نه گؤرور اهلِ جفا منده وفادان غیری؟! نه بولور شمع‌ یاخان کیمسه ضیادان غیری؟ ای اولان ساکنِ مسجد! نه بولوبسان، دئگیلن، بوریاسیندا اونون بویِ ریادان غیری؟! گل خراباتا، نظر ساقی‌یه قیل کیم، یوخدور رخِ صاف و میِ صافیندا صفادان غیری. سربه‌سر وادیِ محنت‌دیر و غم ملکِ وجود، بیر فراغت یئری یوخ، شهرِ فنادان غیری. جمله‌ی خلق منه یار اوچون اغیار اولدو، قالمادی کیمسه منه یار، خدادان غیری. عزمِ کویوندا کؤنول یارلیق ایستر بیزدن، الیمیزدن نه گلیر خیر دعادان غیری؟ فخر ایمیش فقر، «فضولی» شرفِ اهلِ وجود، اؤزونه ائیله‌مه همدم فقرادان غیری! ✍حکیم_ملامحمد_فضولی

گلنده صبح زامانی صداسی بولبولومون آلیر بو جانیمی شورو نواسی بولبولومون فداسیدیر اودا من تک گول اوزلو بیر گؤزلین بو خسته جانیم اولایدی فداسی بولبولومون بلایه صبر ائده بیلمیر، شکسته خاطیردیر نه وارسا، قوی منه گلسین بلاسی بولبولومون منیم کیمی اودا بیچاره دیر، فلکزه ده دیر نه وار طبیبی، نه درده دواسی بولبولومون همیشه کنجِ قفسده اسیرِ محنت دیر نه دیر ثبوت ائله ین، یوخ جزاسی بولبولومون محبت اهلی بلادان اؤلونجه قُورتارماز باشیندا چوخدور هله ماجراسی بولبولومون جمالِ یاره باخیب، واحد، هر سحر یالوار کی، مستجاب اولور هر بیر دعاسی بولبولومون ✍ واحد

فلک سنله دوز دولانا بیلمه رم منی دؤنوب-دؤنوب یارالاییبسان یوردومو بؤلدویون بس دئییل‌دی می؟! ایندی ده عشقیمی پارالاییبسان گؤرمه‌ییب کؤنلومون دردی سَرینی بیرده واراغلادین غم دفترینی بیر گؤزو یاشلینی،مئیلی بیرینی بختیمه چوخ گؤروب قارالاییبسان قاشلار قارا،کیرپیک‌لری اوخویدو گئندن باخیب به-به دئین چوخویدو دونیامی دار ایدی،یئریم یوخویدو داغلاری سینه‌م ده سیرالایبسان "مستان"او دیلبرین اینتظاری‌دی اودا هر قصدیمین اختیاری‌دی گَل کی کئچید باغلی یوللار آیری‌دی گؤر کیمی سن کیمدن آرالاییبسان؟! ✍مستان علی اوو

لال منی سحر سحر یول اوستونده ناغافیل، بیر آلا گؤز مارال ائتدی آل منی آتدی یانا یاناغیننان اؤرپه‌یین سیر ائله‌دی آغ اوزونده خال منی یاز گولو تک شافاقلاندی اوزوموز قلبیمیزده عصیان ائتدی سؤزوموز بیر بیریلن دانیشیردی گؤزوموز باخیشیننان قاندیم دئییر: آل منی! دئدیم: دیل آچ گؤزونده‌کین دیلده ده! بم‌ده دئمه، هارای چکیب زیلده ده! گل دولاناق ائل آراسین ائلده ده! مست ائله‌سین دوداغیندا بال منی بیردن بیره اؤرپه‌یینی باغلادی مکتوب یازیب وئردی منه آغلادی آیریلمازین اوره‌یینی داغلادی گؤردوم یازیب حق یارادیب لال منی ✍ آیریلماز

بالا زری خانم الده تاپانجا بالا زر خانیم گللم دالینجا بالا زر خانیم منیم اولونجا بالا زر خانیم آغا مالی چرقت بالا زر خانیم ائو اولدی خلوت بالا زر خانیم شلتنی ترپت بالا زر خانیم الده تاپانجا بالا زر خانیم گللم دالینجا بالا زر خانیم منیم اولونجا بالا زر خانیم شلته گئیب سن بالا زر خانیم یولدان ائدیر سن بالا زر خانیم دوزون دئمیر سن بالا زر خانیم الده تاپانجا بالا زر خانیم گللم دالینجا بالا زر خانیم منیم اولونجا بالا زر خانیم پتک ده آری بالا زر خانیم ایچینده بالی بالا زر خانیم گل منه ساری بالا زر خانیم الده تاپانجا بالا زر خانیم گللم دالینجا بالا زر خانیم منیم اولونجا بالا زر خانیم ائو اولدی خلوت بالا زر خانیم شئیطانا لهنت بالا زر خانیم شلته نی ترپت بالا زر خانیم

دئيين دوسداخلارى بوراخاجاخلار قوى غم بوزارتماسين اوزون آنامين دئيين قيريلاجاخ ظلمون زنجيری بير تهر باشينى يوزون آنامين طالعی شیل شکست فکری چاغ اولدوم سئوینجی بیر ذره دردی داغ اولدوم گاه عسگر گاه خسته گاه دوسداغ اولدوم قویمادیم قورویا گوزون آنامین بير دريا واريميش قاشیمین آتدا زهر گيزله نيلميش آشیمین آتدا ياسديخ داشا دونوب باشيمين آتدا بوردا هاردان آليم ديزين آنامين تالانان عوموردو گوندو نیلییم عشقیمین تکری دوندی نیلییم سوونجو فغانا دوندی نیلییم صحبتی نغمه دن حزین آنامین شجاعت ائتديلر تالان عومرومو کور اولسون داشلارا چالان عومرومو تالانان تالاندى قالان عومرومو عومرونون اوجونه يازين آنامين ✍ شجاعت

