#امام_زمان_عج گوز یاشیمی او چشمه حیوانه ویرمرم بو گنج عشقی گوهر الوانه ویرمرم بیر دُرّدور که قیمتی یوخدور جهانیده چوخ پر بهادی قیمت ارزانه ویرمرم غم چولقویوبدی قلبیمی ، باران اشکیمین بیر قطره سینده نم نم بارانه ویرمرم یارین غمینده نی کیمی دائم سزلدارام دردیم یاماندی ناله می پایانه ویرمرم آغلار گوزوم باخور یولونا مین امیدیله من خرمن امیدیمی طوفانه ویرمرم بیر عمردور که منتظرم من او سروره تا گورمیونجه جانیمی جانانه ویرمرم مژده گتیرسه باد صبا گر شمیمینی بیر شمه سین شمیم گلستانه ویرمرم صبحین نسیمی شانه ووران قاره زلفونون بیر تارینی چمن دولی ریحانه ویرمرم لعل لبینده موج اییلین حق بیانینی دنیا بوئی او زبده سخندانه ویرمرم گر قسمت اولسا خاک رهین توتیا ایدم اول بیر دمی تمامی دورانه ویرمرم هانسی مکانه قویسا قدم گلستان اولار ایله مکانی روضه رضوانه ویرمرم باخسا منه گوزل باخشیلا یارم باخیش اول لطفی من مین هدیه شایانه ویرمرم ((ساده)) یازوب اورک سوزونی ((هوشمندیلن)) اولسا قبول اگر دُرِ غلطانه ویرمرم #طهمورثی_ساده

#غفلت_یوخوسی ائتمیشم غفلت عجب خواب گران ایلمیشم گلشن عمرومی دنیاده خزان ایلمیشم آپاروب بیر نچه مدت منی غفلت یوخوسی آییلوب گورموشم عالمده زیان ایلمیشم بیله بیر ظلمی او دیوانه ده ایتمز اوزینه اوزیمه من ولی بو ظلمی اینان ایلمیشم خواب غفلتده اولان لذته باخ عالمده آلّانوب لذتینه عمری تالان ایلمیشم کیم ایدوب پند و نصیحت اونا باش ویرممیشم گوز ایویندن اوزومی فوری نهان ایلمیشم عاقبت گورموشم آماج غمم عالمده سینه می تیر مصیباته نشان ایلمیشم گوئیا که قارا من قویلامشام اوز باشیمی اوزیمه نینمیشم من ، او زمان ایلمیشم هامی عقباسینه توشه گوتوروب اما من سنه غفلت یوخوسون تازه بیان ایلمیشم نا امید اولمامشام لیک اوم کرم کانیندن گول آدون ورد زبان صبح و اذان ایلمیشم بلی قرآندا اوزی فاش ایلیوب که قاپوما کیم گلوب صدقاً اونا هدیه جنان ایلمیشم کیم دوتوب دامنیمی ایسته دیقوندان آرتوق کرمیمدن اونا احسان کلان ایلمیشم منه ده ایلدی احسان او کرم دریاسی شوقیدن گوز یاشی رخساره روان ایلمیشم قلبیمه حب علی سالدی او دریای کرم روز و شب بس که من الغوث و امان ایلمیشم بو آخان گوزیاشیمون بیرده وار آیری سببی یوسف فاطمه هجرینده فغان ایلمیشم یارین هجرینده آخان عارضه بو گوز یاشیمی چشمه تک داشقین اولوب بسکه جُوشااان ایلمیشم کسمیشم بو یولون اوستون او گدالر کیمی من گوره هجرینده نجه باغریمی قان ایلمیشم یولچی یول اوستی کسر سن منه ایراد ایلمه یولون اوستونده اودور منده مکان ایلمیشم تازه من دوشموشم عالمده گدالیق ایشینه قوجا روحیّه می بو ایشده جوان ایلمیشم آچمورام که الیمی هر گلنه عیب اولسون اوزومی سائل