السلام وعلیک یاام ابیها یافاطمه الزهراسلام الله علیها مراسم سوگواری وعزاداری بانوی دوعالم حضرت زهراسلام الله علیه باحضورعزاداران حسینی شهرک ولیعصرنمین وبامداحی خادم الحسین آقای علی نظیری خشیران

::::::::::::به نام خدا:::::::::: ::::: زبانحال حضرت زینب درقتلگاه ::::: ::::::::::::::::::::::::::::::::::::::::::::::::::::: استی قوم اوسته ویریسن جان حسین زینبیوین قلبی اولورقان حسین آچ گوزوی باخ منه___ آغلیرام من سنه یا رالی قارداش یارالی قارداش :::::::::::::::::::::::::::::::::.۱::::::::: من باجیوام آچ گوزوی قارداشیم غمدن آخورگوزدن اوُزه گوزیاشیم آدون اولوب دیلده حسین سوزباشیم ایله نظر خواهرِ نالانیوه آغلیرام پیکرِ گلناریوه یاتما یارالی اویان _زینبی آغلارقویان یارالی قارداش یارالی قارداش :::::::::::::::::::۲::::::::::::::: نطقه گل ای پیکری گلگون قبا بیرجه دانیش منله بودمده اخا باشیوی قویمایارالی تپراقا یوما بوقانیله دولان گوزلری فاش ایله قلبونده اولان سوزلری فاطمیه نورعین. _ خیمده وارشوروشین یارالی قارداش ___ یارالی قارداش ::::::::::::::::::::::۳:::::::::::::: قتلگه حضرت زهرا باخیر یاندیریب عالملری غمدن یاخیر سینه وی ترپدمه حسین قان آخیر جوشَ گلیرهریارادان قان حسین پارچالیوب قلبیوی پیکان حسین مَلحَمَ واردی نیاز _ بویارالار توختاماز یارالی قار داش یارالی قارداش ::::::::::: :::::۴:::::: ای سینه ده یئروئرن اوخ پیکانا قانلی مناده بلشن القانا قانی چوخور یئرده آخان تپراقا گول بدنین نیزه و شمشیربیچن تشنه قالان سویرینه قان ایچن دیل دوداقون خشک اولوب _ گول کیمی رنگون سولوب یارالی قارداش ----یارالی قارداش ::::::::::::::::۵:::::::::: آندایچیرم روح علی اصغره یاکه فرات اوسته دوشن اللره بیرده قسم شبه نبی اکبره کج دولانوب چرخ دنی برملا گتدی اجل گورسنی هاردان هارا قلبیم اسور یکسره ___لرزه دوشوریئرلره یارالی قارداش یارالی قارداش ::::::::::::::::::۶::::::::::: ::::::::::قیچلوئی (غملی)::::::::::: التماس دعا :::::::::::::::::::::::::::::::::::::::::::::

قامتی کمان نَنه ای جنازه سی گِئجه دفن اولان جوان نَنه نارِ ظُلملَن یانان قلبی خسته جان نَنه ای بیزی مَلَر قویان هاردا یاتموسان اویان گُلشنون گُلی سولوب دورت بالان یتیم اولوب قامتی کمان نَنه سن بو دودمانیده شمعدون گوزل ننه سوندوروب جفا اَلی وِیرمیوب امان سنه سنسیز ای غم آشنا وای حُسینه وای منه فرقتونده اولموشوخ اِیوده باغریقان ننه ای سِپهر عصمتین پُر ضِیا ستاره سی سینَوین بویور گوروم توختیوبدی یاره سی یا سِیزیلًیور گنَه اولمیاندی چاره سی جسمیوی اَریتدی اُول زخمِ جانسِتان نَنه گونده نِچًه یول سَنون خِرداجا یتیملرون یانه یانه آغلاشور بوش گورولًه بَسترون مجلس عزا