مدح حضرت زینب (س) ⬛️ زینبم قرآن داور ساخلادیم زنده من نام پیمبر ساخلادیم باشیمه هر یرده قمچی ویردیلار دشمن ایچره باشدا معجر ساخلادیم ⬛️ زینبم من هر غمه تاب ایلدیم صبریمیله غصه‌نی آب ایلدیم ساخلادیم پاینده دینین پرچمین عشقیمی چون درّ نایاب ایلدیم ⬛️ زینبم زهرا قیزی عصمت واریم عالم امکانیده عزت واریم مثل قارداشیم ابالفضل رشید قهرمانم حیدری غیرت واریم ⬛️ زینبم غملن مدارا ایلدیم قدرتیله دینی احیا ایلدیم سویلدیم حق سوزلرین مستکبره دشمن نامردی رسوا ایلدیم ⬛️ زینبم اعدا بو قلبی داغلادی قوللاریمی ظالمانه باغلادی شامه جک باشیمه قمچی ویردیلار حالیمه گویلرده طاها آغلادی ⬛️ زینبم چوخ چوخ بلالیدور باشیم غم من هردم اولوب جان یولداشیم آغلارام صبح و مسا بو درده من کربلاده ئولدی یدّی قارداشیم ⬛️ زینبم باشی بلالی اولموشام غصه دن قلبی یارالی اولموشام عشقیم اوّلدن حسیندور والسلام ایندی اوندان من آرالی اولموشام ⬛️ زینبم ورد زبانیمدور حسین یوخ غمیم آرام جانیمدور حسین آدینه قربان اولوم قارداشیمون جسیمیده روح روانیمدور حسین ⬛️ زینبم عالیّه انفاسیم ئولوب گلشن حیدرده کی یاسیم ئولوب هر یره گئتدیم عزاسین ساخلادیم سویلدیم غیرتلی عباسیم ئولوب ⬛️ زینبم قالو بلاده اولموشام قورخولی قانلی مناده اولموشام دلخوشام عالمده من بو مطلبه من حسینله کربلاده اولموشام ⬛️ به قلم  شاعر اهلبیت (ع) کربلایی_حسن_طیبان

◾️◾️◾️◾️◾️◾️◾️                  ﷽ #وفات_حضرت_زینب«س» #سبک_اصغریم_ای_شیرین_زبانیم #ترکی زینبــــون جان ویرور حسینجان شهر غربتــــده تک ویرور جان گلگلن باشیــــم اوسته قارداش ای گلــــن یولّاریـــــوه قـربان بی کسم یوخــــدی بیر نفــر داده گلن گوزلریمدن آخان یاشی یوخدی سیلن حسینجــــانم حسینجــــانم گل آی قارداش پــریشانـم ◾️◾️ یِدّی قـــــارداش نگاریم من اهــــــــل بیت افتخاریم من حضرت فــــاطـــمه عـزیزی حیــــدره دُخــــت نامیَم من هیچ کسون من کیمی گوزی دولمیه کاش مــــــن قالان گــــونلره قالان اولمیه کاش حسینجانم حسینجانم پــریشانـم پــریشانـم ◾️◾️ سسلــــــرم قـــارداشیم حسینی رهبریــــم مــــاه عــــــــالمینی شـــــاه مظــــلوم کــــــربلانی زینــــبون نــــــور هر دو عینی گلگـــــلن باغلا زینبون گوزلرینی آخرین لحظده ایشیت ســوزلرینی حسینجانم حسینجانم پــریشانـم پــریشانـم ◾️◾️ ویــــر ابوالفضله بــــو پیامی سویلـــــه ای قهـــرمان نامی دیلده سسلنــدی یا ابوالفضل زینبـــــون فتح ایدنده شامی ایندی غربتده تک قالوب جان ویرورم گل ابوالفضل غریب و نالان گیــدورم حسینجانم حسینجانم پــریشانـم پــریشانـم ◾️◾️ زینبــــــــون با وفادی قارداش باشی  چوخ پر بلادی قارداش کـــــربلانون مصیبتونـــــــدن قلب زاریـــــم یارادی قارداش دوشموشم سن کیمی گوزلدن آرالی بیر منـــــه کوینگون نشاندور یارالی حسینجانم حسینجانم پــریشانـم پــریشانـم ◾️◾️ خیمـــــــلر اوتلانـــــان زماندا قیــــــزلارین چـــوللره قاچاندا وردولار بـــــاشیوی جـــــدایه باغـــــریقان زینبـــــون باخاندا کربـــــلا گللــــرینی خولدان قیردیلار کیم دیدی یاحسین اونی چوخ وردولار حسینجانم حسینجانم

