شعر مولودی ترکی در وصف حضرت امام زمان (عج) ای شوق وصالینده اورگلـر تلـسن گل ای حسرتینه امتی گوز یاشی توکن گل چوخداندی کی گوز یولّاریوا تیکمیشوق اما عالم بیزه سنسیز دای اولوب بیت الحزن گل چوخداندی اورگلـر تلسـور بـغـض گـلـوده چیخ کــعبدن ای امـتیـنه نـاز الـیین گل چوخداندی خـریـداریـلرون منـتـظرونـدی ای الّرینـی یـوسـف کنعـانـی اوپـن گل چوخداندی پـریشان اولونوب زلف غمونده ای مهریله بو زلفـولره شـانـه چکـن گل چوخداندی سونوب شمع عدالت یئر اوزونده ای ظلم و جفانی یئر اوزوندن ایتیرن گل چوخداندی علینون قاپوسی باغلی قالـوبـدی ای ریشه ی بیداد و ستمکاری کسـن گل چوخداندی آنان فاطمنـون قبری تـانینـمـور ای فاطـمـنون غملی مزارین تانیین گل چوخداندی کی الماسی یازیر مـدح وثنـاوی ای طبعینی زیبا قلمـیـن تیز الیـین گل شاعر : الماسی اهری

شعر ترکی حضرت امام زمان (عج) قراریم یوخ تلاطمده اورک هر آن اولوب سنسیز ایشیم هر صبح و شام افغان الیمدن دوت الینده وار گوزوم ای جان سلام آقا سلام ای یوسف زهرا سلام آقا سلام ای سر مافیها دوتار گویلوم سراغون باد مشرقدن گیچور عمروم آمان غملی دقایقدن تفضل قیل گوتور پرده حقایقدن سلام آقا سلام ای یوسف زهرا سلام آقا سلام ای شاخه طوبی اورکده درد هجراندان حکایت وار سینوب گویلوم فراقوندان شکایت وار امیدیم وار وصال یاره غایت وار سلام آقا سلام ای یوسف زهرا سلام آقا سلام ای دیللره یارا گدای ساحت آل اللهم ای شاه ندور چاره سیزه دیل اولدی خاطر خواه فراقوندان اوجالمیش ناله جانکاه سلام آقا سلام ای یوسف زهرا سلام آقا سلام ای ظل استغنا گدای کویون اولماقیم کفایتدی خدیو عالم اولماقه نه حاجتدی اورکده شعله ور عشق ولایتدی سلام آقا سلام ای یوسف زهرا سلام آقا سلام ای نص (ارسلنا) گلر بیر گون گیدر اسراریدن پرده وراللار بیرق مهدینی هر یرده اولار سهله مصلاسی سراپرده سلام آقا سلام ای یوسف زهرا سلام آقا سلام ای میر سامرا شاعر : حاج علی زلفی تبریزی

اشعار ترکی حضرت امام زمان (عج) مهدی ای حجت الهی شیعه نون ملجاء و پناهی جان فدا حُسنووه کی سن سن عالمین شهریار و شاهی قیل نظر دردیمه دوا ایله اوزون قلبیمی غصه دن رها ایله اوزون ابا صالح ابا صالح ای شهنشاه بی قرینه دلبر و یوسف مدینه جلوه ده یوخ سنون نظیرون حیدره ای سُرور سینه دل دوشوب اشتیاقه زهرا بالاسی یانیرام بو فراقه زهرا بالاسی ابا صالح ابا صالح ای منیم مهربان نگاریم وی من شاه تاجداریم آند اولا شاه کربلایه سن سن عالمده افتخاریم افتخار ایلورم سیزون نوکروزم خوش منیم حالیمه گدای دروزم ابا صالح ابا صالح شاعر : استاد دلجو

