۞﷽۞زبانحال جناب حر به امام حسین(ع) 🟢شعرشماره: ۱۰ 🎵درسبک: شور، ابی عبدالله .... ای بلا دشتینده سلطان معظم یاحسین گلمیشم درباریوه درمانده حرم یاحسین (ابی عبدالله ابی عبدالله ابی عبدالله حسین) سن امیرماسواسن درگهونده بندیم چوخ خطاکارم حضورینده ولی شرمندیم سیدی گل توت الیمدن عشقیوین خرسندیم طالب الطافیوم لطف ایله بیردم یاحسین (ابی عبدالله ابی عبدالله ابی عبدالله حسین) کیم سنه دیل باغلاسا اولماز ایکی دنیا غمین تاپاغا راه سعادت بوشلاماز سندن الین دین یولوندا باش وجاندان گچسه ده ای شاه دین دشمنان دینه باشین ایلمز خم یا حسین (ابی عبدالله ابی عبدالله ابی عبدالله حسین) من او حرم غصه و غمدن دله قان اوتموشام خجلتیمدن سیدی لگبوگوزلریمی توتموشام وای منه پیغمبرین اولادینی قورخودموشام عفو ایله تقصیریمی ای شاه عالم یاحسین (ابی عبدالله ابی عبدالله ابی عبدالله حسین) خاک پایونده توکوب اشگیم عذاره باغلارام تاوارام بو دهریده غمنن سینمی داغلارام ویرسن اذن جنگی اشراری طنابه باغلارام قویماسان بو دلفکاری بوردا ئولم یاحسین (ابی عبدالله ابی عبدالله ابی عبدالله حسین) قوی بوچولده جامه جنگی ازلده من گیوم تا گیدوم بو قوم غدّاره کلام حق دیوم بیرده آل مصطفادن سیدی عذر ایستیوم تارضا محشرده اولسون سبط خاتم یاحسین (ابی عبدالله ابی عبدالله ابی عبدالله حسین) ❇️التماس دعا 📝علی جعفری(عاجز تبریزی) #جناب_حُرّ #شاخسی ❣الّلهُــمَّ عَجِّــلْ لِوَلِیِّڪَـــ الْفَـــرَجْ❣

۞﷽۞ورود به کربلا(زبانحال امام حسین«ع») 🟢شعر شماره: ۸ 🎵درسبک: ساده و لطیف و گوزون آچ منی دانیشدیر.... بورا دشت نینوادی باجی چوخ نواسی واردی بو یئرون هواسینون چوخ غم جانفزاسی واردی (( زینب نوایه گلمه آه و نوایه گلمه )) باجی قرب حقه بوردا بولوسن چاتان یئرمدی سو یانیندا قانه عطشان لبیله باتان یئریمدی ایستی قوملار اوسته عریان بیکفن یاتان یئریمدی بزم یاره یتماغین تک بو قانین بهاسی واردی زینبا بویئرده گلمز قارداشون غمی شماره واردور علتی کی گلدیم سنله بو بلا دیاره سن باخا باخا وراللار جسمیمه اوقدری یاره سینمین اودم گوررسن نقدر یاراسی واردی بو دیاریده فراتین یولون اهل کینه باغلار بیر ایچیم ولی تاپیلماز سو دیوب حرملر آغلار بالا قیزلارین سو جامی اللرینده سینه داغلار العطش سسی بو قلبی یاندیران نواسی واردی اصغرین باجی بو یئرده نازینی گرک چکم من اوخلانان زماندا تیر غمله قلبیمی دَلَم من قانینی توتوب الیمده عرش اعظمه سَپَم من تا گوره خدا حسینون عهدینین وفاسی واردی سانما کی بو قوم کافر ظلم و جوردن دویاللار نه سنه نه اهلبیته باجی احترام قویاللار یوز قویوب خیامه آل حیدری بوتون سویاللار غارته گئدر بناتین نقدر اساسی واردی عزم ائدنده رزمگاهه قلبیمین قراری اکبر قطعه قطعه جسمون ایلر کار زار ایچینده خنجر باشینه وُراللا یاره قوم کینه همچو حیـــدر بَلَشَر عُذاره زُلفی نقدر دماسی واردی باجی قاسمیم بو یئرده آلاجاخدی اِذن میدان اولاجاخدی گُل وجودی تیغ و خنجریله شان شان ایاغ آتدا پیکرینی داغیدار سُمِ ستوران یغماغا عبایه بیرجه جسمینین نماسی واردی هر بلا گله بلالی باشیمه باجی دایاننام ایستیوب حـبـیـبـیـم آخر بوردا قانیمه بویاننام نوک نیزده دیار شام و کوفه‌نی دولاننام باشیمون گوررسن اوندا نقدر بلاسی واردی ❇️التماس دعا 📝علی جعفری(عاجز تبریزی) #ورود_به_کربلا ❣الّلهُـــمَّ عَجِّــلْ لِوَلِیِّڪَــ الْفَـــرَجْ❣

