مدح حضرت ابوالفضل (ع) فرزانه لرون مشقی ابالفضلدی ابالفضل ایرانلی لارین عشقی ابالفضلدی ابالفضل آدی دیولن وقتده دوشور دیللره طوفان احساس جلالت ایلیور ملت ایران عشق اهلینه آیا نه تمنا و نه خواهش ایراندا به کوری وهابیت و داعش آل اللهین عشقیله گزور رگده کی قانلار پروانه دی عباسه بو غیرتلی جوانلار گویلرده علی اوغلونا عاشقدی ملکلر عشقینده او سردارین اسور دایم ئورکلر والحدی ابافاضله دنیای شرافت عباس آقانین منکرینون ذاتینه لعنت کیم منکر عباس اولا صاحب هدف اولماز کیم پرچمینه چپ باخا اوندا شرف اولماز الله تعالی اونی اعلا یارادیبدی پاک عشقه ابافاضلی معنا یارادیبدی الله آقامین اوغلونی آقا یارادیبدی اوغلانلار ایچینده اونی غوغا یارادیبدی اوغلان نئجه اوغلان گله حاشا اونا بیر تای اوغلان نئجه اوغلان یوزی اون دورت گئجه لیک آی اوغلان نئجه اوغلان دوداقی لعل بدخشان قاشلاری کمان گوزلری خورشید درخشان اوغلان نئجه اوغلان بالاجا پنجه سی فولاد کیم گوردی دئدی ام بنینه ائوین آباد اوغلان نئجه اوغلان باخیشی سروی اگردی مین یوسفه تنها یوزونون خالی دگردی اوغلان نئجه اوغلان گوزی طوفان ایلیردی سالسیدی نظر هر کیمه فرمان ایلیردی وئرسیدی تکان خیردا ایاقین بلگیندن مین مالک اشتر توکولردی اتگیندن اوغلان نئجه اوغلا ن گوزلیدی ازلیندن حیدر کیمی صفدر اگیلیب اوپدی الیندن اوغلان نئجه اوغلان بلگینده چوبالوردی خیردا بلگیندن گویه غیرت اوجالوردی از وقتی یاغوردی باخیشیندان کرم و فضل حیدر گوزونی اوپدی آدین قویدی ابالفضل * فرهنگ خدایی اردبیلی

نوحه ی حضرت ابوالفضل (ع) (سبک : گلمیشم هرایه آی یارالی قارداش) سائیلم قاپوندا با وفا ابوالفضل دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل **** سن وزیر جنگ شاه کربلا سن قوللاریوا قربان نه گوزل آقاسان مشگلی اولانون مشگلون آچارسان دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل محرم اولاندا آقا اسوری علم لر شیعه لر آدیوا آقا قربان کسل للر هر یردن جماعت عزایه گله لر دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل قارداشون حسین ایله بیر نظاره قالمیوبدی قارداش دای الیمده چاره زینبون سالوبسان سن باشینا قاره دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل کربلاده قارداش گیچوب سن اوزوندن دشمن اوخ ویروبدی سنون ساق گوزوندن آتام اوغلی قارداش دویمادیم سوزوندن دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل خیمه لرده آغلور نازنین سکینه گوزلیور یولوی چوخ ماه مدینه قان دولان گوزون آچ رحم ایله حسینه دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل باشیوون یاراسین باغلارام ابوالفضل حالیووه بو چولده آغلارام ابوالفضل قانلی پرچمی من ساخلارام ابوالفضل دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل آتام اوغلی قارداش دوشوبسن کمنده قوللارون سالوبلار قالمیوب بدنده دور بلیم بوکولدی چاره یوخدی منده دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل خیمه لردن ایندی زینبم گله جاق غصه دن بو چولده قارداشون ئوله جاق ((نویدی)) همیشه نوحوی دیه جاق دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل ***

