یوخدور نیگاریم سن گؤزللیقدا گؤزل بیر نوجوان یوخدور جهان دا جان آلان چؤخدور، سنین تک جان آلان یوخدور دئدین گللم، گئجیکدین، یاری جانیم قالدی یانیندا نه بیر یوللوق چیخیر جانیم، نه جان تک منده جان یوخدور سنه موشتاق اولان لار ، وفا دن دم وررور امما نه قدر مهریبان اولسا، منیم تک مهربیان اولان یوخدور منیم، مندن سوایی ، منلیگیمده بیر ده من واردیر او من سن سن ، سنه مندن آشینا یوخدور وفا درسینده من ، هر ماجرا دان آلمیشام اعلی محبت مکتبینده ، بوننان آغیر ، بیر ایمتیحان یوخدور سؤروشسا سید آغا ، یارین ، نئجه کئچیر حالی من سیز؟ مثل وار، سؤیلرسیز، اؤلموشم، بیر آغلیانیم یوخدور سید عظیم شیروانی

بیلمیرم ڪے ندن آشفتہ دے حالیم بو گئجه دولانیر هر طرفے مرغ خیالیم بو گئجه ائلہ بیل سینہ دہ بیر بندہ دوشن قوشدو ئورڪ چابالیر،باغلانیب آما پر و بالیم بو گئجه سازینان خلوت ائلردیم داریخاندا ئورگیم بیلمیرم هانسے سیاق دا سازے چالیم بو گئجه دنیزین موجے تڪ آرام و قراریم ڪسیلیب قویولوبدور ائلہ بیل ڪے اوتا نالیم بو گئجه داغے داشے دولانیب یورقون اولان اوچو ڪیمی گئدیب الدن دیہ سن نازلے مارالیم بو گئجه گئجہ نے بیر جور آچاردیق باشیمیزدان غمیلن بیلمیرم هاردا قالیب دیر اودا ظالیم بو گئجه قهوہ نے چالخالاییب فنجانا توڪدوڪجہ باخیب گورورم ڪے گئنہ خوش گلمہ دے فالیم بو گئجه بو سیاق دا ڪے بلالر توڪولوبدور باشیما قورخورام صبحہ ڪیمے قالمیا سالیم بو گئجه غزلے باشہ یتیردیڪ یرے وار ایندے گلیب گویلومو شاد ائلہ سین غملے غزالیم بو گئجه سالار تبریزی🌷🌸🌷

رَسسام , سئوگیلیمین رَسمینی گَل چَک سئوگیلیم گؤزلدير , سَن ده گؤزل چَک. نازینا چاتاندا فیرچادان اَل چَک ، قوی اونون نازینی من اؤزوم چَکیم. چَک اونون قارادان قارا تئلينى چَک , رَسسام چَک اونون اینجه بئلینی گؤزونه چاتاندا ساخلا اَلینی جان آلان گؤزونو مَن اؤزوم چَکیم . چَک تانری وئردييى گؤزل قولونو, چَک دؤرد بير يانينى , ساغى-سولونو, چَک اونون کئچدییی حَیات یولونو قوی آیاق ایزینی مَن اؤزوم چَکیم. ✍میکاییل_موشفیق👌

هایانداسان گونلر اؤتوب آیا دؤندو گؤز یاشلاریم چایا دؤندو ندن کؤنلون داشا دؤندو جانیم ـ گؤزوم هایانداسان گولر اوزلوم هایانداسان   بیر نغمه یه دؤندو سؤزوم سنه قوربان ایکی گؤزوم سنسیزلییه نئجه دؤزوم جانیم ـ گؤزوم هایانداسان گولر اوزلوم هایانداسان   یوللار سنسیز قالیبدی گل چن تبریزی آلیبدی گل منی درده سالیبدی گل جانیم ـ گؤزوم هایانداسان گولر اوزلوم هایانداسان ✍بابک قوجازاده👌

گَل اوتور اؤنومده و دوزون دانیش سئوگینی سن منه اؤیرتمه دین می؟ کدرسیز،گوناهسیز اوزوم وار ایدی مکتبین یولوندا ایزیم وار ایدی هله اویونجاقدا گؤزوم وار ایدی سئوگینی سن منه اؤیرتمه دین می؟ دوست،تانیش یانیندا دئییب گولوردوم آز قالا سئوینجدن،کئفدن اؤلوردوم سئوگینین دادینی من نه بیلیردیم؟! سئوگینی سن منه اؤیرتمه دین می؟ حیاتیم اَن گؤزل یاشیندا ایدی گنجلییین هاواسی باشیمدا ایدی هله گله جه ییم قارشیمدا ایدی سئوگینی سن منه اؤیرتمه دین می؟ سن یوخسان،بیر منم بیرده بو شهَر بوغور بوغازیمی بیر قورو سحر ایندی آل بوینونا باری بیر تهَر سئوگینی سن منه اؤیرتمه دین می؟ ✍توحید فرجی-ائلچی

بیر نفر مالیڪ اولوب قلبیمہ یاریمدے منیم ساخلارام خوش اونے چون دارو نداریمدے منیم. هر ڪس عالمدہ اولوب بیر گوزلین  محو رخی. مندہ اول ماہ رخین محوے نگاریمدے منیم حالیمے تڪجہ صفاسے او گولون خوش ائلیری باغ عمریمدہ دئسم دوزدے ڪے باریمدے منیم یوخدے تاثیرے طبیعت منہ قیش یا یاے اولا ئوز گولوم اولسا ڪناریمدا بهاریمدے منیم

