64176_1399215121836_641468.mp3

میلادیه حضرت رقیه سلام الله علیها فارسی و ترکی -(عزیز زهرا زفیض وصل تو دورم) ۳  ۱۲۸۸    عزیز زهرا زفیض وصل تو دورم توهمچو صبحی من همچو شمع بی نورم زبوی لاله گل سه ساله مستم وامشب مسرورم عالم بالاتزئین شد دامن صحرا رنگین شد نام رقیه چون زهرا زینت آل یاسین شد لطف خدای تبارک آمده امشب مبارک به شوق بوی گل ولایت میخوانم مثال سائل به درگه او میمانم به سر دویدم که ناامیدم نمی نماید میدانم محو صفایش عالم شد دردجهان را مرهم شد یمن قدوم پربارش گلشن جانان خرم شد لطف خدای تبارک آمده امشب مبارک گلوب رقیه حسین زهرا شاد اولدی گوروب جمالین جمال زهرا یاد اولدی اوجالدی آوا سرود حورا صفای بو میلاد اولدی نام رقیه زیبادی لطف خدای یکتادی قطره کیمی گل درگاهه فاطمه تک بو دریادی لطف خدای تبارک آمده امشب مبارک شاعر: حاج داود بیدق داری

میلاد حضرت مهدی(عج) -(گلستان ولایتده آچوبدی بیر گل زییا) ۲۷۳ گلستان ولایتده آچوبدی بیر گل زیبا جنان عطری ویرور بو گل جهان پیر اولوب بُرنا سحروقتی گلوب موجه کرم دریاسی رحمتدن او موجه غرقدور عالم محبّت موجی روح افزا یتوشدی نیمۀ شعبان تجلّی ایلدی بیرگون اولوب نور جبینیندن منوّر دیدۀ زهرا قدم قویدی بو دنیایه قویولدی آد اونا مَهدی قدومی چشم دنیانی ایدوب روشن اولوب بینا نه مولود مثلینی دوغماز بو دنیایه گلن نِسوان آلوب نورون بو زهرادن دوغانماز مادر دنیا امام عسگری باب و آناسی نرگس خاتون وجودیندن ییور روزی بوعالم اهلی ما فیها فتحنا پرچمی اَلده قیام ایلر گلر ویرسون علم اَسسون گوزللنسون بو دوقّوزگُنبد خَضرا گل ای شاه زَمَن تز گل حجابی چهره دن آچ گل تجلّی ایله گون آی تک سن ای ماه جهان آرا گل ای کشتی رحمت گل که دریا اولدی طوفانی سن اولسان کشتی ده آمر چوخالماز جُنبش دریا خوشام اول ساعته دیلده اَنَالحق کعبه دن گلسون قدم قویسون گوزوم اوسته واریم دورباشدا بو سودا ضعیفانه ایدر نُصرت اولار گمراه لارا ناجی ویرر ظالم لره کیفر مُنافق لر اولار رسوا شها (عدلی) گوزی یولدا نقدری منتظر قالسون بو هجراندان قوتار بسدی گل ای فرمانده ومولا شاعر: حاج اصغر فرشچی

حضرت مهدی(عج) -(سلام آقا سلام ای منجی دنیا سلام آقا       سلام ای منجی دنیا سلام آقا سلام ای یوسف زهرا        اباصالح (۲) سلام آقا  سلام ای عالمه سلطان هایانداسان گلن یوللاریوا قربان           اباصالح (۲) نه چوخ چکدی فراقون ای کَرم کانی آقا تز گَل سنی زهرا آنان جانی        اباصالح (۲) بو هجراندان اورکلر قان اواوب مولا بیزه سن سیز  جهان زندان اولوب مولا       اباصالح (۲) دعامیزدا اثر یوخدی گنهکاروخ نه اولساخ دا حسینه بیز عزاداروخ       اباصالح (۲) بولورسن کی بیزه طعنه وورور دشمن دعا ایله ظهور ایسته خدادن سن    اباصالح (۲) شاعر: مهدی عبادی(بیکس

