حضرت رقیه(س) -(ای رقیه ای گل باغ حسین بن علی) ۲۷۷ ای رقیه ای گل باغ حسین بن علی صورت ماهینده روی ماه زهرا منجلی گول یوزی حتی که ماه آسماندان گورملی اوچ یاشیندا تاپموسان عالی مقام و منصبی اولموسان باب الحوایج ای ربابین کوکبی خیرداقبرایچره یاتان واردی بویوک شخصیتون عالمی حیران ایدوب جاه وجلال و شوکتون شوره گتدی دیللری باشونده شوروهمتون بیربیله خصلتلرون ثابت ایدورآزاده سن زینب عموندی عمون عباس حیدرزاده سن منزل ویرانه نی عشقیله آباد ایلدون قدرت پوشالی سفیانی بربادایلدون سن اسیراولدون ولی دنیانی آزاد ایلدون قلبلرده شورعشقونله گینه طوفان ایله اهل مجلس دردینه لطفونله سن درمان ایله سه شنبه ۲۳ دی ۱۳۹۹ ساعت ۱۶:۲۹ نوشته شده توسط یوسف اکبریشاعر: ودود آذرین خلخال

مدح حضرت رقیه(س) -(کیمدی رقیه مه تابنده دی) ۴۴۹ -۱ کیمدی رقیّه؟ مَهِ تابنده دی عاشق و جوینده و یابنده دی سویگولودی کرب و بلا شاهینه عشقیله چون سینه سی آکنده دی دلده وئروب یِر آتانون عشقینه مین غزل عشقه سُرایَنده دی گرچه اوچ‌ایل عمْر ائلیوبدور ولی خدمتی شایسته وُ ارزنده دی قبلهٔ حاجتدی گوزل مَرقَدی درگهینه شاه و گدا بنده دی روشن ائدوب عالَمه بو مطلبی آلِ علی دشمنی شرمنده دی بو خانمین منزلتین ردّ ائدن هر ایکی دنیاده سرافکنده دی گنبدینون پرچمی اعلان ائدور کرب وبلا مکتبی پاینده دی باتدی یزیدین آدی شاماتیده نام حسین بن علی زنده دی شنبه ۲۴ آبان ۱۳۹۹ ساعت ۱۹:۴۲ نوشته شده توسط یوسف اکبریشاعر: کربلایی رحیم فیضی اردبیلی

شعر حضرت رقیه سلام الله علیها -(رقیه ای تو جوهر جلالت و جلالها) ۳۸۲ رقیه ای تو جوهر جلالت و جلالها رقیه ای تو اکمل کمال هر کمالها . تو شاهباز قاف دل که پر زدی به اوج جان مگر رسد به اوج تو ز پر زدن خیالها . مگر که پیک حق کند به سحر خود مدد مرا نگارم از تو شمّه ای خلاصه ی خصالها . ز همت بلند تو به آزمون تشنه گی خدایرا که تشنه شد به لعل تو زلالها . جلالت علی و هم وقار فاطمی مگر بود ز شان و هیبت تو در جهان مثالها . به حیرتم سه ساله ات چگونه من بخوانمت که پیر دهر را بود غم تو از محالها . تو آنکه درد را ز پا فکندی از صبوریت که سر فرو بیاورد به پیش تو جبالها . چه غم ترا که عاقبت به شامگاه وصل یار شکسته گر بلور جان به سنگ غم ملالها . تو عاشقی که سر ز پا ندانی از وصال یار نگنجد عشق را سخن به دفتر و مقالها . به روزگار غربت و فراق و حسرت پدر خوش است جان بگیردت نویدی از وصالها . چو بلبلی به وصل گل به گلشن وجود تو وزیده از وصال گل نسیمی از شمالها . به سالها بنالی از غم برادران خود که گم شد از سپهر جان دو همچو جان هلالها . فغانی از تبار نور چه خرد و چه کبارشان به عمر خویش دیده ام چه جودها نوالها پنج شنبه ۲۸ شهریور ۱۳۹۸ ساعت ۹:۴۳ نوشته شده توسط علیرضا گودرزیشاعر: حاج یحیی فغانی تبریزی