سلطان جهان ایلمیشم شاهلیقا ناز ایدورم ایندی او درویشه مثل شاه شاهانین آدون ورد زبان ایلمیشم گونی گوندن اورکیم وصلینه روشن اولوری استغاثه من اوزوندن چون هرآن ایلمیشم بُولسه مژگان اوخی گر قلبیمی معلومیم اولار او اوخا منده دل زاری نشان ایلمیشم سن دئمه عشقیده هر بیر زادی الدن ویردون دقت ایتسن گورسن ترک جهان ایلمیشم ((سادیم)) بیرجه خدایه گوره بو مطلبده اوزومی اهل دله آیِنَه سان ایله میشم #طهمورثی_ساده

#غفلت_یوخوسی ائتمیشم غفلت عجب خواب گران ایلمیشم گلشن عمرومی دنیاده خزان ایلمیشم آپاروب بیر نچه مدت منی غفلت یوخوسی آییلوب گورموشم عالمده زیان ایلمیشم بیله بیر ظلمی او دیوانه ده ایتمز اوزینه اوزیمه من ولی بو ظلمی اینان ایلمیشم خواب غفلتده اولان لذته باخ عالمده آلّانوب لذتینه عمری تالان ایلمیشم کیم ایدوب پند و نصیحت اونا باش ویرممیشم گوز ایویندن اوزومی فوری نهان ایلمیشم عاقبت گورموشم آماج غمم عالمده سینه می تیر مصیباته نشان ایلمیشم گوئیا که قارا من قویلامشام اوز باشیمی اوزیمه نینمیشم من ، او زمان ایلمیشم هامی عقباسینه توشه گوتوروب اما من سنه غفلت یوخوسون تازه بیان ایلمیشم نا امید اولمامشام لیک کرم کانیندن گول آدون ورد زبان صبح و اذان ایلمیشم بلی قرآندا خدا فاش ایلیوب که قاپوما کیم گلوب صدقاً اونا هدیه جنان ایلمیشم کیم دوتوب دامنیمی ایسته دیقوندان آرتوق کرمیمدن اونا احسان کلان ایلمیشم منه ده ایلدی احسان او کرم دریاسی شوقیدن گوز یاشی رخساره روان ایلمیشم قلبیمه حب علی سالدی او دریای کرم روز و شب بس که من الغوث و امان ایلمیشم بو آخان گوزیاشیمون بیرده وار آیری سببی یوسف فاطمه هجرینده فغان ایلمیشم یارین هجرینده آخان عارضه بو گوز یاشیمی چشمه تک داشقین اولوب بسکه جُوشااان ایلمیشم کسمیشم بو یولون اوستون او گدالر کیمی مثلی گوره هجرینده نجه باغریمی قان ایلمیشم یولچی یول اوستی کسر سن منه ایراد ایلمه یولون اوستونده اودور منده مکان ایلمیشم تازه من دوشموشم عالمده گدالیق ایشینه قوجا روحیّه می بو ایشده جوان ایلمیشم آچمورام که الیمی هر گلنه عیب اولسون اوزومی سائل سلطان جهان ایلمیشم شاهلیقا ناز ایدورم ایندی او درویش کیمین شاه شاهانین آدون ورد زبان ایلمیشم گونی گوندن اورکیم وصلینه آیدینلاشوری استغاثه من اوزوندن چون هرآن ایلمیشم بُولسه مژگان اوخی گر قلبیمی معلومیم اولار او اوخا منده دل زاری نشان ایلمیشم سن دئمه عشقیده هر بیر زادی الدن ویردون دقت ایتسن گورسن ترک جهان ایلمیشم ((سادیم)) بیرجه خدایه گوره بو مطلبده اوزومی اهل دله آیِنَه سان ایله میشم #طهمورثی_ساده

