اسم القصيده : ياربيب اهل السما اسم الشاعر : #كرار_حسين_الكربلائي اسم الرادود : #محمد_الجنامي المناسبه : استشهاد الامام الصادق ١٤٤٣ المكان : مسجد وحسينية انصار الحسين | بغداد 🏴🏴🏴🏴🏴🏴🏴🏴🏴🏴 ياربيب اهل اسمه واربابها الراد باب الله يدك ابوابها الراد باب الله يدك باب الرسول وانته خامس نفس من رية البتول حارت ارباب الوصف بيك شتكول والشريعه انت جنت جلبابها بعصمتك لا تخطأ ولا تشتبه ومايصح مثلك فطن كيّس نبه الفقه من علمك اخذ درس الفقه يبن باء البسمله بكتابها يبن باء البسمله البالفاتحه انت يالصادق شمسها والضحه الخلك باعت دينها والمستحه وانت رديت الخلك لآدابها من احجي بفضالك تطول القائمه يالجنسيت الدين ثوب الغانمه تدلي اهل السمه بدروب السمه والك ايّاب البشر وحسابها انت للإسلام اعظم مدرسه والعلم بالكون علمك اسسه علم طب وفيزيا والهندسه هالمناهج صرت انته اسبابها يا سبب يالبيك دين الله اكتمل جهلتك وادم سره بدمها الجهل وسمّت الجان اليداوي بالعلل وجبدتك سم الضغاين ذابها بسم حقدهم ليش جبدك ينسحن يا ثريتها بثره ماتندفن السبعه والسبعه عله مصابك تون وناحت اركان العرش لمصابها اتغسلت واتشيعت يبن الهداة ويل حالي اعله البقه بشاطي الفرات انذبح وبصدره تدوس العاديات وعيلته حركو عليها اطنابها 🏴🏴🏴🏴🏴🏴🏴🏴🏴

اسم القصيدة : فاكد اخو اسم الرادود :#محمد_الجنامي اسم الشاعر :#كرار_حسين_الكربلائي المناسبة :عاشوراء محرم الحرام 1443 المكان : البصره/الفاو/موكب وحسينية ام الحسن 🏴🏴🏴🏴🏴🏴🏴🏴🏴 فاگد اخو..... هيبة ابو...... وبساعه وحده ودعت عشرة عمر ياحيرتي...... ياغربتي..... الفارگله غالي كسرته ماتنجبر ...................... من تشوف انسان محني دمعته بعينه نهر گول اخو مفگود منه وكسر من عنده الظهر خله يبچي ولاتلومه لو يموت من القهر يناس الراح من عنده اخيه يضوگ بروحته طعم المنيه وحگ عباس لمن راح عباس انحنيت ومات كل الحيل بيه فراگ الگمر.....كسرة ظهر.... وابفزة سنيني وشفت نجم الظهر فوگه طحت......وشگد نحت الفارگله غالي كسرته ماتنجبر ........................ العنده اخو الوادم تهابه ومايمر صوبه الهوى مثل عين وشوف چنه عمر گضيناه سوى چتت اتباهه بخيي عافني وگلبي انچوى طحت محد لزم بالناس ايدي صحت عباس وينك ياعضيدي چنت بأربع جهاتي واگف الگاك عفتني بكربله ضايع اوحيدي صاح الگلب....بعدك صعب.... وموادع الخوه شعل روحي بجمر ياابا الفضل...... مال الحمل الفارگله غالي كسرته ماتنجبر ....................... بعيني ظل خالي مچانه راح اخوي وتچوتي المن احچي ويمن ابچي ومنهو يفهم دمعتي تخوصرت وأيدي اعله ظهري والتفت ماهي اخوتي مشه الما گالي ذاك بحياته يضوي سنينه چان شحلاته جفانه التارس الدنيه محنه ابو الغيره يسمنه خواته ليش الزمن.....ماخذ وطن حارمني من كلمة يخويه من الزغر بعد الحسن.....حامي الظعن الفارگله غالي كسرته ماتنجبر ................. واگف اعله النهر يمه وشايل بچفي العلم گتله انهض يابوفاضل بعدك اطيح الخيم خفت توگع عينه بيدي لو شلت منهه السهم الخيمنه ماأرد صاح بونينه اعتذرلي گال من بنتك سكينه بچه الزينب وطلعت روح عباس ولطمت الوجه بيساره ويمينه راسه انمرد.....