پریشان کونلومه لایق پریشان روزگاریم وار قرارسیز دونیادا آنجاق روان بی قراریم وار نه یولداشدان وفاگوردوم نه دوشمندن کرامت من یولون آزمیش جماعتدن غریبه اینتیظاریم وار گوروبسن اوز دیاریندا غریب اولموش بیر انسانی منم من بی کس و یالقیز نه غمخواریم نه یاریم وار اگر گلراز عومرومده سارالمیش یارپاغام یئرده ولی عشقین مقامیندا چیخارلی اعتباریم وار دئیین شیرازه چوخ فخر ائتمه سنده حافظین واردیر منیمده شعر مولکونده دیرلی شهریاریم وار میانالی

اوتاغیمدا؛ آغاجی چوروموش، شیشه‌سی سینمیش، بیر پنجره وار!         ایل‌لردی او پنجره‌نین؛ بوتاییندا من، اوتاییندا...! اوجسوز-بوجاقسیز بیر یول... نه زاماندیر ایکی گؤزوم؛ یولچوسوز بو یولا تیکیلی قالدی! هر کیم دئسه دوز دئییب، اینتظار اؤلومون یولداشیدیر!  اَلی قیریلسین؛ پنجره‌نی دوزلده‌نین... کاتب اوغلو

‌‌‎‌‌‌‎‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‎‌‌‌‎‌‌‌ دؤولتلی‌یه ساخسی لازم اوْلاندا وۇرۇب سیندیرمیشیق اؤز کۆزه‌میزی چیخدیغیمیز قێنێ بَیَنمه‌میشیک بیز ائلی آتمیشیق ائل آتیب بیزی، ائلیمیزه نه گۆن آغلامیشیق بیز؟ باغین شاختا وۇرۇب بوْستانی یانیب ائل بیزه نئیله‌سین نه گۆن آغلاسین؟ آغزی قیفیللانیب، دیلی باغلانیب بۇ گۆن من سهندم، سن شهرییارسان گل باشێن اۇجالداق قوْجا تبریزین بیر کره یادلارین داشینی، آتاق چَکَک قایغی‌سینی، اؤز ائلیمیزین اؤزگه چیراغینا یاغ اوْلماق بس‌دیر دوْغما ائللریمیز قارانلیق‌دادیر یانیب یاندیرمایاق یادین اوْجاغین ائویمیز سوْیۇقدۇر، قێش‌دێر شاختادێر بولود قاراچورلو(سهند) ‌‌‎‌‌‌‎‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‎‌‌‌‎‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‌‎‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‎‌‌‌‎‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‌‎‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‎‌‌‌‎‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌

منی جاندان اوساندیردی ، جفادان یار اوسانمازمی؟ فلک لر یاندی آهیمدان ، مرادیم شمعی یانمازمی؟ هامی بیمارینه جانان ، دوای درد ائدر احسان نئچون قیلماز منه درمان ، منی بیمار سانمازمی؟ غمیم پنهان توتاردیم من ، دئدیلر یاره قیل روشن دئسه م او بی وفا بیلمم ، اینانیرمی؟ اینانمازمی؟ شب هیجران یانار جانیم ، توکر قان چشم گیریانیم اویادیر خلقی افغانیم ، قارا بختیم اویانمازمی؟ گول رخسارینه قارشو ، گوزومدن قانلی آخار سو حبیبیم فصل گول دور بو ، آخار سولار بولانمازمی؟ دگیلدیم من سنه مایل ، سن ائتدین عقلیمی زاییل منه طعن ائیله ین غافل ، سنی گورجک اوتانمازمی؟ فضولی رند شئیدادیر ، همیشه خلقه روسوادیر سورون کی بو نه سئودادیر ، بو سئودادان اوسانمازمی؟ فضولی

