بلایه آغوش آچانیم لای لای بهشته روحی اوچانیم لای لای ایاق یالین یولدا گئجه یاری تیکانلار اوسته قاچانیم لای لای ئولونجه قاره گینیم لای لای همیشه غصه یینیم لای لای هامی یاتانان صورا آخشاملار حسینه نوحه دینیم لای لای خرابده آج ئولنیم لای لای یوزی ئولنده گولنیم لای لای یارالی قلبین آتا هجرینده جفا خدنگین بولنیم لای لای فغانه غمدن گلنیم لای لای عجل سرشکین سیلنیم لای لای خـــــرابه کنجینده بـــــــــلالـــــــردن گوزون یوموم دینجلنیم لا لای جفای زجره دوزنیم لای لای ستاره مثلی سوزنین لای لای

بی وفایی دنیا ای دل ندور بهانه بئله بی قرارسن دنیادن اوتری بیر بئله بی اختیارسن بیجا یره ئوزون وروسان آب و آتشه دائم اسیر دامن گرد و غبارسن بیر گون گلوب سنیده قوجاقه آلار اجل سنده گدنلرون کیمی بی اعتبارسن دنیا وفا نه شاهه ایدوب نه گدالره باقی فقط خدادی عبس انتظارسن اوچ گونن اوتری باغلا ما بئل دار فانیه دنیا طناب داریدی محکوم دارسن بیر گون سنی مزاره قویار اقربالرون ناز ایلمه که صاحب ایل و تبارسن اوچ گون سنه عزا دوتاجاخ ایستینلرون دوردومجی گون غریبه شهر و دیارسن ایل و تبار و شهرت و ثروت بهانه دور اعمال خیرون اولسا یقین رستگارسن قورخوم بودور که خیر عملون کم گله اوگون اعمالون اولماسا هدف مور و مارسن

حالات یتیم یتیم اوشاق گله آه وفغانه قویمازلار دوتاندا آه و فغانه بهانه قویمازلار دولاندا قلبی گوزون دولدوراندا حسرتیله اوجالدا ناله سینی آسمانه قویمازلار سیلَلَّه گوزیاشینی باشینه چکللر ال سرشکینی یوزه ائتسون روانه قویمازلار یتیم آغلاسا عرش خدا تزلزل ائدر یتیم گلسه اگر الامانه قویمازلار فرحلَنَر بیری گر خوش دیلیله دیندیرسه بسان غنچه دونه قلبی قانه قویمازلار کباب ائدر آناسین نسگلی یتیم اوشاقین چون احترام اونا اهل زمانه قویمازلار لباسی کهنه اولار وضع حالی پژمرده گئده سیاحته گر گلستانه قویمازلار یتیم آدی ائشیدنده اؤرک دؤنور قانه ولیک آغلاماقا عاشقانه قویمازلار معاینه گورورم اهل بیت دؤرین آلوب سیزیلدیا گله آه و فغانه قویمازلار دیله دوتالّا مبادا بابا آدین گتوره گتورماقا بابا آدین زبانه قویمازلار #حسینی پاک اول ئوزون سال بو آستانه دخیل که مجرمی بو گوزل آستانه قویمازلار

گلی درمرم ، یره سرمرم ایکی دنیانی ویرسلر سنی ویرمرم دنیا بیر یانا ، آتا بیر یانا ائلیم دایاقیم ، یانان چراغیم آتا گتدون سونوب داها ایویم چراغیم دنیا بیر یانا آتا بیر یانا سنه آغلارام ، یاسون ساخلارم سنون یاسیندا آی آتا قرا باغلارام دنیا بیر یانا آتا بیر یانا