زبانحال حضرت زینب(س) بر سر مزار حضرت رقیه(س) -(آی بالا یاتما اویان آی کیمی باتما اویان) ۲ ۳۵۳ آی بالا یاتما اویان آی کیمی باتما اویان گوزلرون نن گوزلیم عمه وی آتما اویان آخینان گوزلریوه قربان اولوم او شیرین سوزلریوه قربان اولوم تیرِ آلام و محن قلبیمی بولدی قیزیم غَمِ هجرونده بی بون غصه دن ئولدی قیزیم گوندوزوم شامه دونوب آغلیارام بختیمون شمعی سونوب آغلیارام قلبیمون طاقتی سن ائللریم شوکتی سن اکبرون سویگولوسی سینمون زینتی سن گوزلرون آیه ویرور سان گوزلیم او خمار گوزلره قربان گوزلیم گوزیاشیم قاندی بالا اورگیم یاندی بالا عمه وه رحم ایله دور دیده گریاندی بالا اکبر اکبر دینیم آچ گوزیوی رخت ماتم گینیم آچ گوزیوی اولدی شرمنده بی بون کفنون یوخدی بالا جسمیوه قربان اولوم یاره سی چوخدی بالا قاره معجرله سنی کفن ائدرم یاره لی پیکریوی دفن ائدرم جمعه ۲۸ آذر ۱۳۹۹ ساعت ۲۳:۴۳ نوشته شده توسط یوسف اکبریشاعر: ابراهیم تون خوش قلم

میلاد حضرت رقیه(س) -(مژده اولسون هامی احبابه بو روحانی خبر) ۲۱۴ مژده اولسون هامی احبابه بو روحانی خبر روز فرخنده دی مسروردی دل هم دلبر ماه احساندی مه صوم و صلاة و برکات نخل ایمان گتریب باره بو آی چوخ گُللر رحمت ابرین ائلیوب شیعه لره ارزانی خوان احسانین آچیب صاحب احسان داور نچه گل گلشن ایجاده گلیب سویملیدی هره سی بیر جوره دنیایه وئریبدور زیور عرشیان رشک آپارور منزلت دنیایه زمزمه غبطه ائدور چشمۀ آب کوثر دمبدم تیره تُراب اوسته گلور فوج ملک بی خبردی ولی هر کیمسه کی یوخ نور بصر گونده بیر نور وئرور مطلع انوار هُدا بعضی لر شمس هدایتدی یا آی یا اختر دل بیدارده هر تک تکینون رفعتی وار کنز خلقتده اولاردی بلی ارزنده گُهر ایندی عنواندی بو گون شعریمه بیر ریحانه شامدن مرقدی نُه طاق ثریانی بزر کیم بویوک مشکله دوشسه بو فنا دنیاده تز بو خردا بالانون خوان عطاسینی گزر آدی مشهور رقیه شه بطحا بالاسی روز میلادیدی عشّاق اونا تبریک دییَر نور باراندی حسینون ائوی یاران بو گجه شادماندی ننه سی فاطمه ی نیک سیَر با وفا گلنی خانم فاطمه نون یعنی رباب بیر خانم قیز گتیریب عالمه زیبا منظر نجه بیر قیزدی باخان حظّ ائلیور صورتینه گوزلری قاره لبی لعل، رُخی قُرص قمر شوق دیدارینه ایلور عجله حورالر زلف زر تارینه بال و پر آچیب نیلوفر آلیب آغوشینه علیا ملکه اُمّاسی فخر ائدور مقدم نوزادینه شیدا مادر دیندیرور نازیله هر دم گُل طنّازین آنا غنچه لبلردن ئوپوب حمد ائلیور شام و سحر دیور اللّه