*روضه امام رضا،ع،* جان ویرورم گَل باجی معصومه گَل زهر ویروبدور من مظلومه گَل اود دوتوب اودلاندی دل مضطریم زهر اثریندن یانوری لبلریم یرده یوزوم یولدا قالوب گوزلریم جان ویرورم گَل باجی معصومه گَل گلشن عمریم گُلی خندان اولوب حالیم آنام باجی پریشان اولوب غربت اَلیندن جگریم قان اولوب جان ویرورم گَل باجی معصومه گَل گورماقیم اطفالیمی اولدی محال محشره قالدی باجی بیرده وصال عترتیمون باشلارینه قاره سال جان ویرورم گَل باجی معصومه گَل من کیمی یوخدور کسیلن چاره سی زهریله خونین دل صد پاره سی غربت اسیری وطن آواره سی جان ویرورم گَل باجی معصومه گَل وار نه منیم حالیمه بیر آغلیان باشیمون اوستونده جگر داغلیان اُلسم اگر یوخ گوزیمی باغلیان جان ویرورم گَل باجی معصومه گَل زهر ویروبدور منه دشمن باجی رحلت ایدم آز قالوری من باجی گَل گوزیمی باغلاماقا سن باجی جان ویرورم گَل باجی معصومه گَل ظلمیله مامون پلید و شقی ایلدی خاموش بو نور حقی قالدی یتیم ای باجی اوغلوم تقی جان ویرورم گَل باجی معصومه گَل رحم ایدن ای کاش اولا گوز یاشیمه ایلیه اخطار بنی هاشمه قومو قبیله یغیشا باشیمه جان ویرورم گَل باجی معصومه گَل گوردی من بی کسی دشمن غریب ایلدی اوز بُلدوقون ایمن غریب دشمنیمون قدرتی چوخ، من غریب جان ویرورم گَل باجی معصومه گَل گوشه ی غربتده اَُلن گونده من کاش اولِیدون باشیم اوستونده سن جسمیمه زلفوندن ایدِیدون کفن جان ویرورم گَل باجی معصومه گَل مردمک گوزده مجسّم اجل یرده یوزوم، یولدا گوزوم، دلده اَل سسلنوری جدّیم اوغول دورما گَل جان ویرورم گَل باجی معصومه گَل گوردی قضا ظلمه منی چون رضا جبراً عیالیمدن آیردی قضا دل دوداقیم یاندی مَضی ما مَضی جان ویرورم گَل باجی معصومه گَل ایلدی بیر پایه ده مامون جفا واوَلَدا سویلدی خیرُ النّسا ایتدی خراسانی منه کربلا جان ویرورم گَل باجی معصومه گَل سِلم و رضا مُلکینه من والیَم جدّیمه غربتده بو گون تالیَم بو غمیله اُلّم، اوزوم حالیَم جان ویرورم گَل باجی معصومه گَل باغلی دگل شهر سناباده یول فرض حسین ایت، منه سن زینب اول بوینوما سال باجی دین وقته قول جان ویرورم گَل باجی معصومه گَل دشت بلاده او شه انس و جان ویردی لب عطشان قوری یرلرده جان آغلارام احوالینه جان اوسته قان جان ویرورم گَل باجی معصومه گَل قانیله غلطانیدی مظلوم امام دوره سین آلموشدی گروه ظلام آز یولیدی قتلگهیله خیام جان ویرورم گَل باجی معصومه گَل گرچه دگلدی او قَدَر فاصله مانعیدی لیک سَنان، حرمله گَلسون عیالی باشی اوسته دله جان ویرورم گَل باجی معصومه گَل باخمادی میدانی دوتوب قیل و قال گَلدی گنه باجیسی پژمرده حال گوردی ویرور جان شه گردون جلال جان ویرورم گَل باجی معصومه گَل بسدی حسینی سوزون ایله تمام مختصر ایت، اولدی مطوّل کلام مطلعی یاز مقطعه، قیل اختتام جان ویرورم گَل باجی معصومه گَل