بولمزدیم آتا گون کیمی آخشام باتاجاخسان بولمزدیم آتا عالمی گوزدن آتاجاخسان بولمزدیم آتا قبریده منسیز یاجاجاخسان کیم دوزر منده دوزم بیر بئله هجرانه آتا دیون بو مجلسه بیر گوزلری دولان گلسون الین قویوب بئلینه آرخاسیز قالان گلسون اگر بو مجلس آرا قارداشی ئولن اولسا دیون حسین کیمی عباسه بیر آغلیان گلسون (قارداشین او یامان لحظه لرینده قارداشی یادینه دوشر الله گورستمسین قارداشین او چتین لحظه لرینده قارداش چاغرار قارداش، الله هیچ قارداشین گوزلرین یولدا قویماسین قارداشین او جان ویرن ساعت گوررسن اله گوزی باخور قاپیا الله قارداشین گله آخرین لحظه الرین سالار قارداش بوینونا اما سیدالشهدا گلدی ابوالفضلین باشی اوسته اله یانایانا دییر عباس) دیمیرم بو تلین اوستون منیله دوروب آشیدوخ دیمیرم سو مشکی الده خیمیه یاخنلاشیدوخ نه دییرم ابوالفضل؟ دییرم قولون اولیدی بیرده بیر قوجاخلاشیدوخ

ارزش حسینیان وقتی که از دنیا میرن کیم دیلده حسین آدین ایدوب اَزبَر آپاردی قبره الی بوش گیتمدی بیر گوهر آپاردی تپراقدا خیانت ایلمز عشق حسینه قبر ایچره بولر گوهر جان پرور آپاردی چوخ گورمشوخ عالمده ئولن وقته حسین‌چی قبره نه جلالیله اونی اِللّر آپاردی گیت مجلس ترحیمینه باخ جاه و جلاله گور عشقیدی یا مسئله دیگر آپاردی بو عشق قمارینده بلی هیچ کیم اوتوزماز اوّل اوتوزندا گوروسن آخر آپاردی هر کیم کی جوان عمرینی بو یولدا اوتوزدی آخر بله گوردوک آقادان نوکر آپاردی هر کیم کی بو درگهده قوجالدوقجا اوجالدی باشی آغاران رتبه‌ی والاتر آپاردی چوخ آغ گونه چخدی قره تپراقلارون آلتدا هر کس قره دسمالیلن اشک تر، آپاردی فکر ایلمه‌سن آغلادون اشگون هدر اولدی زر قدرینی از بس تانیدی زرگر آپاردی سن گورموسن امّا دولانور شیشه‌‌سی الده گوز یاشلارینی فاطمه‌ی اطهر آپاردی (بیر امام حسینچینین مجلس ترحیمیدی هریانان گلوبلر دده سی ئولن بالالارا عزیزی ئولنلره تسلیت دیلر الان نچه گوندی بو دده بالالارینان آیرلوب ، حتما بو نچه گونده بالالارینون گوزی چاتاشور دده نین او بوش یرینه ) چشمه منیم چای منیم ای..... اولدوز منیم آی منیم ای....... والله سن ئولن گوندن ذکریم اولوب وای منیم ای..... (دده نین ایکی دنه اورینده آرزوسی اولاراولین آرزوسی اولار اولین آرزوسی بایرام گونلری آرزوسی اولار الله منیم بالالاریم گله کناریمه ایکیمجی آرزوسی ده بو اولار الله من ئوز ائلیمین چینینده گیدم قبره الله هیچ ایوی دده سیز المسین والله دده سیز ایوین ارزشی اولماز ایستریم اوریزی بیر دولاندرام کربلایه بئله دیرم خانواده معزا هر یانان گلوبلر سیزلره تسلیت دیه لر آخی پیغمبرین فرمایشیدی بویوروب گدین دده سی ئولنلره تسلیت دیون دییرم آرزوزا یتیشدوز بو باره دن که هامی گلدی سیزلره تسلیت ددیلر شرمنده اولمادوز اما بیر اوغولدان خبریم وارکربلاده زینب دیر روز عاشورا گونی گوردوم امام سجادآقا الین قویوب اورینون باشینا اله یانایانا آغلورگلدیم یاخنا اوغول سجاد سن بئله آغلیاندا من بو اوغلی ئولن ننه لری قارداشی ئولن باجیلاری آتاسی ئولن بالالاری نجه آرام الیوم دیدی عمه بیر قتلگاهه باخ گور قتلگاهیده نخبر وار) یارالینی سوینازلار ای..... سویوب یرده قویمازلار ای..... یارالی ئولسه مگر اونی قبره قویمازلار ای..... (هامی گلیب خانواده معزایه تسلیت دیلر اما هیچ یاندا گورونمویوب قارداشی ئولنده دل یاراسی ورالار هیچ یاندا گورونمویوب دده سی ئولنه شمادت الیلر زینب بیر باخدی اویارالی جنازیه ) یوخ سوزوم هر باجینون قارداشی دعواده ئولر رسمیدور خوش دیلیلن تسلیت اما ویره لر کیم گوروب باجینی قارداش باشی اوسته دویلر