شعر ترکی حضرت امام زمان (عج) ای جهانین خلقینه رمزبقا یابن الحـسن جانوه عالملرین جانی فدا یابن الحـسن ای تاپان نورجمالیندان جهان ضوء و ضـیا وی وجودپاکینه وابسته نفس ما ســو ا اولماسا فیض عنایاتون اولار عالم فنــا ماسواللّهی دوتار یکسر بلا یابن الحـــسن سن جمال اللهَ آیت سن ، جهانِ حسنــــــده سن اوگونسن یوخ نظیرون آسمان حسنده حُسنه حُسن آرتیرمیسان سن خاندان حسنده حُسنلرسندن تاپیبلار اعتلا یابن الحــسن سن اومولاسن وئریب نورون جهانه اعتـــــبار سن اومولاسن وجودونلا تاپیب عالم قـرار خوان یُمنوندن جهان اهلی اولوبلار ریزه خوار ای سنه کون ومکان،خوانِ عطایابن الحسن سن مراد و مقتداسن انس وجانِ خلقته سن گُلِ زینت فزا سن گلستان خلقته سن ولیِّ امرِ مطلق سن جهان خلقتـه یوخ ولیّ امرِدین سندن سوا یابن الحـسن سیّدی خلق جهانین همّـتی باطل ده دی جمله غملر خاطر ناشاد اهل دیلـــده دی ای پناه سیزلار پناهی شیعه لر مشکلده دی ای هامی مشکل لره مشکل گشایاابن الحسن ای گلستان امامتده گل خوشرنگ و بـو وی جهان خلقته لطف وجودون آبــرو ائیلیری اهل ولا فیض حضورون آرزو ای امید و ملجاء اهل ولا یابن الحـسن سیّدی گر اولموری قسمت منه فیض حضور وای منه جای گلایه یوخدی مندندی قصـور سن ئوزون ای مظهر لطف خداوند غفــــور قیل نظر ائله منی مندن رها یابن الحـــسن ای دیار حُسنده فــــرمانروای ِکامــــــران تک نه من ، مشتاقِ دیداروندی عشّاقِ جهان سن امیر ملک عزّت ، من گدای آستـــــان شه یوزون گورسه نولار،مسکین،گدا،یابن الحسن سیّدی سن مظهر و معنای سرّ الله ســـــن قلب عالم سن هامی اســراردن آگاهسن شاه راه عزّته روشن دلیل راه سـن دوز یولی آزدی ، اولان سندن جدا،یابن الحسن سیّدی من گرچه سرّ عشقدن نا آگهم دل خوشام امّا که عمرومجه گدای درگـهم مقدم شهده الیم یئتسه اگر خاک رهـم بیر نولور بیر لحظه دیدارون اولا قسمت مـــنه هرایکی دنیا اولا سرمایه عزّت منه سن دعا ائت حق عنایت ائیله سین رجعت منه اوندا اولسون قسمتیم فیض لقا یابن الحسنمنبع : گروه مجمع شعرا و مادحینموضوع: حضرت امام زمان (عج) , زبان شعر و شاعر: نوحه ترکی [آرشیو نظرات] حضرت امام زمان (عج) 4485 :تاریخ: ۱۳۹۷/۰۲/۱۵

