نقدری یابن الحسن شیعه لر بلا گوره جک نقدر ظلمه دوزوب رنج و ابتلا گوره جک هاچان عدوّلرون قدرتی مهار اولاجاق لوای ظلم یاتوب عدل برقرار اولاجاق هاچان او حُسن رخون پرده دن کنار اولاجاق هاچان محب لرون دردینه دوا گوره جک نه وقتیده گوره سن یا بقیة الاخیار غلافدن چخاجاق ذوالفقار آتشبار نظام دین تاپاجاق روح نظم و استقرار جهان یوزونی جهان اهلی جانفزا گوره جک دولوبدی فسق و فسادیله عالم امکان بشره غالب اولوب ضعف مذهب و ایمان غریب عصریدی واغربتا دیور قرآن هاچان کتاب خدا حکمنی رسا گوره جک نه اهل ذکر و دعادن یتور قبول دعا نه صبر وار فقراده نه اغنیاده عطا نه مهرباندی بیوک لر نه وار کیچیک ده حیا نقدر خلق ئوزونی جهله مبتلا گوره جک وئروب تدیّن و تطهیره لطمه انسانلار خموش اولوبدی تعدّیله شمع وجدانلار فرنگ صورت اولوب صورتاً مسلمانلار یوبانسون عالم ئوزون مرکز جفا گوره جک ال آت قلنجووا ای دست انتقام خدا چاغور او اوچ یوز اون اوچ شخصی داده یا مولا سن انقلاب کبیر ائتمسون اگر بر پا مگر سفینۀ دین ساحل نجا گوره جک روا دگول ایله گوز یاشلی منتظر قالاسان گرک گلوب بو جهان ملکینه صدا سالاسان بنی امیه صفتلردن انتقام آلاسان سنون قدوموویله عالم اعتلا گوره جک مروحوم انور

دولدوروب دنیانی ظلمت یابن زهرا هارداسان ای امید شیعیان دلبند طاها هارداسان گل ظهور ایله اقا بسدی بو هجران خستیوخ ای اولان زینت فنا دنیایه مولا هارداسان جان عالم قربان اولسون اول هلالی قاشیوه قامتی عباس اقام تک سرو و رعنا هارداسان مظلومون اهی چاتوب عرشه اولوب هران ملر ظالمین نسلین کسن دنیاده اقا هارداسان روزگارین گردشی بعضیلرون قارون ائدوب سینه مظلومه قویدی چوخلاری پا هارداسان شیعیان حیدرون امیدی سن سن مهدیا اختارور زیبا جمالون خلق دنیا هارداسان سن ظهور ائتسن الارسان انتقامین محسنین شاد اولار اوندا علی اول شاه عقبا هارداسان تک سنون امیدیوه دنیاده"حیدر"زنده دی ای گزن صحرالری هر گونده تنها هارداسان ✍شعراز:حیدر صبور زرنقی

