شهادت‌ امام‌ حسن مجتبی(ع) باآهنگ، ای کربلانین سودامرجیرانی اصغر تابوت ایچینده اوخلانان ایوای حسن وای زهریله اکبادی یانان ایوای حسن وای سسلورحسین ایوای اخا میل ایلوین زهراجفا ایوای حسن وای(۲) آل عبا گلموش بوگونده آه وزاره قاسم دیورگئتمه بابا مندن کناره جدی یانونداگئتموین غملی مزاره عرشه گئدوب آه وفغان ایوای حسن وای قانه باتوبدور آغ کفن زهریله وای مظلوم ئولن ایوای حسن وای(۲) آخروداعینده اونون جمع اولدی کافر بیرالده اوخ نيزه او بیرسی الده خنجر جدی یانوندا قویمویوبلاردفنه سرور تابوت ایچیندن آخدی قان ایوای حسن وای اوخلاری چکدی قارداشی یاندوردی آهی داغ داشی ایوای حسن وای(۲) قانه باتوبدورآغ کفن ایوای حسن وای زهرجفائیله ئولن. ای وای حسن وای مسموم اولان یاره بدن ایوای حسن وای یوخ گنبدی یوخ سایبان ایوای حسن وای غصه وئروب صبره تالان قبرین گورن ایلور فغان ایوای حسن وای(۲) یاده سالوبدورصاحبی، کرببلانی عباسی گوردی قارداشی گئتدی توانی خارج ائدوبدور اوخلاری قولسوززمانی یاندی حسین وای اوخلانان ایوای حسن وای سسلندی دورقارداش اویان پرچم یاتوبدور تک قویان ایوای حسن وای(۲) ✍حاج عباسعلی دهقان (صاحب )۱۴۰۲/۶/۲۰

شهادت حضرت امام حسن (ع) مرحوم خوندل سبک : گئت قالما علی غم سوروسونن دالا لایلای                                   لایلای بالا لایلای زهرانین ایدر قلبینی قان بو غم و حسرت اوغلی حسنه اؤز وطنین ایتدیله غربت قان قطره سی وار من دئمورم گول دوداقیندا یا نوک عصا زخمی مقدس ایاقیندا چوخ نسگلی وار قبری قالوب گون قاباقیندا زوّاری اوزاقدان ایدر اظهارِ ارادت تحریم ایلیوبلر او شهین بوس و کنارین ممکن دگی احبابی اؤپه توزلی مزارین سیلسه سیله جاق باد صبا گرد و غبارین یا یاندوراجاق پرتو مه شمع محبت بیر دوشسه دوشر وقفه ده حجّاج گذاری اولماز اونا بیر کیمسه ائده گوز یاشی جاری سپسه سو سپر قبرینه باران بهاری هر گون سحر ایلر گون او مظلومی زیارت مشکل او مزاره یته زوّار ایاقی افسوس نه وار گنبد و ایوان و نه طاقی نه بقعه نه صحن و نه ضریح و نه رواقی نه ایله گوزل قبره نشان وار نه علامت بیر شه که اونون لطفیدی رأفتدی صفاتی بیر گون کیمی تابنده دی تاریخ حیاتی آیا نه روادور بو تأسفله وفاتی قتلینده ایدوب اؤز حرمی اؤزگیه سبقت تنگ اولدی مدینه او قدر ایتیله تهدید قالموب وطنینده داخی بیر مؤمن و امّید آخر اوزینه آلدی او شه حالت تبعید شهریندن ائدوب موصله ناچارعزیمت چوخ زهر ویروبله پوزولوب صورت حالی عمرینده مکرر او گونون اولدی زوالی آخر او شهی ایلدی مسموم اؤز عیالی یارب یوخوموش جعده ده انصاف و مروت چوخ ظلملر اولدی او شهنشاه حجازه بیگانه گلوب زادۀ زهرایه نمازه تابوتیده اوخلاندی جفائیله جنازه عالم گوره بُلمز ایله دهشتلی جنایت هر چند بو مظلوم اولوب ظلمیله مسموم ترک ایلدی بو عالمی چوخ غصّه لی مغموم اما هانی بیر کیمسه حسین تک اولا مظلوم مظلوم غلط دوشدی دئ دریای شهامت صدّیقۀ صغرا شرف عترت طاها زهرا قیزی گنجینۀ غم زینب کبرا گوردی حرمی قصد ایلیوب لشکر اعدا خرگاهه جلو ریز گلور اهل شرارت «خوندل» دئمه غفلتدن او ظلم اهلی دایاندی بیر ظلمیله صحرای بلا قانه بویاندی زهرانین اوغول وای سسی افلاکه دایاندی نشر اولدی هامی عالمه معنای شهادت