سرود ولایت و امامت حضرت امام زمان (عج) سبک : شد خزان گلشن آشنایی یابن الزهرا گل داده اماندی شیعه لر هجرونده باغری قاندی شیعه لرون مولا_گل یوزووه قربان گوزیاشی قان اولدی_ای شه انس وجان هارداسان ای زهرایه نشانه آغلاروق هجرونده یانا یانه یابن الزهرا هارداسان گل ای صاحب زمانه چک قلم بو طولانی هجرانه گل یتیش امداده_شیعه لرون تکدی حسرت الی قالدی_سینه ده یامهدی ای باشینا قاره باغلیان گل جدینه دایم قان اغلیان گل یابن الزهرا بوغم شیعه نی درده سالوبدی زینبون قبری باغلی قالوبدی گوزلریمیز قالدی_قبرینه گل حسرت گل ئوزون امداد ایت_قورتارا بو محنت قالدی رقیه مزای باغلی سینه عشاقی قالدی داغلی یابن الزهرا ای شمس ولایت گل نورون سال فاطمه قبری اوسته لایلای چال فاطمه نون مولا_قبری قالوب گیزلین قبرینی نشان ویر_شیعه توزون سیلسین فاطمه قانی قالوبدی یرده شیعه نی بو غصه گتدی درده یابن الزهرا گوزلر یولوندادی سن گله سن ریشه ظلمی یردن کسه سن صاحب شمشیر_شیرخدا سن سن حامی سلطان_کرب وبلا سن سن اصغرین حلقی سه شعبه بیراوخ یازماقا بو ظلمی طاقتیم یوخ یابن الزهرا تا دگدی اوخ بوغازینا گولدی آتا قوجاقیندا بالا ئولدی یات دیدی جان بالا_عجب سو ایچدون سن خیمیه نه نوعی_سنی اپاروم من قالوبدی آواره شاه خوبان حسینه ال چالدی قوم عدوان یابن الزهرا شاعر : متقی تبریزی

شعر ترکی برای مولودی امامت و ولادت حضرت امام زمان (عج) ای گل یوزی گولدن گوزل لعل لبون شیرین عسل سنسن گوزلردن گوزل یابن الحسن یابن الحسن ای شاهکار لم یزل ای مطلع صبح ازل بس هارداسان امداده گل یابن الحسن یابن الحسن ای حجت ثانی عشر قالدی یولوندا دیده لر اولدی اورکلر خون جگر یابن الحسن یابن الحسن ای افتخار شیعیان عاشقلر اولدی باغریقان پس هارداسان شاه شهان یابن الحسن یابن الحسن دنیا پریشاندور آقا دللر دولی قاندور آقا گل شیعه گریاندور آقا یابن الحسن یابن الحسن هجرونده یاندوخ گلمه دون سولدوخ سارالدوخ گلمه دون دای بیز قوجاادوخ گلمه دون یابن الحسن یابن الحسن ای شیر یزدان اوغلی گل عطشان حسینون اوغلی گل اون بیر امامون اوغلی گل یابن الحسن یابن الحسنشاعر : مهدی محمدیمنبع

متن شعر ترکی میلاد حضرت امام زمان(عج) -(مژده مژده گلدی مهدی جهانه ) ۱ ۷۱۴۶ ۸ مژده مژده گلدی مهدی جهانه سامرانی بدل ائتدی جنانه آفاق اولدی قدمیندن گلستان حورا اولموش شعفیلن نواخوان . ماه دل آرا گلوب زینت دنیا گلوب منتقم فاطمه مهدی زهرا گلوب . . . سلطان عشق گوز آچوبدور جهانه حورا باشلور نغمه عاشقانه الله ویرمیش بونی پای شیعیانه وصفی گلمز داخی شرح و بیانه . بارقه ایزدی ایتدی تجلا بوگون منزل نرجس اولوب جنت الاعلا بوگون . . . میلادیندن. عرشیان گلدی وجده تا گوز آچدی ائلیوپ حقه سجده ماه شعبان بزه نوب چوخ گولویلن تکمیل اولدی بو مه کاملیلن . بند دل عسکری. زیور مجلس گلوب یوسف اولوب مشتری نوگل نرجس گلوب . . دوشنبه ۱۵ اردیبهشت ۱۳۹۹ ساعت ۱۲:۱۷ نوشته شده توسط ابوالفضل عابدی پورشاعر: شایان ارومیه

