چال عاشیق یانا یانا ، چالدی ، یانیق کرمین یامان سالدین اوره ییمه خال عاشیق ائله بیلدیم ایندی اولوب زیاد خان آغرین آلیم اونو بیرده چال عاشیق بو ناله نین آهی ندیر ، اُؤنو نه؟ له له گلدی گؤزلریمین اؤنونه اؤزوم دوشدوم خان کرمین گونونه اصلی سالدی سینم اوستدن یول عاشیق آخشام - سحر شِئه دوشه لی قوینونا دلی داغین گؤی مِئشه لی قوینونا گول چیچک لی - بنؤشه لی قوینونا "بهمن" گئدیر سن سالامات قال عاشیق. بهمن وطن اوغلو

توتوشدو غم اودونا شاد گؤردویون کؤنلوم مقید اولدو اول آزاد گؤردویون کؤنلوم دیار هیجرده سئیل ستمدن اولدو خراب فضای عشقده آباد گؤردویون کؤنلوم نه گؤردو باده ده بیلمن کی اولدو باده پرست مرید مشرب زوهاد گؤردویون کؤنلوم فراقین اودونو گؤردوکده موم تک اریدی ثبات و صبرده فولاد گؤردویون کؤنلوم گتیردی عجز گؤرون عشق مشکیل اولدوغونو قامی هنرلره اوستاد گؤردویون کؤنلوم دگیلدی بؤیله دمینده بیر اهل عشرت ایدی بو قانلار ایچمگه معتاد گؤردویون کؤنلوم فضولی! ائیله دی آهنگ عئیشخانه ی روم اسیر محنت بغداد گؤردویون کؤنلوم ✍🏼 حکیم فضولی

" قوجالمیشام " ای دوست سوروشورسان آغاريب باشيم، قوي دئییم سببین یاز قوجالمیشام! داغ دا أرييه ر دي من چكن درددن_ من هله دؤزموشم آز قوجالميشام! صنعت باغچاسيندا بارسيز دئییلم، سینم خزینه دیر وارسیز دئییلم، طعنه سؤز گؤتورن عارسيز دئییلم، سالیب اوره ییمه تئز قوجالمیشام! یاپالاق کور باخیر قیزیل چلنگه، جاناوار لاغ إدير آريخ نهنگه، تولكو شيره گولور ، چاققال پلنگه_ سار ساتير ترلانا ناز قوجالميشام! إئله گتیریر کی دونیانین ایشی، نامرده أييلير ، أييلمز كيشي، زامانين ساغ اولو دونيا گرديشي_ باغلاييب سينمه بوز قوجالميشام! "نجفم " أليمه دوشه جوانليق، قاتيب قوجاليقا إئدم یاوانلیق، گناهكار فلک دیر، اودیر دیوانلیق_ بوکوب أته ييمه بئز قوجالمیشام... ✍ عاشیق نجف

یئنه بو شهرده اوز_اوزه گلدیک نئیله یک، آیریجا شهریمیز یوخ. بلکه ده بیز خوشبخت اولا بیلردیک؛ بلکه ده خوشبختیک، خبریمیز یوخ. آرادان نه قدر ایل كئچیب گؤرن تانییا بیلمه دیم ، منی باغیشلا من ائله بیلیردیم ، سنسیز اؤله رم من سنسیز اؤلمه دیم ، منی باغیشلا « اؤلمه دیم » دئییرم ، نه بیلیم آخی! بلكه ده من سنسیز اؤلموشم ائله. قبیر سیز، كفن سیز اؤلموشم ائله . بلكه ده بیز اوندا آیریلماسایدیق، نه من ایندیكییدیم، نه سن ایندیكی  آیریلدیق ، شیطانی گولدوردوك اوندا بو ایلین، بو آیین، بو گونونده كی _ ائله بو كوچه نین بو تینینده كی _ منی ده، سنی ده اؤلدوردوك اوندا .  ساغیمیز–سولوموز آداملا دولو ، قول–قولا كیشیلر، قادینلار كئچیر . اؤزوندن خبرسیز عؤمرونده مین یول ، اؤزونو اؤلدورن آداملار كئچیر. ✍🏻 رامیز روشن