پنبه ي داغ جنون ايچره نهان دير بدنيم ديري اولدوقجا لباسيم بودور ، اولسم كفنيم جاني جانان ديله ميش وئرمه مك اولماز اي دل نه نزاع ايله يه ليم ،اُول نه سنين دير ، نه منيم داش د لـَر آهيم اوخو شهدِ لبين شوقون دن نولا زنبور ائوينه بنزه سه بيت الحزنيم؟ طوق زنجير جنون ، دايره دولت دير نه روا كيم مني اوندان چیخارا ضعف تنيم؟ عشق سرگشته سي يم سيل سرشك ايچره يئريم بير حبابم كي هوادن دولودور پيرهنيم بولبول غمزه ديم باغ بهاريم سن - سن دهن و قد و رُخون ، غنچه و سر و سمنيم ائده مم ترك ((فضولي)) ، سر كويون يارين وطنيم دير، وطنيم دير،وطنيم دير،وطنيم. ✍️ فضولی

پریشان حالین اولدیم، سورمادین حال پریشانیم، غمیندن درده دوشدیم، قیلمادین تدبیر درمانیم، نه دئرسن، روزگاریم بؤیله‌می کئچسین، گؤزل جانیم! گؤزوم، جانیم، افندیم، سئودیگیم، دولتلی سلطانیم! اسیر دام عشقین اولالی، سندن وفا گؤرمم، سنی هر قاندا گؤرسم، اهل درده آشنا گؤرمم، وفا و آشنالیق رسمینی سندن روا گؤرمم، گؤزوم، جانیم، افندیم، سئودیگیم، دولتلی سلطانیم! دیر هر دم وفاسیز چرخ یاییندان منه بیر اوخ، کیمه شرح ائیله‌ییم کیم، محنت و اندوه و دردیم چوخ، سنه قالدی مروت، سندن اؤزگه هیچ کیمسه‌م یوخ، گؤزوم، جانیم، افندیم، سئودیگیم، دولتلی سلطانیم! گؤزومدن دم‌به‌دم باغریم ازیب ، یاشیم کیمی گئتمه! سنی ترک ائتمزم چون من، منی سن داهی ترک ائتمه! ایکن هم ظالم اولما ، من کیمی مظلومی اینجیتمه! گؤزوم، جانیم، افندیم، سئودیگیم، دولتلی سلطانیم! قاطی کؤنلون نه‌دن بو ظلمیله بیداده راغیب دیر، گؤزل‌لر نسبتی اولماز جفا، سندن نه واجب دیر؟ سنین تک نازنینه، نازنین ایشلر مناسب دیر، گؤزوم، جانیم، افندیم، سئودیگیم، دولتلی سلطانیم! نظر قیلمازسان اهل درد گؤزدن آخیدان سئیله، یامانلیق دیر ایشین ، عشاق ایله یاخشی دییر بؤیله؟ گل، الله-ی سئویرسن، عاشقه جور ائتمه، لطف ایله، گؤزوم، جانیم، افندیم، سئودیگیم، دولتلی سلطانیم! فضولی شیوۀ رفتارین ایستر، بیر گدایین دیر، دیریلدیکجه سگ کویین یولوندا خاک پایین دیر، گرک اؤلدور، گرک قوی، حکم ، حکمون رأی رأیین دیر، گؤزوم، جانیم، افندیم، سئودیگیم، دولتلی سلطانیم ✍ فضولی

اهل غم ياخجي بيلر، كي نئچه ساعت دي گئجه بي خيال اهلي اوچون گور نئجه راحت دي گئجه سنده بير من تكي دوش درده ،دوشون اسراري هامي ياتسين ،سن اويان گور نه قيامت دي گئجه گئجه گلديكجه سيزيلدار اوره يين ياره لري دئشيلر ياره لريم تیخا جراحت دي گئجه

╰─𝓮𝓲𝓵𝓼𝓾𝒛𝓲 ࿐ 🔹لینک کانال تورک موزیک در روبیکا https://rubika.ir/eilsuzi لینک کانال تورک موزیک در یوتیوب https://www.youtube.com/@eilsuzi لینک کانال تولد در روبیکا https://rubika.ir/eil_suzi سایت ائل سوزی http://www.eilsuzi.ir لینک صفحه ی اینستاگرام تورک موزیک https://instagram.com/eilsuzi با ائل سوزی در تمام شبکه های اجتماعی بروز باشید ࿐𖣘💜𖣘࿐ྀུ༅࿐