صابه العمد والمشرعه انترست ضوى بدم البدر شگد حاولت....اصبر گلت الفارگله غالي كسرته ماتنجبر .................... ارجعت بس تعثر اجدامي وشفت زينب حايره تگلي شو رديت وحدك وينه سبع الگتطره كلمة العباس طايح بالمدامع تنقره صحت يختي استعدي الضيم الأيام بعد بس ساعه صدري اترسه الأسهام بعد ذبحي مخيمنه يحرگوه وعمت عيني وراچ السبي للشام بنت النبي......بدرب السبي ايشيب گلب زينب ترى من اليسر عگب الخدر.....ويه الشمر الفارگله غالي كسرته ماتنجبر 🏴🏴🏴🏴🏴🏴🏴🏴🏴

اسم القصيدة : يزينب هلج وين اسم الرادود : #محمد_الجنامي اسم الشاعر : #كرار_حسين_الكربلائي المناسبة : عاشوراء محرم الحرام /1443 المكان : النجف الأشرف/هيئة الزهراء للعزاء المركزي 🏴🏴🏴🏴🏴🏴🏴 ليل اهدعش ليل....ماخله كل حيل....تعبانه من ليلة امس مانامت العين ورماد الخيام.....بوجوه الأيتام.....كلساع يسألني الذبح زينب هلچ وين .................... طولي مامشيوف حتى بطيف واليوم..... غربه شافوه من الظهر لسه ركض وسياط والگوم..... حيلي هدموه نهار الطف سوالف سوى بيه عصي وسياط وآنه اشگف بديه اليذبحونه العده بعاشور يرتاح ذبحكم اهون من المر عليه بزينب يشمتون.....كلهم يضحكون.....اعثر ولاواحد يگلي اسم الله بالناس اعثر بالأذيال....وبذمتي اعيالل.....وگبالي اشوف اطفال اخيي بخيل تنداس صواويني تلهب......هلچ وين يزينب ........................ صار الغروب وحرت بمدللاتي.... شلون بيه ماكو خيمه وصايره خيمه الخواتي..... هالمسيه فرشت دموع عيني فراش بالگاع انوم طفله وتفز طفله كلساع اخاف اعله اليتامه واحد يضيع وأحسب من يدوره الطفل لو ضاع من صار الغروب..... عيني اعله الدروب حيهم صحت هلبت بني هاشم يفزعون انطي الوجه وين..... مذبوح الحسين گدامي راسه اعله الرمح ويدير العيون ترى گلبي شيب...... هلچ وين يزينب ................... احرس النسوان من راحت زلمنه.... بليل الجروح دورت لن حرمه ماهي بحرمنه...... وشاغت الروح اطلعت بالليل ادور وحدي عنها الرباب اشتاگت ورادت ابنها اسمعتها تصيح يوليدي دللول يبعد امك ترى امك در لبنها ماشافت النوم...... وبكربله تحوم..... والفارگت مثل الرضيع اليوم شتگول مالحظه ترتاح..... منها ولد راح..... ست اشهر وماشابع من امه دللول الخدر ليش تغرب......هلچ وين يزينب ......................... الموقف البچاني لمن جابوا الماي.... للنساوين طفله گالت عمه زينب گومي وياي.... نمشي لحسين يعمه نروح من نحره نشربه على الله ويبرد من العطش گلبه ترى الشافت ابوها يموت عطشان يطاري الماي ابداً ماتحبه والماي ياناس...... مر عگب عباس....... ماأشربه ذاك الگطع من الكافل چفوف دلالي عطشان....... الشوفة الخوان....... من فرگة الظامي بعد بعيوني ماشوف العدو سيفه ينهب.....هلچ وين يزينب ...................... ادعي من الله عسن مايخلص الليل.... گلبي محروگ والسبي آخ السبي شيخلي بالحيل.... وهزل النوگ إذا صار الصبح اطلع سبيه اعداي حبال خشنه محضره ليه آه الشام وأتمنيت ياناس اموت ولا اطب ديوان اميه ذاك الصبح كون..... متشوفه العيون.... آنه سبيه وأخوتي بس روس برماح آنه اخت الحسين..... وأدخل دواوين..... الفارگ هله ورافگ عدوه بموته يرتاح دلالي تسلب.....هلچ وين يزينب 🏴🏴🏴🏴🏴🏴🏴