64176_1399215121836_641468.mp3

مهدی(عج) -(گُوزل جَمالین عَجب دلربادی یامَهدی) ۲۳ گُوزل جَمالین عَجب دلربادی یامَهدی قُدوم پاکیوه جانلار فدادی یامَهدی او ماه طلعتوون انتظاریدی گُوزلر ظهوره منتظر اَرض و سَمادی یامَهدی وجودویله اولوب قائم عالمِ امکان سنیله جمله فنالر بَقادی یامَهدی نه تک دلیم یانوری آتشِ فراقوندا بو نارِ هجره یانان ماسوادی یامَهدی اوزون گَل آبِ وِصالی له بو اوُدی سون دور مریضِ عشقه وِصالون شَفادی یامَهدی رِموزِ عشقی بولنمز او که دَگل عاشق بو عشقی درک اِیدن اهلِ ولادی یامَهدی دولوب غمیله اوُرک لر دوتوب جهانی بلا ایشی مُحبّ لرون آه و وادی یامَهدی قالوبدی شیعه لرون یولدا گوزلری تیز گل سن اوُلماسان بو جهان غم فزادی یامَهدی سنون وجودویله گُل آچار اوُلار گُلشن هایاندا اوُلسان او یِر با صفادی یامَهدی دوتوبدی گُلشنی آفت خزان اولور گُللّر آلان طراوتی خارِ جفادی یامَهدی یانور تمامِ مَلل جور و ظلم اوُدوندا مُدام غم و بلایه هامی مُبتلادی یامَهدی گَل انفلاب ایله ای انقلابی نون بالاسی او اِنقلابی وَه عالم رضادی یامَهدی گَل انقلاب ایله آل بی گناهی لر قانین اوقانلاری که خدا خون بَهادی یامَهدی گَل انقلاب ایله سال شرق و غربی قدرت دَن اوُلار مُسلط اولا ناروادی یامَهدی گَل انقلاب ایله آل ذُوالفقارِ حقی اَله نفاق و کفره قلنجون به جادی یامَهدی گَل انقلاب ایله قور دادگاهِ عَدلی اوُزون سنه سریرِ عَدالت سزادی یامَهدی اوزون کمک لیق ایله انقلابِ ایرانه گجه گونوز ایشی میز بو دعادی یامَهدی اماندی قویما اولا پایمال اوُ قانلار شَهید لر قانی چوخ پُر بهادی یامَهدی قالوب اَجانب اَلین دَه هامی مُسلمان لار جفا و ظلم لری بر مَلادی یامَهدی اَل آچمشام سیزه #غمخوار روسیاهم من گُوزوم اَلیزدَه اُمیدیم عَطادی یامَهدی

