بسدیر عاشیق کرم دییب آز آغلا کرم ائله یانمالیدی یاندی دا اوز اودونون ایشیغیننان قاماشان گوزونه قان دولمالیدی دولدی دا فلک هاردان هارا سالدی قانمادی درد اوریه یارا سالدی قانمادی داغ بورانا قارا سالدی قانمادی او داغلاردا دونمالیدی دوندی دا یاددان چیخدی اوز خان کوکی خان اصلی بیر کنیزه آد دا قویدی خان اصلی باخ بو گونه سالمادی می بو نسلی نامرد اوغلو سینمالیدی سیندی دا کرم ایله یانمالیدی یاندی دا اوز ائلینی اوباسینی اونودان آتاسینی باباسینی اونودان بیر آتچینین اتینن بت توتان یادی ملک سانمالیدی ساندی دا کرم ائله یانمالیدی یاندی دا گور بیر کیمه ساز گوتوردی الینه گور بیر کیمین اویدی شیرین دیلینه آذربایجان گوزلینی داندی دا کرم ائله یانمالیدی یاندی دا بسدی عاشیق عقلیمیزی آلدیغین عقلیمیزی داغا داشا سالدیغین والله سنی آغلادیر اوز چالدیغین کیملر نه ایی قانمالیدی قاندی دا کرم ائله یانمالیدی یاندی دا ✍ اصلی کرم

گلدیم گوردوم پریم کوچوب یوردون دان یایلاق یئری چمن اولموش آی اولموش ایندن بئله جان ساغلیغین نئیلرم؟ هر نه اولموش منه، اولموش آی اولموش یئنه آرتدی من فقیرین المی چرخی فلک ترسه چکدی قلمی گؤز یاشیملا غرق ایلرم عالمی قطره سولار عمان اولموش آی اولموش مجلیسیمه صوراحی لر دوزولدو عینیم یاشی چشمه کیمی سوزولدو آغلا عاباس الین یاردان اوزولدو بوگون آخیر زامان اولموش آی اولموش. @eilsuzi

منه سئوینجدن دانیش! آی آشیق نئینیرم هیجرانی، غمی؟! منه سئوینج‌دن، ووصالدان دانیش! نئینیرم حسرتی، نئینیرم بمی؟! هارای چک، زیل اوخو، کامالدان دانیش! سؤیله بو دونیانین نئچه‌دیر یاشی؟ سؤیله بو ازویون نئچه‌دیر قاشی؟ سؤیله خومار گؤزدن آخماسین یاشی! او داغلار گؤزلی، مارالدان دانیش! حیات یاشاماقدی، اؤلمکدن دئمه! کول اولوب کؤز اولوب سؤنمکدن دئمه! عهدینی باغلاییب دؤنمکدن دئمه! عشقدن، سئوگیدن، خیالدان دانیش! منه خزلدن یوخ، چیچکدن اوخو! آرخامدا حاقّ آدلی کؤمکدن اوخو! آنام بیشیردیگی چؤرکدن اوخو! آتامین قازانجی حالالدان دانیش! منی کئچمیشیمه قایتاران آشیق! منه بابالاردان پای قالان آشیق! اوتوروب ذیروه‌ده ساز چالان آشیق! سن ائلدن، اوبادان، ماحالدان دانیش! سنه سوز وئرمیشم، آی گوزل صنم! ظنّ ائتمه سوز وئریب سوزومدن دؤنم شاعیرلر ایچینده «خسرو خان» منم دوداقدان، یاناقدان، جامالدان دانیش...! ✍ خسرو سرتیپی

ائل سوزی ( eilsuzi ) "ائل سوزی"، پلتفرمی است که ریشه در عشق به فرهنگ تورکی دارد و توسط عارف بخشی با هدف حفظ و احیای ادبیات غنی تورکی راه‌اندازی شده است. این وبلاگ مکانی است که اشعار، نوشته‌ها، و مفاهیم فرهنگی با دقت و علاقه‌ای بی‌پایان گردآوری و به اشتراک گذاشته می‌شوند. "ائل سوزی" تنها یک سایت یا وبلاگ نیست؛ بلکه سفری است به قلب میراث تورکی، جایی که واژه‌ها قدرت زنده نگه داشتن هویت و افتخار یک ملت را دارند. اگر به دنبال کشف زیبایی‌های ادبیات و موسیقی تورکی هستید یا می‌خواهید از اشعار و آثار معاصر این زبان پرگوهر لذت ببرید، "ائل سوزی" همان مقصد شماست. http://www.eilsuzi.ir

بیر سونا ساللانیب چیخدی خانه دن سوزموش اویلاقینا گلدی قاییتدی آختاردی صیادین تاپا بیلمه دی گوردوم کی پشیمان اولدی قاییتدی بیلدیم بو گلمه یین غیر قصدی وار بزه یی توزیی ذوقی شستی وار آنلادیم دلبرین غیر دوستی وار عارف علمینن بیلدی قاییتدی دوستومو نفسیمه ساتا بیلمرم بو گلن جیرانی توتا بیلمرم بو گئجه صبحه تک یاتا بیلمرم یاد اوچودان اوخون آلدی قاییتدی آغ بدن آغ لباس بیر مه جمال دی پری دی حوری دی ملک مثال دی گورن کیمی رنگی روفوم سارالدی چنگلین حسینه چالدی قاییتدی

من سئويم، سن سئومه، قوی بئله اولسون، سنه سئو دئمه‌یه نه جوراتیم وار؟ اورك اؤزونوندور اؤزون بیلرسن، منیم‌سه عهديمده صداقتیم وار

