اسم القصيده : يا هلال اسم الشاعر : #وسام_الشويلي اسم الرادود : #محمد_الجنامي المناسبة : محرم الحرام ١٤٤٤ الهجري المكان : حسينيه و موكب ام الحسن | الفاو 🏴🏴🏴🏴🏴🏴🏴🏴🏴🏴 ياهلال لاتخلي ابوجه زينب طلعتك ياهلال جروحها هواي وتهيج ابشوفتك غطي وجهك حنى زينب ماتشوف نحر مكطوع وكفيل ابلا جفوف ياهلال ... ياهلال ■□■□■□■□■□■ ياهلال وياك اسولف و استمعلي وآنه بس شفتك كلت لدموعي هلّي شجايب النه وياك من اجروح كلّي كلب زينب من يشوفك يظل يغلي جاي ليش واحنه بالله بيا وجه نستقبلك جاي ليش ياهلال اعبر شهر نتوسلك جاي وابوجهك قريناها الحروب نحر مكطوع وكفيل ابلا جفوف ياهلال ... ياهلال ■□■□■□■□■□■ حاول بهاي السماء تشوف غيمه تحتمي ابسدها ولاتجرح يتيمه هالله هالله بزينب الكلها هضيمه لا تهيج بيها جمرة حرك خيمه ذكريات وهيّه ابد ماناسيه طف كربله ذكريات و زينب تشوفك سهم من حرمله تذكر اعلهىحسين من دارت الوف نحر مكطوع وكفيل ابلا جفوف ياهلال ... ياهلال ■□■□■□■□■□■ هلال عيد و هيّه زينب ماتريده لأن مهضومه وكلبها انذبح عيده جيّتك شتفيدها الظلّت وحيده وانته سيف وبيه اخوها انكص وريده بالسماء هذا شكلك ظلّت تشوفه مهد بالسماء ام تلولي والسهم ذابح ولد دللول الولد بالحسره تطوف نحر مكطوع وكفيل ابلا جفوف ياهلال ... ياهلال ■□■□■□■□■□■ مثل خيط اكماط صاير انته شكلك ودم رضيع حسين يمّك جنه ضلك جرح و إنشد بالكلب زينب تكلك بس جفوف الكافل التكدر تفلك عنها غيب كبل لاتكبر وتتحول كمر عنها غيب تذكر العباس من ظل عالنهر كمر لجن صاير ابوضع الخسوف نحر مكطوع وكفيل ابلا جفوف ياهلال ... ياهلال ■□■□■□■□■□■ محني يهلال الحزن شكلك تنظره و زينب بهالحاله ترجع إلها ذكره حسين من عود عليها محني ظهره وغير عبّاس الظهر محّد يكسره يوم طاح كافل اخته طاح ويّاه الخدر يوم طاح حسين اخوه تربّع بصدره الشمر صار مركز للرماح وللسيوف نحر مكطوع وكفيل ابلا جفوف ياهلال ... ياهلال ■□■□■□■□■□■ ياهلال و حجمك اشما راد يكبر جرح زينب يكبر من الحزن اكثر انته سوط و جنّك تلوّع الخدّر بالسمه ظعن السبي ويّاك يفتر رايحين والطريق ابعيد والموكب سبي رايحين والسياط التحدي بعيال النبي خطوه شتمه وخطوه ضربه و درب خوف نحر مكطوع و كفيل ابلا جفوف ياهلال ... ياهلال 🏴🏴🏴🏴🏴🏴🏴🏴

