در قالب شاخسی ، واحد ، زمینه(وصال تبریزی)
دل وقف اولونوب جانانه گوره
جان نذریدی بو پیمانه گوره
دیوانه سویونر دیوانه گوره
یاحسین جان ، یاحسین جان ، وصلیوه دل تلسیر
یاحسین جان ، یاحسین جان ، باخ نجه گویلوم اسیر
انت و نعم الامیر
بو سوز اوسته من آند ایچرم
عشقونده حسین جاننان گئچرم
مولانا حسین
خوشدور گوره گوز مولا حرمون
عرش اهلین ائدن شیدا حرمون
لیلا و مولا و آقا حرمون
یاحسین جان ، یاحسین جان، بیله بولوط دولار هیچ
یاحسین جان ، یاحسین جان، گور بئله گل سولار هیچ
گور بئله هجر اولار هیچ
قاره نون آقا خلعت بیچرم
عشقونده حسین جاننان گئچرم
مولانا حسین
عشقوندی چکن رسوایه بیزی
تاپشور اوز آنان زهرایه بیزی
زهرایه ، مولایه ، سقایه بیزی
یاحسین جان ، یاحسین جان، قلبیده درد فراق
یاحسین جان ، یاحسین جان، فاصیلمیز چوخ اوزاق
من ایران سن عراق
هجرین آجی زهرینون ایچرم
عشقونده حسین جاننان گئچرم
مولانا حسین
عشقین ائلیوب دل اهلینی مات
مصباح الهدا ، کشتی نجات
برکات ، حسنات ، عالی درجات
یاحسین جان ، یاحسین جان، اماندی آتما منی
یاحسین جان ، یاحسین جان، یادان چخاتما منی
اوزگیه قاتما منی
وصفونده اورکدن سوز سئچرم
عشقونده حسین جاننان گئچرم
مولانا حسین
سبک👇👇👇👇👇👇👇👇👇
وار قلبیلرده بیر شور وغوغا
گلدی گینه ماه غم و اندوه مولا
فرزند زهرا
♪♪♪
عرش خدایه قاره چکوبلر
رخت عزا گییدی گینه جنّتده زهرا
دلبند طاها
♪♪♪
گلدی ماه ناله و غم
یاسه باتدی اهل عالم
یتشوب ماه محرم
♪♪♪
تسلیت ویر شیعیانه
واردی دیللرده ترانه
سسلیولر یانه یانه
♪♪♪
اَنت فی قلبی حسین جان
اَنت فی قلبی حسین جان
اَنت فی قلبی حسین جان
♪♪♪
درگاه پاکون باب ولادی
بو آستاندا یا حسین شهلر گدادی
باب رجادی
♪♪♪
ای شاه خوبان گَل ایله احسان
ششگوشه عشقی باشیمه دوشدی حسین جان
ای جان جانان
♪♪♪
پور سلطان نجف سن
گوهر عشقه صدف سن
مایه ی عزّوشرف سن
♪♪♪
ای حجازین پادشاهی
عالمین سن سن پناهی
قسمت ایله خیمه گاهی
♪♪♪
اَنتَ فی قلبی حسین جان
اَنتَ فی قلبی حسین جان
اَنتَ فی قلبی حسین جان
♪♪♪
غملر الینده دلخستیم من
بیر عمردور مولا سنه وابستیم من
دلبستیم من رسانه آهنگ
♪♪♪
قانین ایدوبدی اسلامی زنده
دیلدن اودور عشق ایلرم آدون گلنده
لطف ایله سنده
♪♪♪
سن شه گلگون قباسن
نورعین مرتضی سن
خامس آل عباسن
♪♪♪
قلبیمه مولا صفا ویر
درد عشقه گل دوا ویر
بیر برات کربلا ویر
♪♪♪
اَنتَ فی قلبی حسین جان
اَنتَ فی قلبی حسین جان
اَنتَ فی قلبی حسین جان
♪♪♪
بزمون ده واردی عطر گل یاس
سربار عشقوخ یاحسین سرلشگر عباس
وار شور و احساس
♪♪♪
ویردی ابوالفضل صاق و صولوندا
باش ویرماقا آمادیوخ دینین یولوندا
جانان یولوندا رسانه آهنگ
♪♪♪
آگه اولدی قوم خونریز
سیز بیزه درس اورگدیبسیز
باش ویریب باش اگمروخ بیز
♪♪♪
شور عشقه مبتلایم
پیرو خط ولایم
عاشق کرب و بلایم
♪♪♪
اَنتَ فی قلبی حسین جان
اَنتَ فی قلبی حسین جان
اَنتَ فی قلبی حسین جان
♪♪♪
ای شاه تشنه بیر عبد زارم
من (بیکَسم) درماندیم درده دچارم
هیچ یوخدی چارم
♪♪♪
سن سن جهاندا امّید گاهیم
قیل دردیمه درمان اوزون ای دادخواهیم
یوخدور پناهیم رسانه آهنگ
♪♪♪
غم و غصه قلبی آلدی
شیعه لر سولدی سارالدی
گوزلری یوللاردا قالدی
♪♪♪
ظلمودن دیللر اوساندی
ناله میز عرشه دایاندی
حیف اولا مهدی عج یوباندی
♪♪♪
اَنتَ فی قلبی حسین جان
اَنتَ فی قلبی حسین جان
اَنتَ فی قلبی حسین جان
ئوزوم گوردوم...
