳ سینیب قلبی/ مندن/شرمسارم من کوسوب مندن /یوخسا /بیقرارم من من آقامدان اوزاقام / رئوف آللهیم۳ بیر خجالت قوناقام/ رئوف آللهیم۳ #مناجات الاحقر #مهدی_عبادی .👇

یابن الحسن جدون علی زهرایه مهماندی بیت علیده بو گجه شام غریباندی دللر دولی قاندی زینب پریشاندی . . باش ساقلیقی ویروخ سنه حالون پریشاندی جدون حسین تک غصه دن قلبون دولی قاندی بو شیعله لر ماتم دوتوب نالان و گریاندی گویده ملک لر آغلاشور محشر نمایاندی . . مشکل لری حّل ایلیین اللر گیدوب قبره باشدا یارا دلده یارا تابع اولوب جبره شمعی سولان پروانه لرمجبور اولوب صبره ماه مبارک دی ولی دللر دولی قاندی . . آغلور دیورمظلوم حسن گوندوز گونوم باتدی دین دردی یور موشدی اونی با شدا یارا یاتدی اشک غمین اهل ولا خون دله قاتدی الان مزار ایـچره آنان دلدن نوا خواندی . . ایوای بابا وای سسلوری ایندی حسینآغلور عمّن خانم زینب بو گون اوز سینه سین داغلور ایتام کوفه گوز یاشین رخسارینه باغلور روحون غم دنیا یوران طاهایه مهماندی . مُلجم بالاسی جیفۀ دنیایه آلّاندی بیر ظلم ایدوب دور مرتضی باشدان یارالاندی کشف حجاب اوسته بوگون دین اهلی نالاندی بغض عدو اولدی عیان زینب پریشاندی . بولموردی مولاسی مگر نور هدایت دور مولای کلّ ماسوا شاه ولایت دور اهـل ولانون سروری شمس امامت دور عاجزدی دللر وصفینه مبهوت و حیراندی . قرآندا آیه شانینه قرآنه زینت دور هم سالک دین رهبر اهل حقیقت دور هم تاج دار انمّا روح شریعت دور مَنْ کنْتُ مولا سویلیوب مولایه عنواندی . ساقی کوثر معدن جود و سخاوت دور رفتاری حق گفتاری حق حقدن عبارت دور هم جانشین حضرت ختم رسالت دور شأنینده حیراندی عقول قرآنه قرباندی . یابن الحسن صاحب عزا سنسن بو ماتمده سن ملجأ شاه و گدا هم بریّده یَمده سن بُول علی جدون آقا باش چک اُولن دمده «عدلی» اورکدن اودلانور بو غمده گریاندی . .

ضربت خوردن ابر مرد تاریخ حضرت علی ابن ابیطالب ع 🌴🌴🌴🌴🌴🌴🌴🌴🌴🌴🌴🌴🌴🌴 واویلا واویلا آه و واویلا قانه باتوب حیدر آغلوری زهرا یاامیرالمومنین یاعلی حیدر(4) 🌴🌴🌴🌴🌴🌴🌴🌴🌴🌴🌴🌴🌴🌴 کوفه مسجدینده شق القمر اولدی بو شق القمردن گلزار دین سولدی محراب علی بوگون قانیله دولدی یخلوب ارکان دین آغلوری دنیا یا امیرالمومنین یا علی حیدر(4) 🌴🌴🌴🌴🌴🌴🌴🌴🌴🌴🌴🌴🌴🌴 ایتام کوفه تکوب گوز یولا گوزلر خبر یوخ علیدن غصه لیدی سوزلر سارالیب بو گیجه علی اوپن اوزلر یتیم لر سسلوری بس هاردادی بابا یاامیرالمومنین یاعلی حیدر (4) 🌴🌴🌴🌴🌴🌴🌴🌴🌴🌴🌴🌴🌴🌴 ای مسجد کوفه علی داخی گلمز یتیم لر یوزی علی سیز داخی گولمز هیچ کیم سنون قدرون علی کیمی بولمز حیدر باتوب قانه آغلوری دنیا یاامیرالمومنین یاعلی حیدر(4) 🌴🌴🌴🌴🌴🌴🌴🌴🌴🌴🌴🌴🌴🌴 ای نخلستان کوفه همدمون ئولدی قویولارین همدمی دلغیمن ئولدی دنیاده اوجالدان دین پرچمین ئولدی یخلدی ارکان دین آغلوری زهرا یا امیرالمومنین یاعلی حیدر(4) 🌴🌴🌴🌴🌴🌴🌴🌴🌴🌴🌴🌴🌴🌴 #دلجو# کانال اشعار اصغر گلمحمدی متخلص به (دلجو )