اسم القصيدة : لو تاخذ عيوني اسم الرادود :#محمد_الجنامي اسم الشاعر :#راضي_الفيصلي المناسبة :عاشوراء محرم الحرام 1443 المكان : البصره/الفاو/موكب وحسينية ام الحسن 🏴🏴🏴🏴🏴🏴🏴🏴🏴 لوتاخذ عيوني لوتاخذني وياك شهگة نفس بيه تدري موتي فرگاك ظلتلي سباحة امل يبو اليمه ياساعه يگطعني الأجل يبو اليمه ...................... صفنه تاخذني وأرد هايمه بصفناتي اعثر بظلي گمت من كثر عثراتي احسب آثار الجدم ماهي گد دمعاتي گلبي وروحي إلك ذني مو مالاتي شگد اگعد على درب اليمرون اليمته اعله دربهم اشتل عيون اشثگل طاري الغروب اعله اليتانون متعلمه العمي من اشتمه انفاس نجمه بحضن گمره من يحضني عباس يشبه حضن عمي البطل حضن امه ياساعه يگطعني الأجل يبو اليمه ....................... جرح وفراگك ملح لاتلح عالفرگه ساعه وساعه انطفي حرگه تشعل حرگه ورده عمري وذوبلت ورگه عافت ورگه مطشره بدربك ورگ واليمر إيسحگه اروح اوياك صفنه بطاري الريح من تصفن عليه يمك اتطيح ضعت والضايعه من الأهل شتصيح فگد الأهل غربه مالمتهه ديره شحال اللذي تفگد وتودع عشيره محلاته ياشمل الأهل شنو إيلمه ياساعه يگطعني الأجل يبو اليمه ........................ گلي شنهي ظلتي لو رحت من روحي لچمه ذكرك للجرح وآنه كثره جروحي اتبعت روحي وأصرخت روحي الهم روحي صدى مبحوح اسمعت ينعكس من روحي بعد گطعي الأمل لو حن الغروب وإذا حن الظلام تنام الدروب آيا دمعي اليسيل وهدل الثوب شلون ارجع الداري وآنه شلي بالدار من كل كتر بيها صوره الأهلي تذكار دمعي حفر خدي ونزل علي دمه ياساعه يگطعني الأجل يبو اليمه ........................... اچوي روحي ابحسرتي من اجس اضلوعي حالي من حال الشمع حرگتي من ادموعي اعلگت كل شمعه الأخو ودمعي طفى شموعي بالدمع يومي ابتده شلون اگضي اسبوعي اشم ريحة هلي حتى من التراب اصدگ بالهوى من يردم الباب النظر وجهي درى متانيه الغياب صوت البگه ابأذني خويه ويبني يحسين نوب الصدى العمتي ونوبه الأم البنين آنه دليلي شگد حمل الف صدمه ياساعه يگطعني الأجل يبو اليمه ......................... ودعتهم وأيست وأدفنت آمالي راح وياهم هلي الأولي والتالي شنهو اسمع من خبر بالمنيه گبالي كل حلم جايب علم راح ابوچ الغالي صدر اللذي چان يحضنچ انداس وراس الچان هيبه انذبح هالراس وطاحن عالشريعه چفوف عباس الطم على اخواني وحدي وبس احاتي مدري اشجرى اعليهن عماتي وخواتي ظعن السبي وشگد ثگل علي همه ياساعه يگطعني الأمل يبو اليمه 🏴🏴🏴🏴🏴🏴🏴🏴🏴

قصيدة : لو تاخذ اعیونی الرادود : ملا محمد جنامي ❤️ #محرم #محمد_الجنامي

قصيدة : سامحینه الرادود : ملا محمد جنامي ❤️ #محرم #محمد_الجنامي

اسم القصيدة : سامحينه اسم الرادود :#محمد_الجنامي اسم الشاعر :#وسام_الشويلي المناسبة :عاشوراء محرم الحرام 1443 المكان : البصره/الفاو/موكب وحسينية ام الحسن 🏴🏴🏴🏴🏴🏴🏴🏴🏴 حل وكت الوداع وياچ سامحينه تعبچ فلا ضاع وأرباچ يالحنينه ولدچ طبع ماي تعرفين طبعنه من عندچ هواي وفه وطيب رضعنه يالحنينه....يالحنينه .............................. ياأمنه يانبع الوفه والعاطفه والطيبه وياچ يحتار الحچي ياحكمته وترتيبه ربيتي كبرتي زلم منهم تخاف النيبه لو صاير بحلگ السبع ولدچ الحگ اتجيبه مانطلب الزود مسراه ويه دمنه للرايد اشهود يكفيه انتي امنه بسمچ فخورين والف راس رفعنه من عندچ هواي وفه وطيب رضعنه يالحنينه......يالحنينه ............................ ولدچ ييمه ونفتخر من ننحسب خدامچ شگد عاليه جنة عدن لكنها تحت افدامچ تراب التسحگينه دوى الآلامنه وآلامچ تندار بينه العافيه من ننحني جدامچ فرض الصلاه بيچ مقبول لو قبلتي يرضى المراضيچ الله شنهو انتي كل كلمه قرآن من عندچ سمعنه من عندچ هواي وفه وطييب رضعنه يالحنينه.....يالحنينه ................. عدنه الچ مو بس اسم ونصيحچ ابگعدتنه يمه الحنينه الغاليه خيمتنه ياشمعتنه الربت المايوم اشتكت والتعبت الراحتنه الجاعت وسوتنه زلم والسهرت النومتنه شما نكبر ازغار بافين وي حنينچ فدوه الچ تندار وتروح كل بنينچ مثلچ بالأوصاف حنينين طلعنه من عندچ هواي وفه وطيب رضعنه يالحنينه......يالحنينه ......................... جينه ييمه انودعچ توديع مابي ملگه الله يعينچ وشكثر تهدم الحيل الفرگه ندري بيچ بوكت المسه روحچ تظل مختنگه ودگات گلبچ صايره ونة فراگ وشهگه بس يمه تدرين بحسين وبغلاته وأنتي التگولين تمشون وي خواته نفدي اله الروح توصين سمعنه من عندچ هواي وفه وطيب رضعنه يالحنينه.....يالحنينه .......................... عباس أنه وعن اخوتي احچيلچ وسمعيني مو ابنچ آنه لو بعت كلمتي وخنت حسيني تحتار زينب وآنه اظل لاوالله اگص چفيني حتى إذا تاه السهم آنه اجيبه العيني ابنچ العباس موجود ماكو حيره من جدمي للراس متروس كلي غيره اخواني وياي يگولون فزعنه من عندچ هواي وفه وطيب رضعنه يالحنينه.......يالحنينه ....................... گولي آنه عنكم راضيه وأنطينه آخر نظره وأن شاءالله يم الوفه ترضى عليچ الزهره عذرينه مانرجع الچ ويرجع الناعي اليقره ويگلچ اولادچ وفوا ظلوا جثث عالغبره يأم البنين يحچون حادثتنه ماعفنه الحسين للموت اربعتنه ماوگع والله لحد ماوگعنه من عندچ هواي وفه وطيب رضعنه يالحنينه......يالحنينه 🏴🏴🏴🏴🏴🏴🏴🏴🏴