سبک :: منیم ای تشنه قربانیم ... ..
☑️ زبانحال حضرت امیرالمومنین علیه السلام
ئوزوم گوردوم قاپیم یاندی تماشایه گلن دوردی
ئوزوم گوردوم که زهرانی او نامرد زَمَن ووردی
ئوزوم گوردوم اشاریله دیوردی قنفذا ثانی
دایانما ویر ایاقدان سال ئورگی داغلی زهرانی
ئوزوم گوردوم نه نوعیله یره زهرا یخلمیشدی
ئوزوم گوردوم که دیواره نه قدری قان یاخلمیشدی
ئوزوم گوردوم بالام محسن دوشوب یرده چخور جانی
نه زهرا گوردی ئوز اوغلون نه محسن گوردی زهرانی
ئوزوم گوردوم عُمَر آلدی الینه بیر یانق هیزم
منیم باغلیدی قوللاریم او ووردی من باخوب دوردوم
ئوزوم گوردوم حسینون گوزلری گریان دایانمیشدی
ئوزوم گوردوم که مسمارین اوجوندا قان دایانمیشدی
ئوزوم گوردوم قاچور زینب دیور وای بی کمک قالدیم
گلون آی قونشولار ئولدی ننم اللرده تک قالدیم
ئوزوم گوردوم حسن آغلور دیور الله ننم ئولدی
کیچیکدور سنّیم حیف اولسون بو غصّه قلبیمی بُولدی
ئوزوم گوردوم قیزیم کلثوم ائله رنگی سارالمیشدی
ایتیرمیشدی ئوزون گویا بالام آواره قالمیشدی
☑️ زبانحال حضرت امام حسن علیه السلام
رضا ماه پری زنجانی
ئوزوم گوردوم آنام زهرا سولوب گل تک سارالمیشدی
ایشقلی صورتین گوردوم که بیر سمتی قارالمیشدی
ئوزوم گوردوم آنام زهرا قالوب تک سینه داغلیردی
حیاسیندن یانایانه یواشجا سسیز آغلیردی
ئوزوم گوردوم آنام زهرا ائدوردی تکیه دیواره
ئوزوم گوردوم قولاقیندن یره دوشموشدی گوشواره
ئوزوم گوردوم آنام زهرا نه حالیله یخلمیشدی
قنادسیز قوش کیمی گوردوم که دیواره سخلمیشدی
دین اولمادی ای ظالم قباله ملکنی جیرما
پیمبردن امانتدور الین سینسین اونی ویرم
4_5933863173328208891.mp3
2.71M
بانوای گرم زنده یاد حاج محمدباقر منصوری اردبیلی
﷽
#مجلس_ختم_پدر
#روضه
#ترکی
بو دنیانون وفاسی هیچ یوخومیش
یامان گونی خوش گونلردن چوخومیش
آباد ائله قبر ائوینی ای دل غافل
هرقدر که آباد اولا ویراندی بودنیا
آی یالان دنیا....امان امان آی بی وفا دنیا
وفاسی یوخ بودنیانون یالاندی
کهنه دنیا هله...هله قالاندی
عاقبت باشلاری داشه چالان دنیادی
به یاد مهربان آتا....قبر ائوینه سفره ائلین آتا
اما بو رسمیدی آتا سفره گئدنده بالالارون چاغیرار
سسلر آی بالاروم سیزی آللهه تاپشوردوم
اما....امان او ساعتدن کی بالالار
گله لربابانین تابوتین یاپوشا لار
وای اولحظه دن کی بالالار گوره او سفری کی....بابا گئدیر....دای بو سفردن گلمیه جک
به یاد بابای سفرکرده
آتا ائوین چراغیدی
آتا ائوین دایاقیدی
آتالارا حرمت ائدون
بش اون گونون قوناقیدی
آی آتاسی اولانلار گئدون دولانون آتایزون باشینا
به یاد او ساعتی که بو مهربان بابا ائوده بالالارون چراغیدی
چهل روزه به سر افسر ندارم...آمان آیروقدان ...فغان آیروقدان
چهل روزه که تاج سرندارم....قرخ گون اولدی ائویمیزون چراغی سونوب....قرخ گوندی بابانین سسی گلمیر
چهل روزه پدر رفته زدستم
قرخ گوندی بابانین یئری ائوده بوش قالوب
اما آتاسیز لیق چتین درد اولار
