آغلارم شام و سحر سبط پیمبر حالینه جان ویرن زندانیده موسی بن جعفر حالینه   آهیله دل داغلارام    غصه دن قان آغلارام   بولمورم بو سرورین هانسی غمین تعداد ایدوم گوز یاشین رخساره جاری چون شط بغداد ایدوم ذلتین یاد ایلیوم یا غربتیندن داد ایدوم بیر یانار اوددی باخاندا اول شهین هر حالینه   بسکه چکدی گوشۀ زندانیده بی حد بلا اولدی بیر نوعی ضعیف اول سرور ملک وفا یل دگنده میل ایدردی گه صاقا گاهی صولا حالتی تشبیهیدی برگ گل تر حالینه   گورمیوب عالمده هرگز بیله غربت بیر غریب چکمیوب موسی بن جعفر تک مصیبت بر غریب یوخ سراقیم چکماقا بر بیله ذلت برغریب بیله غربت هیچ کیمون اولموب مُقدَّرحالینه   گوشۀ زندانیده اون یدی ایل شام و سحر بو غریبون آلمادی بیر کیمسنه حالین خبر نه گلن نه بیر گیدن زنجیریده خونین جگر بیله دور بالله باخان اولماز غریبلر حالینه   ایتمدی هارون بو قدری جور و ظلمه اکتفا بیر نچه دانه رطبده گوندروب زهر جفا قالدی مجبور ایلدی میل اول امام ماسوا یاندی قلبی اول شهین یاندی ملکلر حالینه   زهریله مسموم اولوب خیلی پریشان حالیله جان ویروب اوچگون جنازه قالدی بو منوالیله گلدی اوچ گوندن صورا بیر تخته دوت حمّالیله بیله تشییعی اولونموب هیچ ئولنلر حالینه   ائتدی تشییع جنازه اول شهی چون دوت نفر تا او احواله سلیمان ایتدی قصریندن نظر اوز غلامین ایتدی احضار آلدی احوالی خبر کیمدی بو بیکس بو گون باخموبدی کسلر حالینه   اولدی تعجیل تمامیله غلام اول دم روان بولدی احوالی گلوب تفصیلیله قیلدی بیان باشینه ووردی سلیمان ایتدی فریاد و فغان آغلادی اول بیکس و بی یار و یاور حالینه   گلدی قصریندن ویروب غسل ایتدی پر قیمت کفن ایستیوب اوز اهل بیتین سویلدی با صد محن بو غریبه آغلیون بیر اوخشیون فریادیلن یوخ یانیندا آغلیا باجی برادر حالینه   واریری بو غصه دن یکسر گوگوللر قان اولا حشره دین نوحه سرا بو عالم امکان اولا عالمون جانی حسینون جاننه قربان اولا هیچ کیمون حالی قیاس اولماز او سرور حالینه   اولمادی کرب و بلاده کیمسه عاشورا گونی غسل ویرسون دفن قیلسین کربلا مظلومینی جای اینکه قویماسونلا بی کفن گل جسمینی سویدی رختین یانمادی قوم ستمگر حالینه   یا حسین بو ایل (شهاب) اون یدی ایلدی هو چکر درگهون ایلوب طلب درویش تک شام وسحر قیل بو جمعین سایه سینده بو حقیره بیر نظر گاه گاه ایلر نظر شهلر گدالر حالینه    مرحوم شهاب تبریزی منبع مجموعه کانالهای مدح و مرثیه

