.... در سوگ رهبر کبیر انقلاب اسلامی ایران حضرت امام خمینی ... ره .... اول گون کی غروب ایلدی خورشید جماران محنت بولودی قلب اَحبّانی ایدوب قان غم چولقالادی کوچه و بازاری سراسر بو غمده عَزا رَختی گِیوب ملّت ایران آزاده لرین رهبر فرزانه سی اَفسوس گوز یومدی جهانه هامینی ایلَدی گریان دریایِ وقار و اَدَب و حِلم و شجاعت ایثار و وَفا مَظهری اُستوره ی عرفان صبر ایلییَن اسلامه گوره رَنج و بلایه دنیا بویی عُشّاقی ایدَن صبرینه حیران همّتله اوجالدان عَلَم دین خُدانی پاینده دی بو همّتیله مکتَب قرآن درگاه خداونده اولان بنده ی صالح باشدان باشا تَقوا و وَرَع ، هیکل ایمان طاغوتی سالان وحشَته بُرّنده کَلامی حَق سوزلری دشمن گوزونه ناوک پیکان حقّ اوسته وطَندَن نچه ایلّلر دوشوب آیری اولموش اونا دنیا یوزی بیرگوشه ی زندان ائوز جدّی کیمی دینینیه قُربان ویروب اوغلون بولدی ره اسلامی یقین زنده ایدر قان دشمن نقَدَر جور و جفا ایلدی دوزدی باک ایتمَدی حق سوزلرینی ایلدی اعلان سویلوب نَقَدَر جبریله غربتدّه دولانسام حق سَنگرینی بوشلامارام دَهریده بیر آن مَخلَص او گوزل روحی عروج ایتدی بقایه تا محضر جانانینه دائم اولا مهمان یغدی باشینا عَدنیده فوج شهدانی ایلوب غم هجرانینه اول جمعیله درمان گرچه بو گونون باتماقی ایتدی بیزی مَحزون الله وَلی قویموبدی قالاق زار و پریشان بیر آیری خمینی عَلَمِ نهضتی فورا آلدی اَلینه دردیمیزه تا ایده درمان خورشید جماران یرینه خامنه ای ، رهبر تَعیین اولونوب پارلادی چون اَختر تابان گر صبح و مَسا شُکر اِلییاق وار یئری چونکی صادر ایدوری سیدعلی بیزلره فرمان تا پرچم اسلام اسوری رهبر الینده هرگز اوجالا بولمیَجاق پرچم دونان گر خامنه ایی امرینی دوز ایلیاق اجرا حتما اولاجاق کشوریمیز باغ و گلستان رزّاقی دعا ایله کی هر لحظه بلادَن اول رهبری تا حفظ الیه خالق سُبحان لبیک دینَن رهبریوین امرینه دائم دلشاد اولا تا عدنیده خورشید جماران التماس دعا ستار رزّاقی .... تبریز خرداد ۱۴۰۱

بدرقۀ زائران کعبه زبانحال زائر کعبه به میهمانان گریز به خروج حضرت اباعبدالله الحسین علیه السلام از مکه کریمی مراغه ای رفیق اولوب بیزه توفیق کبریا گئدیروخ نصیب اولوب سفر خانه گئدیروخ حلال ائدون بیزی بیزده سیزی دعا ائدروخ اورک دولی سوزیلن دل دولی دعا گئدیروخ عملدن اللریموز بوش گناهیله دولیدی اودور حضور خدایه یوزی قرا گئدیروخ قوناق حقیر اولا گر،قوناقچی اعظمدی برای مغفرت و پوزش خطا گئدیروخ دوتوبدی گوگلومیزی محنت و ملال و گناه صفا و مروه دن اخذ ائتماقا صفا گئدیروخ گرک داش آتماقا شیطانه حق کمک لق ائده مناده نفسیمیزی کسماقا فدا گئدیروخ مصمّموخ حجرالاسودین زیارتینه گرک او سنگ محکدن آلاخ بها گئدیروخ پیمبره سوزوز اولسا مدینه ده یتیراخ مشرّفِ حرم پاک مصطفی گئدیروخ اولاردی نور علی النّور بو سفرده اگر ضمیمه سفر اولسیدی کربلا گئدیروخ حسین آقا او کوزل قبره جانیمز قربان قوتاردی عمر قالور دلده مدعا گئدیروخ قوتولدی ائولریموزدن ده مُهر کرب و بلا گوگلده حسرت دیدار نینوا گئدیروخ نولیدی بیرده گوریدوخ که سس لنور چاووش گلون گلون آچیلوب راه کربلا گئدیروخ مریض جرم و خطایوخ گناه خسته سیوخ طبیب حاذق الیندن آلاخ دوا گئدیروخ گرک امام حسن قبرینه پناه آپاراخ هامی مرضلره اوردان آلاخ شفا گئدیروخ بقیع بُقعه ذکر و دعادی دار سلام او یرده حاجتیمیز اولماقا روا گئدیروخ فدا اولاخ او یره دورد امامه مدفن اولوب ائدر او منطقیه غبطه نه سما گئدیروخ قالوبلا گون قاباقیندا نه گنبد و نه ضریح اولوبلا شیعه لره مایه عزا گئدیروخ سَپاخ او قبرلره گوز یاشی گلاب عوضی دویونجا آغلاماقا قویسا اشقیا گئدیروخ سیزی دعا ائده روخ روضه پیمبرده اجابته یتیشر اوردا هر دعا گئدیروخ اگر چه نیّتیمیز کعبه دی مقام خلیل ولی به عشق ذبیحا من القفا گئدیروخ حسین!آقا سنه چون قسمت اولمادی عرفات بو غصّه قلبیمیزی ایلیوب یارا گئدیروخ مناده اولمادی ممکن کسمدون قربان سنون مناوه منا دئدی مرحبا گئدیروخ او کعبه که اورا منزلگه ملائکه دور او کعبه که اونا عاشقدی انبیا گئدیروخ همان او کعبه حسیندن صورا عزایه باتوب آقام ئولندن ائدوب پرده سین قرا گئدیروخ حسین او کعبه دن آیریلدی آیرلاندا دئدی الهی جبرا ائویندن اولوب جدا گئدیروخ بو دار امن ده ده بیزلره امان یوخدی غریب دربدروخ بیلمروخ هارا گئدیروخ