الا کی قیزی اولسا
قیزه گران درد اولار باباسی ئولسه
بخصوص اگر قیز ائولر ائوینده اولسا
آتا ائوینه گئدنده بیر آیری عالمیلن گئدر آتا ائوینه
آخه مشکله دوشنده ائله دییر کاش بابام گلیدی....کاش قارداشیم گلیدی
اورگیزی ائله بوردان دولاندوراجاقام کربلا چولونه
اوزمانیکی عاشورا گونی قتل وغارت توکندی
او غملی زینب آتا سی ئولن بالالاری
اوغلی ئولن ننه لری ییقدی بیر یاری یانموش خیمیه
بیر باخدی صولا بیر ساغا
ائله بیردن سسلدی یا علی المرتضی آتا جان هاردا سان
مشکلده قاموشام
دئدی بیر قوشا بنزیرم بابا
اوچانمورام سینیب پریم
کیمه دئیوم بودردیمی که تا ائده دوا بابا
لایلای بابا۲
قیز بابانی گوزل اوخشار
#اوخشاما از زبان دختر👇👇
قیزیل گول دن اولدی...آچیلدی خرمن اولدی...آیرولوخ مندن اولمادی آی بابا
آیرولوق سندن اولدی
لایلای بابا۲
ای قبره نیسگیلی گئدن لایلای بابا۲
غم غصه لردن دینجلن لایلای بابا۲
سندن اوزولدی ال بابا
بیرده یوخوما گل بابا
#شعر پایان مجلس👇
عاقبت زین دارفانی پرکشیدم یاحسین
عشق تو مهرعلی درسینه دارم یاحسین
من دراین وادی غریبم جان زهرا مادرت
هرشب جمعه گذرکن برمزارم یاحسین
بسمالله الرحمن الرحیم 🌺
سبک نوحه👇/گلمیشم ایوای دیرم من سنه لایلای دیرم
گلدیم اورک داغلاماقا آی باجی/
باجی دیوب آغلاماقا آی باجی/
گوزلروی باغلاماقا آی باجی/
گلمیشم ایوای دییم
من سنه لایلای دیرم ۲
هجرون ائدیب قدیمی خم آی باجی/
سنسیز گولوم/ سولدی منیم آی باجی
سن منه بیریولداشیدون آی باجی
هم باجی هم قارداشیدون آی باجی
گلمیشم ایوای دییم
من سنه لایلای دییم ۲
به یاد مرحومه مغفوره شاد روان
بانو.....
تسلیت عرض ایلورم باجیلارینا
قادراشلارینا
باجینین امیدی قارداشی اولار
باجینین امیدی باجیلاری اولار
اگر بیر باجینین ننه سی اولماسا
دده سی اولماسا
پناه آپارار باجیلارینا قارداشینا
بیلمییم مرحومین آخرین لحظه اولابیلدوز یا یوخ
حتما آخرین لحظه ده دییردی
آی باجیم قارداشیم گلون اولورم ییی
گلون اولورم ننم یوخ منه آغلیاااا
بیلمییم آخرین لحظه باجوزون کنارینده اولابیلدوز یا نه
اگر اولامییبسوز بو مرحومین آخرین لحظه
یری وار باجیلاری ایله دیه
اوخشاما👇👇👇
گونش گلوب دان یرینی داغلادی
چای چشمه لر احوالیمه آغلادی
باجی سن جان وئرنده بیز یوخودوخ
دی گوروم گوزلروی کیم باغلادی آی باجی
هر وعده گئدون بو مرحومین قبرینین کنارینه
باجیلاری قارداشی دیسون آی باجی
👇👇👇
تپراغلارا// قویمائوزون آی باجی
گل منه رحم ایله ئوزون آی باجی
آچ بیرجه قانلی گوزوی آی باجی
قالیب الیم/ اوسته الیم آی باجی
باشه گلیب چوخ اجلیم آی باجی
گلمیشم ایوای دییم
من سنه لایلای دییم
😭
حتما بو مرحومه جان وئرنده اوزون دولاندیردی قارداشینا
گل آی قارداش اولورم
اوخشاما👇
گل آی قارداش گور کیمی سولموشااام
بلوط کیمی غصه لرده دولموشاااام
هاردا قالیب وفالی قارداشلاریم
جان وئرنده نجه یالقوز اولموشااام
آی قارداش
به یاد مرحومه مغفوره شاد روان
بانو ......