القصیدة ▪︎[ شهر مذبوحي ] ▪︎اداء | #محمد_الجنامي ▪︎الشاعر | #كرار_حسين_الكربلائي #محرم #محمد_الجنامي

اسم القصيدة : يالعايشين بروحي اسم الرادود : #محمد_الجنامي اسم الشاعر : #كرار_حسين_الكربلائي المناسبة : عاشوراء محرم الحرام /1443 المكان : النجف الأشرف/هيئة الزهراء للعزاء المركزي 🏴🏴🏴🏴🏴🏴🏴 يالعايشين بروحي.... سميتكم بجروحي غطه الگبر..... عشرة عمر..... والذكريات ابالي حن ياگلب.....ضم الترب.....غالي اعز من غالي ...................... علي السحاد....الكربله راد....يدفن اجساد الدفنها بغير تكفين يم الأعزاز....جاي جناز......ينقري بوجهه الحزن ودموعه بالعين هيبته هيبة نبي....ولثمه تراب السبي.... بلهفة مفارگ وگع يم نحر الحسين بعلته الله يساعده......شبگ منحر والده.... والنحر حاچاه يبويه عمتك وين نحر الأبو شميته..... ناشدني عن اخيته..... دموعي حچت..... عمتي انسبت..... شفته انحنه وبچالي حن ياگلب....ضم الترب.....غالي اعز من غالي ........................ نحره مذبحوح..... يحچي بجروح..... شلونها زينب يبويه وحالها شلون بحچيي وياه.... عثرت الآه..... گتله عفت اسياطهم تاكل بالمتون مشت كل خطوه بجرح.... عينها بعين الرمح.... بويه وتراب السبي نايم بالعيون حيلها مو الأولي..... تگلي ادعي ياعلي.... كون اموت ولا تطب للشام الظعون شمر إيحدي بعماتي سوطه يطگ عماتي حبل الخشن.... خلاني احن .... وتبچي رقيه گبالي حن ياگلب.....ضم الترب.....غالي اعز من غالي ..................... ادفنت الحسين..... دمعي بالعين..... وفوگ صدره المنسحگ دافن رضيعه ادفنت الأنصار...... وبالگلب نار..... وصحت مأجورين أجركم عالوديعه ورحت يم راعي العلم.... گتله الحگلي يعم.... بغيبتك لو تدري ضعنه شلون ضيعه بيرقك شاله الشمر..... وشافته ام الخدر... إيگلها مايرجع ترى چفوفه گطيعه احچيها صعبه اعليه زينب مشت مسبيه يابا الفضل..... فوگ الهزل.....ريتك تشاهد حالي حن يگلب.....ضم الترب....غالي اعز من غالي ...................... آيالتراب.... شماخذ احباب.... الموت اخذ من عندي كل انسان احبه بليل الفراگ..... ابچي وأشتاگ.... عگب عين الودعوني الدنيا غربه عايش المن بالعمر.... اعزاز گلبي بالگبر.....والدفن غالي دفن وياه گلبه على جروحي انتچي....الراح ميرجعه البچي.....وتبچي جدام الشماته هواي صعبه بحرگة گلب اشمهم وين الله اموتن يمهم الچانوا وطن..... خذهه الزمن.... بس عاشوا بدلالي حن ياگلب......ضم الترب.....غالي اعز من غالي ........................... نو العيون......مايرجعون...... راح اعيش العمر كله گلبي مكسور حيلي مهدوم......مفارگ النوم......اعز ناسي ودعتهم بين الگبور الهجر جمره وما برد..... يطول عمري المن بعد.....الفارگ احبابه من يموت معذور العنده غالي مندفن....لاتلومه من يون..... النوح مو طبعي چنت عالنوح مجبور يحني الجبال مصابي خالي مكان احبابي وجهي ذبل..... عظمي نحل.... مفارگ حبيبي الغالي حن ياگلب..... ضم الترب.....غالي اعز من غالي 🏴🏴🏴🏴🏴🏴🏴