سرود نیمه شعبان -(ای سفیر کبریا افتخار انبیا) ای سفیر کبریا ... افتخار انبیا دلربای فاطمه ... جلوهءعشق.خدا گل رخ پیغمبری عرش حقین زیوری زیب عرش کبریا یاد گار حیدری ای - یوسف زهرا . عشقیمین شهدی روحیم صفاسی . جانا نیم مهدی ای گل باغ تبارک جا ن سنه قربان ای عزیز فاطمه ... دللره وردون صفا مقدمیندن نو آلور... طاق عرش کبریا گویده.عرش.اهلی.آچوب پرچم جشن و سر و ر یئرده عاشقلر قوروب مجلس میلاد نور ای- عشقی جاویدان . ماه دلا را رحمت رحمان . یو سف زهرا ای گل باغ تبارک جان سنه قر با ن جشن میلادین مبارک جان سنه قر با ن ای گل عشق خدا عشقیوه عالم فدا روح عشقوندورسنون درداسلامه.دوا ای ولایت محوری بینوا لر یا و ر ی ابرظلمت دوتدی گل عرش عشق و باوری گل ماه سعا دت شمس هدایت و ا ر ث تیغ شا ه ولایت ای گل باغ ولایت جان سنه قر با ن جشن میلادون.مبارک جا ن سنه قر با ن شاعر: حاج علی پور علی

عرض ارادت به ساحت مقدس امام عصر«عج» -(یازیلدی جوهرِ گؤزیاشیمیله دفتر دل) ۴۶۱ سیّدعظیم شیروانی غزلینه تضمین«قیزیل‌قلم‌دن» مُثَمّن قالبینده(مفاعلن فعلاتن مفاعلن فعلن) «پیمبرِ دل» یازیلدی جوهرِ گؤزیاشیم‌ایله دفتر دل اَلوولو آهیم ایچیندن عیان‌دی آذر دل یوبانما تئزیئتیش ای شهریار و رهبر دل اولوبدو گؤر نئجه ماتمکده سراسر دل هایانداسان سنه قربان‌دی لعل و گوهر دل قانادلاری کسیلیب یوخدو اوچماغا پَرِ دل ((گَل ای جمالی اولان زِیبِ جان و زیور دل)) ((گئدیبدی غارته سنسیز تمام کشور دل)) جهان قان ایچره چالیخلیراوجالدی آه و فغان دوشوب تلاطمه جان زورقی اورَک‌لر قان عدالت آختاران انسان قالیبدی سرگردان ظهور علم چوخ امراضه ائیله‌ییر درمان علوم عصر ایچینده غریب اولوب قرآن اؤزون دعای فرج ذِکر قیل امام زمان ((دل صنوبریمیز بید تک اولوب لرزان)) ((بلای باد فراقینله ای صنوبر دل)) جمال؛تک؛قد و قامت رسا؛جلالین؛تک جلال‌؛تک؛رخ و اخلاق؛تک؛کمالین؛تک مثال کعبه داشی؛تک‌دی؛ اوزده خالین تک گونَش ظهوره چیخار حُسنِ ایده‌آلین تک قمر تَلَألؤء ائدر گؤیده مَه جمالین تک حدیث عشق اوزون‌دور سنین ملالین تک ((گؤگول‌ده کاش اولایدین نهان خیالین تک)) ((آچیلمایایدی داخی روی عالَمه درِ دل)) گئچیر گئجه‌م گونوزوم درد و رنج و ماتم‌ده گمیم باتیب‌دی لِهَه غرق اولوب درین یَم‌ده ئورک داریخما توتوب یاندی آتش غم‌ده سنی اوجا سسیلن سسله‌نیب‌دی هر دَم‌ده داخی سخاوته اَل باغلی قالدی حاتم‌‌ده گؤزوم قالیب‌دی او یَنبوع پاک زمزم‌ده ((یئتیشدی بیر یئره بی‌کسلیگیم بو عالَم‌ده)) ((غمین تَرَحّم ائدیب آخر اولدو باور دل)) گَل ای حکیم مُحَکّم اَیا طبیب لبیب مریض هجره طبابت قیل ای حبیب‌؛طبیب اولوبدو ذِکر مداوم بیزه؛حبیب‌؛حبیب سن ای انیس جهان قالما اؤز ائوین‌ده غریب غریب‌لر سنه قربان وصالین ائیله قریب آلیشدی خرمن جان شعله چکدی حَرّ لهیب ((زلال لعل لبین خضر خاله اولدو نصیب)) ((ولیک ظلمت زلفون چکیب سِکندر دل)) یئتیردی