بو قیزون داغینی چکمه سینمه لوح تقدیر یازیبدی اونا بیلموردی نَلَر اوچ یاشیندان دوشه جک چوللره مهجور وطن کربلا آدلو مکاندا اولاجاق زار و مَلَر سو کنارینده سوسوز ذبح اولاجاق باباسی نیش خاره توخانار ظلمیله ریحانۀ تر صید اولار بیر گونی صیاد الینه آهوتک خاک و خون ایچره سالار یاره لی جیران بستر آت قباقینده بو مظلومه نی دشمن قووالار یخیلیب شاهی گورر مقتله باشسیز پیکر بویانار قانینه قارداشلاری عباس عموسی ایاقین خار مغیلان یارالار داشلار ئوپَر ضرب شلّاق کبود ایلیه جک گُل بدنین قمچیلر آلتدا گلیب نالیه افغان ایلر قولی باغلی دوشه جک فرقۀ اشرار الینه آج، سوسوز پای پیاده یوزینه اشکین اَلَر شامه عریان دوه ده کرب و بلادن گئده جک ناقه دن یولدا دوشوب واهمه دن جسمی اَسَر عمّه سین سسلسه تز سیلی جوابین وئره جک عمری کوتاهدی اما گوره جک چوخلی خطر کُنج ویرانه ده آخر گئده جک قبر ائوینه آغ تاپیلماز کفنی قاره ائدر قبره سفر یا رقیه سنه بیر عدّه گلیب جشن دوتا صله وئر مزد «صفا» وار یری اولسون بهتر یکشنبه ۳ مرداد ۱۴۰۰ ساعت ۱۷:۴۶ نوشته شده توسط یوسف اکبریشاعر: حاج ناصر تبسمی اردبیلی

حضرت رقیه(س) -(ای سه ساله سالک عرفان سلام اولسون سنه) ۲ ۶۶۳ ۱ ای سه ساله سالک عرفان سلام اولسون سنه ای آدی هر دردیچون درمان سلام اولسون سنه سن بهشته دؤندروبسن منزل ویرانه نی ای وئرن ویرانه یئرده جان سلام اولسون سنه ای گزن صحرالری پای پیاده صبح و شام شام ویراندا دوشن جاندان سلام اولسون سنه ای قولون قمچی یوزون سیلی گووردن مه لقا ای ایاقی یاره لی جیران سلام اولسون سنه ای خیامه اوت ووران ساعتده دامانی یانان صاق صولا شهپر چالان طرلان سلام اولسون سنه وار یوخی الدن گئدن گوشواره سین دشمن آلان قاره معجرلن گزن ویلان سلام اولسون سنه ای دوشن زینب کیمی بیر باش دالیجا چؤللره دختر غمدیده سلطان سلام اولسون سنه وای بابا دیلده وفاسیز کوفه ده ئوز دردینه نیزه باشیندن آلان درمان سلام اولسون سنه ای یاتان ویرانه ده تپراقلار اوسته آج سوسوز اکبره جانین وئرن قربان سلام اولسون سنه ای گؤرنده عمه سین دایم باباسین ایستیین میهمانه میزبان مهمان سلام اولسون سنه ای یارالی باشی گؤرجک گؤز یوموب دیلدن دوشن قبرینی زینب قازان جانان سلام اولسون سنه ای گئدن قبره قرا بیر معجریلن نصف شب دفنی زهرایه اولان همسان سلام اولسون سنه کانال اشعار عباسی معروفان اهری سه شنبه ۲ دی ۱۳۹۹ ساعت ۲۳:۱۰ نوشته شده توسط یوسف اکبریشاعر: ابوالفضل عباسی معروفان