ایدوبدی رحلت رسول اکرم گلوب فغانه ملکلر آغلار #پیامبراسلام 🍁🍁🏴🍃🍁🍁🏴🍃 🏴#شهادت رسول اکرم صل الله علیه وآله وسلم 🔰#سبک_آچیلدی_پرچم … 10 سبک #مرحوم شهاب تبریزی . . ایدوبدی رحلت رسول اکرم گلوب فغانه ملکلر آغلار غمینده نالان اولوبدی زهرا شفیعۀ روز محشر آغلار باتوب عزایه ملک لر آغلار . . باتوبدی یاسه تمام عالم توکر عذاره سرشکین آدم قوروب ملایک بساط ماتم گوی اهلی بو غمده یکسر آغلار . . سزادی بوگون تمام امت گر اولسا غرق غم و مصیبت گیدوب جهاندان رسول رحمت عیال حیدر مکدّر آغلار . . نه قدر زحمت چکوب او سرور یتوردی احکام دینی یکسر اودور که عرش خدای اکبر بو غمفزا غمده تیترر آغلار . . حسین آچوب باش گلوب فغانه سالوبدی شیون بوگون جهانه ایدر سرشکین یوزه روانه دیر بابا وای مکرر آغلار . . حبیب داور ایدنده رحلت آلوب کنارین عیال عصمت باتوب عزایه شه ولایت گلوب فغانه او سرور آغلار . . مصیبتیله دولوب مدینه گلوبدی مخلوق شور شینه ویرور تسلی بوگون حسینه مدینه اهلی سراسر آغلار . . گینه بو گوگلوم باتوب ملاله بیر اوزگه محنت دوشوب خیاله گلون ائداخ بیز حسینه ناله اونون غمینده پیمبر آغلار . . حسین غمی چون پوزوب جهانی دیمه که اولموب بیر آغلیانی باشین قفادن کسن زمانی قتیل و مقتول و خنجر آغلار . . گوز آچدی گوردی او شاه محشر اویاندا قاتل الینده خنجر بویاندا زینب ملول و مضطر توکر سرشکین او مضطر آغلار . . بویوردی باجی قیت خیامه چوخ عجز قیلما سپاه شامه یتوبدی عمریم منیم تمامه خیمده ایمدی حرملر آغلار . . شهابون عمری تمامه یتدی حسینیلردن ال اوزدی گیتدی حسینه بسکه توسّل ایتدی شهابین اشکین گورنلر آغلار . . باجی رضا اول گلن قضایه تحمل ایله غم و بلایه اوجاتما داد و فغان سمایه گورنمرم من او گوزلر آغلار . . شهاب یتمز بوغم تمامه کلامه ویرمه داخی ادامه گلوب نوایه الونده خامه یانار بو محنتده دفتر آغلار . . . #پیامبراسلام #شهاب_تبریزی #پیامبراسلام_شهادت #ایدوبدی_رحلت_رسول_اکرم_گلوب_فغانه_ملکلر_آغلار #ترکی

‍ زبانحال حضرت معصومه سلام الله علیها قارداشیم گل دادیمه بند قلب فاطمه ال یتور معصومیه باخ شرار آهیمه گوزلرون قربان رضا دردیمه درمان رضا جان رضا جانم رضا جان جانانم رضا شهر قمدا داده گل جان وئروم آسوده من گور سارالدی غصّه دن گور نئجه باغ و چمن عشقیوه خاطر اخا ایلدیم ترک وطن آند اولا ئوز جانیوه آند اولا اللهیمه آغلیار احوالیمه کیم ائشیتسه سوزلری ساوه ده سندی اخا خواهرون بال و پری قانه غرق اولدی هامی جمله بیر بیر ائللری گلمدون قارداش ندن ساوه ده سن دادیمه اهل قم چخدی هامی گورجک استقبالیمه ائتدیلر عرض ادب هم آغلیوبلار حالیمه آرزو ایلر هامی تا من یتم آمالیمه وئردی رونق اهل قم با صفا اجلالیمه #حضرت_معصومه_شهادت #قارداشیم_گل_دادیمه_بند_قلب_فاطمه #یادگار_غمکش

‍ آغلاشور عرشیان عرشیده دلده نوا ترک ایدوب عالمی حضرت موسی الرضا دلده آه و نوا سسلور اهل سما یا رضا جان یا رضا جان قلب عالم یانوب آخر ماه صفر زهر انگوریله اولدی رضا خونجگر قبلی یاره گیدوب قبره او والاگهر ایندیده حالینه اشگین الر شیعه لر قان اولوب لبلری آخدی اشگ تری یا رضا جان یا رضا جان چوخالوب قلبیده شیعه لرین ناله سی حضرت کاظمین ئولدی جگر گوشه سی جان ویروبدور رضا عرشه چاتوب ناله سی جان ویرن لحظه ده اولمادی هیچ بیر کسی اولدی مسموم آقا ئولدی مظلوم آقا یا رضا جان یا رضا جان شهر مشهد اولوب وادی آه و نوا دست مأمونیله سولدی گل مرتضی اللی ایل غم چکوب ئولدی امام رضا اولدی زهرا گولی کشته ی زهر جفا سسلر اهل ولا علی موسی الرضا یا رضا جان یا رضا جان هشتمین پیشوا رهبر عالی نهاد یار قرآن و دین٬دشمن ظلم و فساد یرمی ایل کرسی حقده ایدوب عدل و داد سگیز ایل درک ایدوب محضرین اوغلی جواد رهبر شیعیان فخر ایرانیان یا رضا جان یا رضا جان