#غزل_ترکی #امام_زمان_عج من او بلبل کیمی گلزار و بهار آختارورام گل و گلزار آرا بیر نازلی نگار آختارورام گه دوشوب چولری حیران گزیرم هجرینده چکیرم دشت و بیابانیده جار آختارورام سالموشام یکسر ایاقدان هامی دشت و دمنی باغ و راغ ایچره نه چون سرو کنار آختارورام صبریمی الدن آلوب دلده قراریم یوخدی چرپنان قلبیمه من صبر و قرار آختارورام تک نه من عاشقیم مینلر اونون عاشقیدی من ولی یاریمی هر لیل و نهار آختارورام بیلمیرم هاردا قوروب خیمه سینی، کیم بولسه منه ده فاش ایلسین لحظه شمار آختارورام بیله فکر ایلمیون اولمیا دیوانه دی بو گنج عشقی گزیرم دار و ندار آختارورام کوچه کوچه دولانوب هر یره من باش چکورم اولمیا بوردادی من گوشه کنار آختارورام؟ سیزی تاری خبروز اولسا نهان ایلمیون دویمشام جانه داخی راه فرار آختارورام کیم گتیررسه خبرین مژده سی جانیمدی منیم نقد جان الده اونی با دل زار آختارورام گوزلریم نوری گیدوبدور بو غم عظماده گوزومون نورینی با دیده تار آختارورام وار یوخوم غارت اولوب بیرجه اونون عشقینده گینه بو حالیله من دهریده یار آختارورام دوشوب اولسم منی کوینده اونون دفن ایلیون مقدمیندن گورلر گرد و غبار آختارورام . ((سادیم)) صادقم عشقونده منه بیر باش چک بیرعمردور سنی من قلبی فکار آختارورام #طهمورثی_ساده

@davodTahmoresi #در_شهادت_امیرالمومنین_علی_ع یوموبدی گوزلرینی شاه لافتا بوگیجه فنا جهانیدن آیریلدی مرتضی بو گیجه صدای ناله گلورعرش حی داوردن باتوبدی ماتمه بو غمده ماسوا بو گیجه نه چون کسوفه دوشوب شمس عالم امکان نجومدن اولورری انقطاع ضیا بو گیجه غبار غم بوریوب عالمی مصیبتدن تحوله یتشوب عرش کبریا بو گیجه آچوبدی کثرت غمدن گل نبی باشینی اولوبدی مرثیه خوان ختم الانبیا بوگیجه گلوبدی جنة الاعلاده آه و وایه خانم او گوز که آغلاماسا ایلیوب خطا بو گیجه ویرور تسلی خاطر اونا جنان اهلی یارالی قلبینه دگدی گینه یارا بو گیجه عجب مصیبت عظمادی یوز ویروب بشره بیر آیری حاله قالوب شاه کربلا بو گیجه حسن حسینه تسلی ویرور ، دیور قارداش آخان بو گوز یاشیوا گوزلریم فدا بو گیجه یانخلی دیللریله اوخشاما دیور زینب بلالی باشی تاپوبدور گینه بلا بو گیجه دونوبدی گوزیاشی قانه گوزونده عباسین اولوبدی ورد دلی دلده وا ابا بو گیجه دیار کوفه ده غوغادی بو مصیبتدن یتیم لر ایدور ایولرده آه و وا بو گیجه بیری دیور گیجه لر باش چکن یتیمیلره علی دگور گورسن گلمدی خدا بوگیجه بیری ایاق سسینه باغلیور آچور قاپونی دیزینده قالمور آجندان داخی قوا بو گیجه بیری دیور که اجل درک ایدوب ، گلوب گئتمور تاپوب اونون باشینی گوئیا قضا بو گیجه همیشه عهدینه دنیاده ائتمیشدی وفا یوبانماموشدی یوباندی او با وفا بو گیجه نه ایستسن بو گیجه #ساده ایسته مولادن نه ایسته سن کرمیندن ایدر عطا بو گیجه #طهمورثی_ساده @davodTahmoresi

