✔️حضرت قاسم ابن الحسن (علیه السلام) داغیلوب سینم کسیلوب نفس ئولورم یارالیم ای عمو سسیمه اوزون ویر اماندی سس ئولورم یارالیم ای عمو ووررولوب قلج یاریلوب باشیم قوریوب گوزوم قاباقیندا قان بو هوانین ایسّی سی من سوسوز بدنیم یارالی، اوزوم جوان گینه اوز قویوب بو قدر قوشون بیری نیزه و بیری اوخ وران بو قدر جفا منه بسدی بس ئولورم یارالیم ای عمو نجه بلبل آه و فغان ایدر او زمان که گلشنن و گل سولا باش آچیب اوغولسوز آنام گرک باشیم اوسته قاره ساچین یولا ئوله هر جوان قالی نیسگیلی بخصوص عمو که یتیم اولا نه آتا واریمدی نه بیرجه کس ئولورم یارالیم ای عمو اولی غرق بحر بلا ده جان منی گل چیخات عمو بیر یانا بو قدر قوشون آرا یوخ بیری که منیم بو حالیمه بیر یانا بو قدر یارا هامی بیر یانا بو هوانین ایستی سی بیر یانا منه تنگ اولوبدی بو دم نفس ئولورم یارالیم ای عمو عموجان اماندی هرایه گل باشیم اوسته لطف ایله سایه سال کسیلوبدی تابیم اماندی گل منی بیرجه دشمن الیندن آل گیدورم عمو دایانانمورام منه حقون ایت گله سن حلال قالوب ایندی ئولماقا بیر نفس ئولورم یارالیم ای عمو بوریوبدی توز همی بو چولی همی قان آخوبدی دولوب گوزوم ره خیمه نی تانیانمورام که گلم حضوریوه من اوزوم دوزَرَم اگر دَیَه مین یارا سنی گورمَسم نجه من دوزوم نه کمک واریمدی نه دادرس ئولورم یارالیم ای عمو بولورم سنون ای آتام عمو غم مرگیم آرتوری غملرون نولی بیرجه رنجه قدم بویور من اولوم فداسی قدملرون منی خیمه گاهه آپار منه دیوب اوخشاسونلار حرملرون باشیم اوستونی عمو سن ده کس ئولورم یارالیم ای عمو او محبتی که سن ایتموسن منه ایتمیوبدی آتام حسن اولارام ملول او محبتین اگر ایمدی مثلینی ایتمه سن گل آتام یرینه بو باشیمی دیزون اوسته آل گله بیرجه سن ایدورم وصالوی چوخ هوس ئولورم یارالیم ای عمو شهدانون ای عمو بیر به بیر باشی اوسته ایمدی گزر اجل یتیشوبدی نوبتی قافله ووروب ایمدی حلقه به در اجل منی شور عشقیله یاندروب ایلیوبدی شمع سحر اجل عمو سسدن ایمدی دوشر جرس ئولورم یارالیم ای عمو وار اگر بصیرتون (هندیا) ایلیوب خلوص مجرد اول سال اوزون کمند حسینه سن او کمند حقه مقید اول بخصوص دامن قاسمه ایله چنگ ویر که موید اول سوزیویله ویر اوناسنده سس ئولورم یارالیم ای عمو شاعر : مرحوم هندی

نوحه استمداد حضرت قاسم(ع) ای دادخواهیم داده گل بیداد الیندن داد عمو صید ایتدی صیّاد اجل ایتمز منی آزاد عمو بیر زخمدار آهو کیمی قانیم رواندور سو کیمی دامه دوشن تیهو کیمی صید ایلیوب صیّاد عمو هر قدر گلّم شیونه رحم ایلمز دشمن منه قالمیش امیدیم بیر سنه ایله منه امداد عمو ازبس هجوم ایلوب عطش عارض اولور قان ایچره غشّ وار قتلیم اوسته کشمکش ویرمز امان جلّاد عمو ووردوقجا بو قوم دنی من سسلرم داده سنی درک ایت اماندور تیز منی مظلوم ئولور داماد عمو گلدون اگر امدادیمه یاخشی یتیشدون دادیمه رزم ایتمه باخ فریادیمه ایت حالیمی بیر یاد عمو گور بیر منیم افغانیمی دشمن دوتوب هر یانیمی گل راحت ایله جانیمی ئولدوم من ناشاد عمو آت چاپدیلار سینمده بسآخِر شکست اولدی قفس سیندی سوموکلر باتدی سس گلمز داخی فریاد عمو چون ظلم بی پایان اولوب سیلاب اشکیم قان اولوب توپراقیله یکسان اولوب بو قامت شمشاد عمو ای فخر آل هاشمی گور «ذهنی» تک گوزیاشیمی آل بیر دیز اوسته باشیمی تا جان ویروم دلشاد عمو