کاروان مکه دن عزتلی بیابانه گلور آشنادور هامی عشقه دیمه بیگانه گلور پیشوا لشکر عشاقه دیوم کیمدور؟حسین یارینون محضر پر نورینه جانانه گلور سسلنور کعبه دالیجا دایان ای قبله دل یانار هجرونده سنون بیت خدا جانه گلور دیور آستاری آپار ویر منیده زینبوه سالا باشه قاباقا چونکه عزا خانه گلور یوخیدی مروه صفانون دوزومی گئتمه گینه زمزم معرفتون چشمه سی طوفانه گلور قال دیور منده پیمبر کیمی سن غار حرا باخمیور سمت جبال عربستان گلور منده قربانلاروی ویر دیور هی کوه منا عشقیلن فاطمه اطهره ریحانه گلور عرفه گورمز حسینینده دعای عرفات کوی عشقینده دوتوب داش وراشیطانه گلور کعبه عشقه غرض باغلادی احرام حاجیلار ویریله زینت کامل نچه قربانه گلور کاروان مرتبه حسنی تاپوب اکبریلن یثربون یوسفی یعقوبیله کنعانه گلور یوسف مصر دوشوب محبسه یالوارمشیدی بو ولی یالوارور اللهه نه زندانه گلور شاد اولور لیلی باخان وقتیده زیبا یوزونه شمع امیدینه پر ورماقا پروانه گلور گوسترور خدمتینی زینبه سقای حرم دوزولوب دور برینده نچه فرزانه گلور هی دیور عزّتیمی آلما الیمدن یا ربّ منه چوخ گورمه امیدیم بو عزیزانه گلور هامونون گوزلری اوچ سنیّده زهرانی گزور هله آغوشیده نازیله او دُردانه گلور عطر نابه بوکولوب پیکره حجب و حیا دارانا زلفلری محضرینه شانه گلور ائیلور عبّاس یوزون سینه ده جنّت گولی تک گل زیبای محبتدی گلستانه گلور چاتمیوب آلتی آیی باشه هله صود امرون ام مگه سینه ده صود شوقیله پستانه گلور بوس اولور نور الهی بورین صورتدن خرداجا عاشقیدی یوللاری مستانه گلور ای قلم کچمه شهادت غمینی ایله رقم خیمه دن یاز علی اصغر نئجه میدانه گلور سس گلور ئوپ یوزون آخیر ئوپوشون اولسون حسین اصغرون سینهٔ زهرای پریشانه گلور بوغازیندان وورلار زهریلی اوخ پارچالیار شهدادن دالی قالماز بویانا قانه گلور یوللارام قانلی قماطین ئوپه اهل ملکوت عرشیده زائر اولار اصغر عطشانه گلور یارالی حلقون ئوپنده آناسین یادوه سال یری چادرده حسین مادر گریانه گلور تئز یتور قتلگهه چوخدی یولون گوزلینی قوشولا محسنیمه روضه رضوانه گلور بدنی خسته اولوبدور ال ایاق چالماقدان غرق اولوبدور نئچه گون اشک فراوانه گلور رتبهٔ باب الحوائج ویرورم اصغروه تلسور چوخ یتیشه عزّت شایانه گلور سن کیمی منده اونون خاطرینی ایستیورم عشق بیماری دواخانیه درمانه گلور ایوون آباد کچورسن قوزی قربانوندن آلتی آیلقدا کمک اولماقا قرآنه گلور

شعر ترکی بدرقهٔ زائرین کعبه -(حاجیلار عازم اولور بیتِ خدایه ) ۲ ۸۱۸ حاجیلار عازم اولور بیتِ خدایه آپاریرعشق و صفا،مروه صفایه زائرینِ حرمِ مکّه مدینه اوردا نایل اولاجاق فیضِ دعایه . زیبا سفرِ زیارت اولسون هامینیزا قسمت . . . . او گؤزل بیت‌ده اِحرام گِئیینرسیز صِدقِ دل‌دن لَکَ لَبّیْکَ دئییرسیز روح و جان عشقِ خدادن اولاسیراب منزل وحی‌ده بیتوته اِئدرسیز . زیبا سفرِ زیارت اولسون هامینیزا قسمت . . . . مکّه‌دن عزمِ مدینه اِئده‌جک‌سیز مصطفا قبرینه مهمان گِئده‌جک‌سیز دؤرد امامیله خانم فاطمه قبرین بیلمیرم سیزنِئجه آیا گؤره‌جک‌سیز . آغلار بوغمیله شیعه گِئتسهَ حرمِ بقیعه . زیبا سفرِ زیارت اولسون هامینیزا قسمت . . . . شهرِ یثرب‌ده رسول الله اِئوینده آلِ هاشم کوچه‌سین‌ده،آهْ اِئوینده اوردا نیسگیل یارالار گؤز گؤز اولوبدی ووردولار فاطمه‌نی آلله اِئوینده یاندی حـــرمِ الهی قووزاندی علینین آهی . زیبا سفرِ زیارت اولسون هامینیزا قسمت . . یکشنبه ۳۰ تیر ۱۳۹۸ ساعت ۱۱:۳۱ نوشته شده توسط ابوالفضل عابدی پورشاعر: اکبر ستاری

شعر ترکی بدرقۀ زائران کعبه -(خوشا بو رتبه و قدر و مقامه ای حجّاج ) ۱۳۴۷ ۲ خوشا بو رتبه و قدر و مقامه ای حجّاج که وار باشوزدا سیزون لطف کبریادن تاج . خدای کعبه وئروبدور سیزه اوقدر عزّت که لطفیله سیزی اوز بیتینه ائدوب دعوت . آتان زمانیده اول آستار کعبیه ال بیزیمده عرضیمیزه ایلیون او وقته عمل . وئرون خدانی قسم کعبه نین جلالتینه بیزیده ایسته سون اوز بیتینون زیارتینه . بیزه که اولموری قسمت گئدک او بیت خدا خلوصیله ائدیروک سیزدن التماس دعا . طواف بیت خداده بیزیده یاده سالون مقام سعی و صفاده بیزیده یاده سالون . ائدن زمانیده سیز امتثال امر جلیل خلیل تک او مناده بیزیده یاده سالون . گورنده حضرت ختم رسالتین قبرین همین او عالی بناده بیزیده یاده سالون . بهشت روح فزادور او روضه پر نور بهشت روح فزاده بیزیده یاده سالون . ائدنده فاطمه قبرین زیارت اوچ یرده کناره قبر خفاده بیزیده یاده سالون . امام اربعه نون قبرینی گورن وقته گلنده ناله و داده بیزیده یاده سالون . اوپنده شامیده قبر جناب زینبدن او کاخ جلوه نماده بیزیده یاده سالون . گورنده خیردا مزارین رقیّه خاتونون اولاندا آه و نواده بیزیده یاده سالون . اولاندا شاه نجف بارگاهینه داخل حضور شیر خداده بیزیده یاده سالون . چخاتمیون بیزی هئچ بیر مقامده یاددان خصوص قبر زهراده بیزیده یاده سالون پنج شنبه ۳ مرداد ۱۳۹۸ ساعت ۱۲:۳۰ نوشته شده توسط ابوالفضل عابدی پورشاعر: مرحوم ناصر اردبیلی