ابوالفضل عاشقی شرمنده اولماز ئولونجه منّتی دشمنده قالماز گلر قانلو علم قانلو الینده ئولن گون قبرون اول منزیلینده گوررسن گل جمالون شاد اولارسان فشار قبریدن آزاد اولارسان . اولان ای غرق طوفان حوائج دچار درد و رنج بی معالج اگر بیر چاره سیز درده دوشوبسن تلاشیله آلامیرسان نتایج یوزولدی گر الون هر بیر اتکدن مسیر حوصله دن اولما خارج داریخما دردیوه واردور خریدار نشان وئرسن اگر بازار رایج ئوزووی بیر دولاندور کربلایه اورکدن سسله یا باب الحوائج #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

⊰کانال مداحی ترکی باسبک ⊱: متن نوحه بو گجه زهرا گلر اوغلو حسینین یاسینه زینبین کرب و بلاده آه و واویلاسینه گلی غم دریاسینه کربلا صحراسینه بوجا شام غریبان قورخو وحشت گجه سی قان آتاش ظلم و ستم حیرت مصیبت گجه سی باجی قارداشه ننه اوغلونا حسرت کجه سی  گلی خیمه لر یانوب کرب و بلا غوغاسینه خیملر یانماسینه العطش صاداسینه بو گیجه زهرا گلر اوغلو حسینین یاسینه زینبین کربوبلاده آه و واویلاسینه گلی غم دریاسینه کربلا صحراسینه بوگیجه قوملارین اوستونده گورر اکبر یاتیب قاسمین خنا یرینه اللره قانه باتیب ایکی قول چیخمیش قماطدان حرمله اوخون آتوب گلی لیلایلا ربابین آه و واویلاسینه گلی اکبر یاسینه قاسیمین خناسینه بو گیجه زهرا گلر اوغلو حسینین یاسینه زینبین کربوبلاده آه و واویلاسینه گلی غم دریاسینه کربلا صحراسینه بوگیجه علقم کنارینده گورر قوللار قلم باش یارالیاوخ گوزونده یرده یاتمیش بیر علم سو یرینه مشکی دولموش همو غم درد و الم ایکی قوللاری گتیردیم سسلنر عباسینه گلی قولسوز یاسینه کربلا سقاسینه بو گیجه زهرا گلر اوغلو حسینین یاسینه زینبین کربوبلاده آه و واویلاسینه گلی غم دریاسینه کربلا صحراسینه بوگیجه صحراییکربلانی حیران دولاشی داملیان بیر منحرین قانین سسینه اولاشی سوروشار باشسیز بدندن هانی اغلومون باشی وای ننه حالینه وای باشسیز یاتان بالاسینه گلی عاشوراسینه اوغلونون عزاسینه بو گیجه زهرا گلر اوغلو حسینین یاسینه زینبین کربوبلاده آه و واویلاسینه گلی غم دریاسینه کربلا صحراسینه