اسم القصيده : يا ناس اسم الشاعر : #كرار_حسين_الكربلائي اسم الرادود : #محمد_الجنامي المناسبه : استشهاد الامام زين العابدين ١٤٤٤ المكان : موكب خدمة اهل البيت | ايران - سربندر 🏴🏴🏴🏴🏴🏴🏴🏴🏴🏴 يا ناس تدرون منين مخلوقه الخدم امن تراب تل و دمعات زينب والخيم الف سنه و بعد نتحسر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● موعد من طه منطي للزهره يخلق اله شيعه يجروله العبره و احنه توفقنه بهالحب عالفطره يعني ابطينه الخدام تربة كربله تلكه من جمر الخيم يا ناس ربك خالق الحركه لتلوم اليون و يموت لجل حسين من حكه حسيني ... حسيني ولله لو من حركه تموت من حكها النفس سمرات شيبات حسين من حر الشمس عشك يظل ولا يتغير ... لطم بجي وحزن للمحشر للمحشر ... للمحشر °•○●°•○●°•○●°•○●°•○● امسلّب بس فصّل ثوب الخدّامه الدمعه النجريها امن ادموع ايتانه و لون الاسود من دخان اخيامه عابس جدنه وبدمنه جيناته الوراثيّه مجنون ابأثر مجنون بالخدمه الحسينيه حته البعده ما مخلوق تلكه عنده جنسيه حسيني ... حسيني ونموت لكن ميموت بدمانه العشك جذاب كل حب بالكون بس حبنه الصدك قسم و حد دمه كل منحر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● حسين امدلّلنه انتيه من انعوفه وعباس علّمنه نلهج بحروفه ما جان يلطمله كطّعله جفوفه واتعلمنه من عباس كون نموت منّ انحب لو هذا الزمن موجود جا تلكاه ابو موكب بدرب الخدمه للزوار تشوفه واكف معزّب حسيني ... حسيني ديوان جفّ عباس ما رجّع بشر و اطباع هاي الخدام ترجع للكمر وفه الكمر نهر ظل يكبر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● العاشك من يعشك كل شي يتحمل هوه الحب جمره يجوينه و نذبل نتعب نتعذّب بس ما نتبدّل احنه الغالي منعوفه لو مهما تعذبنه احنه اهل الصدك والناس ماتكدر تجذبنه احنه نحب وابد منخون ونعلن للخلك حبنه حسيني ... حسيني ماشين بدروب الشوك وادروب الوفه الما باع صاحب للموت واضح موقفه الكلب عله البعد ما يكدر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● الخادم بالدنيه ايحس زينب امه كلمة مسبيه يا ناس اتهضمه لتلوم عيونه من تبجي و تعمه هاي امخدرة عدنان محد ما لمح ظلها زينب توكف بديوان هذي منهو يعقلها ما ذلت اخت عباس موقف بالسبي الها حسيني ... حسيني والناس اخذوا قرآن بدروب السبي بشام جانت تنشاف مو زينب نبي الخلك تصد علي عالمنبر ... لطم بجي وحزن للمحشر للمحشر ... للمحشر 🏴🏴🏴🏴🏴🏴🏴🏴🏴

اسم القصيدة : علمني رحيلك اسم الشاعر : #كرار_حسين_الكربلائي اسم الرادود : #محمد_الجنامي المناسبة : محرم الحرام ١٤٤٤ الهجري المكان : حسينة و موكب ام الحسن | الفاو 🏴🏴🏴🏴🏴🏴🏴🏴 علمني رحيلك ... كلشي ماتسوه الحياة ابلا حبيب علمني رحيلك ... الما يعيش اوياك يتسمه غريب °•○°•○°•○°•○°•○°•○°•○ يا ضوه عيوني برحيلك مات بعيوني الضوه يالمدللني بوجودك كلبي من بالفركه انجوه شكر جانت دنيه حلوه نصبح ونمسي سوه و هسه كلشي بعيني ظلمه و ميت بريتي الهوه عايفني غريبه ... يالرحت