 دوشنبه ۱۸ تیر ۰۳ورود / ثبت ‌نام منو     PreviousNext دسته‌بندی:  اشعار ترکی |اشعار گلچین حضرت زینب(س) - انواع اشعار امامان | ولی الله کلامی زنجانی  زبانحال حضرت زینب (سلام الله) در حال احتضار -(زینبین آیریلیق صبرین آلدی) ۵  ۹۱۵۱    ۵۳ زینبین آیریلیق صبرین آلدی قهرمانین یولون شامه سالدی جان ویرنده دیوردی الهی بس منیم ائلریم هاردا قالدی   ای منیم پاسبانیم ابوالفضل لنگ اولوب کاروانیم ابوالفضل زینبی قبلیه دوندرن یوخ باشیوه گل دولانیم ابوالفضل   ای دوشن نهرین اوسته وجودی قانلی بازوسی دینین عمودی گل ایاقدان دوشوب غملی زینب جان ویرور  دلده هجران سرودی   چوخدی سن تک حسینه علاقم نیلوم کربلادن اوزاقم آند اولا دلده که خاطراته بو گیجه من حسینه قوناقم   گوگلوم ایستور گله باشیم اوسته دینجله بلکه بو دلشکسته پیشوازه دورام خسته خسته یولّلارا گل سپیم دسته دسته   ای آدامسیزلارین آشناسی غملی امّ البنینین بالاسی  ای گوزل آدی باب الحوائج زینبون دردینون یوخ دواسی   خواهشیم بیر  بودور نه گلایه ایله درمان من مبتلایه یا حسینی گتور شامه قارداش یا آپار زینبی کربلایه   زینبین حالینه داغلار آغلار چولده ویران قالان باغلار آغلار رسمیدور باجیلار جان ویرنده گوزلرین قارداش باغلار آغلار   گل یورولدو گوزوم آغلاماقدان تنگه گلدیم اورک داغلاماقدان بو گوزی باغلاماق آی ابوالفضل چوخ چتیندی یارا باغلاماقدان   من همان زینب قهرمانم  عمه پیر صاحب زمانم  هر قناد سیز قوشا لانه ویردیم من اوزوم ایندی بی آشیانم   قلبیده نسگلیم چوخدی قارداش جانه هجران غمی اوخدی قارداش یدی قارداشه باجیدیم امّا هیچ بیریندن خبر یوخدی قارداش   مایه یوخ عشقیمون مایه سینده پایه یوخ صبریمون پایه سینده من حسینه دعا گویم اما قانلی بیر کوینگون سایه سینده   ای فرات اوسته پرچم وران  گل زینبین قلبینی یاندیران گل سیندی قارداش بئلیم آیرلیقدان ای حسینون بئلین سیندیران گل   گوگلومی گل ابوالفضلیم آل گیت جان چیخاندا باشیم اوسته قال گیت گون ایونده قالان نعشه خاطر شامیده باشیمه سایه سال گیت   هیچ ایو عالمده مشعلسیز اولماز هیچ عزا خانه گیت گلسیز اولماز گل گوزیمی دیدوم باغلا اما هیچ گوزی باغلاماق السیز اولماز

شجاعت خانم زینب س بانوای#کربلایی_منوچهر_حسن_زاده دختر شیرخدا،،شیرزن کرببلاست، جای خواهش به لبش،ذکر ومناجات ودعاست ایستاده ست به پا،واهمه در چشمش نیست بین آن لشگر شیطان صفتان،بی پرواست، شوکت از قامت عباسی او می بارد در قیام رجزش،نقش قیامت،برپاست پرچم غیرت وایثاربه دوشش دارد باعث زنده نگه داشتن عاشوراست،، به سرش ،معجر او جلوه نمایی می کرد در نجابت به خداوند قسم که زهراست تک درختی ست که برجان تبر افتاده ست آذرخشی ست ودر معرکه ومیدانهاست، سر او گرچه شکست از غم یاران خدا سرشکسته نشود،تا به ابد،سر بالاست زینبی باش که زینب به خطرها می گفت با خداییم وبه هر لحظه خدا هم با ماست کمر کوه شکست از غم زینب ،اما او چهل کرببلا دیده،ولی باز به پاست دل نوشته ای از مهدی کاظمی