#نوحه #ترکی #شهادت_امام_کاظم

شهادت حضرت موسی ابن جعفر(ع) (وصال تبریزی) السلام علیک یا باب الحوائج یا موسی بن جعفر پوزوب عالمی دود آهیم گورورسن آنا یوخ پناهیم بو آخر نفسده اوزون گل منیم اولگونان دادخواهیم حالیم عیاندور بو سزقین سسیمندن منی خلاص ائله گل قفسیمندن ایشیم چاتوبدور هارا گور آنا جان یورلموشام چکدیقیم نفسیمندن ای وای یارالی یارالی یارالی غریب حالینه داغلار آغلار سولان سارالان باغلار آغلار غریبون اولن دمده گلسه آناسی گوزون باغلار آغلار نه ایش گلر بیر غریبون الیندن خوش دور طبابت طبیبون الیندن آند اولسون حقه گلوب جان دوداقه مدتدی بو نا نجیبون الیندن ای وای یارالی یارالی یارالی خبر یوخ گئجه گوندوزومدن ائله چخمیشم اوز اوزومدن گلر گونده سند ابن شاهک ورار غیظیله گل یوزومدن گونوم دونوب شامه سندین الیندن لرزه دوشر جانیمه گئت گلیندن بیر سوز وارم هیچ کسه دیه بولمم سیخنموشام من بونون چوخ دیلیندن ای وای یارالی یارالی یارالی بلا دامینه بستیم من جفادن دئمه رستیم من داخی اوز حیاتیمنون آخر نجه عرض ائدیم خستیم من یازوب منیم لوحیمه دست تقریر سن گلمیینجه ائده بلکه تاخیر سندن آنا ظلم الی جان آلوبدی مندن آلور جان ،آغیر کونده ، زنجیر ای وای یارالی یارالی یارالی یانان بلبله بنذیرم من سولان سنبله بنذیرم من ایاقلارون آلتوندا قالان ازلیمش گله بنذیرم من سایه سالوبدور خزان ، یپراق اوسته روحیم سیزلدور یانار اوجاق اوسته بیر نچه مدت اولار کی آناجان دورانمورام من داخی ایاق اوسته ای وای یارالی یارالی یارالی آنا آتش غمله یانام اورک قانینه من بویانام اگر باشیمون اوسته گلسن اوزوم باشیوه من دولانام گل آغلیاق بوردا باهم حسینه سن سینه ور من دوتوم دم حسینه آنا بالا ایلشاق کنج زندان قوراخ گوزل بزم ماتم حسینه ای وای یارالی یارالی یارالی عدو اوندا کین اوسته دوردی او دمده جفا بزمی قوردی چخور یره سالوب حسینی گلوب گئدن اونی وروردی جسم حسینه قشون ال تاپاردی انگشتون انگشتریله آپاردی گلدن گلاب ایستدی لشکر آلسون عریان بدنونده آتلار چاپاردی ای وای یارالی یارالی یارالی

‍ در مراثی موسی بن جعفر (ع) دکتر محمدحسین کتابچی (علومی تبریزی) سبک : ای درد بی درمانلارا درمان ... آرام جاندی حیدره موسی ابن جعفر ذرّیه دی پیغمبره موسی ابن جعفر تاپدی شهادت گتدی تا ائتسون شکایت هارون الیندن داوره موسی ابن جعفر گوردی نه غملر گردش گردون الیندن فریاد سند ظالم و ملعون الیندن عرض ایلدی یارب آنام زهرایه خاطر آخر خلاص ایله منی هارون الیندن عمریم گلی زندانیده سولدی سارالدی آرامیمی هجران غمی غربتده آلدی هارون بی دینون الیندن من قوتولّام مندن صورا امّا بالام معصومه قالدی سند ابن شاهک قتلینه شورا قوراردی قانیله قلب مصطفانی دولدوراردی یاخمازدی زنداندا سولوب گلزار عمری هر گون گلوب پیغمبرین اوغلون ویراردی گتدی غم تقریریله موسی ابن جعفر فریاد عالم گیریله موسی ابن جعفر جان وئردی کنج حبسده یا حجةالله بوینوندا کی زنجیریله موسی ابن جعفر یپراق کیمی گل جسمی زنداندا اسردی مقراض حسرت رشتۀ عمرین کسردی باغلیدی زنجیره نجه دورسون ایاقه دورسیدی زنجیر جفا بوینون کسردی

‍ در مراثی موسی بن جعفر (ع) دکتر محمدحسین کتابچی (علومی تبریزی) سبک : ای درد بی درمانلارا درمان ... آرام جاندی حیدره موسی ابن جعفر ذرّیه دی پیغمبره موسی ابن جعفر تاپدی شهادت گتدی تا ائتسون شکایت هارون الیندن داوره موسی ابن جعفر گوردی نه غملر گردش گردون الیندن فریاد سند ظالم و ملعون الیندن عرض ایلدی یارب آنام زهرایه خاطر آخر خلاص ایله منی هارون الیندن عمریم گلی زندانیده سولدی سارالدی آرامیمی هجران غمی غربتده آلدی هارون بی دینون الیندن من قوتولّام مندن صورا امّا بالام معصومه قالدی سند ابن شاهک قتلینه شورا قوراردی قانیله قلب مصطفانی دولدوراردی یاخمازدی زنداندا سولوب گلزار عمری هر گون گلوب پیغمبرین اوغلون ویراردی گتدی غم تقریریله موسی ابن جعفر فریاد عالم گیریله موسی ابن جعفر جان وئردی کنج حبسده یا حجةالله بوینوندا کی زنجیریله موسی ابن جعفر یپراق کیمی گل جسمی زنداندا اسردی مقراض حسرت رشتۀ عمرین کسردی باغلیدی زنجیره نجه دورسون ایاقه دورسیدی زنجیر جفا بوینون کسردی