روضه رحلت رسول اکرم(ص) گریز به قتلگاه (پیغمبرین قاپسی دویولدی خانم زهرا گلدی قاپی دالینا کیمسن؟ بیر عربم اوزاخ یولدان گلمیشم پیغمبرین زیارتینه خانم بیوردی گیت صورا گلرسن بابام دانشمیر دا منیده دانشدیرمیر بیر آز زمان صورا قاپی دویولدی من فی الباب همان عربم گلمیشم پیغمبرین زیارتینه خانم آغلادی بیوردی مگر دیمدیم بابام دانشمیر گیت صورا گلرسن بار سوم قاپنی دوینده پیغمبر گوزلرین آچدی قیزیم قوی گلسین ایوه بالا. بابا جان مگر کیمدی؟ آقا بیوردی هر قاپنی دویمز هر قاپیدان اجازه آلماز بو سنین قاپوین حرمتیدی. باباجان کیمدی؟ اورگیم اسدی نه غملی صداسی وار پیغمبر آغلادی دیدی قیزیم دده نی بالادان آیراندی بو قابض الارواحیدی . وارد بیت رسول الله اولدی الی اورک باشندا پیغمبره سلام عرض اله دی امام زمان آقا پیغمبر گوزلرین آچدی بیوردی قیزیم چاغور بالالاریم گلسین ) حسن صاقندا حسین صولدا باشی اوسته علی ایاق طرفده بتولین اوجالدی افغانی حسین اَلین گَتیروب قویدی سینه سی اوست ه گَتوردی درده همان حال شاه مردانی دیدی گوتور الیوی سینه سین آغیرلاتما اوغول حسین گوروسن جدّیوین چخور جانی ویرنده جان بو حسین یاعلی اولیدون کاش گورِیدون اورداکی اوضاعی قانلی میدانی آغوردی شمرون ایاقی و یا حسینون اَلی نه نوع شرح ایلیوم بو ملال عظمانی عزیز فاطمه نون شمر چخدی سینه سینه یارالی سینه سینون باخمادی آخار قانی امام گوزلرین آچدی بویوردی ای ظالم چخوب بو سینیه تیترَتمه عرش رحمانی یارالیم اُلورم بی مروّت اینجیتمه سوسوز بو چولده گَل اُلدورمه بو لب عطشانی شمر ظالم الکی خنجرین آلدی الینه حوریلر جنت آرا زفلرین آلدی الینه فاطمه یومدی گوزون معجرین آلدی الینه (قبل از آنیکه او ظالم یارالی باشین بدنینن آیرا زینبین الین کسدی) آفرین سسلدی ابلیس او دنی کینه سینه عشقیده ویردی بها عاشق دیرینه سینه باجینون قانی آخور قارداشینون سینه سینه قان دیور بو توکولور کرببلانین یرینه فاطمه ویردیگی صودی قاریشیر بیر بیرینه کانال مداحی ترکی باسبک🎤 پیوی:مدیرکانال شعبانپور @Haram75 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال عاشقان حضرت ابالفضل ،ع، را به دوستان خودتان معرفی کنید ،☝️☝️☝️

ای بال و پریم زینب نور بصریم زینب بیر طشت ائله آماده یاندی جیگریم زینب جان غصّه چکن قارداش مظلومِ وطن قارداش ائدی سنی کیم مسموم ایوای حسن قارداش باجی اورگیم یاندی بیر پارچا دوداخ گاندی دور یاتما گوزوم قربان گَل موسم هجراندی یورما اوزووی قارداش ده هر سوزوی قارداش صبر ائیله حسین گلسین یومّا گوزوی قارداش سیل گوز یاشین آی باجی گور قارداشین آی باجی تابوتوما اُخ دَیسه آچما باشین آی باجی ای وای نه ددین قارداش آخ زینب ئولیدی کاش