انت الجرح وانته الطبيب عايفني غريبه ... الما يعيش اوياك يتسمه غريب °•○°•○°•○°•○°•○°•○°•○ امنهد ما سفرت عني وجفن ما لاكه جفن كل فرح ما طاب روحي وعشره عاشرني الحزن يالجنت اغفه اعله ايدك هسه اغفه اعله الحزن ابنيتك افراكك كتلها و متت من كد ما اون صدكني يغالي ... من وداعك ما طفه بكلبي اللهيب صدكني يغالي ... الما يعيش اوياك يتسمه غريب °•○°•○°•○°•○°•○°•○°•○ عفت بيه اشلون حيره شحجي للعنك سأل لاني ميته و لاني عدله يالحنين انطيني حل من رحت بستان عمري وداعة عيونك ذبل اغله انسان بحياتي عافني بغربه و رحل المن احجي جرحي ... كلها غربه وانته مبعد مو قريب المن احجي جرحي ... الما يعيش اوياك يتسمه غريب °•○°•○°•○°•○°•○°•○°•○ الوالد البنته عليله تظلم بعينه السمه رحت و دموعك تكلي وداعة الله فاطمة انتي موتج من غيابي وانه موتي من الضمه كبل ما ودع عيونك ريت بعيوني العمه تعبني انتظارك ... الشيب اخذ روحي كبل وكت المشيب تعبني انتظارك ... الما يعيش اوياك يتسمه غريب °•○°•○°•○°•○°•○°•○°•○ بويه بن حذلم اجاني وكسر كلبي بجيّته واختصرلي و بده بكلمه حسين كطعوا ركبته حسين فوك الرمح راسه حسين رضّوا جثته حسين فوك الرمل عاري و سلبوها عمامته ما زرتك يغالي ... و من بعد سلمت عالشيب الخضيب ما زرتك يغالي ... الما يعيش اوياك يتسمه غريب 🏴🏴🏴🏴🏴🏴🏴🏴🏴

اسم القصيدة : اين الفاطميون اسم الشاعر : #كرار_حسين_الكربلائي اسم الرادود : #محمد_الجنامي المناسبة الليالي الفاطمية 1442 المكان كربلاء المقدسة/هيئة عزاء شباب كربلاء 🏴🏴🏴🏴🏴🏴🏴🏴🏴 يا اهل الليالي الفاطميه باچر بالحشر عدكم هويه اين الفاطميون~ خدام الزچيه @@@ عن الباقر هالروايه وأبكتبنه سند الها فاطمه ابيوم القيامه تلتقط شيعتها كلها دمعتك لطمتك تعبك كله مكتوب ابسجلها اترك حچي الهبَّ ودب اتعب وميضيع التعب عد فاطمه كلشي انحسب وادم البطرانه خلها ابيوم البي منك تبره امك هناك ام الحسين إتصيح بإسمك باچر مايضيعون خدام الزچيه @@@ فاطمه تلزم ابإيدك بالحشر هيهات تهوى جيتك الهاي المجالس تنذخرلك خطوه خطوه ع الرمل لاتبني بيتك بيتك شما يعله يهوى قوّي الاساس ابخدمتك وأفرش البيت ابدمعتك مرتبطه خلها نيتك ابفاطمه والمال يسوه حج صوم ~ وعمر حط سبحه بيدك ابغير الزهره كلشي مايفيدك اخدم واليفوزون خدام الزچيه @@@ الامر من الباري يصدر الجنه الج يالزهره منزل تلتفت لله الوديعه اتنادي بس ابدمع يهمل مااطب للجنه إلاّ شيعتي وياي تدخل ذاك الوكت رب السمه امر القيامه ايسلمه الفاطمه وتوگف فاطمه الصفوة الخدام تكفل هنا ايبين الباچيله دمعه اتعرفه الزهره باچر ماتضيعه بالجنه ايتسمون خدام الزچيه @@@ تلتقي الزهره ابولدها وتلتقي ابحامي الحميه اتشوف طبرة راس حيدر ونبچي وياها سويه والحسن تنظر الچبده ويلّچم ضلع الزچيه وأتشوف الحسين ابوضع بس جسد~ راسه منگطع وبالخيل مهشوم الضلع وترد تشتم ابرقيه ابزينب تلتقي والهضمه هضمه اتگلها اشلونها امتونچ ييمه وللموقف يشوفون خدام الزچيه @@@ بين ذاك الجمع تطلع حرمه وأمحجبه ابهمها أتصيح ارد انظر الزهره ياخلگ ودوني يمها ومن تجي اگبال الزچيه توگع اتقبل جدمها ابحگچ تگلها امقصره يالزهره وأرجو المعذره ونسأل هناك اعله المره وإهي اتجاوبنه ابألمها آنه ام البنين ودهري ذبني حگي لو صحت يحسين يبني فگد الأربعه ايهون خدام الزچيه 🏴🏴🏴🏴🏴🏴🏴🏴🏴

