احوالات حضرت رقیه (سلام الله) خرابه قلبینی سیخان رقییه سلام اولا یزیدی تختیدن سالان رقییه سلام اولا ایاقلارین تیکان ئوپن گل پیمبره درود باشینا قمچیلر دگَن یتیمه دختره درود خرابه ده افول ایدن ایشیقلی اختره درود وئرن قوری یر اوسته جان رقییه سلام اولا فلک لحاف و بالشین حصیر و پاره خشت ائدن رضای حقیدن ئوزون رضای سرنوشت ائدن خرابه یرده جان وئرن خرابه نی بهشت ائدن چراغ و چشم کهکشان رقییه سلام اولا آناسی فاطمه کیمی جمالی نیلگون اولان جفا و ضرب سیلیدن گوزل گوزونه قان دولان سموم ظلم و جوریدن گل چمن کیمی صولان غمینده عمه سی یانان رقییه سلام اولا دیلینده اکبرین آدی یاواش یاواش دیین اذان عزیزه دوتدوقی آدی خرابه خاکینه یازان گوزل آدی یازیب ئوپن گوزل آدی ئوپوب پوزان یزیدی تختیدن سالان رقییه سلام اولا موضوع: حضرت رقیه (س) احوالات ,

جواب حضرت رقیه (سلام الله) به دختر یزید چوخ دئدی یاوه دختر یاوه سرای و هرزه گو چکدی سیوف نطقینی بنده ی پاک ذات هو ایسته دی نطقیلن وئره نهضت عشقه آبرو باخما دئدی لباسیمه من گل باغ حیدرم بیر نخ معجریمی من کاخ یزیده وئرمرم شامیده شاه کربلا نهضتینون سفیرییم سنّیم اوشاقدا اولسا گر مکتب عشق پیرییم شمره اسیر اولمارام من بابامون اسیرییم ذکر خدای لم یزل صبح و مسادی ازبریم تختووزی لرزیه سالار شامیده قاره معجریم موضوع: حضرت رقیه (س) احوالات ,

متن قطعه : دور سنه قوربان گدیرم رقیه دور سنه قوربان گئدورم رقیّه ،رقیّه گور نه پریشان گئدورم رقّیه ،رقیّه دور بالا عمّون قولونی آچوبلار،آچوبلار هم صاقینی هم صولون آچوبلار،آچوبلار کرب و بلانین یولونی آچوبلار،آچوبلار اکبره مهمان گئدورم رقیّه،رقیّه دور ئوزوم آلّلام گوزون قاداسین،قاداسین الده قالوب غارت اولان اساسین، اساسین من کیمه سوغات آپاروم لباسین، اساسین دیده سی گریان گئدورم رقیّه،رقیّه گون که باتار روشن اولار چراغلار، چراغلار کیم سنی غربتده گلوب سراغلار، چراغلار قبرورون اوسته اوتوروب کیم آغلار، چراغلار من که یانوندان گئدورم رقیّه،رقیّه گئتدون ئوزون قالدی آدون دیلیمده، دیلیمده یوخدی فراقونده توان دلیمده ، دیلیمده خورداجا گوشواره قالوب الیمده، دیلیمده قلبیم اولوب قان گئدورم رقیّه،رقیّه وای منی گوزدن نیه بس آتوبسان، آتوبسان خون دلیم گوزیاشیما قاتوبسان، آتوبسان قبریده یورقون یارالی یاتوبسان، آتوبسان من ولی نالان گئدورم رقیّه،رقیّه وادی بطحا یولووی گوزتلور، گوزتلور عترت طاها یولوی گوزتلور، گوزتلور غمزده صغرا یولوی گوزتلور، گوزتلور ایلورم افغان گئدورم رقیّه،رقیّه گوزلرون آچ بیر بیره وور دوداقون، دوداقون سویله عزیزیم نجه دی ایاقون ، دوداقون وای بالا ئولدوردی منی فراقون، دوداقون مرحومدور سنه قربان گدیرم رقیه از سلیم موذن زاده 👇 دور سنه قربان گدیرم رقیه گورنه پریشان گدیرم رقیه دور بالا عمون گولوی آچیپلار آچیپلار هم ساغینی هم سولونی آچیپلار آچیپلار کرببلانین یولونی آچیپلار آچیپلار

