♠️♣️♠️♣️♠️♣️♠️♣️ «قبله ی جان» ... حاج داود بیدق داری ( داور ) ای حَرمی قبله ی جان یاحسین عالمی حیرتده قویان یاحسین سن کیمی گوهر،صدفِ عشقیده بیرده گورنمز بوزمان یاحسین خلقته باعثدی سنون خلقتون لطفووه مدیوندی جهان یاحسین سنکیمی گورمز بشریّت گوزی هو چاغیروب قانه باتان یاحسین آلسا سنون عطریووی هرکیم داخی ایستمزعالمده جِنان یاحسین ایللر اولار آغلیارام من سنه گوزده واریم اشک روان یاحسین چوخلاری گیزلینده دئیردردینی یوزده ولی ائتمزعیان یاحسین سن ولی آگهسن ئوزون هرنَدَن یوخدی سنه سِرّ نهان یاحسین منده امیدیله سنی سسلورم سنسن امید دوجهان یاحسین هریارانان ئولملیدور بیرزمان یوخدی بو دنیاده قالان یاحسین قبریمون اوّل گجه سی لطف ائله داده گَل ای راحتِ جان یاحسین وار بو امیدیم که قیامت گونی نوکریووه سن باخاسان یاحسین __________________ ♠️♣️♠️♣️♣️♣️♣️♣️

🏴🖤🏴🖤🏴🖤 بیر گون عالملری آیینه نور ایلر آقا الده برنامه سی اعلان حضور ایلر آقا غیبدن ظاهر اولار جامه عدل اگنینده مسند حقده دوروب رفع امور ایلر آقا یارو انصاری رکابینده گزر یئر یوزونی دولانوب عالمی هر ملکه عبور ایلر آقا هر یئره گئتسه بیر عده چاغورار یا مهدی باخوب انصارینه احساس غرور ایلر آقا  ظالمه وئرمز امان فاسدی رسوا ائلییر چشمه فسق و فساد و شری کور ایلر آقا سالار اوت بار دگر نسل ابوسفیانه فتنه برنامه لرین زنده به گور ایلر آقا دولانار حال مکدرله بلا چوللرینی کربلا واقعه سین بیرده مرور ایلر آقا جدینون ماتمینه گؤزدن اولار اشکی روان ئورگین غصه لره سنگ صبور ایلر آقا فاطمه قبری نه مدتدی نهاندور ! آقامیز گلسه بیر بیر آییروب فک قبور ایلر آقا جمعه لر مهدیه مختص دی زهرا بالاسین گؤز گورنمز ولی دللّرده ظهور ایلر آقا عشقوی ذره کم ائتمه آقاما منتظر اول اولماسا عشق مگر ذهنه خطور ایلر آقا ابوالفضل معروفان #امام_زمان عج🌹 ____________ 🏴🖤🏴🖤🏴🖤

🖤🏴🖤🏴🖤🏴🖤 شعر جدید_امام زمان(عج)_تقدیم به منتظران حضرت ____ برج شرفه شمس درخشنده دی مهدی ظلمتده یوخوم شک،مه تابنده دی مهدی غایبدی ولی،حاضر ارزنده دی مهدی ای منکر مهدی گوزون آچ زنده دی مهدی __ یول گوزلورم هر جمعه گونی یوم ظهوری سیندیرمیشام ایللردی وجودیمده غروری بلکه متبلور ائده قلبیمده حضوری ساقی گله تعارف ائلییه جام طهوری مست اولماقیمون ساغریده سنده دی مهدی ای منکر مهدی گوزون آچ زنده دی مهدی ___ بیر قطره ی ناچیزم حسابه گله بیلمم چوخ لطف ائلیوب حق منه قدرین هله بیلمم نه شیخم و نه مجتهدم مسئله بیلمم بو مسئله حل اولماسا من دینجله بیلمم هانسی وطن و کوچه و برزنده دی مهدی؟ ای منکر مهدی گوزون آچ زنده دی مهدی ____ گلسه،شهدا حقینی تنویر ائده جاقدی قانونی دوباره بیزه تحریر ائده جاقدی حق محکمه سین،عدلیله تفسیر ائده جاقدی کیم عاشق وارسته دی تقدیر ائده جاقدی تا روز جزا قلعه ی ایمنده دی مهدی ای منکر مهدی گوزون آچ زنده دی مهدی ____ بو عسکرینون اوغلودی نور ازلییدی آوازه سی عاشقلره بین المللیدی خلقه ایکی دنیاده اون ایکیمجی ولیدی غیرتده ابوالفضلیدی هیبتده علیدی اوصاف خداونده برازنده دی مهدی ای منکر مهدی گوزون آچ زنده دی مهدی(بهلول حبیبی زنجانی) ادامه دارد.... ___ #امام_زمان عج ____________ 🖤🏴🖤🏴🖤🏴

