عصر وقتیدی حسین کعبۀ آماله دوشوب باش یارا سینه یارا عشقیله گوداله دوشوب ارمغان بزم نگاره یورولان جان آپاروب جلوۀ یاری گوروب هوشه گئدوب قان آپاروب 🌹🌹🌺🌹🌹🌺🌺🌹🇦🇿 نه یارا فکرینی ایلور نه طبیب و نه دام خضری مبهوت ائلیوبدور نه سو ایستور نه غذا ماسواللهی آتوب فکری خدا ذکری خدا نه شهیدانی نه قزلاری نه خرگاهی گورور تلّیده زینبه باخمور فقط اللهی گورور 🌹🌹🌹🌺🌺🌹🌺🇦🇿 باش قویوب خاک شفا اوستونه پرقو یرینه ریزه قوملار بوریوب زخمینی دارو یرینه اوخ دگوب آغزینا قانیله دولوب سو یرینه فخر ائدور عاشق ممتازینه عاشق یارادان یاره باخ یاره گوره هئچ دیله گلمور یارادان 💐💐🌹🌺🌺🌺🌺🌹🌺🇦🇿 ناگهان گوردی حسین قتلینه مأمور گلور سعدون اوغلی ائلیوب گلمگه مجبور گلور ظلمت کفرون ایچیندن عجبا نور گلور روحی بیدار ئوزی هشیاردی غفلتده دگول کوفه نون اهلی کیمی خواب ظلالتده دگول 🌹🌹🌹🌺🌹🌺🇦🇿🌹🌹🌺 عیسوی زاده و آزاده و محجوب و نجیب صورتاً قاتل اولوبدی ولی سیرتده طبیب روز و شب حقی گزوردی اونا حق اولدی نصیب عالمون نعمتینه عزتینه ناز ائلدی خوش اونون حالینه عیسانی سرافراز ائلدی 🌹🌹🌹🌺🌹🌹🌺🌺 ذکر انجیلیله سرگرمیدی شمشیر بدست یتدی گوداله اونی عطر حسین ایلدی مست گوردی بیر یاره لیدور بستری قان سینه شکست نظر و فکری فقط قاضی الحاجاتیده دور گرم محرابه دوشوب گرم مناجاتیده دور 🌹🌹🌹🌹🌺🌹🌺🌺🇦🇿 دئدی انصاف دگول قتلینه ائتسم عجله بو که تسبیح دیور ساحت حیّ ازله دیندیروم راز و نیاز اوسته گوروم کیمدی هله نه گوزل صورتی واردور نه گوزل گوزلری وار نه گوزل لهجه سی واردور نه گوزل سوزلری وار 🌹🌹🌹🌺🌹🌹🌺🇦🇿 دئدی کیمسن سنی من محض فضیلت گورورم باخجاقین صورتیوه نور حقیقت گورورم سن نجه خارجی سن اهل شریعت گورورم منی مبهوت ائلدون روشن ائله مسئله نی ئولدورور کوفه نون اهلی نه گناه اوسته سنی 🌹🌹🌹🌹🌺🌺🌺🇦🇿🌹🌹🌺 سجده دن آلنووی قوزا ائلمه سوز و گداز بو نه سجاده دی قاندان بو نه خلوتگه راز بو نه محراب عبادت بو نجه رازو نیاز صبر ائدورسن بو قُشون جسمیوه ووردوقجا یارا سنه قربان نیه نفرین ائلمورسن بولارا 🌲🌲🌻💐🌹🌺🇦🇿 دئدی نصرانیه من هادی نسل بشرم سوزوم حقدی وطنیمدن اودی که دربدرم نگران اولما یوخوندادا سنون باخبرم چاه عشق ایچره دوشن یوسف گل پیرهنم او حسین که گیجه عیسی سنه تاپشوردی منم 🌻🌲💐🌹🌺🌹🌺🇦🇿 سعدون اوغلی سنی اغفال ائلیوب سالدی یولا چوخ چتین اهل طبابت کسه باش قاتل اولا کُمگیمسن نیه حیران باخوسان صاقو صولا هرکساً دهریده تعقیب ائلیور ئوز روشین سن گورنمزسن عزیزیم بیلورم شمرین ایشین 🌹🌹🌺🌹🌹🇦🇿🌹🌺🌺 پرده رد اولسا گوررسن گلوب عیسی باش آچوق چوخ پریشاندی بابام سید بطحا باش آچوق سهلیدی مریم ، آنام حضرت زهرا باش آچوق چوخدی بو قتلگهیمده باشا توپراق سپن چوخدی باطنده منیم قانلی دوداقمدن ئوپن 🇦🇿🌻🌻💐🌹🌺🌹🌹🌺 تانیدی عیسئی ایمان گتوروب گلدی دیله نه عجب وقته دئدی دامنیوی سالدوم اله بیر کسیکه