بسمه تعالی احوالات امام حسن آهنگ بدون گوشواره مرثیه خونده میشه..وباگوشواره سینه زنی ... وسبک های دیگه هم میشه خوند.. ........،،،،،،،،........ گل حسن تشندی سوایچدی حسین جگرین زهر جفا ببچدی. حسین جان اخا جان یا رالی ..سنه قربان یارالی یارالی جان یارالی.۲ ........ سو ایچندن سورا قان لخته لنوب صورتی نیلی اولوبدور گوگروب زهرکین قلبینه گل ایتدی اثر جگرین پاره لدی قانه دونوب جان اخا جان یارالی..سنه قربان یارالی یارالی جان یارالی ۲ .......... چاغروب گل باجی زینب جگریم یاندی باجی اود دوتوبدور جگریم یاندی الولاندی باجی چاغور عباسیله قارداشیم حسین تز گلسون قارداشون بیر نیچه ساعت سنه مهماندی باجی جان اخا جان یارالی...سنه قربان یارالی. یارالی جان یارالی ۲ ........ قارداشون اولمگی قارداشینی مین درده سالار دزلرین سست ایلیر تاقتینی الدن آلار چوخ چتیندیر هامی دردن بیلوسن درد فراق قارداشون قارداشی اولسه بوکولر تز قوجالار جان اخا جان یارالی..سنه قربان یارالی. یارالی جان یارالی ۲ .....‌‌. گل گیلن سن باجی گوز یاشوی دوندرمه سیله سسله سن فیضنی گلسون دینن ایتسون عجله جان ویرن وقتیده قارداش گوزی قارداشی گزر خوش اولار قارداش اولن وقتیده قارداشی گله جان اخا جان یارالی..سنه قربان یارالی. یارالی جان یارالی،۲ ........ قارداشیم گلمسه صبر ایت ببرآز ال ساخلاگیلن او یانان قلبوه قربان اورگون داغلا گیلن جسمیمی قبلیه دوندر گله قارداشیم حسین یوبانوب گلمسه زینب گوزومی باغلاگیلن جان اخا جان یارالی..سنه قربان یارالی. یارالی جان یارالی،۲ ............. شعر از یعقوب رشتبر آلیله این شعر ادامه دارد التماس دعا

امام حسن مجتبی (ع ) شاعر: احمد پوریا داده گل زینبیم  -  مهربان خواهریم طشتی حاظر ایله  -  دوغراندی جگریم تیر کین جُعده قلبیمه اَکدی ایویمده نقشه ی قتلی چکدی داده گل زینب مهربان خواهر ( 3 ) منی یوردی باجی  -  داخی اهل زمان گل یتیشدی اجل  -  اولما سن ناگران آغلاما زینب یوخ منده حالت یوزومه باخما سارالوب صورت داده گل زینب مهربان خواهر ( 3 ) ویر خبر حسینه  -  آغلاما توکمه یاش دنن یاندی حسن   - گل داده آی قارداش ای نور عینیم اولورم تیز گل زهرا یانینه گیدورم تیز گل داده گل زینب مهربان خواهر ( 3 ) باجی جان ، قاسمه  -  سن یارو یاور اول بالامون نازین چک  - سن اونا مادر اول بالالاریما ویر خبر گلسون قاسمیم منیم حالیمی بیلسون داده گل زینب مهربان خواهر ( 3 ) بو یامان گونومدی  -  پوزولوب احساسیم ویر خبر  یانیمه   -    تاگَله عباسیم سرو قامت قارداشیم هارداسان ای حیالی یولداشیم هارداسان داده گل زینب مهربان خواهر ( 3 ) زینبیم ای باجی  -  صبر ایله بلایه آغلاماقون ساخلا  دشت کربلایه جان ویرر حسین آغلیان اولماز یاره سینی هیچ باغلیان اولماز داده گل زینب مهربان خواهر ( 3 ) سبک  ⬇️⬇️⬇️ #حضرت_امام_حسن        