اسم القصيده : لطم بجي وحزن للمحشر اسم الشاعر : #كرار_حسين_الكربلائي اسم الرادود : #محمد_الجنامي المناسبه : استشهاد الامام زين العابدين ١٤٤٤ المكان : عزاء الناصريه المركزي | هيئة ٣١٣ الحسينية 🏴🏴🏴🏴🏴🏴🏴🏴🏴🏴 يا ناس تدرون منين مخلوقه الخدم امن تراب تل و دمعات زينب والخيم الف سنه و بعد نتحسر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● موعد من طه منطي للزهره يخلق اله شيعه يجروله العبره و احنه توفقنه بهالحب عالفطره يعني ابطينه الخدام تربة كربله تلكه من جمر الخيم يا ناس ربك خالق الحركه لتلوم اليون و يموت لجل حسين من حكه حسيني ... حسيني ولله لو من حركه تموت من حكها النفس سمرات شيبات حسين من حر الشمس عشك يظل ولا يتغير ... لطم بجي وحزن للمحشر للمحشر ... للمحشر °•○●°•○●°•○●°•○●°•○● امسلّب بس فصّل ثوب الخدّامه الدمعه النجريها امن ادموع ايتانه و لون الاسود من دخان اخيامه عابس جدنه وبدمنه جيناته الوراثيّه مجنون ابأثر مجنون بالخدمه الحسينيه حته البعده ما مخلوق تلكه عنده جنسيه حسيني ... حسيني ونموت لكن ميموت بدمانه العشك جذاب كل حب بالكون بس حبنه الصدك قسم و حد دمه كل منحر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● حسين امدلّلنه انتيه من انعوفه وعباس علّمنه نلهج بحروفه ما جان يلطمله كطّعله جفوفه واتعلمنه من عباس كون نموت منّ انحب لو هذا الزمن موجود جا تلكاه ابو موكب بدرب الخدمه للزوار تشوفه واكف معزّب حسيني ... حسيني ديوان جفّ عباس ما رجّع بشر و اطباع هاي الخدام ترجع للكمر وفه الكمر نهر ظل يكبر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● العاشك من يعشك كل شي يتحمل هوه الحب جمره يجوينه و نذبل نتعب نتعذّب بس ما نتبدّل احنه الغالي منعوفه لو مهما تعذبنه احنه اهل الصدك والناس ماتكدر تجذبنه احنه نحب وابد منخون ونعلن للخلك حبنه حسيني ... حسيني ماشين بدروب الشوك وادروب الوفه الما باع صاحب للموت واضح موقفه الكلب عله البعد ما يكدر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● الخادم بالدنيه ايحس زينب امه كلمة مسبيه يا ناس اتهضمه لتلوم عيونه من تبجي و تعمه هاي امخدرة عدنان محد ما لمح ظلها زينب توكف بديوان هذي منهو يعقلها ما ذلت اخت عباس موقف بالسبي الها حسيني ... حسيني والناس اخذوا قرآن بدروب السبي بشام جانت تنشاف مو زينب نبي الخلك تصد علي عالمنبر ... لطم بجي وحزن للمحشر للمحشر ... للمحشر