دوشوبدي اهل ولا چوخ فشاره يا مهـــدي ئوزون بو مشكله گل ائيله چاره يا مهـــــدي ولايت اهلنـه اي مايـة رجـا و اميـــــــد نــدورعلاج غـم انتظاره يا مهــــــــــدي اولوب محبّ لرين باغري قان فراقــــــوندا بو باغري قانلارا قيل بيرنظاره يا مهــــــدي نـوقته تک آتـاوين قاني بـس آلينميـاجـاق گلـه جاق اهـل ولا آه وزاره يا مهـــــــدي امان او وقتدن الـده بهانه بيعت اولـــــوب آچيلدي باب جسارت شراره يا مهـــــــدي خلاف آيـة « لاتـدخلـــــــوا بيوت نبـي» اوقـوم جاهل دل سنگ خاره يا مهــــــدي توکولدولـردر دولتـسراي مولايـــــــــــه نه شرم ائديب نه با خيب کردگاره يا مهدي وروبلا ظلميله اود باب مهبط وحيـه اوباب نـور، اولوب طعمه ناره يا مهـدي اوزي گليب قاپيا خيره النساء شايـد حيا ائديب گئده ثاني کناره يامهـدي ولي اوظالم بي شرم اوتـانمادي اصلا تهـاجم امرينـه ائتدي اشـاره يا مهـدي آچيلدي باب امامت توكولدولراشـرار او ، شوم ويردي جسارت شراره يا مهدي نجه دييم نه لراولدي نه حاله قالدي آنان دچار اولاندا ائله گير و داره يا مهــــدي نجه دييم نه جفالر او کين شعارائلدي نجه دييم آناوا ووردي ياره يا مهــــدي نجه دييم که علي قوللاريني باغلاديلار اوشهـره باخماديلار اعتبـاره يا مهـــدي نجه دييم نه جسارت اوگون منافقلر ائديبلـه حجّت پروردگـاره يا مهــــدي چکنده مسجده جبراًعليني اهل نفاق بتوله محشراولوب آشکاره يا مهــــدي دوروب اياقه حمايت ائـده ولايتـدن باخيب اوفرقة بي ننگ وعاره يا مهـدي بويوردي ال چکون اي اهل کين عم اوغلومدان وفـايـه سئيرائله ،بـاخ انتصاره يا مهدي دوتوبدي دامن مولاني قويمياگئتسين اشاره ايلـدي ثـاني دوبـاره يا مهــدي نه ظلـم ائديب آنــاوا قنفذجفـاگستر دينمـرم اونـي من آشکـاره يا مهــدي اوروضه ني گل ئوزون انتقام آلاندا اوخي خزان شيعه ني دؤندربهـاره يا مهــدي حزين گليب قاپوزا مين اميديله بولوسوز نه دردي وار سيزائدون لطف وچاره يامهـدي شعراز:حيدرخسرو شاهي (حــزين

آغلا یابن العسکری تا آغلاسون عالم بو آی واحسین دلده آنان زهرا دوتوب ماتم بو آی عالم امکاندا وار بو آیدا شور و انقلاب ایلیوبلر کوفیان افلاکیانی دل کباب گویلره قاره چکوبلر ساکنان نُه قُباب بحر غمده غرق اولوبدور عالم و آدم بو آی گلشن اسلامیده چوخ گول بو آی اوراق اولوب باغبانین طاقتی گول غصّه سیندن طاق اولوب باشینه چوخ پر شکسته بلبلین توپراق اولوب گوز یاشی چوخ گول یوز اوستونده دوزوب شبنم بو آی منزل ائتدی نینوا دشتین بو آی میر هدی گلدیلر شوره حجازیلر ، گویه چخدی نوا نی کیمی دولدی نوائیله دیار نینوا ابر غم یاغدیردی اول دشته ، غم اوستن غم بو آی سو یولین کسدی عدو باغلاندی آل اللهَه راه عرشه قوزاندی خواتینِ حرمدن دود و آه دودِ آهیله عذاره پرده چکدی مهر و ماه دوتدی جوّ بیکرانی پرده پرده چم بو آی سو یانیندا قول بوداقسیز یخدیلار قوم لئام بیر اوجا قامت یره ، سرو حسین عباس نام قان شفقده ماهِ آلِ هاشمی گورجک امام سسلدی اولدی بئلیم ای سرو قامت خم بو آی گوردی جدون بیر ایشه اقدام ائدوب بی دین یزید آز قالور آثار توحیدی ایتورسون اول پلید دوتدی بیر تصمیم قطعی سویلدی اوللام شهید قووزارام آل امیّه ضدّینه پرچم بو آی کاخ اسلامی یزید ایستور یخا بنیانیدن قالمیا نام و نشان اسلامیدن قرآنیدن منده سیراب ایلرم گلزار دینی قانیدن نقش آمال یزیدی ایلرم برهم بو آی زانیه هند اوغلی سست ایلوبدی دینین پایه سین من ولی ساللام بو دین اوسته حمایت سایه سین هم جدار دینون افزون ایلرم پیرایه سین قانیله هم پای بستین ایلرم محکم بو آی گوندروب پیغمبره قرآن خدای دادگر حفظینی تضمین ائدوب تا سودمند اولسون بشر جدّیمون زحمتلرین من قویمارام اولسون هدر محکماتین ایلرم قانیله مستحکم بو آی دینه قربان ایلرم آی پارچاسی بیر سود امر دوست و دشمن باشینی گوردوقجا آهو تک ملر باشی تشکیلاتیمه دنیا بوئی رونق وئرر ایلر اسلامه او باش بیر خدمت اعظم بو آی من اوزومده باش وئروب اسلامی قیلام سربلند ائتمرم بیعت یزیده دوغرانام گر بند بند بیعت اوسته سینه می مکسور ائدر سُمِّ سَمَند باشینه توپراق سَپَر پیغمبر خاتم بو آی ای «حسینی» جدّیوون ایام عاشوراسیدور ئولماقیندان مقصدی دین مبین احیاسیدور بو حسین ابن علی بیر نوکرین مولاسیدور نفسینی احکام اسلامه ائده مُلزَم بو آی شاعر:مرحوم سعدی زمان

