《 مناجات 》 شکر اولا یارب منه نطق و بیان لطف ائتموسن ناتوانیدیم منه تاب و توان لطف ائتموسن من کی بی نام و نشانیدیم یر اوسته سایه تک شاکرم چوخ ، چون منه نام و نشان لطف ائتموسن ائتموشم هر نه طلب ، سن وئرمیسن یارب منه قانعم گرچه ولی سن بیکران لطف ائتموسن محضرونده من سنون ناچیز و عاجز بندیم نطفهء بی جانه سن روح و روان لطف ائتموسن بذل ائدن چوخدی ولی یوخدور یقیناً سن کیمی هرنه سن بذل ائتموسن یارب نهان لطف ائتموسن وار امیدیم عفویوه محشر گونی ای ذوالکرم سن کی بو عاصی حقیره جسم و جان لطف ائتموسن واردی #شیدانین چتین دردی اوزون درمان ائله ای کی هر دردین دواسین رایگان لطف ائتموسن #مناجات #محمدرضا‌صادقی‌شیدا

#دوبیتی ساخلا اندازه عزیزیم چیخما هرگز حدّیدن گوزله ائتمه پیروی نادان اولان مرتدّیدن غفلت ائتسن روحیوی ابلیس تک تسخیر ائدر مقصدون دوزخ اولار آخر بو سوء قصدیدن #محمدرضا‌صادقی‌شیدا

#تک‌بیت مَرکَبِ عمرون خطا گئتمز یقین ائیله بونی اولسا اَفساری توکّل اللرینده هر زمان #محمدرضا‌صادقی‌شیدا

#تک‌بیت نه تلاش ائیلیوسن خلق اولا راضی سندن اکثراً راضی دگور مردم اوز آللهیندن #محمدرضا‌صادقی‌شیدا

#تک‌بیت هاچان گوردون کی درد و غم اولوبدور قلبیوه غالب اورکدن سسله بیر یول یا عَلی ابنِ اَبیطالِب #محمدرضا‌صادقی‌شیدا

《 آیرلیق 》 گوز یاشیمی هجرونده گوزومدن اَلَرَم من افغان ائلیوب قلب جهانی دَلَرَم من فکر ائیلمه گئتدون یادیمیزدان چیخاجاخسان هر جمعه گونی قبریوین اوسته گَلَرم من اسدوقجا صبانون یئلی من عطریوی آللام قلبیم داریخان وقتده سنی یادیمه ساللام آخشام یئتیشنده یولووی گوزلییَرم من صبحه کیمی آلله بولوری فکریوه قاللام هجرونده سنون اهل و عیالین سینه داغلار سیل ائیلیوب اوز اشکینی گوزدن یوزه باغلار هر لحظه دوشنده یادا سوز صحبتون ائوده یالقیز بالالار وای باباجان سسلییَر آغلار سندن صورا گئتدی بو ائوین ذوق و صفاسی بیر درده سالیبسان بیزی هیچ یوخدی دواسی الله فلکین یخسین ائوین دوندی دونرگم بیز نیله میشیدوخ بو قَدَر اولدی جفاسی گلزاریمیزی دست خزان ائیلدی ویران وئردی بو گلستانیمیزین عمرینه پایان فکر ائیلمه سندن صورا اولدی بیزه خوش گون اولدی ایشیمیز عمر بویی ناله و افغان نولموشدی سنه رخت وفانی بئله سویدون بو قلبیمیزی تیر غم و آهیله اویدون بو تئزلیقا نولدی سنه اَل چکدون ائویندن بیز دویمامیشیدوخ آخی بیزدن نیه دویدون بو آیرلیق الدن آپارار صبر و قراری همواره ائدر گوزیاشینی عارضه جاری یاز #صادقی یوخ آیرلیقین دردینه درمان حشره کیمی گر ائتسه بیری ناله و زاری اوخشاما: آهولار ‌تک ملرم گوز یاشیمی الرم بوندان صورا داریخسام قبرون اوسته گلرم #محمدرضا‌صادقی‌شیدا

#تک‌بیت چون آمدم به سوی تو دل کَندم از همه دل می کَنی زمن ، تو کجا میروی؟! بگو #محمدرضا‌صادقی‌شیدا

#تک‌بیت سوگند نه لازمدی کی اثبات ائده عشقی بو محکمه نون شاهدیدور دیدهء عاشق #محمدرضا‌صادقی‌شیدا

#تک‌بیت تو سفر کردی و همراز ندارم دیگر غم انیسم شد و این غصه کشیدن دارد #محمدرضا‌صادقی‌شیدا

#تک‌بیت بی جواب قالماز یقین دیناده مظلومون آهی گر اورکدن چکسه آهی ، عالمی ویران ائدر #محمدرضا‌صادقی‌شیدا

یازون مزاریمین اوستونده داشا احتیاجیم یوخدی باجی قارداشا دیریلیقدا منی یادا سالمییَن نیلیورم ئولندن صورا آغلاشا #محمدرضا‌صادقی‌شیدا

بیر ائیش گورمه گلوب گئدن دانلاسین انسان گرک وظیفه سین آنلاسین اوز وقتینده بانلاماسا کسللر خوروز گرک زمانیندا بانلاسین #محمدرضا‌صادقی‌شیدا