اسم القصيدة : ماشاءالله اسم الشاعر : #كرار_حسين_الكربلائي اسم الرادود : #محمد_الجنامي المناسبة : محرم الحرام ١٤٤٤ الهجري المكان : حسينة و موكب ام الحسن | الفاو 🏴🏴🏴🏴🏴🏴🏴🏴🏴 ماشاءالله .. وجهك محلاه لو صار الليل اسهر وياه انه شفتك حلم مثل النجم يضوي بدلاله تره وجه الفجر من وجنتك ياخذ جماله ماشاءالله ... ماشاءالله ⬇️⬇️⬇️⬇️⬇️⬇️⬇️⬇️ يالوجهك كوثر بالجنه تعطش روحي و تشرب منه سبحان الله وشكد تشبه اوصاف الماي سلطان و عرشك بحساسي ومن عطرك اشتم انفاسي يوم الشفتك شفت الدنيه تحله بعيناي يالحاجب عينك مثل السيف حبيتك نسمه بعز الصيف نايم بجفوني دمعه و طيف يا دمعه و طيف ... يا دمعه و طيف يصبي العين ... ويعيون حسين اشهد بالله وفيت الدين يبو طول الحلو ثوب المجد طولك حلاله تره وجه الفجر من وجنتك ياخذ جماله ماشاءالله ... ماشاءالله ⬇️⬇️⬇️⬇️⬇️⬇️⬇️⬇️ محبوبي ابشكلك اتامل حكي باوصافك اتغزل لا قبلك لا بعدك صاير مثلك محبوب يالماخذ هيبه من احسينه والشافك ما ترمش عينه اسال روحي بخدك شامه لو شمس غروب من طولك يخجل غصن الياس كل خوفي تحسدك عين الناس محروس براية جف عباس يا جف عباس ... يا جف عباس يا نجمه سهيل يضوي بكل ليل ولله الفركاك ما احمل حيل اذا قرص الشمس مره انكسف انته ابداله تره وجه الفجر من وجنتك ياخذ جماله ماشاءالله ... ماشاءالله ⬇️⬇️⬇️⬇️⬇️⬇️⬇️⬇️ اسمع هاي الناس تسولف كالت اجمل واحد يوسف لو يوسف ينظر لعيونك جا صاح الله جدمك لو بالصحراء ايمر اقسم كل الكاع اتخضر غير انت ابن الرد شمس الله باصبع يمناه شوف البعيوني بيك ايشوف يا كعبه و روحي اعليك تطوف من تبعد كلبي ايظل ملهوف وايظل ملهوف ... وايظل ملهوف لوجهك اشتاك شوك العشاق يا جاسم حان توديع الفراك بله يبن الولد يوم الشدد يبزغ هلاله تره وجه الفجر من وجنتك ياخذ جماله ماشاءالله ... ماشاءالله ⬇️⬇️⬇️⬇️⬇️⬇️⬇️⬇️ شد حيلك يا جاسم وافزع اركب مهرك للموت اطلع صيح انه ابن الما رد ضيفه و سد الديوان عد حدها العالت وكفها صفها و طشرها و رد صفها دمدم هدم غيم واقبض روح الفرسان يبن الما نامت عالذل دوم يا جاسم يومك هذا اليوم و انت يسمونك موت الكوم يا موت الكوم ... يا موت الكوم اعله اصحاب الفيل امطر سجيل من كاس الموت جرعها الويل هله يبن الكرم والما طفت جمرة دلاله تره وجه الفجر من وجنتك ياخذ جماله ماشاءالله ... ماشاءالله ⬇️⬇️⬇️⬇️⬇️⬇️⬇️⬇️ استشهد خل عرسك بالجنه ومن ادماك اتصير الحنه انه امك ناذرتك يبني لعيون حسين صح فركاك ايهدم حيلي اصبر بغيابك ادعيلي يمه التفكد مثلك غالي يهضمها البين رايح يوليدي الله وياك يالما تنساني ولا انساك ضايع من ايدي اوين الكاك ما بعد الكاك ... ما بعد الكاك يا يمه الروح وياك تروح عمري ابفركاك بس اه و نوح بجه عمك الك وبمصرعك نوحه تعاله تره وجه الفجر من وجنتك ياخذ جماله ماشاءالله ... ماشاءالله 🏴🏴🏴🏴🏴🏴🏴🏴🏴🏴