#شروع_محرم مرحوم خوندل 🌴ماه ماتم🌴 . گورسندی غم هلالی ماه محرّم اولدی ای شیعه گل فغانه ایّام ماتم اولدی . . شیعه گرک بو آیدا گلسون فغانه هر دم قیلسون انین و ناله اولسون غمیله همدم توکسون سرشک محنت دوتسون حسینه ماتم چون اول شهین جلالی بو آیدا برهم اولدی . . عالم اولوب سراسر بیت الحزن بو آیدا آفاقی دولدوروبدور درد و محن بو آیدا قانیاش توکر عذاره هر مرد و زن بو آیدا باشلاندی وقت محنت چون موقع غم اولدی . . اولدی مه مصیبت دولدوردی غم جهانی گل داده آغلا شیعه گلدی عزا زمانی بو آیدا درد و محنت آغلاتدی ماسِوانی گویا تمام گوزلر بو آیدا پرنم اولدی... 🌴🌴🌴🌴🌴🌴

کربلا آچ سینووی لب تشنه قربانلارگلور یثربی ترك ایلیوبدورغملی مهمانلارگلور آز قالور تیره ترابون کیمیا اولسون سنون آز قالور عطر گُل یاسیله دولسون گلشنون لاله لر آز قالدی گل لنسونله، سولسون سوسنون چون سنه مهمان اولا سرو گلستانلارگلور شه سنی ایلر مکان یتمیش ایکی قربانیله تپراقونداگُل بیتر سیراب اولارسان قانیله عالمه مشهور اولارسان سن قزیل ایوانیله اول پذیرا بانیان طاق وایوانلارگلور چارسوق مصر عشق ایلر سنی سلطان دین بو مکاندا گل ساتار شاه گلستان آفرین مشتری دور گللره البته رب العالمین ظاهراًجانلار ولی باطنده جانانلارگلور سنده بر پا ایلیور پیر مغان بیر میکده باده عشقی ایچوب مستان اولارلار می زده مست اولاربیرآندا گل ده باغباندا غنچه ده پیر اولا حتّی سنه طفل دبستانلارگلور آز قالور سنده قیامت باشلانا قانلارداشا آز قالور تأثیر ائده بوردا نوالر داغ داشا هر آنااوغلیلا، هر باجی قوشولموش قارداشا مو پریشان دیده گریانلار، پریشانلارگلور آز قالور گون سنده تاپسون بیرجه حال اغتراب آز قالور محنت لروندن ثبت اولونسون مین کتاب شمره آز قالدی اسیر اولسون حریم بو تراب دام غمده ال ایاق چالماقه جیرانلارگلور سن منای عاشقان بی ریا سن کربلا یعنی قربانگاه ائدرتپراقووی میر هدی واردور علّت شیعه لر قاره گیوب ایلر نوا جوشه عاشورا گونی رگلرده کی قانلارگلور سنده نوحه نوح ائدریاندیم بالا طاهادیر باش آچار یعنی حسینیم وای خانم زهرا دیر تلّون اوسته قارداشیم وای زینب علیا دیر نینواایلر نوا عرش اوستن افغانلارگلور سنده لیلانون جوانی قانینه غلطان اولار سنده بیر نو کدخدا ئوز دینینه قربان اولار سنده باشسیزدینه قربان شاه مظلومان اولار سنده باشه ظهر عاشورا ده پیمانلارگلور کربلا بیر گون اولار بو تپراقون خاك شفا دردینه هر چاره سیز شیعه آلارسندن دوا هی دیرعاشقلرون آی کربلا آی کربلا تا سنی قیلسون زیارت دیده گریانلار گلور 🌹استاد تقائی اردبیلی🌹 🌴🌴🌴🌴🌴🌴🌴🌴 #شروع_محرم