باشینون اوستونه عیساده گله وای منه من نیه عیسا ئورگین داغلامیشام عفو ائله دشمنیوون یاره سینی باغلامیشام 🇦🇿🌺🌹💐💐🌻🌲🌻🌺 کول منیم باشیمه قالدوم نیه خدمتده دالا دگدی اوخ صود امرون دوشدی سنون حالدان حالا ویریلان قوش کیمی چرپندی او بیچاره بالا خشک ائده یاره نی جراح اگر قان دایانور گلمدیم دادینه قلبیم اونا الاندا یانور 🌲🌻💐🌹🌺🌹🌻🇦🇿🌲🌻 حاضرم ایندی کچن غفلتی جبران ایلیم خاک پایوندن ئوپوب خدمت شایان ایلیم اینجیدور هانسی یارون من اونا درمان ایلیم یاپوشام قانلی الوندن دوراسان اگلشه سن آز قالور اوخلارین آلتیندا نفسدن دوشه سن 🌹🌹🌺🌹🌹🌺🌹🌺🇦🇿 چوخدی یارم بدنیمده دئدی ال وورما منه دوروب اگلشسم اذیتدی بو یورقون بدنه مرحموم فایده وئرمز بیلوسن جان وئرنه ئولدورور فکر ائلمه تک منی خنجر یاراسی ئولدوروبدور منی چوخدان علی اکبر یاراسی 🌹🌹🌹🌺🌺🌺🌹🌹🌺🇦🇿 ✨اَللّهُمَّ عَجِّل لِوَلیِّکَ الفَرَج✨

🏴شهادت حضرت امام کاظم علیه السلام 🏴 گریز به امام سجاد علیه السلام ✍مرحوم سید رضا حسینی سعدی زمان غریب اُلنده گلور نالیه گوی اهلی تمام خصوصاً اَزهد مخلوقات اولا جهاندا اِمام غریب چوخلار اُلوبدور بو دار دنیاده ولیک هیچ بیری چاتماز غریب بغداده جهاندا هانسی غریب ستمکش و مضطر عزیز فاطمه موسی بن جعفره بنزر؟ گورونمیوبدی گورونمز بو کون و امکاندار غریب امام اُله زنجیره باغلو زنداندا ندندی اولمادی ویران بو عالم امکان گلوب تلاطمه دریالر ایتمدی طغیان توکولمدی یره گوگلر، داغیلمادی افلاک گلوب تزلزله خسف ایتمدی اُوز اهلینی خاک او کس که گلشن توحیده بیر قزل گُلدی وطندن اِئلدن اوزاق حبسخانه‌ده اُلدی ندندی یُولّامادی کردگار بی همتا او حبس‌خانیه معصومه شکلده حوراء گلوب امامین آلیدی باشین دیزی اوسته دییدی ای گوزی یولّاردا جان ویرن خسته قیزون گلوبدی آز اشگون یوزه روان ایله بو صون نفسده گوز آچ دردوی بیان ایله بیر اوزگه نسگیلی واردور غریب بغدادین دیولسه شیعه‌نین اودلار عُروق و اکبادین نقدر مُجرم اولا بیر نفر بو دنیاده که سالمیا اونی زنداندا بیر نفر یاده همینکه اُلدی ندیده دوتالّا تقصیرین ایده لّله قیددن آزاد آچالّا زنجیرین امامی ایتمدیلر قید ظلمدن آزاد خراب اولیدی گوروم کاش عالم ایجاد بو یازدیقیم خبره ایستسوز اگر مدرک یرین نشان ویرورم من ـ او سیز او مستدرک دوشن تفکّره باب وصیّته باخسون اونوندا من کیمی خونِ دلی یوزه آخسون ز بسکه قیدیله دوتموشدی شاهدین الفت ویرنده جان اودی ایتدی وصیّت اول حضرت بو بیکسه ایله بیر ظلم، ایلیوب هارون که گورمیوبدی نظیرین بو گنبد وارون جزاده شاهد اولا من دوام ایدن جبره قویون اُلنده بو زنجیریله منی قبره گلنده حشره ایاقیمده اولسا بو زنجیر بوتون قیامتین اوضاعینه ویرر تغییر فشار قید جفادن چکنده من فریاد اولار محبّ‌لریم قید قهردن آزاد زمین حشره بو قیدیله ولوله سالّام من بو حاله سالانلاردان