زبانحال حضرت امام حسن مجتبی علیه السلام سبک :: عموغلی چوخ گول سارالار سبک اردبیل :: خدا حافظ ای آنام باجی ✍️حاج رضا محمدی ( ولایی ) منیم اولان غم گونونده ای یار ویاوریم زینب 2 هراییمه تز یتیش باجی یاندی لبلریم زینب 2 یارویاوریم زینب یاندی لبلریم زینب __ باشون ساغ اولسون باجیم سنون باشلانیر منیم یاسیم 2 چاغیر گله قارداشیم حسین چون یتیم اولور . قاسم 2 بوغملره دوُز یانونداچون وار حسین وعباسیم 2 قاباخدا واردور چتین گونون غملی خواهریم زینب 2 یارویاوریم زینب یاندی لبلریم زینب _ نه باش گئدوب نه قولوم دوشوب نه بدنده وار یاره 2 نه سودامر اوغلوم اوخلانوب باغلانا منه چاره2 نه آتلار ین دیرناقی ائدر جسمیمی منیم پاره 2 اگرچی لب تشنه ام ولی ساغدی پیکریم زینب 2 یارویاوریم زینب یاندی لبلریم زینب __ گهی بو گون یادیمه دوشور ظلم روز عاشورا 2 گهی دوشور یادیمه اوگون کوچه ده دوران اعدا 2 اسنده هی لبلریم دوشور یادیمه آنام زهرا 2 دگوب بئله سیلی کوچه ده دوشدی مادریم زینب نبود 2 یارویاوریم زینب یاندی لبلریم زینب

در فراق حضرت مهدی (عج) اهنگ :ای قلم سوزلرینده اثر یوخ  🌺🌹🌺🌹🌺 الله الله اورک لخته قاندی  هاردا قالدی. مسافر ؟ یوباندی  مهدینی گورماقا. بی قرارم  صبریمین کاسه سی دای جالاندی  منتظر گوزلریم یولدا قالدی  یوسف فاطمه هاردا قالدی  🌺🌹🌺🌹🌺 ای امیدیم آقا هاردا قالدون  آیریلیقدان منی درده سالدون  هی قنوتیمده آدین چاقیردیم من صبادن گوزل عطرین الدوم  منتظر گوزلریم یولدا قالدی  یوسف فاطمه هادا قالدی  🌺🌹🌺🌹🌺 گوزلریمین گوزل نوری سن سن  خلقتین تکجه منظوری سن سن   آدیوی. سسلروخ جمعه لر بیز شیعه نین باشدا کی شوری سن سن  منتظر گوزلریم یولدا قالدی  یوسف فاطمه هاردا قالدی  🌺🌹🌺🌹🌺 دردلره گل اوزون ایله چاره  قلبیلر غصه دن اولدو یاره پرده نی ردّ ایله سن اوزوندن قوی دویونجا باخاخ گل عذاره ‌ منتظر گوزلریم یولدا قالدی  یوسف فاطمه هاردا. قالدی  🌺🌹🌺🌹🌺 آیریلیقدان اورک قاندی تز گل  قلبیلر غمدن اوتلاندی تز گل  گلمدون شمع هجرونده هر دم عملی پروانه لر یاندی تز گل  منتظر گوزلریم یولدا قالدی  یوسف فاطمه هاردا قالدی  🌺🌹🌺🌹🌺 هاردا. قالدون آقا داده تز گل  ای امیدیم گل امداده تز گل  غصه و غملره دای دوزوم یوخ   سسلیر    شیعه   فریاده تز گل    منتظر گوزلریم یولدا قالدی  یوسف فاطمه هاردا قالدی  🌺🌹🌺🌹🌺 التماس دعا  برای سلامتی آقا صلوات