زینب باجی غم سنه یوز ویرمسین عترتیم حوروکلرین حورمسین قاسم گلسه الیوی قوی گوزونه جگریمون لخته لرین گورمسین جان ویردی حسن بلبل باغ محن ئولدی سیلی یرینی کوچه ده اول گورن ئولدی دیمم طوفان معبرده باشندان قاره دوشموشدی ئوزوم گوردوم کی تپراقه قباله پاره دوشموشدی ئوزوم گوردوم قولاقیندن یره گوشواره دوشموشدی ئوزوم گوردوم کی اهریمن سنه چاره یولون کسدی ئوزوم گوردوم سنه سیلی دینده لبلرین اسدی سن پیمبر قیزیسان وقریمی سیندرما ننه گر یوزون توختاسا دورمنله گداخ قالما ننه ویرسلرده فدکین باغینی دای آلما ننه چه میشد گرمرا مادر ازآن کوچه نمیبردی من آنجا رانمیدیدم توهم سیلی نمیخوردی

روضه امام حسن مجتبی(ع) گریز به حضرت زهرا(س) دور خواب نازیدن باجی یاندی جگرلریم ئوز منزلینده اولدی دچار جفا حسن اولسیدی فاطمه سنه اولمازدی زحمتیم (باجی محبتین قارداش محبتین هیچ محبتینن قیاص الماخ اولماز ) قارداش باجی او حالیده بیر اولدی قول بویون او حالیله نچه دفعه اتاقی دولاندیلار گه صاقه میل ایدوب گه صاقدان دونوب صولا گویا که بیر بالیخدی دوشوبدی سودان کنار تا خاک لحد بستر وجه الحسن اولدی دنیاده حسینین سوزی ایوای حسن اولدی دنیانی گوروم گلشنینون گلری سولسون هر غنچه سینون باغری قزل قانیله دولسون سن اول آنام اولسون بابامیز روضه سی اولسون قوی قارداشین آواره قالوب چولره دوشسون گیت سن منی گر ایستسه گویلون سنه قربان گل کرببلا دشتینه بیر گون منه مهمان گورسن یارالی قوملارون اوسته ویریرم جان ممکن اولا بیر جرعه گتیر سو منه احسان اورک یارام ایندیکی دییر ماجراسی چوخداندی سگیز یاشمدیدی کوچه ده قلبیم اوت توتوب یاندی آنامی دشمن دوین گونن بو جگرلریم قاندی شرار جان سوز آهیله سینه داغلادیم یولدا آنام یخلمشدی کوچه ده باخدیم آغلادیم یولدا (زینب یادیمنان چخمیوب او کوچه ده گله گله بیر باخدیم ننمین یوزونه ) او یرده چرخ اصالتدن بیر ستاره دوشموشدی یول اوسته ایوای بالا باجی گوشواره دوشموشدی چون قباله پاره قلب اولدی یارا یول گیدور زهرا ولی بولمور هارا

✅ اربعین ✅ 📕 از اثر جدید #اشک_فقیــر سبک #تا_مشکتو_تو_آب_زدی مزارون اوسته قارداشیم گیدوب دوباره گلمیشم اولان اولوب گئچن گئچوب،اورکده یاره گلموشم قولومدا قمچی ردّی وار،سینمده غملی سوزلریم دور ایندی پیشواز ائله،باشیمدا قاره گلموشم حسینجان دوزدوم غم و دردِ بیشماره--گتوردوم قیزلاری آلتی گوشه مزاره بیزی بو چرخ ستم چوخ چوخ یوردی قارداش--چکوبدی آل ترابی بزم قماره دور ای بلالی سینه سین،بو دشتیده سه پر اویان گلوبدی غملی کاروان،حسین دئیر ملَر اویان نه واردی شمر و حرمله،نه وار شماتت ایلیَن نه واردی غارت عدو،نه واردی قمچی لر اویان بیزی آزاد ایلیوب غمدن اهل کینه--گلوب زینب کاش اؤلییدی زار و حزینه اویات آرام سینه وین اوستن شیرخواری--باجون اؤلسون سو گتوردی غملی سکینه ولی بو درد و رنجدن اوزومی من ایتیرمه دیم خیال ائلمه قارداشیم ایشی باشا یتیرمه دیم بیر امریدن خجالتم،گذشت ائله دِینمورَم نلر اولوب خرابه ده،رقیه نی گتورمه دیم سنین غملی اولدوزون ویرانه ده باتدی--گلوب جانه اوچ یاشیندا دنیانی آتدی دیلیم لال اولسون دئسم اما نیسگیلیندن--اوزوم گوردوم آج سوسوز نچّه گجه یاتدی «فقیــــرخویی