قائم آلِ عباسن آقا قربانون اولوم چاره‌سیز ‌درده دواسن آقا قربانون اولوم صبح جُمعه نمازین هانسی مکاندا قیلوسان؟ ساکنِ هانسی سَراسن؟ آقا قربانون اولوم کربلانی گزوسن یا که بقیع زائریسن؟ هاردا مشغول بُکاسن؟ آقا قربانون اولوم سن‌ شب‌ِ جمعه‌نی آخر نجه صبح ایلیوسن؟ غملیسن، غرقِ نواسن آقا قربانون اولوم گون ‌چیخینجا یوخی‌ گَلمز نگران گوزلرووه صبحه‌جک، غرقِ دعاسن ‌آقا قربانون اولوم ای بیزیم‌ صاحبیمیز ، گَل ‌داخی‌ قان اولدی ‌اورَک عالَمه قبله نماسن آقا قربانون اولوم اِنس و جِنّ و ملکوتین گوزی یولّاردا قالوب منجیِ ارض و سما سن، آقا قربانون اولوم قاپوین سائلیدور ، پیر و جوان، شاه و گدا سن امیرالاُمَراسن، آقا قربانون اولوم کیم دوتا دامنووی صدقیله، تز مَطْلَب آلار هامی امراضه شفاسن آقا قربانون اولوم فیضِ اَکمَلدی آدون ، (فیضی) نه یازسون ، نه دئسون؟ شعریمه شور وصفاسن ، آقا قربانون اولوم شاعر:فیضی اردبیلی

ای غملی کونول غم یئمه جانان گَلَجاقدی درمانده لرین دردینه درمان گَلَجاقدی بیرگون اولا جاخ دلبرمین وصلی میسر گل صورتی چون مهر فروزان گلجاقدی گل عارضی گون تک ائده جاخ عالمی روشن اون دؤرت گئجه لیق آی کیمی تابان گلجاقدی همچون گُل جنت دوتاجاخ عالمی ،عطری گُللر گوزلی گُل کیمی خندان گلجاقدی دنیانی منور ایده جاخ نور جمالی رحمت گویونه ماه درخشان گلجاقدی آیدین سحری قورتارا جاخ ظلمت شبدن گون تک ایده جاخ عالمی رخشان گلجاقدی دیللر ایوینی طور تجلی ائده جاقدی عشقین ائوینه شمع شبستان گلجاقدی عالم اولاجاخ طور ، تجلای روخوندان دنیانی ائده روضه رضوان گلجاقدی نسیلن یئر اوزوندن کَسَجاخ ظلم و فسادین دنیانی ائده صحن گلستان گلجاقدی دلبند علی ، یوسف زهرا ، گل احمد سلطان همه عالم امکان گلجاقدی ای گوزلریم عاشق سن اگر،گورماقا یاری باخ یولارا بیر گون اوسلیمان گلجاقدی هر چند که هجران غمی مشگل اولی صبرا ئت بیر گون وئره جاخ بو غمه پایان گلجاقدی آز آه و فغان ائیله دئیون بلبل عشقه گُللر آچا جاخ فصل بهاران گلجاقدی جانا بو قدر ائتمه فغان دردین الیندن هر درده دوا ، الده او لقمان گلجاقدی غم ائیلمه چوخ گلماگلجاقدی ردی یقینیم چون وعده وئریب خالق سبحان ، گلجاقدی ایّوبه دی یون آغلاماسین ، موسم هجران باشه یتیشوب یوسف کنعان گلجاقدی ساقی دئنه هر مست می و باده عشقه جام الده شه باده پرستان گلجاقدی آز ائیله فغان « عدل جو » درد و غم الیندن درمانده لرین دردینه درمان گلجاقدی عدل جوی