‍ روضه رحلت رسول اکرم(ص) گریز به قتلگاه (پیغمبرین قاپسی دویولدی خانم زهرا گلدی قاپی دالینا کیمسن؟ بیر عربم اوزاخ یولدان گلمیشم پیغمبرین زیارتینه خانم بیوردی گیت صورا گلرسن بابام دانشمیر دا منیده دانشدیرمیر بیر آز زمان صورا قاپی دویولدی من فی الباب همان عربم گلمیشم پیغمبرین زیارتینه خانم آغلادی بیوردی مگر دیمدیم بابام دانشمیر گیت صورا گلرسن بار سوم قاپنی دوینده پیغمبر گوزلرین آچدی قیزیم قوی گلسین ایوه بالا. بابا جان مگر کیمدی؟ آقا بیوردی هر قاپنی دویمز هر قاپیدان اجازه آلماز بو سنین قاپوین حرمتیدی. باباجان کیمدی؟ اورگیم اسدی نه غملی صداسی وار پیغمبر آغلادی دیدی قیزیم دده نی بالادان آیراندی بو قابض الارواحیدی . وارد بیت رسول الله اولدی الی اورک باشندا پیغمبره سلام عرض اله دی امام زمان آقا پیغمبر گوزلرین آچدی بیوردی قیزیم چاغور بالالاریم گلسین ) حسن صاقندا حسین صولدا باشی اوسته علی ایاق طرفده بتولین اوجالدی افغانی حسین اَلین گَتیروب قویدی سینه سی اوست ه گَتوردی درده همان حال شاه مردانی دیدی گوتور الیوی سینه سین آغیرلاتما اوغول حسین گوروسن جدّیوین چخور جانی ویرنده جان بو حسین یاعلی اولیدون کاش گورِیدون اورداکی اوضاعی قانلی میدانی آغوردی شمرون ایاقی و یا حسینون اَلی نه نوع شرح ایلیوم بو ملال عظمانی عزیز فاطمه نون شمر چخدی سینه سینه یارالی سینه سینون باخمادی آخار قانی امام گوزلرین آچدی بویوردی ای ظالم چخوب بو سینیه تیترَتمه عرش رحمانی یارالیم اُلورم بی مروّت اینجیتمه سوسوز بو چولده گَل اُلدورمه بو لب عطشانی شمر ظالم الکی خنجرین آلدی الینه حوریلر جنت آرا زفلرین آلدی الینه فاطمه یومدی گوزون معجرین آلدی الینه (قبل از آنیکه او ظالم یارالی باشین بدنینن آیرا زینبین الین کسدی) آفرین سسلدی ابلیس او دنی کینه سینه عشقیده ویردی بها عاشق دیرینه سینه باجینون قانی آخور قارداشینون سینه سینه قان دیور بو توکولور کرببلانین یرینه فاطمه ویردیگی صودی قاریشیر بیر بیرینه التماس دعا

ايضا امدن امام حسين عليه السلام به سر نعش سردار دلير اسلام نوحه اي مني دنياده پريشان قويان گوزلرون اچ ياتما ابوالفضل اويان اي قولي تندن قلم صاحب مشك و علم ****** ياتما منيم ياره لي سر لشگريم گوزدن اخور عارضه اشگ تريم گوهر درياي وفا پروريم اي قولي تندن قلم صاحب مشك و علم كيمدي منه سن كيمي غمخوار اولا لشگريمه سن تك علمدار اولا حامي دين حقه طرفدار اولا اي قولي تندن قلم صاحب مشك و علم گورنه الوب دوره مي قوم عنيد قويما مني قورخولي چولده وحيد سن تك ايدللر مني قارداش شهيد اي قولي تندن قلم صاحب مشك و علم گلشن عمري ستميله سولان مير حرم مشگينه قاني دولان ياتما بو قان ايچره ابوالفضل اويان اي قولي تندن قلم صاحب مشك و علم تشنه بناتيم ايدور اه و فغان تشنه لرون حالنه يوخدور يانان ياره لرون ورموري هيچ بير جه سان اي قولي تندن قلم صاحب مشك و علم قانه باتان مشگه باخوب اغلارام قلبيمي بو غصه ده من داغلارام اولسا علاجيم ياراوي باغلارام اي قولي تندن قلم صاحب مشك و علم اچ گوزيوي اي قولي تندن قلم قويما يخلسون يره قارداش علم اغلاشوري خيمه ده عطشان حرم اي قولي تندن قلم صاحب مشك و علم گوزلرون اچ تا گله منظور اله اهل جفا گور نه سالوب ولوله شاد و خراماندور ايدور هلهله اي قولي تندن قلم صاحب مشك و علم دور اپاروم خيميه قارداشسني يوخ كمگيم ايتمه پريشان مني زينب ئوزون اولدوري گورجك سني اي قولي تندن قلم صاحب مشك و علم گور نجه وحشت بورويوب چوللري نيلسون ايندي حرم اهولري يولدا قالوبدور بيلورم گوزلري اي قولي تندن قلم صاحب مشك و علم برگزيده از كتاب شفق نينوا