نوحه سینه زنی استمداد حضرت قاسم (ع) یتیش هرایمه عمو یخلمشام یارالیام آلوبدی دوره می عدو کمکسیزم بلالیم یارالیم یارالیم غم اِیتمه یوخدیش گر آتام یاخوندی مقصده چاتام گرکدی قانیمه باتام بهار عشقه لالیم یارالیم یارالیم سنه آز اولدی خدمتیم اورکده قالدی حسرتیم یتیشدیباشه زحمتیم سپهر غم هلالیم یارالیم یارالیم هجومه طبل چالدلار چهار سمتی آلدلار کمند ظلمه سالدلار مدینه نین غزالیم یارالیام یارالیام قزیشدی آتش جدال بویاندی عرصه ی قتال وصاله روحیم آچدی بال کوچرگی قوش مثالیام یارالیم یارالیم ایاقلانوب سینوب قفس شماریه دوشوب نفس یوخومدی بیرجه دادرس قبیله دن آرالیم یارالیم یارالیم خبر گتوردی پیک فان گوزومه دولدی لخته قان دوشور بدندن آیری جان سولان گلم صفالیم یارالیم یارالیم خوشام یولوندا جان وِئرم نهال دینه قان وئرم اوز عشقیمی نشان وئرم هامی بیله وفالیم یارالیم یارالیم اجل دوشوب ایاقیمه رقم وورا فراقیمه یتوبدی جان دوداقیمه مسافرم رحالیم یارالیم یارالیم الونده موسوی قلم همیشه نوحه قیل رقم قرا گیوب دی دمبدم گئجه گونوز عزالیم یارالیم یارالیم «سید حمید موسوی میانجی»

‍ قارداشیم حسن گولوستانینین گل باجی نیشانین گتیرمیشه م وئر خبر بلاکئش آناسینا؛ قاسیم جوانین گتیرمیشه م صحنه-ی-وجودینده باش وئره ن یاره لر آچیب گوا چمن کیمی زینت ائبله ییب قاتلی پئیکرین نئیزه اوخ نسترن کیمی بی نوا آناسی نئجه دؤزه ر گؤرسه اوغلونو من گؤره ن کیمی من گؤره نده اود دوتموشام یانیب یاندیران زمانین گتیرمیشه م گول دگیل بو گولزار-ی-حوسنو دور؛ وار یئری بونا گوللر آغلاسین گوللری سولان مرغ-ی-زار-ی-تک شیوه نیله بولبوللر آغلاسین فاطمه آنام قارداشیم حسن وای اوغول دئسین ائللر آغلاسین گولستان-ی-اعزازیمین باجی آفت-ی-خزانین گتیرمیشه م تئل به تئل باتان قانه زولفونو مه جمالینه هاله تک سالیب زیر-ی-ابر-ی-ظولمتده گون کیمی بو ایشقلانان گوندوزم قالیب جان وئریب اؤزو تئشنه لب منیم صبر و تابیمی دفعتا" آلیب گل دوشوب بو گون نطقدن باجی جسم ناتوانین گتیرمیشه مداحی استاد طالبی #روضه_حضرت_قاسم_علیه_السلام 🍁🍁🍁🍁🍁