▪️روضه موسی بن جعفر علیه السلام ✅دور بقیع دن گل یانا یانا آنا یا فاطمه 🎤 زنده یاد نورالذاکرین حاج محمد باقر منصوری ▪️روضه ترکی ▪️بسیار دلنشین #امام_زمان کانال زنده یاد حاج محمد باقر منصوری

‍ عرض ارادت زائر به ساحت مقدس حضرت موسی بن جعفر علیه السلام السلام  السلام   یا موسی بن جعفر ای امام همام     یا موسی بن جعفر    یا باب الحوائج   یا موسی بن جعفر 2بار زائر دربارم   یا موسی بن جعفر دید سی خونبارم یا موسی بن جعفر عشقینده بیمارم یا موسی بن جعفر یا باب الحوائج یا موسی بن جعفر 2بار عبد گنهکارم   یا موسی بن جعفر بی کس و بی یارم یا موسی بن جعفر زار و دل افکارم   یا موسی بن جعفر    یا باب الحوائج یا موسی بن جعفر 2بار ای شاه عالمین. یا موسی بن جعفر زهرایه نورعین یا موسی بن جعفر سلطان کاظمین یا موسی بن جعفر     یا باب الحوائج یا موسی بن جعفر 2بار ای حجت خدا     قاپووا گلمیشم وی سبط مصطفی    قاپووا گلمیشم دردیمه قیل دوا     قاپووا گلمیشم یا باب الحوائج یا موسی بن جعفر 2بار ای ابن مرتضی     قاپووا گلمیشم وی والد الرضا      قاپووا گلمیشم ائت غصدن رها    قاپووا گلمیشم یا باب الحوائج یا موسی بن جعفر 2بار ای دردلره درمان     یا موسی بن جعفر غربتده باغری قان   یا موسی بن جعفر یوردی سنی زندان   یا موسی بن جعفر یا باب الحوائج یا موسی بن جعفر 2بار اون بیر ایل زنداندا  سن سینه داغلادین اوغلون رضانی سن سسلدین آغلادین جدین حسینه زنداندا   یاس ساخلادین یا باب الحوائج یا موسی بن جعفر 2بار دائم ئورک قانین  یین وای آقام وای دین اوسته هر ظلمه دوزن وای آقام وای زندان ائوینده جان وئرن وای آقام وای      یا باب الحوائج یا موسی بن جعفر 2بار زنجیر ستمدن اولموشدون چوخ خسته گوشه ی غربتده جان ویردین دین اوسته جانلار فدا اولسون  سن تک حق پرسته یا باب الحوائج یا موسی بن جعفر 2بار

🔳 #شهادت_امام_کاظم(ع) 🌴روضه موسی بن جعفر(ع) 🌴آقا بیا که روضه موسی بن جعفر است

ای بهشت من کربلا 🎤 🔷 مداح : امیر کرمانشاهی ای بهشت من کربلا سرنوشت من کربلا آب و خاک من ای سرشت من کربلا کربلا کربلا کربلا دلیل و اشک و زاری کربلا رو دلا زخم کاریه کربلا قرار بی قراریه کربلا کربلا برو بیاست چه شوریه کربلا قسمت من صبوریه کربلا میکشه منو دوری کربلا ای قبله گاه زمین حال دلم رو ببین من دلخوشیمه همین بیام اربعین ای کربلا کربلا ای کربلا کربلا جنت الاعلی کربلا عرش معلا کربلا قبله نمایی ندارم الا کربلا کربلا کربلا کربلا دوای درد تربته کربلا آرزومه زیارت کربلا شب جمعه قیامته کربلا توی دنیا پناهمه کربلا به خدا قبله گاهمه کربلا حرم پادشاهمه ای قبله مومنین شیرین شور آفرین من دلخوشیمه همین بیام اربعین ای کربلا کربلا ای کربلا کربلا #مداحی_ماندگار