سبک 👆👆👆👆👆👆

اشعار شاعر ومداح عاشورائ کربلای رحمان سلیمانی سولدوزلو جوشی عباس ابن علی مولا ابوالفضل العباس کنز وفا ابالفضل _ قولسوز آقا ابالفضل بحر سخا ابالفضل _ یالقوز آقا ابالفضل دوشن فراتین اوسته پرسیز هما ابالفضل گوزنون اوخ یاره سینه قان آغلا رام عباس آقامین مشگنون اوخ پاره سینه قان آغلا رام عباس آقامین منیم آقام کرب وبلا نون ساقی و سقاسیدی منیم آقام ارباب عشقین با وفا عباسیدی قلم اولان قولارینون قربانی اولسون شیعه لر قانا دولان شهلا گوزون قربانی اولسون شیعه لر گوزنون اوخ یاره سینه قان آغلا رام عباس آقامین مشگنون اوخ پاره سینه قان آغلا رام عباس آقامین دوشنده مرکب اوستن سسلندی گل حسینیم یخلمیشام یوز اوسته گل هارداسان حسینیم یوخدور الیمده چاره گوز اوخلانیب حسینیم یوبانما گل داده آقا دوای دردیم سنسن حسین بوچولده عباسین آقا نگاری شاهیم سنسن حسین قانلی گوزومدن قان سوزور گل فاطمه ریحانه سی جانی چیخور سرداریوین بالینده یوخ بیر کسی آقا منی عفو ایله گر یاتدیم حضورینده یئره آقا منی آل لطفیلن عبا سیوم زیر پره یوبانما گل داده آقا دوای دردیم سنسن حسین بوچولده عباسین آقا نگاری شاهیم سنسن حسین به سفارش مداح عالیقدر کربلای امیر رضا امانی مداح نونهال سولدوزی نفر دوم مسابقات مداحی استان ارسالی مداح اهل بیت علیهم السلام امیر رضا امانی از سولدوز #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

التماس دعا دارم براشفای پدرومادرم خادم کانال شعبانپور🤲🤲🤲🤲

اهنگ شهریاریمسان اقا نوحه حضرت ابوالفضل (ع) ✍️ شاعر علیرضا علوی زنجانی ✍️ سنه الحق یاراشور درده معالج اولاسان سنه الحق یاراشور باب الحوایج اولاسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور. شرفلی سردار اولاسان فاطمه اوغلی حسین. لشگرینه یار اولاسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور علقمه اوسته یاتاسان ایکی قول بیر گوزیوی دینوه هدیه ساتاسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور دشمنی آتدان سالاسان ماردین نیزه سینی اوز بو غازیندان ویراسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور. صفلری برهم ویراسان او امان نامه نی غیضیله غضبله جیراسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور. حیدره اولاد اولاسان سنه الحق یاراشور اکبره استاد اولاسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور دشمنین جانین آلاسان ابن سعدین جانینا لرزی طوفان سالاسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور عالمه ناز ایلیسن بیر اشاریله فراتین یولونی باز ایلیسن درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور دشمنیلن جنگ ایده سن سنه الحق یاراشور تک باشا جنگه گیده سن درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور میمنه ده اوت سالاسان نچه مین لر نفری. آت قاباقیندا چاپاسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور جعفر طیار اولاسان سنه الحق یاراشور حیدر کرار اولاسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور. سرور دوران اولاسان خلعت خدمتیوی فاطمه دن سن آلاسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا سنه الحق یاراشور. وارث کرار. اولاسان سنه الحق یاراشور اوغلونا سردار اولاسان درده حاذق سن آقا بابالحوایج سن آقا دردمندم باخ اوزن درده نتایج سن آقا گلمیشم من قاپورا باب الحوایج سن آقا ✍️ شاعر علیرضا علوی زنجانی ✍️ 1401/5/31