اسم القصيدة : اخو و صاحب اسم الشاعر : #كرار_حسين_الكربلائي اسم الرادود : #محمد_الجنامي المناسبة : محرم الحرام ١٤٤٤ الهجري المكان : حسينة و موكب ام الحسن | الفاو 🏴🏴🏴🏴🏴🏴🏴🏴🏴 علم جان بيدي ......... ابن عمي و عضيدي انه فاكد اخو و صاحب حنين و من اهلنه جرح عاش بيه .......... عمر عشناه سويه رحل عني و كسر ظهري و بجيت اعله المحنه الدمع بعيوني صاح .......... سفير الغيره راح اخو و صاحب .......... اخو و صاحب ■□●○•°■□●○•°■□●○•° ابوكت بيه ميته المروه ... لكيته مثل للنخوه اخوي و صاحبي و حزامي اليشد ظهري ازلمه وسوالفه حسجه ... و مان فوكاه اتوجّه فكدته و حنية الحاجب حنه ظهري يهالناس ... يصح بالدنيه صاحب اخو اتحسبه يهالناس ... تره مسلم مثل عباس احبه و مشه عني ... و مشه عني بالدروب راسم .......... وفه بدر الهواشم مله الكوفه وفه و غيره و غضب من الله سيفه عالعيون حاجب .......... سلالة ابوطالب و لا بايع خلافتها و كسر خشم الخليفه اعله ظلمتهم صباح .......... سفير الغيره راح اخو و صاحب .......... اخو و صاحب ■□●○•°■□●○•°■□●○•° مواقف غيرته هوايه ... اصيل و كد الحجايه بزمن قلّه اليصون الزاد والملحه سلفنه يسولف ابطبعه ... و لا حاجي بظهر ربعه تعادي الخير الدنيه صدك وكحه حرامات ... التراب اينكط بخيرة ربعنه حرامات ... و نول كدام كل شامت دمعنه الف ويلي شهم راح مني .......... اذا سألوه عني يكلّ الهم اخو روحي اموت و ما اعوفه بالعيون بيته .......... حسينيه هويته وفي و بمراية الخوه مثل نفسي اشوفه انكسر مني الجناح .......... سفير الغيره راح اخو و صاحب .......... اخو و صاحب ■□●○•°■□●○•°■□●○•° بخيالي حسبت كلشي ... سويه الكربله نمشي يخلّي اجفوفه بجفوفي الدرب كله اسولف للخلك عنّه ... سبكني و راح للجنه تره الصاحب الطيب خلته خله صحت ليش ...اودع التارس اعيوني بحنانه صحت ليش ... اشوف ابكربله خالي مكانه و بجت عيني يدنياي كافي .......... خذيتي الي يوافي عشت عمري غصن ذابل عطش وبكاع صحره على الراح نوحي .......... و اتعيش بغربه روحي سفير الطف خبر موته شعل بجروحي جمره اديه اعله الصفاح .......... سفير الغيره راح اخو و صاحب .......... اخو و صاحب ■□●○•°■□●○•°■□●○•° سفير الغيره سميته ... لأهالي الكوفه وديته كلتله تموت كال ابشر و دك صدره يعيني و نظر عيني ... اعله مودك ترخص سنيني وقف عمري و حياتي الكل بني الزهره بالحروب ... يدور بالكتايب وين اسباع بالحروب ... اذا يخزر سماها تطيح بالكاع هله ابزوده اذا صال وحده .......... كتايب ماترده خرز سبحه يطشرها و يرد سيفه يلمها صناديد ذلها .......... فتك بالكوفه كلها جثث فوك الجثث ذبها تطوف ابحر دمها كسر بيها الرماح .......... سفير الغيره راح اخو و صاحب .......... اخو و صاحب ■□●○•°■□●○•°■□●○•° دره كلبي ابوكت موته ... اجاني اويه الهوه صوته الضعن رده الهله يحاجيني بدموعه مثل نحري انكطع نحره ... و مثل صدري انهشم صدره اليطيح من القصر تتهشم ضلوعه بالخيول ... يسحبون الفلا لاكاه خيال بالخيول ... صدك مسلم يجرونه بالحبال عمت عيني الدمع طاح غيمه .......... بقت بنته يتيمه يعالم و انكسر كلبي عله غربة حميده بالخيام تبجي .......... و دمع غربتها يحجي يعمي روحي مشتاكه ابوي الغالي اريده سمعها و كلبي ناح .......... سفير الغيره راح اخو و صاحب .......... اخو و صاحب 🏴🏴🏴🏴🏴🏴🏴🏴