زبانحال حضرت موسی ابن جعفر(ع) 🎼سبک: آی قلبیمون قراری... 📝 علومی تبریزی گئت ای صبا خبر وئر اوغلوم رضایه گلسون گورسون منی جوانیم نی تک نوایه گلسون جان اوستیم الهی عرشه چخوب فغانیم زهر جفا وئروبله آرتوب غم نهانیم خوشدور جنازم اوسته حاضر اولا جوانیم یوخ بیر کسیم یانمدا شور و نوایه گلسون ظلمتدی کنج زندان نه حالیمی بیلن وار نه عترتیم یانیمدا بیر محبسه گلن وار زنجیر گردنیمده قلبیمده چوخ محن وار بیر کیمسه یوخدی ئولسم دورسون عزایه گلسون آهیم سالوب شراره هر لحظه نه رواقه زنجیر و کونده قویمور آخر دورام ایاقه گلسه رضا قویاردوخ بیرده دوداق دوداقه جان وئرمه میش صبا دئ اول مه لقایه گلسون جان اوستیم نولیدی بیر اقربا گلیدی بو صون نفس سراغه بیر آشنا گلیدی معصومه که گلنمز اوغلوم رضا گلیدی یوخ اؤزگه بیر پناهیم باری هرایه گلسون گلَّم صباح و شامی زندانیده فغانه من بیر قوجا امامی دشمن گتوردی جانه زهر جفا وئروبلر آخر بو باغریقانه کیمدور وئرن تسلّی بو بینوایه گلسون هارون بی مروّت ظلمنده ائتدی طغیان بغداده گتدی جبراً اولدوم غریب و نالان مسموم ائدوب ستمله حالیم اولوب پریشان انصافی یوخدی رحمی بو بینوایه گلسون صیّاد جانشکاره آهو کیمی شکارم بیر کیمسه یوخ یانمدا بی یار و غمگسارم آخر بالام رضایه جان اوسته انتظارم چوخ مایلم که اوغلوم بو غم سرایه گلسون منزل اولوب بو زندان من زار وبی نوایه نی تک سیزیلدارام من یانّام بو ابتلایه دیوارلر وئرولّر منله صدا صدایه اهلیم هانی یانیمدا تا آه و وایه گلسون جدّیم حسینی بوردا هر آن خیاله سالّام جان وئرماقین بو یرده سرمشقین اوندا آلّام یوخ طاقتیم قیامه من سجده گهده قالّام جدّیم نولور باخوب بیر بو ماجرایه گلسون جدّیمده جان وئرنده قالمیشدی سجده گهده گلمیشدی شوره یکسر اطفالی خیمه گهده سویلردی شمر شومه بو نوعی قتلگهده ظالم دایان آنام بیر دشت بلایه گلسون باب الحوائج آدی ای باب لطف و احسان بیکس «علومی» اولموش دنیا غمینده گریان ایسته خدادن آخر تاپسون ملالی پایان آل عبایه گلسون 🖤🖤🖤🖤