قوروب ایوده خسته دِللرون یوخدی بیر گَلوب گِیدن بو اِیوه جوان ننه نوحه خوان اولوب حسین اوخشاما دیور حسن دیزلرین قوجاخلیوب آغلور اِیوده بُوالحَسن اشک غم توکور یوزه خِرداجا باجیم عَلَن منده قاره سالمِشام باشه مهربان ننه مُحسونون مَزارینی گونده بیر تَمیزلَرم قبرینی داداشیمین هم ئوپوب هم ایگلَرم قانلی قاپِیا باخوب شور و شیوَن ایلَرم قُنفُذون جنایتی اُوردا وار عیان ننه مُشکلَه دوشوب ایشیم سن ئولَن زمانیدن اوت دوتوب یانور‌ دِیلیم داغ جانسِتانیدن شَهپری سِنق قوشام من جفای ثانیدن چون یتیم قویوب منی جانیِ زمان ، ننه بو سوزی گِچَن گئجه مجتبی دیوب منه کوچه ده عدو اُو گون چوخ کُتَک وُروب سنه گُل جمالیوی سنون اوخشادوبدی سوسَنه یانمِشام ایشیدجَگین بو سوزی اینان ننه شَل اولیدی اللری ثانی ستمگرین یاندیروب بهشتیده قلبینی پیمبرین گور نِجه مَلر قویوب آی نَنه یتیملرین زینبون اولوب سنه غملی نوحه خوان ننه غصًه دن یورولموشام آغلارام گئجه گونوز فرقتونده سینَمی داغلارام گئجه گونوز یاسیوی ئولونجه من ساخلارام گئجه گونوز سولدوروبدی رنگیمی آفت خزان ننه یاندی قلبیمین باشی گوز یاشیم دونوب قانا بو سوزی یازان زمان مرغ دِل گلوب جانا شاجری ئولونجه بو غمده وار یری یانا وای دِیَه حسین کیمی طاقتی تالان ننه شاجری زنجانی

‍ ۞زبانحال امیرالمومنین(ع) کنار قبر مخفی حضرت زهرا(س)۞                  🌹🌹🌹🌹🌹🌹🌹🌹 ئولدروبلر سنی  زهرا  نجه من آغلامیوم قالمیشام بی کس و تنها نجه من آغلامیوم 🌻🌻🌻🌻🌻🌻🌻🌻🌻🌻🌻🌻 ای علی غصّه سینی درک ایلوب تز قوجالان در و  دیوار  آراسیندا  سسی  بیردن اوجالان یاری یانمش قاپودا سینه سینون قانی قالان قانلی  مسماره   باخاندا  نجه  من  آغلامیوم 🍀🍀🍀🍀🍀🍀🍀🍀🍀🍀🍀🍀 منزلیم سنسیز اولوب بیت الحزن فاطمه جان اوز   ائویمده   گجه لر  آغلیا   بیلمم  اوجادان آغلیاندا   اوجادان   ایلور   حسین  دلده فغان وای  ننه   سسلنور   اوندا   نجه من آغلامیوم 🌿🌿🌿🌿🌿🌿🌿🌿🌿🌿🌿🌿 حسنی    زینبی    آرام     ایدورم  حسرتلن یوخیا    ویرم   حسینی  گجه لر   زحمتیلن گلرم   قبریوین    اوسته   دل    پر محنتیلن دولانار   باشیمه   دنیا    نجه  من  آغلامیوم 🌾🌾🌾🌾🌾🌾🌾🌾🌾🌾🌾🌾 چمن عشقیده وقت اولمادی بیر گل دره سن گُله سن گل کیمی اطفالیوی سن گُلدوره سن نازیلهو  بخت   ائوینه   زینبوی   گونده رسن زینبون   اولدی   معزّا   نجه   من   آغلامیوم 🌻🌻🌻🌻🌻🌻🌻🌻🌻🌻🌻🌻 یا حبیبی  اَجبی  جاءَ  الی  قبرک  حبیب ها  علیُّ  بشرُ  کیفَ  بشر  اولدی  غریب دور علی قبریوین اوسته الی قوینوندا گلوب یوخ دیزیمده داخی یارا نجه من آغلامیوم 🌺🌺🌺🌺🌺🌺🌺🌺🌺🌺🌺 غم غم اوستن یارالی قلبیمه زهرا قالانور وای منه سن یخلان کوچه ده ثانی دولانور ذوالفقاری چکه بیلمم ئورگیم پارچالانور بیر بیله صحنه ده آیا نجه من آغلامیوم 🌲🌲🌲🌲🌲🌲🌲🌲🌲🌲🌲🌲 