✅ الّلهُمَ ارحَمنا اِذا عرق الجبین منه یا رب ترحم قیل   ئولنده                                                                 اجل پیکی باشیم اوسته   گلنده                                                                                 اودم کی زندگیمون باغی سولدی                                                                           قوتاردی  عمر  گیتمک   وقتی اولدی                                                                                 عجین اولدی سویوق تَرنن    جبینیم                                                                              اوجالدی ناله  و داد و  انینیم                                                                                   او دم مایوس اولار  مندن    طبیبیم                                                                           منه  آغلار  هامی یارو     حبیبیم                                                                                        یانار نارفراقه قلب ریشیم                                                                     وداع  ایلر  منیلن قوم و   خویشیم                                                                          کفنه جسم رنجوریم  بوکللر                                                                                 قویوب قبره صورا تپراق   توکللر                                                                             بیری اولماز کمک بو بیقراره                                                                             قویاللار صاق یوزی خاک  مزاره          او وقته رحم ایله ای قادر  الله                                                                        کی سنسن اوّل وهم آخر الله                                                                                  اودم کی آشنادن ال ئوزولدی                                                                                    مزاریم اوستنه داشلار  دوزولدی                                                                                   قرانلوق یرده ساللام   شور و شینی                                                                       چاغیرام دادیمه مظلوم    حسینی                                                                              آقا امدادایله بیر یارو کس و یوخ                                                                              منه سندن صورا بیر دادرس یوخ                                                                               الیمدن دوت آقا زار وغمینم                                                                             قرانلق یرده بی یارو معینم                                                                                 اگر چه خادم  دربار     شاهم                                                                               ولیکن غرق دریای گناهم                                                                                      منه  یوخ چاره ی دیگر حسین جان                                                                                کی سنسن  شافع محشر حسین جان      

مداحی ترکی (خادم‌ امام حسین (ع) حسینون عاشقی بو دهریدن وقار آپارار عزیز فاطمه دن لطف بی شمار آپارار حسینی دوز تانیان ذره کج یولا گتمز طلای خالص اولار محشره عیار آپارار توکنده گوز یاشینی اخلاصیله مجالسده گلر ملکلر اوگوز یاشلارین یغار آپارار دیمه بو گوز یاشی بیهوده دور من آغلامارام بواون گناهیوی بیر قطره سی یوار آپارار ولی بو شرطیله که حق الناسی رد ایده سن تاپلسا مدعی بول الدن اختیار آپارار خدا ئوزی بویوروب گچمرم من حق الناس گلنده صاحب حق حقینی آلار آپارار حسین آدی دیل آچانان دیلیمون ازبریدی ستوده نوکر اولام رتبه م صد هزار آپارار