حضرت ابوالفضل (ع) عاشقسن اگر سسله قربانم ابوالفضله هر شام و سحر سسله قربانم ابوالفضله عباسی چاغور مرغ روحه حرکت وئرسون جمعییت عشاقه الله برکت وئرسون عشق اهلی گرک عشقه مجد و عظمت وئرسون وور جانه شرر سسله قربانم ابولفضله حق سائل مولانی غیره ائلمز محتاج سرمایه عشق اولماز بو دایرده تاراج عباسی چاغور روحون عرشه ائلسون معراج هنگام سفر سسله قربانم ابولفضله عباس آدی تا محشر پرچملره زینتدی بو پرچم عاشورا نورانی علامتدی اگ باشون علمداره چون روح ولایتدی صد بار دگر سسله قربانم ابوالفضله چون حجت حق دائم مجلسلره ناظردی وور سینه خلوصیله مهدی ئوزی حاضردی اولدی ابدی حامی ئوز دینینه ناصردی اثنای خطر سسله قربانم ابولفضله ماه علوی شهرت راه حقه سالکدی عباسه ملک قربان جان ملکینه مالکدی وار شهرتی عالمده مشهور ممالکدی گوردوقجا قمر سسله قربانم ابولفضله آتدان که دوشوب قولسوز اول ماه بنی هاشم گلدی پسر زهرا قاندی دئدی گوز یاشیم دور یاتما بنفسی انت ای یاره لی قارداشیم دل جانه دیر سسله قربانم ابولفضله سقا هدفه چاتدی باشدان باشینی آتدی باخدی گونه آی باتدی یومدی گوزینی یاتدی بو منظره معناده زهرانیده آغلاتدی قان اولدی جگر سسله قربانم ابولفضله ** ولی اله کلامی زنجانی

الدخیل یا ابوالفضل العباس (ع) ای مه برج ولا ، درده درمان آقا جان عبد صالح لقبون ، ماه تابان آقا جان قاپیوین سائلیم ایله عطا بو گدانی الی بوش سالما یولا ایله احسان آقا جان سنه قربان آقا جان معدن جود سخا ، شرف الناس آقا جان گلشن دینه اولان ، ای گل یاس آقا جان چوخلاریی عاشق اولوب ، سنه عباس آقا جان شانیوه عقل بشر ، قالیب حیران آقا جان سن علینون اوجا بوی دلبری سن فاطمه یوسفنین یاوری سن ایله احسان آقا جان سنه قربان آقا جان منبع جود و کرم ، گل گلزار وفا شیعه نین تاج سری ، آدین هر قلبه صفا کیم دخیل اولسا سنه ، تئز آلار درده دوا چوخلاری سندن آلیب ، درده درمان آقا جان کیمه من فاش ایلیوم نسگلیمی کیمه اظهار ایلیوم مشکلیمی ایله احسان آقا جان سنه قربان آقا جان سن صفا و شرفین ، آقا جان مظهری سن کربلا عرصه سینین ، قهرمان حیدری سن سن حسین تک آقانین ، یار همسنگری سن دین یولوندا گیچن ای ، ایکی قولدان آقا جان شربت شهد شرف ایچدون آقا باش و جاندان نه گوزل گچدون آقا ایله احسان آقا جان سنه قربان آقا جان عاشقم آندینی اوخ ، دین یولوندا بیچنه عاشقم سو یئرینه ، می جانان ایچنه عاشقم حقه گوره ، باش و جاندان گیچنه سنله پاینده قالیب ، روح ایمان آقا جان سسله دون دادیمه گل قارداش حسین یتور عباسیوه ال قارداش حسین ایله احسان آقا جان سنه قربان آقا جان قوللاریم دوشدو منیم ، علمیم یاتدی حسین ساقی تشنه لبان ، گل قانا باتدی حسین حمد اولا مقصدینه ، نوکرون چاتدی حسین باشیمون اوسته گلیب ، اوخی قرآن آقا جان منی درک ایله باشیم قانی آخیر گوزلریم یوللارا حسرتله باخیر ایله احسان آقا جان سنه قربان آقا جان قولسوزام گلسن آقا ، دورا بیلمم ایاقا جانیم آز قالدی حسین ، چاتا قانلی دوداقا قول ویردیم سو آلام ، خیمه ده چوخ اوشاقا ایتدی شرمنده منی ، قوم عدوان آقا جان شرمسارم منی گل ایله حلال گل داغیلسین آقا جان درد و ملال ایله احسان آقا جان سنه قربان آقا جان ((عارفم)) صبح و مسا ، سنه دل باغلامیشام غملرین یاده سالیب ، سینه می داغلامیشام سن کیمون تشنه ئولن ، سروره آغلامیشام قبریوه ایسته اولوم ، بیرده مهمان آقا جان عاشقم قبریوه ای سرو روان قیل عنایت منه ای روح و روان ایله احسان آقا جان سنه قربان آقا جان ** رضا محمودی عارف زنجانی