#کشتی_نجات ای دل صفای عالم فیها هایاندادی خلوت سرای عیسی عیسی هایاندادی دُرّ ِ خفی و کنز خفی كاشِفَ الْغیُوبِ راز نهان عالم پیدا هایاندادی هاردا سالوبدی لنگرینی کشتی نجات دریای غمده غرقیدی دنیا هایاندادی اوچ یوز اون اوچ نفر اونا حامی تاپلموری؟ تا فاش اولا که یوسف زهرا هایاندادی؟ گویا بشر گیدوبدی هله خواب غفلته یوخدور بولن او سرور والا هایاندادی؟ علت و یا ندور که فرج حاصل اولموری تا مه جمالی اولسون هویدا هایاندادی ایندی یقین امام زمان دلده آه و وا سسلور الهی اُمّت طاها هایاندادی واردور یری ندا گله حقدن دارخما چوخ هیچ کیمسه ایلمور که تمنا هایاندادی تنها اوزون ظهوریوه چوخ ایلوسن تلاش کیمدور دیین که عالمه مولا هایاندادی هر کیمسه صدقیله آدیوی سسلیه گورر گنجینه محبته دارا هایاندادی چوخلار سنه جهاندا دیور دادیمه یتیش سوداگر حقیقی سودا هایاندادی؟ چوخلار دیور الهی یوباتما ظهورینی صدقاً او که ایدوبدی تقاضا هایاندادی؟ بیر بیرلرین گورنده فقط یاد ایدور دیور چشم و چراغ خسرو بطحا هایاندادی حتی سنون او دوز چورکیندن یئین دئمور صاحب سرای سفرهء پهنا هایاندادی ای #ساده چشم جانیله هر کیم باخا گورر جان جهان او دیدهء بینا هایاندادی #طهمورثی_ساده @davodTahmoresi

@davodTahmoresi #استغاثه_از_امام_زمان_عج گل گل هایاندا قالموسان ای پور بو تراب هجران اودیله قویما اولا قلبیمیز کباب گوز تیکمیشوخ گلن یولوا مین امیدیله امّیدیمیز عنایت ایله اولمیا سراب آخر ندن نهاندی یوزون پشت ابریده انصافیدور مگر آرامیزدا قالا حجاب رد ایت حجابی ای گل گلزار مصطفی جانلار فدا مگر ندن ایلورسن اجتناب لطف ایله چشم جان سالا عکس عذاریوی عاشقلره او هدیه اولا یادگار ناب قاب ایلیه او عکسی وورار خانه دله داغ فراق، قلب ایوینی ایتمیه مذاب شوره گله او وصلیله عاشقلری تمام بیربیرلرین گورنده بئله ایلیه خطاب آز قالدی که بهار اولا چوخدا دارخمیون یارین گلن یولوندا، اکین گُل، سپون گلاب یا صاحب الزمان گورسن بیر ایله گونی عاشقلره هاچان اولاجاخ حقدن انتخاب الله بولور که آیریلقندان نه چکمیشوخ روحاً چکور محبّلرین جمله سی عذاب هر چند چوخ فضیلتی وار انتظار اولاق اما سیزون فراقیزه وار هانسی دلده تاب قربان اولاخ گلن یولوا هاردا قالموسان گل لطف قیل ظهوریده ایله بیر آز شتاب بیر عمردور که گول آدوی سسلروخ مدام دلدن بو نوعیله ایدروخ رفع اضطراب آیا ندن بو سسلره بیر سس یتورموسن سالما سکوتیویله دل عالمه شهاب تعجیل ایله اماندی جهان ظلمیله دولور شرحی یازیلسا، دوتمیا ممکندی مین کتاب سنسیز چتین ایشقلانا بو تیره روزگار پرده دالندا قالما عیان اول ای آفتاب ظلمت سرای دللره سال نور ذاتیوی ای نور حق ندن یوزیوه دوتموسان نقاب حقدن ظهوریوه گر اوزون ایتمسن دعا اولماز