احوالیمیز یاماندی یابن الحسن داریخدوخ گل هارداسان آماندی یابن الحسن داریخدوخ مولا بولودلارا تای گوزلر دولوبدی سنسیز بلبل گلوب فغانه بی تاب اولوبدی سنسیز یوخ رونقی بهارین گللر سولوبدی سنسیز گلزاریمیز خزاندی یابن الحسن داریخدوخ دنیا دئمه نه دنیا زندانیدن یورولدوخ گلدوخ جانا فشار دورانیدن یورولدوخ گوز تیکموشوق وصاله هجرانیدن یورولدوخ دای صبریمیز تالاندی یابن الحسن داریخدوخ احباب اهل بیتین سنسن گوزل حبیبی ای کاش وصلون اولسون عاشقلرین نصیبی یوخدور بو اهل دردین سندن صورا طبیبی چوخ دردیمیز نهاندی یابن الحسن داریخدوخ عشق اهلی سیل اشکی رخساره باغلیاللار آهیله فرقتونده چوخ سینه داغلیاللار جمعه غروب اولاندا حسرتله آغلیاللار گوز یاشیمیز رواندی یابن الحسن داریخدوخ نار فراقی سوندور ای شیعه نین نگاری یاندیرما بوندان آرتیق عشّاق بی قراری زهرایه آند وئرّوق قورتار بو انتظاری هجران غمی گراندی یابن الحسن داریخدوخ ماه محرّم اولدی گَلدی حسین عزاسی صاحب عزا ئوزونسن ای مجلسین صفاسی قاره گینلر اولسون گوز یاشیوین فداسی جانلار غمونده یاندی یابن الحسن داریخدوخ دوزدی امام عصره چوخلار اولوبدی عاشق عاشق ولی اودورکی اولسون ظهوره لایق سنده هانی لیاقت بسدور دانیشما «ص آدمادق» عشق اهلی باغریقاندی یابن الحسن داریخدوخ جعفرصادقی مراغه ای

