🌿🌸🍃🌾🌼 🍃🌺🍂 🌿🍂 زبانحال حضرت موسی ابن جعفر علیه السلام حاج اصغر فرشچی ( عدلی تبریزی) سبک: یا امام زمان گل اماندی... جامۀ عشقوی سویمیین وار و... کاروان رفته منزل به منزل و.... تیره دورای خدا روزگاریم یوخدی بو سجنیده غمگساریم زهرکین بیرشررسالدی جانه سلب ایدوبدورتوان یوخ قراریم کر: خستیم خستیم ای الهی گویلوم ایستورگورم من رضانی بلبلم اولموشام گل چمندن آیری سالدی عدو ایل وطندن ظلم الین چکموری سِند مندن هی ویرور قالموری اختیاریم ال آچوب اهل کین هرجفایه دوزموشم حبس لرده بلایه عمرومی کاش چاتا انتهایه لیل تاریک دور هر نهاریم بو نمین یر منی ایتدی بیمار ظلمت ایچره یوخومدی پرستار کیم غریبی گلوب بوردا یوخلار هرگونومدی خزان یوخ بهاریم واردی منده الهی نه تقصیر ایلسون بوینومی یاره زنجیر ایلیوب زهر کین جسمه تأثیر عرشه چاتدی خدا آه و زاریم یادینه من غریبی سالان یوخ کوندنی بوایاقدان آچان یوخ محبسیمدن من قورتاران یوخ واردی دیلده غم بی شماریم ایخدا روحومی یوردی محنت من رضانی گورم ایت عنایت ایلییه صون نفس منله صحبت قالمیه حسرتیم غم شراریم ای نهاری دونن لیل تاره درد و غمدن اولان قلبی پاره خادموز (عدلیه ) ایت نظاره مشکلوم وار دیورشهریاریم 🍃 🌺🍂 🍃🌾🌼 🌸🍃🌾🌼

‍ الله غریبم دربدر... راز و نیاز حضرت  امام کاظم علیه السلام سید تقی سیفی اردبیلی الله غریبم دربدر زندانیم خونین جگر قالدی فراقیمده منیم اون یدی قز ائوده ملر جان سینمه گلدی خدا گلمز ندن اوغلوم رضا فکر سر و جان ائتمرم،حق اهلیم آزاده ام باش اگمرم جانی لره،پیرم اگر افتاده ام منهاج حقدن دونمرم،نسبتده حیدر زاده ام آیات قرآنه اولوب،بو چرپنان قلبیم سپر شیطان و شیطان سیرته،حاشا ائدم من بندگی وار مرد حقّه کُنده و،زنجیرده ارزندگی اللی بش ایل بو دهریده،ائتدیم شرفلن زندگی شمع حیاتیم ایندی بو،محبسده ظلمیلن سونر فرعون کیمی عصیان ائدوب،بغدادیده هارون دون گوردوم که چوخ جهد ایلیور،اسلامی تا ائتسون زَبون یثربده منده باشلادوم،تختین ائدم تا سرنگون بیلدی خلافتدن دوشَر،آچدی منه دستِ خطر ترسه مدار ائتدی منیم،آمالیمه بو چرخ پیر قیلدی منی نخجیر تک،ظلمون کمندینده اسیر ایللردی بو زندانیده،من تیره روزم دستگیر دست جنایت پیشه دن،هِی سویلرم داد الحذر آرام جانیم سلب ائدوب،بوینومدا سنگین سلسله زندانِ جانفرساده من،یانام غمه گللم دیله عبد مطیع خالقم،یوخ رنج عشقیمدن گله من راضیم تقدیریمه،خالق رضا اولسا اگر احیای اسلامه گوره،اهل و عیالی بوشلادیم فیض حقه مشتاقیدیم،زندانی خلوت خوشلادیم معبودیلن محبسده من،راز و نیازی خوشلادیم عرض ایلدیم ائتدون کرم،اولدوم بو عشقه مفتخر باتسون خدایا دهرده،ظُلّام بی ایمان