میلاد حضرت رقیه(س) -(آچدی خـدا بـاب کـرم گلـدی پـرستـوی حـرم) ۲۳۴ آشـدی خـدا بـاب کـرم گلـدی پـرستـوی حـرم/ تـوتسـا رقیـه الیمـی مـن ایـاقینـان اُپـرَم/ قلبیلـره حکـدی آدی پـاک و مبـارکـدی آدی/ درب جنـاندا یـازولـوب گـورنجـه گویچکدی آدی/ دیللـره رایجـدی آدون درده معـالجـدی آدون/ چـاره الـه مشگلـومه بـاب الحـوائچـدی آدون/ شـاه شهیـدان بـالاسـی فـاطمنـون آی پاراسی/ عالمـی وَجـده گتیـروب گـوزلرینـون آغ قاراسی/ شاهیم حسینون قیزیسان سفره سینون داد دوزوسان/ یوخـدی نظیـرون بولـورم عرشِ خدا اولدوزوسان/ دیللـره رایجـدی آدون درده معـالجـدی آدون/ چـاره الـه مشگلـومه بـاب الحـوائچـدی آدون/ مـرتضـوی زاده دی بـو مَـه رُخ و آزاده دی بو/ یوخـدی نظیـری بو قیـزین جنت شهزاده دی بو/ مین شب یلدادی بیزه قاشلاری هم گوز شَوَه سی/ عالمـه سـروردی بولـون حضرت زهرا نوه سی/ دیللـره رایجـدی آدون درده معـالجـدی آدون/ چـاره الـه مشگلـومه بـاب الحـوائچـدی آدون/ سن او شَهیـن دختـری سن یوخ مَثلی نابغه دی/ خَرمـن اهریمنـه ایستکلـی آدون صائقه دی/ شامیـده گلـدسته لرین عـرش خدایه اوجالوب/ آل اُمیـه جانینـا غملـی آدون لـرزه سـالوب/ دیللـره رایجـدی آدون درده معـالجـدی آدون/ چـاره الـه مشگلـومه بـاب الحـوائچـدی آدون/ عزت و شأن و عظمت آیـه دی سن سوره سی سن/ آل علـی نـابغـه دی سـن ولی اوستوره سی سن/ کـربـوبـلا سیـدینـون دختـر مَهپاره سی سن/ آندولا زهرا خانیمـا دردلریمـون چـاره سی سن/ دیللـره رایجـدی آدون درده معـالجـدی آدون/ چـاره الـه مشگلـومه بـاب الحـوائچـدی آدون/ نـابغـــة کـربــوبــلا بَضــة شــاه شهــدا/ منــده دخیلــم آدیــوا ای آدی هر درده دوا/ عمرون آز اولدی ولی سن درد و بلا اسیری سن/ شامـه نماینـده گئـدوب کـربوبلا سفیـری سن/ دیللـره رایجـدی آدون درده معـالجـدی آدون/ چـاره الـه مشگلـومه بـاب الحـوائچـدی آدون/ جمعه ۳ بهمن ۱۳۹۹ ساعت ۱۹:۴۷ نوشته شده توسط یوسف اکبریشاعر: رامین محمد زاده

رقیه عاشقیم -( گدای درگه یارم رقیه عاشقیم ) ۲۲۱۳ ۲ رقیه عاشقیم گدای درگه یارم رقیه عاشقیم او گُل ولی من خارم رقیه عاشقیم شعار وحدتمیزدی رقیه نون ذکری وقار و شوکتیمیزدی رقیه نون ذکری شعاع طلعتیمیزدی رقیه نون ذکری صفای هیئتیمیزدی رقیه نون ذکری غُلام اول دربارم رقیه عاشقیم رقیه نون گوزل آدی بیزه بسی جاندور قلوب شیعده عشقی جنون و طوفاندور یوزی گوزی مَهِ تاباندی چوخ درخشاندور اویرده کی آدی گلسه اورا گلستاندور خمار اول گُلعُزارم رقیه عاشقیم نجه رقیه که بُرج وفانون اولدوزیدی نجه رقیه که هر مجلسون دادی دوزودی نجه رقیه کی گُلدن گوزل او مه یوزودی حسین بیزیم شَهیمیزدی بو قیز اونون قیزیدی اودور طلایه دارم رقیه عاشقیم نجه رقیه کی باشدان ایاقه پُر احساس نجه رقیه کی عطری چو بوی عطر یاس نجه رقیه