سینه زنی حضرت ابوالفضل(ع) سیدی داده گل دورمی گل آلوبدی لشکر یالقوزام من حسین حسین کسیلدی یولاریم ، دوشوبدی قولاریم یاتوب علم قارداش، یالقوزام من حسین حسین یارالیام قارداش (۴) مشکیمده سویوخدی قیزلارا ده حسین خیامه بیرده قارداش گلنمرم اورک غمه یاخدیم ، سو آخدی من باخدیم نه ال قالوب نه سو ، بیرده قارداش گلنمرم یارالیام قارداش(۴) قان دولوب گوزومه خیمه سمتی هایاندی قارداش یولاری من ایتیرمیشم یتن ورور داش اوخ ، باشیمدا صاف یر یوخ اولار ورور اما ، یولاری من گورنمیرم یارالیام قارداش(۴) قانادسیز بیر قوشام هر یتن بیر یارا ورور گل تئز گل الرده قالمشام ورولا پیوسته ، دای اولموشام خسته یارالی باش اوسته ، کشمکشدی یورولموشام یارالیام قارداش(۴) چالدیلار طبل و دف مرکبیم رم یدی برادر قاچدی مرکب صاقا صولا ایاق اوزنگیده ، ایلیشدی بند اولدی دوشنده مرکبدن گیتدی یرده یوزوم حسین هرایه گل قارداش ، هرایه گل قارداش(۴) دلگیرم غصه دن اصغرین فکری باش و جاندان قارداش عباسی سیر ایدور رقیوی قارداش ، گتیرمه قتلایه یوزونه بیرده من ، خجلتیمدن باخانمارام هرایه گل قارداش(۴)

سینه زنی بسته شدن راه فرات بو گجه آل علی ناله سی عرشه اوجالوبدی خیمه لرده سوتاپلمیر بالاقیزلارسارالوبدی تشنه لر صبرینیسوز عطش الردن آلبدی ایش ابوالفضله قالوبدی بیرطرفده آنالار قلبه محن تیری تاخاردی بیرطرفده بالا قیزلار بویلانوب نهره باخاردی ولی بیریاندا فراتون سویی صحرایه آخاردی یاندروب قلبی یاخاردی ایش ابوالفضله قالوبدی علی لای لای علی لای لای(۴) بیرطرفده سوایچیب کوفه وشام اهلی توخیدی بیر طرف خیمده دردوغم واندوه چوخیدی صودامر تشته یانیردی/آناسندا سویوخویدی سو سوزی اوخدان اوخیدی/یاندریب قلبی یاخردی ایش ابوالفضله قالوبدی علی لای لای علی لای لای(۴) نار محنتده رباب سینه سینی داغلادی آخر سس ویریب اصغرینه اشکی یوزه باغلادی آخر الین هر یردن اوزوب باخدی بیرآز آغلادی آخر الینی باغلادی آخر(۴) صبح اولونجا بالانین چکدی نقدری آنانازین نقدر ایتدی مناجات وادا ایتدی نمازین رفع ایده بولمدی آخربالانین دلده نیازین هی اوپوب تشنه بوغازین/یاندریب قلبه یاخوردی ایش ابوالفضله قالوبدی تشنه ام منده علی سن کیمی بی تاب وتوانم سری واردور بله تیر غم وآلامه نشانم نقدر حرمله واردی بالا سندن نگرانم نی کیمی غرق نوایم(۴) دله دلگیریمه رحم ایله علی غم اوخی تاخما یاندریب خجلته یاخما بویانان قلبیمی یاخما الریم اوسته بوقدری بالا ضعف ایلیوب آخما یوخ صودوم سینمه باخما علی لای لای علی لای لای(۴)