قصیدة ؛ الدنیا رادتنه الرادود ؛ محمدالجنامي الشاعر ؛ حسین الساعي #محرم_1444 #یبقیٰ_الحسیـن #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ◾️جـــــدیـــــد◾️ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡

اسم القصيده : الدنيا رادتنه اسم الشاعر : #حسین_الساعی اسم الرادود : #محمد_الجنامي المناسبة : محرم الحرام ١٤٤٤ الهجري المكان : موكب عزاء عمار بن ياسر | بغداد 🏴🏴🏴🏴🏴🏴🏴🏴🏴 الدنية رادتنه   و احنه عفناها لولا حب حسين   ما اجيناها ■■■■■■■■■ من اسولف عله الدنيه لا تگلی اشمالهه لو لا حب حسين صدّگ ظفر ماتسوالهه غربل الدنيه يصاحب تالي خلهه ابحالهه اخذ من عدهه المجالس كلشي ما يبقالهه اشتسوه هل دنيه  شنهو معناها لولا حب حسين    مااجيناها ■■■■■■■■■ يا شرف ثوب الخدامه و اللبس هنياله الما يلبسه العيب منّه  موش من تفصاله ياما ياما الچان مذنب و انفضح باعماله دخل موكب،شرب چای  والله غيّر حاله الدين و المذهب  ايكملن اوياها لولا حب حسين  مااجيناها ■■■■■■■■■ ناس عل فطره هوينه و بلعشك مجروحه ضگنه ملح حسین و صرنه عایشین ابنوحه الملح عشره و الیضوگه ما یفارگ  روحه یعنی صدّگ بلمجالس الله خلّه املوحه نعشگ الخدمه  و احنه ردناها لولا حب حسین  ما اجیناها ■■■■■■■■■ الناس تکشفهه ابعملهه شیبهه و شبانهه های تصعد ذیچ تنزل و الفعل میزانهه اکو تگعد عل کراسي بس فشل عنوانهه اكو تگعد حَدِر منبر و الله رافع شانهه الکون و الافلاک    ابحبه تتباهه لولا حب حسین   ما اجیناها ■■■■■■■■■ رایة حسين ابواليمه رفرفرت بچفوفنه احنه لو عفنه المجالس الله راح ایعوفنه هیه مو کل عین شافت  میّزت معروفنه الدنیه خلهه اتصیر عمیه..الزهره کون اتشوفنه انصیح بلجنّه    لو دخلناها لولا حب حسین  ما اجیناها 🏴🏴🏴🏴🏴🏴🏴🏴🏴

رحت اجیبـن مـاي للضیـف بأدیـه! ..من گمت محني مشیت وحن علیه.. گـال ضهـرك منکسـر یبـن الزچیـه... حالتـك حالـت اخـو فاقـد اخیـه...!!😭💔 #صفر #اربعین #امام_حسن #امام_حسين #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