ای جمالیندان خجل شمس و قمر یابن الحسن گل ئوزون قیل شیعیانی مفتخر یابن الحسن ای یگانه منجی اهل ولایت ، هارداسان گل که ظالملر تاپوب دنیاده فرصت هارداسان صورتون مستور ائدوبدی ابر غیبت هارداسان انتظاروندور سنون نسل بشر یابن الحسن ای ولی الله اعظم حجت اثنی عشر بو زماندا ای ولی نعمت نسل بشر اولماسون سن یر ئوز اهلین کامینه فوراًچکر قالماز اصلا اجتماده بیر نفر یابن الحسن ای امام مقتدا ای اهل دینین رهبری بیر نگاهیله ئوزون شاد ائیله سینمیش دیللری چک نیامیندان کناره ذوالفقاری حیدری قوی ائده ظالملر احساس خطر یابن الحسن ایسته تعجیل ظهور اولسون ظهوروندا سنون بذل ائده عاشقلرون تا جان حضوروندا سنون واردی خضرونده گوزی آب طهوروندا سنون گرچه تاپدی آب حیوان مختصر یابن الحسن ابر غیبتدن اماندور چیخ ایا صاحب زمان نوروی سال تا بساطین جمع ائده طغیان گران عالم اسلامیده سنسیز گروه ناکسان خود سرانه ایلور اظهار یابن الحسن کعبه دن اجلالیه قوزا حقیقت پرچمین احتزاز اوسته گتور هر دم ولایت پرچمین دهریده سرکوب ائله ظلم و ظلالت پرچمین کاخ استبدادی قیل زیر و زبر یابن الحسن یوسف صدیق سن مرضیّه نون دلبندی سن یاور قرآن دیی ین قرآنه سن پابندسن سن حسین ابن علینون شیر دل فرزندیسن شیر گیر و شیر زاد و شیر نر یابن الحسن قاف دین عنقاسیسان ای خسرو عرش آشیان سایه الطافوه سایه نشین اولموش جهان صبح وصله شام هجرانی یتور ای دلستان ایلوب احبابی فرقون خونجگر یابن الحسن گل اوزون بنیان گذار اول معدلت دیوانینه دادخواه اول سیدی جدون حسینین قانینه گل نزول ائیله دوشوب اود اهل دیننون جانینه چوخلاری پولدان اوتور دیندن گیچر یابن الحسن اهل بدعت عرصه نی اهل ولایه تنگ ائدور بعضی لر تقلید گونده غریبدن فرهنگ ائدور آدلارین مومن قویانلار مسلمینّن جنگ ائدور بو، دورو، اشخاصیلردن، الحذر یابن الحسن سن ، گلستان محبتده ،گل شاداب سن عشق مولکونده بو گون عاشقلره ارباب سن آسمان معرفتده جلوه لی مهتاب سن ای جمالی شمسه کاخ هنر یابن الحسن سیدی گستردی الله عالمه لمعاتوی تا گوره یول گوزلینلر جلوه لی مرآتوی قور جهان پرفتنده عدل تشکیلاتوی تا ولایت اهلی آچسین بال پر یابن الحسن گل اوزون ترویج ویر اصل اصول مذهبه کربلا دردی سالوبدور دللری تاب تبه هامودان چوخ سن ایدرسن ناله عمون زینبه عموه خاطر بو جمعه قیل نظر یابن الحسن یابن زهرا ای حقیقت عالمینه مقتدا قیل ظهورونده شتاب ای رهبر دردآشنا گسمه لطفون ایت کرم “افکاری” بی دست و پا کربلایه با غلاسین بار سفر یابن الحسن افکاری سردرودی

اَیا صـاحب زمان یا حُجّةالله اورکلر اولدی قان یا حُجّةالله رکابه قوی قدم چک ذوالفقاری ظهـور ایـت الأمان یا حُجّةالله دوتوبـدور ظلمـت غم ماسوانی جمالـون ویر نشـان یا حُجّةالله زمان غیبتون چوخ طول چکدی بو طولـه یـوخ تـوان یا حُجّةالله حسینون قویما قالسون قانی یرده اوقانـی یــوخ آلان یـا حُجّةالله گتـوردی کوفیـان کرب و بلایه حسینـی میهمــان یـا حُجّةالله یوزینــه باغــلادی راه فــراتی او چولـده کوفیـان یـا حُجّةالله فرآت آخدی چوله ویردی سوسوز جان نچـه پیــر و جــوان یـا حُجّةالله مگــر مهریّــۀ زهــرا دگلــدی همــان آب روان یــا حُجّــةالله امامـون اللــری اوستنـده اصغـر ویروردی تشنه جان یا حُجّـةالله سولی پیکانیله گویا سـو ویـردی او طفلـه شامیـان یــا حُجّـةالله دگوب اوچ شعبه اوخ بچدی بوغازین روانـه اولـدی قـان یــا حُجّةالله او قانی اَخذ ایدوب سپدی سَمایه او شـاه بیکســان بــا حُجّةالله ایدوب اکبر غمی لیلانی مجنون قویـوب بی خانمـان یا حُجّةالله دوتوبلار قاسمه بر طوی او چولده عـروس ایلـر فغـان یا حُجّةالله گوروبدور کیم جهاندا بر بیله طوی بیلـه دامــاد اولان یــا حُجّةالله ابوالفضلون دوشوب قوللاری اولدی حسیـن قـدّی کمـان یا حُجّةالله اواللــر دوشمسیــدی ایلمـزدی جســارت ساربــان یا حُجّةالله اولوبـدور جدّیـون بـو ماجراسی سنـه خیلـی گـران یـا حُجّةالله او سـاعت که خیامـه ذوالجناحی گلوب شیهه کنـان یـا حُجّةالله او صحرای بلاده ویردی جدّون غریبــه امتحــان یـا حُجّةالله ویروبدور شمره باش اَل ساربانه ایدوب عشقین عیان یا حُجّةالله «شهاب» ایسته فَرَج هر دم بو اسمی ایلـه ورد زبــان یــا حُجّـةالله شعر ازمرحوم شهاب تبریزی