زبانحال خانم لیلا به حضرت علی اکبر(ع) یاواش یری ایاخلاشاخ آنا بالا قوجاخلاشاخ گیت سنه گوزلریم فدا من دوزرم فراقوا حاشا بو خیمدن چخوب بیرده گلم سراغوا عمه لرین گلینجه قوی بیر دوشنیم ایاقوا علی علی علی بالام علی علی علی بالام (علی علی علی اکبرعلی علی علی اکبر) (روضه) گوردوله یانا یانا دیور اوغول نقدر خیمده سن هیچ یره باخما منه باخ گوروسن آیرلقون خیمده طوفان یارادوب من بو چولون غریبیم آز منی دل کباب اله گل دانشاق اورک سوزون یغ اونی بیر کباب اله چون سفر اوسته سن علی دیندیر اوغول ثواب اله علی علی علی بالام علی علی علی بالام علی علی علی اکبرعلی علی علی اکبر) (روضه) هامی گوزلر منی گوزلر نجه آننان اوپوم دوشموشم در نهانه بودا بیر گوندی بالا

زبانحال امام بر بالین حضرت علی اکبر(ع) قوری یرده نقشه ی قامتون ایلیوب قیامت اوغول علی ایویمی یخوب بِئلیمی بوکوب بیله سروقامت اوغول علی قدرت الی جمالیوی حسن رسوله اوخشادوب عزوجل فروعیده عین اصوله اوخشادوب حیف اولا سینیوی ولی عمر بتوله اوخشادوب سینیده بیر.............. بوقوشون شمادت ایدور منه باشون اوسته چوخ اوتورانمورام گولوشولر آغلیا بولمورم سویونوله من دایانامرام باشیم اوسته دشمنیم ال چالور هله من ایاقه دورانمورام   یتیشوبدی فرقیوه بیر یارا بوریوب جمالیوی تازه قان دیریلیقدان ال یوموشام علی باشیوا بو یاره دگن زمان منی اُلدوررر سنون اُلماقون نه لزومی اُلدوره کوفیان بو باشونداکی یاره مرگیمه چوخ ایدر کفایت اوغول علی   ایده لر شکاف بو سینمی که قدر که قلب اولا آشکار اورگیمده اوندا باخان گورر باشیوین یاراسینون عکسی وار گله باشه هر نه بلا یلی اونی ضبط ایدر دل داغدار اورگیمده دور بدنونده وار نه قدر جراحت اوغول علی   سسیوه خیمده ویرنده سس بولورم بو سرّی بولوب آنان صفحات دفتر عیشیدن آدینی به کلّی سیلوب آنان هله دور خیامه گیداخ گوراخ بو غمونده بلکه اُلوب آنان چون اوغول غمینده آنا چتین ایدر استقامت اوغول علی   دی گوروم یاتوبدی بو گوزلرون هله سیر عالم خواب ایدر گوزیوین یومولماقی یا اوغول من بینوایه جواب ایدر بیله که یامان گونه قالموشام منی بلکه اوزگه حساب ایدر گورورم گوز آچموسان ایلورم بو قدر سماجت اوغول علی     نه روادی من گونه اوخشادام یوزون ای جوان مَلَک سیر آزالار شعاع و ضیاسی چون گونه هر گوز ایلسه چوخ نظر ولی بو جماله باخاندا من گورورم ایشیقلانوری بصر گوزیمون ضیاسینی آرتیرور بیله بیر ملاحت اوغول علی   منی نیمه جان ایلیوب غمون بولوسن اوزونده بو نکته نی گوروسن که گلموری دیزلریم نجه خیمیه آپاروم سنی دور ایاقه دوت الیمی علی سن اوزون خیامه آپار منی قوجالیق زمانیدور ایله اوز آتاوا حمایت اوغول علی   عرصات حشریده یاحسین آتا اوغلینی ایتیرن زمان یوزی قاره منزویه مگر کیم او های و هوده ویرر جنان نولی شاهزاده ی اعظمه او زمان منی ویره سن نشان دیه سن او روسیه گیدوب قیل اوزون شفاعت اوغول علی نه بلیمده تاب قیام وار نه دیزیمده طاقت اوغول علی