آدی مظلومی سرگردان ائدوب،ظلم ایلمکدن دویمادی زنداندا من راحت قالام،سندابن شاهک قویمادی پوزدی صفای عشقیمی،جلاد پست و خیره سر خوشدور منیم آزاریمه،سند جسور و بی حیا قوش تک قفسده اینجیدور،ائتمز منی الدن رها هر گون گلر دیداریمه،ایلر اهانت ناروا هی دل اوخیلان قلبیمه،نشتر ووروب شانشان ائدر بوی مروّت بُلمیوب،باخماز نوا و زاریمه درّنده خو وحشی صفت،اقدام ائدر آزاریمه من ذکر منّان ایلرم،سیلی وورار رخساریمه سنگین الی جان یاندیرار،شعله چکن اوددان بتر یوخدور انیس و آشنا،غم سینه می تنگه سالوب بیداد چنگال عسس،آرامیمی الدن آلوب یثربده عزتلی قاپوم،مندن صورا باغلی قالوب کان حیا اولادیمون،دوتماز سراقین بیر نفر عزت چراغلاری سونوب،دوشدی بلایه باشلاری هجریمده ایللردی منیم،قانه دونوب گوز یاشلاری ائوده قالان قزلاریمون،غمدن آغاردی باشلاری بو درد بی درمان منی،زندانیدن چوخ اینجیدر یوخ ذره آسایشلری،جور و عناد و کینه دن طغیان ائدوب دریا کیمی،باشدان آشوب درد و محن قویمازلا اولسون بیر نفر،قزلاریما ائلچی گلن کیم گلسه هارونِ دغا،ایلر اسیر و دربدر داد آل ئوزون هارونیدن،ای ذات پاک ذوالمنن بغض و عنادیلن اونون،قالدیم عجب غوغایه من بخت ائوینه گوندرمدیم،شرمندیم معصومه دن بو امره مهلت ویرمدی،هارون پست و فتنه گر قیل بیر نظر بو محبس،جانکاهه ای قادر تاری شامل ایله الطافووی،بو بندۀ حقه ساری زنداندا جان اوسته منه،معصومه نی گوندر باری هجران سوزوندن اوخشاسون،توکسون یوزه اشک بصر ریحانۀ باغ حیا،وئرسون صفا بو مأمنه گورسونله واردور همدمیم،گلسون حقارت دشمنه ئولسم باشیم اوسته قزیم،بیر لاله یاندرسون منه باتدی دیسون عزت گونوم،قالدیم یتیم و بی پدر جان اوسته اولسون یاوریم،بیر دم او دخت مه لقا من حقه جان تسلیم ائدیم،گیسون اودا رخت عزا خوشدور قرا گونّی قزیم،تابوتیمه چکسون قرا سالسون یولا باخسون دئسون،اولدوم نه یاخچی بختور مرحوم استاد سلیم_موذن زاده ﷽ ✨اَللّهُمَّ عَجِّل لِوَلیِّکَ الفَرَج✨

سلام تیر بلا داغلی قلبینی بولنه سلام گوشه ی زندانیده غریب ئولنه سلام سینه ده چوخ نیسگلی قالان آقاما فراق محنتی ، آرامینی آلان آقاما سلام اولا او عزیزه که همدمی یوخیدی انیسی آهیدی باشدا بلاسی چوخ چوخیدی سلام او عاشقه که ذات حقه عاشیقدی همیشه ذکر دعا و نمازه شاییقیدی سلام او عابده کی ذکر حقه طالبیدی رضای حقه گوره دیو نفسه غالیبیدی سلام او مومنه که ظلمه اولمادی تسلیم سلام او رهبره کی کفره ائتمه دی تعظیم سلام اولا او مریضه که یاد ائدن یوخیدی گوروشه گوشه زندانیده گئدن یوخیدی سلام او شیره که اولموشدی بسته زنجیر دیلینده جاری اولوردی او حالیده تکبیر سلام او عابده که