‍ ‍ کفن گییدی گئده میدانه قاسم اولوب شمع غمه پروانه قاسم کفن گییدی گئده میدانه قاسم اولوب شمع غمه پروانه قاسم امامین اللریندن ئوپدی اول صورا عرض ائتدی ای شاه مجلل ئورکده مشکلیم وار ایله سن حل اجازه وئر بویانسون قانه قاسم عموجان گلمیشم باب کریمه ائدوبسن چوخ عنایت بو یتیمه قوی اکبر تک چاتوم فوز عظیمه اولا خوشدی فدا قرانه قاسم سنی وئرم قسم خیرالنسایه دوداقی پارچالانمیش مجتبایه منی قوش اکبر گلگون قبایه یتیشسون فیض جاویدانه قاسم هزار احسن او روح جاودانه سلام اول سیزده ساله جوانه سوسوز گلدی مقام امتهانه وئروب جان گور نجه جانانه قاسم امامی پوزدی قاسم التماسی دئدی یالوارما قارداشیم بالاسی شهادتدور سنون دردون دواسی منی اغلاتما ای دردانه قاسم قوجاقلاشدی ایکی یار محسن باخوب ال پیمبر چکدی شیون ایکیسی اغلاشوب غش ائتدی بیردن دوشوب بیر یان حسین بیر یانه قاسم مداحی استادطالبی #سینه_زنی

‍ #روضه شاهزاده قاسم علیه السلام آلدی باشین دیزی اوسته توکوب گوز یاشین یوزه سیلدی گوزون قانین اوبیرآز باخدی گوز گوزه سسلندی ماتمینده سر افکنده اولموشام بیر ایش گورنمورم سنه شرمنده اولموشام سسلینده دیدی سن گلماقادل مایل اولوب گلدیم اما ارادا دشمن اوغول حایل اولوب گلمیشم ایندی بوگلماق ولی بی حاصل اولوب او یارالی باشی قویدی دیزی اوسته او جوان بالا باشی امامین دیزی اوسته جان ویردی یاالله اقا بیر اخدی بالیا خدایا بو جوانین ننه سی بالا یولی گوزلور ایسته دی حمل ایلیه دلبرینی شاه زمن بوردا عذر ایستورم سندن اقا یابن الحسن نجه احواله قالار لشکر ارا اوغلی اولن سورنیدی ایاقی یرده اوزانمیشدی بدن امام او دوغرانان جنازه نی گتوردی خیمه لره جنازه نی قویدی علی اکبر جنازه سینین یاننا امام زمان اقا گذشت ایله امام بیر الین قویدی قاسم جنازه سینه بیر الین قویدی علی اکبر جنازه سینه یوزون دولاندیردی زینب باجی گل بالام اولدی اوغلی اولسه ننه نین غصه لری باشدان اشار اوغول هر کسین اولسه جوانی اونا قاره یاراشار اوغلی جوان ئولن ننه ایئتمیه ناله نینیه حقیدی سینه داغلیا اغلیا نوحه ایلیه اجرای استادطالبی #روضه_حضرت_قاسم_علیه_السلام

‍ ‍ 🍀🥀🍀🥀🍀🥀🍀               ﷽ #زبانحال_حضرت_رباب(س) #با_حضرت_علی_اصغر(ع) #سبک_خرابه_چراغونه_امشب #شعر_ترکی #عطشدن یانان نازدانه گتورمه ربابی فغانه سویوم یوخدی شرمنده یم من اولور اشک خجلت روانه گمانیم سوده گلمور اوغلوم دوتوب اود چکور دل زبانه آلوپ دوره وی خیردا قیزلار دیوللر هامی یانه یانه ششماهه جیران آز آغلا آز آغلا آز آغلا ای طفل عطشان ازاغلا از آغلا از آغلا 🥀 گیدیب تشنه لیقدن قرارون دا گلمور سنون آه و زارون چالورسان بیله ال ایاق سن پوزور حالیمی بو فشارون چخور گوییا جان بدندن داخی قالمیوب اختیارون دولانمور آغیزدا زبانون اولیدیمسنین جاننثارون ششماهه جیران آز آغلا آغلا آز آغلا ای طفل عطشان ازاغلا ازاغلا ازاغلا 🥀 آپارسا آتان رزمگاهه اثر ایلر حالون سپاهه ویرر بیر ایچیم سونی دشمن ترحم ایدر بی گناهه بو حال نزارون که واردی اثر ایلیر مهر و ماهه سن ایچسن سو سیراب اولونسان مورخ لر ایلر سیاهه ششماهه جیران آزاغلا ازاغلا ازاغلا ای طفل عطشان ازاغلا ازاغلا ازاغلا 🥀 گوزوم قورخور اما عدودن همان خصم بی آبرودن گیدورسن اوپوم قوی دویونجاق علیجان بو زیبا گلودن بودور اصل قورخوم ایچیرده سنه سو سه شعبه سبودن دگه گر اوخ عطشان گلودن ربابی سالار های و هودن ششماهه جیران از آغلا ازاغلا ازاغلا ای طفل عطشان ازاغلا ازاغلا ازاغلا 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج 🍀🥀🍀🥀🍀🥀🍀