راز و نیاز حضرت امام کاظم علیه السلام 🎵سبک: ای وئرن ویرانه یرده ... عمه بو ویران سراده 📝◾️مرحوم تائب تبریزی ➖➖➖➖➖➖➖➖➖➖ ظاهراً اولموش مکانیم گوشۀ زندان الهی ایلیوب معناده عشقون روضۀ رضوان الهی عشقیوین پابندیم من دلشکسته بندیم من اینجیدر محبوسی دوزدور ظلمت زندان اولان یر خاصّه دود آه، سوز سینه ی سوزان اولان یر لیک اولار جنّتدن اعلی جلوه ی جانان اولان یر جلوه گاه یاردور بو گوشه ی زندان الهی گرچه بو زندان غمده بیر غریبم همدمیم یوخ دردیمی اودلی اورکدن آلماقا بیر محرمیم یوخ لیک مشغولم سنیله شادکامم هیچ غمیم یوخ بیر منم بیر سن بو یرده ای حق منّان الهی آتموشام گوزدن جهانی عشقیوین پابندیم من دوتموشام یالقوز سنی بیر دلشکسته بندیم من هر بلا گلسه یولوندا شاکرم خرسندیم من صابرم هر ماجرایه جاندا تا وار جان الهی حکم هارونیله گرچه تیره گوندور روزگاریم لیک آرتار باشدا شوریم هردم آرتدوقجا فشاریم ایتمرم هرگز گلایه ای گوزل پروردگاریم اوزگه عالمدور بو عالم خالق سبحان الهی وار یرون قلبیمده، سایر دلستانی نیلرم من درد آلان سنسن، بیر آیری درد آلانی نیلرم من مهربانیم سنسن، اوزگه مهربانی نیلرم من مهربان سن، دلستان سن، ای سنه قربان الهی عاشق جانباز جانان جانی نیلر، جان نه لازم نائل وصل نگاره صحبت هجران نه لازم دردمند درد عشقین دردینه درمان نه لازم دردمند عشقیوم ای دردیمه درمان الهی مدّت عمریمده یارب آختاروردوم بیله ساعت یالقوز ایوده یاریمیله بیر قوریدیم بزم خلوت یوخدی بیگانه یانیمدا منزلیمدور یاخشی خلوت ایتماقا یاریله صحبت تاپموشام امکان الهی بو منم بو خلوت ایو، بو اودلی دلده سوز و سازیم بو قرانلوق ایوده روشن شمع آه جان گدازیم بو سیزیلتیم بو نمازیم، بو منیم راز و نیازیم چوخ سعادتدور ایدوبسن سن منه احسان الهی قالموشام زندان غمده دلده اوزگه مطلبیم وار بولسون اهل کلّ عالم نه شئون و منصبیم وار باشدا ا... شوری، دلده ذکر یارب یاربیم وار تا وارام دلدن بو ذکری سالمارام بیر ان الهی گرچه اولموش بو رطوبی یر منه جای اقامت اولمارام ناراحت اصلاً، منده یوخ روح شکایت هیچ کیمه اولماز میسّر بیله بیر دارالعبادت بو عبادتگه بو عبدون بو دل سوزان الهی سسلرم دائم سنی من سوز و ساز اوستونده یارب باشه ویرّم عمری عشق بی نیاز اوستونده یارب خوش دوشر گر چخسا جانیم بو نماز اوستونده یارب دم ویرن سن، جان آلان سن، جان سنه قربان الهی عشق جانانیله باشدا شور عشقیم هردم آرتار شوریم آرتدوقجا بو موج اشک چشمیم چوخ یم آرتار شور گوزیاشیم آخاندا دمبدم روحیّم آرتار قویمارام روحیّم اُلسون تا وارام تالان الهی بیر مهم یتموش محاقیم، طالب دلسوزلاریم وار ایمدی سرگشته وطنده آختاران اولدوزلاریم وار بیر رضا آدلی جوانیم، نچّه آغلار قیزلاریم وار گوزلری یولدا قالوبدور، اوزلری گریان الهی بیر غریبم نه وطندن قاصدیم وار نه بریدیم بیر گلن یوخ بیر گیدن یوخ، وار نه دید و بازدیدیم ناامیدم هر طرفدن، باغلانوب راه امیدیم بیر امیدیم وار سنه ای هادم حرمان الهی حبسیده هارون جانی چوخ منی سالدی فشاره تا آچام دل اعتذاره حق ویرم اهل نقاره حق سوزوم اوسته دایاندیم، آچمادیم دل اعتذاره نقشه ی هارونه ووردوم بیر خط بطلان الهی من دیدیم یوخ جرم منده، جانی و قاتلدی هارون عذر مجرمدن سزادور، مجرم کاملدی هارون نیتمیشم عذر ایستیم من، حق منم باطلدی هارون بو سوزیله حقّی قیلّام عالمه اعلان الهی عاری یوخ زنجیر ظلمه باغلیم گر دستگیرم بنده ی آزاد عشقم، قوم روباهه اسیرم شیری زنجیره چکللر، من اوزوم شیر اوغلی شیرم مسلمینه درس عبرت اولدی بو عنوان الهی چوخ جنایتلر ویروب باش قوم بد بنیاد الیندن دوشموشم دامه شکایت ایتمرم صیّاد الیندن الامان ... امان بو سند شومین داد الیندن روحیمی چوخ اینجیدور بو شوم بی ایمان الهی یوسف صدّیقی آزاد ایلین حبس بلادن وی ایدن اشجاری خارج قدرتیله تین و مادن سن بو مظلومی خلاص ایت شرّ سند بی حیادن رحم ایله بو دلفگاره راحم و رحمان الهی تائبا قرآن یولوندا حاضر اول هر بیر بلایه بیله که موسی ابن جعفر دوزدی هر بیر ابتلایه هردم آرتدوقجا فشاری شکر ایدردی لایُرایه تا دم آخِر دیردی جان سنه قربان الهی