دعای خلق جهان جمله مستجاب بیر چاره قیل بو اُمّته ای فاطمه گُلی ائتمه بیزیم دعالرین اوستونده چوخ حساب فانی جهاندا غرق گناه اولمشوخ نه چون اعمالیمیز ایدوبدی اورک ملکونی خراب دریای غمده غرق اولوروخ هاردا قالموسان اهریمن آز قالور اولا دنیاده کامیاب عطرون هاچان مشامیلره گوندرر صبا ایلر خمار و نشئه آچلسا اگر او باب ای ((ساده)) دوتمیونجا بشر حق دامنین حقدن چتیندی صادر اولا حکم انقلاب #طهمورثی_ساده @davodTahmoresi

@davodTahmoresi #کانال_اشعار_طهمورثی_عتیق #در_جلالت_و_شهادت_امیرالمومنین_علی_ع ای علی عاشقلری طاها روایت ایلوری کیم علینی سسلیور گویا عبادت ایلوری سورهء قدری اوخی تفسیریده باخ شأنینه مطلع فجره جبینینده اشارت ایلوری وار بو آیدا نه فضایل خامه عاجز ثبتینه حقّ احسانون بو آیدا بی نهایت ایلوری لیله ی قدری اگر افضلدی مینلر ماهیدن قدر، علیدن غالباً کسب فضیلت ایلوری لا فَتى اِلاّ عَلِىّ، لا سَیفَ اِلاّ ذُو الفَقار بو سوزی جبریل شأنینده حکایت ایلوری علّت تکمیلی آیات قرآندور علی چون ولایتدور که تکمیل رسالت ایلوری کیمدی حیدر بولمورم وار بو قدر عرض ایلورم کیم قالور مشکلده اوندان استعانت ایلوری مثلینی هیهات گورسون حشره تک چشم زمان بیر علی مین عالمه حقاً کفایت ایلوری قانینه غلطان اولور محراب طاعتده اگر حقّ اونون توفیقینی وِفقِ عنایت ایلوری ابن ملجم ایلینمزدی جسارت حیدره فعلینین تسهیلینی امر مشیّت ایلوری ماتمینده حضرت جبرئیل، عالی نوحه خوان تعزیت بزمینده ناله اهل جنّت ایلوری باش آچوب معناده زهرای مطهَّر عَدنده شدّت غمدن فغان دریای عصمت ایلوری صاف و ساده اهل دل، معناده زیبادور #عتیق پوزشین بو باره ده #ساده عبارت ایلوری #طهمورثی_عتیق @davodTahmoresi

@davodTahmoresi #کانال_اشعار_طهمورثی_ساده #شمس_هدایت گوردیلر نطقه گلوب شمس هدایت نیزه ده آیه آیه ایلیور قران تلاوت نیزه ده چهره سینده نور حق پیدا و ناپیدا رخین ساکنان نُه فلک ایلور زیارت نیزه ده محو اولور، هر کیم گورور اول جلوهء نور حقی گورسنور دنیا بویی بس که ملاحت نیزه ده عیسیِ عیسا قویویوب عیسانی حیران عشقینه وصفه گلمز مطلقا اصلِ حکایت نیزه ده حیرته معناده داود خوش الحانی سالوب صوت و لحنی ایلیوب بر پا قیامت نیزه ده واردی لحنینده ز بس شور و شعور عاشقی گورسنور ذوق و صفای بی نهایت نیزه ده ساقی خَمرِ الهی نرگس خماریله تشنگان وصلینی ایلور سقایت نیزه ده آشنا بی آشنا اولماز مقام سیریده سیره سیر اهلی ویرور عز و جلالت نیزه ده مسجد الاقصادی معراجه شهید مطلقه بو نجه معراجیدی اولموش بدایت نیزه ده افسرین باشدان آتوب جبرئیل چرخ چارده الله الله حق ایدوب گور نه سکونت نیزه ده زینبین احوالینه طوبی، که شوق و ذوقیله ناقه ده