موشدولوغی پیک یار ماه جمال گؤروندو رؤیت فیض نماد استهلال اولوبدو صائمه افطار وقتی باده حلال عنایت ائیله اؤزون قالماسین کؤنولده ملال ئورک باغیندا سن اول باغبان کؤلگه‌نی سال اوچور سمای وصالین‌ده شاهباز وصال ((او شاهباز دالینجا اوچاردی کبک مثال)) ((ولیک سنگ جفاییله سیندی شهپر دل)) سوموک بوغازدا قالیب‌؛گؤزده خار؛ای سید گولر دوداغلاریمیز گلسه یار ای سید قارانلیق‌ ئوتسه یقین گون چیخار ای سید گونَش پاریلدایاجاق آشکار ای سید چاتار باشا بیلیرم انتظار ای سید «قیزیل‌قلم»کیمی لیل و نهار ای سید ((فراق یوسفه اولدون دچار ای«سیّد»)) ((گرک‌دی صبر ائده بو غم‌لره پیمبر دل)) چهارشنبه ۷ مهر ۱۴۰۰ ساعت ۲۲:۱۴ نوشته شده توسط یوسف اکبریشاعر: اکبر ستاری

سیّد ساجدینه باخ . . هدایتی تبریزی . . صورت دل نشینه باخ رحمت بی قرینه باخ دلبر مه جبینه باخ سیّد ساجدینه باخ . . نور دی اصل باطنی بنده اولانماز آی اونا ال اله وئرسه کهکشام اولمویاجاق دی تای اونا گوزل لیقی یغئب وئریب ذات الٰهی پای اونا احکم الحاکمینه باخ سیّد ساجدینه باخ . . آدی علی مقام علی سئیرت علی مرام علی هئیبت علی هِشام علی قعود علی قیام علی رأفت علی قوام علی منطق علی کلام علی سرور متّقینه باخ سیّد ساجدینه باخ . . مظهر ذات کبریا منبع بخشش و عطا عبد مطیع لم یزل ماٰخَلقُ الّهه رجا آب حیات دور ئوزی مایه ی پاکی و بقا سرور عالمینه باخ سیّد ساجدینه باخ . . شیر خدایه سؤگولو شیر بالاسی شیردی فاطمیه عزیز دل فاطمه خو دلیردی طینتی احمده چکیب عالمه دستگیردی محمّد امینه باخ سیّد ساجدینه باخ . . ذکر و دعا و ندبه سی گوی لره سالدی طنطنه درک ائلئیب دعاسنی گلدی ملک لر احسنه کیم اونا وصل ائدیب ئوزون یتدی مقام ایمنه حجّت چارمینه باخ سیّد ساجدینه باخ . . مائده ی بهشتی دور ولایت و محبّتی شهد و شراب و کوثر و شیر جنان مودّتی حتصل اولار رضای حق اولسا اونون رضایتی چشم و چراغ دینه باخ سیّد ساجدینه باخ . . حِلّ و حرم تانور اونو مکّه منانین اوغلودور مقدمین هر قدم ئوپر مروه صفانین اوغلودور زمزم و نور اونی تانئر غار حرانین اوغلودور یساره باخ ، یمینه باخ سیّد ساجدینه باخ . . شأن و شرف اونون کی دی سبقت آلیب خلیل دن هر نفسین ده ذکر ائدیب مکرمت جلیل دن حسن و جمالینی آلیب مرحمت جمیل دن اَرحمَ راحمینه باخ سیّد ساجدینه باخ . . شهد و شکر دوداقلاری سوزلری لؤلؤ و گهر لطفوله سالسا گر نظر مرده وجوه جان گلر تک باشا فوج دشمنه چیره اولار تاپار ظفر گوهر پر ثمینه باخ سیّد ساجدینه باخ . . معرفت اوندا ختم اولوب عشق ده سر دبیردی مکتب عشق اونون کی دی هادی و میر و پیردی ماٰملکین دلین بیلر ماٰملکه امیردی محفل عارفینه باخ سیّد ساجدینه باخ . . صبرینی گودو صبر ئوزو صبرینه دوشدو حیرته باشینه هر بلا گلیب آچمادی دیل شکایته عشق اولا بو ارادته عشق اولا بو فتوّته سوز دل حزینه