قدرتیم واردی سنون قانیوی ثانی دن آلام ذوالفقاریله  شرر  خرمن  اعدایه  سالام ولی تاپشوردی پیمبر الی قوینوندا قالام صبر ایدوم دین اولا احیا نجه من آغلامیوم 🌷🌷🌷🌷🌷🌷🌷🌷🌷🌷🌷 سنیدون فاطمه دنیاده من یار و معین سن ئولندن صورا خیبرکن اولوب خانه نشین تک قاپوم باغلی دگل باغلادیلار حیدر الین راضیم  مرگیمه  زهرا  نجه  من  آغلامیوم "#عینی_فرد"حقّه شفیع حضرت زهرانی آپار چوخ مقرّبدی سنی غصّه و غمدن قوتارا بی ریا یازسان اگر نوحه آدون فوری یازار چوخ گوزل دوشدی بو انشا نجه من آغلامیوم...... ✍استـــــاد عیـــــنے فـــرد #اولدوروبلر_سنی_زهرا #فاطمیه #عینی_فرد فایل صوتی👇👇👇

🍁 وصیت حضرت فاطمه(س) 🍁 آز قالدی مزاره گِئدم ای شاه خُجسته گَل بیردانیشاق سون نَفَسیمده سفر اوسته یوخ ذَرّه بو دنیاده گوزوم گرچه جوانم شوقیله بو گون ساحَت معبوده روانم سندن بو سفر اوسته عم اوغلی نگرانم مندن صورا غم باشووَه سایه سالاجاقدی عَدلین دَدَه سی ائوده کمکسیز قالاجاقدی دنیایه گوره آخرتی ساتدی بو اُمّت کور ایلدی ظُلّامی نَدن حُبّ ریاست باغلاندی غریبانه بو گون بابِ امامت ظُلمون عَلمی‌ عَدلین آدیلا اوجالوبدور خیبر شِکنون اَللَری قوینوندا قالوبدور مندنصورا بیرده بِله بیر کشمکش اولسا وحشی لَر اگر اِئتسه تَهاجم اِئوه دولسا باغلانسا قولون گُللریمیز صحنه ده سولسا اِمدادووَه آردونجا سنون کیم قاچاجاقدور باغلی قولووِی اوندا  کیم آیا  آچاجاقدور عِرفانین حِجاباتیده مَفهومی سنیدون غم دفترینون باشداکی مَغمومی سنیدون مَظلوملرین  دَهریده  مَظلومی سنیدون ایکاش ائله امکانیم اولیدی دایانیدیم گوزیاشلی سنون باشووه بیرده دولانیدیم  اَسرار مِحن فاش اولوری غملی سوزوندن بیر هالِه ی ماتم گورونور ایندی یوزوندن من گِئتدیم عم اوغلی سن ئوزون گوزلَه ئوزوندن هرچند گئدور فاطمه ای خسرو خوبان باشون ساق اولا آغلاما گوزیاشووه قربان ای فَخر ائلیَن عِزَّتینه آدم و حوا دوققوز ایل ائووندَه سنه غمخواریدی زهرا بومُدّتی حَقّونده قُصوریم اگر اولسا اِغماضِ نَظر گَل منه ای نیک خِصال ائت سن بیل بوحسینین جانی زهرانی حلال ائت نِسگیل لَریمون ایندی بو نِسگیلدی کَبیری واضحدی قزیم زینب اولار غملر اَسیری زهرایه گورَه یاخشی دانیشدیر او صَغیری بیرگون که قَدَرایستدی طوی قسمتی اِئتسون اولمازنَنَه سی سن گَلینی سال یولا گِئتسون بیرده سنه بیر سوز دیورم ای شه مَحشر وئرکوینگیم اوستَن منه غسل اولسا مُیسّر تَدفینیمی ساخلا گجیَه اولما مُکدّر گیزلینده عم اوغلی منی حمل ایله مزاره تادردیمه ائتسون گجه نون قاره سی چاره حُرمت بیزایچون ساخلامیوب شهریده اُمَّت خوشدور که اِحاطه ائلیَه قبریمی غُربت تا محسنیمون قاتیلینه دوشمیه فُرصت مَکتوب غمی ایله نهان قوی قالا بسته تیترر بدنیم گَلسه عُمر قبریمون اوسته (نادر) دیوری خامه دایان یوخدی توانیم حیدر حالینون ذکرینه عاجزدی بیانیم واردور یری قوزانسا اگر عَرشه فغانیم  قبره قویولاندا گجه نون عالمی زهرا آغلاردی  علی حالتینه   گُنبد مینا