کی یکسر وجودی پاک انفاس وقار و غیرتی واردور عموسی تک عباس من عاشق سردارم رقیه عاشقیم حریم مهرو وفادور رقیه نون حرمی تمام درده دوادور رقیه نون حرمی امید اهل ولادور رقیه نون حرمی که یعنی کرب وبلادور رقیه نون حرمی گوروم کی من زوارم رقیه عاشقیم ایدوللر دائمی تهدید حریم جانانی صفالی مرقدی همچون بهشت رضوانی نجه حرم که ملائک اولوبلا حیرانی تمام شیعه لر اولسون رقیه قربانی فداییِ ایثارم رقیه عاشقیم قسم رسول هُدایه علی او شیر خدایه او خیرهُ النُجَبایه کریم آل عبایه قسم اولا بو قرایه حسین شَه شُهدایه باخانمر اجنبی لرچپ حریم دُخت ولایه قبول ایده گَر یارم رقیه عاشقیم تمام گونلری سایساخ بیزه مُحرمدور عزای بزم رقیه بیر آیری عالمدور بو پادگان شرفدور صفای اعظمدور رقیه نون آدی اعدایه مُشت مُحکمدور مخالف کُفّارم رقیه عاشقیم اگر چه باغلیدی راه حریم محترمی تمام درده دوادور قابار اولان قدمی مدافعان حرم وار تَشیُّعون نه غمی قلوب شیعه اولوبدور رقیه نون حرمی اورک دولی من زارم رقیه عاشقیم گلر او گون آچیلار باب بسته ی حرمین ضریح حضرت زینب رقیه عشق حسین گیداخ زیارت ایداخ قبر دُخت نور دو عین حسین حسین دیاخ اوردا بیاد شیر حسین دی ( پوریا ) غمبارم رقیه عاشقیم شاعر : احمد پوریا

میلاد حضرت رقیه(س) -(مژده به اهل عصمت - نوگل باغ جنَّت) ۱ ۱۸۳ مژده به اهل عصمت - نوگل باغ جنَّت آمـده بر ایــن جهان - ستاره ی ولایت گومبارک – رقیــــه آمد به جهان جشن شادی – به پا شده در آسمان یا رقیه یارقیه هجــــده ماه شعبان – آمـــده ماه تابان غُنچه ی ناز زینب - سه ساله ی قهرمان یا رقیه – تــــو نور چشـــــم احمدی یا رقیه - خوش آمدی خوش آمدی یا رقیه یارقیه تو اختــــــر ولایی- عــزیز مرتضایی سه ساله نوحه خوان - دیار کربلایی جان زهرا- عنــــایتی به این گدا دردمندم - درد مـــرا تو کن دوا ترکی مژده شـــــــه ولایه - علیِّ مرتضایه حضرت خیر النساء- مادر کـربلایه اهـــــل بیتــــون- بـــرج وفا اولدوزیدی شیعه فخر ایدون - بو قیز حسینون قیزیدی یا رقیه یارقیه حسینـــه نــــازدانه- قدم قویوب جهانه عمه سینــــون نگاری - فخر ایلیر جنانه برج عزت- سویگولوسن رقیه جان باغ عترت- بُلبُــــــلی سن رقیه جان باقی قالار رقیـــه - قاره سالار رقیه بالاجا اللریلــــن- شامی آلار رقیه شه بالاسیدی- عفتـــی وار رقیه نون ابوالفضل تک - غیرتی وار رقیه نون دلبر شیعیانـــدی- اختــــــر آسماندی زینبه یـــارو یاور- سه ساله قهرماندی عمه سیندن -حُجب و حیا درسین آلوب اوشاقلیقدان- معجـــــــرینی باشه سالوب ای گل بـــــاغ جنت- نـــور دل امامت رقیه جان قبریوی - بیزلره ایله قسمت آند ویروخ- اصغــــــره ای نازلی بالا قسمت ایله- بو جمعه بیر کر ب وبلا یکشنبه ۲۰ تیر ۱۴۰۰ ساعت ۱۶:۱۸ نوشته شده توسط یوسف اکبریشاعر: احمد پوریا