یا ابوالفضل العباس(ع) غم آلوب طاقتیمی گلمشم عباسه دیم دردیمی محنتیمی گلمشم عباسه دیم حاجتیم‌ وارچالورام باب‌الحوائج قاپوسین دلده کی حاجتیمی گلمشم عباسه دیم او گوزل قبردن اوتری اورگیم پرپر اسور قصدیمی نیّتیمی گلمشم عباسه دیم سو کنارینده دوشن قولّارا قربانم آقا غمیلن الفتیمی گلمشم عباسه دیم آغلارام تا قاتارام اشکیمی‌مشکین سویونا غم بوکر قامتیمی گلمشم عباسه دیم چاغیروبلار منی بو بزمه، اوزوم‌ گلمه‌مشم یازیلان دعوتیمی گلمشم عباسه دیم ** حسین کریمی

سرود ولادت حضرت ابوالفضل العباس ع شاعر :#بهمن_جعفریِ_زینجناب به سبک: جانِ جانِ جانِ جانی 👇👇👇 مژده مژده ای دل امشب ، شب یاره شب میلاد با وفا ، علمداره شرف الناسه گوهر و الماسه حضرت عباسه گل ام البنین دل و دلداره صفا به دل داره وه چه علمداره گل ام البنین دلبره ، به همه اهل جهان سروره منظره ، جانِ جانِ جانِ حیدره واگیر: یا مولا یا ابوفاضل ☘🌹🌹☘🌹🌹☘🌹🌹☘ گلدی گلدی گلدی عالمه ، گوزل سردار گلدی ایکی دنیاده اولسون ، حسینه یار چارُم شعبان ، ایشقلانیب جهان سووندی شیعیان ، یا ابو فاضل کعبه ی ایمان ، سردار قهرمان ای سنه من قربان ، یا ابوفاضل ای منیم ، شرف و شوکتیم ، عزّتیم ای آدی ، هر ایکی عالمده جنتیم واگیر: یا مولا یا ابوفاضل ۴ بار ☘🌹🌹☘🌹🌹☘🌹🌹☘ ای اولان اهلِ دیله عالمده ، گوزل دلبر ئوزی زیبا ، سوزی زیبا ، گوزی شهلا ، یلِ حیدر درده دواسن ، کرمده دریاسن ، حسینه سقّاسن ، یا ابوفاضل باب الحوائج ، ددلره معالج ، گول آدی ای رایج ، یا ابوفاضل سن کیمی ، دیللره دلبر یارانمیّیب سن کیمی ، حیدره مظهر یارانمیّیب واگیر: یا مولا یا ابوفاضل ۴ بار ☘🌹🌹☘🌹🌹☘🌹🌹☘ ⚜️شعر از :#بهمن_جعفریِ_زینجناب

‍ اعیاد شعبانیه مدح و میلادیه حضرت اباعبدالله الحسین علیه السلام مرحبا صد مرحبا گلدی شاه کربلا ای حسین عاشقلری باشلیون شور و نوا بیزیم اربابیمیز گوز آچوب عالمه تهنیت یاعلی مژده یا فاطمه چشم تو روشن یا اباالحسن گول هانی بوندان گوزل لبلری شیرین عسل حوسنوده عیناً حسن جدینه ضرب المثل بی بدیل و بی قرین بی قرین و بی بدل گوزلری طاها نما اللری مشکل گشا بیزیم اربابیمیز گوز آچوب عالمه تهنیت یاعلی مژده یا فاطمه چشم تو روشن یا اباالحسن نازنینده نازه باخ عزت و اعجازه باخ عرشه قونداقی گیدوب اوجه باخ پروازه باخ جبرئیل الین ئوپوب رتبۀ ممتازه باخ یر دیور گئتمه حسین گوی دیور گل مرحبا بیزیم اربابیمیز گوز آچوب عالمه تهنیت یاعلی مژده یا فاطمه چشم تو روشن یا اباالحسن 👏👏👏👏👏 ‍ ‍

مداح کربلایی سلامت اشرفی قوجه بیگلو