🔸 قطعه جدید «شش گوشه» با نوای حاج رشید اسفندیاری سنه یا حسین سؤزوموز وا بو شش گوشه ده گؤزوموز وار باشدا وار شوق طواف نینوا درد عشقه گل کرمله قیل دوا بیرده یاز مولا پیاده کربلا عزیز زهرا قلبیمیز دوتدی سراغیوی حسین باشه وئر آخر فراقیوی حسین گویولوم ایستیری رواقیوی حسین عزیز زهرا دوری و دوستی سرم نمیشه و هیچ کجا واسم حرم نمیشه و از تو دورم باورم نمیشه و دارم می میرم کربلا واسم ضروریه حسین اربعین اوضام چجوریه حسین کار من امسال صبوریه حسین دارم می میرم عشقیوین دلدن اسیریم حسین بزم عشقیوین حقیریم حسین 🔻 تنظیم: امیرمحمد اسفندیاری

روضه شهادت امام حسن (ع) ئولدی حسنین باغلا قرا باشیوه زینب مهمان ایله قارداشیوی گوزیاشیوه زینب باغلا بو آخان گوزلری طاها عوضیندن آل باشیمی آغوشیوه مولا عوضیندن الرده ئولن یاره لی زهرا عوضیندن افغانیله گرم ایله منیم یاسیمی زینب اکبردن آیرما آتاسیز قاسمی زینب زهرا ایوینین گلشنی سولدی غم الینده تاراولدی ایشقلی گونوزوم محرم الینده کانال مداحی ترکی باسبک🎤 پیوی:مدیرکانال شعبانپور @Haram75 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال عاشقان حضرت ابالفضل ،ع، را به دوستان خودتان معرفی کنید ،☝️☝️☝️

‍ ‍ ‍ روضه حضرت محمد(ص) بسم الله الرحمن الرحیم یارحمان ویارحیم یارسول الله بو غمدن کون وامکان آغلادی ایلدون رحلت سنه آیات قرآن آغلادی شهر یثربده اوجالدی گولره آه ونوا بیر طرفده حضرت زهرا دیور ای وای بابا بیر طرفده باش اچیب مولا علی المرتضی علی عمامه نی قویوب یره زهرادولانیر پیغمبرین باشینا عالم معناده عرش حی سبحان آغلادی یا رسول الله شب شهادت امام حسن شب رحلت رسول گرامی اسلام یارسول الله ندن بس اولمادی محشر عیان پنج تن جمع اولدی بیر یرده اولوب اشگوز روان معجرین آلدی اله زهرا ایدوب دادو فغان ایله ناله ایلور خانم دولانور بابا باشینه هر دن دیور بابا بابا سارالان رنگوه قربان بابا زهراگودی او اثناده قاپی دولدی گیمسن دیدی بیرعربم خانم بوردیو بابامین حالی یوخ دی حال ملاقاتی یوخدی دوباره قاپی دولدی خانم آچما دی بیرده قاپینین سسی گلدی بابا گوزلرین آچدی زهرا بالا قاپینی آچ بالا زهرا بیلسون قاپی دوون کیمدی بالا اوملک الموتیدی قابیزل ارواحدی قیز اوشاقین اولا بابینن ارادا بیر محبتی اولار زهرا گلدی یوزون قویدی بابامینن یوزونه خانم گوزونون یاشی توگولور التماس دعا واریمدی ای بوگجه پیغملرین قاپیسینا گلنلر زهرانن گوزنین یاشی توکولور علی آغلیر زهرا آغلیر پیغمبر جان ویرور علی بویورور گوردوم بابا بالا قولا قینه بیر سوز دیدی زهرا تبسم ایلدی علی دیر سورا زهرادن سوال ایلدیم بابان نه بویوردی خانم دیدی عمه اوغلی بابام بیله دیدی زهرا نگران اولما قیزیم اولین کس که گلر یانیمه سن اولارسان بالا بالا بو یاخینیقاگلرسن بابا دیدارینه پیغمبر اجازه ویردی قیزیم آچ قاپینی بو هیچ کسدن اجازه آلماز اما بوردا بیر روضه اورگیمدن گیچدی آی آماده ایلشنلر دیورم یا رسول الله ملک الموت زهرادن اجازه آلدی اما اوچ گون سندن صورا بالاون قاپیسینا اوت ویردیلا اوشیوز 300 جماعت علینون قاپیسینا یاندیردیلا علینین الی قالدی بیلینده زهرانین الی قالدی سینه سینده خانم یواش یواش دیور گل فضه قاپیم یاندی شرار غمه یاندیم سقط اولدی بالام محسن اوزوم ده یارالاندیم خانم غش ایلدی بیر زماندان صورا گوزون آچدی گوردی علینی آپاردی لار اپارمیون عم اوغلومی وفالیم دوزمرم آچون عم اوغلومون قولون یارالیم گلنمرم خانم گوردی علی گیدور اما حسن آغلیرحسین آغلیر گوزلرین آچدی خانم باخدی بیراز صاق صولونا عاشقانه ایلدی تکیه حسینون قولونا دیدی اوغلوم گوزون آچ باخ بو شرافت یولونا بو یولون قانه باتان مقتلی وار سنگری وار اوخی وار قمچی سی وارنیزه سی وارخنجری وار خانم گودی اوبالاجابالانین گوزلریندن یاش جاری ایله یواش یواش دیور ننم لایلای بالانی باسدی باغرینا اوغول منه لایلای دیگون دیللره زهرا قربان مهربان لهنوه گوفتاروه دنیا قربان گوزلروندن توکولن یاشلی را دریا قربان دیدی گون لایلایا گوز یاشیمی گوزدن سیخارام عوضین گلم اوغول کرب بلاده چیخارام بامداحی استاد طالبی