شادنامه حضرت رقیه(س) -(یاران گنه قولاقیمه بانگ اذان گلور ) ۱۸۱ یاران! گنه قولاقیمه بانگ اذان گلور بو کهنه جسمیمه ائله بیل تازه جان گلور شهر مدینه ده نه خبر واردی بیلمورم دسته به دسته اُول یئره قدّوسیان گلور گویا آچوب اوگول کی چوخ اوخشور قیزیل گُوله بولبول کیمین فرشته اولوب نغمه‌خوان گلور دنیا گولی دگول، بو گلِ باغ عشق‌دور عشق اهلینون مشامینه عطر جِنان گلور آلدیم خبر کی وار نه خبر ای صبا یئلی!؟ هم عطر و هم اذان سنیله توأمان گلور آهسته سؤیله‌دی منه وئر مشتولوق دئییم بیلدیم او دم ندندی صبا شادمان گلور شایسته‌دی بشارتی وئرسین گرَک «بشیر» چون‌سوزلری آخار سوکیمین چوخ روان گلور ای شیعه‌لر! دیوم نه خبر وار مدینه‌ده شادی ائدون، بو مجلسه چون دوستان گلور آلله، حسینه بیر قیز عطا ایلیوب بیلون دیدارینه جِناندا اولان حوریان گلور بعضی ئوپور ایاقلارینی بعضی ال‌لرین وجد و سروره عشقیله بوسه وُران گلور فرمایش ایلیوبدی پیمبر کی گول‌دی قیز گرچه بیر عدّه‌یه قیز اولاندا گران گلور امّا حسین، حمد و ثنا ائتدی آللّها چون کی بیلوردی رحمت رحمان عیان گلور باخدی او غنچه لب‌لرینه باغبان، گولوب شوقه نچون گورنده گولی باغبان گلور آدین «رقیّه» قویدی ترقّی ائدوب چو سَرو رشد ایلدیقجا قامتی چوخ دلستان گلور قلبون سخیلسا غم یئمه بیر یارقیّه؛ دیء قلبه رقیّه‌نی چاغوراندا توان گلور بو باجی‌سین جوان علی اکبر چوخ ایستیور علّت اودور کی هیئتینه چوخ جوان گلور ایستولله سؤیله‌سینله رقیّه غلامووک آللهیدن صورا، سیزه تنها گمان گلور درگاه عزّ و جاهیوه، امّیدیله «بشیر» شعرین یازوب الینده دوتوب ارمغان گلور جمعه ۲۰ فروردین ۱۴۰۰ ساعت ۲۲:۳۷ نوشته شده توسط یوسف اکبریشاعر: سیدبشیر حسینی میانجی

میلادیه حضرت رقیه سلام الله علیها -(رقیه ای صفای باغ و بستان) ۶۴۲ رقیه ای صفای باغ و بستان گل گلخانه شاه شهیدان گلوبسن عالمه شعبان آییندا اولوب اربابیمیز شاد و خرامان مبارک مقدمون ای جان رقیه رقیه جان رقیه جان رقیه گوزل دردانه سن سبط رسوله کمالاتون سیغیشمور هیچ عقوله ربابون سویگولی ای نازدانه جمالون اوخشیور عیناً بتوله شبیه کوثر قرآن رقیه رقیه جان رقیه جان رقیه ایدوب گول صورتون شرمنده ماهی گتوردون کرنشه سلطان و شاهی جلال و حشمتون شامی دوتوبدی آلوب سندن سلیمان عز ّ و جاهی جلالت ملکینه سلطان رقیه رقیه جان رقیه جان رقیه سنه اکبر چالور لایلای دمادم بوعشقه رشک آپاردی اهل عالم سنی آغوشه آلدی تا اباالفضل اولوبدی آل هاشم