کیمده واردیر گؤزلیم، سنده اولان جاذبه لر سنه دنیاده مگر، عاشق اولان دا، غم ائلر؟ بسدیر اولدورمه یه جکسن، گؤزلیم دنیانی هر اوزی گؤیچک اولاندا، بوقدر چم خم ائلر اینجیمه گؤزیاشیم، آخسا سنی گؤردوکده گولوم گول آچیل دیکده باهار فصلی بولود شبنم ائلر ناز و غمزه ن، یئریشین، شوخ باخئشین، عالم دیر بیرده زولفون اوزه توکسؤن اودا بیر عالم ائلر حیف سن، گزمه یاراشماز سنه بیگانه ایله او آچیب سرّینی دونیایه سنی، محرم ائلر «واحدم» عمریمی من عشقیله صرف ایله میشم عشق یا اؤلدورر آخر منی یا، آدم ائلر ✍🏻 علی آقا واحد

اوشودوم ها اوشودوم داغدان آلما داشیدیم آلماجیغیمی آلدیلار منی یولا سالدیلار من یولومنان بئزارام درین قویی قازارام درین قویی بئش گئچی هانی بونون اركجی؟ اركج قازاندا قینر قنبر بوجاخدا اوینار قنبر گئتدی اودونا قارقی باتدی بودونا قارقی دییر قمیشدی بئش بارماقیم گوموشدی گوموشی وئردیم تاتا تات منه داری وئردی دارینی سپدیم قوشا قوش منه قانات وئردی قاناتلاندیم اوچماغا حق قاپیسین آچماغا حق قاپیسی كلیددی كلید ده‌وه بوینوندا دوه شیروان یولوندا شیروان یولو بوز باغلار دوره سی یارپیز باغلار او یارپیزی اوزییدیم بویون باغی دوزیدیم قارداشیمین تویوندا بیرجه دابان سوزیدیم شیروان یولو سربسر ایچینده میمون گزر میمونون بالالاری منی گوردی آغلادی تومانینا قیغلادی تومانی بولوک بولوک آفتافا دلیک دلیک آفتافانی حخله دیخ حسن بیگه ساخلادیخ حسن بیین نیی وار طوله ده بیر آتی وار آتینا آرپا ایستر آرپانی کیمنر ساتار خان قیزی خاننار ساتار حسن بیین نیی وار یازی یازان اوغلو وار ایپک تیکن قیزی وار

بو دنیا نردبان دی قالخاندا مهربان دی اننده نه یامان دی گوروشدوک پله لرده یولون یاریسیندا بیز او قالخیردی بو دم ده من انیردیم خبرسیز اونو آرزیلارینا قالدیریردی نردوان منی خاطره لره اندیریردی بوزمان بیریمیز گون چیخانا بیریمیز گون باتانا قالخا بیلمزدیم داها نه او گوج ، نه او طاقت او دایانا بیلمزدی حاقلی حاخسیز وئرمیشدی اوز حکمونو طبیعت گرک یا دوشموییدی بو گوروش هئچ آرایا یا او اول گلیدی یا من سونرا دنیایا

نه گؤرور اهلِ جفا منده وفادان غیری؟! نه بولور شمع‌ یاخان کیمسه ضیادان غیری؟ ای اولان ساکنِ مسجد! نه بولوبسان، دئگیلن، بوریاسیندا اونون بویِ ریادان غیری؟! گل خراباتا، نظر ساقی‌یه قیل کیم، یوخدور رخِ صاف و میِ صافیندا صفادان غیری. سربه‌سر وادیِ محنت‌دیر و غم ملکِ وجود، بیر فراغت یئری یوخ، شهرِ فنادان غیری. جمله‌ی خلق منه یار اوچون اغیار اولدو، قالمادی کیمسه منه یار، خدادان غیری. عزمِ کویوندا کؤنول یارلیق ایستر بیزدن، الیمیزدن نه گلیر خیر دعادان غیری؟ فخر ایمیش فقر، «فضولی» شرفِ اهلِ وجود، اؤزونه ائیله‌مه همدم فقرادان غیری! ✍حکیم_ملامحمد_فضولی

گلنده صبح زامانی صداسی بولبولومون آلیر بو جانیمی شورو نواسی بولبولومون فداسیدیر اودا من تک گول اوزلو بیر گؤزلین بو خسته جانیم اولایدی فداسی بولبولومون بلایه صبر ائده بیلمیر، شکسته خاطیردیر نه وارسا، قوی منه گلسین بلاسی بولبولومون منیم کیمی اودا بیچاره دیر، فلکزه ده دیر نه وار طبیبی، نه درده دواسی بولبولومون همیشه کنجِ قفسده اسیرِ محنت دیر نه دیر ثبوت ائله ین، یوخ جزاسی بولبولومون محبت اهلی بلادان اؤلونجه قُورتارماز باشیندا چوخدور هله ماجراسی بولبولومون جمالِ یاره باخیب، واحد، هر سحر یالوار کی، مستجاب اولور هر بیر دعاسی بولبولومون ✍ واحد

فلک سنله دوز دولانا بیلمه رم منی دؤنوب-دؤنوب یارالاییبسان یوردومو بؤلدویون بس دئییل‌دی می؟! ایندی ده عشقیمی پارالاییبسان گؤرمه‌ییب کؤنلومون دردی سَرینی بیرده واراغلادین غم دفترینی بیر گؤزو یاشلینی،مئیلی بیرینی بختیمه چوخ گؤروب قارالاییبسان قاشلار قارا،کیرپیک‌لری اوخویدو گئندن باخیب به-به دئین چوخویدو دونیامی دار ایدی،یئریم یوخویدو داغلاری سینه‌م ده سیرالایبسان "مستان"او دیلبرین اینتظاری‌دی اودا هر قصدیمین اختیاری‌دی گَل کی کئچید باغلی یوللار آیری‌دی گؤر کیمی سن کیمدن آرالاییبسان؟! ✍مستان علی اوو