باجی، ایدور قارداشی رفعت نیزه ده شعشعات نیزیه مبهوت اولوب غملی رباب ایلیور بیر اولدوزا عشقیله رویت نیزه ده شقه شقه زلف اصغردن صبا خوشحال و زار اهل عشقه بذل ایدور انوار نکهت نیزه ده طبلهء عطاردور زلف شبیه احمدی گو مشام لیلیه وار عطر جنت نیزه ده نو عروسه شعشعات قاسمی انوار محض وار تلاءلؤده عجب مشکات منّت نیزه ده نیزه نین باشینده یوخدور بس ندن راس وزیر شه وزیره ایلیور عشقین اشارت نیزه ده بو فراز داریدن عیسایه در عهد (عتیق) عیسیِ عیسا ویرور عیسایه غیرت نیزه ده #طهمورثی_عتیق @davodTahmoresi

@davodTahmoresi #حضرت_رقیه_س تاپدیم دل شبده نه سعادت خانم عمه ایتدوم بابامی بیرده زیارت خانم عمه همتله یتیردیم الیمی دامن یاره اولدی بو زیارت منه قسمت خانم عمه عزت منه دیدار مجدد ایدوب افزون گلموب اله چوخ #ساده بو عزت خانم عمه شاهدسن اوزون بیر نچه مدتدی که غمدن من یاتمامشام بیر گیجه راحت خانم عمه اما بو گجه بیر نچه دم هوشه که گتدیم گوردوم یوخدا غملی حکایت خانم عمه صحبت ایلدیم یاریله رویاده ، او صحبت مقصودیمه چاتدردی نهایت خانم عمه دولت منه بذل ایتدی کرم صاحبی آخر بسدور ایکی دنیاده بو دولت خانم عمه بو ساعتی بیر عمریدن افضل بولورم من دنیایه برابردی بو ساعت خانم عمه جنت آپارور رشکینی ویرانه مکانین ویرانه اولوبدور منه جنت خانم عمه قیمت قویا کیمدور که بو دیداره جهاندا گنجینه عشقه هانی قیمت خانم عمه خلوت ایلدیم یاریله ویرانه مکاندا هیچ کیم منه تای ائتمدی خلوت خانم عمه حسرت داغی چکمیشدی یانان قلبیمه هجران دلدن منی سالمشدی او حسرت خانم عمه آخر منی درک ائتدی نگاریم کرمیله بسدور منه تنها بو عنایت خانم عمه محنت بو یانان قلبیمی ایتمیشدی مسخر اولدورمدی یاخشیدی او محنت خانم عمه اولدورسه ولی ایندی اگر چه یری واردور ویرانه ده بو غملی عبارت خانم عمه خون دلیمی گوزیاشیما قاتدی دوباره لبلرده اولان کاری جراحت خانم عمه بو لبلره صدمه یتورن ال ایلیوبدور بوسه گهیمه چوخلی جسارت خانم عمه ویر بیرده اوپوم تشنه لبیندن سنی تاری دوشمز اله بیرده بیله فرصت خانم عمه نینیم که گوزوم دویموری باخدوخجا نگاره وار بس گه نگاریمده لطافت خانم عمه دوشدوقجا گوزوم شعشعه نور خدایه جوشه گلوری دلده محبت خانم عمه ای کاش نگهبانی گله رحمه ، دوباره کوچ ایلمیه شمس هدایت خانم عمه اولسم قویاسان قبره ، منیم قبریمین اوسته قران اوخیا شاه ولایت خانم عمه جانیم یغشوب سینه مه آخر نفسیمدور آز قالدی یته وقت شهادت خانم عمه هر چند یوروبدی بو اسارت منی ، اما وار شهد شهادتده حلاوت خانم عمه عفو ایله منیم زحمتیمی، بیر نچه مدت ویردیم سنه دنیا بویی زحمت خانم عمه باش داشیمه یاز اکبر شهزاده نین آدین اهل دله کافی دی اشارت خانم عمه آهیمله یزیدین ایوینی شامیده یخدیم وار کیمده گورور چشم بصیرت خانم عمه بو نوحه نین اجرینده شفیع اولام #عتیقه منظوریده دور روز قیامت خانم عمه #طهمورثی_عتیق https://telegram.me/davodTahmoresi