شاد و خرم معطر اولدی چون بستان رقیه رقیه جان رقیه جان رقیه گوزوندن بللی دور چوخ با وفاسن خانم زینب کیمی کان حیاسن علی اکبرین زیبا مارالی عمون عباس تک مشکل گشا سن وفا صحراسینه جیران رقیه رقیه جان رقیه جان رقیه گلوبسن اوچ یاشیندا کربلایه سوسوزدان اوچ گیجه گلدون نوایه شیرین دیللی بالا آخر وداع ده حسینون قوزادون آهین سمایه ایدوبسن ناله و افغان رقیه رقیه جان رقیه جان رقیه دیدون بابا منی گل قویما گریان جداله گیتمه سن بیله شتابان اقلی آل بو زاری بیر قوجاقه قیزون قویما اولاچوخ زار و نالان اولار بو غصه دن ویران رقیه رقیه جان رقیه جان رقیه غم هجرانووه بو قلبی بوللم مسیر کوفه و شامی دویوللم ننون زهرا کیمی عمریم چوخ اولماز سوسوزدان اولمسم هجروندن اوللم تاپانماز دردینه درمان رقیه رقیه جان رقیه جان رقیه سنون عطرون غرض شاماته دولدی کیچیک قبرون مطاف عالم اولدی کانه ایندیده سسلور خرابه حسینین یاسی زهرا مثلی سولدی قویوبدی عمه سین نالان رقیه رقیه جان رقیه جان رقیه اگر چه سِنّون آز ؛ چوخدی کمالون سولوب سیلی دن اما گول جمالون یزیدین یوخدی هیچ نام و نشانی سنون وار شامیده عالی جلالون چکن ظلمه خط بطلان رقیه رقیه جان رقیه جان رقیه رقیه نوکری حسرت ده قالماز دیورکیم؟ ایستین حاجاتین آلماز مداوم دامنیندن ( آذرین ) دوت یولا بوش سایلین دردانه سالماز دواسیز دردلره درمان رقیه رقیه جان رقیه جان رقیه چهارشنبه ۴ اردیبهشت ۱۳۹۸ ساعت ۱۲:۱ نوشته شده توسط ابوالفضل عابدی پورشاعر: ودود آزرین خلخال

مدح و میلادیه باب الحوائج حضرت رقیه سلام الله علیها -(رقیه گوز آچدی ماه شعباندا عالمه) ۵ ۶۲۰ رقیه گوز آچدی ماه شعباندا عالمه آدینی ملکلر گویده ایتدی زمزمه شه خوبان. شاه شهیدان. گوزلرون آیدین حسین حسین سنی زهرا.ایت بیزه احسان.گوزلرون آیدین حسین حسین حسین چخوب سیره اولدوزون شبیه زهرادی بو قیزون هامی دردین دواسیدی محبتین آشناسیدی بلور عالم مدافعان رقینین مبتلاسیدی سنه قربان.مظهر ایمان.گوزلرون آیدین حسین حسین سنی زهرا. ایت بیزه احسان. گوزلرون آیدین حسین حسین حسین چخوب سیره اولدوزون شبیه زهرادی بو قیزون زینب عمه سینن آل خبر وقارینی آغوشه باساردی جان تک نگارینی منه جانسان.روح و روانسان. گوزلرون آیدین حسین حسین سنی زهرا. ایت بیزه احسان. گوزلرون آیدین حسین حسین حسین چخوب سیره اولدوزون شبیه زهرادی بو قیزون ره حقده قدم ویرار بنای ظلمه عدم ویرار باجی سن شاهد اولگیلان رقیه شامه علم ویرار دیر عالم.اونا قربان.گوزلرون آیدین حسین حسین سنی زهرا. ایت بیزه احسان.گوزلرون آیدین حسین حسین حسین چخوب سیره الدوزون شبیه زهرادی بو قیزون شاعر رضا ماه پری زنجانی