عالی امتیاز اوسته دایاندی گوشه زندانیده نماز اوسته سلام او زاهده که قیده اولمادی بسته ولیک سند او قدر ووردی ائله دی خسته سلام اولا او امامه که صبره حاکم دیر مصیبت عالمی داغ تک متین و کاظم دیر سلام او سروره که دوشدی درد هجرانه گوزل بالالاری دائم گلردی افغانه سلام اولا او امامه که حقه شاکری دی غم و مصیبته دریا مثالی صابریدی دئیردی گرچه بو زنداندا ناخوشام یارب ولی بو خلوته چوخداندی دلخوشام یارب الهی حمد اولا درگاه با کرامتیوه نقدری شکر ائله سم آزدی بو عنایتیوه که قسمت اولدی بو یئر سنله شرح حالت ائده م فراغت عالمی آسوده دل عبادت ائده م الهی ائله مدد ای خدای حی و حمید که یوخدی دهریده سنسیز ره نجات و امید بو خلوتین دل زنداندا لطف اعظم دور محبت اهلی بیلر عالمین نه عالم دور همیشه واردی گوزوم عفو و لطف و جاهینده الهی عترتیمی حفط ائله پناهینده سالاندا یادینه هردم وفالی عترتینی مرور ائدردی اورکده ملال و محنتینی دیردی شام و سحر دردینی اوزی اوزونه قالیب بالالاریم حسرت خدا آتا یوزونه ادامه دارد.. #مدهوش #محمد_هوشمند #حضرت_موسی_ابن_جعفر ع

زینبین قبرینه عاشقم من بانوای دلنشین وسوزناک فخرالذاکرین سلطان الذاکرین استادحاج سلیم موذن زاده اردبیلی روحش شادونام ویادش گرامی باد

۞﷽۞ احوالات حضرت موس بن جعفر(ع) مـحـبـس بـغـداده گـل یـا فـاطمه گـلـمـیـشـم فـریـاده گل یـا فـاطمه جان ویرورموس بن جعفریاده سال بـیـر کسیم یوخ داده گـل یـا فاطمه غربـت ائلده یـوخ منی یـاده سالان ایلیب حـرمـت سینان گویلـوم آلان قیدیمه یـوخ بـورا بیر کیمسه قالان بـاری سـن گـل یـاده سـال یـافاطمه حـالـیـمـی زنـدانـیـده اولـمـاز بـولـن صـون نـفـس بـالـیـنـیـمـه بیرده گلن قـسـمـتیـم حـاشـا اولا بـیـرده وطـن اِئـت کـفــن آمــاده گـل یــا فـاطـمـه یوخ سوزوم دشمن جفاسی اینجیدور محبسـون غـمـلـی هـواسـی اینجیدور بـویـنـمـون زنجیـر یـاراسـی اینجیدور مـحـبــســه اُفـتـاده گـل یــا فـاطـمــه دیـلـده داغ غـربـتـیـم واردور مـنـیـم بـیـراَسَـفلـی حـالتـیـم واردور مـنـیـم سـنـدالینیدن وحشتیم واردورمـنـیـم اول گـلـن اَثـنـاده گـل یـا فــاطــمــه دوشـمـوشـم ائـلدن قبیلمـنـدن اوزاق یـانـدیــروربـو قـلـبـیـمـی نــار فــراق گـورمــاقـا آلـمـیـش تَــوانِ اشـتـیـاق اوغـلـومـی امـداده گــل یـا فـاطـمـه یوخ قیزیم معصومه سینه داغلاسین یـاره مـه گوزیاشلی مرهـم بـاغلاسین های چکیب بیرجه دیونجان آغلاسین سسلـه سـین فـریـاده گـل یـافـاطـمـه قلبـیمی دلدی اوغـول هـجـران اوخی مـحـبـس تـاریـکـیـده هـــر آن اوخـی باشیمـون اوستونده گـل قـرآن اوخی قــالــمـیــام ایـذاده گـل یـا