ورود ماه محرم ابوالفضل عباسی معروفان اهری سبک: اصغریم ای شیرین زبانیم ___ هارداسان فاطمه بالاسی باشلانور جدوون عزاسی چکدیلر قاره عرشه دوتدی عالمی یا حسین صداسی داده گل-میر و مقتدا سن سن آقا یاسه گل-صاحب عزا سن سن آقا اباصالح اباصالح _____ شیعه بو غمده سینه داغلار عشقیلن باشه قاره باغلار قاره کوینک گینلر آقا جدوون ماتمینده آغلار هارداسان-غم نواسی دیللرده قالوب گل آقا-اصغرین قانی ییرده قالوب اباصالح اباصالح __ دیللره زمزمه سالان گل شیعه نین فکرینه قالان گل پرده غیبیدن کنار اول ای حسین قانینی آلان گل لطف ایله-آل اله سنق قلبیمیزی گلمه سن_کیم بیلر بیزیم دردیمیزی اباصالح اباصالح 🌴🌴🌴🌴🌴🌴🌴

‍ بحر طویل در آرزوی کربلا وئروک آنان فاطمیه بیز قسم قیل نظر عاشقلریوه یا حسین قویما قالاخ قبریوه حسرت بو ایل ایسته بیزی محضریوه یا حسین یاده دوشر چون او ضریح طلا پُر جلا ، مُشک سا نی کیمی دلدن ائدروک بیز نوا بَر ملا ، ایلروک حقدن دعا ائتسون او قبری بیزه قسمت خدا اخذ ائلیک خاک دروندن شفا تربت پاکون ائلیک طوطیا جاری ائدک شوقیله صبح و مسا ، دُرج بصردن گُهرِ پر بها اوُل حرمِ اَطهریوه یا دوشر بلبل خونین پرون ، نوبرون ، سینَوون اوستونده علی اصغرون مرهمِ زخمِ دلِ غم پرورون زیر قدومونده ملک منظرون ماه لقا ، زهره جبین ، اکبرون صبح حیاتونده ، ایشیق اخترون شبه نبی ، مظهر پیغمبرون گول کیمی صد پاره او گول پیکرون ایسته حضورونده بو عاشقلرون دوتسون عزا اکبریوه یا حسین بخشش و جودون سالوب آفاقه سس قیلّوق او شش گوشه مزاره هوس گوز یاشیمیز یوزده چو رودِ ارس ناله و افغان ائدروک چون جَرَس سنسن او کس نورِ رُخوندن ز بس طوریده موسایه گوروندی قَبَس (1) حیف بو شأنیله سنون ، خار و خس اولدی کفن پیکریوه یا حسین عاشقوک عبّاسِ وفاداریوه یاریوه ، غم گونی غمخواریوه یار و مددکاریوه ، محرم اسراریوه منشی و مصطوفی درباریوه شیر ژیان ، ضیغم قهّاریوه خصم شکن یاریوه سرداریوه بحر سخا گوهر شهواریوه عجز ائدروک خالق غفّاریوه لطف ائله سون جمله عزاداریوه زائر اولاخ یاروریوه یا حسین ــــــــــــ (1) قَبَس = شعله - پاره آتش ✍مرحوم ناصراردبیلی 🌴🌴🌴🌴🌴🌴