کوچ از خرابه شام یاتما رقیه شامیده یثربه کاروان گئدر دور یولا سال باجون گئدر عمه گئدر آنون گئدر یوخلاما نازنین باجی , دور گئدیروخ مدینیه قویما یوزوی تپراقا دور گتی قوی بو سینیه اهل وطن سوروشسالا بس نه گلوب رقییه نیلرم اوندا قلبیمه غصه گلر توان گئدر یاده سالاندا نیسگلون سینمی داغلارام باجی سیل بهار تک یوزه اشکمی باغلارام باجی آج قوری یئرده ئولماقون یاد ائدوب اغلارام باجی بیرده یارالی سینه دن داغ غمون هاچان گئدر بیر ایلی فرصت اولمادی ائتماقا شانه زلفووی دوتدی غبار غم گورن گلدی فغانه زلفووی دور یووارام گلابله ائتمه بهانه زلفووی عمه لریم سن اولماسان گئتسه ده ناگران گئدر گرچه اورکده محنتون چوخدی باشون بلالیسان قلبووی تیر غم بولووب غصه لی سن یارالیسان شامیده مسکن ایلمه سن باجی کربلالیسان باور ائله سن اولماسان قافله میز گران گئدر دور داخی یوخدی ساربان باغلیا راه چاره وی شاد ائدرم رقیه من بو دل پاره پاره وی وئردیله غارته گئدن خیرداجا گوشواره وی آل باجی سال قولاقووه گون دولانار زمان گئدر اولدی خرابه گوشه سی حسرتیله وطن سنه کول باشیما تاپولمادی شامیده بیر کفن سنه اولدی کفن بو شهریده کهنه او پیرهن سنه قبریوه ایندی هر باخان آغلار ائدر فغان گئدر ** کریمی مراغه ای

زبانحال حضرت زینب (س) در خروج از شام (سبک : بزم عزاده گیمیشم ...) یات گوشه ویرانه ده سوگلیم لایلای سوگلیم لایلای ای فاطمی گلخانه ده بلبلوم لایلای بلبلوم لایلای من گیتدیم سن قالدون قلبیمه اود سالدون ای عندلیب خوش نوا گل بوداقیمده مین نازیله ناز ایلین ئوز قوجاقیمده قالمیش یانقلی سوزلرون بو قولاقیمده یات بی صدا بو لانه ده سوگلوم لای لای سن عمه وه بیر روحیدون خسته جانینده بیر شمع تک سیندون حسین دودمانینده ترک ایلرم لابد سنی غم مکانینده ای جان تن ویرانه ده سوگلوم لای لای هرگز رقیه گچمرم من بو بیر سوزدن چوخ تئز دونرمیش گوئیا بیله یوز یوزدن سالدون نه تیز شیرین دلیم عمه وی گوزدن یاتدون بو محنت خانه ده سوگلوم لای لای آیریلماقیم مشکلدی بو غملی مدفندن آتدون منی دویدون مگر ای قیزیم مندن مندن اگر دویساندا من دویمارام سندن ناز ائت من نالانه ده سوگلوم لای لای عمرون بهارینده سنون گلشنون صولدی تاپدون خزان ویرانسرا دردیله دولدی آخر کفن اگنونده کی پیرهن اولدی یات غمفزا کاشانه ده سوگلوم لای لای سن بیر ایشیق اولدوز کیمی شامیده آخدون آخدون آخاندا خیرداجا قیزلارا باخدون باخدون باخاندا عمه وی یاندیروب یاخدون ای غم یین غمخانه ده سوگلوم لای لای بیر مشکلون وار قلب پر احتراقیمده بیر سوز دیردون سن قالوب بو قولاقیمده سویلردون ای عمه قابار وار ایاقیمده یانام یانار بیگانه ده سوگلوم لای لای دائم وطندن سوز سالوب طرز صحبتده گوز یاشلی غرق ائتدون ئوزون اشک حسرتده هامی گئدر قالدون ولی سن بو غربتده سوز چوخدی بو افسانه ده سوگلوم لای لای سن سیز رقیه من دیمه شاد اولوب گوللم ایستکلیسن سن سیز نئجه من دوزه بوللم گئتسم گئنه سندن ئوتور شامه من گللم یول گوزله بو ویرانه ده سوگلوم لای لای ** مرحوم تائب تبریزی