فـاطـمــه سـال گـلـنـده یول بـلا صحراسـنـیـنـه یان حـسـینـون چاک اولان اعضاسینه گوزیـاشـیـن جـاری ایـلـه سـقـاسـیـنـه آغــلا اول صـحـراده گـل یا فـاطـمــه اکـبـره لــیــلا دیـلـیـنـجـه وای دِنــه شــیــر خـواره اصـغـره لای لای دِنــه قــا ســم شـهــزادیـــه ایــوای دِنــه داغــلا دیـل دامــاده گــل یـا فـاطـمـه بسدور(عـاجـز)یـاندی بـوغـمـده قـلـم قـلــبــیــوی تـوتـدی شـرار درد و غــم ائـت مـنـیم قولـیمـجـه بوبـیـتی رقـم مـحـبـس بـغـداده گــل یـا فـاطــمــه شـامـل اولـدی لـطـف حـق وقـت اذان باخدی شاه بـیته فریدون نوحه خوان یـازدیـریـب بـوطـرزیـله ایـتدوز بـیـان گـلـمـیـشـم فـریـاده گـل یـا فـاطـمــه این شعر بنابرحسب الامر بردارعزیزم مداح بااخلاص اهلبیت(ع)کربلایی فریدون محمدی در تاریخ ۱۴۰۱/۱۰/۲۵به نوشته شده است (اجرکم عندالله) #_موسی _بن_جعفر_(ع)(۱) ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

⚡️ بسم الله الرحمن الرحیم ⚡️ 🏴شهادت امام موسی ابن جعفر (علیه السلام) سینه‌زنی #ترکی موسی بن جعفر جان وئرور گل داده زهرا سسلور بوگون اوغلون سنی امداده زهرا محبسدیم من _ قلبی شکسته جان اوستیم من _ گل باشیم اوسته زندانیده گل گورنجه حالیم یاماندی گوزدن آنا صبح و مسا اشکیم رواندی زهر جفادن پیکریم اود دوتدی یاندی سن اگنووه گِی قاره گل بغداده زهرا محبسدیم من _ قلبی شکسته جان اوستیم من _ گل باشیم اوسته من اون بیرایل زندانیم قرانه خاطر هر ظلمه صبر ائتدیم حقِ منّانه خاطر دَگدی منه سیلی ننه جانانه خاطر بیردا غریبم یوخ گلن فریاده زهرا محبسدیم من _ قلبی شکسته جان اوستیم من _ گل باشیم اوسته گل وئر صفا بو مجلس محنت فزایه جانیم چیخور تعجیل ایله تز گل هرایه ایکاش اولیدی قیزلاریم گلسون عزایه سن بینوا معصومه‌نی سال یاده زهرا محبسدیم من _ قلبی شکسته جان اوستیم من _ گل باشیم اوسته من شیعیان حیدره شاه و امیرم هارونه امّا اون بیرایلدی دستگیرم زنجیر و کونده واردی بوینومدا اسیرم کیم تاب ائدر آخر بئله بیداده زهرا محبسدیم من _ قلبی شکسته جان اوستیم من _ گل باشیم اوسته اهل و عیالیم گوزلری یوللاردا قالدی معصومه ی دلخسته‌نی کیم یاده سالدی موسی بن جعفر شهر غربتده قوجالدی من قالمیشام بیر غصّه‌لی بلواده زهرا محبسدیم من _ قلبی شکسته جان اوستیم من _ گل باشیم اوسته گلسون یقینا حالیمه دیل داغلیارسان سن ماتمیمده باشه قاره باغلیارسان یوخدور عزاداریم آنا سن آغلیارسان هئچ گورمدیم خوش گون فنا دنیاده زهرا محبسدیم من _ قلبی شکسته جان اوستیم من _ گل باشیم اوسته ✍کربلایی_حسن_طیبان ✨اَللّهُمَّ عَجِّل لِوَلیِّکَ الفَرَج✨ التماس دعا...