@davodTahmoresi #کانال_اشعار_طهمورثی_ساده #کوچ_از_خرابه __ ✍ قوتاردی اهل حرم ورطهء اسارتدن عنایت اولدی گنه مطلقی عنایتدن عقیله العربه یوز ویروبدی حال ملال مخاطب اولدی رقیه کمال حسرتدن بهارعمری اولان گول کیمی خزان بالا وای آیلمیان باشی دنیاده رنج و محنتدن نه یاتموسان گوزون آچ قبریوه بی بون قربان خلاص اولوب حرم اهلی فضای ذلتدن یزیدی یخمیشام آسوده فاتح عشقم شجاعت علوی منده دور وراثتدن منم که صورت باطنده فاتح محضم یتوبدی آل علی فتحینه فراستدن فراست علویدور فراست زینب که منده جلوه لنور پرده شهادتدن ایله حفاظت ناموس ائتمیشم یولدا چخوبدی دست علی آستین عفتدن بیز اهل بیته شئونات عشق و عصمتدور که عفتیم سو ایچوبدور بحار عصمتدن اویان دیوم نلر اولدی بو شام شوم ایچره خبر واریمدی سنه دلده رد غارتدن علی اکبر آلان گوشواره وی آلدوم که غارت اولموشودی ظلم بی نهایتدن منیم یانمدا امانت قالار اولونجه قیزیم ویا که صاحب اولورسان اوزون امانتدن بویور گوروم ندی تکلیفی گوشواره لرین سکوتیویله منی سالما استقامتدن بو قدر عمه وه ناز ایلمه تکلمه گل فدا اولوم سنه دیندیر منی محبتدن ایکی یولون آراسندا قالوب رباب حزین نه آیرلور ، نده ایستور کچه زیارتدن علی اصغرینون قلبیدن غمی چخمور اورک سوزون آچا بولمور منه نجابتدن گیدور یاراسینا گوز یاشینی ایده مرهم چخا بو نوعیله بلکه اودا خجالتدن اوزون دور حل ایله ویرانه ده معمانی قوتار گیلن آناوین روحینی اذیتدن منه ده چاره یولون ویر نشان ، بویور نینیم گیدوم زیارته یا گئتمیوم بو غربتدن هوای کرب وبلا باشیمه دوشوب چخمور گچنمیرم من اوزومده همین فضیلتدن ایله دولوب اورکیم کربلاده آغلاماقا یوروبلا قلبیمی شاماتیده شماتتدن گلنده فرصت آز اولدی آچامادوم باشیمی عذاریمه اَلئيَم خون دل مصیبتدن مصیبتین اثریندن وَرم ایدوب اورکیم سالوبدی عمه وی غم گور نه تاب و طاقتدن اُلوم ایاقینه من دم به دم یاخنلاشیرام چوخ آز قالور که یومام دیده، دار محنتدن دوشوبدی گوگلومه کرب و بلا رضا اولما زیارت ایلممیش من اولم بو فرقتدن گرک من حاضر اولام اول اربعینینده عزا او یرده اونا ساخلیام ارادتدن دیولّه ایله گوزل قبری واردی قارداشیمون سالوبدی روضهء رضوانی قدرو قیمتدن او آلتی گوشه لی قبره فدا اولا جانیم یاتوب ایاقلاری آلتندا اکبر حرمتدن اوزاخ دوشوبدی ولی قارداشیم ابوالفضلی خیامه گلمدی ، نهر اوسته قالدی غیرتدن ((عتیق)) رشتیه چون دُرِ و گوهری چکدی تعجبم نجه حاصل اولوب بضاعتدن #طهمورثی_عتیق @davodTahmoresi