نه پنهان یِئر آختار، نه خلوته گَل اِئل-اوبا دردیمی بیلندن سونرا مجنون-مجنون دئیه دۆشوب آرخامجا اوشاقلار اۆستومه گۆلندن سونرا هجران توخوموندان درد اَکه‌جکسن هر زمان آغلاییب یاش تؤکه‌جکسن هدر  یادا سالیب آه چکه‌جکسن عزراییل اۆستومه گلندن سونرا دؤنمز غیری یانا دگیشمز حالیم سنـسن گئجه-گۆندوز، فکریم-خیالیم وعده‌سینده یان اودوما مارالیم آغلاما بهمنه، اؤلندن سونرا

سیزلاییر احوالیما صبحه قدر تاریم منیم تکجه تاریم دیر قارا گونلرده غم‌خواریم منیم چوخ وفالی دوستلاریم واردیر، یامان گون گلجه‌یین تاردان اوزگه قالماییر یار وفاداریم منیم یئر توتوب غمخانه ده، قیلدیم فراموش عالمی من تارین غمخواری اولدوم، تار غم‌خواریم منیم گوزلریمه هر تبسم سانجیلیر نئشتر کیمی کیپریگی خنجردی، آه، اول بی وفا یاریم منیم آسمان آلدی کناریمدان آی اوزلو یاریمی یاش توکر اولدوز کیمی بو چشم خون‌باریم منیم ای بو غملی کونلومون تاب و توانی، سویله بیر عهد و پیمانین نه اولدو، نولدو ایلغاریم منیم شهریارم گر چی من سوز مولکونون سلطانی‌یم گوز یاشیمدان باشقا یوخدور در شهواریم منیم

منی قوجا دئمه اورییمه خال دوشر هله یاشاداجاق دوز اللر منی آرخامجا بویلانان خومار باخیشلار قلم قاش آلتیندان سوزللر منی دؤوران منی تاپداسادا قول کیمی سئوگی دونیاسیندان کئچدیم یول کیمی ائله باهالییام قوپلو پول کیمی قیزلار یاخاسینا دوزللر منی باهاری خوش گلمیش ایله بنزه رم شیرین آغیزلاردا دیله بنزه رم گوزللر گوزونده گوله بنزه رم دؤشونه تاخماغا اوزللر منی ستتارام عؤمرومده یاد اولدو شن لر باشیمی داغ کیمی بورودو چن لر منی مندن سونرا باشا دوشن لر چیراغ ایشیقینا گزللر منی ستار گلمحمدی

سالامیمی آلارمی ...؟ قانادلانیب گؤلدن اوچان او سونام آللاه من یالقیزی یادا سالارمی؟ حسرتیندن داغا چؤله دوشدویوم  سلام سالسام ، سلامیمی  آلارمی؟ صاباح یئلی اولوب یولدا اسرسم قوچ-قوزونو قوربان دئییب کسرسم قیزیل  گوللر  یوللارینا  دوزرسم باغلی قالان بو قاپیمی چالارمی؟ گئجه-گوندوز یالواریبن یاخارسام خلعتلر گؤندریب قوناق چاغیرسام قیبله دیوارینا بیر چوب تاخارسام مسکن سالیب بیزیم ائلده قالارمی؟  قاصیدلر گؤندریم یولون کسه لر کاتيب اوغلو غمدن اؤلدو دئسه لر یاسلار توتوب منه  قارا گئیسه لر قهرله نیب ساچلارینی یولارمی...؟ کاتب_اوغلو

آلین بو کدرین الیندن منی گلمیشم دونیایا آلیشام، یانام بیر عنوان آراییب ابدی قالام منی کدر اوچون دوغماییب آنام آلین بو کدرین الیندن منی! هیجران آغير يوكدور، قالديرانميرام درديم ديل بيلمه‌يير، قانديرانميرام سؤنموش چیراق‌لارى يانديرانميرام آلين بو كدرين اليندن منى! بير ويداع نغمه‌سى يازيب قالميشام آديمى بير قلبدن پوزوب قالمیشام کدرین ایچینده آزیب قالمیشام آلین بو کدرین الیندن منی! هارا گئدیرم‌سه قارانلیق باخیر بو قارا بولودلار آخیر، هئى آخير... هارا قاچیرام‌سا قارشیما چیخیر آلین بو کدرین الیندن منی! بیر ایینه اولدوزو، ایشیغا مؤحتاج قارانليق قيسمتيم، ايشيق احتياج مندن دويماق بيلمير او گؤزلرى آج آلین بو کدرین الیندن منی! بیر اومید یوخدور کی اون ال‌لی توتام یوخوم دا گلمیر کی دویونجا یاتام هارداسان آی آنام! هارداسان آتام! آلین بو کدرین الیندن منی! لالدی بو کدریم آغلامير، گولمور درد وئرير، وئرديگی درد نه دی، بیلمیر نییه گئجه‌لرین سحری گلمیر؟! آلین بو کدرین الیندن منی...! نصرت_کسمنلی