╰─𝓮𝓲𝓵𝓼𝓾𝒛𝓲 ࿐ 🔹 کانال موزیک تورکی ائل سوزی در روبیکا https://rubika.ir/eilsuzi کانال ائل سوزی در یوتیوب https://www.youtube.com/@eilsuzi کانال تولد ائل سوزی در روبیکا https://rubika.ir/eil_suzi سایت ائل سوزی http://www.eilsuzi.ir صفحه ی اینستاگرام ائل سوزی https://instagram.com/eilsuzi کانال تلگرام ائل سوزی https://t.me/eilsuzi با ائل سوزی در تمام شبکه های اجتماعی بروز باشید ࿐𖣘💜𖣘࿐ྀུ༅࿐

اله چالما سگاهینی آی آشیق، آماندیر بارماقین تلی یاندیرار. بارماخلارین توخوناندا مضرابا ئود دوشر داغلارا سئلی یاندیرار. ناله چکیب کرم یانار الینده، سوندور قویما ذیل دن بمه اننده، هوش آپاریب اوره گ جوشه گلنده، دوداخ کوله دونر دیلی یاندیرا، اصلی سینه سویله کرم دردینی، یازسین اوره گینه هربیر بندینی، دئمه شاعر آشیب داشیب حددینی، آچیلسا دویمه لر الی یاندیرار

چال عاشیق یانا یانا ، چالدی ، یانیق کرمین یامان سالدین اوره ییمه خال عاشیق ائله بیلدیم ایندی اولوب زیاد خان آغرین آلیم اونو بیرده چال عاشیق بو ناله نین آهی ندیر ، اُؤنو نه؟ له له گلدی گؤزلریمین اؤنونه اؤزوم دوشدوم خان کرمین گونونه اصلی سالدی سینم اوستدن یول عاشیق آخشام - سحر شِئه دوشه لی قوینونا دلی داغین گؤی مِئشه لی قوینونا گول چیچک لی - بنؤشه لی قوینونا "بهمن" گئدیر سن سالامات قال عاشیق. بهمن وطن اوغلو

توتوشدو غم اودونا شاد گؤردویون کؤنلوم مقید اولدو اول آزاد گؤردویون کؤنلوم دیار هیجرده سئیل ستمدن اولدو خراب فضای عشقده آباد گؤردویون کؤنلوم نه گؤردو باده ده بیلمن کی اولدو باده پرست مرید مشرب زوهاد گؤردویون کؤنلوم فراقین اودونو گؤردوکده موم تک اریدی ثبات و صبرده فولاد گؤردویون کؤنلوم گتیردی عجز گؤرون عشق مشکیل اولدوغونو قامی هنرلره اوستاد گؤردویون کؤنلوم دگیلدی بؤیله دمینده بیر اهل عشرت ایدی بو قانلار ایچمگه معتاد گؤردویون کؤنلوم فضولی! ائیله دی آهنگ عئیشخانه ی روم اسیر محنت بغداد گؤردویون کؤنلوم ✍🏼 حکیم فضولی

" قوجالمیشام " ای دوست سوروشورسان آغاريب باشيم، قوي دئییم سببین یاز قوجالمیشام! داغ دا أرييه ر دي من چكن درددن_ من هله دؤزموشم آز قوجالميشام! صنعت باغچاسيندا بارسيز دئییلم، سینم خزینه دیر وارسیز دئییلم، طعنه سؤز گؤتورن عارسيز دئییلم، سالیب اوره ییمه تئز قوجالمیشام! یاپالاق کور باخیر قیزیل چلنگه، جاناوار لاغ إدير آريخ نهنگه، تولكو شيره گولور ، چاققال پلنگه_ سار ساتير ترلانا ناز قوجالميشام! إئله گتیریر کی دونیانین ایشی، نامرده أييلير ، أييلمز كيشي، زامانين ساغ اولو دونيا گرديشي_ باغلاييب سينمه بوز قوجالميشام! "نجفم " أليمه دوشه جوانليق، قاتيب قوجاليقا إئدم یاوانلیق، گناهكار فلک دیر، اودیر دیوانلیق_ بوکوب أته ييمه بئز قوجالمیشام... ✍ عاشیق نجف

یئنه بو شهرده اوز_اوزه گلدیک نئیله یک، آیریجا شهریمیز یوخ. بلکه ده بیز خوشبخت اولا بیلردیک؛ بلکه ده خوشبختیک، خبریمیز یوخ. آرادان نه قدر ایل كئچیب گؤرن تانییا بیلمه دیم ، منی باغیشلا من ائله بیلیردیم ، سنسیز اؤله رم من سنسیز اؤلمه دیم ، منی باغیشلا « اؤلمه دیم » دئییرم ، نه بیلیم آخی! بلكه ده من سنسیز اؤلموشم ائله. قبیر سیز، كفن سیز اؤلموشم ائله . بلكه ده بیز اوندا آیریلماسایدیق، نه من ایندیكییدیم، نه سن ایندیكی  آیریلدیق ، شیطانی گولدوردوك اوندا بو ایلین، بو آیین، بو گونونده كی _ ائله بو كوچه نین بو تینینده كی _ منی ده، سنی ده اؤلدوردوك اوندا .  ساغیمیز–سولوموز آداملا دولو ، قول–قولا كیشیلر، قادینلار كئچیر . اؤزوندن خبرسیز عؤمرونده مین یول ، اؤزونو اؤلدورن آداملار كئچیر. ✍🏻 رامیز روشن