اسم القصيدة : ياعباس إجت اسم الشاعر : #كرار_حسين_الكربلائي اسم الرادود : #محمد_الجنامي 🏴🏴🏴🏴🏴🏴🏴🏴🏴🏴🏴 يا عباس إجت من السبي هاي زينب عوف المشرعه وأستقبل اوياي زينب من ضيم اليسر عدها حچي اهواي زينب خل نطلع سويه نتلگه السبيه @@@ هاي ام المصايب إلنه رجعت رايده أتزور مشتاگه الي ومشتاگه الك من ظهر عاشور إشرايك يابو فاضل نفزعلها من الگبور وإبلا روس نركض خل نسمعها بچي أنحور زينب كعبه خلي ارواحنه اطوف زينب جيب اچفوفك الزم بيهن اچفوف زينب بيدك خل ترف الرايه وتشوف زينب من الغاضريه نتلگه السبيه @@@ الزينب من بعيد اسمع بچي اعرف بچيها محنية ظهر تمشي عمت عيني عليها هاي الغاليه سوط الشمر شمسوي بيها من دم روسنه يابو الفضل حمرات ايديها يوجعها المتن من عصي الجمال زينب متورمات إيديها من الحبال زينب نحلانه وجدمها گوه ينشال زينب گلي إبيا رزيه نتلگه السبيه @@@ زينب من تطب الكربله وياها الايتام تگعد ع الترب لو تنهضلها وتنصب إخيام يا عباس تدري شلون دارت بيها الأيام چانت بالخرابه إعله الترب من تتعب إتنام إصعد عله التل وشوفلي وين زينب وإسأل منهو بچفوفه سطر عين زينب صح يابو الفضل طبت دواوين زينب من ديوان اميه نتلگه السبيه @@@ إبلا چفين عد وياي يا ليث الكتيبه

📜 قصيدة : أُمّاه كلّميني ✒ الشاعر : #كرار_حسين_الكربلائي 🔖 ذكرى : إستشهاد فاطمة الزهراء عليها السلام الرواية الثالثة ليلة 20 جمادى الأول 1442هــ 🕌 حسينية : (البقالين)هيئة شباب علي الأصغر عليه السلام -كربلا أُمّاه كلّميني .. كلّميني أنا حبيبُك الحسين 🖤🔷️🖤🔷️🖤🔷️🖤 رِكض للحجرة بونينه وفوگ الجروح انتچه يبوس رجليها ويشمها و فز ضلعها من بچه ما مصدّگ اُمّه ميّته وخنگته العبرة و حچه اگعدي يالحبيبه تصيح الجروح اگعــدي مــن گبل لاتطلَع الروح ييُـمّه حســين آنـه اليمّـچ ينوح ... ييُمّه أُماه تترُكيني؟ .. في أنيني ألطِمُ وجهي باليدين 🖤🔷️🖤🔷️🖤🔷️🖤 يُــمّه آنـه حسيــن أبنــچ رِدّي لــو كلـــمه عَـلَيّ فوگ طولچ ظهري محني ولازم صفاحي بديّ ابـأوّل سنيــني بــعدنــي وافگـدت أُمّ و أخيّ كسر گلبي زماني وأبچي سكته الكسر ضــلعچ ولا مبـريّه ذمته بعــدني زغيــر موتچ بعد وكته ... ييُمّه أُمّاه ماتَ صَبري .. ضاقَ صدري وَفاضَ دَمعي كاللُّجَين 🖤🔷️🖤🔷️🖤🔷️🖤 گبــل مــن أبچــي تجيــني وچــفّچ يمشّ الدّمع شعجب هسّه نوحي عالي وصوت الِچ ماينسمع ليــش باب الكِسَــر ضلعـچ مــاكِسَـر منّــي ضـلع يَـأُمّي الماكــو بالــدنيه مثلها تحمّـلتي دفـع بـاب اشثِـگِلها النياحه بــعد عينچ ما أملـها ... ييُمّه أُمّاه يامَلاذي .. وَ مَعاذي حَبيبَتي تَمضينَ أيْن؟ 🖤🔷️🖤🔷️🖤🔷️🖤 يمّـه من تمشيــن يا چف يندعيـلي بالحفُظ أحُط أذني فوگ گلبچ بلكي أسمع بي نبض يالحبيبه وين رحتي دمعي يكتب عالأرض يَـوالدتـي الشــفت سوط بمتنها وأثر چف بالوجه وَ احمر جفنها تــره الأُم من تموت يموت ابنها ... ييُمّه أُمّاه زادَ كَربي .. ذابَ قَلبي حُزنًا بكتكِ كُلَ عين 🖤🔷️🖤🔷️🖤🔷️🖤 والدي رايح يلفّـچ بالچفن گبل الفجر يوم يمّي يالحنينه وباچر يضمّچ گبر وبعـد مانلتقي الّا بيوم عاشور الظهر إذا شــفتي الشمـــر يگطع بنحري وراهـا خيـولهُم تسحگــلي صدري اعله زينب دمعتي ودمعتچ تجري ... ييُمّه أُمّاه سوف أَضمى .. سوف أُدمى وسَبيُ زينَبْ ذَبحَتين