آغاز محرم🌷 ▪️️▪️▪️▪️▪️ گئنه بزم ماتم قورولدی یا زهرا حسینه عاشقلر پریشان آغلار قره پرچم یاده سالار پرچمداری وفالی سقایه ئورک قان آغلار نقدر وار شیعه حسینه نوکردی فدای اکبردی ئوز عشقین ساتماز آقامیز مولادی سخاسی دریادی غلام دربارین گؤزوندن آتماز قالاجاق دیللرده حسین آدی والله حسیندور حبل الله ابا عبدالله قره پرچم حقدی صفالی بیرقدی قسم پرچمداره بو پرچم یاتماز علم ثارالله لوای عزتدی وقار و شوکتدی قسم طاهایه بو قرا کوینکلر نشان غیرتدی جواز جنتدی قسم مولایه کیم عزاده آغلار قرا باشه باغلار حسینه یاس ساخلار جهنم گؤرمز دوتاجاق مولاسی او احسان دریاسی الیندن محشرده قسم زهرایه ای حسینه عاشق ئوز عشقینده صادق گل اول شاهه لایق باشیندا قاره گل اگر دردون وار دئنن یا ثار الله جواب ائتمز والله تاپاریان چاره یئتیشوب ماه غم گیوب قاره عالم اسور قانلی پرچم محافللرده یوزه اشکین جاری ایله گؤزدن باری دوادی گؤزیاشی دل بیماره گلور عطر یاس و هوای احساس و لوای عباس و صدای زهرا اوجالور هر یئردن صفا و زمزمدن کنار علقمدن نوای زهرا دیور هر دم ایوای اوجا بوی اوغلوم وای علمداریم لایلای دوشوب قوللارین ئوپوب آلنون پیکان سنه جانیم قربان وئرر اجرین والله خدای زهرا #استادمعروفان اهری #ورود_به_محرم 🌴🌴🌴🌴🌴🌴🌴

ورود به ماه محرم مرحوم حسینی سعدی زمان ماه محرّم اولدی عالم سراسر آغلار مظلوم اُلن حسینه جدّی پیمبر آغلار گلزار دین اسلام اولدی خزان بو آیدا آغلار اودور سراسر اسلامیان بو آیدا آچسا شکوفه گولسه هر گلستان بو آیدا دنیا بویونجا جور خاریله گل لر آغلار بو آی خزان اولوبدور دشت بلاده بیر گل آغلار گله باخاندا صحن چمنده بلبل گل یوزلی اکبر اُلدی، نه گل داخی نه سنبل شبنمدی اشک بلبل گلشن سراسر آغلار بو آیدا یاسه باتدی افلاک و مهر و ماهی دشت عراقی ایتدی منزل حجاز شاهی جور مخالفیله گیتدی جلال و جاهی تا وار جهان، بو آیدا گویده ملک لر آغلار قاسم بویاندی قانه، عونیله جعفر اُلدی آئینه ی پیمبر شهزاده اکبر اُلدی لیلانی ایتدی مجنون اول ماه منظر اُلدی وار ایمدیده گمانیم لیلانی مضطر آغلار شیر خدایه وارث عبّاس سرو قامت بو آی بلا چولینده گوستردی بیر شجاعت گورمز اونون نظیرین بیر کیمسه تا قیامت صد حیف الی کسیلدی، بو غمده حیدر آغلار بیر قانلی پرچمیله بیر اوخلانان سو مشکی بیر خدمت ایتدی دینه ادیانین اولدی رشکی قانیله قاتدی سقّا آغلار گوزیله اشکی امّ البنین اوغول وای جنّتده سسلر آغلار بیر سودامر بو آیدا قالدی ز بسکه عطشان پستان یرینه اَمدی ظلمیله نوک پیکان عرض ایلسم سزادور آغلار گوریله هر آن لایلای دیر بالایه بیچاره مادر آغلار بیر عدّه دینه یاغی آدین قویان مسلمان دشت بلاده ایتدی جور و جفاده طغیان قرآن ناطق اوغلون اُلدوردولر لب عطشان قرآنیان حسین وای دللرده ازبر آغلار بو سهلدور که اعدا باغلوب ره فراتی یاندوردی اهل کوفه خرگاه طاهراتی قالدی یانار اود ایچره پیغمبرین بناتی بو ظلمی یاد ایدنده زهرای اطهر آغلار عصرین امامی گلموب تا آلمیوب بو قانی بو محنت آغلادور قان سکّان آسمانی بسدور دایان «حسینی» قورتار بو ماجرانی خامه یانار سیزیلدار، یازدوقجا دفتر آغلار مرحوم استاد سعدی زمان #شروع_محرم 🌴🌴🌴🌴🌴