‍ وداع_امام_حسین_ع منیم پناهیم امید‌گاهیم دایان حسینیم سنه سوزوم وار اوپوم ایاقون یانان دوداقون امان حسینیم سنه سوزوم وار دایان براد‌ر عزیز ماد‌ر گلیر دالینجا پیاده زینب هارا گئدیرسن؟ شتاب ائدیرسن قالوبدی بحربلاده زینب نه چاره ائیلیم یانیر بو قلبیم چکیبدی درد زیاده زینب وداع آخر توقف ائت بیر، زمان حسینیم سنه سوزوم وار باجووا لطف ائت بیر آز دایان گئت اماندی قارداش آماندی ئوللم گوزومده یاشیم آغاردی باشیم غمیم بیلیرسن گراندی ئوللم اییلدی قدیم، یارالی قلبیم خد‌نگ ظلمه نشاندیر اوللم ترحم ائیله آتووا وئرمه عنان حسینیم سنه سوزوم وار بو غمده قیزلار غمه گرفتار حرمسراده قالیبدیر آغلار او فوجی آیا بو چولده تنها بلالی زینب نه نوعی ساخلار تعجبیم وار مگر آتالار بالالارینی بو نحوی یوخلار کومکلری یوخ، بلالری چوخ اینان حسینیم سنه سوزوم وار اگربراد‌ر قییتماقین وار او کهنه کوینک ندیر بد‌نده ئورک سیخیلدی ایویم ییخیلدی او کوینگی سن آلیب گینده منه بس اولدی، مشخص اولدی سنی سویارلار یقین ئولنده همیشه مغموم همیشه مظلوم اولان حسینیم سنه سوزوم وار قیزون رقیه دیینده عمه هانی بابام بس ائدیم نه چاره نئجه دئییم من گئدیبدیر الان خیامه گلمز بابون دوباره او باغری قانلار او آغلیانلار بالالاروندور ائدیر نظاره آتیب گئدیرسن اوْلارا سن سن گومان حسینیم سنه سوزوم وار

متن نوحه عباس عباس سید طالع ای یارو یاوریم سنسن بالو پریم یاتما قولار اوسته قولسوز سرلشگریم قلبیم دویونور قارداش دور گدک دشمن سونیر قارداش دور گدک عباس عباس اوغولسوزام من قارداشسیزام من سن نه باوفاسن درده مبتلاسن گوزلیر قیزلارون سن مشکل گشاسن آی باستا باتار گویده اولدوزلار یولو گوزلور خیمده قیزلار عباس عباس اوغولسوزام من قارداشسیزام من قارداش یاندی بلیم سنسن ارخام الیم سنی بو حالینده گورچک سیندی بلین اشکیمی قانه باتما ابلفض دشمن چالیر ال یاتما ابوالفضل عباس عباس اوغولسوزام من قارداشسیزام من

‍ ‍ بسم الله الرحمن الرحیم ▪️شعر عشق و ارادت به امام حسین ع 🎼به سبک دلنشین و زیبای ( سلام ای سلطان ابالفضل ) ✍بقلم کربلایی ابراهیم تون خوش قلم میاندوآبی 🌹🍀🌹🍀🌹🍀🌹🍀 سلام ای مولا حسین جان عزیز زهرا حسین جان دیر عشاقون اورکدن سنه قربان یا حسین جان شهادت برجینده نورانی ماهِ تابانسان یاحسین جان گل باغ مرتضا سن بوتون امراضه دوا سن شهید راه حقیقت سن قبله ی جانسان یاحسین جان مهد وفا آقا درده دوا آقا باب شفا آقا حسین جان 🌹🍀🌹🍀🌹🍀🌹🍀 سنون عشقون دلگشادی گوزل آدون دلربادی حسینون عشاقی سسلر بیزیم کعبه کربلادی سنون عشقون نن حسین جانیم دویمیوب دویماز عاشقانون قسم اولسون مرتضایه قسم اولسون مصطفایه دل ائوینه آیری بیر عشقی قویمیوب قویماز عاشقانون مهد وفا آقا درده دوا آقا باب شفا آقا حسین جان 🌹🍀🌹🍀🌹🍀🌹🍀 قیامی پاینده مولا گل آدی زیبنده مولا ایچوبسن جام شهادت قالا تا دین زنده مولا دئدون اهل عزت ایلمز میل ذلت ای قوم بدکار حسین باشین ظلمه اگمز خدانی دیناره وئرمز اگر ئوپسه حنجری خنجر عشقیمه قاللام من وفادار مهد وفا آقا درده دوا آقا باب شفا آقا حسین جان التماس دعا

سلام توسل به امام زمان گلزار ایمان سولدی تئز گل * گوزیاشمز قان اولدی تئز گل * دین دشمنانی طوفان سالبدی * اصغر قانی یرده قالبدی * مهدی اله آل ذوالفقاری * قتله یئتراهل شراری ۲*آی بزلره مولاوسرور * گوزللر یولون زهرای اطهر * گلمگوی تاخیره سالمه * چوخ منتظر غیبته قالمه *مهدی اله آل ذوالفقاری اله * قتله یئتراهل شراری ۲* مداح اهلبیت، ع، کربلایی حسین خمار https://eitaa.com/Hazrate_Abalfazll