‍ ‍ ‍ مدح حضرت زهرا (س) اثر سیف الشعرا.. زهرا او خانمدور که آدین خالق هستی نوریله یازوب جنّت الاعلا قاپوسیندا زهرا او خانمدور که ملک لر دایاناردی چادر شبینی ئوپمگه طاها قاپوسیندا زهرا او خانمدور که قاشی سرمه ساتاردی حورالره مین نازیله سودا قاپوسیندا زهرا اوخانمدور که الین ئوپدی پیمبر عشقه یارادوب منظره والا قاپوسیندا ئوپدوگجه دئدی وار ننموون عطری بو الده روحیم دیریلر اُمّ ابیها قاپوسیندا کیمدور بو خانیم همنفس فاتح خیبر یعنی او که سائلدی مسیحا قاپوسیندا باللّه ید موسی، دم عیساده بونوندی خادمدی بونون مریم و سارا قاپوسیندا کیمدور بو خانم شمس وقمر نور آلوب اوندان باش قوزادیلار عرش معلا قاپوسیندا زمزم بونون آلنندا دوزولمیش تره چاتماز یوخ مِثلی بونون حُسن وتجلّا قاپوسیندا افضلدی بونون بیر توکی مین حور بهشته یوخ شأننه همتا حق یکتا قاپوسیندا پیغمبر ئوزی فاطمیه ائتدی توسّل معراج گونی مسجد الاقصی قاپوسیندا جبریل اومقامیله دوشر حیرته باللّه مدح ایتمگه زهرانی سجایا قاپوسیندا زهرا دئمه،عصمت، شرف، ایثار و صداقت گُللندی اونون کعبه دن اعلا قاپوسیندا صورتگرون آیینه سیدور سینه زهرا افسوس اونی سندیردیلا مولا قاپوسیندا فکر ائت خانمون سینه سینون قانی آخاندا گور دوشدی علینون نجه غوغا قاپوسیندا محشرده اوبانو که ائدر خلقه شفاعت گوردی ئوزی بیر محشر کبری قاپوسیندا دیواره خانم تکیه ائدوب سینه سی قانلی یوخ چاره گوروب درده مداوا قاپوسیندا مسمار اونی نه حاله سالوبدور بیلن اولماز گل جسمینی درد آلدی سراپا قاپوسیندا ئولسم دئمرم هاردا خانم ئولدی دیریلدی سربسته دی سوز مُحنت عظما قاپوسیندا عارف سن اگر آل بو اشاره سوزی مندن گل غیرته طوفان ائله زهرا قاپوسیندا نامحرم ایچینده ایدی خانم محسن ئولنده باخ گور نه چکوب فاطمه ایذا قاپوسیندا دوشمشدی نفسدن گوزی قالمشدی علیده قانیله یازوب بو سوزی زیبا قاپوسیندا مین جانيم اولا آدیوه قرباندی عم اوغلی مردانه دایان صبر ومدارا قاپوسیندا تا فاطمه وار سندیرا بیلمز سنی بیر کس پوزقون ائووین حق اولار احیا قاپوسیندا یاندیم من اگر بو در و دیوار آراسیندا گوردوم ایوئون غملی قضایا قاپوسیندا زینب قیزیما کرب وبلا درسینی وئردیم اورگنسون اودا عشقی تولّا قاپوسیندا #استادطالبی #سیفی #اردبیلی