انتقام آلّام اوگونکه مهدی موعود اولوب عیان گله‌جاق اورکلره سو سَپَن انتقام آلان گله‌جاق خزان دهر دونوب تازه نو بهار اولاجاق هامی ستمگر ایدن ظلم آشکار اولاجاق او گلمیوب نقدر شیعه‌لر گَلَر داده حسینه گاه یانار گه غریب بغداده ایدوبله قیدیله باب الحوائجی مدفون حسین اولوبدی ولی کربلاده غرقه بخون ائمه‌نین هره‌سین بیر ستمگر بیدین فشار ظمله سالوب قانه دوندروب اوره‌گین سالوبدی محبسه هارون غریب بغدادی یزید شامه چکوب دست بسته سجّادی اولیدی کاش نه زنجیر آدی بو دنیاده نه ظلمیله ورولیدی امام سجّاده امام عصری او زنجیر آدی ایدر دلگیر دلیمده یوخدی توانا دیون نجه زنجیر او کس که عالم امکانه نور لامعه دُر وجودینه وورولان غُلّ ـ غُلّ جامعه دُر نقدر فیض آپارار خلق نور لامعه‌دن امام او قدر چکوب رنج غُلّ جامعه‌دن «حسینی» آغلاسا هر کیم امام سجاده ورولماز اول کسه زنجیر دار عُقباده ولی اماندی ایله ایله بوتون شُفَعاء باخوب جریدوه اولسونلا حشره خُصَماء ✍#بقلم زنده استاد حسینی (سعدی زمان) ✨اَللّهُمَّ عَجِّل لِوَلیِّکَ الفَرَج✨ _______________ ⬅️

سودای زیارت حزین بیر بلبلم عشقین بهارین گورمسم ئوللم داریخدیم، تنگه گلدیم ، گول جوارین گورمسم ئوللم نئجه مجنون گزر دیلده فغان چوللرده لیلانی نئجه وامق اورکدن آختارار حسرتله عذرانی منیم ده یاریمین وار کربلاده بیر گلستانی او چولده یاریمن گر لاله زارین گورمسم ئوللم یانان پروانه یم شمعیله چوخدان خلوت اختاررام غمیم چوخدی دئیه م باشیم بلاسین فرصت اختاررام گزیب منزل به منزل کوی وصله قسمت اختاررام واریم چوخ شکوه عشقین شهریارین گورمسم ئوللم بیلن یوخدور که قلبیمده نقدری وار غم و حسرت اولا قارداشیمین ششگوشه قبری بیر منه قسمت نقدری واردی جانیم وصل یاره ائیلرم همت یوروب چوللر منی یارین دیارین گورمسم ئوللم دئیوللر اهل عشقه و درده عالی توشه دیر قبری ولایت خرمنینده چوخ گوزل بیر خوشه دیر قبری صفالی طرحی واردیر عرش تک ششگوشه دیر قبری بو حسرتله اگر زیبا مزارین گورمسم ئوللم دیار کربلا چوخ با صفادی سرو و سنبل وار او گلشن ده سوسوز قانه باتان یئتمیش ایکی گول وار منیم غملی سپاهیم ده نئچه خوش نغمه بلبل وار مزاری اوسته بو محنت قطارین گورمسم ئوللم خوشام بیرده گورم سینای عشقیمده نه عالم دیر گوزوم ده گورملی قبری گئجه گوندوز مجسم دیر ایکی مظلوم اوغول بیرده آتا قبر ایچره باهم دور گوزل سجادیمین بو ابتکارین گورمسم ئوللم باتیب ظلمیله قانه کربلاده یار و انصاریم نه مدت‌دیر توکور حسرت سرشکین چشم خون‌باریم حسینیمله اولوب مقتلده چوخ نیسگللی دیداریم صفالی قبرینین نقش و نگارین گورمسم ئوللم خزانِ ظلمیله سولدی حسینیم گول سیاقیندا گلاب اولدی گلوم ظهر بلا آتلار ایاقیندا کسنده باشینی قاتل سوزی قالدی دوداقیندا اولوب نیسگل منه عشقین نگارین گورمه سم ئوللم منیم سولدی سارالدی سو کنارینده گل یاسیم قولی دوشدی دچار ارذل اولدی اشجع الناسیم ایکی ال بیر باشین وئردی ره عزتده عباسیم ارادت ائتماقا علقم کنارین گورمسم ئوللم بیر عمری باده سرخ ولادن مست و مدهوشم اورکده سوز آهیم وار اگرچه گاه خاموشم حسین عشقینده هر ماه محرم ده سیه پوشم محبت شهرینین گر هشت و چارین گورمسم ئوللم التماس دعا #محمد_هوشمند

