✳️ مویه(موری) مازندرانی در فراق مادر : #سه_پنج_روزه_که_مه_دل_زنه_نالش 🏴🏴🏴🏴🏴🏴🏴 سه پنج روزه که مه دل زَنّه نالش دل زَنّه نالش و چِش وارنه وارش سه پنج روزه که مه دل بَیّه پرخون وَنگ وا کِمّه جان مارِ قرون خوامه زار بزنم شه دلِ درده مه دلخشی مه مار بِیّه بَمرده مه جان مار بِیه خَله صمیمی چتی نِنالم از دردِ یتیمی اونی که وِنه جان مار بَمرده وه دُونّه مار بَمیره چَنّه درده چی بِیّـه گُلِ وَر خاردَنی بیبو چتی بِیّه غم مار دَنی بیبو جان مارکه شونه خِنِه سُو شونه خِنِه ی صفا و بِک و بو شونه جانِ مار مه دلخشی بِیّه بورده عزیزِ مار چَنّه خوار بِیّه بورده مه دل تنگ هَسّه دیگه خوار نبونه هیچ کسی که مه وِسّه مار نبونه الهی که خِنِه ی مـار نَمیره دلِ قراره مـار، قرار نَمیره مه جانِ مار عاشقِ زهرا بِیّه چَنّه شِه سینه بَـزو فاطمیّه مُحَرّم شه تَن سِیو جمه کِرده امام حسینِ وِسّه بِرمه کرده الهی به حقِ زینبِ کبری از مِه مار شفاعت هاکِنه زهرا پیـمبر بـا حـدیـثی بَـنوشته یقین «مداح» که مارِ جابهشته 🏴🏴🏴🏴🏴🏴🏴 شاعر :علی اکبر اسفندیار «مداح» #موری_درفراق_مادر #مویه_درفراق_مادر ⭐️ به کانال #اخبار_لفور بپیوندید 👇👇👇 @akhbarelafoor 📱 رسانه باشید ما را به دوستانتون معرفی کنید 🏴🏴🏴🏴🏴🏴🏴