اهنگ " شد خزان گلشن آشنایى باز هم آتش به جان زد جدایى نوحه حضرت ابوالفضل (ع) ✍️ شاعر علیرضا علوی زنجانی ✍️ گل دوشوب قولاری علمدارین یخیلیب. میداندا. سپهدارین گل داخی تنهایم. دادرسیم یوخدی قالمیشام آواره جسمیم حسین اوخدی قانه باتوبدی نوکرین ای شاه اوخ دگوب آنوم یاردی والله کربوبلاده باتدی بو گون ماه زینب ایشیت سه دیلده چکر آه گل حسینیم گل حسینیم آغلا منه قارداش. بوردا آنام یوخدی فاطمه قان آغلور. ال چالانیم چوخدی محشر اولوب. حسین. بو صحراده فاطمه. آغلیور. گل سن داده سسلوری آنان زهرا هاردا حسین گلسون گوزدن آخان قانی گلسین حسین سیلسون تز گل حسین جان اوخ سینه داغلور باشدا یارامی فاطمه باغلور بیر حالا قالدیم قارداش اماندی مشگ و علم. ده حالیمه آغلور گل حسینیم گل حسینیم آغلا منه قارداش. بوردا آنام یوخدی فاطمه قان آغلور. ال چالانیم چوخدی یخیب لار شیروی آتدان قارداش اوخ دگوب گوزومدن. امان قارداش سیندی باشیم تز گل. دگدی عمود آهن گوزلوری قیزلارین. سو یولی وای بر من تز گل حسین جان قانه بویاندیم دیل یاراسیندان بو چولده یاندیم فاطمه. گلدی. باشیمن. اوسته خالدی مشگیم والله. اوتاندیم گل حسینیم گل حسینیم آغلا منه قارداش. بوردا آنام یوخدی فاطمه قان آغلور. ال چالانیم چوخدی جواب امام حسین دور گلدیم. هرایه. جان ابوالفضل گلمیشم. نوایه جان ابوالفضل آرخام ایلیم قارداش دور کمگیم یوخدی سیندی بیلیم قارداش ال چالانیم چوخدی دورمی دشمن آلدی ابوالفضل سینمی تنگه سالدی ابوالفضل آچ گوزیوی باخ یالقوز حسینه قارداشون تنها قالدی ابوالفضل اهل بیتین هواداری اهل عشقین علمداری آغلا رام عباسه عطر گل یاسه یاتدی علم الله گلمیشم احساسه گوزلرین قربانیم. من قارداش ای دوشن قولاری تندن قارداش یولووی گوزلیور خیمده قیزلاریم دور گیدک اخیامه. آغلیور قیزلاریم دین حق اوسته قانه باتیب سان عالی مقامه سنده چاتوب سان قارداشیوی سن گوزدن آتوب سان دشمن ایچینده قولسوز یاتوب سان دور ابوالفضل. جان ابوالفضل ای یل آزاده یاتما بو صحراده آچ گوزیوی عباس. گلمیشم امداده ✍️ شاعر علیرضا علوی زنجانی ✍️ ۱۴٠۱/۵/۱۶ روز تاسوعا

نوحه حضرت قاسم (ع) «اهنگ یا امام زمان شیعه ده احساسه باخ ✍️ شاعر علیرضا علوی زنجانی ✍️ دوشوب آتدان یره قاسم گل پیرهن عدنیده. آغلیور اوغلونا مولا حسن گل عمو دادیمه. یتیش امدادیمه ای عمو جان. ای عمو جان اکبرین یولداشی عمو دوشوب بلایه گل گلوب فاطمه بو دشت نینوایه قاسمی درک ایله بلکه چاتا نوایه سسلورم داده گل عمو فریاده گل ای عمو جان. ای عمو جان آیریلیق دان داخی قلبیم اولوب قان عمو گویلوم ایستر گلن جان ویرم آسان عمو اخرین لحظه ده سن اوخی قران عمو گل گلوب فاطمه. شیون ایلور منه ای عمو جان. ای عمو جان بو شهادت منه عین عسل دور عمو دین یولودا اولوم خوشدی گوزل دور عمو لوح عشقین. سنین لوح ازل دور عمو عاشقم من سنه. گل دعا ایت منه ای عمو. جان. ای عمو جان جان ویرن من گرک دینله قرانیمه قان آخا میدانا تشنه باتام قانیمه محضرونده ویرم جانیمی جانانیمه رو سیفد اولموشام. گل داخی سولموشام ای عمو جان. ای عمو جان عموم عباسه دی دشمنی اولدورمیشم ازرقین قلبنی تیریله من بولموشم ازرق شامینی عمو من. اولدورمیشم نوه حیدرم. منده شیر نرم ای عمو جان ای عمو جان شامیان بیلدیلر من نوه ی. حیدرم عموم عباسیدی جنگیده نام آورم بیلمیردی بولار من یل نام آورم نوه. حیدرم. گل پیغمبرم ای عمو جان. ای عمو جان مرتضی نین قانی. رگلریمده جاری دور بو آخان قان همان حیدرین اوز قانی دور خون پاک حسین اللهین اوز قانی دور منده دلدادیم. جنگه آمادیم ای عمو جان. ای عمو جان ✍️ شاعر علیرضا علوی زنجانی ✍️