🖤🖤🖤🖤🖤 ویردی خبر پیک اجل رضاجان _رضاجان ئولدی آتام دادیمه گل رضاجان_رضاجان مبحس هاروندا آتام قوجالدی_قوجالدی گل کیمی زندانداصولوب سارالدی_سارالدی اون بیر ایلی بو ئورگی غم آلدی_غم آلدی سونمویه جاق نور ازل رضاجان_رضاجان 😭😭😭😭😭 غصه دوتوب ئللریوی برادر_برادر سیلیگیلن اول گوزلریوی برادر_برادر چک باشیما اللریوی برادر_برادر حی علی خیر العمل رضاجان_رضاجان کونده ایاقینده آتام ویروب جان_ویروب جان بوینونی زنجیر جفا ایدوب قان_ایدوب قان حبسیده چوخ ایتدی ستم نگهبان_نگهبان یاز ورق عمره غزل رضاجان 🖤🖤🖤🖤🖤

زبانحال حضرت امام کاظم علیه السلام سبک:ویرانه ده نازلی بالام 🍁🍂🍁🍂🍁🍂🍁🍂🍁 زندانی ام دور از وطن ، یا قاضی الحاجات یوخدور بو زندانه گلن ، یا قاضی الحاجات صبر ایلدیم اون بیر ایلی، دوشدوم توانادن تاریک محبسده قالوب ، دویدوم بو دنیادن قورتار بو یورقون بنده نی ، غملی قضایادن اولدی مناجاتیم عَلَن ، یا قاضی الحاجات دؤزدوم بلالرده اؤزون ، آگاهیسن یارب زنجیریله هم نالَه یم ، هر روز و یا هر شب یوخدور سپهر بختیده ، نَه ماه و نَه کوکب چخمور بو یورقون جان نَدَن ، یا قاضی الحاجات عشقونله هر عارف چاتار ، چون اوج اعلایه چوخدور بو معناده دوشن ، عشقیله غوغایه سن قیل نظر لطفیله بو ، دلده تمنّایه آل جانیمی ای ذوالمنن ، یا قاضی الحاجات باب الحوائج شهرتیم ، امّا گرفتارم زندان یوروبدی جانیمی ، ایللردی بیمارم ایسته حضوره ای خدا ، مشتاق دیدارم سن سن فقط داده یِئتن ، یا قاضی الحاجات کیمدور الهی جان وئره ، زنجیر ایاقینده من تک بوکولسون قامتی ، تاریک اطاقینده یوخدور قالان من تک قوجا ، زندان بوجاقینده نه وار گلن نه وار گئدن ، یا قاضی الحاجات چوخ مایلم معصومه نین ، دیدارینه یارب هجران یِئلی اسدی ثمر ، گُلزارینه یارب سن بیر نظر قیل هجروین ، بیمارینه یارب دلخسته یم یورقون بدن ، یا قاضی الحاجات من بیر غریبم دویموشام ، جانیمدن ای جانان نالَه م اوجالمور سینَه دن ، بسکه یوروب زندان مشتاقم الان ئولمگه ، لطف ایله ای سبحان سن سن بو اسراری بیلن ، یا قاضی الحاجات 🍂🍁🍂🍁🍂🍁🍂🍁 #شهادت_امام_کاظم_علیه_السلام