باخ سیّد ساجدینه باخ . . صوم و صلٰوة و ذکرینه طاعتینه یئتشمز ال جاه و جلال و عزّت و رفعتینه یئتشمز ال سبقت آلیب خلیل دن خُلّتینه یئتشمز ال مکانه باخ مکینه باخ سیّد ساجدینه باخ . . چشم و چراغ عارفان نور خدای لم یزل ختم ائلین شرافتی طاهر و پاک و بی خلل ثبت ائلیب دی لوح ده آدینی منشی ازل گوگلره باخ ، زمینه باخ سیّد ساجدینه باخ . . خلق و خدایه واسطه حبل متین و رهنما مست شراب البلا والی کشور وِلا ذوق و صفایه بی محل عالم هستیه صفا زمره ی مسلمینه باخ سیّد ساجدینه باخ . . گوی ده ملک لر ایلین غبطه اوجا مقامنه حسرتیله قولاق وئرن ترنّم کلامنه زمزمه ی نیمه شب و صبح و نهار و شامنه عرش ده ساکنینه باخ سیّد ساجدینه باخ . . خطبه ی شام و کوفه سی گوسترن اقتدارینی شام دا یزیدین ایلین شام سیه نهارینی مدح ائلین آتاسنی ، جدّی نی ، ائل تبارینی مسجده ، ساکنینه باخ سیّد ساجدینه باخ . . منطقی ذوالفقاردن سبقت آلان علی دی بو جان یزیده شام ده رعشه سالان علی دی بو مظالمه صبور اولوب دؤزوب یانان علی دی بو عاشق دلغمینه باخ سیّد ساجدینه باخ . . (هدایتم) یانماقا وار علاقه کوز تاپانمیرام دایره ی وَلَه ده من یازماقا سوز تاپانمیرام یوخدو بصیرتیم نئدیم گورماقا گوز تاپانمیرام مرتبه ی یقینه باخ سیّد ساجدینه باخ . .

ولادت با سعادت حضرت زین العابدین امام سجاد علیه السلام . . #سبک_گل_من_چندین منشین غمگین (افتخاری) . . کربلایی رحیم شایان ارومیه . . مه شعباندی گوز ایشیقلاندی آچدی دیده زینت دین شهربانونین لبی خنداندی گتدی دنیایه عزیزین . غم اولوب برباد دل اولوبدور شاد گلدی روح و قلب حسین گوز آچوب سجاد ائلییب ایجاد عالملرده شوریله شین مددی مولا مددی مولا خوش گلدون یابن الزهرا ۲ . نوه حیدر گل پیغمبر ائتدی دنیانی مزین نه دل آرادی مه بطحادی ایلر عالملری روشن رخ زیباسین ائلیور تحسین جنتده حور و فرشته بو گل رعنا شب بطحانی دوندردی روزبهشته مه شعباندی گوز ایشیقلاندی آچدی دیده زینت دین شهربانونین لبی خنداندی گتدی دنیایه عزیزین . غم اولوب برباد دل اولوبدور شاد گلدی روح و قلب حسین گوز آچوب سجاد ائلییب ایجاد عالملرده شوریله شین مددی مولا مددی مولا خوش گلدون یابن الزهرا ۲ . نوه حیدر گل پیغمبر ائتدی دنیانی مزین نه دل آرادی مه بطحادی ایلر عالملری روشن رخ زیباسین ائلیور تحسین جنتده حور و فرشته بو گل رعنا شب بطحانی دوندردی روز بهشته مددی مولا مددی مولا خوش گلدون یابن الزهرا ۲ . . علی اوسط یارادوب بهجت شکر ایلیر حضرت ارباب تاپوب آرامش ائلییر کرنش ورد و ذکری یا وهاب یم ایماندی خود قرآندی نشر ایلر ذکر و دعانی بو گل رعنا ائلیر احیا جریان کرب و بلانی مددی مولا مددی مولا خوش گلدون یابن الزهرا ۲ . . بویورور زینب بو مه نخشب ایلر ئوز عمه لرین شاد ائده جاق بیرگون دل غربتده طوفانی خطبه سین ایراد بو بلند اختر اولاجاق سرور کل عباد جهانه ره قرآندا خط جاناندا شمس عرفان زمانه مددی مولا مددی مولا خوش گلدون یابن الزهرا ۲ . . آلوب آغوشه عموسی عباس ایلور ابراز محبت او یقین ایلوب اولاجاق بو طفل حتما خورشید هدایت لب فیاضه اولاجاق جاری عالی مضمونلی دعالر او دعالرلن ائده جاق شیعه هر دوران دفع بلالر مددی مولا مددی مولا خوش گلدون یابن الزهرا ۲ .. . #سجادیه #شایان_ارومیه #سجادیه_میلادیه