خروج از خرابه شام منزل ويراني زينب ترك ايدور گريان رقيه دور يولا سال كارواني گوزلره قربان رقيه لايلاي اي آرام جانيم لايلاي اي شيرين زبانيم قورتاريب اولاد حيدر جور و ظلم شامياندان عاقبت بند اسارت آيري دوشدي قولاريندان بير به بير توديع ايدوللر عمّه لر قارداش قيزيندان ياتما دور قلب كبابي غصه دن شان شان رقيه لايلاي اي آرام جانيم لايلاي اي شيرين زبانيم اي ويرن ويرانسراده عمريني اتمامه لايلاي اي دچار اولموش جهاندا غصه و آلامه لايلاي چاتميان عمرينده بيرگون آرزو و كامه لايلاي راحت اولدون غصه لردن غملي ويردون جان رقيه لايلاي اي آرام جانيم لايلاي اي شيرين زبانيم غصه لي عممون رقيه عازم كوي وطندي اولدي شرمنده حسيندن كوي جانانه گيدندي آق كفن يوخدي سنه بو قاره پيراهن كفندي غملرون دنيايه سالدي سهملي طوفان رقيه لايلاي اي آرام جانيم لايلاي اي شيرين زبانيم لايلاي اي آز عمره دائم غم چكن هجر و المدن لايلاي اي اوچ سنّه راضي اولمگه غملر اليندن لايلاي اي زهرا ننم تك صورتين سيلي گوردن لايلاي اي ديل ياره سيندن قلب زاري قان رقيه لايلاي اي آرام جانيم لايلاي اي شيرين زبانيم اي اسن برگ خزان تك شمر و زجرين وحشتيندن اي اولان يول يول وجودي تازيانه ضربتيندن اي ييخان كاخ يزيدي مرتضايي همتيندن يات اولا عمّون او يورقون جانوه قربان رقيه لايلاي اي آرام جانيم لايلاي اي شيرين زبانيم (( آذرين))دائم گوزتله حجّت حقّين ظهورين زايل ايله حقه خاطر قلبوون كبر و غرورين ايله سون امضا رقيه جنتين برگ عبورين چون ويرر خيردا اليلن يرگويه فرمان رقيه لايلاي اي آرام جانيم لايلاي اي شيرين زبانيم

زبانحال حضرت زینب (س) به حضرت رقیّه(س) درخرابه شام گلن خاطری درده رقیّه بالام ایوای ویرن جان قوری یرده رقیّه بالام ایوای قیزیم رنج و مصیبت سنی ایلدی خسته گهی یولدا پیاده گه عریان دوه اوسته گتوردی سنی دشمن بو شامه قولی بسته ویرن جان قوری یرده رقیّه بالام ایوای بو یوللاردا دگوبدی ز بسکه سنه سیلی یوزوندن هله گئتموب قیزیم نقشة سیلی ئولونجه یاناجاقدور بو نسگللره لیلی ویرن جان قوری یرده رقیّه بالام ایوای گلوبدور سنه مهمان بابان شاه لب عطشان دور اگلش ایله صحبت او شیرین دیله قربان بیله نازیله یاتما اورکلر اولی آلقان ویرن جان قوری یرده رقیّه بالام ایوای قوناقه اولی حرمت بو مرسوم جهاندی دو بیر ایله نوازش قیزیم یاتما اماندی همین بو یارالی باش سنون بیکس آتاندی ویرن جان قوری یرده رقیّه بالام ایوای دیردون گئجه گوندوز هانی اکبریم عمّه منی یادینه سالمور او مه پیکریم عمّه خرابه قاپوسوندا قالوب گوزلریم عمّه ویرن جان قوری یرده رقیّه بالام ایوای بو نسگللرین ائتدی منیم قلبیمی پاره ولی اولمادی ممکن ائدم دردیوه چاره همین دردیله گئتدون قیزیم محضر یاره ویرن جان قوری یرده رقیّه بالام ایوای سنین تک بو جهاندا مصیبت چکن اولماز دلینده غم غربت قولوندا رسن اولماز شهنشاه حجازین قیزی بیکفن اولماز ویرن جان قوری یرده رقیّه بالام ایوای بو نسگل من زاره ئولونجه محن اولدی شهنشه قیزی ئولدی کفن پیرهن اولدی نه قبرین قازان اولدی نه دردین بیلن اولدی ویرن جان قوری یرده رقیّه بالام ایوای وطن قسمتیم اولسا سنی یادیمه ساللام بالا قیزلاری گورسم سنون عطریوی آللام چکر شامه علاقون گلوب شامیده قاللام ویرن جان قوری یرده رقیّه بالام ایوای وطن فکرینی باشدان بو یرده آتارام من گیدوب بیرده قیتسم مرامه چاتارام من بو شام ایچره رقیّه سنیله یاتارام من ویرن جان قوری یرده رقیّه بالام ایوای قیزیم (( تابع دینین )) قاپوندا گوزی واردور اودور بیله اثرلی یانیقلی سوزی واردور ایله دردینه درمان حیالی یوزی واردور ویرن جان قوری یرده رقیّه بالام ایوای ** برچسب‌ها: محمد حسن تابع دین