‍ سبک زمینه سینه زنی یا واحد (وصال تبریزی) ای شاه لب عطشان ، جانم سنه قربان ، قیل دردیمه مولا اوزون چاره قویما قالوم غمین ، ایسته بو اربعین ، قوش منیده شوقیله زواره من هر سلامیده ، چون ، حس ائیلرم باب حرم دورموشام هر بزم ماتمده ، یا هر ایل محرمده گورموشام غملر بو خسته قلبیمی والله بولوبدی چونکی منیم مظلوم آقام الده ئولوبدی جانم حسین جانم حسین جانم حسین جان اهل غم آبادم ، چوخ غملیم شادم ، کرب و بلا تک جنتیم واردی من هم بو دنیاده ، و بیرده عقباده ، والله حسینله شوکتیم واردی عشقون شرارینده ، من پروانه وار آقا همیشه یانام گر قبریوی گورسم ، من ، کعبه مثالی باشینه دولانام ای کاش آچوب گل مثلی مین دفعه سولیدیم الده ئولن اربابیمه قربان اولیدیم جانم حسین جانم حسین جانم حسین جان من نوکر شاهم ، عبد بو درگاهم ، فخریم بودور سن سن حسین یاریم گوزدن منی آتما ، اوزگلره قاتما ، ای روشنی بخش شب تاریم هر یرده هر لحظه ، من الدن بوراخمارام اقاجان سیزی آتام غلاموندور ، آنام ، زهرا آناوندور آقا کنیزی مقصد و منظوریم ، بولورسن نینوادی بو عالمون دادی دوزی بیر کربلادی جانم حسین جانم حسین جانم حسین جان من غملی حالیمده ، خواب و خیالیمده سیر ائیلیر روحوم بلا دشتین مینلرجه کنشته ، حتی ده بهشته من وئرمرم کر ب و بلا دشتین ای کاش اولا قسمت ، تا قبرون آلام گوزیاشلی بیر آغوشه بس وئرموشام سینه ، دوز قبرون کیمی قلبیم اولوب شش گوشه آهنگ شور و شینیله هر دم بورونم زینب سورونن یرده بی پروا سورونم جانم حسین جانم حسین جانم حسین جان https://eitaa.com/Hazrate_Abalfazll

مداح ..کربلایی محمد سرداری

درد دل با امام زمان عج😭 سبک یخیلوب عباسیم نهر فرات اوسته🌱🌱 @ ترکی🍃 شعر از مداح پیرزاده@🍃 یا امام زمان حالیمیز یاماندی دنیامیز تالاندی زهرا بالاسی گل آقا شیعه نون هجرانه یوخ طاقت اورکلرده محنت صبریمیز جالاندی ۲ اباصالح مولا هایانداسان گل هایانداسان گل ۲ بند دوم🍃 گوز لروک یولوی بلکه سنی گورک دینجله بو اورک طاقتمیز یوخ بس هایاندا قالدون بو جمعه ده کچدی سنسیز دنیا هیچدی گل تز آماندی🍃 اباصالح مولا هایانداسان هایاندا سان گل ۲ بند سوم🍃 سنی اندی ویروخ آنون زهرا جانی علی اکبر قآنی تز گل آماندی بودنیا سنسیز بیر زنداندی بیزلره چتیندی اللره آه و فغاندی ابا صالح مولا هایانداسان گل هایانداسان گل ۲ بند چهارم 🍃 آقا رحم ایله بو حال پریشانه شیعیه ی نالانه. یوبانما تزگل دونوب قانه گوز یاش گوزلر دولی قان یاش چک شیعیه بیر باش دایانما تز گل اباصالح مولا هایانداسان گل هایانداسان تز گل ۲🍃 بندپنجم🍃 ننه سی زهرانون تقاصینی آلان دشمنین جانینا ولوله سالان محبت اقاجین اورکلرده اکن بیزیم مشگلده دادیمیزه چاتان اباصالح مولا هایانداسان گل هایاندا سان گل ۲🌿

‍ آمدن جبرئیل لحضه جان دادن امام حسین علیه السلام (جبرئیل امین مانع اولما منیلن آللهین آراسیندا قوی منی یارادان خالیقیم باخسین بو قانلی اعضایه ددی مولا بیلیسن نیه گلدیم قانلی مقتله حسین اوشاقلوندا بیر ایل ننون زهرادن سورا سنه لای لای دیمیشم باخدی حسینون یارالی سینه سینه ) اولسا اذنیم سنه من قانه باتان آی دیرم سینوی سینه زهرایه ایله تای دیرم ننه وون بوشدی یری من سنه لای لای دیرم (باخدی باخدی جبرئیل امین چک شهپروی احتیاجیم یوخدی) خانه خلوتدی چکیل مقتله مهمان گلجک پرده چکمه بورا ارواح شهیدان گلجک زینبیم مقتلیمه زلفی پریشان گلجک قوی گروم بیرده ننه ام فاطمه هاردان گلجک ننه سسلندی حسین زینب ایشدی او سسی چشمه تک جوشه گلیب خون و رگ و شریانی ننه سیز جانوه قربان ددی گلدیم قارداش ( اما زینب نجه گلدی او قانلی مقتله ددی حسین سنه باجون قربان آی قارداش باخدی او یارالی جنازیه آی باجیسین آواره قویان قارداش باخدی باخدی ددی حسین اجازه ورسلر یارالاروی زلفیملین باغلارام آی یارالی ) مقتله گلدی ددی دیده ام قان یاش وار حسین هارداسان سس ور منه نه یار و یولداش وار حسین دشمنون کامه چاتوب هر الده بیر باش وار حسین کربلاده بیلمیزدیم بو قدر داش وار حسین .. https://eitaa.com/Hazrate_Abalfazll

مداح کربلایی محمد ستاری

🌹توسل به حضرت عباس علیه السلام🌹 بصورت رباعی یا اباالفضل دعا ایله سن بیزه عملده وابسته اولاخ بیز سیزه رد ایدرسن عملیمیزه اولماسا دوزدی سُوزوم ایراد اولماز دوز سُوزه یا اباالفضل عملده سلیمانی یُولون گیتدی اوجوندا توتدی جانی یعنی آلدی سندن عمل درسینی جانّان گشدی حفظ ایلدی ایرانی یا اباالفضل موشگولری حل ایله قویما قالاخ بیزی نگران بیله باب الحوائج سن علی اوغلی سان قویماسان شیعه لر دوشه موشگوله یا اباالفضل عمل ایستِیسَن بیزدن دوز یول گیتمه گی ایستوسن سن بیزدن رد ایلرسن اگر چوخلی گناهلار اوز ورسه باطن ویاعلَن بیزدن یا اباالفضل دیورسن سینه زنه عملده اقتدا ایلیون منه رعایت ایلیون سوز حقوالنّاسی دشمن اولون شیطانا اهریمنه یا اباالفضل جمالوه صلوات ادبوه کمالوه صلوات بابون علی ع کیمی الدن توتارسان عزّتوه جلالوه صلوات اللهم صل علی محمد وآل محمد وعجل فرجهم🌹🌹🌹🌹🌹 ارسالی شاعر بزرگوار جناب کربلایی علیرضا نوری https://eitaa.com/Hazrate_Abalfazll