امام موسی کاظم علیه السلام زبانحالی آناسی زهرا سلام الله علیهایه هنگ:(آرخام ائلیم قارداش ابوالفضل) ❤️❤️❤️❤️❤️ (یافاطمه گل فریاده سال بیرگذرون بغداده ئولدوردی منی زهر کین امداد ایله بو ناشاده) *تز گل آنا حالیم یاماندی زنداندا ٱوغلون باغریقاندی قلبیم باشی زهریله یاندی* «امدادایله بونور عینه ویرم قسم ٱوغلون حسینه» ❤️❤️❤️❤️❤️ (سن بیل ٱوحسینون جانی درک ایله من نالانی گل گوزلریمی سن باغلا گر ٱولسا آنا امکانی) *من بیکسه دل داغلیان یوخ بوگوزلریمی باغلیان یوخ بوردا غریبه آغلیان یوخ* «امداد ایله بونور عینه ویرم قسم ٱوغلون حسینه» ❤️❤️❤️❤️❤️ (بیجا ٱورگی غم یاخمور بیجا یوزه اشکیم آخمور قنفذ قولووی سیندیردی واضحدی هوایه قاخمور) *گل باشیم ٱوسته سینه داغلا ایوای بالام وای سویله آغلا بو گوزلری بیر اللی باغلا* «امداد ایله بونور عینه ویرم قسم ٱوغلون حسینه» ❤️❤️❤️❤️❤️ (پابسته زنجیرم من عمرومدن ایله سیرم من سند ایلوری هتک حرمت هرگز دیموری پیرم من ) *درک ایله جرمون بوسوزومدن باخمور آخور اشکیم گوزومدن قهرا ورور سیلی یوزومدن* «امدادایله بو نور عینه ویرم قسم ٱوغلون حسینه » ❤️❤️❤️❤️❤️ (یوخ سیلیه منده یارا رحم ایلموری سند اصلا سیلی یوزومه دگدوقجا یاننام دییرم یازهرا) *ویرم اجازه اشک آله کوچه دوشر ٱوندا خیاله الله بولور قالدون نه حاله* «امداد ایله بو نور عینه ویرم قسم ٱوغلون حسینه » ❤️❤️❤️❤️❤️ (یاننام ستم اشراره گوز یاشیم آخار رخساره ثانی ایله بیر ظلم ایتدی دگدی گل یوزون دیواره) *غمدن باشیوا کول الندی توپراقه چادر شب بلندی قهرا قباله ن٬پاره لندی «امدادایله بو نور عینه ویرم قسم ٱوغلون حسینه » ❤️❤️❤️❤️❤️ (گلسن ٱورگی داغلارام گوزیاشین یوزه باغلارام قویام باشیمی سینوه ایوای دییرم آغلارام) *من سسلرم مظلوم آنام وای سنده دییرسن وای بالام وای گلسن دیمه ایوای یارام وای* «امدادایله بو نور عینه ویرم قسم ٱوغلون حسینه » ✍ به قلم :کربلایی مهدی محمدپور(نوحه خوان)

شهادت حضرت امام کاظم علیه السلام زندانیم بغدادیده امداده گل یافاطمه بوینومدا که زنجیره باخ فریاده گل یافاطمه یافاطمه یافاطمه ... ترک ایله شهریثربی ای زاده خیرالورا محبوبۀ عزّ وجل جانیم سنه اولسون فدا روح و روانیم سن منیم ای مفخرآل عبا اللهه خاطر محبس بیداده گل یا فاطمه غربتده دشمن اوغلووی زندانه سالدی آی نه نه حق اوسته موسا اون بیرایل محبسده قالدی آی نه نه آه و فغان و ناله سی عرشه اوجالدی آی نه نه سالما نظردن کاظمی بغداده گل یافاطمه پیغمبراوغلون یاده سال گئتموش الیندن طاقتی دهرفناده اون بیرایل درک ایتدی درد غربتی خصم لعینون وارهله قلبینده آیری نیّتی قورتاربومحنتدن منی فریاده گل یافاطمه غربتده قالدیم اون بیرایل بیر آشناده گلمدی ساده سالانیم اولمادی معصومه داده گلمه دی یولدا گوزوم قالدی نه نه اوغلوم رضاده گلمدی بغداده گلسون عالم معناده گل یافاطمه هارون خیال ایتدی منیم غملر پوزوبدی حالیمی نیّات پستی دشمنین برهم ائدوب اجلالیمی آند اولسون حقه پوزمیوب اندوه ومحنت حالیمی اوغلون حسینین محنتین سال یاده گل یافاطمه گل گوشه ی زنداندا بیر بزم عزا برپا ائدک غمنامه باهم باشلیوب شورو نوا برپا ائدک بیر مجلس روحانی آل عبا برپا ائدک من نوحه دیلدن باشلیوم سن داده گل یافاطمه عرشه اوجالداق ناله لر نوحه دیوب قان آغلیاق اشک ملال و محنتی گوزدن عذاره باغلیاق گَل که شرار محنت و درد اوسته سینه داغلیاق باشه قرا معجرسالوب بغداده گل یافاطمه دشت بلاده جدیمون بیحدکه اولدی غملری ایستی هواده سینه سین آماج ایدوب غم لشکری دیلدن سالوب درد و الم بنددل پیغمبری فرمایش اوندا ایلیوب امداده گل یافاطمه  گل داده دوغراندی نه نه قرآن یولوندا اکبریم عونیله فضل و جعفریم دوغراندی گل سرلشکریم پوزدی بومحنت حالیمی اوخلاندی دیل سیز اصغریم دوشدو ایاقدان صحنه ی هیجاده گل یافاطمه بسدور اشاره محنت کرب و بلایه آی قلم زهرا عنایت ایلدی آلامیدن ایتدون رقم الطاف زهرا (مژده) نی دنیاده ایتدی محترم یازکه هرایه محشر کبراده گل یافاطمه

