مژده اردبیلی . . الهی رحم ایله حیدره دلبریم جوان ئولدی یاوریم جوان ئولدی . شرار محنتدن همسریم یاوریم جوان ئولدی دلبریم جوان اولدی . . . . قرا گونه قویدی حیدری نوجوان ئولن زهرا باغریقان ئولن زهرا . انیس درد ائتدی مضطری نوجوان ئولن زهرا باغریقان ئولن زهرا . شماره گلمزدی غملری خسته جان ئولن زهرا یاری جان ئولن زهرا . یگانه دخت پیمبریم همسریم جوان ئولدی یاوریم جوان ئولدی . . . . غم فراقینده اود دوتوب قلب زار و نالانیم اولموشام نواخوانی . الیمده کی عزتیم گئدوب طاقت دل و جانیم اولموشام نواخوانی . یوزه توکور اشک درد و غم دیدگان گریانیم اولموشام نواخوانی . الو دوتوب یانمیوم نئجه کوثریم جوان ئولدی همسریم جوان ئولدی . . . . گئجه گونوز دویمادیم نئچون سفره ی سخاسیندن دولت وفاسیندن . جهانی شرمنده ایلدی بخشش و عطاسیندن گنج پر بهاسیندن . نئجه علی گلمه سین دیله فاطمه عزاسیندن قیزلارین نواسیندن . شفیعه ی صبح محشریم کوثریم جوان ئولدی دلبریم جوان ئولدی . . . . ذکیه زهرای اطهرین قامتی کمان اولدی دشمنین جفاسیندن . گئجه گونوز تیرمحنته سینه سی نشان اولدی دشمنین جفاسیندن . او قدر غم چکدی فاطمه سیل اشکی قان اولدی دشمنین جفاسیندن . عَرَض من اولدوم جهانیده جوهریم جوان ئولدی همسریم جوان ئولدی