اوزونون و تمام اولنلرینین روحینه
جمعین اولنلری غفارل فاتحه م صلوات
اللهم صل علی محمد و آل محمد و عجل الفرجهم 🌹🌹
48.56M حجم رسانه بالاست
مشاهده در ایتا
#عبرتنامه1
🍁ایهاالناس گلون گردش دورانه باخون
🍁قدرت مطلقه خالق سبحانه باخون
🍁اویمیون فانی اولان کبکبیه ، دَبدبیه
🍁چشم عبرتله گلون عالم امکانه باخون
🍁زرق وبرقیکه گورورسوزبوفنادهریده سیز
🍁یئلاسن وقته گئدین شمع شبستانه باخون
🎤سلطان الذاکرین استادحاج سلیم موذن زاده
✍#شعراز:شاعرعاشورایی استادمنزوی اردبیلی
#آهنگ:اورتاسه گاه
#پخشبرایاولینبار
22.18M حجم رسانه بالاست
مشاهده در ایتا
#عبرتنامه2
🍁هامی ادیان آراسی بو دینی الله بَیَنوب
🍁بیر گلین سیزده پسندیدۀ یزدانه باخون
🍁دئمیون ملت اسلام عقب افتاده دیلر
🍁ضعف اسلام دَگول،ضعف مسلمانه باخون
🍁اجنبی تفرقهسی یئتمیش ایکی فرقه ائدیب
🍁اولدیلار بیر بیرینه گورنئجه بیگانه باخون
🎤سلطان الذاکرین استادحاج سلیم موذن زاده
✍#شعراز:شاعرعاشورایی استادمنزوی اردبیلی
#آهنگ:اورتاسه گاه
#پخشبرایاولینبار
47.05M حجم رسانه بالاست
مشاهده در ایتا
#عبرتنامه3
🍁هر شب جمعه گئدین ساحت قبریستانه
🍁توپراق آلتیندایاتان سائل و سلطانه باخون
🍁عرض وطولینده بیر آزفکر ائیلیین قبرلرین
🍁جُرم حبس ابده ، تنگی زندانه باخون
🍁ناز بالیشده یاتان گونلرینی فکر ائلیین
🍁داشاپَرقو یئرینه باش قویان انسانه باخون
🍁بو همان شخصیدی قویمازدی قونا توز
باشینا
🍁توپراق آلتیندا یاتیب گورنه ذلیلانه باخون
🎤سلطان الذاکرین استادحاج سلیم موذن زاده
✍#شعراز:شاعرعاشورایی استادمنزوی اردبیلی
#آهنگ:اورتا سه گاه،اشاره به ماهور،چوبان بایاتی،وشکسته ماهور
433.2K
صفا وار شور وار یاران حسین آدی گلن یرده
ملک وار حوری وار یاران حسین آدی گلن یرده
حسین آدی گلن یر شوره زار اولسا گلستاندی
اتورسا مهری هردلده او دل دریای ایماندی
اونا یرگوی توکر گوزیاش فدای دین وقرآندی
اولارگوزیا شلاری باران حسین آدی گلن یرده
حسینه گوزلروم قربان ملک صورتده انساندی
مقام و شانینه جمله ملایک اهلی حیراندی
حسینی اتسه لر تفسیر حسین معنای قرآندی
اولار روحه روان قرآن حسین آدی گلن یرده
چکر حسرت ملایکلر حسینون خادمی اولسون
گلون بیزده ایداخ همت عزا مجلسلری دولسون
گلوب باخدوقجا دشمنلر سولان یاپراق کیمی سولسون
گرک دور خار اولا دونان حسین آدی گلن یرده
حسینون خیمه سی آلتی بیزه مین باشدی جنتدن
اولارکی عترتی سویمزچخاتماز باش بو حکمتدن
اورکدن سسلسوخ آدون قوتولوخ رنج ومحنتدن
تاپولماز درد بی درمان حسین آدی گلن یرده
(مطلبی)
(مداح مطلبی)
540.6K
آقام حسین آدین قرار وتاب آلور
باخاندا پرچمه گوزوم یاشی آخور
گلوب محرمین حسین حسین حسین
شعاری دللرین حسین حسین حسین
زمین آسمان قراگیوب دیلر
تمام عاشقان قراگیوب دیلر
اولوبدی غم عیان قراگیوب دیلر
شعاری دیلرین حسین حسین حسین
یانخلی دللرین حسین حسین حسین
دینده یاحسین آخار گوزوم یاشی
مجسم ایلرم یارالی بیر باشی
دوشر خیالیمه وفالی قارداشی
دیردی گل اخا حسین حسین حسین
سنه گوزوم فدا حسین حسین حسین
ملال دردی وار اورکده هر کسین
اسر قرا علم باخالا دل غمین
اولوب دولار آقا دخیل درگهین
شعاری دیلرین حسین حسین حسین