چمن خلقته بیر عطریلی ریحان زینب گل گلزار علی زیب گلستان زینب مایه ی فخرو مباهات اولان آل لاهه پنج تن منزلینه شمع فروزان زینب آدی زینت اولان عالمده علینون آدینا آناسی فاطمه تک سرور نسوان زینب عصمتینده آناسی فاطمیه همپایه نطق و گفتاری اولان چون شه مردان زینب ادب آموخته ی مکتب آغوش علی صدف معرفت لعل بدخشان زینب بنذین قامتی عباسه حیاسی حسنه همت و صولتی چون شاه شهیدان زینب سر پرست اسرا حامی خون شهدا نوه ی شیر دل ختم رسولان زینب مکتب گئتمین اما اولان علامه ی دهر خلقه تفسیر ائلین آیه ی قرآن زینب رخت تقوانی بیچن قدینه خیاط ازل یارانان سنگر اسلامه نگهبان زینب مریم و هاجرو سارا آدینا فخر ائلین پاسبان درگهینه موسی عمران زینب ائتدی زنجیر ستم قولارینی یاره ولی التماس ایلمدی دشمنه بیر آن زینب دین هریرده وقاریله سوزون بی پروا چکمین حق سوزه هیچ پرده ی کتمان زینب شامیده ولوله سالدی اموی مسجدینه او مهارتلی شجاعتلی سخنران زینب زینب آدلی قیزین عالمده اگرچه سایی یوخ سن کیمی زینبی حاشا گوره دوران زینب روزو شب حورو ملک شوقیله سبقتدیلر اولالار درگهوه حاجب و دربان زینب کربلا غملرینه صبرائلدون داغلار تک ائلدون صبروه ایوبیده حیران زینب قلم عاجزدی دیلیم قاصرو طبعیم ناچیز وصفوی نظمه چکم یوخ منه امکان زینب گر گجه گوندوز اوخونسا باشا مشکلدی چاتا لوح تحریفوه یوخ نقطه ی پایان زینب پای لنگیله سنون درگهوون زائری یم مور ناچیز منم سنده سلیمان زینب دفتر شعریمی سن پای ملخ ایله حساب هدیم اولدی منی عفو ایله چوخ ارزان زینب بو کیچیک تحفه نی خاکیدن آل ای ذره پذیر عوضینده منه وئر هدیه ی شایان زینب یاز منیم آدیمه بیر تذکیره ی شهر دمشق مرقد پاکوه قیل بیر گجه مهمان زینب افلاکیان خاکی

توسل به امام زمان عج ــ آرزوی زیارت #شعر'#بهمن جعفری زینجناب به سبک : 👇👇👇👇 پشت و پناهیم ،تکیه گاهیم ــــ (یبن زهرا ۲بار) ای عِــــزّ و جاهـیم ،  پادشاهیم ــــ( یبن زهرا ۲بار) آدون ای دَدلَره دوا ویرن  ای دیللَره صفا سلام  ای عزیز زهــرا (آقام مولا اباصالح ۳بار) 2بار 🔵🟣⚫️🔵🟣⚫️🔵🟣⚫️🔵 ماهِ ولایت ـــــ قیل عِنایت ـــ  شیعیانه ، شیعیانه اِیله  کَرامت ـــ اِیله دعوت ـــ جمکرانه، جمکرانه اَیا صاحِبَ الزَّمانیم منیم ای ایکی جَهانیم سنه قوربان اولا جانیم (آقام مولا اباصالح ۳بار) 2بار 🔵🟣⚫️🔵🟣⚫️🔵🟣⚫️🔵 سلطان دین سن ، مَه جَبین سن ، جان آقاجان، جان آقا جان سِبطِ امیرالمومنین سن ، جان آقاجان ، جان آقاجان اورکلر صفاسی سنسن بو گوزلر ضیاسی سنسن آقالار    آقاسی سنسن (آقام مولا اباصالح ۳بار) 2بار 🔵🟣⚫️🔵🟣⚫️🔵🟣⚫️🔵 چَکدیم اورکدَه نقشه یِ صَحن و سَرانی، نِینوانی شب های جُمعَه  گویلوم ایستیر کربلانی ، کربلانی گویلوم ایستیری حسِینی او ششگوشه مَرقَدِینی لطف ائت بینُ الحَرَمِینی (آقام مولا اباصالح ۳بار) 2بار 🔵🟣⚫️🔵🟣⚫️🔵🟣⚫️🔵 #نجوا با امام زمان عج #شب جمعه #آرزوی زیارت #حرم ✍#شِعر از : #بهمن جعفری زینجناب