ورود ماه محرم کربلایی ایوب روزبه بخشایش سبک 👇 ایران اگر دل تورا شکستن آقام گینه یتیشدی ماه ماتم قرا گیوب تمام عالم گوزل آدون ایدوبله ازبر حسین حسین دیوله باهم ای دل بو آیدا یاندی قلب زهرا دردانه رسول طاها حسین بالاسینون عزاسی شوریله چون اولوبدی برپا آقام سنون غمونده عالم آغلار نوحه دیردمادم آغلار باشداقرادیلده حسین وای جدون رسول اکرم آغلار سنون آدون نه باصفادی ئورکدن ایسترم بوآدی گل دردیمه ئوزون دواقیل زیباآدون درده دوادی آقا سن آیت ونورخداسن سراج پرنورخداسن نورون ایدوب دنیانی روشن سن شیعیه میرهداسن ای دل بو آیدا فاطمه بالاسی کرب و بلا اولوب مناسی دوغراندی اکبریله اصغر قانیله دولدی کربلاسی آقام سن اصغرین غمینده یاندون اصغرده یاندی سنده یاندون اصغر عطشدن سن ئورکدن پیکانیله قانه بویاندون آقام اکبر غمی سنی اوجاتدی اصغر سنون سینونده یاتدی سنی آقا کرب و بلاده عباسین ئولماقی قوجاتدی اسنده دسته لرده پرچم یاده دوشور فرات و علقم یاد ایلرم سقا دینده اول پاره مشکی من مجسم آقام دردی اولان گلر بو بابه دردین دیر خانم ربابه باب الحوائج اصغر اوغلی تز چاتدیرار اونی جوابه عشقون ایدوب بیزی دیوانه سن شمعیسن بیزده پروانه بو اون گونی عزیز زهرا دردیله گلدیم آستانه #شروع_محرم 🌴🌴🌴🌴🌴

#نوحه_شاه‌حسن‌گویان اول محرم گينه چاتدي ماه محرمون اثر ائتدي ديل لره ماتمون هامي يا حسين ديوب آغليور وورولوبدي هر يانا پرچمون یارالی حسین _ یارالی حسین __________________ حرمونده واردي گوزوم حسين سنه چوخدي غملي سوزوم حسين اولالار فدا بالالاريوه هم آتام ؛ آنام هم ئوزوم حسين اورگيم قوشي حرمونده دي هامونون گوزي كرمونده دي بوتون انبيا بوتون اوليا هامي سايه علمونده دي سنيله اَجين دي سرشتيميز اودي غم دي دير و كنشتيميز آقا جان او مكه ني نيلوروخ حرموندي باغ بهشتيميز #اثرپریشان ___________________ #امام_حسین ع🌹 #شروع_محرم 🌴🌴🌴🌴🌴🌴

نوحه طشت گذاری اثرشاعر(شاکر) تهران 🍂🍂🍂🍂 قاره گیئوب پیروجوان یارسول الله یارسول الله طشته باخوب ایلرفغان یارسول الله یارسول الله 🍂🍂🍂🍂 قانه باتوب داغلی اورک دیده لر آغلار دیده لرآغلار رخسارینه اهل عزاگوزیاشین باغلارگوز یاشین باغلار زهرا اطهر وای دیئوب دللری داغلار دللری داغلار عباس اولوب وردزبان یارسول الله یا رسول الله 🍂🍂🍂🍂 دونموش ایکی گوزکاسه سی لاله تک قانه لاله تک قانه محزون اورک لرتوش اولوب دردوهجرانه دردوهجرانه دللر فغا نی اوج ایدر قلب کیوانه قلب کیوانه اشگ بصراولموش روان یا رسول الله یارسول الله 🍂🍂🍂🍂 لرزه دوشوبدور عالمه سیدی مولا سیدی مولا محزوندی قلب فاطمه سیدی مولا سیدی مولا گل سنده بزم ماتمه سیدی مولا سیدی مولا افغانه گلیمش عاشقان یارسول الله یا رسول الله #طشت_گزاری #سینه_زن 🌴🌴🌴🌴🌴🌴