حوادث ماه شعبان المعظم گریز به شهادت حضرت علی اکبر (ع) . . . مرحوم احمد پورعطا ( خادم تبریزی ) . سعادته یتوشوب درک ایدن بوشعبانی بوآی کناره چکر غرق بحرعصیانی . تمام بنده لرین حالینه اولور شامل بو آیدا رحمت صنع فیوض رحمانی . عبارتینده رجوع ایله اهل فضله ولی حوادثاتنی من شرح ایدوم کماکانی . بوآی اوچونده که گلدی حسین دنیایه او لطفلن نجه مسرور قیلدی زهرانی . چهارمینده حسینه وروبدی بیرقارداش اونون وفاسیدی حیران قویان بوامکانی . امام چارم اولوب پنجم همین آیدا نشان ویرن بودی ایّوبه اوُل شکیبانی . بوآیدی نیمه ی شعبان که قدردور او گجه تاراقا آتماقا تحریف ایدوبله نادانی . همان گجه آنادان اولدی حضرت حجت که اختیار ایلدی بیر غیاب صغرانی . اون آلتیسیندا موظف اولوب امام مبین که اختیار ایلسین غیبتینده کبرانی . بوایل که سنّ شریفی مین اوتوز بیری قوتارور هنوز منتظروق گورمگه او مولانی . ایگیرمی یدّیده میرزا علیمحمد باب ویرن فنا یلینه اتّحاد ایرانی . نجفدن عودت ایدن ابن احمد شیراز حماقتیله بو بابیّته اولان بانی . کناز دالکولیکه هم جلیس و هم مسلک (1) یتوب جزاسنه تبریز یرینده اعلانی . حوادثاتی قوتولماز تمام شرح اولسون گیچوب مراممه ترک ایلورم او نقصانی . اوتوزاوچ قمری هجری اون بیر شعبان کتبده مژده دی تشویق ایدر جوانانی . پیمبرین اوزی گیتموشدی داردنیادن ولیک خلقه دیموشدی تمام قرآنی . اونون جمالنی خالق سووردی ایستمیوب که خلق گورمیه اصلا جمال طاهانی . دوباره خلق ایلدی بیر جوان شهزاده پیمبره او جوان بیر زجاج جسمانی . لیاقت آنالیق هرآنا دگل شایان خداسی گوردی برازنده ام لیلانی . تعارف اولدی اوبیر دسته گل که لیلایه اونون جمالی منور ایدوبدی بطحانی . اگرچه دایه بولردی اوزین اونا او خانم لیاقتیله تاپوبدی بو فیض عظمانی . اولارکه اولموشودی خدمت پیمبرده دییردیلر بو پیمبردی مصطفا جانی . گورن جمالنی پیغمبره دییوب صلوات که چولقاموشدی او سس عرش وفرش غبرانی . شعاعی دوتدی ایله یثربی او مولودین نجات بولدوله اسلامه بو قضایانی . یتوشدی بیرعربین سمعینه همین بو خبر زیارت عزم ایلدی گورسون اول دل آرانی . مشرّف اولدی امامین حضورینه او عرب ادبله عرض ایلدی دلده کی تمنانی . امام امر ایلدی گتدیلراو مولودی باخوب جمالینه اعرابی اولدی حیرانی . چخارتدی یاددان اوزون اوز اوتوردوقی یرده معاینه دییه سن گوردی ماه تابانی .