حسرت یاراسی هر گئجه-گوندوز اورگیمده بیر-بیر باش آچیب گؤینه‌دی گؤز-گؤز اورگیمده مندن نئچه ایللر قارا بختیم نئجه کوسموش دؤندردی اوزون دیمه۰دوشر اؤز اورگیمده کیمدن گیلئییم یوخدو یازیم بلکه بئله‌ایمیش آرزیم گلینی دای قالا سونسوز اورگیمده هردرد جانیمین قصدینه گلمیش تانیییرمیش داغلار قه‌دری چکمه‌یه وار دؤز اورگیمده قیش گلسه سازاق کسسه کولک اولسادا دور گل بیر پای سن ایچین ساخلامیشام کؤز اورگیمده هاردان هارا گؤر چکدی منی گتدی خیالین وای-وای نه قه‌در قالمیش‌ایمیش سؤز اورگیمده بو سئوگینی بو سئودانی بو ایستگی آیلار قییما توکه‌نیب قورتارا سنسیز اورگیمده

گئتمک ایسته ییرسن، بهانه سیز گئت... اویاتما مورگولو خاطیره لری سسین همن سسدیر ، باخیشین اؤگئی، گئدیرسن، سسین ده یاد اولسون باری سن دنیز قوینونا تولانمیش چیچك، اوستونه دالغالار آتیلاجاقدیر ساختا محبتین ساختا سند تك نه واختسا اوستونده توتولاجاقدیر دوشه نیب یوللارتك آیاقلارینا سنه یالواریم می بو مومكون دئییل! قویمارام قلبیم تك ووقاریم سینا آلچالیب یاشاماق عومور-گون دئییل. دئمیرم سن اوجا بیرداغسان،اییل، دئمیرم قالیبدیرعلاجیم سنه. نه سنده محبت قارا پول دئییل، نه من دیلنچییم ال آچیم سنه... گئتمك ایسته ییرسن... او یول اودا سن... بیر جوت گؤز باخاجاق آرخانجا سنین. گئتدین می... نه واختسا دؤنمك ایسته سن تیكانلی یاستیغا دؤنه جگ یئرین. گئتمك ایسته ییرسن... نه دانیش ،نه دین! یوخ اول اوزاقلارتك دوماندا، چنده... نه ییمی سئومیشدین؟ دئییه بیلمه دین، ایندی یوز عیب گؤرورسن منده. گئتمك ایسته ییرسن، بهانه سیز گئت، اویاتما مورگولو خاطیره لری سسین همن سسدیر ، باخیشین اؤگئی، گئدیرسن، سسین ده یاد اولسون باری...

دئییرسن سئومیرم ، چکیل یولومدان، کئچن ایل پس منه، دیل نییه وئردین ؟! ایلک باهار چاغیندا چیخیب قارشیما _ ألیمه بیر دسته گول نییه وئردین ؟! گل اوخو عشقیمین جان کیتابینی ، قیرما اوره ییمین ، قیرما ساپینی بیر زامان اوزومه آچیب قاپینی _ گوللو باغچانیزدان یول نییه وئردین؟! ایکیمیز بیلیریک ، بیلمه سین عالم ، من یولا دوشنده، دئدین چکمه غم تیترک أللرین له ، کسه رک  او  دم _ ایپک ساچلاریندان  تئل نییه وئردین؟! سن وارسان قلبیمین خوش یاراسیندا اونو ساغالدارام داغ هاواسیندا سؤزلرین دوغروسو ، ائل آراسیندا _ منه بیر دوست کیمی أل نییه وئردین؟! ✍سلیمان_رستم