شور حضرت قاسم (ع) اهنگ :مردی می آید به میدان  شور     اهنگ :حسین عینی فرد مردی می آید به میدان ✍️ شاعر علیرضا علوی زنجانی ✍️ قاسم شهزادیم من  (۲) جنگیزه آماده یم من(۲) من زاده پیغمبرم   فرزند شاه خیبرم        من قاسم ابن الحسنم (۳)                   خردا سرباز حسینم  (۲) منده همراز حسینم  (۲) شاه ولانین اوغلیام    شیر خدانون اوغلیام              بند دل پنج تنم         من قاسم ابن الحسنم (۳)                   مجتبی نین اوغلیام من  (۲) مرتضی نین اوغلیام  من (۲) من گل باغ حسنم     شیرم اوزوم صف شکنم           من قاسم ابن الحسنم (۳)                   صفلره طوفان   سالارام    (۲) باش باشا سیزی چالارام   (۲) قاسم صاحب ظفرم    ازرقین نسلین کسرم              عاشق شوریده سرم             من قاسم ابن الحسنم (۳)                   قاسم   رزم  آورم من  (۲) نور چشم حیدرم  من (۲) رزمیم   منیم حساسیدی     جنگ  اورگدن عباسیدی             من قاسم ابن الحسنم (۳)                   پور خیبر شکنم من (۲) قاسم ابن حسنم من (۲) تیغ شرر باریم گزر    دشمنلرین بوینون اوزر         عاشق  شوریده سرم       من قاسم ابن الحسنم (۳)                   عاشق خونین  جگرم (۲) قاسم   گل   پیرهنم  (۲) شیر خدایه  مظهرم    دشمن شکن دلاورم  ((یخماقا کوفه خیبرین  منده بیر آیری حیدرم))        من قاسم ابن الحسنم (۳)                   عاشیق شاه زمنم(۲) دل بسته مولا منم(۲) فاتح بدره بنذرم    حمزه منم  جعفر منم  ((یخماقا کوفه خیبرین  منده بیر آیری حیدرم))        من قاسم ابن الحسنم (۳)                   ۱۴۰۰/۵/۲۲ ✍️ شاعر علیرضا علوی زنجانی ✍️

شور از حضرت علی اکبر علیه السلام ✍️ شاعر علیرضا علوی زنجانی ✍️ نوکرم من. علی اکبره لیلای حسینه نوکرم من علی اکبر گل زهرای بتوله نوکرم من. اشبه. شبه. رسوله نوکرم من نوکرم من علی اکبر حسینه دردیم اولسا دیرم من دیرم من علی اکبر حسینه گوردی لشگر فکر ایدیب حضرت خاتم گلوری دیدیلر باخ. غیضیلی حیدر ضیغم گلوری جدینه بنذری واردی سرور. عالم. گلوری نوکرم من نوکرم من علی اکبر حسینه دردیم اولسا دیرم من دیرم من علی اکبر حسینه علی اکبر جمالین حضرت پیغمبره بنذیر علی اکبر جرعتون شجاعتون حیدره بنذیر علی اکبر برق شمشیرون یل داوره بنذور علی اکبر او گوزل گوزن سنون گوهره بنذر نوکرم من نوکرم من علی اکبر حسینه دردیم اولسا دیرم من دیرم من علی اکبر حسینه علی اکبر او گوزل قامتیوه هزار ماشاءالله علی اکبر. او گوزل لبلیریوه هزار ماشاءالله علی اکبر سسیوه تکبیروه هزار ماشاءالله علی اکبر دشمنه شمشیر ویران الریوه هزار ماشاءالله نوکرم من نوکرم من علی اکبر حسینه دردیم اولسا دیرم من دیرم من علی اکبر حسینه علی اکبر او رسا قولاریوا هزار ماشاءالله علی اکبر او شیرین شعاریوا هزار ماشاءالله علی اکبر او گیدن یولاریوا هزار ماشاءالله نوکرم من نوکرم من علی اکبر حسینه دردیم اولسا دیرم من دیرم من علی اکبر حسینه علی اکبر سنون نازوی چکر گونده فرشته علی اکبر ویرمرم بیر توکوی کل بهشته علی اکبر دوزرم سوزلریوی من رشته رشته نوکرم من نوکرم من علی اکبر حسینه دردیم اولسا دیرم من دیرم من علی اکبر حسینه نوکرم من به تو ای سلاله ی حیدر کرار نوکرم من به تو ای اشبیه پیغمبر مختار نوکرم من ای یل صف شکن دلبر و دلدار نوکرم من نوکرم من علی اکبر حسینه دردیم اولسا دیرم من دیرم من علی اکبر حسینه علی اکبر. ای گل باغ پیغمبر علی اکبر. نوه. نامی حیدر علی اکبر. سنه گوزلریم قان آغلار نوکرم من نوکرم من علی اکبر حسینه دردیم اولسا دیرم من دیرم من علی اکبر حسینه ✍️ شاعر علیرضا علوی زنجانی ✍️