حضرت امام زمان(عج) -(ای ولایت اهلینون مولاسی یا صاحب زمان) ۴ ۷۷۱ -۱ ای ولایت اهلینون مولاسی یا صـاحب زمان نخل توحیدین گل رعناسی یا صاحب زمان گَل، زمان طوفاندی ای عصروزمانین صاحبی سندن ئوزگه یوخ بو گون اسلامیانین صاحبی گل، جهانی روشن ائیله ،ای جهانین صاحبی تاقورولسون معـدلت شوراسی یاصاحب زمان گل، ییغیشدیر دهردن کفر و ظلالت پرچمین ویر هامی عالملره حقّ وعدالت پرچــــمین نصب ائله هریاندا اسلامین اصــالت پرچمین دولدورادنیانی حقّ آواسی یاصـــاحب زما ای ولیّ الله اعظم حجّت کبـــــــرای حق وی قویان باشه شرفدن تاج کرّمـــنای حق ای امام کـــــون وامکان آیت عظمای حق کایناتین باعث ابقاسی یاصـــــاحب زمان یئریوزونده ای جلال کبریا نین وارثـــــی انبیانین جانشینی ، اولیانـــــــین وارثی هارداسان گل ای شهید کربلانین وارثــی قوی گؤرونسون کربلا غوغاسی یاصاحب زمان سن بوگون ارض وسمانین باعث ابقاسی سن واقعی صلح جهانین ضامن اجــراسی سن دردمندان زمانین ملجاء و مأواسی ســـن ای هامی مظلوملارین ملجاسی یاصاحب زمان روزگاری غم دوتوب ای روزگارین صاحـبی کسمه فیض لطفون ای خردوکباریم صاحبی ذوالفقارون آل اَله ای ذوالفقارین صاحــبی صلحه بسدی تیغیوین ایماسی یا صاحب زمان ای جهانین صاحبی تئزگل جهان آلماقلیقا ادّعا صاحب لرینــدن امتحان آلما قلـیقا جدّوون قانین توکنلردن ده قان آلما قلیقا جوشه گلسین بیرده قان دریاسی یاصاحب زمان کربلاده کوفیان ظلمونده طغیان ائتدیلر آل طاهانین مبارک خاطرین قان ائتدیلر ظلمیله انصاردینی قانه غلطان ائتدیلـر هرشهیدین دوغرانوب اعضاسی یا صاحب زمان غصه دن اهل ولانین خاطری قان اولدی گل ظلمیله ای مصلح عالم بو عالم دولــدی گل صرصرِ ظلمیله دینین گلستانی سولدی گل سلب اولوب اسلامیان یاراسی یا صاحب زمان سیّدی سنسن بوگون اسلام و دینین عزّتی مفخــرعرفان و قرآن مبینین عـــزّتی گل بنای کفــری ییخ ای مؤمنینین عزّتی بوگونون بولسونله وار فرداسی یا صاحب زمان خائن اللــرتفرقه سالماقـدا طغیان ائیلییب دین آدیــــلا قصـد جان اهل ایمان ائلییب قارداشی قارداشه دشمن قوم عدوان ائیلییب گل گئدیب قارداشلیقین معناسی یا صاحب زمان سالدیلار بیگانه لر قارداشی،قارداش جــانینه دشمن ایمندی،دوشن،یولداشدی یولداش جانینه گل بو قدری قویما اسلامین دگه داش جانینه تار اولا اسلامیان دنیـــــاسی یاصاحب زمان سیدی اسلامی امتـلرده وحدت قالمـــــیوب درک­ائداخ ضربت بیزه هارداندی فرصت قالمیوب خلقلرده عدل و انصاف و مرّوت قــــالمیوب یوخدی دنیانین مگرعقباسی یا صاحب زمان؟ سالمیری یاده چوخ انسانلار عذاب آیاتینی چوخلاری یاددان چیخاردیبلار حساب آیاتی ایلیوب انکار چوخ چـوخلار حجاب آیاتینی یوخدی غیظ حقّدن پرواسی یاصاحب زمان باغلانیب احبابه امیّد و رجانین یوللاری سیّدی وارسنده هـردرده دوانین یوللاری بیرنظرقیل امن اولا کرب و بلانین یوللاری اویولون اُلموش حزین شیداسی یاصاحب زمان دوشنبه ۱۲ مهر ۱۴۰۰ ساعت ۱۶:۲ نوشته شده توسط یوسف اکبریشاعر: مرحوم حاج حیدر خسروشاهی

79176_1400712160405_288649.mp3

سرود ولادت امام زمان(عج) -(ای عمرومون دادی دوزی) ۱ ۳۸۳ ای عمرومون دادی دوزی لایلای بالام لایلای ای عرش عشقون اولدوزی لایلای بالام لایلای گل نازیم هم آوازیم لای لای بالا لای لای بالا لای لای بالا۲ سنسن بهارعمرومون زیبا گلی مهدی زهراآنامدن قلبینه ای سویگولی مهدی باغ ولانین آخرین آی بلبلی مهدی شه خوبان سنه قربان لایلای بالالایلای بالا لایلای بالا۲ نیانی غمدن قورتاران خوش گلموسن مهدی ظالملری آغلار قویان خوش گلموسن مهدی زهرانون ای قانین آلان خوش گلموسن مهدی دادیم دوروم دان اولدوزوم لای لای بالا لایلای بالالایلای بالا۲ دوشنبه ۱۱ اسفند ۱۳۹۹ ساعت ۲۲:۵۲ نوشته شده توسط یوسف اکبریشاعر: محمدرضا محمدی (ناعم)