‍ ‍ آی سحرین سویوق یئلی اسمه منه یارالیام اووچو ووروب یورولموشام من بو داغین مارالیام ای بو گویون لاچینلاری باخ یاریمی گؤر هاردادی تاپسان اگر دئه بی وفا، گل کی، باشی بلالیام آی اوجا داغلارین قاری، دام، اَری، آغلا حالیما فیکر ائله من بو زیروه نین دامه دوشن غزالیام سالدی منی قارا گونه، قارا گؤزیله سئوگیلیم هاردا قارالتی،گؤرجه یین، اوردا اونو قارالیام هی چالیشیر، سیزیلداییر، قالمیراورک یئرینده دای یاندی قارالدی سینه ده ، قانه دؤنوب  عزالیام سالما "تدین"ی  چؤله رحم ائله خسته جانیما دای دؤزه بیلمیرم یتیب، سون نفسیم، آرالیام ✍تدین

قاینار گؤزلریندن شوخ باخیشیندان عجایب فیتنه‌لر فئل لر گؤرونور صف صف دوران سیاه کیپریکلریندیر یوخسا کی گؤزومه میل لر گؤرونور آغزی پیاله‌سن قددی میناسان نئیچون اوتورورسان مندن یانا سن سن مگر کی یاشیل باشلی سوناسن سنده تر جیغالی تئل لر گؤرونور گئده‌ن گئتمه بیر بری باخ آی گئده‌ن گؤزوم دویماز سن تک گؤزه‌ل کیمسه‌دن گاه یاخادان شعله وئریر آغ بدن گاه اولور کی نازیک ال لر گؤرونور قددین طعنه وورار او سروِ نازا جان قوربان ائیله‌رم سن تک شهبازا اوزون کیمی زولفون کیمی تر تازا    نه لاله‌لر نه سونبوللر گؤرونور واقیف یاد ائت سنی یاد ائیله‌یه‌نی من سئویرم منه یاریم دئیه‌نی قویماز گؤز اؤنوندن سئوه‌ن سئوه‌نی کؤنولدن کؤنوله یوللار گؤرونور ✍ واقیف

دونيا ديلين چوخ شيريندی اوره يين آجی اوزووا غم داشی يامانا دونيا بير عؤمور باخميسان منه قيقاجی گلميشم اليندن آمانا دونيا بنزر اعتيبارين بير آخار چايا وار دؤولتين قيلماز هئچ كيمه وايا نه سنده شرف وار نه بيزده حايا دَيمزسن بير توربا سامانا دونيا حوسنون خياللاردا گَزن بير قوشدو كيم اونو چوخ سئودی چوخ غمه دوشدو مين ايلده ياشايان اينتيظار كؤچدو چاتسادا قوينوندا چوخ شانا دونيا مرده دوشمن اولدون نامرده آرخا سويون دوز آخمادی مردله بير آرخا كيم الين اوزالتدی قوردوغون چارخا سالدين مين تؤهمته بؤهتانا دونيا نسيل لر يئتيردي شن نسيل لری آچدی هر قاپيسی باغلی ديللری چوخ شئيی ده ييشن اينسان اللری سنی سالانمادی بير يانا دونيا اوزاقدير كامالدان عاغلين هوشوندا مين صيفت گؤرونور خيال قوشوندا عدالت گؤرمورم قورولوشوندا ساتيرسان ياخشينی يامانا دونيا قان اوسته قورموسان ايلك حاياتينی ياسا دؤنده ريرسن توی بوساطينی الده ايتی قيلينج ظولمون آتينی سورورسن زاماندان زامانا دونيا كيمه رحم ائتميسن نيشان وئر بيرين سنی دوغان ياتسين بير داشدا درين آغ دابان كندينده دده شمشيرين قويمادين يوردوندا نيشانا دونيا قالديردين گؤيلره دومان تك آهين صنعت مئيدانيندا آشيق ايمراهين صمد وورغون كيمی سؤز قيبله گاهين نئيله دين آپاردين هايانا دونيا ستّار ام قئيديندن بير يوللوق بوشام چوخ چتين حوسنونله بيرده من جوشام باشقا بير عالمين عشقيله خوشام بيرده باغلامارام بئل سانا دونيا ✍ستار گول محمدی

وصـل یـار اولمــاز میسّر هـر بلاکش عاشیقه من صداقتله بو یولدا چوخ مصیبت چکمیشم نـازنینلر وصــلینه من نـایل اولســام حــقلی یم چون کی چوخ مهپاره لر عشقینده زحمت چکمیشم