جواب رقیّه به حضرت زینب(س) عمه صولوبدی چمنیم گیدون سیز گیدون سیز اولدی خرابه وطنیم گیدون سیز گیدون سیز عمه بولود تک بلورم دولارسان دولارسان گوز یاشویلا اتگون یولارسان یولارسان کرب و بلاتین یولونی سولارسان سولارسان بوردا یریم خوشدی منیم گیدون سیز گیدون سیز سندن آیردی منی بو زمانه زمانه مندن اوتور گلمه بیله فغانه فغانه ساخلا قرا کوینگیمی نشانه نشانه تپراق اولوب پیرهنیم گیدون سیز گیدون سیز وار نچه یولداش منه بو مکاندا مکاندا یاده سالالّار منی گون باتاندا باتاندا یللر اسوب قبریمی توز دوتاندا دوتاندا گورماقیما وار گلنیم گیدون سیز گیدون سیز سینه ده گوشواره مه سن مکان ویر مکان ویر باغریوا باس گوز یاشیوا امان ویر امان ویر الدن اونی اکبریمه نشان ویر نشان ویر دللره دوشسون محنیم گیدون سیز گیدون سیز عمه سن الله یوزیوین توزون سیل توزون سیل توزلودی قبریم داشی دور یوزون سیل یوزون سیل آغلاما قربانون اولوم گوزون سیل گوزون سیل دای یومولوبدی دهنیم گیدون سیز گیدون سیز بیرده بو توزلی ساچیمی هورنمم هورنمم بزم احبایه صفا ویر نمم ویر نمم من داخی صغرا باجیمی گورنمم گورنمم قالدی او یول گوزلینیم گیدون سیز گیدون سیز گر چه پوزوب عمه سنی فراقیم فراقیم بیر بیره دگمز یومولان دوداقیم دوداقیم ایندیده هیچ توختامیوب ایاقیم ایاقیم خسته دی یورقون بدنیم گیدون سیز گیدون سیز ** ولی اله کلامی زنجانی

احوالات خرابه شام – رحلت حضرت رقیّه (ع) ای شهید قرآن هارداسان حسینجان زینبون اولوبدی زار و سینه سوزان یاده سال منی قارداش گوزلورم سنی قارداش گل رقیّم ئولدی جانینه ستمدن بو مکاندا دویی قلبینی برادر غصّه تیری اویدی بیزلری سراسر هجر اودوندا قویدی غصّه دن حسین فریاد کیمدن ایستیوم امداد گل رقیّم ئولدی من حزینم الآن گلمیشم نوایه وای رقیّه صوتی اوج ایدوب سمایه قبرینی قازاندا سویله دیم صبایه کربلایه گیت الآن سویله ای شه خوبان گل رقیّم ئولدی آغلارام ئولونجه بو بالان غمینده قامتیم کمانه دوندی ماتمینده بو سوزی دیردی آخرین دمینده گلمدی بابام عمّه دائم آغلارام عمّه گل رقیّم ئولدی غنچه تک بودختر نو رسیده گیتدی زینبین گوزوندن نور دیده گیتدی قبره مثل زهرا بو شهیده گیتدی دای همیشه لیق یاتدی ماسوانی آغلاتدی گل رقیّم ئولدی بو قیزون یتیشمز دردی سانه قارداش شام یوللاریندا گلدی جانه قارداش جسمینه ورولدی تازیانه قارداش تپراقا یوزون قویدی بو جهانیدن دویدی گل رقیّم ئولدی اولدی کیم منیم تک محنت آشناسی وار باشیمدا دائم بو قیزون قراسی بیر فقط ئولومدور دردیمون دواسی محنته گرفتارم نیلییوم ندور چاره گل رقیّم ئولدی بی سبب دگل که بو قیزون ویروب جان اولدی اوچ یاشیندا دینحقّه قربان آهوتک بیر عدّه لیک قالدی نالان ای دو عالمه رهبر زینبین سنی گوزلر گل رقیّم ئولدی بو عزیزه طفله اهل عالم آغلار هم امام قائم آغلار هر دم آغلار رو سیه ((کلامی)) قلبیده غم آغلار طفلیوه دخیل ولموش گوزلری حسین دولموش گل رقیّم ئولدی برچسب‌ها: ولی اله کلامی