یانخلی دللرین حسین حسین حسین
یانان دلیم یانار دیر حرم حرم
گوزوم یاشی آخار دیر حرم حرم
قرار و تاب آلار دیر حرم حرم
عنایت ایت آقام حسین حسین حسین
مزاره یول سالام حسین حسین حسین
باخار آنان بو آی قرا گینلری
گینده قاره سین نوا ایدنلره
عزالی زینبه صدا ورنلره
یازارآدین دییر حسین حسین حسین
ورر صیله دیر حسین حسین حسین
(مطلّبم) گوزوم کسیلمش الده دی
بیرعمردورآدین یارالی دلده دی
عزیز فاطمه اورک حرمده دی
یانان دلیم دیرحسین حسین حسین
یاز قلم دیر حسین حسین حسین
(مطلبی)
سبک شاخسی ،
ورود محرم
بند اول
ماه ماتمین دور آقا غرق غمدی عالم
باشینا قرا باغلادی چون حضرت خاتم
قاره چکدیلر هر یره باشلانیب محرم
سسلیر اورکلر. یرلرحسینه قربان
دییر ملک لر. گویلر حسینه قربان
بند دوم
عشقیوه سنین هر ایکی عالم قالیب حیران
قبریوه آقا ایسته بو عشاقیوی مهمان
اوردا سسلیاخ جانیمیز عباسیوه قربان
سسلیر اورکلر. یرلرحسینه قربان
دییر ملک لر. گویلر حسینه قربان
بند سوم
تربتین سنین یاحسین هر درده دوادی
مرقدون آقا عرشیدن چوخلی باصفادی
زنده ساخلین بیزلری عشق کربلا دی
سسلیر اورکلر. یرلرحسینه قربان
دییر ملک لر. گویلر حسینه قربان
بند چهارم
ای گوزل آدین یا حسین دردیمین دواسی
باشیما دوشوب ای شها کربلا هواسی
هجریدن اولوب"کربلا"قلبیمین نواسی
سسلیر اورکلر. یرلرحسینه قربان
دییر ملک لر. گویلر حسینه قربان
بند پنجم
درگهین آقا بیزلره چون باب کرمدی
جان پناهیمیز یاحسین بو قاره علم دی
ای شه کرم عشقیمیز تک بین الحرمدی
سسلیر اورکلر. یرلرحسینه قربان
دییر ملک لر. گویلر
خوش نواز مرندی:
عرص تسلیت بمناسبت شهادت امام جواد (ع)
قسمتی از شعر شهادت امام جواد (ع)
زبانحال امام
یا فاطمه آنا غم دل بیشماره دی/
اوغلون جوادئولورنجه گور قلبی یاره دی/
غربتده باشیم اوسته منیم یوخ گلیب گدن/
دشمندی هرطرفده گوزوم اشکباره دی/
جدیم حسن کیمی ئوز ائویمده غریبه یم/
دنیا گوزومده خانه ظلمتدی قاره دی/
ئوز محرمیم وریبدی منه زهر کینه نی/
آیا کیمون عیالی بئله ظلم کاره دی/
بغداده گل بوحجره ده گور وار نه هلهله/
هی ال چالور کنیزلری ظلم آشکاره دی/
یوخ دیزده طاقتیم بدنیم تیتریور اسور/
یاندی جگرلریم آنا جان پاره پاره دی/
آثار زهریدن دوتوب اود یاندی لبلریم/
رنگ لبیم دونوب کوله آهیم شراره دی/
لب تشنه زهر یاندیریری استخوانیمی/
بیرحالدیم ئولوم منه تک راه چاره دی/
منده جوانلیقیمدا سنین تک قوجالمیشام/
زلفیم آغارماقی آنا درد وفشاره دی/
گل غربت ایچره گوزلریمی باغلا آی نه نه/
بو سوزلریم ئورک سوزیمه بیر اشاره دی/
آغلا منه چوخ آغلامیشام من آنا سنه/
پوزقون ئوزیمده گوزیاشی مثل ستاره دی/
گه محسینه من آغلامیشام گاهیده سنه/
قان آخسا گوزده بول که غم میسماره دی/
سوز عطش سالوب یادیما کربلا غمون/
جدیم حسین غمینده ئورک داغداره دی/
جانی چیخاندا گیدون آنا قتلگاهینه/
گوردون که گل وجودی اونون پاره پاره دی/
قاندان وضو آلوبدی اوسودای عشق ایدور/
یاره وران پیاده وگاهی سواره دی/
قربان وریبدی قانلی مناده فدالری/
هم پیریدی جوانیدی بیر شیرخواره دی/
شعر از شاعر اهلبیت (ع)خوش نواز مرندی
یا ثارالله
#حسین(ع)
سبک: میگذرد کاروان...