گئجه گوندوز حسینه حضرت صاحب زمان آغلار بو نوعیله ائدر ندبه، گلر فریاده قان آغلار فلک تاخیره سالدی اولمادیم دنیاده یا جدّا گلئیدیم تک قالان وقته، سنه امداده یا جدّا. کئچیدیم شوقیله باشدان، ائدیدیم جانیمی قربان جهاد ائیلوب باتیدیم قانیمه دعواده یا جدّا دیار کربلاده اولمادیم بو فیضه من نایل اونا قیلام عوض، گَلّم اؤلنجه داده یا جدّا او وقته خیمه‌گاهه ذوالجناهون یوز قویوب نالان عیالون خیمه‌دن چیخدی همان اثناده یا جدا «حسینی» یا حسین! دلتنگ اولوب طعن و شماتتدن اماندور قیل توجه، وئر صله دنیاده یا جدّا مرحوم حسینی (سعدی زمان)

اي امام منتظر مرآت يزدان السلام گل ئوزون ائيله بودنياني چراغان السلام السلام اي مهدي صـاحـب زمان السلام اي جـدينون قانيـن آلان سن او وجه الله باقي سن که اي شاه غيور طلعت حسنوندن ائيلر ماه و انجم کسب نور آتش هجرونده ياندوخ ائيله تعجيل ظهور ابرغيبتـده قالان اي مـاه تا بان السلام يئر يوزون دولدوردي جور و ظلم ياصاحب زمان گلستان دينه هر دمده اَسور باد خزان کسمه لطفون گُل لروندن اي وفالي باغبان قيل نظر گلـزار دينه اولدي خندان السلام غيبتون طول اولدي اي شمس هدي والا مقام مدّت عمرون اولوب مين يوز اوتوز بير ايل تمام شيعه لردائم فراقوندا سيزيلدار صبح و شام اي وجودي پيـکر قرآن ايچون جان السلام کشتي دينه ازلدن سنسن آخر ناخدا دم بدم موجه گلور دريا کيمي بحر بلا کشتي دين آزقالور غرق اولسون اي شمس هدا السلام اي ناجي کشتـي قرآن السلام انتظار مقدمونله اولدي بو ديللرکباب هانسي ساعتدور اولا بوقانلي ديللر کا مياب قيل ظهور اي چرخ دينه بير ايشقلي آفتاب اي جمالين روحبخش مهر رخشان السلام اسم پاکي حجّت حق مهدي قائم لقب آغليان جدي حسينون ماتمين ده روز و شب قويما جدّون قاني قالسون يئرده اي والانسب السلام اي منتقم وي صاحب قان السلام ايليوب ايما (اشاره) بومعنايه خداي لاينام هرکسي مظلوم اُله آلسين وليسي انتقام يئرده قالسين تابکي خون امام مستظام اي ايدن عدليله بوعالمده ديوان السلام ظلم دشت کربلادن اي اولان خونين جگر روز شب غمدن توکن گُل عارضه اشک بصر قيل ظهورون اي وليّ حق امام منتظر وي ظهوري شيعيانه لطف شايان السلام حاج جواد آدلو بوشعره باني اولدي مدحيا قسمتي اولسـا سنيله گـرديـار کربـلا اوردا بئيله ذکر ائله اولسون سنيله همصدا عرض ائله ياحجت الله شاه عطشان السلام (((شعر از : حاج ميرزا حيدر مدحي)))

ديده بريز اشك غم بهرعزاى حسين فاطمه نوحه سرا گشته براى حسين به هركجائى عزا شود برايش بپا بال ملايك شود فرش عزاى حسين آتش غم شعله ور مراشود از جگر ياد كنم هركجا زنينواى حسين ناله كنم هاى هاى گريه كنم زارزار بربدن بى سرو بر شهداى حسين ختم رسول مبين گفت به صوت حزين اى پدر و مادرم باد فداى حسين