زبانحال امام حسين (ع) در بالين خونين اقا قمر منير بني هاشم عليه السلام نهر اوسته باتان قانه - ياندي جگريم قارداش (۲) رخساره اخور گوزدن - اشگ بصريم قارداش(۲) دور ياتما اي منه سردار ابوالفضل يوخ منه سنكيمي غمخوار ابوالفضل ****** گلديم باشيوون اوسته - تا گلدي سسون قارداش درك ايلديم احوالون - گوز ياشيم اولوب قانياش اچ گوزلريوي قارداش - سرون منه سن قيل فاش دور ياتما اي منه سردار ابوالفضل يوخ منه سنكيمي غمخوار ابوالفضل دور اتما مني گوزدن - اي قولسوز علمداريم قويما علمون ياتسون - لب تشنه سپهداريم سن تك كيم اولار قارداش - بو دهريده غمخواريم دور ياتما اي منه سردار ابوالفضل يوخ منه سنكيمي غمخوار ابوالفضل دور تشنه لب اطفاليم - گوزلور يولوي قارداش بولموللر عدو سالميش - ساق و صولوي قارداش محو اولسون او كسلر كي - كسدي يولوي قارداش دور ياتما اي منه سردار ابوالفضل يوخ منه سنكيمي غمخوار ابوالفضل اي مير قارداش - سردار سپاهيم سن قولسوز يارالي يا تما - سن ياور و ياريم سن دور قويما مني يالقيز - چون پشت و پنا هيم سن دور ياتما اي منه سردار ابوالفضل يوخ منه سنكيمي غمخوار ابوالفضل سن سيز يارالي قارداش - بيللم ايشيم افغاندي قلبيم سنون هجرونده - اود دوتدي الو لاندي عطشان حرميم ايندي - اخياميده گرياندي دور ياتما اي منه سردار ابوالفضل يوخ منه سنكيمي غمخوار ابوالفضل قالميش بوتون اواره - پروانه لرون قارداش يانماز اوره گي بيلم - بيگانه لرون قارداش پوزقون دولانور عطشان - دردانه لرون قارداش دور ياتما اي منه سردار ابوالفضل يوخ منه سنكيمي غمخوار ابوالفضل خوش حاليوه عباسيم - عالي هدفه چاتدون اماله اولوب نايل - اما مني اغلاتدون قوللار اوزولوب تندن - القانه باتوب ياتدون دور ياتما اي منه سردار ابوالفضل يوخ منه سنكيمي غمخوار ابوالفضل با توجه به سبك اين نوحه قسمتهاي دوم اين شعر يا مصراعها بايد تكرار شوند همگي. برگزيده از كتاب شفق نينوا

زبانحال حضرت امّ البنین (سلام الله) ساخلار سنه همیشه عزا ئولمین ننون ایلر ئولونجه آه و نوا ئولمین ننون قلبیم الولانیر یئریوی بوش گؤرن زمان آغلار سنه همیشه بالا ئولمین ننون قربان اولوم یاتان یئریوه خسته جانیوه اولسون او سرو قدّه فدا ئولمین ننون آیا روادی سن یاتاسان قبریده اوغول سندن صورا جهاندا قالا ئولمین ننون بیر درده سالموسان منی بو روزگاریده تاپمور داخی بو درده دوا ئولمین ننون سندن صورا زمانه گؤزوندن سالیب منی خوشدور گیه همیشه قرا ئولمین ننون هامّی دیور که نیزیه باشون ویریلمادی قویماز ئولونجه باشه حنا ئولمین ننون زهرا یانندا باشیمی الحق اوجاتموسان ایلر سنی همیشه دعا ئولمین ننون آتدان دوشنده سن یوزون اوسته یخیلمیسان بیلدی بو سرّی کان حیا ئولمین ننون عالم پناه اولان قاپومی باغلادی فلک ای کاش ئوله اورکده یارا،ئولمین ننون آلّام همیشه اوغلیوی آغوشه آغلارام اوندان گرکدی عطرون آلا ئولمین ننون سندن صورا چمنده اوجا سروه باخمارام گورمور چمنده ذوق و صفا ئولمین ننون بیر اوخ دگوبدی آلنوا گویا جدالیده واردور یئری که باشین آچا ئولمین ننون ای کاش او، اؤخ دییدی منیم قلبیمه اوغول حقّه چاتیدی فوری بالا ئولمین ننون صادق تبریزی

اوخشاما گوزل سروین بوداقیوه نه گلدی طفاقیوه جلالیوه نه گلدی آغزین سنین کربلاده یاریدی سنه قربان دوداقیوه نه گلدی جواب الیکی گون باتدی آی دالدالاندی یارالی باشیم الرده دولاندی قوناق اولدوم یزیده طشت زرده آغاج ویردی دوداقیم پارچالاندی