متن نوحه ترکی ای بیزیم مملکتین شاهی رضا ای بیزیم مملکتین شاهی رضا آسمان شرفین ماهی رضا ای خراسان گوزلی هامی ایران گوزلی فاطمه یوسف سن شاه مردان گوزلی آقا بیز ایلده سلام گلروخ ادبیله او مقامه گلروخ یعنی پابوس امام گلروخ قویما دیلدا قالا بو آه رضا آسمان شرفین ماه امام رضا ای خراسان گوزلی هامی ایران گوزلی فاطمه یوسف سن شاه مردان گوزلی ای وران مرکز ایرانه علم سائلوخ بیز ولی سن کان کرم

[ روضه شهادت امام حسن(ع) ( #وصال_تبریزی ) ] زینبیم دادیمه تز گل بیر کسیم یوخدی سن امدادیمه تزگل آه فریادیمه تزگل زهر ائدوبدور اثر اکبادیمه تز گل غرق و درد و محنم من اوز دیاریمده غریب وطنم من یوزوی قوی یوزومه گور گویروب یوزوم عقیق یمنم من غم کریخدوردی منی غم یره یخدی منی غم ائله سیخدی منی وای حسن جانم حسن آغلاماق چاره دیول گل یاره مرهم گوتورن یاره دیول گل گل اوزون اول منه همدم اوزگه همدم منه غمخواره دیول گل جعده مقصودینه چاتدی یار الیله عمرومون کوکبی باتدی آند اولا جانیوه زینب کوچه دردی منی واللهی قوجاتدی من غصه می بولدوم اوگون من اورک بُلدوم اوگون من کوچه ده اُلدوم اوگون وای حسن جانم حسن عمرمون گلشنی سولدی قوی دیوم کوچه ده زینب نلر اولدی دوشدی گوشواره قولاقدان وای منه آنام گوزی قانیله دولدی دل اوگوننون یاره لندی باشیما ظلمون الیله نار الندی نیلدوم ال کسه بیزدن آنام الینده قباله پاره لندی حیف ریشدن قردی گلی حیف الده سندردی گلی حیف دوتوب وردی گلی وای حسن جانم حسن دل آچوب پیس سیاقیله یولی کسدی هم صولیله هم صاقیله باجی بی پرده دیوم بول بیزی وردی هم الی هم ایاقیله هی او دوردی سوزی اوسته لکه سالدی نحس الیله گوزی اوسته کور اولیدی گوزوم ای کاش زینبیم آنام یخلدی اوزی اوسته وای وراق لردی گلی وای ایاق لردی گلی وای او داغ لردی گلی وای حسن جانم حسن گئچوت حالون نظریننون یوزی گویردی او سیلی اثریننون اورگیم ایندیده والله یانوب اوت دوتوب او سیلی شرریننون غم اوشاقه اثر ایلر گون دوتولسا آفاقه اثر ایلر دوتمادی دل دیه دردین سیلی دیسه ، دل دوداقه اثر ایلر وای قویرمیشدی قولی وای بئله گور غم اولی وای ایترمیشدی یولی وای حسن جانم حسن سبک 👇👇👇👇👇👇👇👇👇