ذکرین حسین جان سنون دیلده اولوب ازبریم
آدین ایشیدجاق دولور گوهریلن گوزلریم
شوقیله من سسلرم سن سن آقا سروریم
عشقین اولوب دایما زندگیده رهبریم
اربابیم سلطانیم یاحسین
سالاریم جانانیم یاحسین
یالیتنا کنا معک یا ثارالله
یالیتنا کنا معک یاثارالله
یاد ایدروخ دایما اول سویولان پیکری
قانی آخان قلبیوی یا کسیلن اللری
اکبر گردونفری یا سود امر اصغر ی
یاد ایدروخ دایما ساقی نام آوری
اربابیم سلطانیم یاحسین
سالاریم جانانیم یاحسین
یالیتنا کنا معک یاثارالله
یالیتنا کنا معک یاثارالله
یاد ایدروخ حضرت مسلم آزاده نی
کوفه لیلر ووردولار ظلمیله دلداده نی
اولدی شهید ولا چکدی باشا باده نی
ایتدی مخاطب او دم شاه ولا زاده نی
اربابیم سلطانیم یاحسین
سالاریم جانانیم یاحسین
یالیتنا کنا معک یاثارالله
یالیتنا کنا معک یاثارالله
کوفه یه گلمه حسین یوخدی وفا کوفه ده
قانه بویاللار سنی چوخدی جفا کوفه ده
قویما گله زینبی خوندل اولا کوفه ده
یاکه رقیه ن گله رنگی سولا کوفه ده
اربابیم سلطانیم یاحسین
سالاریم جانانیم یاحسین
یالیتنا کنا معک یاثارالله
یالیتنا کنامعک یاثارالله
آعلییاروخ هرزمان شوریله احساسیله
عشق ایدروخ دایما گوزده کی الماسیله
ایلیروخ درد دل حضرت عباسیله
بیله دییردی اوگون اول شرف الناسیله
اربابیم سلطانیم یاحسین
سالاریم جانانیم یاحسین
یالیتنا کنا معک یاثارالله
یالیتنا کنامعک یاثارالله
دیده آچاندان سنون نوکر درباریوم
ساقی طفلان عشق عمربویی یاریوم
عرصه گه رزمیده میرو علمداریوم
فخر ایدرم عالمه عبد وفا داریوم
اربابیم سلطانیم یاحسین
سالاریم جانانیم یاحسین
دوشدی که آتدان یره رهرو آگاه عشق
سسلدی امدادینه مهری اودم ماه عشق
عرض ایدیب عباس آقا داده گل ای شاه عشق
گل نیجه گور قانیلن زینت اولوب راه عشق
اربابیم سلطانیم یاحسین
سالاریم جانانیم یاحسین
یالیتنا کنامعک یاثارالله
یالیتنا کنامعک یاثارالله
قول نه دی باش گوز نه دی جانیوه جانیم فدا
اصغر عطشانیوه تشنه زبانیم فدا
خیمه ده کی قیزلارا روح و روانیم فدا
اکبره یا قاسمه عمر و جوانیم فدا
اربابیم سلطانیم یاحسین...
سینه یه ووروخ آقا شوق و دل و جانیله
یاد ایدروخ محنتون دیده گریانیله
خوشدی سیزه آغلاماق عشقیله عرفانیله
دیل بیر اولا خ بیر دهبو نوحه شایانیله
اربابیم سلطانیم یاحسین
سالاریم جانانیم یاحسین
یالیتنا کنامعک یاثارالله
یالیتنا کنامعک یاثارالله
شهادت حضرت جواد علیه السلام
گریز به قتلگاه
.
مرحوم تائب تبریزی
.
جواد آل پیغمبر اولوب مسموم جان وئردی
حسینین سو دیوب جان وئرماقین عینا نشان وئردی
.
ز بس غم وئردی یوز چکدی همیشه ناله جانکاه
محاقه مایل اولدی چرخ عزتده اولان بیر ماه
چکوب طول مصائب رشته عمرین ایدوب کوتاه
جوان وقتینده جان اول شهریار انس و جان وئردی
.
اییرمی بش ایل عمرین ایلیوب اهل خبر مرقوم
بو آز عمریله اولدی اول شه دین لیک چوخ مظلوم
ایدوبلر عاقبت غربت ولایتده اونی مسموم
یانوب دلدن اونا هر لحظه یوز سوز نهان وئردی
.
خزانه تا بهارین صرصر بیدادی دوندردی
قضا گلچینی باغ عمرینین عشرت گلین دردی
سارالدی گلشن دینین عطشدن نو گل وردی
اونون باده صفاسین آفت باد خزان وئردی
.
اورکده سوز زهر کین , جمالینده ئولوم گردی
یانوب دلدن یره ئوز سینه سین حسرتله سورتردی
باخاردی صاق صولا گه گه او شاه دین سو ایستردی
دیدیقجا العطش جام جگر بیر کاسه قان وئردی
کنیزی گوردی بو حالی بیر اوزگه حالته قالدی
گیدوب بیر جام سو گتدی امامین گویلونی آلدی
سو جامین آلدی ام الفضل غیظیله یره چالدی
سوسوز ئولماقینه فتوا او بد عهد زمان وئردی
.
گوزی یولدا چکردی آه , بو عنوان مقتلدی
دیردی ای خدا حسرت اوخی بو سینه می دلدی
نه وار جان اوسته بیر همدم , نه بیر اوغلوم علی گلدی
سسیمه سس ئولن دمده , نه اول شیرین زبان وئردی
.
اولان ئوز عهدینه عشق عالمینده بند و وابسته
چکردی انتظارین اوغلونون جان اوسته دلخسته
سو جامی الده حاضر اولدی ئوز اوغلی باشی اوسته
آتائیله بالا دل دردینه شرح و بیان وئردی
.
آتادان گلدی آخر دم اوغول جویای حال اولدی
آتا گوردی جوانین سینه دن زایل ملال اولدی
حسینی جان وئرنده درک ایدن اما هلال اولدی
اورکدن اودلانوب احوالینه نی تک فغان وئردی
ادامه ⬇️⬇️
گوروب بیر زخمدار آهو کیمی دوشموش او دلخسته
چالور قان ایچره دست و پا , وورالار زخمی زخم اوسته
باخور حسرتله سویلور العطش آهسته آهسته
هلالین قلبینه رقّت بو اندوه گران وئردی
.