‍ #سینه زنی #زنجیرزنی زبانحال خانم رباب باعلی اصغرعلیه السلام دردی آناسین درده سالان اصغریم لای لای نیسگیل لری قلبینده قالان اصغریم لای لای گل قوجاغیمه نازلی بالام یات بیراز دینجه ل غونچه کیمی تئز پرپر اولان اصغریم لای لای منیم آرام جانیم گؤز آچ شیرین زبانیم(2)  سینه می اوغول ائیله میشم سنه گهواره ش حئیف اولا الیمده گؤزلیم یوخدی بیر چاره گؤردوم بوغازین یاره سینی قالدیم آواره ائی ظولم و جفا ده یورولان اصغریم لای لای منیم آرام جانیم گؤز آچ شیرین زبانیم(2) عفو ایله منی اللریوی باغلادیم اوغلوم بو گئچن گئجه صبحه کیمین آغلادیم اوغلوم غصه دن بو یورقون اورگی داغلادیم اوغلوم گور نئلر چکوب غملی آنان اصغریم لای لای منیم آرام جانیم گؤز آچ شیرین زبانیم(2) بونان بویانه بوش بشیگه چالارام لای لای قنداقیوی آلام سینمه دییرم ای وای یوخ دیلین دییم سوزلریوی منه بیر بیر سای یاندیرما منی دیل آچمیان اصغریم لای لای منیم آرام جانیم گؤز آچ شیرین زبانیم(2) آلتی آی سینم اوسته سنی بسلدیم اوغلوم قلبیم دارخاندا آدیوی سسلدیم اوغلوم حیف اولا اورک سوزلریوی بولمدیم اوغلوم ای سوزی اورگینده قالان اصغریم لای منیم آرام جانیم گؤز آچ شیرین زبانیم(2) قنداقیوی من گه آچارام بله رم اوغلوم بو گوز یاشیمی یاریوه من الرم اوغلوم سندن سورا عمر ایلمرم اولرم اوغلوم ای لاله کیمین پرپر اولان اصغریم لای لای منیم آرام جانیم گؤز آچ شیرین زبانیم(2) سینمی اوغول ایلمیشم سنه گهواره حیف اولا الیمده گوزلیم یوخدی بیر چاره گوردیم بوغازین یاره سینی قالدیم آواره ای ظلم و جفادن یورلان اصغریم لای لای منیم آرام جانیم گؤز آچ شیرین زبانیم(2) #زنجیرزنی

♦السلام علیک یا اباعبدالله الحسین (ع)♦

شهادت حضرت علی اصغر (ع) نوحه - جوشی الیمین اوستونده    بالام قانه باتدی گل آل مندن زینب سوسوز طرلانی بویانوبدور قانه      گور چینلر مثلی ربابون ششماهه       گوزل جیرانی آناسیندان آلدیم آپاردیم میدانه دیدیم ای انسانلار بالام عطشاندی گله بنذر اوغلوم سارالوبدی رنگی سوسوزدی اوچ گوندی  عطشدن یاندی سوزومی آغزیمدا سه پر پیکان قویدی بوغازیندا دگدی آیوردی باشین ایله بیلدیم زینب ابوالفضلین بیرده منیم ئوز یانیمده گوزی اوخلاندی قوجاقیمدا باشین اوّل دوتدوم آرام صورا محکم اوخدان یاپیشدیم زینب بوغازیندان چکدیم سه شعبه پیکانی یاراسیندان ئوپدوم آلیشدیم زینب گوزین آچدی گولدی دیدی غمگین اولما سنه قربان بابا یارالی اوغلون ایله بیل کوسمیشدی ربابون جیرانی دوداقیندان ئوپدوم باریشدیم زینب بو غمی داشلاردا یازاردیم صحراده الیمده میداندا قلم اولسیدی الیمون اوستوندن آلاردی زینب جان بو اوخلی قربان ننم اولسیدی گزورم آواره ئولوبدی قارداشیم گولور دشمن نیلوم علاجیم یوخدی بو چتین ساعتده منی تک قویمازدی اگر الان صاحب علم اولسایدی بلگینده اسدی دگنده اوچ بیر اوخ نجه گلشنلرده اسر ریحانلار ایله بیلدیم یرده کسوبلر قربانلیق مناده حاجیلر کسر قربانلار بو قوزی قربانی قوجاقیمده امّا سوسوز کسدی دشمن چراغیم سوندی یری وار بو غمدن توکه گوزدن قان یاش دیه لای لای اصغر سوسوز جیرانلار ایله کی گوز یومدی دیدیم لای لای اوغلوم باجون گوزلور الان یوبانسون آغلار یاره وی آهسته آچار باشدان معجر دیر لای لای اصغر رقیم باغلار ئورگیمدن اما دگوبدی بیر یاره تاپولماز درمانی یارام باغلانماز بو یارالی قلبین باجیم محمللرده دیر یاندیم قارداش عزاسین ساخلار

۞﷽۞عرض ارادت به امام عصر(عج) 🎵درآهنگ؛ ایران اگر دل تورا شکستند... مولا هایانداسان منیم بــهـاریم ندندی گلمیسن نــگـاریم گوزوم قالیب گلن یولوندا گیدیبدی قلبیدن قــراریـم (یابن الحسن عجل ظهورک) آقا بو قلبیمی غم آلدی تیزگل عمروم گلی سارالدی تیزگل سنسیزدونوب گلشن خزانه بو نوکرون قوجالدی تیزگل (یابن الحسن عجل ظهورک) مهدی گل سن تاپار صفا بـو دیللـر آباد اولار ویــرانــه چـوللر زهـــرا باخیشلی گوزلرونله باخ سان ایشیقلانار بوگوزلر (یابن الحسن عجل ظهورک) مهدی مظلوم اولوبدی دین و قرآن یالقیز قالیب دی اهــل ایمان یڪسر توتوب آفاقی ظلمت گل گورنجه دیللر اولوب قان (یابن الحسن عجل ظهورک) آقا بو سَس گلیر هـــردَم سـمادن هــم ڪعبه و ڪــوه منادن توتموش جهانی عِزّ و جاهـی گـــــلـزار دشت ڪــربلادن (یابن الحسن عجل ظهورک) آقا دین اوسته مقصوده چاتانلار باشدان بــــو دنیانی آتانلار سسلر ســنــی اشــرار الینده ظلمیله اَلـقـانــــــــه بـاتانلار (یابن الحسن عجل طهورک) مولا گل جدیوین آل انتقامین بولدور جهانه پاک مرامین آل بیرق دینی اَل اوستـه یای عـالـمه عالـی پیامین (یابن الحسن عجل ظهورک) مولا وار باشدا ڪــربلا هواسی دیلده حسینون غم نواسی قویما قالا دیلده بو حسرت سن بیل علی اصغر بالاسـی (یابن الحسن عجل ظهورک) آقا بوغمده (عاجز) سینه داغلار گوزدن عذاره اشـگ باغلار عمری نقدری اولسا دائــــم عشقین اورکده ساخلار آغلار (یابن الحسن عجل ظهورک) ❇️التماس دعا 📝علی جعفری(عاجز تبریزی) ❣ الّلهُــــــمَّ عَجِّــــــلْ لِوَلِیِّکَــــــ الْفَـــــــــرَجْ ❣