#مناجات_با‍ امام زمان(عج) ترکی و فارسی ▪️▪️▪️▪️ گینَه جِمعه یَتیشدِی گَلمَدون سَن یابن الزهرا گیجَه صِبحه کیمین یالوار میشام مَن یابن الزهرا اوزاخ قالماقلیقون عاشِیقلرون یاندِیردی مولا نیَه گَلمیر سَن ای شاه دو عالم یابن الزهرا 🔹فدایم سَنَه گدایم سَنَه گُوزوم قُربانی مهدی گَل ای عاشیق لَرین دار و نداری یابن الزهرا سالان تَحتُ الشعایه مهر و ماهی یابن الزهرا 🔹فدایم سَنه گدایم سَنه گُوزوم قربانی مهدی چو گیسوی تو من در پیچ وتابم یابن الزهرا چرا یک شب نمی آیی به خوابم یابن الزهرا 🔹امیرم تویی عزیزم تویی اباصالح کجایی اَللّهُمَّ عَجِّل لِوَلیِّڪَ الفَرَج بحق مولاتنا الزینب

🌼🌹🌼🌹🌼🌹 مناجات امام زمان عج #ترکی #انتظار_فرج 🥀🥀🥀 گینه بیر هفته سایدیم جمعه گلدی گلمدین سن  هامی پروانه دور شمعه گلدی گلمدین سن .  داشوب صبریمیز  یانور قلبیمیز  آدون دیللرده مولا  صفا سنده دی  وفا سنده دی  گل ای فرزند زهرا  یابن الحسن یابن الحسن ........  .  سنون درد فراقون شیعه قلبین درده سالدی  اولوب ازبر هامی دیللرده مهدی هاردا قالدی  الینده علم  گل ای منتقم  آچیقدور یوللارین گل  گل ای دادرس  او خنجرله کس   بو ظلمون خوللارین گل  یابن الحسن یابن الحسن ..... 

سبک مبعث آقا رسول اکرم(ص) (وصال تبریزی) حق آچوب باب رحمتون پایلیوری خلقه نعمتون وئروبدی الله رسولینه گوزل تاج رسالتون 💐💐💐💐💐💐💐💐💐💐💐💐 برکت وار بوندا نه بی حد گوزل آدی یرده محمد عرشین اهلی سسلوری احمد مددی یا محمد...... ----------؛؛؛؛؛؛؛------------؛؛؛؛؛؛؛؛؛-------- یر گوی اولوبدی منجلی پیعمبره یوخدی تای بلی دیوبدی طاها اوزی بونی منیم عشقیمدی بیر علی 💐💐💐💐💐💐💐💐💐 ابدیدور هم ازلیدور بونلا جنتده منجلیدور منیم عشقیم فقط علیدور مددی یا محمد.... --------؛؛؛؛؛؛؛؛-----------؛؛؛؛؛؛؛؛؛؛--------- حق یازوب عرش اعظمه نبوتیم چاتدی خاتمه محمدین تکجه بیر توکون وئرمرم کل عالمه 💐💐💐💐💐💐💐💐💐💐 گل آدی شیریندی عسلدی مثلی یوخدی بی بدلدی گل یوزی گولدنده گوزلدی مددی یا محمد..... -------؛؛؛؛؛؛؛؛؛---------؛؛؛؛؛؛؛؛؛؛؛؛--------- شب بعثتدی بو گئجه هم شب رحمتدی بو گئجه کرب و بلانون زیارتی بیزه قسمتدی بو گئجه 💐💐💐💐💐💐💐💐💐💐💐💐💐 دیللره گل شور و نوا وئر قلبیمیزه ذوق و صفا وئر عیدیانه کر ب و بلا وئر مددی یا محمد..... سبک👇👇👇👇👇👇👇👇👇