بو دونیادان دویماق اولمور، ایلاهی، آمان آللاه، دونیا نئجه شیریندی فصیل گؤزل، هفته گؤزل، آی گؤزل، آمان آللاه، دونیا نئجه شیریندی. کیم بختیندن، طالعیندن یاریدی، کیمین بختی آخیراجان ساریدی. دونیا چیچک، اینسان اوغلو آریدی، آمان آللاه، دونیا نئجه شیریندی. گؤیلره باخ، گؤیو گونلو یاغیشلی، یئرلره باخ، یئری گوللو، ناخیشلی. گؤزللری تولک طرلان باخیشلی، آمان آللاه، دونیا نئجه شیریندی. باخماق اوچون بره‌سی وار، بندی وار، گزمک اوچون شهری وار، کندی وار. شکری وار، پته یی وار، قندی وار، آمان آللاه، دونیا نئجه شیریندی. سسلی گلن سس سیز اؤلمک ایسته‌میر، هئچ بیر جانلی اؤلوب ایتمک ایسته‌میر. هاممی گلیر، گلن گئتمک ایسته‌میر، آمان آللاه، دونیا نئجه شیریندی. ✍ زلیمخان یعقوب

داش اورکلرده یانیب، داشلاری سیندیردی موغام حققه دوشمن اولانی، حققه تاپیندیردی موغام نه گومان ایله‌میسن، اونداکی طیلسیملری سن «کوری آهیلا قوروتدو»، «سالی یاندردی» موغام اونون هر گوشه سی بیر خاطره، بیر جانلی کتاب کئچیلن یوللاری هر دن بیزه آندیری موغام سو چیلر کینلی اورکلرده قضب تونقالینا نئجه قصدین اونونو کسدی، دایاندیری موغام او – اورک یانغیسی، گؤز یاشلاری، بیر چنگه بولود اویادیب یادداشی، وجدانی اوتاندیری موغام دفن ائدین سیز منه زابل سگاهین مایه‌سینه دئیرم، بَلکه منی بیر گون اویاندیری موغام چوخ کتابلار اوخودوم، ظن ائله دیم بختیارام منه چوخ مطلبی آهسته‌جه قاندیری موغام ✍ بختیار وهابزاده

گولشَنده ایدیم سَیرده بیر یار ایدی، بیر من، بیر بولبول ایدی، بیر دَ چَمَـنزار ایدی، بیر من هَر عاشیق اوز ایستَکلَسی عشقینده یانیر‌دی، پَروانه ایدی، شَمی‌شَبی‌تار ایدی، بیر من. بولبول گوله، گول بولبوله مین ناز ائله‌ییردی، بیر کَس یوخ ایدی، اول گولی‌بیخار ایدی، بیر من گؤیلَر دَه حَسَدَدن بیزَه باخدیقجا یانیر‌دی، دؤورَمدَه گَزَن ثابِت‌و‌سَییار ایدی بیر من. گؤرسَید‌ی، رَقیبیم گؤزۆ قَمدَن چیخاجَقدی، مَن مَست ایدیم، اول گؤزلَری خومار ایدی، بیر من. بیر چَشمه کِناری‌یدی، قَدَه لاله تَک اَلدَه جانان اوزۆ ساقی، مَیی‌گولنار ایدی، بیر من. اوز سِرّیمی اَیغیارَه نَه یَخشی دَمَمیش‌دیم، دوشدو اِلَه بیر یِرده کی، اَیغیار ایدی، بیر من واحید، یانیرام خاطیره گَلدیقجا بو عالَم گولشَنده ایدیم سَیرده، بیر یار ایدی، بیر من. ✍🏻 واحد

گَل، عناد ائتمه بویله، سویملی دیلبَرِیم یوللاری نی گوزلَییر، اینتیظار گوزلَریم گَل، گَل، قادان، بَلان من آلیم یار سَنسیز گولمَز عشقیم، آمالیم یار گَل، یادا سالما دیلدار، ای وفادار اولوب کئچَن‌لَری، هر نَدی قَلبینه دَیمیشَم یار، بیلیرم یار بیلیرم، هر گوناه منده‌دیر قَلبیم، گوزوم یار، ینَه سنده‌دیر لایلاسی نی دینلَه، گَل سولارین، سویگیلیم سیرینه چیخاق بیرگه، باهارین، سویگیلیم ✍🏻 اسلام رضایف