اهنگ :اویان ای یار وفا داریم اویان نوحه حضرت علی اصغر (ع) ✍️ شاعر علیرضا علوی زنجانی ✍️ روز شب ذکریم اولوب ای وای اوغول چالیرام من سنه هی لای لای اوغول گجه لر بُوش بشگین ترپدیرم گوزومون یاشی اولوب قان آی اوغول ای گل نازیم علی خیردا سربازیم علی سن سحر اولدوزو تک باتدین علی بیله گوزدن آناوی آتدین علی ظلمیلن قانه بویاندین سن علی کربلاده منی آغلاتدین علی ای گل نازیم علی خیردا سربازیم علی هارداسان غنچه ی عطشانیم اوغول منه سس ویر قُوزی قُربانیم اوغول حرمله بیچدی بوغازین اوخولان بوغازی یاره لی طرلانیم اوغول ای گل نازیم علی خیردا سربازیم علی اوخ آتان اَلری شَل اولسون علی گُلشن عُمری اونون سُولسون علی گورم الله اونی نابود ایلسین قاتلین ریشه سینی یُولسون علی ای گل نازیم علی خیردا سربازیم علی یارالی گویلره معراج الدین عرشی سن قیرمیزی منهاج الدین گویلره سپدی آتان آلقانیوی یری اوز قانیوه محتاج الدین ای گل نازیم علی خیردا سربازیم علی اوخا باخدین ایلدین خنده علی آنان اولدی اودی شرمنده علی آتان آغوشی اولوب قتلگهون قرانی ایتدی قانون زنده علی ای گل نازیم علی خیردا سربازیم علی یُولادیم سن گیدسن سُو ایچه سن نه بیلیدیم گیدوسن گلمُویَسَن قالدی دیرناق یری سینمده نشان آرزو ؛ ایلردیم ؛ اوغول یُول گیدسن ای گل نازیم علی خیردا سربازیم علی گون کیمی کوکبه برپا الدین قانلی میداندا تجلّا الدین اوخا گولدون سن اودم نازلی بالا اوخ آتان قاتلی رسوا الدین ای گل نازیم علی خیردا سربازیم علی سن سیز اوغلوم اورگیم اودلانیری تَب مُحرقده بو جسمیم یانیری هارداسان اصغریم آی سود امنیم گُل کی سینمه ده سُودوم جُوشلانیری ای گل نازیم علی خیردا سربازیم علی سن سیز آهیله اورک داغلیورام اوزومه قانلی یاشی باغلیورام سن سوسوز قانه بویاندین گوزلیم من یانان خیمه ده قان آغلیورام ای گل نازیم علی خیردا سربازیم علی ✍️ شاعر علیرضا علوی زنجانی ✍️ ۹۷/۶/۲۰