▪️یاابالفضل علیه السلام #شور_زنجیر_سه_ضرب 🎼سبک: الله الله کربلایه قان یاغیر... من ابالفضلم اورکدن درد وغم دریاسیم من حسینین الده شرمنده ئولن عباسیم قول وئروب سو آلدم اما چاتمادی عطشانلارا بیلسون عالم من سوسوزلارون سوسوز سقاسیم یاحسین یا حسین یاحسین (۲) من اباالفضلم بو حالیمه جهانی داغلارام گوز بولاغیندن خیامه قانلی چشمه باغلارام باش غمی قول دردی گوز دردی منه ائتمز اثر بیر گوزیلن من حسینین دردینه قان آغلارام یاحسین یا حسین یاحسین (۲) من ابالفضلم شمادت یورقونی سوز خسته سی ناروا سوز ایلیوبدور قلبیمی ئوز خسته سی خط سیریمده حسینیت یولوندان دونمه دیم گرچه الان اولموشام قول خسته سی،گوز خسته سی یاحسین یا حسین یاحسین (۲) ✍ حاج غلامرضا هادی اردبیلی ✨اَللّهُمَّ عَجِّل لِوَلیِّکَ الفَرَج✨

نوحه حضرت علی اصغر(ع)زنجیرزنی سه ضرب غنچه گل کیمی پایمال اولان _ اصغریمه لایلای قنداق قیزیل قانیله دولان _ اصغریمه لایلای آلتی آی علی شوقیلن سنون_چکدیم عز و نازون آلتی آی باشا یتمه میش ولی _ اوخلانوب بوغازون ئولدورر ربابی یقین اوغول _ درد جانگداز ظلمیله ایچن سو یرینه قان _ اصغریمه لایلای هانسی غنچه گل سن کیمی بله_ ظلم الیله سولدی هانسی غنچه گل آچمامیش اوغول_تز بوداقدان اولدی هانسی طفلی آخرده قونداقی _ ئوز قانیلا دولدی صرصر جفائیله تز سولان_ اصغریمه لایلای بیچدی نازنین حلقوی بالا _ ظلم الیله پیکان سو یرینه نوش ایلدون قیزیل _ قانیوی علی جان غمزده ربابین سنه اوغول _ خسته جانی قربان اوخ دگنده قوش مثلی چیرپینان _ اصغریمه لایلای قانلی قنداقون ساخلارام علی _ اودلی سینم اوسته آغلارام فراقونده روز وشب _ غم گلر غم اوسته بینوا آنان بنزیور سینیق _ کشتیه یم اوسته اوخ دگنده قوش مثلی چرپینان _ اصغریمه لایلای شاعر: زنده یادکریمی مراغه ایی #سالروز_شهادت_حضرت_رباب_س

نوحه شور زنجیر زنی شاعر#مضطر_اردبیلی منیم گل تک سولان اوغلوم علی لایلای بالام لایلای جفادن اوخلانان اوغلوم علی لایلای بالام لایلای عطش سنده نمایاندور عجب حالون پریشاندور بوغازون پیکرون قاندور علی لایلای بالام لایلای ستمله باغریقان اولدون خدنگ سن نشان اولدون آچوب گل تک خزان اولدون علی لایلای بالام لایلای منیم قلبیم باشی یاندی کم‌کار جمله دوغراندی بوغازون بیله اوخلاندی علی لایلای بالام لایلای شهیداولدون لبون عطشان بوغازوندان آخور القان سنی ویردیم قوزی قربان علی لایلای بالام لایلای باتوبدور قانه رخسارون گوزلدور رنگ گلباران اوغول بوش قالدی گهواره علی لایلای بالام لایلای #شادی_روح_سلیم_صلوات #مضطر_اردبیلی #سالروز_شهادت_حضرت_رباب_س