یوخدور نیگاریم سن گؤزللیقدا گؤزل بیر نوجوان یوخدور جهان دا جان آلان چؤخدور، سنین تک جان آلان یوخدور دئدین گللم، گئجیکدین، یاری جانیم قالدی یانیندا نه بیر یوللوق چیخیر جانیم، نه جان تک منده جان یوخدور سنه موشتاق اولان لار ، وفا دن دم وررور امما نه قدر مهریبان اولسا، منیم تک مهربیان اولان یوخدور منیم، مندن سوایی ، منلیگیمده بیر ده من واردیر او من سن سن ، سنه مندن آشینا یوخدور وفا درسینده من ، هر ماجرا دان آلمیشام اعلی محبت مکتبینده ، بوننان آغیر ، بیر ایمتیحان یوخدور سؤروشسا سید آغا ، یارین ، نئجه کئچیر حالی من سیز؟ مثل وار، سؤیلرسیز، اؤلموشم، بیر آغلیانیم یوخدور سید عظیم شیروانی

بیلمیرم ڪے ندن آشفتہ دے حالیم بو گئجه دولانیر هر طرفے مرغ خیالیم بو گئجه ائلہ بیل سینہ دہ بیر بندہ دوشن قوشدو ئورڪ چابالیر،باغلانیب آما پر و بالیم بو گئجه سازینان خلوت ائلردیم داریخاندا ئورگیم بیلمیرم هانسے سیاق دا سازے چالیم بو گئجه دنیزین موجے تڪ آرام و قراریم ڪسیلیب قویولوبدور ائلہ بیل ڪے اوتا نالیم بو گئجه داغے داشے دولانیب یورقون اولان اوچو ڪیمی گئدیب الدن دیہ سن نازلے مارالیم بو گئجه گئجہ نے بیر جور آچاردیق باشیمیزدان غمیلن بیلمیرم هاردا قالیب دیر اودا ظالیم بو گئجه قهوہ نے چالخالاییب فنجانا توڪدوڪجہ باخیب گورورم ڪے گئنہ خوش گلمہ دے فالیم بو گئجه بو سیاق دا ڪے بلالر توڪولوبدور باشیما قورخورام صبحہ ڪیمے قالمیا سالیم بو گئجه غزلے باشہ یتیردیڪ یرے وار ایندے گلیب گویلومو شاد ائلہ سین غملے غزالیم بو گئجه سالار تبریزی🌷🌸🌷

رَسسام , سئوگیلیمین رَسمینی گَل چَک سئوگیلیم گؤزلدير , سَن ده گؤزل چَک. نازینا چاتاندا فیرچادان اَل چَک ، قوی اونون نازینی من اؤزوم چَکیم. چَک اونون قارادان قارا تئلينى چَک , رَسسام چَک اونون اینجه بئلینی گؤزونه چاتاندا ساخلا اَلینی جان آلان گؤزونو مَن اؤزوم چَکیم . چَک تانری وئردييى گؤزل قولونو, چَک دؤرد بير يانينى , ساغى-سولونو, چَک اونون کئچدییی حَیات یولونو قوی آیاق ایزینی مَن اؤزوم چَکیم. ✍میکاییل_موشفیق👌

هایانداسان گونلر اؤتوب آیا دؤندو گؤز یاشلاریم چایا دؤندو ندن کؤنلون داشا دؤندو جانیم ـ گؤزوم هایانداسان گولر اوزلوم هایانداسان   بیر نغمه یه دؤندو سؤزوم سنه قوربان ایکی گؤزوم سنسیزلییه نئجه دؤزوم جانیم ـ گؤزوم هایانداسان گولر اوزلوم هایانداسان   یوللار سنسیز قالیبدی گل چن تبریزی آلیبدی گل منی درده سالیبدی گل جانیم ـ گؤزوم هایانداسان گولر اوزلوم هایانداسان ✍بابک قوجازاده👌