خیال ائتدی ئوزینه حق یولوندا آبرو وئرسین
گل مقصود زهرایه او چولده رنگ و بو وئرسین
او یالقیز بی کس و لب تشنیه جان اوسته سو وئرسین
نشان ئوز همتین گزلین مرام اوسته عیان وئردی
.
گیدوب سو گتدی سیراب ایلسین اول شاه عطشانی
گلنده گوردی یولدا شمر شوم و نامسلمانی
گوزی یاشلی , الینده قانلی خنجردن آخار قانی
دیدی گیتمه حسینه خنجریم آب روان وئردی
.
دیدی یوخسا بساط ظلم و کینه قورموسان ظالم
حسینی ئولدوروب زهرا گلین سولدورموسان ظالم
ندن بس اشگویله گوزلرین دولدورموسان ظالم
دوباره دانه اشکین توکوب رخساره سان وئردی
.
دیدی قان ائتمیشم دوزدور بو چولده قلب زهرانی
بو گون رحم ائتمیوب ئولدورمیشم معنای قرآنی
ولی بو ناله و فریادیمین وار اوزگه عنوانی
دولاندی قانیله دولموش چوخور بیر یر نشان وئردی
باخوب گوردی او یرده بیر اوجا قامت خانم عورت
دوتوبدور خیرداجا بیر قیز الیندن سینه ده حسرت
وورور باشسیز جنازه باشینه دوره او خوش فطرت
دیور قارداش سنون تک هانسی بیر مظلوم جان وئردی
.
باجون اولسون اورکده قالدی چوخ گزلین سوزون قارداش
دلینده العطش باخدی سویا حسرت گوزون قارداش
آتان ساقی کوثر, تشنه جان وئردون ئوزون قاراش
سنه قان سو یرینه تیغ تیز جانستان وئردی
.
عزادار حسین فکری ائدوب ترغیب اولوب بانی
چکوبدور نظمه تائب بو قضایای غم افزانی
نصیب ائت قبرینی یا رب دیاق اوردا بو عنوانی
جواد آل پیغمبر اولوب مسموم جان وئردی
شام غریبان حضرت امام جواد علیه السلام
گریز به شام_غریبان
مرحوم نجمی تبریزی و مرحوم حافظی تبریزی
.
یالقوز ایوده ویرورم حسرتیله جان آناجان
گل جواد اوغلووا دوت شام غریبان آناجان
.
.
ئوز عیالیم من خونین دلی مغموم ایله دی
کینه سین ویردی بروزه آنا مظلوم ایله دی
قلبیمی پارچالادی زهریله مسموم ایله دی
قلبیمی زهرجفا ایله دی آلقان آنا جان
.
.
اوز الونله آنا گل قبلیه دوندر یوزومی
قویما بو پارچالانان قلبیده گیزلین سوزومی
باغلا اوز معجریویله ایکی آغلار گوزومی
باشیمی آل دیزیوه جان ویروم آسان آنا جان
.
.
علتی وار بو قدر گوگلره نالم اوجالوب
صرصر جور و جفادن گلِ عمروم سارالوب
گل یوزوم یرده گوزوم یولدا سوزوم دیلده قالوب
تیر محنت ایلیوب قلبیمی شان شان آناجان
.
.
سالدی دیلدن منِ محنت زده نی درد و محن
یوخدی بالینیمه بو حالیده بیر کیمسه گلن
اوغلووام گل ویرورم جان بو غریب ئولکده من
گوزلریم یولدا قالوب گل سنه قربان آناجان
.
.
سن آنا هاردا غریب ئولسه اونون همدمیسن
گوگلونون گیزلین اولان محنتینین محرمیسن
غملی لر غمکشی غربتده سرشگ غمیسن
آلاسان دردینی هر آن دِیَه سن جان آناجان
.
.
سالوب اکبادیمه اود زهر جفا اودلانورام
آتش زهریله اودلانماقی آسان سانورام
بیر ایچیم سو ویره نیم یوخدی عطشدن یانورام
سو گتور قویما یانوم چوخ من نالان آناجان
.
.
دیله گتدیم سو آدین گر آنا عفو ایله منی
آغلادار قان اولا سو صحبتی هر یرده سنی
اوغلوا ویرمدی بیر شربه سو اشرار دنی
سو یانیندا سوسوز ئولدی شه عطشان آناجان
.
.
حسرتیله آنا آخر الیم الدن اوزولوب
جام چشمیمدن اوزه اشک روانیم سوزولوب
قطره قطره اورگیم قانی دوداقه دوزولوب
غبطه بو قانه ایدر شطه مرجان آناجان
ادامه ⬇️⬇️
کیم وطن سیزلره غربتده هوادار اولاجاق
دردینی دلدن آلوب محرم اسرار اولاجاق
گلمه سن شام غریبانیم آنا خوار اولاجاق
دوتان اولماز منه بیر شام غریبان آناجان
.
.
گوگل آلچاقلیقی هر آنیده ایلرسن آنا
هامی اولادیوه برپا ایده سن بزم عزا
هارا اولسا گیدسن بِلده الون دیلده نوا
اولا بغداد و یا شهر خراسان آناجان
.