((الیمه قاره علم – آللام حسین)) ✍مصیبی تبریزی .. الیمه قاره علم – آللام حسین یول گوزل مرقدیوه – ساللام حسین قید عشقونده سنون – قاللام حسین .. (سنه من آغلاماسام – ئوللم حسین سینمی داغلاماسام – ئوللم حسین) .. .. .. .. من او خوان و خدمین-حسرتیَم آلتی گوشه حرمین – حسرتیَم اوردا یاشیل علمین – حسرتیَم .. (سنه من آغلاماسام – ئوللم حسین سینمی داغلاماسام – ئوللم حسین) .. .. .. .. سینه وه غم یاخانون – وای گونونه قلبیوه اوخ تاخانون – وای گونونه قاپیوا چپ باخانون – وای گونونه .. (سنه من آغلاماسام – ئوللم حسین سینمی داغلاماسام – ئوللم حسین) .. .. .. .. قانه غلطان باشیوا – آغلامیشام گوزده کی قانیاشیوا – آغلامیشام اوجا بوی قارداشیوا – آغلامیشام .. (سنه من آغلاماسام ئوللم حسین سینمی داغلاماسام ئوللم حسین) .. .. .. .. یاز قاپوندا منیده – بنده آقا سنه نوکر یازیلوم – منده آقا سائلم دوت الیمی – سنده آقا .. (سنه من آغلاماسام- ئوللم حسین سینمی داغلاماسام – ئوللم حسین) ✨اَللّهُمَّ عَجِّل لِوَلیِّکَ الفَرَج✨

🎼سبک شعرفوق👆👆 🎤#بانوای_حاج_علی_سیفی_افشار ۱۴۰۲/۴/۲۹

آلتی آیدی آنان رباب آچاراوغلوم بلر سنی سنده صبر ایت سوسوزلیقا بالا قویما ملر منی(2) صودامرلر لای لایا یوخلار سوا گیتمه حرمله اوخلار آغلاما لای لای اصغریم(2) سینمه دیرناقون دییب سویوخومدی یوام قانی الرین باغلرام اوغول اولمییدی بودنیانی(2) چاره یوخدور ربابیده اینجیمه سن باجین جانی بویانان لبلرون کیمی علی یانسون بودشمنی بالا قویما ملر منی صودامرلر لای لایا یوخلار سوا گیتمه حرمله اوخلار آغلاما لای لای اصغریم(2) ✨اَللّهُمَّ عَجِّل لِوَلیِّکَ الفَرَج✨ #محرم1402 #شیر_خوارگان #هفتم_محرم

گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان امام حسین ،ع،و حضرت ابالفضل(ع) https://t.me/Asheghane_Hazrate_Abalfazll در تلگرام

⊰کانال مداحی ترکی باسبک ⊱: ای یانان دل دوداقی، بیر گجه نین قوناقی شیرخوارم بالام ، یوخدی چارم بالام ای یانان دل دوداقی، بیر گجه نین قوناقی هریانا گتمیشم ، سو سراغ ایتمیشم چکمیشم دلدن آهی ، گزمیشم خیمه گاهی سو تاپلمور بالام ، یاندی دلسیز بالام نیلیوم من الهی ، وار بو طفلین نه گناهی ای یانان دل دوداقی، بیر گجه نین قوناقی بانوای:حاج عبدالله داداشی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰--- من بیکسو بی یارم ای اوخ منی اینجتمه وار سینه ده چوخ یارم ای اوخ منی اینجیتمه بولدون که من اولموشدوم دلداریمه دلبسته هم غصلی محنتلی هم یاره لی هم خسته اکبر داغی کافیدی چکدون داغی داغ اوسته مشتاق رخ یارم ای اوخ منی اینجیتمه بیر بیکسو مظلومم الدن دوتانیم یوخدی باشدان باشا بو جسمیم هم یاره دی هم اوخدی یاری ایدنیم یوخدی یاره ورانیم چوخدی بی یارو مددکارم ای اوخ منی اینجیتمه آی باتدی فرات اوسته آواره دی اولدوزلار قاره گینوب آغلار خیممده اوغولسوزلار یول یوخ گیدم اخیامه گوزلور یولومی قیزلار من طالب دیدارم ای اوخ منی اینجیتمه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

ای یانان دل دوداقی، بیر گجه نین قوناقی شیرخوارم بالام ، یوخدی چارم بالام ای یانان دل دوداقی، بیر گجه نین قوناقی هریانا گتمیشم ، سو سراغ ایتمیشم چکمیشم دلدن آهی ، گزمیشم خیمه گاهی سو تاپلمور بالام ، یاندی دلسیز بالام نیلیوم من الهی ، وار بو طفلین نه گناهی ای یانان دل دوداقی، بیر گجه نین قوناقی بانوای:حاج عبدالله داداشی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---