امام بولدی عرب واله اولدی صورتینه طریق حکمتیلن دیندیریردی مهمانی . سوال ایدوب عربی مهربان دانوشدوردی اخ العرب سوؤسن بو شکفته رعنانی؟ . سنونده اولسا بونون مثلی گوررضا اولوسان جواب ویردی بو عمری اولنجه شکرانی . رضا اولورسان اونون خار ایاقنه باتسون عرب دایاندی دییوب بیر جواب شایانی . دیدی اوخار باتا دیدمه رضا اولام گورنمرم ایاقندا اونون او ایذانی . امام گوردی عرب عالم محبتده حقیقی ویردی جواب یوخ سوزونده کتمانی . پوزولدی حالی امامین عرب دیین سوزدن گوزونده درّ کیمی آخدی اشک نیسانی . بویوردی بس نه اولار گور اوگون منیم حالیم جوانلیقیندا بونی ئولدورلّه عطشانی . بلی او ساعت اونی سالدیلار عقاب اوستن دونوب خیامه چاقوردی امام تنهانی . امام گلماقنی رزمگاهه مخیمدن یازار عبارت مقتل چو شیرغرانی . قشون قییتدی اوغول صاحبین گوروب گلدی گورن اوصولتی قاچدی بوشاتدی میدانی . تاپاندا اوغلونا بیر آز قالوردی گورسندی قوری یر اوسته گورنده او ماه سیمانی . جوان اوغول ئولمی گورموین یقین بولمز نه نوع گلدی یتوردی او قانه غلطانی . بولنمورم نجه اندی او ذوالجناح اوستن سوروندی یا که ایدوب هروله او بیر آنی . قوجاقلادی بالانی کثرت محبتدن الولانوب جگری چکدی داد و افغانی . تعاقبنده گوروب ساکت اولمادی اورگی آلوب دیز اوسته باشین آخدی باشنون قانی . دوداقلاریندان علینون سیلردی تپراقی یارالاریندان آلاردی آتاردی پیکانی . دیسم که یغدی عبایه نفس گلوردی هنوز دیسم گوتوردی عدو دوغرامیشدی اعضانی . گتورماقین که یقین حمل ایدوبدی قتلایه نه طرزلن گتوروبدور نه اولدی امکانی . اگیلدی قویدی یوزون نوجوان اوغول یوزونه سالوب بو منظره چوخ اشتباهه اعدانی . خبر آپاردیلا سعداوغلونا حسین ئولدی توجه ایتمدی اصلا او مرتد و زانی . ولیک خیمده بیر حالنی بولن واریدی علاقه سی گتوروب قتلگاهه نالانی . علی دییردی او سس جلب ایدیب حسینی ولی گورنمدی خانیمیم زینب پریشانی . بوقدر چولقالیوب قویدی ذوالجناح اوسته سواراولوب اوزوده گور او شاه دورانی . نچه قدم که گلور سسلنور علی اکبر ویرور جوابنه لبیک او معرفت کانی . قوتولدی صبریم ایا شهریار تشنه جگر تاپولمادی بولوسن دردمین که درمانی

. سنی قسم ویریرم اوغلوون جوان جاننا نولور که لطف ایده سن بیر برات غفرانی . نولورکه (خادمونده) گوریدی او قبر ششگوشه دونردی دار فنادن او اکبرین جانی . (1) کناز دالکولیک یک افسر دوره دیده انگلیسی بوده که میرزا محمد علی باب را برای تفرقه افکنی دربین شیعیان تحریک کرد . . #ماه_شعبان #خادم_تبریزی #حسینیه_میلادیه #عباسیه_میلادیه #اکبریه_میلادیه #مهدیه_میلادیه #سجادیه_میلادیه #اکبریه