نوحه شهادت حضرت زهرا (س) #ترکی سبک نوحه ؛ دریای علقمده طوفاندی قارداش ... بقیعه سینه ده غم گئتدیم الله نصف شب زهرانی دفن ائتدیم الله دیلده نوا گوزلرده یاش قلبیمده یاره قویدوم یارالی پیکرین گیزلین مزاره دلخسته یاریم گئتدی الهی دار و نداریم گئتدی الهی باد غمدن سولدی گلزار طاها چوخ غمه دوزدی آز عمرینده زهرا حقی اوسته دوگولدی دوشدی درده دردینون اولمادی درمانی اما نیلی یوزون قویدوم ترابه اشکیم آخدی زهرا منیم گوزیاشیمه معناده باخدی دلخسته یاریم گئتدی الهی دار و نداریم گئتدی الهی گئتدی الدن امید و تکیه گاهیم آغلادیم عرشه چخدی سوز آهیم آیریلیق دردینه یوخ چاره الله سوندی ظلم آتشیلن شمع راهیم صد حیف اولا زهرا گئدوب تک قالدی حیدر حیدر نجه زهرا غمینده طاقت ایلر دلخسته یاریم گئتدی الیمدن دار و نداریم گئتدی الیمدن عالمین زهراسیز یوخدور صفاسی قبری تک دلده وار گیزلین یاراسی بو درده آغلورام مندن علاوه قالدی آغلار ائوینده دورت بالاسی باشه حسن زهرا غمینده قاره باغلار زینب دییر نوحه حسینیم سینه داغلار دلخسته یاریم گئتدی الهی دار و نداریم گئتدی الیمدن حاصل عمر حیدر ماتم اولدی دلبریم غصه دن قدی خم اولدی بین دیوار و در پهلوسی سئندی محنتی چوخ ولی عمری آز اولدی گل سینه سینده دوقوز ئیل دورت گل بئجردی دست فلک طاها گولون ظلمیله دردی دلخسته یاریم گئتدی الیمدن دار و نداریم گئتدی الیمدن ✍شعری از ابوالفضل عباسی معروفان اهری

...: چاره سیز خسته لرین ، دردینه درمان آنادی دفتر عشق و وفا ، مشقینه پایان آنادی سینه سی دشت بلا ، آتش بحراندا یانیر سارالان یاز گولی تک ، تشنه ی باران آنادی هر بلا درده دؤزر ، شرط محبتده اوزی گر مصیبت داغ اولا ، صبریده طوفان آنادی عشق پروانه سی تک ، شمع ائولاده گئنه یاندیران بال و پرین ، عاشق گریان آنادی آی دئسون اوخشاری وار ، اولدوزا چوخ بنزری وار گونی خجلتده قویان ، دُرّ درخشان آنادی اوکی هر صبحه کیمی ، یاتمادی غمنن گئجه لر سنه لای لای اوخویان ، بلبل نالان آنادی    

فرهاد گوهری: ئولدی آللّه فاطمه قالدیم نیه دنیاده من کاش ئولیدیم قالمییدیم سوّمِ زهراده من گُل یاشار عشق عالمینده بلبلِ شیدائیلن عمریمون گیتدی صفاسی حضرتِ زهرائیلن نیلیوم بوندان بئله هئچ بیلمورم دنیائیلن اولموشام زهرا غمیندن ئولمگه آماده من یاریمون آیریلماقی مندن قیامتدور دئسم یادِ یادی بی کران و بی نهایتدور دئسم گویِشیم مظلومه زهردان خِجالتدور دئسم زنده یم ظاهرده امّا ئولموشم معناده من حقلیم ایتسم گِلایه آی فلک آی روزگار هر ایکوزدن راضی اولسا حضرتِ پروردگار سیز نیه قویدوز بو نوعی مرتضانی اشکبار قالمیشام آواره گویا غصّه لی بیداده من

(  زبانحال حضرت زینب در فراق مادر)     ( در اهنگ گجه لر سنسیز یاتا بلمورم) منیم آنام جوان ئولوب اورگیمون یاراسی وار نه غصه دن یوزوم گولر نه دردمون دواسی وار             چ         گجه لر آنا یاتا بلمورم         غموی نلوم آتا بلمورم          گلورم بقیده هی آغلورام          آنا قبروی تاپا بولمورم غم دفترین وراقلارام آنا سنی سراقلارام گون اخشاملار باتان