درد دل با امام زمان عج😭 سبک یخیلوب عباسیم نهر فرات اوسته🌱🌱 @ ترکی🍃 شعر از مداح پیرزاده@🍃 یا امام زمان حالیمیز یاماندی دنیامیز تالاندی زهرا بالاسی گل آقا شیعه نون هجرانه یوخ طاقت اورکلرده محنت صبریمیز جالاندی ۲ اباصالح مولا هایانداسان گل هایانداسان گل ۲ بند دوم🍃 گوز لروک یولوی بلکه سنی گورک دینجله بو اورک طاقتمیز یوخ بس هایاندا قالدون بو جمعه ده کچدی سنسیز دنیا هیچدی گل تز آماندی🍃 اباصالح مولا هایانداسان هایاندا سان گل ۲ بند سوم🍃 سنی اندی ویروخ آنون زهرا جانی علی اکبر قآنی تز گل آماندی بودنیا سنسیز بیر زنداندی بیزلره چتیندی اللره آه و فغاندی ابا صالح مولا هایانداسان گل هایانداسان گل ۲ بند چهارم 🍃 آقا رحم ایله بو حال پریشانه شیعیه ی نالانه. یوبانما تزگل دونوب قانه گوز یاش گوزلر دولی قان یاش چک شیعیه بیر باش دایانما تز گل اباصالح مولا هایانداسان گل هایانداسان تز گل ۲🍃 بندپنجم🍃 ننه سی زهرانون تقاصینی آلان دشمنین جانینا ولوله سالان محبت اقاجین اورکلرده اکن بیزیم مشگلده دادیمیزه چاتان اباصالح مولا هایانداسان گل هایاندا سان گل ۲🌿

🌴توسل بحضرت اباالفضل(ع)🌴 یا فاطمه دوشوب ایشیمیز بابِ حاجته اَمر ائت عَلم دوتان بالووا ،ماهِ طَلعته قانلی گوزیله بیر باخا پوزقون جماعته باب الحوائج آدینون حَقّین اَدا ائده دردی اولانلارین گِنه دردین دوا ائده یا فاطمه قَلم گنه ایستور سوزون یازا قارداش بِلین بوکن یری نَهرین ئوزون یازا اوخ شعبه سی ئوپن یری ،شهلاگوزون یازا اوخ شعبه شعبه نیلدی گورسانجیلان گوزه ظَنّیم دیور اوگون نَظَر اولدی همان گوزه عَفو ائت خانم بو یرده منی سوز گلوب بِله شهلا گوزیله اوخ سوزونی آچمورام هَله مَکشوفه روضه دور ولی نیلوم گلوب دیلَه واردور یری بو غم ئورگی بی قرار ائده یوخدور بدنده اَل اوخی گوزدن کنار ائده باشین اَگوبدی چاره ائده گوز یاراسینه قویدی اوخون او باشینی دیزلَر آراسینه فرصت دوشوبدی اوندا ستمگر جفاسینه آهن عَموده ضَربه سینون لَنگرین قاتوب سقا یخیلدی ،نَهر فرات اوسته آی باتوب سوز چاتدی بیر یره که سوزون جوهَرین دیَم چوخدور اگرچه نسگیلی ،من آخرین دیَم یان یانه اوخ دوتوبدور اونون پیکرین دیَم دشمن گوروب یخیلماقینی چَکدی شوروشین اهل سَما یوموب گوزی سَسلندی  یاحسین واضحدی کیم کمکسیز اولا بیر های آختارار نسگیلیدور که های ئوزی گلمیش وای آختارار یاکه دیوم فراته گلوب گون، آی  آختارار تَشبیهین ایندی قوی دیوم آیری نَظیرینی سلطان اَلی بِلینده گزوردی  وَزیرینی باخدی فراته سَسلدی سَس وِئر هایانداسان تَکبیرووِین سَسی نَه گلور نَه  بَیانداسان اولما یخیلموسان یِره دریای قانداسان گورجک سنون قَلم قولووِی سیندی شَهپریم بیر حاله قالمیشام که چیخوب یاددان اکبریم یا فاطمه  حسینه او دَم گویلرآغلادی عَمّامه سین آلوب اَله پیغمبر  آغلادی گوردی حسینی قَدّی کمان حیدر آغلادی امّا بیر آغلیان ائله آغلور داش آغلیور بیراَل بِلینده قارداشینا قاداش آغلیور (نادر) مَحرّمین گجه لر سوز وسازی وار نوحه کلامینون هامیا رَمز و  رازی  وار بو بزم ماتمون نِجه گور عشق بازی وار اهل بُکاء او یرده  گلوب آبرو  آلار معناده گوز یاشیلا  کَاَنّه  وضو آلار 🥀🥀🥀🥀🥀🥀🥀🥀