.
سن هامی اوغلون ئولنده گوزونی باغلامیسان
آچمیسان باش یوزه گوز یاشی توکوب آغلامیسان
غم اودوندا دل ماتمزده وی داغلامیسان
سس چکوب ایلمیسن ناله و افغان آناجان
.
.
غمی بیر اوغلوون اما هامی غمدن باش اولوب
گورموسن غسلی قزل قان کفنی اوخ داش اولوب
نعشی اوستونده اونون قانیله زلفون یاش اولوب
آغاران ساچلاریوی قان ایدوب الوان آناجان
.
.
ساچدون اوردا او قیزل قانیله بیر گل باشیوا
ایلدی غبطه هامی سوسن و سنبل باشیوا
او گل اوستونده سووردون نیه بس کول باشیوا
اولا ویرانه گوروم کوفۀ ویران آناجان
.
.
گل منیمده باشیم اوستونده باش آچ ایله فغان
سینه داغلا یوزیوه گوز یاشیوی ایله روان
یوخدی بو حالیده احوالیمه بیر کیمسه یانان
ویرورم حسرتیله جان من نالان آناجان
.
.
یازیلان دمده بو اشعار ایکی اکبر واریدی
ناجیان اکبری فرهودی اصغر واریدی
ئوزگه اوضاعیدی بیر عالم دیگر واریدی
هامی گوزدن توکورلودی دُر رخشان آناجان
.
.
ئوز وفاتیمده بو بش خادم شاه شهدا
پیشنهاد ایلدیلر تا که بو نوحه یازیلا
« نجمی » و « حافظی » یازدی ایلدی حقین ادا
اولدی بر پا منه بیر شام غریبان آناجان
.
فعلا قابلیت پخش رسانه در مرورگر فراهم نیست
مشاهده در پیام رسان ایتا
✳️الهی بحق محمد وعلی وفاطمه ,حسن وحسین ع
بحق امام زمانمان 💚
✳️خدایا مردمِ کشورم
را به تو می سپارم
از بلاها ، سختی ها ،
مصیبت ها و گرفتاری ها...
از این بلای جهانگیر ( کرونای لعنتی ...)
✳️خدایا... !!!💚
دستانم کوتاه است و
مسیرِ دردها طولانی
دستانم کوتاه است
و دیوارِ حادثه ها بلند ...
کاری از من ساخته نیست
خودت پناه و تسکینِ
دردهایشان باش...🙏🏻🙏🏻🙏🏻
✳️خدایا...!!! 💚
خودت بلاگردانِ جسم
و روحِ بی پناهشان باش .
و کمک کن ...؛
✳️خدایا
کمک کن تا دوباره رنگِ
خوشبختی را ببینیم...🙏🏻😔
خدایا بحق محمد وآل محمد
کمک کن که مردمِ
سرزمینم دوباره بخندند ...
الهی آمییییین🙏
🤲🤲🤲🤲🤲🤲🤲🤲🤲
🌴🌴🌴🌴🌴🌴🌴🌴🌴
☘ توسل به امام جواد (ع)☘
فضل واحسانت مدام آیدبیاد
یا جواد و یاجواد و یاجواد
در سخاوتها زدی سنگ تمام
حاتم طایی گدایت شد ،امام
فخر بر تو میکند فخر اَنام
سینه خیز کوی تو تاتار وماد
یا جوادو یا جوادو یاجواد
میدهد هر مرده را جان،جان تو
جان انس و جان بود قربان تو
میکند اعجازها فرمان تو
صدهزاران مرحبایت بادوباد
یا جواد و یا جواد و یا جواد
بوده ای نخل امید بوالحسن
نوگُل بشکفته ای در آن چمن
عطر تو کی دارد آهوی خُتن
چون رضا حُسنت بدیده گشته شاد
یا جوادو یا جوادو یا جواد
علم تو اَظهر کند مَکنونها
رمز حامیم و الف با لام و را
هم الف هم لام ومیم و قاف را
مریم و صافات و طه،نمل و صاد
یا جواد و یا جوادو یا جواد
نو جوانی بوده ای ، ای مه جمال
گشته با امر خدای ذوالجلال
تا شوی پیر امم در خردسال
گشته ای تو صاحب کرسی داد
یا جوادو یا جوادو یا جواد
دل فغانها دارد از نامردمان
جان فدای تو ،شدی آسیمه جان
در حریم خانه ی خود بی امان
چون جفا از محرم ویارت فتاد
یا جوادو یا جوادو یا جواد
سم ام الفضل ملعونه چه کرد
سینه ای پر درد و پر از آه سرد
رنگ گلگون تو شد چون برگ زرد
تو خموش و عالم امکان به داد
یا جواد و یا جواد و یا جواد
(نادرم) مولا گدای درگهم
بر گدایانت کریمی آگهم
روی خود برآستانت می نهم
تا بگویم کاین صله مولا بداد
یا جواد و یا جواد و یا جواد
🕊🕊🕊🕊🕊🕊🕊🕊🕊