ا ولادت امام زمان (عج)  اهنگ :دل بی تاب اومده جان اقا شاعر #علیرضا_علوی_زنجانی 🌺🌺🌺🌺🌺🌺 گُل زهرا اومده یوسف دلها اومده  اومده ارباب ما مهدی زهرا اومده دردیمیزین دواسی شیعه لرین آقاسی گلدی جهانه به به آقالارین آقاسی جان مهدی سنه قربان مهدی سید خوبان مهدی جان مهدی جان مهدی سنه قربان مهدی جان مهدی 🌺🌺🌺🌺🌺🌺 جان جانان آمده ماه درخشان آمده ماه شعبان شده و نیمه شعبان آمده دردیمیزین دواسی شیعه لرین آقاسی گلدی جهانه به به آقالارین آقاسی جان مهدی سنه قربان مهدی سید خوبان مهدی جان مهدی جان مهدی سنه قربان مهدی جان مهدی 🌺🌺🌺🌺🌺🌺  ای گُوزلر گُوزلی یاور دلدار علی ای غزلر غزلی نو گُل گلزار جلی دردیمیزین دواسی شیعه لرین آقاسی گلدی جهانه به به آقالارین آقاسی جان مهدی سنه قربان مهدی سید خوبان مهدی جان مهدی جان مهدی سنه قربان مهدی جان مهدی 🌺🌺🌺🌺🌺🌺 مظهر داوردی اقام روح پیمبردی آقام آدینه قربان اولوم حیدر دیگردی آقام دردیمیزین دواسی شیعه لرین آقاسی گلدی جهانه به به آقالارین آقاسی جان مهدی سنه قربان مهدی سید خوبان مهدی جان مهدی جان مهدی سنه قربان مهدی جان مهدی 🌺🌺🌺🌺🌺🌺 خلف شیر خدا حجت سبحاندی آقام صدف گوهر حق سوره قراندی آقام دردیمیزین دواسی شیعه لرین آقاسی گلدی جهانه به به آقالارین آقاسی جان مهدی سنه قربان مهدی سید خوبان مهدی جان مهدی جان مهدی سنه قربان مهدی جان مهدی 🌺🌺🌺🌺🌺🌺 یاناریق ظلم اودونا شام سَحر تِز گَل آقا قاریشوب بیر بیرینه خِیریله شَر تِز گَل آقا دردیمیزین دواسی شیعه لرین آقاسی گلدی جهانه به به آقالارین آقاسی جان مهدی سنه قربان مهدی سید خوبان مهدی جان مهدی جان مهدی سنه قربان مهدی جان مهدی 🌺🌺🌺🌺🌺🌺🌺 یوخ عدالتدن اثر تز گل آقا تز گل آقا یتشویب ریشه اسلامه خطر تز گل اقا دردیمیزین دواسی شیعه لرین آقاسی گلدی جهانه به به آقالارین آقاسی جان مهدی سنه قربان مهدی سید خوبان مهدی جان مهدی جان مهدی سنه قربان مهدی جان مهدی 🌺🌺🌺🌺🌺🌺🌺 عاشیق بیز هامومیز گُل یوزی زیبا گُوزله دیریک دردیمیزی صورتی آیدان گوزله دردیمیزین دواسی شیعه لرین آقاسی گلدی جهانه به به آقالارین آقاسی جان مهدی سنه قربان مهدی سید خوبان مهدی جان مهدی جان مهدی سنه قربان مهدی جان مهدی 🌺🌺🌺🌺🌺🌺 بَه عجب گُوندی بو گُون مِهر فُروزان دی گلوب بو مَلکدی یا بَشر مفخر انسان دی گلوب دردیمیزین دواسی شیعه لرین آقاسی گلدی جهانه به به آقالارین آقاسی جان مهدی سنه قربان مهدی سید خوبان مهدی جان مهدی جان مهدی سنه قربان مهدی جان مهدی 🌺🌺🌺🌺🌺🌺 شاعر#علیرضا علوی زنجانی ۹۸/۱/۲