روضه حضرت رقیه (س) بیچاره زینبیده گوردی گسوری واردی گل صاحبی الهی گلدی گلون آپاردی باشیمده یوخ قرا توک اولسیدی ده آغاردی آتا نازی گورموین بالا لای لای ای.... ایاقی قابار اولان بالا لای لای ای.... یوزونه سیلی دین بالا لای لای ای.... (اگر اوچ یاشیندا قیزین وار اونون یوزونه باخ گور نه لطیف یوزی اولار ئوزوده او یوزی که حسین یوزون قویاردی یوزونه یاتاردی ، اکبر آلاردی قوجاقینه ، قاسم آلاردی قوجاقینه یرده قالمازدی عادت ایلمیشدی حسینین قوجاقینده یاتاردی حسین بئله یوزون قویاردی لای لای بالا لای لای ، شام غریبان هامی یاتدی نچه نفر یاتمیوب بیریده رقیه دی یاتمادی دیدی همیشه بابام منه لای لای چالاردی ، سورونه سورونه گلدی تاپدی بابانی دیدی بابا یورولموشام دیمیرم ، سویولموشام دیمیرم، خیمه لر یاندی دیمیرم ، عمه می دویدولر دیمیرم، بابا فقط منیم بیر یوزومه باخ ، هامیز غیرتلیسیز اگر الان چخاسان کوچویه گوره سن بیر اوشاقی بیر جوان ورور نچه نفر توکولر دیر ورما بو اوشاقدی ، اما رقیه نی نچه نفر دوره لدی ، دیدی ورمیون منی قارداشیم ئولوب، ورمیون عموم ئولوب، ورمیون بابام ئولوب ، بولمورم او صورته نیلدی دیدی بابا ) وراندا سیلی منه ننم یادیما دوشدی بابا وراندا سیلی منه اوت دوتوب یوزوم یاندی (امام سجاد دیر عمم رقیه نی قبره قویاندا گوردوم چوخ طول چکدی قبریدن چخماقی دیدیم عمم اولمویا غش ایلیوب ایلدیم گوردوم معجرین وروب کناره یوزون قویوب او سیلی دین یوزه لای لای بالا لای لای ای...) اوزاق اولیدی یزیدین ایوی بورا ایکاش بو سوزده واردی غم بیکارنه آی قارداش اوتانرام دیمگه بولمورم دییم دیمییم؟ دییم قوی ایندیکی گلدی زبانه آی قارداش یزید مطبخینون توسوسی گجه گوندوز دومان کیمی اوجالور آسمانه آی قارداش اونون اوشاقلاری رنگین طعام میل ایلیور من آج قالوب گلرم هی فغانه آی قارداش ✨اَللّهُمَّ عَجِّل لِوَلیِّکَ الفَرَج✨💫

🎤مداحی استاد حاج داوود علیزاده قدیمی

مداح ..کربلایی محمد سرداری ‍ سبک زمینه سینه زنی یا واحد (وصال تبریزی) ای شاه لب عطشان ، جانم سنه قربان ، قیل دردیمه مولا اوزون چاره قویما قالوم غمین ، ایسته بو اربعین ، قوش منیده شوقیله زواره من هر سلامیده ، چون ، حس ائیلرم باب حرم دورموشام هر بزم ماتمده ، یا هر ایل محرمده گورموشام غملر بو خسته قلبیمی والله بولوبدی چونکی منیم مظلوم آقام الده ئولوبدی جانم حسین جانم حسین جانم حسین جان اهل غم آبادم ، چوخ غملیم شادم ، کرب و بلا تک جنتیم واردی من هم بو دنیاده ، و بیرده عقباده ، والله حسینله شوکتیم واردی عشقون شرارینده ، من پروانه وار آقا همیشه یانام گر قبریوی گورسم ، من ، کعبه مثالی باشینه دولانام ای کاش آچوب گل مثلی مین دفعه سولیدیم الده ئولن اربابیمه قربان اولیدیم جانم حسین جانم حسین جانم حسین جان من نوکر شاهم ، عبد بو درگاهم ، فخریم بودور سن سن حسین یاریم گوزدن منی آتما ، اوزگلره قاتما ، ای روشنی بخش شب تاریم هر یرده هر لحظه ، من الدن بوراخمارام اقاجان سیزی آتام غلاموندور ، آنام ، زهرا آناوندور آقا کنیزی مقصد و منظوریم ، بولورسن نینوادی بو عالمون دادی دوزی بیر کربلادی جانم حسین جانم حسین جانم حسین جان من غملی حالیمده ، خواب و خیالیمده سیر ائیلیر روحوم بلا دشتین مینلرجه کنشته ، حتی ده بهشته من وئرمرم کر ب و بلا دشتین ای کاش اولا قسمت ، تا قبرون آلام گوزیاشلی بیر آغوشه بس وئرموشام سینه ، دوز قبرون کیمی قلبیم اولوب شش گوشه آهنگ شور و شینیله هر دم بورونم زینب سورونن یرده بی پروا سورونم #ترکی

‍ اول ذی الحجه ازدواج و عروسی حضرت زهرا (س) با مولا علی (ع) _________________________ بو گون زهرا عروس اولدی علی المرتضا داماد ملکلر سسلنور گویده خانم زهرا مبارک باد عروس بی قرین _گیدور زهرا گلین _________________________ نه زهرا کنز عصمتده ایشقلی پر بها گوهر نه زهرا اللریندن بوسه وردی شافع محشر نه زهرا مصحف حقده،خدا لطف ایلین کوثر ملکلر سسلنور گویده خانم زهرا مبارک باد عروس بی قرین _ گیدور زهرا گلین ویریبلار قدسیان عرش خدایه پرچم شادی اولان تازه عروس ای دل بو طویدا دخت طاهادی اولان مسرور و لب خندان تماما اهل معنادی ملکلر سسلنور گویده خانم زهرا مبارک باد عروس بی قرین _ گیدور زهرا گلین گل گلزار بو خلقت پیمبر سرور امت دیور خوش گلدون ای بند دلیم ای جوهر عصمت دعای خیر اوخور زهرا دالیجا معدن رحمت ملکلر سسلنور گویده خانم زهرا مبارک باد عروس بی قرین _ گیدور زهرا گلین عروس کل بو خلقت عروس شهریار اولموش بوگون باغ رسول حق بهارا در بهار اولموش بو طویدا وار رضای حق،رضا پروردگار اولموش ملکلر سسلنور گویده خانم زهرا مبارک باد عروس بیقرین _ گیدور زهرا گلین ماخذ از گلهای بهشت اثری از رضوی زنجانی