زبانحال حضرت زینب به رقیه(ع) دور سنه قربان گیدورم رقیه رقیه گور نه پریشان گیدورم رقیه رقیه دور بالا عمه ن قولونی آچوبلار آچوبلار هم ساقینی هم صولونی آچوبلار آچوبلار کرب و بلانین یولونی آچوبلار آچوبلار اکبره مهمان گیدورم رقیه رقیه دور اوزوم آللام او گوزون قاداسین قاداسین الده قالوب غارت اولان اساسین اساسین من کیمه سوغات آپاروم لباسین لباسین دیده سی گریان گیدورم رقیه رقیه گون کی باتار روشن اولار چراغلار چراغلار کیم سنی غربتده گلوب سراغلار سراغلار قبریوین اوسته اوتوروب کیم آغلارکیم آغلار من که یانوندان گیدورم رقیه رقیه گیتون ئوزون قالدی آدون دیلمده دلیمده یوخدی فراقونده توان دلیمده دلیمده خورداجا گوشواره قالوب الیمده الیمده قلبیم اولوب قان گیدورم رقیه رقیه وایمنی گوزدن نیه بس آتوبسان آتوبسان خوندلیم گوز یاشیما قاتوبسان قاتوبسان قبریده یورقون یارالی یاتوبسان یاتوبسان من ولی نالان گیدورم رقیه رقیه وادی بطحا یولوی گوزتلور گوزتلور عترت طاها یولوی گوزتلور گوزتلور غمزده صغرا یولوی گوزتلور گوزتلور ایلورم افغان گیدورم رقیه رقیه گوزلرون آچ بیر بیره وُور دوداقون دوداقون سویله عزیزیم نجه دی ایاقون ایاقون وای بالا ئولدوردی منی فراقون فراقون مونس هجران گیدورم رقیه رقیه (کلامی زنجانی)

❖﷽❖ #احادیث_حسینی #معراج 📜کتاب مهیج الاحزان به سند معروف از امام صـادق حـدیثى بـه ایـن مضمون نقل است که «در شب معراج خداوند به پیامبرش وحى فرستاد کـه مـن تو را با سه مسئله آزمایش مى کنم تا معلوم شود صبر تو چگونه اسـت. پیـامبر عرضه داشت: من تسلیم فرمان تو هستم و توان تحمل صبر را جز با عنایت تـو ندارم. آنگاه وحى آمد که: 💠1 - باید فقراى امت را بر خود ترجیح دهى ؛ گفت تسلیم هستم و صبر مـى کنم. 💠2 - باید آزارها و تکذیب ها را تحمل کنى، پیـامبر عرضـه داشـت، تسـلیم هستم و صبر مى کنم. 💠3 - باید نسبت به مصیبت هایى که براى اهل بیتت پـیش مـى آیـد، تسـلیم باشى و صبر کنى ؛ ❣ حق برادرت على را غصب مى کنند و به او ستم نمایند و مقهور مى شود. ❣دخترت (فاطمه) را مى زنند در حالى که حامله است و بـدون اجازه وارد خانه اش مى شوند. ❣دو فرزندت (حسن و حسین) را مى کشند. اولى را از راه حیله و نیرنگ به قتل مى رسانند و جنازه اش را تیرباران مـى کننـد ❣ و دومى را امت، دعوت مى کنند، سپس او و همـه فرزنـدان وهمراهـانش را مـى کشند و اهل بیتش را به اسارت مى برند. ♻️ آنگاه پیامبر گفـت «انـا الله و انـا الیـه راجعون» امر خود را به خدا وامى گذارم و از او طلب صبر و شکیبایى مى کنم. 💔پیامبر اسلام در تمام مراحل صبر کرد، بجز درباره حسین که گریـه سـر داد. البته گریه با صبر منافات ندارد، بلکه لازمه مهربانى و رقت قلب است. هیچگاه شنیده نشد که پیامبر اسلام مصیبت خود یـا یکـى از اهـل بیـتش را یادآورى کند و گریه نماید، اما هر گاه نام حسین برده مـى شـد و یـا او را مى دید، گریه بر او غلبه مى کرد. 📚خصائص الحسینیه فصل 3 شیخ جعفر شوشتری

#اربعین #شرح_و_تفسیر_زیارت_اربعین 🌹🌿 شرح ليستنقذ عبادک من الجهالة #خادم_الحسین_علیه_السلام_تابع_منش آیدی استاد برای طرح سوالات مقتل @m_h_tabemanesh ┄┅┅┅❅❁❅┅┅┅┄ "