حضرت موسی بن جعفرع از مرحوم استاد عابد تبریزی                            اولوب مغلول اگر چه دست و پا قید اسارتده ولیکن بال آچوبدور طایر جان اوج وحدتده نه غم گر تابش ایتمز مهر و مه زندانه روز و شب که هر دم جلوه گردور عارض جانان بو ظلمتده شکایت ایتمرم زندانیدن زنجیریدن هر گز زبان گویای اسم یاردور هر ذکر وصحبتده اگرچه بیکسم اما انیسیم فکرجاناندور گوگل خوشدور لقای أشنادن کنج غربتده شئون حجت الهی اسارتدن خلل تاپماز هامی أزاده لیق تاپموش تحقق بو اسارتده حریم اعتکافیمدورمنیم بو گوشه زندان اورک مشغولیدور یاریله محراب عبادتده خدائی عزتین نقصانی یوخ-امر مسلمدور عدو هر حالیده ذلتده دور من اوج عزتده ازلدن بی نهایتده اولوب مجذوب ذراتیم جهان مجذوب اولارگر بی نهایتده نهایتده ریاستدن هوا سر مستی عزت آختارار اما حقیقت عاشقی عزت تاپار فیض شهادتده نه غم زنجیریدن زندانیدن اندوه غربتدن شکایت ایلمز سالک اولان ، راه حقیقتده ولی معصومه دیدارین گوگل چوخ آرزو ایلر بلی واضحدی بی آرام اولار دل درد فرقتده نسیم صبحیله پیغامینی همراه ایدر اما نسیمه یوخدور امکان گذر بو دار محنتده مشام جان آلار عطرین گینه باد سحر گهدن تاپار دل بوی فردوس برین هر دم بو نکهتده بلی هر آشنایه آشنادورآشنا عطری نجه امکان قرب اولماز اولا بعد مسافتده هویدادور گوزیمده عارضی هر لحظه هر ساعت گوزوم نورین گوزوم هر دم گورر اولسا نه حالتده گل رخساری سولموش آفت هجرانیدن بلم گوزینده شام تار اولموش ایشق گونلر بو أفتده ننوعی سولماسین اوز شاخه سیندن أیریلان بیرگل نجه شمع عزا تک یانماسین نار مصیبتده گل مریم نجه تقطیر شبنمله اولار همدم جمالی غرق اولوب بلم سرشک درد حسرتده خیال ایتدوقجا سولموش عارضین قلبیم یانار أری گل سوری مصیبتدور سولا عین طراوتده بیر اوزگه ماجرا ایلور تداعی بو بیان (عابد) رقیه صحبتی یاده دوشور بو طرز صحبتده

زبانحال حضرت موسی ابن جعفر (علیه السلام)   سِند الیندن گلمیشم جانه آنا یا فاطمه سنده گل بغداده زندانه آنا یا فاطمه   کاش اولیدی ای آنا ، آزاده لردن بیر نفر شعلهء آهیله قلبیم تک یانیدی مختصر بیر دییدی رحمسیز هارونه ای بیدادگر سیلی ورمازلا مسلمانه آنا یا فاطمه   من بو خلوتگاهیده جانانیله همرازیدیم محوِ وصلِ یاریدیم ، عشّاقدن ممتازیدیم حلقهء زنجیریمیله روز و شب دمسازیدیم شُکر ایدردیم حیّ سبحانه آنا یا فاطمه   قویمادی افسوس اولا دشمن منی اوز حالیمه یادِ یاریله یتَم قلبیمده کی آمالیمه حالیمی احساس ایدر هر کیم باخار احوالیمه گوز یاشیم آخدوقجا دامانه آنا یا فاطمه   بیر گجه مندن اولور زنداندا زجریله سحر قاتیلمده بیر گجه تختِ زر اوسته صبح ایدر وای او گوندن موج ایدر دریای قهرِ دادگر غرق اولار ظالم او طوفانه آنا یا فاطمه   ایتمدی رفتار دشمن ، منله بیر انسان کیمی قلبیمی یاندیردی زهری آتشِ سوزان کیمی قطره قطره قان دوداقیمده دوروب مرجان کیمی لاله تک باغریم دونوب قانه آنا یا فاطمه   نه عزیزیم وار آنا گورسون ملالِ فاشیمی قلبی یانسون حالیمه سیلسون منیم گوز یاشیمی نه قیزیم معصومه وار آلسون دیز اوسته باشیمی همدم اولسون بو پریشانه آنا یا فاطمه   واردی نه بیر اهلِ دل ، احوالیمی بیلسین منیم گوگلومی آلسین ملالیم بلکه اسگیلسین منیم نه گلور اوغلوم رضا ، گوز یاشیمی سیلسین منیم بیر سو سپسون سوزِ پنهانه آنا یا فاطمه   ایمدی جان ویرسم بو حالیله اگر زنداندا من نه ائلیم وار نه قبیلم ، نه گلن وار نه گیدن کیم مزاره تاپشورار کیم بس منه ایلر کفن؟ کیم گلر شامِ غریبانه آنا یا فاطمه   چون ایدوب مشمولِ رحمت ، خالقیم اوز بنده سین گون کیمی گورّم ایشیق تاریخمین آینده سین مرگ باغلار هر نجه محکوم اولا پرونده سین آشنا یا اولسا بیگانه آنا یا فاطمه   سِندی گورسم ، رنگِ رخساریم دیمه قاچماز منیم طایرِ روحیم بو خاکی دامدن اوچماز منیم دشمنِ بی عاطفه زنجیریمی آچماز منیم جان ویرم آسوده جانانه آنا یا فاطمه   من آنا باشه یتوردوم باشداکی تقدیریمی اهلِ دل باخسا وجودیمدن گورر تصویریمی قاتلیم ئولسمده آچماز جسمدن زنجیریمی ظلم ایدر بی روح انسانه آنا یا فاطمه   جان ویرنده دفنه راجع بیر وصیّت ایلرم بو مُقیّد جسمیله محشرده شرکت ایلرم منتقم آللهه دشمندن شکایت ایلرم انتظارم من او دیوانه آنا یا فاطمه   نوکرون (خوندل) بو درگاهه قویوب چوخدان یوزون وار سنه آرتوق ارادت اوندا ، آگهسن اوزون قویما قالسین ننگدور بیگانه اللرده گوزون تا قورتارسین عمری شاهانه آنا یا فاطمه.   مرحوم حاج حیدر خوندل

در احوالات حضرت موسی ابن جعفر (علیه السلام)   ای خدا زندانیده محبوس بی تقصیره باخ جان وئرن وقتیمده بو بوینومدا کی زنجیره باخ   شاهد اول سن گور نئجه هارون منی مظلوم ائدوب بیر اوزون مدّتدی بو زندانیده مغموم ائدوب عاقبت مین جور و ظلمیله بو گون مسموم ائدوب جانیمه زهر عداوت ایلین تآثیره باخ   شکر اولا درگاهیوه ای خالق ربّ جلیل سن کریم پروردگار و منده بیر عبد ذلیل قالمیشام اولادیمه حسرت اؤزوم زار و علیل گوشۀ زندانیده احوال عبد پیره باخ   سالدی زندانه منی اول ناکس بی شرم و عار مین جفائیله ائدوبدور محنت هجره دچار خلقه اسلامیّتین هر لظه ایلر آشکار بی حیا هارونیده بیر حیله و تزویره باخ   دمبدم هارون الیندن یوز وئرور ذلّت منه آرتوری ظلم وستم هر لحظه هر ساعت منه حلقۀ زنجیر و کنده اولدی هم صحبت منه آه آتشباری گور بیر نالۀ شبگیره باخ   هجر معصومه خدایا منده قویموب اختیار گوزلریم یولدا قالوب یوخ بیر غمین و غمگسار بی کسم توپراقلار اوسته ایمدی ئولّم خوار و زار کنده و زنجیر ظلمه باغلانان نخجیره باخ   هر بلا گلسه رضایم وار بو جانه منّتی لیک چوخ دلتنگ ائدوب اوغلوم رضانون فرقتی نوش قیللّام دمبدم جام و بلا و محنتی ملک جسمیمده سپاه غم ائدن تسخیره باخ   عرض ائدوب راز و نیازین حضرت معبودینه عاقبت ائتدی وفا اؤز وعدۀ معهودینه تاپشوروب جان نقدینی اولدی بو سودا سودینه قتلینه هارون بی دین ایلین تدبیره باخ   جان وئروب زندانیده گر چه امام هفتمین دفن ائدوب نعشین سلیمان دوتدی ماتم دلحزین جانو ئرنده