زمان دیزلریمی قوجاقلارام            یانارام غمه دیوب آغلارام            گوزومون یاشین سله باغلارام            دیرم یارالی ئولوب آنام            بو محنده سینمی داغلارام گلیلیم زمانه دن سالیبدی باشیمه قارا جوان ئولوب منیم انام ویریبدی قلبیمه یارا          هامی ایل بولور من آناسیزام           اورگی یانان یارالی قیزام            نجه یانمیوم بو مصیبته            انام ئولدی غصلی اولدوزام تای توشلارون مدینه ده گلین کیمی گزور  آنا سن ولی قبره کیتمسن آه چکورم یانا یانا            گجه لر گلر منه غم گلر          گوزوم هی یاشیی یوزومه الر           باخارام یاتان یریوه سنون           ننه سسلرم اورگیم اسر کلک قضا سیندی کاش طالحوی یازان زمان ویردی فلکله ال آله عمروی ایلدی خزان               نجه یانمیوم بو مصیبته              نجه من دوزوم بیله محنته               گجه لر حسین سنی اوخشیور              حسنون یانور غم فرشته قیز اوشاقی بورسمیدی   ئولسه انا یتیم اولار بخت ایوینه گیدن زمان صاق وصولا باخار سولار                   دیر ای آنا سنه من فدا           قیزیوی گل آیت دالیجا دعا           آنا اولماسا ملر آهو تک           توکر اشگینی یوزه بر ملا

«زبانحال زینب کبری(س) بر تابوت بانوی دوعالم»   سبک : عباسیم علمداریم ... ای شمع حرمخانه ... یاران چه غریبانه ... آی گویده کی اولدوزلار ... ای یاره لی طرلانیم ای مرحمتین کانی                گئتمه آناجان گئتمه سن بیل بابامین جانی                گئتمه آناجان گئتمه قالسا آناسیز بیر قیز هاردان تاپا دمسازین فکر ایله آناسیز قیز سویلر کیمه ئوز رازین آخیر آنا تک چکمز هئچ کس بالانین نازین نیسگیللی دی تاوانی گئتمه آناجان گئتمه صرصر یئلی بیر هجمه گلزاریمیزه سالدی گلزاریده گوللردن شور و طربی آلدی باخ گور کی نه احواله دورت خوردا بالان قالدی یاندیردی گلستانی گئتمه آناجان گئتمه ای ترک ائلین دارِ دنیانی جوان زهرا وی آتش محنت ده درگاهی یانان زهرا درده بابامی سالدی سیننده کی قان زهرا آغلاتدی احبّانی گئتمه آناجان گئتمه الله بگنن یولدا بذل ایله دین هر زادون دیوار و در و مسمار ثبت ایله دی اسنادون تا بین در و دیوار سسلندین علی آدون تیترتدی بو دنیانی گئتمه آناجان گئتمه ای مهر درخشنده گردونۀ نُه طاقه اوچ یوز نفر اود سالدی درگاهیوه یانماقه میخِ در امان وئرموب سالدی سنی توپراقه دین اوسته گئدن جانی گئتمه آناجان گئتمه گویلرده آی اولدوزلار تنویرینه بانی سن تفهیم ائله دون دهره معنای وفانی سن صدق و شرف و حُجباً بیر حیدر ثانی سن سن سن شرف عنوانی گئتمه آناجان گئتمه ــــــــــــــــــ #سبک_آتدان_یره_چون_دوشدی واگیر برای این سبک از #عدلی_تبریزی غصه دن گوزلریم اشکیله دولار اولماسا باغبان گلشنی سولار