سرود ازدواج علی ع با فاطمه زهرا س سبک ؛ آمان الیندن آمان آیریلیق ... 🌸🌸🌸🌸🌸🌸🌸🌸🌸🌸🌸🌸 گلدی روز وصلت حیدر و زهرا دولدی شور و شوقیلن سینه طاها حیدر گؤزلدی فاطمه تکدی با هم دیون بو طوی مبارکدی 🌸🌸🌸🌸💚💚💚💚🌸🌸🌸🌸 فاطمه دلدارینه چاتدی یا الله حیدریلن غملرین آتدی یا الله شرقدن رحمت گونی چون طلوع ائتدی آسماندا ماه غم باتدی یا الله حیدر گؤزلدی فاطمه تکدی با هم دیون بو طوی مبارکدی 🌸🌸🌸🌸💚💚💚💚🌸🌸🌸🌸 غیر زهرا حیدره همصدا اولماز دردینه زهرا کیمی آشنا اولماز عقد وصلت عرشده برقرار اولدی راز عزت هرکسه بر ملا اولماز حیدر گؤزلدی فاطمه تکدی با هم دیون بو طوی مبارکدی 🌸🌸🌸🌸💚💚💚💚🌸🌸🌸🌸 حیدره طاها دئدی گل منه یار اول یا علی دلبندیمه یار و غمخوار اول سن بیلورسن فاطمه قلب طاهادی قویما سئنسون قلبینی چوخ وفادار اول حیدر گؤزلدی فاطمه تکدی با هم دیون بو طوی مبارکدی 🌸🌸🌸🌸💚💚💚💚🌸🌸🌸🌸 وئردی زهرانین الین حیدره طاها ائتدی فرمایش قیزیم ای گل زیبا بو عم اوغلون چون منی قویمیوب تنها حیدری هئچ بیر زمان سنده تک قویما حیدر گؤزلدی فاطمه تکدی با هم دیون بو طوی مبارکدی

‍ اگر دلت شکست پدرم را با یه صلوات یادش کن (صحت) زبانحال حضرت زینب(س)موقع وداع بو  غربتده  الله  ، گوزوم  یولدادی که دردیم دواسی، اوزون قولدادی خبر یوخ ائلیمدن ، دوتار کیم الیمدن،  یوزوم گولمدی حسن چوخ یوباندی ، ابوالفضل اوتاندی ، حسین گولمدی باجی  جان   ویرنده ،  باخار    قارداشا ولی  غملی  زینب ،   باخیر  داغ   داشا بو  حسرتله   عمریم ،  یتیشدی   باشا منه   داغلار   آغلار  ،  منه   داشلار    آغلار  ،  باغلی   نیلیرم منه    کربلاده  ،  کسیک    باشلار     آغلار  ،   باغی    نیلیرم ایاقدان    دوشنلر     یانار   قان   اوتار اگر    گلسه     عباس    الیمدن   دوتار یورولدیم   الهی   دای  ئولدور    قوتار چکوب  اللی دورت  ایل ،  بلا  داغلانان  دل ،  قرا  سالمیشام یوخوم یار و یولداش، هانی یدّی قارداش ، غریب قالمیشام قسم   ویرم   الله ،  سینان      قلبیمه رقیّه        غمینده  ،   یانان      قلبیمه فقط   صبر   ویر   بو ، دولان   قلبیمه حسین   جان   ویرنده  ،  الیمدن  گیدنده  ،  جگر    داغلادیم رقیّم    ئولنده  ،  نفسدن      دوشنده  ،  گوزون      باغلادیم همان  زینبم  من ،  خزان  گورموشم اسارتده     زخم  ،  زبان   گورموشم همین  شامیده  اّل ، چالان گورموشم ز بس داش ویروبلار  ، یول  اوسته   دوروبلار ، گولوبلر   منه دَیوب هر قیزا  داش ، گوزوم توکدی قانیاش ، دیدیم جان  ننه حسین   عطری هر دم ، مشامه   گلر اونی      کربلایه   ،   گیدنلر         بولر او    تپراقی   زوّار  ،  اوپر    دینجه لر منه  قسمت  اولماز ، داخی  فرصت   اولماز ، اورک  داد  ایدر او   قبری   اوپن لر ، حسین   وای  دیین لر ، منی  یاد   ایدر سلام   اولسون عطری ، گوزل  تربته سلام   اولسون  آتدان  دوشن  قامته سلام   آتلار   آتدا ،  قالان    حضرته قرا    یللر    اَسدی ،   امیدیم    کسیلدی ،  اورک     تیتردی گلوب    دل   نوایه ، گچوب   باش   جُدایه ، فلک    تیتردی #بو_غربتده_الله فایل صوتی👇👇👇 ✨اَللّهُمَّ عَجِّل لِوَلیِّکَ الفَرَج✨💫

بوغربته الله گوزیم یولدادی 😭😭😭

#تعریف کربلا #حاج نادرجوادی کعبه نین ماه ذی الحجه سنا خوانان کوی کردگار بیت یکتانین دونلر باشینه پروانه وار کعبه نین بوسه ورار عشق اهلی قاره داشینه کعبه ده حسرت چکر دونسون حسینین باشینه ای جوانان غیور کشور ایران زمین امدیگوز پاکیزه شیر غیرته صد آفرین علتی واردور اولوبسوز عاشق میقات یار رگلروزده چون سیزون مولا علینون قانی وار اهل ایرانوک شرفلی دهریمیز واردور بیزیم حضرت سلمان کیمی همشهریمیز واردور بیزیم باوفا سلمان که پیغمبر اونا یولداش دیوب قارداشا حسرت چکن زهرا اونا قارداش دیوب حجی منع ایتدی بیزه شیطان صفتلر عیبی یوخ باغلادی مکه یولون بی معرفتلر عیبی یوخ بیز فراق کعبیه بیر لحظه حسرت چکمروخ بیزده حیدر قانی وار نامرده منت چکمروخ حاجی عشقوک حسین تک مقتدامیز وار بیزیم مین برابر کعبه دن باش کربلامیز وار بیزیم حاجی اولماقون فقط شرطی طواف ایتماق دیور کوله بار ظلتیله مکیه گیتمک دیور اعتقادیندن عدول ایتمز حسین عاشقلری ظلتی هرگز قبول ایتمز حسین عاشقلری کیم منی تدفیر ایدور ایتسون یوخومدور واهمه عشقیمین فتواسیدور اعلان اولونسون عالمه کربلانین گنبدی بیت خدانین تاجیدی کیم حسینون پرچمین صدقیله اوپسه حاجیدی عشقه نامحرم اولان مغلوب اولوبدور باطله قاره احرامین اعتاسین غیر ممکندور بوله بیز بو عشقی هی اعلا رتبه دن اورگنمیشوک قاره کوینک گیماقی بیز کعبه دن اورگنمیشوک