کربلاده تشنه لب سالار دین هر زمان سویلردی یارب گردش تقدیره باخ   عهدیمی باشه یتوردوم ای خدای مهربان من خریدارم اؤزوم هر ظلم ائدللر کوفیان ایمدی وئرّم خنجر برّان دمینده تشنه جان بارالهی پیکریمده زخم تیغ تیزه باخ   گرچه یوخ بیر رحم ائدن ای خالق ربّ رَئوف دیدۀ زینب کیمی آغلار جراحات سیوف مین بئله یاره دگه هرگز دئمم بیر کلمه اوف خاک و خون ایچره دوشن اعضانی گور تخمیره باخ   راضی ام شمر ستمگر زینب غم پروری قولّاری باغلی دولاندیرسون پیاده چوللری چخماسون دیندن کناره جدّیمون امّتلری عاصیان ، غم دفترینده ایلین تحریره باخ   «کهنمویی» قورتولاندور نچّه گون عمرون یقین دوت حضور قلبیله موسی ابن جعفر دامَنین مطلع اشعاریوی یاز بیرده آخرده غمین بارالهی حبسده محبوس بی تقصیره باخ   مرحوم کهنموئی

✨خـدایا شبی از شب‌های زیبایت فرا رسید امروز هم سعی کردم بهتر باشم اگر بدتر بودم مرا عفو کرده و یاریم کن تا فردائی بهتر داشته باشم اگر همانی بودم که تاکنون بوده‌ام به من قدرتی بده بیش از آنی باشم که هستم اگر بهتر شده‌ام دستم را بگیر که اگر یک لحظه از من غافل شوی سقوط خواهم کرد ✨خـدایا فردایی بهتر را به ما عطا کن شبتـ🌙ـون در پنـاه خـدا🌟

#امام_کاظم__ع__روضه کنج زندان نفس نفس میزد آه زندان چقدر دلگیر است مونسی جز غم جدایی نیست مونسش دانه‌های زنجیر است اینکه در چاه غم اسیر شده اینکه‌افتاده‌ازنفس‌موساست پسر فاطمه عزیز خدا سرّ یاسین و رمز اوادناست روزه بود و اسیر غمها شد ضربه‌ی تازیانه افطارش بین سجده خدا خدا میکرد یادش آمد ز داغ مسمارش تا لگد خورد گفت ای مادر چقدر غصه پشت در داری بین کوچه میان خانه کتک بی‌جهت‌نیست اینکه تب‌داری بی‌هوا سیلی ازعدوخوردم یاد سیلی کوچه افتادم یک‌دوباری زهوش‌رفتم وباز با لگد بود باز جان دادم صورتم،سینه‌ام،خدا،کمرم درد افتاده بر تن خسته طلب مرگ از خدا کردم زهر آمد دهان من بسته به روی دامن رضا سرمن لحظه‌ی باشکوه را دیدم یاد جد غریبم افتادم ناگهان‌من‌به‌خویش‌لرزیدم سر اکبر به دامن بابا جان‌جدم‌به‌لب رسیدای‌وای زینب آمد برای یاری شاه معجرش رو تن کشیدای‌وای ولدی یاعلی صدایش کرد پلکهایش به روی هم افتاد گفت بابا سخن بگو بامن صورتش را به بصورتش بنهاد قسمش داد جان زهرا و گفت برخیز ای زمین خورده گفت زینب بیا علمدارم که حسینم گمان کنم مرده شاعر: مرتضی محمودپور

بسم الله الرحمن الرحیم #مناجات وعبادت و سجود و.. #پی درپی امام موسی کاظم علیه السلام #درمطامیر(سیاه چال)😭 شیخ صدوق به نقل از پدر عبدالله قزوینی می‌نویسد: روزی نزد فضل بن ربیع رفتم. دیدم بالای بام خانه‌ای نشسته است. به من گفت: « نزدیک بیا ». نزد او رفتم تا در برابرش رسیدم. گفت: « از این روزنه داخل این اتاق را نگاه کن ». به داخل اطاق نگریستم ولی مقصود او را نفهمیدم. گفت: « در داخل تاریکی و در قعر سیاه چال چه می‌بینی؟ » چون با دقت نظر کردم گفتم: « جامه‌ای بر روی زمین افتاده است. » - درست نگاه کن. چون نیک نظر کردم گفتم: - گویا مردی در حال سجده است. - او را می‌شناسی - نه - این مرد مولای توست! - مولای من؟ - آری! - مولای من کیست؟ - خود را به نادانی می‌زنی؟ - نه، من مولایی برای خود نمی‌شناسم. فضل بن ربیع گفت: « این مرد، مولای تو موسی بن جعفر است. من شب و روز او را تحت‌نظر قرار دادم. او را غیر از این حال سجده که دیدی ندیده‌ام. او نماز صبح را در اول وقتش می‌خواند، سپس بعد از نماز تا طلوع خورشید مشغول دعا و تعقیبات نماز است. سپس به سجده می‌رود، و همچنان تا ظهر در سجده است. سپس برخاسته و بدون تجدید وضو مشغول نماز ظهر می‌شود. من از خواندن نماز ظهر او بدون این که تجدید وضو کرده باشد می‌فهمم که در حال سجده به خواب نمی‌رود و چرت نمی‌زند. او به همین ترتیب مشغول عبادت است تا از نماز عصر فارغ می‌شود. پس از نماز عصر، به سجده می‌رود و همواره در سجده است تا خورشید غروب کند. پس از غروب، بر می‌خیزد و نماز مغرب را می‌خواند بی‌آنکه برای قضای حاجت برود و همچنان مشغول نماز و تعقیبات است تا این که نماز عشا را می‌خواند، و بعد از نماز عشا، غذای اندکی که برایش آورده می‌شود را میل می‌کند. سپس بدون این که تجدید وضو کند بر می‌خیزد و همواره در دل شب مشغول نماز است تا این که اول اذان صبح فرا می‌رسد. این روش، از حدود یک سال تا کنون که او را به من سپرده‌اند، برنامه شبانه‌روزی اوست. » چون کلام فضل بن ربیع به اینجا رسید گفتم: « ای فضل! از خدا بترس! مبادا این آقا را اذیت کنی و یا ناراحتش کنی که موجب زوال نعمت از تو می‌شود. » فضل جواب داد: « از جانب دستگاه خلافت مکرر پیغام داده‌اند که این مرد را از بین ببرم ولی من هرگز چنین نخواهم کرد، گرچه به قیمت جانم تمام شود. » ارشاد،شیخ مفید،ج۲ص۲۳۱ انوارالبهیه محدث قمی ص۲۹۴ دانشنامه امام کاظم عليه السلام ج ۱ص۷۳ #صلوات ختم کنید #اللهم عجل لولیک الفرج

#زمزمه ای برای اجرا پای دیگ #سمنو با مضامین مدح #امیرالمؤمنین علیه السلام و مصائب مدینه و کربلا نوکر قنبر و هم فضه ی خادمه ایم سائلانِ کرمِ علی و فاطمه ایم غزل عشق و تولای وَلی میخوانیم پای دیگ سمنو مدح علی می خوانیم هستیِ پیغمبر یا علی یا حیدر یا علی یا حیدر... من که در تاب و تبم عاشقی جان به لبم یا علی یا زهرا ذکر هر روز و شبم من که خونین جگر از خونِ دلِ مولایم پای دیگ سمنو گریه کنِ زهرایم آه از عمر کمش آه از قدّ خمش فاطمه یا زهرا... داغ زهرا طی شد گرچه با رنج و بلا امتدادش برسید به غمِ کرببلا پای دیگ سمنو آهِ مکرّر خوب است گریه بر بی کفنِ تشنه ی بی سر خوب است شد روی نیزه چرا سرِ شاه شهدا آه از کرببلا... #سمنو_پزان ✅ #حاج_امیر_عباسی .🌹اللّٰهمَّ عَجِّلْ لِوَلِیِّكَ ٱلْفَرَجَ🌹