میلادیه امام سجاد (ع) . . . . حاج مجید امینی تبریزی . آمد به جهان قبله ی عبّاد امروز سلطان جهان سیّد سجّاد امروز . ای باد صبا رو به حسین مژده بده شادند بگو مثل تو افراد امروز . بر مادر وی بود هزاران احسن او فخر کنان چنین پسر زاد امروز . بشکفت گل معطّری غوغا کرد شد باغ جنان عالم ایجاد امروز . خورشید امامت است وی، شد طالع نامش علی و زینت زهّاد امروز . گویند ملائک به پیمبر تبریک خرسند بود رسول امجاد امروز . آنان که مدام بر حسین می گریند شادی بنمایند چه ایراد امروز . مستغرق بحر نور شد ارض و سما گشتند محبّان همه دلشاد امروز . بعد از پدرش محافظت از دین کرد شالوده ی دین از اوست آباد امروز . زنگار غمم زدوده شد از قلبم مرغ دلم از قفس شد آزاد امرو . اشعار امینی نبود گر قابل میخواست کند امام خود را یاد امروز . حیرانم از اینکه رفقا کو، چه شدند از دست فلک فسوس و فریاد امروز . استاد تو پرسند اگر کیست بگو روح القدس است بر من استاد امروز . عید است سلام و صلواتی بفرست بر خاتم انبیا و اولاد امروز . . #سجادیه_مجید_امینی #سجادیه_میلادیه #آمد_به_جهان_قبله_عباد_امروز #فارسی .

حاج اصغر فرشچی ( عدلی تبریزی) . #سبک_یخلوب_عباسیم . هدیۀ معبودیم ، مایۀ خوشنودیم دلده کی مقصودیم ، بالام یات لایلای آتان اولدی دلشاد ، گلدون ایون آباد دشمن ایوی برباد ، بالام یات لایلای علی لایلای لایلای لایلای بالام . . آتاویدیم همسر، اولدوم آخر مادر گلدون منه دلبر، ای تازه مولود سن ملک منظرسن ،اکبره بنزرسن بیر گل احمرسن ، کعبۀ مقصود قو جاقیمه آلارام ، بشگیوه سالارام لایلایوی چالارام ،هدِیۀ معبود یات بشگیده راحت ، سنده وارطراوت سنلندی امامت ، بالام یات لایلای علی لایلای لایلای لایلای بالام . . علی ماه تابان، شوق اوسته دی آنان رو کعبۀ جانان ، اوخوری قرآن اوخوری چمنده ، بلبللر گلشنده هم دشت و دمنده، سرود عرفان فوق هر انسانسان ، دلبر جانانسان معنی ایمانسان، ای مه رخشان عالمه ای سلطان ،عالم دین قرآن عابد حق سبحان ،علی یات لایلای علی لایلای لایلای لایلای بالام . . قرآنا پشتیبان ، الگوی هرانسان دشمن هر نادان ، خصم جهالت دین حقّه قائد ، خالقه دوز ساجد شایسته بیرعابد ، بحر صداقت زینت عابدان ، سیّد ساجدان استاد عارفان ، شمس هدایت عرصه ده دلاور، دنیایه بیر سرور امیر دین پرور، بالام یات لایلای علی لایلای لایلای لایلای بالام . . شمس و قمرعیان، بلبل خوش بیان بازوی پرتوان ، پهلوان گلدی حق ایدوب احسان ، خوش بو گل بستان نابغۀ زمان ، قهرمان گلدی قلبیده محبّت، صاحب دیانت ایلیین کرامت، دینه جان گلدی ای گل نوبریم ، اکبره بنزریم آغوشه زیوریم ، بالام یات لایلای علی لایلای لایلای لایلای بالام . . چون اولوب بهاران ، گویدن گلورباران عاشقلرون عطشان ، شادان اولوبلار گل آچوب گلخانه ، غم یمز ریحانه جاهل و فرزانه ، حیران اولوبلار آچولوب میخانه ، الده وار پیمانه عاقل ودیوانه ، مستان اولوبلار الله ایتسه نظر ، (عدلی) ایلر سفر مدینییه گلر بالام یات لایلای علی لایلای لایلای لایلای بالام . . #سجادیه_عدلی_تبریزی #سجادیه_میلادیه #هدیه_معبودیم_مایه_خوشنودیم #ترکی