‍ ‍ 💔🍃🖤🔹💔 🍃🖤🔹💔 🖤🔹💔 🔹💔 💔                   #شهادت_حضرت_علی_اصغر(ع) ✍#مرحوم_شهاب_تبریزی #ترکی 🖤 ای غنچه ی خندان لایلای علی لایلای جانیم سنه قربان لایلای علی لایلای 🖤 پوزقون گوروب حالون یانّام علی اصغر رنگون سوسوزلوقدان سولموش گله بنزر یوخدور سودوم آخِر نیلوم علی اصغر لایلای علی لایلای لایلای بالام لایلای 🖤 سالدی منی دلدن درد و غمون آخِر اظهار ایدوم حالون واردور کیمون آخِر یوخدور علی اصغر عبّاس عمون آخِر لایلای علی لایلای لایلای بالام لایلای 🖤 چوخ گل خزان اولدی سولدی بو گلشنده بو گون سوسوز گل تک پژمرده سن سنده گورّم سولان رنگون یانّام اوغول منده لایلای علی لایلای لایلای بالام لایلای 🖤 بو گون اوغول بولّم اوچ گوندی عطشانسان بیر دسته سنبل تک بی تاب و لرزانسان حقّون وار آغلارسان بیله پریشانسان لایلای علی لایلای لایلای بالام لایلای 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج     #اجرای_سبک 1400//4/22 💔 🔹💔 🖤🔹💔 🍃🖤🔹💔 💔🍃🖤🔹💔

‍ ‍ 🥀💚🌹💫🥀💦💫💦 💚💦💫🥀💦 🥀💚 🥀💦      ﷽ 💫🥀💦 💦                #زبانحال_حضرت_امام_حسین(ع) #در_شهادت_علی_اصغر(ع) #سبک_ای_ویرن_ویرانه_یرده ✍#مرحوم_سید_احمد_یاسر_نجفی #ثریا_تبریزی #ترکی  شاهد اول یارب الیمده اصغری عطشان گتوردوم اولموشام شرمنده سندن تحفۀ ارزان گتوردوم شوقیله مینای عشقه اصغری عطشان گتوردوم سن بلورسن گئچموشم من سندن اوتری اکبریمدن بیر نه یالقوز اکبریمدن عون و فضل و جعفریمدن کشف اولور حالیم الهی ایمدی حال اصغریمدن آلتی آیلیق طفلی ایمدی کویوه قربان گتوردوم درد فرقتدن جهاندا بسکه یا رب جانه گلدیم  آتش هجراندا یاندوم ناله و افغانه گلدیم  اصغری گوتدوم الیمده درگه سلطانه گلدیم  بیر محقّر ارمغاندور دستۀ ریحان گتوردوم چوخ ریاضتلر چکوب تا یتموشم من بو مقامه  شأن و قرب اصغری گوسترّم ایمدی اهل شامه  اهل شامه چوخ دیدیم هر حجّتی یتدی تم ... 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج     💦 💫🥀💦 🥀💚🥀💦 💚💦💫🥀💦 🥀💚🌹💫🥀💦💫💦