دلبــــــــــــــرا من سندن آیری; تنده جانی نیلرم تخت وتاجــــی،ملک ومالـــــی،خانمانی نیلرم ایستــــرم وصل جمالیــــن تا قیــــــلام درده دوا من سنیـــن بیمارینــــــام اوزگه دوانــــی نیلرم ای مسلمانلار بیلینکی یاریلـن خوشدور جهان چونکی یاردان آیری دوشدوم من جهانی نیلرم چوخ دعالار قیلمیشام من خالقیــــن درگاهینا چون مرادیم حاصل اولماز، من دعــــانی نیلرم دلبـــر آیدیــــــر ای نسیمی صابر اول اتمه فغان من بوگون صبر ایلســــــم داد و فغانــــی نیلرم ✍ نسیمی

مجنون تک آواره یئنه یارب نه غمگین دیرمنیم بو شاد اولان کونلوم رموز عشقدن آگاه اولوب اوستاد اولان کونلوم گوروبدور یاری اغیاره اولوبدور محو نظّاره ائدیبدیر سینه سین پاره،منیم آباد اولان کونلوم نییه پیمانه دن کئچدین،نییه زنجیردن قاچدین ندن دیر چوللره دوشدون،منیم برباد اولان کونلوم فراغین روز محشردیر،سراسر محنت و غمدیر او زولفون کیمی درهم دیر،منیم آزاد اولان کونلوم باخین بو ناتوان زاره،گونو بختی کیمی قاره گزر مجنون تک آواره،منیم ناشاد اولان کونلوم ✍ خورشید بانو ناتوان

عوض ائله فصیل‌لردن بیرینی، ایلده بیرجه دفعه سن ده قاییت گل! باهار اول، پاییز اول، نه اولورسان اول، ایلده بیرجه دفعه سن ده قاییت گل! قوربانام سنینله قیش گلن گونه، قار، یاغیش عؤمرومه خوش گلن گونه. قوشول یاشیم اوسته یاش گلن گونه، ایلده بیرجه دفعه سن ده قاییت گل! یئنه ده بیر داغین اتک یئرینده، سنی گؤزله‌ییرم چیچک یئرینده. گیزلن بیر چیچه‌یین لچک یئرینده، ایلده بیرجه دفعه سن ده قاییت گل! دردینی سینه‌مده بیتیرن گون‌تک، سنی گؤزلریمدن ایتیرن گون‌تک، ائله گئدیشینی گتیرن گون‌تک، ایلده بیرجه دفعه سن ده قاییت گل! قاییت کی، عؤمرومده توی بایرام اولسون، گلدییین او هفته، آی بایرام اولسون، منه ده بیر دفعه قوی بایرام اولسون، ایلده بیرجه دفعه سن ده قاییت گل! «والئه»ام، گئتدییین فصیل ده گلیر، دونیایا بیر یئنی نسیل ده گلیر، وطنسیز عؤمرومه بیر ایل ده گلیر، ایلده بیرجه دفعه سن ده قاییت گل!... ✍ والح قوجا

دئمه دیم دردیمی جانـانـا، یـادیمـدان چیخـدی گؤردوم اؤز یاریمی، بیگانه یـادیمـدان چیخـدی بولبـولـه گـول نـه جفـا ائیلـه دیگیـن بیلـدیـردیـم یاندی جانیم، یئنـه پـروانـه یـادیمـدان چیخـدی دئیه جکدیم او قـارا زولفـه، نـه دردیـم وارایـدی الدو کؤنلوم ده لی، دیـوانـه یـادیمـدان چیخـدی وصلینه مایـل اولان گـونلـری بیـرـ بیـر سـایـدیـم یاندیغیم آتـش هیجـرانـه، یـادیمـدان چیخـدی زولف الیندن نـه بـلا چکـدیگیمـی بیلـدیـردیـم نه قدر فکر ائله دیم، شـانـه یـادیمـدان چیخـدی مئی ایچرکن منی بیر لطف ایله دیندیردی او گول مست اولانلار کیمی پیمانه یـادیمـدان چیخـدی بلکه، واحد، دئییم اول شوخه، اینانسین سؤزومه آند ایچیم سئوگییه، وجدانه یادیمـدان چیخـدی ✍ واحد