بو نه نی سسی دی نه کامان سسی هجرانین هارایی هایی دی داغلار بیر سویوق اورکده بیر یاد قاپیدا بو گون سئوگولومون تویو دو داغلار مکتوبلار شکیل لر گوزه درد اولوب عهدیمیز عشقیمیز بیزه درد اولوب کهنه خاطره لر تزه درد اولوب آرزوم اورییمده اویودو داغلار شجاعت دییلم کول اولموشام کول دردینه شریکم آی ساری بلبل سولدو چمن سولدو چیچک سولدو گل تورپاخ دا گونش ده سویودو داغلار ✍ شجاعت

دوغولاندا الله بیزه دییب کی سونراکی حالینا ایندی دن آغلا بو شیرین حیاتین سونو زهردی قورخانا قالینا ایندی دن آغلا سن اوشودون دومانا نه چنه نه سن اود توتدون اود الین گونه نه قیفیللی دیلینه داغلی سینه نه قانداللی قولونا ایندی دن آغلا باخما تانیشیندا دوستون دا چوخدی کیمین نه وجینه کیم سنی ییخدی بودوره سن باخارسان بیرجه سی یوخدی ساغینا سولونا ایندی دن آغلا عنوانین ایته جک ایزین ایته جک آدین ایته جک اوجاغین ایته جک اودون ایته جک یاخینین ایته جک یادین ایته جک اوبانا ائلینه ایندی دن آغلا دنیادا گوزلدی دئمیرم ال چک آنجاغ عمللرین دوی شجاعت تک اودلاردان کئچه جک داشدان دوشه جک هیسینه یولونا ایندی دن آغلا ✍شجاعت احمدلی

سن اولماسان، گؤزه‌لیم، گولوستانہ باخماز ایدیم چمن چیچڪلرینہ عاشیقانہ باخماز ایدیم اسیرِ زولفون اگر اولماسایدیم عالمده جمالینا بو قدر عاجیزانہ باخمازایدیم منیملہ اولسا ایدین بیر دقیقہ عؤمرومده جاهان بوتون گؤزل اولسا، جاهانہ باخمازایدیم منے فراغین اودو یاخماسایدے شمع ڪیمی گؤرندہ گول اوزونو یانه-یانہ باخماز ایدیم فراغینا دؤزہ بیلسه‌یدے قان اولان ڪؤنلوم یولوندا چڪدیییم آہ و فغانہ باخماز ایدیم او گول جمالینا من عاشیق اولماسایدیم اگر فغانِ بولبولہ چوخ محرمانہ با خماز ایدیم نزاڪت اولماسا ،واحید، طبیعتیمدہ منیم او قارا گؤزلرہ من شاعیرانہ باخماز ایدیم . ✍ واحد

گرک بوایل گئدم داغدا دینجلم چمن چیچک چول یادیما دوشوبدو دربند یوردو ممد اولن سؤيودلوخ نوروز دوشن گؤل یادیما دوشوبدو آی وورولموش او دره دن بیله چیخ نه گزیر سن اياخ یالین باش آچیخ آنام منی چاغیردیغی آلا چیخ سیللی لیین أل یادیما دوشوبدو آی شجاعت گئج آنیلماز یارانان الهی دن گوزل گویچه یارانان سحر سحر بولاغ اوسته دارانان بیر عطیرلی تل یادیما دوشوبدو ✍🏻 شجاعت

ارزرومون گه دیگینه واراندا اوندا گؤردوم برم برم قار گلیر. دئدیم: کرم، گل قاییداخ بو یولدان گؤردوم خان اوغلودو، اونا آر گلیر دومان، چیسکین هر طرفی بورویوب بدنیمده جیسمی-جانیم اریگیب دئدیم: کرم، کیم بو یولدا یاریییب؟ گؤردوم کی، گئن دونیا بونا دار گلیر من له له یم ، نئیله میشم، نئیلرم... درد الیندن قارا باغریم تئیلرم لوغمان یوخدو، دردیم کیمه سؤیلرم هاییف، ترلان اویلاغینا سار گلیر انوتما سوگولوم ، منه آیریلیخ اولمنن بترمیش اولومه نه وارکی سن دئدین آیریلاخ دیلیم هه دیدی آغریان اورک دی دیله نه وارکی سیویرم دییدین کاش ساغ اولاندا قبریمین اوستونه گلمه نه وارکی ✍ اصلی کرم

گَل سئوگیلے اولمایاق بوتون گون دانیشاق هَر آن بیر-بیریمیز اوچون داریخاق آمما سئوگیلے اولمایاق. بیر-بیریمیزین ایشینہ قاریشاق قیسقاناق، داعوا ائدڪ. ڪوسڪ ،باریشاق آمما سئوگیلے اولمایاق. گَله‌جڪلے باغلے خَیاللار قوراق ساعاتلارلا تئلئفوندا دانیشاق ڪوچه‌لردہ اَل-اَلہ گَزَڪ آمما ،سئوگیلے اولمایاق بیز. سَن باشقا اوغلانلارا، مَن دہ باشقا قیزلارلا دانیشمایاق. تَڪ بیز اولاق آمما سئوگیلے اولمایاق. باخ سئوگیلی‌لر تئز آیریلیرلار سئوگیلر تئز بیتیر. سَن گئتمه، مَنیم اول، آمما سئوگیلیم اولما. سئوگیلی‌لر تئز آیریلیر🥀 ‌ ✍ نۆصرت ڪسه‌منلی